| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๕. รูปธาตุกถาวณฺณนา
5. Rūpadhātukathāvaṇṇanā
๕๑๕-๕๑๖. อิทานิ รูปธาตุกถา นาม โหติฯ ตตฺถ ‘‘รูปิโน ธมฺมา รูปธาตุ นามา’’ติ เยสํ ลทฺธิ, เสยฺยถาปิ อนฺธกานํ; เต สนฺธาย รูปิโนติ ปุจฺฉา สกวาทิสฺส, ปฎิญฺญา อิตรสฺสฯ อถ นํ สกวาที ยสฺมา รูปธาตุ นาม รูปภโว, น รูปมตฺตเมว, ตสฺมา เตนเตฺถน โจเทตุํ รูปธาตูติอาทิมาหฯ ตํ สพฺพํ กามคุณกถายํ วุตฺตนเยเนว เวทิตพฺพํฯ สาว กามธาตูติ ปุโฎฺฐ ภูมิปริเจฺฉเทน วิโรธํ ปสฺสมาโน ปฎิกฺขิปติฯ ปุน ทฬฺหํ กตฺวา ปุโฎฺฐ อตฺตโน ลทฺธิวเสน ปฎิชานาติฯ เอวํ สเนฺต ปน ทฺวีหิ ภเวหิ สมนฺนาคตตา อาปชฺชติ, เตน ตํ สกวาที กามภเวน จาติ อาทิมาหฯ อิตโร เอกสฺส ทฺวีหิ สมนฺนาคตาภาวโต ปฎิกฺขิปตีติฯ
515-516. Idāni rūpadhātukathā nāma hoti. Tattha ‘‘rūpino dhammā rūpadhātu nāmā’’ti yesaṃ laddhi, seyyathāpi andhakānaṃ; te sandhāya rūpinoti pucchā sakavādissa, paṭiññā itarassa. Atha naṃ sakavādī yasmā rūpadhātu nāma rūpabhavo, na rūpamattameva, tasmā tenatthena codetuṃ rūpadhātūtiādimāha. Taṃ sabbaṃ kāmaguṇakathāyaṃ vuttanayeneva veditabbaṃ. Sāva kāmadhātūti puṭṭho bhūmiparicchedena virodhaṃ passamāno paṭikkhipati. Puna daḷhaṃ katvā puṭṭho attano laddhivasena paṭijānāti. Evaṃ sante pana dvīhi bhavehi samannāgatatā āpajjati, tena taṃ sakavādī kāmabhavena cāti ādimāha. Itaro ekassa dvīhi samannāgatābhāvato paṭikkhipatīti.
รูปธาตุกถาวณฺณนาฯ
Rūpadhātukathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๗๗) ๕. รูปธาตุกถา • (77) 5. Rūpadhātukathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๕. รูปธาตุกถาวณฺณนา • 5. Rūpadhātukathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๕. รูปธาตุกถาวณฺณนา • 5. Rūpadhātukathāvaṇṇanā
