| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
५. रूपधातुकथावण्णना
5. Rūpadhātukathāvaṇṇanā
५१५-५१६. इदानि रूपधातुकथा नाम होति। तत्थ ‘‘रूपिनो धम्मा रूपधातु नामा’’ति येसं लद्धि, सेय्यथापि अन्धकानं; ते सन्धाय रूपिनोति पुच्छा सकवादिस्स, पटिञ्ञा इतरस्स। अथ नं सकवादी यस्मा रूपधातु नाम रूपभवो, न रूपमत्तमेव, तस्मा तेनत्थेन चोदेतुं रूपधातूतिआदिमाह। तं सब्बं कामगुणकथायं वुत्तनयेनेव वेदितब्बं। साव कामधातूति पुट्ठो भूमिपरिच्छेदेन विरोधं पस्समानो पटिक्खिपति। पुन दळ्हं कत्वा पुट्ठो अत्तनो लद्धिवसेन पटिजानाति। एवं सन्ते पन द्वीहि भवेहि समन्नागतता आपज्जति, तेन तं सकवादी कामभवेन चाति आदिमाह। इतरो एकस्स द्वीहि समन्नागताभावतो पटिक्खिपतीति।
515-516. Idāni rūpadhātukathā nāma hoti. Tattha ‘‘rūpino dhammā rūpadhātu nāmā’’ti yesaṃ laddhi, seyyathāpi andhakānaṃ; te sandhāya rūpinoti pucchā sakavādissa, paṭiññā itarassa. Atha naṃ sakavādī yasmā rūpadhātu nāma rūpabhavo, na rūpamattameva, tasmā tenatthena codetuṃ rūpadhātūtiādimāha. Taṃ sabbaṃ kāmaguṇakathāyaṃ vuttanayeneva veditabbaṃ. Sāva kāmadhātūti puṭṭho bhūmiparicchedena virodhaṃ passamāno paṭikkhipati. Puna daḷhaṃ katvā puṭṭho attano laddhivasena paṭijānāti. Evaṃ sante pana dvīhi bhavehi samannāgatatā āpajjati, tena taṃ sakavādī kāmabhavena cāti ādimāha. Itaro ekassa dvīhi samannāgatābhāvato paṭikkhipatīti.
रूपधातुकथावण्णना।
Rūpadhātukathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (७७) ५. रूपधातुकथा • (77) 5. Rūpadhātukathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ५. रूपधातुकथावण्णना • 5. Rūpadhātukathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ५. रूपधातुकथावण्णना • 5. Rūpadhātukathāvaṇṇanā
