| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৮. অট্ঠমৰগ্গো
8. Aṭṭhamavaggo
(৭৯) ৭. রূপধাতুযাআযতনকথা
(79) 7. Rūpadhātuyāāyatanakathā
৫১৯. অত্থি সল়াযতনিকো অত্তভাৰো রূপধাতুযাতি? আমন্তা। অত্থি তত্থ ঘানাযতনন্তি? আমন্তা। অত্থি তত্থ গন্ধাযতনন্তি? ন হেৰং ৰত্তব্বে…পে॰… অত্থি তত্থ জিৰ্হাযতনন্তি? আমন্তা । অত্থি তত্থ রসাযতনন্তি? ন হেৰং ৰত্তব্বে…পে॰… অত্থি তত্থ কাযাযতনন্তি? আমন্তা। অত্থি তত্থ ফোট্ঠব্বাযতনন্তি? ন হেৰং ৰত্তব্বে…পে॰…।
519. Atthi saḷāyataniko attabhāvo rūpadhātuyāti? Āmantā. Atthi tattha ghānāyatananti? Āmantā. Atthi tattha gandhāyatananti? Na hevaṃ vattabbe…pe… atthi tattha jivhāyatananti? Āmantā . Atthi tattha rasāyatananti? Na hevaṃ vattabbe…pe… atthi tattha kāyāyatananti? Āmantā. Atthi tattha phoṭṭhabbāyatananti? Na hevaṃ vattabbe…pe….
নত্থি তত্থ গন্ধাযতনন্তি? আমন্তা। নত্থি তত্থ ঘানাযতনন্তি? ন হেৰং ৰত্তব্বে…পে॰… নত্থি তত্থ রসাযতনন্তি? আমন্তা। নত্থি তত্থ জিৰ্হাযতনন্তি? ন হেৰং ৰত্তব্বে…পে॰… নত্থি তত্থ ফোট্ঠব্বাযতনন্তি? আমন্তা । নত্থি তত্থ কাযাযতনন্তি? ন হেৰং ৰত্তব্বে…পে॰…।
Natthi tattha gandhāyatananti? Āmantā. Natthi tattha ghānāyatananti? Na hevaṃ vattabbe…pe… natthi tattha rasāyatananti? Āmantā. Natthi tattha jivhāyatananti? Na hevaṃ vattabbe…pe… natthi tattha phoṭṭhabbāyatananti? Āmantā . Natthi tattha kāyāyatananti? Na hevaṃ vattabbe…pe….
৫২০. অত্থি তত্থ চক্খাযতনং, অত্থি রূপাযতনন্তি? আমন্তা। অত্থি তত্থ ঘানাযতনং, অত্থি গন্ধাযতনন্তি? ন হেৰং ৰত্তব্বে…পে॰… অত্থি তত্থ চক্খাযতনং, অত্থি রূপাযতনন্তি? আমন্তা। অত্থি তত্থ জিৰ্হাযতনং, অত্থি রসাযতনং…পে॰… অত্থি তত্থ কাযাযতনং, অত্থি ফোট্ঠব্বাযতনন্তি? ন হেৰং ৰত্তব্বে…পে॰… অত্থি তত্থ সোতাযতনং, অত্থি সদ্দাযতনং…পে॰… অত্থি তত্থ মনাযতনং, অত্থি ধম্মাযতনন্তি? আমন্তা। অত্থি তত্থ ঘানাযতনং, অত্থি গন্ধাযতনন্তি? ন হেৰং ৰত্তব্বে…পে॰… অত্থি তত্থ মনাযতনং, অত্থি ধম্মাযতনন্তি? আমন্তা। অত্থি তত্থ জিৰ্হাযতনং, অত্থি রসাযতনন্তি…পে॰… অত্থি তত্থ কাযাযতনং, অত্থি ফোট্ঠব্বাযতনন্তি? ন হেৰং ৰত্তব্বে…পে॰…।
520. Atthi tattha cakkhāyatanaṃ, atthi rūpāyatananti? Āmantā. Atthi tattha ghānāyatanaṃ, atthi gandhāyatananti? Na hevaṃ vattabbe…pe… atthi tattha cakkhāyatanaṃ, atthi rūpāyatananti? Āmantā. Atthi tattha jivhāyatanaṃ, atthi rasāyatanaṃ…pe… atthi tattha kāyāyatanaṃ, atthi phoṭṭhabbāyatananti? Na hevaṃ vattabbe…pe… atthi tattha sotāyatanaṃ, atthi saddāyatanaṃ…pe… atthi tattha manāyatanaṃ, atthi dhammāyatananti? Āmantā. Atthi tattha ghānāyatanaṃ, atthi gandhāyatananti? Na hevaṃ vattabbe…pe… atthi tattha manāyatanaṃ, atthi dhammāyatananti? Āmantā. Atthi tattha jivhāyatanaṃ, atthi rasāyatananti…pe… atthi tattha kāyāyatanaṃ, atthi phoṭṭhabbāyatananti? Na hevaṃ vattabbe…pe….
অত্থি তত্থ ঘানাযতনং, নত্থি গন্ধাযতনন্তি? আমন্তা । অত্থি তত্থ চক্খাযতনং, নত্থি রূপাযতনন্তি? ন হেৰং ৰত্তব্বে…পে॰… অত্থি তত্থ ঘানাযতনং, নত্থি গন্ধাযতনন্তি? আমন্তা। অত্থি তত্থ সোতাযতনং, নত্থি সদ্দাযতনং…পে॰… অত্থি তত্থ মনাযতনং, নত্থি ধম্মাযতনন্তি? ন হেৰং ৰত্তব্বে…পে॰… অত্থি তত্থ জিৰ্হাযতনং, নত্থি রসাযতনং…পে॰… অত্থি তত্থ কাযাযতনং, নত্থি ফোট্ঠব্বাযতনন্তি? আমন্তা। অত্থি তত্থ চক্খাযতনং, নত্থি রূপাযতনন্তি? ন হেৰং ৰত্তব্বে…পে॰… অত্থি তত্থ কাযাযতনং, নত্থি ফোট্ঠব্বাযতনন্তি? আমন্তা। অত্থি তত্থ সোতাযতনং, নত্থি সদ্দাযতনং …পে॰… অত্থি তত্থ মনাযতনং, নত্থি ধম্মাযতনন্তি? ন হেৰং ৰত্তব্বে…পে॰…।
Atthi tattha ghānāyatanaṃ, natthi gandhāyatananti? Āmantā . Atthi tattha cakkhāyatanaṃ, natthi rūpāyatananti? Na hevaṃ vattabbe…pe… atthi tattha ghānāyatanaṃ, natthi gandhāyatananti? Āmantā. Atthi tattha sotāyatanaṃ, natthi saddāyatanaṃ…pe… atthi tattha manāyatanaṃ, natthi dhammāyatananti? Na hevaṃ vattabbe…pe… atthi tattha jivhāyatanaṃ, natthi rasāyatanaṃ…pe… atthi tattha kāyāyatanaṃ, natthi phoṭṭhabbāyatananti? Āmantā. Atthi tattha cakkhāyatanaṃ, natthi rūpāyatananti? Na hevaṃ vattabbe…pe… atthi tattha kāyāyatanaṃ, natthi phoṭṭhabbāyatananti? Āmantā. Atthi tattha sotāyatanaṃ, natthi saddāyatanaṃ …pe… atthi tattha manāyatanaṃ, natthi dhammāyatananti? Na hevaṃ vattabbe…pe….
৫২১. অত্থি তত্থ চক্খাযতনং অত্থি রূপাযতনং, তেন চক্খুনা তং রূপং পস্সতীতি? আমন্তা। অত্থি তত্থ ঘানাযতনং অত্থি গন্ধাযতনং, তেন ঘানেন তং গন্ধং ঘাযতীতি? ন হেৰং ৰত্তব্বে…পে॰… অত্থি তত্থ চক্খাযতনং অত্থি রূপাযতনং, তেন চক্খুনা তং রূপং পস্সতীতি? আমন্তা। অত্থি তত্থ জিৰ্হাযতনং অত্থি রসাযতনং, তায জিৰ্হায তং রসং সাযতি…পে॰… অত্থি তত্থ কাযাযতনং অত্থি ফোট্ঠব্বাযতনং, তেন কাযেন তং ফোট্ঠব্বং ফুসতীতি? ন হেৰং ৰত্তব্বে…পে॰…।
521. Atthi tattha cakkhāyatanaṃ atthi rūpāyatanaṃ, tena cakkhunā taṃ rūpaṃ passatīti? Āmantā. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Na hevaṃ vattabbe…pe… atthi tattha cakkhāyatanaṃ atthi rūpāyatanaṃ, tena cakkhunā taṃ rūpaṃ passatīti? Āmantā. Atthi tattha jivhāyatanaṃ atthi rasāyatanaṃ, tāya jivhāya taṃ rasaṃ sāyati…pe… atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Na hevaṃ vattabbe…pe….
অত্থি তত্থ সোতাযতনং অত্থি সদ্দাযতনং…পে॰… অত্থি তত্থ মনাযতনং অত্থি ধম্মাযতনং, তেন মনেন তং ধম্মং ৰিজানাতীতি? আমন্তা। অত্থি তত্থ ঘানাযতনং অত্থি গন্ধাযতনং, তেন ঘানেন তং গন্ধং ঘাযতীতি? ন হেৰং ৰত্তব্বে…পে॰… অত্থি তত্থ মনাযতনং অত্থি ধম্মাযতনং, তেন মনেন তং ধম্মং ৰিজানাতীতি? আমন্তা। অত্থি তত্থ জিৰ্হাযতনং অত্থি রসাযতনং…পে॰… অত্থি তত্থ কাযাযতনং অত্থি ফোট্ঠব্বাযতনং, তেন কাযেন তং ফোট্ঠব্বং ফুসতীতি? ন হেৰং ৰত্তব্বে…পে॰…।
Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, tena manena taṃ dhammaṃ vijānātīti? Āmantā. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Na hevaṃ vattabbe…pe… atthi tattha manāyatanaṃ atthi dhammāyatanaṃ, tena manena taṃ dhammaṃ vijānātīti? Āmantā. Atthi tattha jivhāyatanaṃ atthi rasāyatanaṃ…pe… atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Na hevaṃ vattabbe…pe….
অত্থি তত্থ ঘানাযতনং অত্থি গন্ধাযতনং, ন চ তেন ঘানেন তং গন্ধং ঘাযতীতি? আমন্তা। অত্থি তত্থ চক্খাযতনং অত্থি রূপাযতনং, ন চ তেন চক্খুনা তং রূপং পস্সতীতি? ন হেৰং ৰত্তব্বে…পে॰… অত্থি তত্থ ঘানাযতনং অত্থি গন্ধাযতনং, ন চ তেন ঘানেন তং গন্ধং ঘাযতীতি? আমন্তা। অত্থি তত্থ সোতাযতনং অত্থি সদ্দাযতনং…পে॰… অত্থি তত্থ মনাযতনং অত্থি ধম্মাযতনং, ন চ তেন মনেন তং ধম্মং ৰিজানাতীতি? ন হেৰং ৰত্তব্বে…পে॰…।
Atthi tattha ghānāyatanaṃ atthi gandhāyatanaṃ, na ca tena ghānena taṃ gandhaṃ ghāyatīti? Āmantā. Atthi tattha cakkhāyatanaṃ atthi rūpāyatanaṃ, na ca tena cakkhunā taṃ rūpaṃ passatīti? Na hevaṃ vattabbe…pe… atthi tattha ghānāyatanaṃ atthi gandhāyatanaṃ, na ca tena ghānena taṃ gandhaṃ ghāyatīti? Āmantā. Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, na ca tena manena taṃ dhammaṃ vijānātīti? Na hevaṃ vattabbe…pe….
অত্থি তত্থ জিৰ্হাযতনং অত্থি রসাযতনং…পে॰… অত্থি তত্থ কাযাযতনং অত্থি ফোট্ঠব্বাযতনং, ন চ তেন কাযেন তং ফোট্ঠব্বং ফুসতীতি? আমন্তা। অত্থি তত্থ সোতাযতনং অত্থি সদ্দাযতনং…পে॰… অত্থি তত্থ মনাযতনং অত্থি ধম্মাযতনং, ন চ তেন মনেন তং ধম্মং ৰিজানাতীতি? ন হেৰং ৰত্তব্বে…পে॰…।
Atthi tattha jivhāyatanaṃ atthi rasāyatanaṃ…pe… atthi tattha kāyāyatanaṃ atthi phoṭṭhabbāyatanaṃ, na ca tena kāyena taṃ phoṭṭhabbaṃ phusatīti? Āmantā. Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, na ca tena manena taṃ dhammaṃ vijānātīti? Na hevaṃ vattabbe…pe….
৫২২. অত্থি তত্থ ঘানাযতনং অত্থি গন্ধাযতনং, তেন ঘানেন তং গন্ধং ঘাযতীতি? আমন্তা। অত্থি তত্থ মূলগন্ধো সারগন্ধো তচগন্ধো পত্তগন্ধো পুপ্ফগন্ধো ফলগন্ধো আমগন্ধো ৰিস্সগন্ধো সুগন্ধো দুগ্গন্ধোতি? ন হেৰং ৰত্তব্বে…পে॰…।
522. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Āmantā. Atthi tattha mūlagandho sāragandho tacagandho pattagandho pupphagandho phalagandho āmagandho vissagandho sugandho duggandhoti? Na hevaṃ vattabbe…pe….
অত্থি তত্থ জিৰ্হাযতনং অত্থি রসাযতনং, তায জিৰ্হায তং রসং সাযতীতি? আমন্তা। অত্থি তত্থ মূলরসো খন্ধরসো তচরসো পত্তরসো পুপ্ফরসো ফলরসো অম্বিলং মধুরং তিত্তকং কটুকং লোণিযং খারিযং লম্বিলং কসাৰো সাদু অসাদূতি? ন হেৰং ৰত্তব্বে…পে॰…।
Atthi tattha jivhāyatanaṃ atthi rasāyatanaṃ, tāya jivhāya taṃ rasaṃ sāyatīti? Āmantā. Atthi tattha mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇiyaṃ khāriyaṃ lambilaṃ kasāvo sādu asādūti? Na hevaṃ vattabbe…pe….
অত্থি তত্থ কাযাযতনং অত্থি ফোট্ঠব্বাযতনং, তেন কাযেন তং ফোট্ঠব্বং ফুসতীতি? আমন্তা। অত্থি তত্থ কক্খল়ং মুদুকং সণ্হং ফরুসং সুখসম্ফস্সং দুক্খসম্ফস্সং গরুকং লহুকন্তি? ন হেৰং ৰত্তব্বে…পে॰…।
Atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Āmantā. Atthi tattha kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukanti? Na hevaṃ vattabbe…pe….
৫২৩. ন ৰত্তব্বং – ‘‘সল়াযতনিকো অত্তভাৰো রূপধাতুযা’’তি? আমন্তা। ননু অত্থি তত্থ ঘাননিমিত্তং জিৰ্হানিমিত্তং কাযনিমিত্তন্তি? আমন্তা। হঞ্চি অত্থি তত্থ ঘাননিমিত্তং জিৰ্হানিমিত্তং কাযনিমিত্তং, তেন ৰত রে ৰত্তব্বে – ‘‘সল়াযতনিকো অত্তভাৰো রূপধাতুযা’’তি।
523. Na vattabbaṃ – ‘‘saḷāyataniko attabhāvo rūpadhātuyā’’ti? Āmantā. Nanu atthi tattha ghānanimittaṃ jivhānimittaṃ kāyanimittanti? Āmantā. Hañci atthi tattha ghānanimittaṃ jivhānimittaṃ kāyanimittaṃ, tena vata re vattabbe – ‘‘saḷāyataniko attabhāvo rūpadhātuyā’’ti.
রূপধাতুযা আযতনকথা নিট্ঠিতা।
Rūpadhātuyā āyatanakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৭. রূপধাতুযা আযতনকথাৰণ্ণনা • 7. Rūpadhātuyā āyatanakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৭. রূপধাতুযাআযতনকথাৰণ্ণনা • 7. Rūpadhātuyāāyatanakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৭. রূপধাতুযাআযতনকথাৰণ্ণনা • 7. Rūpadhātuyāāyatanakathāvaṇṇanā
