| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੮. ਅਟ੍ਠਮવਗ੍ਗੋ
8. Aṭṭhamavaggo
(੭੭) ੫. ਰੂਪਧਾਤੁਕਥਾ
(77) 5. Rūpadhātukathā
੫੧੫. ਰੂਪਿਨੋ ਧਮ੍ਮਾ ਰੂਪਧਾਤੂਤਿ? ਆਮਨ੍ਤਾ। ਰੂਪਂ ਭવੋ ਗਤਿ ਸਤ੍ਤਾવਾਸੋ ਸਂਸਾਰੋ ਯੋਨਿ વਿਞ੍ਞਾਣਟ੍ਠਿਤਿ ਅਤ੍ਤਭਾવਪਟਿਲਾਭੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਰੂਪੂਪਗਂ ਕਮ੍ਮਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਰੂਪੂਪਗਾ ਸਤ੍ਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚવਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪੇ ਅਤ੍ਥਿ ਰੂਪਂ વੇਦਨਾ ਸਞ੍ਞਾ ਸਙ੍ਖਾਰਾ વਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪਂ ਪਞ੍ਚવੋਕਾਰਭવੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
515. Rūpino dhammā rūpadhātūti? Āmantā. Rūpaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti? Na hevaṃ vattabbe…pe… atthi rūpūpagaṃ kammanti? Na hevaṃ vattabbe…pe… atthi rūpūpagā sattāti? Na hevaṃ vattabbe…pe… rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpaṃ pañcavokārabhavoti? Na hevaṃ vattabbe…pe….
ਰੂਪਧਾਤੁ ਭવੋ ਗਤਿ…ਪੇ॰… ਅਤ੍ਤਭਾવਪਟਿਲਾਭੋਤਿ? ਆਮਨ੍ਤਾ। ਰੂਪਂ ਭવੋ ਗਤਿ…ਪੇ॰… ਅਤ੍ਤਭਾવਪਟਿਲਾਭੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਰੂਪਧਾਤੂਪਗਂ ਕਮ੍ਮਨ੍ਤਿ? ਆਮਨ੍ਤਾ। ਅਤ੍ਥਿ ਰੂਪੂਪਗਂ ਕਮ੍ਮਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਰੂਪਧਾਤੂਪਗਾ ਸਤ੍ਤਾਤਿ? ਆਮਨ੍ਤਾ। ਅਤ੍ਥਿ ਰੂਪੂਪਗਾ ਸਤ੍ਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Rūpadhātu bhavo gati…pe… attabhāvapaṭilābhoti? Āmantā. Rūpaṃ bhavo gati…pe… attabhāvapaṭilābhoti? Na hevaṃ vattabbe…pe… atthi rūpadhātūpagaṃ kammanti? Āmantā. Atthi rūpūpagaṃ kammanti? Na hevaṃ vattabbe…pe… atthi rūpadhātūpagā sattāti? Āmantā. Atthi rūpūpagā sattāti? Na hevaṃ vattabbe…pe….
ਰੂਪਧਾਤੁਯਾ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚવਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ। ਰੂਪੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚવਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪਧਾਤੁਯਾ ਅਤ੍ਥਿ ਰੂਪਂ વੇਦਨਾ ਸਞ੍ਞਾ ਸਙ੍ਖਾਰਾ વਿਞ੍ਞਾਣਨ੍ਤਿ? ਆਮਨ੍ਤਾ। ਰੂਪੇ ਅਤ੍ਥਿ ਰੂਪਂ વੇਦਨਾ ਸਞ੍ਞਾ ਸਙ੍ਖਾਰਾ વਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪਧਾਤੁ ਪਞ੍ਚવੋਕਾਰਭવੋਤਿ? ਆਮਨ੍ਤਾ। ਰੂਪਂ ਪਞ੍ਚવੋਕਾਰਭવੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Rūpadhātuyā sattā jāyanti jīyanti mīyanti cavanti upapajjantīti? Āmantā. Rūpe sattā jāyanti jīyanti mīyanti cavanti upapajjantīti? Na hevaṃ vattabbe…pe… rūpadhātuyā atthi rūpaṃ vedanā saññā saṅkhārā viññāṇanti? Āmantā. Rūpe atthi rūpaṃ vedanā saññā saṅkhārā viññāṇanti? Na hevaṃ vattabbe…pe… rūpadhātu pañcavokārabhavoti? Āmantā. Rūpaṃ pañcavokārabhavoti? Na hevaṃ vattabbe…pe….
੫੧੬. ਰੂਪਿਨੋ ਧਮ੍ਮਾ ਰੂਪਧਾਤੁ, ਕਾਮਧਾਤੁਯਾ ਅਤ੍ਥਿ ਰੂਪਨ੍ਤਿ? ਆਮਨ੍ਤਾ। ਸਾવ ਕਾਮਧਾਤੁ, ਸਾ ਰੂਪਧਾਤੂਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਾવ ਕਾਮਧਾਤੁ, ਸਾ ਰੂਪਧਾਤੂਤਿ? ਆਮਨ੍ਤਾ। ਕਾਮਭવੇਨ ਸਮਨ੍ਨਾਗਤੋ ਪੁਗ੍ਗਲੋ ਦ੍વੀਹਿ ਭવੇਹਿ ਸਮਨ੍ਨਾਗਤੋ ਹੋਤਿ – ਕਾਮਭવੇਨ ਚ ਰੂਪਭવੇਨ ਚਾਤਿ? ਨ ਹੇવਂ વਤ੍ਤਬ੍ਬੇ।
516. Rūpino dhammā rūpadhātu, kāmadhātuyā atthi rūpanti? Āmantā. Sāva kāmadhātu, sā rūpadhātūti? Na hevaṃ vattabbe…pe… sāva kāmadhātu, sā rūpadhātūti? Āmantā. Kāmabhavena samannāgato puggalo dvīhi bhavehi samannāgato hoti – kāmabhavena ca rūpabhavena cāti? Na hevaṃ vattabbe.
ਰੂਪਧਾਤੁਕਥਾ ਨਿਟ੍ਠਿਤਾ।
Rūpadhātukathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਰੂਪਧਾਤੁਕਥਾવਣ੍ਣਨਾ • 5. Rūpadhātukathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਰੂਪਧਾਤੁਕਥਾવਣ੍ਣਨਾ • 5. Rūpadhātukathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਰੂਪਧਾਤੁਕਥਾવਣ੍ਣਨਾ • 5. Rūpadhātukathāvaṇṇanā
