| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৫. রূপধাতুকথাৰণ্ণনা
5. Rūpadhātukathāvaṇṇanā
৫১৫-৫১৬. ইদানি রূপধাতুকথা নাম হোতি। তত্থ ‘‘রূপিনো ধম্মা রূপধাতু নামা’’তি যেসং লদ্ধি, সেয্যথাপি অন্ধকানং; তে সন্ধায রূপিনোতি পুচ্ছা সকৰাদিস্স, পটিঞ্ঞা ইতরস্স। অথ নং সকৰাদী যস্মা রূপধাতু নাম রূপভৰো, ন রূপমত্তমেৰ, তস্মা তেনত্থেন চোদেতুং রূপধাতূতিআদিমাহ। তং সব্বং কামগুণকথাযং ৰুত্তনযেনেৰ ৰেদিতব্বং। সাৰ কামধাতূতি পুট্ঠো ভূমিপরিচ্ছেদেন ৰিরোধং পস্সমানো পটিক্খিপতি। পুন দল়্হং কত্ৰা পুট্ঠো অত্তনো লদ্ধিৰসেন পটিজানাতি। এৰং সন্তে পন দ্ৰীহি ভৰেহি সমন্নাগততা আপজ্জতি, তেন তং সকৰাদী কামভৰেন চাতি আদিমাহ। ইতরো একস্স দ্ৰীহি সমন্নাগতাভাৰতো পটিক্খিপতীতি।
515-516. Idāni rūpadhātukathā nāma hoti. Tattha ‘‘rūpino dhammā rūpadhātu nāmā’’ti yesaṃ laddhi, seyyathāpi andhakānaṃ; te sandhāya rūpinoti pucchā sakavādissa, paṭiññā itarassa. Atha naṃ sakavādī yasmā rūpadhātu nāma rūpabhavo, na rūpamattameva, tasmā tenatthena codetuṃ rūpadhātūtiādimāha. Taṃ sabbaṃ kāmaguṇakathāyaṃ vuttanayeneva veditabbaṃ. Sāva kāmadhātūti puṭṭho bhūmiparicchedena virodhaṃ passamāno paṭikkhipati. Puna daḷhaṃ katvā puṭṭho attano laddhivasena paṭijānāti. Evaṃ sante pana dvīhi bhavehi samannāgatatā āpajjati, tena taṃ sakavādī kāmabhavena cāti ādimāha. Itaro ekassa dvīhi samannāgatābhāvato paṭikkhipatīti.
রূপধাতুকথাৰণ্ণনা।
Rūpadhātukathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৭৭) ৫. রূপধাতুকথা • (77) 5. Rūpadhātukathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. রূপধাতুকথাৰণ্ণনা • 5. Rūpadhātukathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৫. রূপধাতুকথাৰণ্ণনা • 5. Rūpadhātukathāvaṇṇanā
