| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
5. රූපධාතුකථාවණ්‌ණනා
5. Rūpadhātukathāvaṇṇanā
515-516. ඉදානි රූපධාතුකථා නාම හොති. තත්‌ථ ‘‘රූපිනො ධම්‌මා රූපධාතු නාමා’’ති යෙසං ලද්‌ධි, සෙය්‍යථාපි අන්‌ධකානං; තෙ සන්‌ධාය රූපිනොති පුච්‌ඡා සකවාදිස්‌ස, පටිඤ්‌ඤා ඉතරස්‌ස. අථ නං සකවාදී යස්‌මා රූපධාතු නාම රූපභවො, න රූපමත්‌තමෙව, තස්‌මා තෙනත්‌ථෙන චොදෙතුං රූපධාතූතිආදිමාහ. තං සබ්‌බං කාමගුණකථායං වුත්‌තනයෙනෙව වෙදිතබ්‌බං. සාව කාමධාතූති පුට්‌ඨො භූමිපරිච්‌ඡෙදෙන විරොධං පස්‌සමානො පටික්‌ඛිපති. පුන දළ්‌හං කත්‌වා පුට්‌ඨො අත්‌තනො ලද්‌ධිවසෙන පටිජානාති. එවං සන්‌තෙ පන ද්‌වීහි භවෙහි සමන්‌නාගතතා ආපජ්‌ජති, තෙන තං සකවාදී කාමභවෙන චාති ආදිමාහ. ඉතරො එකස්‌ස ද්‌වීහි සමන්‌නාගතාභාවතො පටික්‌ඛිපතීති.
515-516. Idāni rūpadhātukathā nāma hoti. Tattha ‘‘rūpino dhammā rūpadhātu nāmā’’ti yesaṃ laddhi, seyyathāpi andhakānaṃ; te sandhāya rūpinoti pucchā sakavādissa, paṭiññā itarassa. Atha naṃ sakavādī yasmā rūpadhātu nāma rūpabhavo, na rūpamattameva, tasmā tenatthena codetuṃ rūpadhātūtiādimāha. Taṃ sabbaṃ kāmaguṇakathāyaṃ vuttanayeneva veditabbaṃ. Sāva kāmadhātūti puṭṭho bhūmiparicchedena virodhaṃ passamāno paṭikkhipati. Puna daḷhaṃ katvā puṭṭho attano laddhivasena paṭijānāti. Evaṃ sante pana dvīhi bhavehi samannāgatatā āpajjati, tena taṃ sakavādī kāmabhavena cāti ādimāha. Itaro ekassa dvīhi samannāgatābhāvato paṭikkhipatīti.
රූපධාතුකථාවණ්‌ණනා.
Rūpadhātukathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (77) 5. රූපධාතුකථා • (77) 5. Rūpadhātukathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 5. රූපධාතුකථාවණ්‌ණනා • 5. Rūpadhātukathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 5. රූපධාතුකථාවණ්‌ණනා • 5. Rūpadhātukathāvaṇṇanā
