| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
5. ரூபதா⁴துகதா²வண்ணனா
5. Rūpadhātukathāvaṇṇanā
515-516. இதா³னி ரூபதா⁴துகதா² நாம ஹோதி. தத்த² ‘‘ரூபினோ த⁴ம்மா ரூபதா⁴து நாமா’’தி யேஸங் லத்³தி⁴, ஸெய்யதா²பி அந்த⁴கானங்; தே ஸந்தா⁴ய ரூபினோதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ஸகவாதீ³ யஸ்மா ரூபதா⁴து நாம ரூபப⁴வோ, ந ரூபமத்தமேவ, தஸ்மா தேனத்தே²ன சோதே³துங் ரூபதா⁴தூதிஆதி³மாஹ. தங் ஸப்³ப³ங் காமகு³ணகதா²யங் வுத்தனயேனேவ வேதி³தப்³ப³ங். ஸாவ காமதா⁴தூதி புட்டோ² பூ⁴மிபரிச்சே²தே³ன விரோத⁴ங் பஸ்ஸமானோ படிக்கி²பதி. புன த³ள்ஹங் கத்வா புட்டோ² அத்தனோ லத்³தி⁴வஸேன படிஜானாதி. ஏவங் ஸந்தே பன த்³வீஹி ப⁴வேஹி ஸமன்னாக³ததா ஆபஜ்ஜதி, தேன தங் ஸகவாதீ³ காமப⁴வேன சாதி ஆதி³மாஹ. இதரோ ஏகஸ்ஸ த்³வீஹி ஸமன்னாக³தாபா⁴வதோ படிக்கி²பதீதி.
515-516. Idāni rūpadhātukathā nāma hoti. Tattha ‘‘rūpino dhammā rūpadhātu nāmā’’ti yesaṃ laddhi, seyyathāpi andhakānaṃ; te sandhāya rūpinoti pucchā sakavādissa, paṭiññā itarassa. Atha naṃ sakavādī yasmā rūpadhātu nāma rūpabhavo, na rūpamattameva, tasmā tenatthena codetuṃ rūpadhātūtiādimāha. Taṃ sabbaṃ kāmaguṇakathāyaṃ vuttanayeneva veditabbaṃ. Sāva kāmadhātūti puṭṭho bhūmiparicchedena virodhaṃ passamāno paṭikkhipati. Puna daḷhaṃ katvā puṭṭho attano laddhivasena paṭijānāti. Evaṃ sante pana dvīhi bhavehi samannāgatatā āpajjati, tena taṃ sakavādī kāmabhavena cāti ādimāha. Itaro ekassa dvīhi samannāgatābhāvato paṭikkhipatīti.
ரூபதா⁴துகதா²வண்ணனா.
Rūpadhātukathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (77) 5. ரூபதா⁴துகதா² • (77) 5. Rūpadhātukathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 5. ரூபதா⁴துகதா²வண்ணனா • 5. Rūpadhātukathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 5. ரூபதா⁴துகதா²வண்ணனா • 5. Rūpadhātukathāvaṇṇanā
