| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੮. ਅਟ੍ਠਮવਗ੍ਗੋ
8. Aṭṭhamavaggo
(੭੯) ੭. ਰੂਪਧਾਤੁਯਾਆਯਤਨਕਥਾ
(79) 7. Rūpadhātuyāāyatanakathā
੫੧੯. ਅਤ੍ਥਿ ਸਲ਼ਾਯਤਨਿਕੋ ਅਤ੍ਤਭਾવੋ ਰੂਪਧਾਤੁਯਾਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਘਾਨਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਗਨ੍ਧਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਜਿવ੍ਹਾਯਤਨਨ੍ਤਿ? ਆਮਨ੍ਤਾ । ਅਤ੍ਥਿ ਤਤ੍ਥ ਰਸਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
519. Atthi saḷāyataniko attabhāvo rūpadhātuyāti? Āmantā. Atthi tattha ghānāyatananti? Āmantā. Atthi tattha gandhāyatananti? Na hevaṃ vattabbe…pe… atthi tattha jivhāyatananti? Āmantā . Atthi tattha rasāyatananti? Na hevaṃ vattabbe…pe… atthi tattha kāyāyatananti? Āmantā. Atthi tattha phoṭṭhabbāyatananti? Na hevaṃ vattabbe…pe….
ਨਤ੍ਥਿ ਤਤ੍ਥ ਗਨ੍ਧਾਯਤਨਨ੍ਤਿ? ਆਮਨ੍ਤਾ। ਨਤ੍ਥਿ ਤਤ੍ਥ ਘਾਨਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਤਤ੍ਥ ਰਸਾਯਤਨਨ੍ਤਿ? ਆਮਨ੍ਤਾ। ਨਤ੍ਥਿ ਤਤ੍ਥ ਜਿવ੍ਹਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਤ੍ਥਿ ਤਤ੍ਥ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ । ਨਤ੍ਥਿ ਤਤ੍ਥ ਕਾਯਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Natthi tattha gandhāyatananti? Āmantā. Natthi tattha ghānāyatananti? Na hevaṃ vattabbe…pe… natthi tattha rasāyatananti? Āmantā. Natthi tattha jivhāyatananti? Na hevaṃ vattabbe…pe… natthi tattha phoṭṭhabbāyatananti? Āmantā . Natthi tattha kāyāyatananti? Na hevaṃ vattabbe…pe….
੫੨੦. ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਅਤ੍ਥਿ ਰੂਪਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਘਾਨਾਯਤਨਂ, ਅਤ੍ਥਿ ਗਨ੍ਧਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਅਤ੍ਥਿ ਰੂਪਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਜਿવ੍ਹਾਯਤਨਂ, ਅਤ੍ਥਿ ਰਸਾਯਤਨਂ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ, ਅਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਸੋਤਾਯਤਨਂ, ਅਤ੍ਥਿ ਸਦ੍ਦਾਯਤਨਂ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ, ਅਤ੍ਥਿ ਧਮ੍ਮਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਘਾਨਾਯਤਨਂ, ਅਤ੍ਥਿ ਗਨ੍ਧਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ, ਅਤ੍ਥਿ ਧਮ੍ਮਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਜਿવ੍ਹਾਯਤਨਂ, ਅਤ੍ਥਿ ਰਸਾਯਤਨਨ੍ਤਿ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ, ਅਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
520. Atthi tattha cakkhāyatanaṃ, atthi rūpāyatananti? Āmantā. Atthi tattha ghānāyatanaṃ, atthi gandhāyatananti? Na hevaṃ vattabbe…pe… atthi tattha cakkhāyatanaṃ, atthi rūpāyatananti? Āmantā. Atthi tattha jivhāyatanaṃ, atthi rasāyatanaṃ…pe… atthi tattha kāyāyatanaṃ, atthi phoṭṭhabbāyatananti? Na hevaṃ vattabbe…pe… atthi tattha sotāyatanaṃ, atthi saddāyatanaṃ…pe… atthi tattha manāyatanaṃ, atthi dhammāyatananti? Āmantā. Atthi tattha ghānāyatanaṃ, atthi gandhāyatananti? Na hevaṃ vattabbe…pe… atthi tattha manāyatanaṃ, atthi dhammāyatananti? Āmantā. Atthi tattha jivhāyatanaṃ, atthi rasāyatananti…pe… atthi tattha kāyāyatanaṃ, atthi phoṭṭhabbāyatananti? Na hevaṃ vattabbe…pe….
ਅਤ੍ਥਿ ਤਤ੍ਥ ਘਾਨਾਯਤਨਂ, ਨਤ੍ਥਿ ਗਨ੍ਧਾਯਤਨਨ੍ਤਿ? ਆਮਨ੍ਤਾ । ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਨਤ੍ਥਿ ਰੂਪਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਘਾਨਾਯਤਨਂ, ਨਤ੍ਥਿ ਗਨ੍ਧਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਸੋਤਾਯਤਨਂ, ਨਤ੍ਥਿ ਸਦ੍ਦਾਯਤਨਂ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ, ਨਤ੍ਥਿ ਧਮ੍ਮਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਜਿવ੍ਹਾਯਤਨਂ, ਨਤ੍ਥਿ ਰਸਾਯਤਨਂ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ, ਨਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਨਤ੍ਥਿ ਰੂਪਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ, ਨਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਸੋਤਾਯਤਨਂ, ਨਤ੍ਥਿ ਸਦ੍ਦਾਯਤਨਂ …ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ, ਨਤ੍ਥਿ ਧਮ੍ਮਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi tattha ghānāyatanaṃ, natthi gandhāyatananti? Āmantā . Atthi tattha cakkhāyatanaṃ, natthi rūpāyatananti? Na hevaṃ vattabbe…pe… atthi tattha ghānāyatanaṃ, natthi gandhāyatananti? Āmantā. Atthi tattha sotāyatanaṃ, natthi saddāyatanaṃ…pe… atthi tattha manāyatanaṃ, natthi dhammāyatananti? Na hevaṃ vattabbe…pe… atthi tattha jivhāyatanaṃ, natthi rasāyatanaṃ…pe… atthi tattha kāyāyatanaṃ, natthi phoṭṭhabbāyatananti? Āmantā. Atthi tattha cakkhāyatanaṃ, natthi rūpāyatananti? Na hevaṃ vattabbe…pe… atthi tattha kāyāyatanaṃ, natthi phoṭṭhabbāyatananti? Āmantā. Atthi tattha sotāyatanaṃ, natthi saddāyatanaṃ …pe… atthi tattha manāyatanaṃ, natthi dhammāyatananti? Na hevaṃ vattabbe…pe….
੫੨੧. ਅਤ੍ਥਿ ਤਤ੍ਥ ਚਕ੍ਖਾਯਤਨਂ ਅਤ੍ਥਿ ਰੂਪਾਯਤਨਂ, ਤੇਨ ਚਕ੍ਖੁਨਾ ਤਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਚਕ੍ਖਾਯਤਨਂ ਅਤ੍ਥਿ ਰੂਪਾਯਤਨਂ, ਤੇਨ ਚਕ੍ਖੁਨਾ ਤਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਜਿવ੍ਹਾਯਤਨਂ ਅਤ੍ਥਿ ਰਸਾਯਤਨਂ, ਤਾਯ ਜਿવ੍ਹਾਯ ਤਂ ਰਸਂ ਸਾਯਤਿ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
521. Atthi tattha cakkhāyatanaṃ atthi rūpāyatanaṃ, tena cakkhunā taṃ rūpaṃ passatīti? Āmantā. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Na hevaṃ vattabbe…pe… atthi tattha cakkhāyatanaṃ atthi rūpāyatanaṃ, tena cakkhunā taṃ rūpaṃ passatīti? Āmantā. Atthi tattha jivhāyatanaṃ atthi rasāyatanaṃ, tāya jivhāya taṃ rasaṃ sāyati…pe… atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Na hevaṃ vattabbe…pe….
ਅਤ੍ਥਿ ਤਤ੍ਥ ਸੋਤਾਯਤਨਂ ਅਤ੍ਥਿ ਸਦ੍ਦਾਯਤਨਂ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਤੇਨ ਮਨੇਨ ਤਂ ਧਮ੍ਮਂ વਿਜਾਨਾਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਤੇਨ ਮਨੇਨ ਤਂ ਧਮ੍ਮਂ વਿਜਾਨਾਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਜਿવ੍ਹਾਯਤਨਂ ਅਤ੍ਥਿ ਰਸਾਯਤਨਂ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, tena manena taṃ dhammaṃ vijānātīti? Āmantā. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Na hevaṃ vattabbe…pe… atthi tattha manāyatanaṃ atthi dhammāyatanaṃ, tena manena taṃ dhammaṃ vijānātīti? Āmantā. Atthi tattha jivhāyatanaṃ atthi rasāyatanaṃ…pe… atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Na hevaṃ vattabbe…pe….
ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਨ ਚ ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਚਕ੍ਖਾਯਤਨਂ ਅਤ੍ਥਿ ਰੂਪਾਯਤਨਂ, ਨ ਚ ਤੇਨ ਚਕ੍ਖੁਨਾ ਤਂ ਰੂਪਂ ਪਸ੍ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਨ ਚ ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਸੋਤਾਯਤਨਂ ਅਤ੍ਥਿ ਸਦ੍ਦਾਯਤਨਂ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਨ ਚ ਤੇਨ ਮਨੇਨ ਤਂ ਧਮ੍ਮਂ વਿਜਾਨਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi tattha ghānāyatanaṃ atthi gandhāyatanaṃ, na ca tena ghānena taṃ gandhaṃ ghāyatīti? Āmantā. Atthi tattha cakkhāyatanaṃ atthi rūpāyatanaṃ, na ca tena cakkhunā taṃ rūpaṃ passatīti? Na hevaṃ vattabbe…pe… atthi tattha ghānāyatanaṃ atthi gandhāyatanaṃ, na ca tena ghānena taṃ gandhaṃ ghāyatīti? Āmantā. Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, na ca tena manena taṃ dhammaṃ vijānātīti? Na hevaṃ vattabbe…pe….
ਅਤ੍ਥਿ ਤਤ੍ਥ ਜਿવ੍ਹਾਯਤਨਂ ਅਤ੍ਥਿ ਰਸਾਯਤਨਂ…ਪੇ॰… ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਨ ਚ ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਸੋਤਾਯਤਨਂ ਅਤ੍ਥਿ ਸਦ੍ਦਾਯਤਨਂ…ਪੇ॰… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਨ ਚ ਤੇਨ ਮਨੇਨ ਤਂ ਧਮ੍ਮਂ વਿਜਾਨਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi tattha jivhāyatanaṃ atthi rasāyatanaṃ…pe… atthi tattha kāyāyatanaṃ atthi phoṭṭhabbāyatanaṃ, na ca tena kāyena taṃ phoṭṭhabbaṃ phusatīti? Āmantā. Atthi tattha sotāyatanaṃ atthi saddāyatanaṃ…pe… atthi tattha manāyatanaṃ atthi dhammāyatanaṃ, na ca tena manena taṃ dhammaṃ vijānātīti? Na hevaṃ vattabbe…pe….
੫੨੨. ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਮੂਲਗਨ੍ਧੋ ਸਾਰਗਨ੍ਧੋ ਤਚਗਨ੍ਧੋ ਪਤ੍ਤਗਨ੍ਧੋ ਪੁਪ੍ਫਗਨ੍ਧੋ ਫਲਗਨ੍ਧੋ ਆਮਗਨ੍ਧੋ વਿਸ੍ਸਗਨ੍ਧੋ ਸੁਗਨ੍ਧੋ ਦੁਗ੍ਗਨ੍ਧੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
522. Atthi tattha ghānāyatanaṃ atthi gandhāyatanaṃ, tena ghānena taṃ gandhaṃ ghāyatīti? Āmantā. Atthi tattha mūlagandho sāragandho tacagandho pattagandho pupphagandho phalagandho āmagandho vissagandho sugandho duggandhoti? Na hevaṃ vattabbe…pe….
ਅਤ੍ਥਿ ਤਤ੍ਥ ਜਿવ੍ਹਾਯਤਨਂ ਅਤ੍ਥਿ ਰਸਾਯਤਨਂ, ਤਾਯ ਜਿવ੍ਹਾਯ ਤਂ ਰਸਂ ਸਾਯਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਮੂਲਰਸੋ ਖਨ੍ਧਰਸੋ ਤਚਰਸੋ ਪਤ੍ਤਰਸੋ ਪੁਪ੍ਫਰਸੋ ਫਲਰਸੋ ਅਮ੍ਬਿਲਂ ਮਧੁਰਂ ਤਿਤ੍ਤਕਂ ਕਟੁਕਂ ਲੋਣਿਯਂ ਖਾਰਿਯਂ ਲਮ੍ਬਿਲਂ ਕਸਾવੋ ਸਾਦੁ ਅਸਾਦੂਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi tattha jivhāyatanaṃ atthi rasāyatanaṃ, tāya jivhāya taṃ rasaṃ sāyatīti? Āmantā. Atthi tattha mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇiyaṃ khāriyaṃ lambilaṃ kasāvo sādu asādūti? Na hevaṃ vattabbe…pe….
ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਆਮਨ੍ਤਾ। ਅਤ੍ਥਿ ਤਤ੍ਥ ਕਕ੍ਖਲ਼ਂ ਮੁਦੁਕਂ ਸਣ੍ਹਂ ਫਰੁਸਂ ਸੁਖਸਮ੍ਫਸ੍ਸਂ ਦੁਕ੍ਖਸਮ੍ਫਸ੍ਸਂ ਗਰੁਕਂ ਲਹੁਕਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi tattha kāyāyatanaṃ atthi phoṭṭhabbāyatanaṃ, tena kāyena taṃ phoṭṭhabbaṃ phusatīti? Āmantā. Atthi tattha kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukanti? Na hevaṃ vattabbe…pe….
੫੨੩. ਨ વਤ੍ਤਬ੍ਬਂ – ‘‘ਸਲ਼ਾਯਤਨਿਕੋ ਅਤ੍ਤਭਾવੋ ਰੂਪਧਾਤੁਯਾ’’ਤਿ? ਆਮਨ੍ਤਾ। ਨਨੁ ਅਤ੍ਥਿ ਤਤ੍ਥ ਘਾਨਨਿਮਿਤ੍ਤਂ ਜਿવ੍ਹਾਨਿਮਿਤ੍ਤਂ ਕਾਯਨਿਮਿਤ੍ਤਨ੍ਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਤਤ੍ਥ ਘਾਨਨਿਮਿਤ੍ਤਂ ਜਿવ੍ਹਾਨਿਮਿਤ੍ਤਂ ਕਾਯਨਿਮਿਤ੍ਤਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਲ਼ਾਯਤਨਿਕੋ ਅਤ੍ਤਭਾવੋ ਰੂਪਧਾਤੁਯਾ’’ਤਿ।
523. Na vattabbaṃ – ‘‘saḷāyataniko attabhāvo rūpadhātuyā’’ti? Āmantā. Nanu atthi tattha ghānanimittaṃ jivhānimittaṃ kāyanimittanti? Āmantā. Hañci atthi tattha ghānanimittaṃ jivhānimittaṃ kāyanimittaṃ, tena vata re vattabbe – ‘‘saḷāyataniko attabhāvo rūpadhātuyā’’ti.
ਰੂਪਧਾਤੁਯਾ ਆਯਤਨਕਥਾ ਨਿਟ੍ਠਿਤਾ।
Rūpadhātuyā āyatanakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਰੂਪਧਾਤੁਯਾ ਆਯਤਨਕਥਾવਣ੍ਣਨਾ • 7. Rūpadhātuyā āyatanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਰੂਪਧਾਤੁਯਾਆਯਤਨਕਥਾવਣ੍ਣਨਾ • 7. Rūpadhātuyāāyatanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਰੂਪਧਾਤੁਯਾਆਯਤਨਕਥਾવਣ੍ਣਨਾ • 7. Rūpadhātuyāāyatanakathāvaṇṇanā
