Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā)

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    ан̇г̇уд̇д̇аранигааяз

    Aṅguttaranikāye

    згаганибаад̇а-дийгаа

    Ekakanipāta-ṭīkā

    г̇ант̇аарамбхагат̇аа

    Ganthārambhakathā

    ананд̇ан̃аан̣ам̣ гарун̣аанигзд̇ам̣,

    Anantañāṇaṃ karuṇāniketaṃ,

    намаами наат̇ам̣ ж̇ид̇абан̃жамаарам̣;

    Namāmi nāthaṃ jitapañcamāraṃ;

    д̇хаммам̣ висуд̣̇д̇хам̣ бхаванаасахзд̇ум̣,

    Dhammaṃ visuddhaṃ bhavanāsahetuṃ,

    сан̇гхан̃жа сздтам̣ хад̇асаб̣б̣абаабам̣.

    Saṅghañca seṭṭhaṃ hatasabbapāpaṃ.

    гассабам̣ д̇ам̣ махаат̇зрам̣, сан̇гхасса барин̣ааяагам̣;

    Kassapaṃ taṃ mahātheraṃ, saṅghassa pariṇāyakaṃ;

    д̣̇ийбасмим̣ д̇амб̣абан̣н̣имхи, саасанод̣̇аяагаарагам̣.

    Dīpasmiṃ tambapaṇṇimhi, sāsanodayakārakaṃ.

    бадибад̇д̇ибараад̇хийнам̣, сад̣̇ааран̃н̃аниваасинам̣;

    Paṭipattiparādhīnaṃ, sadāraññanivāsinaṃ;

    баагадам̣ г̇аг̇анз жанд̣̇а-ман̣д̣алам̣ вияа саасанз.

    Pākaṭaṃ gagane canda-maṇḍalaṃ viya sāsane.

    сан̇гхасса бид̇арам̣ ванд̣̇з, винаяз сувисаарад̣̇ам̣;

    Saṅghassa pitaraṃ vande, vinaye suvisāradaṃ;

    яам̣ ниссааяа васанд̇охам̣, вуд̣дхиббад̇д̇осми саасанз.

    Yaṃ nissāya vasantohaṃ, vuḍḍhippattosmi sāsane.

    анут̇зрам̣ махаабан̃н̃ам̣, сумзд̇хам̣ суд̇ивиссуд̇ам̣;

    Anutheraṃ mahāpaññaṃ, sumedhaṃ sutivissutaṃ;

    авикан̣д̣ид̇асийлаад̣̇и-барисуд̣̇д̇хаг̇ун̣од̣̇аяам̣.

    Avikhaṇḍitasīlādi-parisuddhaguṇodayaṃ.

    б̣ахуссуд̇ам̣ сад̇иманд̇ам̣, д̣̇анд̇ам̣ санд̇ам̣ самаахид̇ам̣;

    Bahussutaṃ satimantaṃ, dantaṃ santaṃ samāhitaṃ;

    намаами сирасаа д̇хийрам̣, г̇арум̣ мз г̇ан̣аваажагам̣.

    Namāmi sirasā dhīraṃ, garuṃ me gaṇavācakaṃ.

    ааг̇ад̇ааг̇амад̇аггзсу , сад̣̇д̣̇асад̇т̇анаяан̃н̃усу;

    Āgatāgamatakkesu , saddasatthanayaññusu;

    яассанд̇зваасибхигкуусу, саасанам̣ суббад̇идтид̇ам̣.

    Yassantevāsibhikkhūsu, sāsanaṃ suppatiṭṭhitaṃ.

    яо сийхал̣инд̣̇о д̇хид̇имаа яасассий,

    Yo sīhaḷindo dhitimā yasassī,

    ул̣аарабан̃н̃о нибун̣о галаасу;

    Uḷārapañño nipuṇo kalāsu;

    ж̇аад̇о висуд̣̇д̇хз рависомавам̣сз,

    Jāto visuddhe ravisomavaṃse,

    махаб̣б̣ало аб̣бхуд̇авуд̇д̇ид̇зж̇о.

    Mahabbalo abbhutavuttitejo.

    ж̇ид̇ваариваг̇г̇ам̣ ад̇ид̣̇уббасаяхам̣,

    Jitvārivaggaṃ atiduppasayhaṃ,

    анан̃н̃асаад̇хааран̣авиггамзна;

    Anaññasādhāraṇavikkamena;

    бад̇д̇аабхисзго ж̇инад̇хаммасзвий,

    Pattābhiseko jinadhammasevī,

    абхиббасанно рад̇анад̇д̇аяамхи.

    Abhippasanno ratanattayamhi.

    жирам̣ вибхиннз ж̇инасаасанасмим̣,

    Ciraṃ vibhinne jinasāsanasmiṃ,

    бажжад̇т̇игз судту виниг̇г̇ахзд̇ваа;

    Paccatthike suṭṭhu viniggahetvā;

    суд̇хам̣ва саамаг̇г̇ирасам̣ басад̇т̇ам̣,

    Sudhaṃva sāmaggirasaṃ pasatthaṃ,

    бааязси бхигкуу барисуд̣̇д̇хасийлз.

    Pāyesi bhikkhū parisuddhasīle.

    гад̇ваа вихаарз вибулз жа раммз,

    Katvā vihāre vipule ca ramme,

    д̇ад̇раббид̇знзгасахассасан̇кз;

    Tatrappitenekasahassasaṅkhe;

    бхигкуу асзсз жад̇убажжаязхи,

    Bhikkhū asese catupaccayehi,

    санд̇аббаяанд̇о сужирам̣ акан̣д̣ам̣.

    Santappayanto suciraṃ akhaṇḍaṃ.

    сад̣̇д̇хаммавуд̣̇д̇хим̣ абхиган̇камаано,

    Saddhammavuddhiṃ abhikaṅkhamāno,

    саяамби бхигкуу анусаасаяид̇ваа;

    Sayampi bhikkhū anusāsayitvā;

    нияож̇аяам̣ г̇ант̇авибассанаасу,

    Niyojayaṃ ganthavipassanāsu,

    агааси вуд̣̇д̇хим̣ ж̇инасаасанасса.

    Akāsi vuddhiṃ jinasāsanassa.

    д̇знаахамажжанд̇амануг̇г̇ахийд̇о,

    Tenāhamaccantamanuggahīto,

    анан̃н̃асаад̇хааран̣асан̇г̇ахзна;

    Anaññasādhāraṇasaṅgahena;

    яасмаа барагганд̇абхуж̇авхаязна,

    Yasmā parakkantabhujavhayena,

    аж̇жхзсид̇о бхигкуг̇ан̣асса маж̇жхз.

    Ajjhesito bhikkhugaṇassa majjhe.

    д̇асмаа ануд̇д̇аанабад̣̇аанамад̇т̇ам̣,

    Tasmā anuttānapadānamatthaṃ,

    сздтааяа ан̇г̇уд̇д̇араван̣н̣анааяа;

    Seṭṭhāya aṅguttaravaṇṇanāya;

    санд̣̇ассаяиссам̣ сагалам̣ суб̣од̣̇д̇хум̣,

    Sandassayissaṃ sakalaṃ suboddhuṃ,

    ниссааяа буб̣б̣аажарияаббабхаавам̣.

    Nissāya pubbācariyappabhāvaṃ.

    г̇ант̇аарамбхагат̇ааван̣н̣анаа

    Ganthārambhakathāvaṇṇanā

    1. сам̣ван̣н̣анаарамбхз рад̇анад̇д̇аяам̣ намассид̇угаамо д̇асса висидтаг̇ун̣аяог̇асанд̣̇ассанад̇т̇ам̣ ‘‘гарун̣аасийд̇алахад̣̇аяа’’нд̇иаад̣̇имааха. висидтаг̇ун̣аяог̇зна хи ванд̣̇анаарахабхааво, ванд̣̇анаарахз жа гад̇аа ванд̣̇анаа яат̇аад̇хиббзд̇амад̇т̇ам̣ саад̇хзд̇и. зд̇т̇а жа сам̣ван̣н̣анаарамбхз рад̇анад̇д̇аяаббан̣аамагаран̣аббаяож̇анам̣ д̇ад̇т̇а д̇ад̇т̇а б̣ахуд̇хаа бабан̃жзнд̇и аажарияаа, маяам̣ бана ид̇хаад̇хиббзд̇амзва баяож̇анам̣ д̣̇ассаяиссаама, д̇асмаа сам̣ван̣н̣анаарамбхз рад̇анад̇д̇аяаббан̣аамагаран̣ам̣ яат̇аабадин̃н̃аад̇асам̣ван̣н̣анааяа ананд̇арааязна барисамаабанад̇т̇анд̇и взд̣̇ид̇аб̣б̣ам̣. ид̣̇амзва хи баяож̇анам̣ аажариязна ид̇хаад̇хиббзд̇ам̣. д̇ат̇аа хи вагкад̇и –

    1. Saṃvaṇṇanārambhe ratanattayaṃ namassitukāmo tassa visiṭṭhaguṇayogasandassanatthaṃ ‘‘karuṇāsītalahadaya’’ntiādimāha. Visiṭṭhaguṇayogena hi vandanārahabhāvo, vandanārahe ca katā vandanā yathādhippetamatthaṃ sādheti. Ettha ca saṃvaṇṇanārambhe ratanattayappaṇāmakaraṇappayojanaṃ tattha tattha bahudhā papañcenti ācariyā, mayaṃ pana idhādhippetameva payojanaṃ dassayissāma, tasmā saṃvaṇṇanārambhe ratanattayappaṇāmakaraṇaṃ yathāpaṭiññātasaṃvaṇṇanāya anantarāyena parisamāpanatthanti veditabbaṃ. Idameva hi payojanaṃ ācariyena idhādhippetaṃ. Tathā hi vakkhati –

    ‘‘ид̇и мз басаннамад̇ино, рад̇анад̇д̇аяаванд̣̇анаамаяам̣ бун̃н̃ам̣;

    ‘‘Iti me pasannamatino, ratanattayavandanāmayaṃ puññaṃ;

    яам̣ сувихад̇анд̇арааяо, худ̇ваа д̇ассаанубхаавзнаа’’д̇и.

    Yaṃ suvihatantarāyo, hutvā tassānubhāvenā’’ti.

    рад̇анад̇д̇аяаббан̣аамагаран̣зна жзд̇т̇а яат̇аабадин̃н̃аад̇асам̣ван̣н̣анааяа ананд̇арааязна барисамаабанам̣ рад̇анад̇д̇аяабууж̇ааяа бан̃н̃аабаадавад̇о, д̇ааяа бан̃н̃аабаадаван̃жа рааг̇аад̣̇ималавид̇хаманад̇о. вуд̇д̇ан̃хзд̇ам̣ –

    Ratanattayappaṇāmakaraṇena cettha yathāpaṭiññātasaṃvaṇṇanāya anantarāyena parisamāpanaṃ ratanattayapūjāya paññāpāṭavato, tāya paññāpāṭavañca rāgādimalavidhamanato. Vuttañhetaṃ –

    ‘‘яасмим̣, махаанаама, самаяз арияасааваго д̇ат̇ааг̇ад̇ам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и, уж̇уг̇ад̇амзвасса д̇асмим̣ самаяз жид̇д̇ам̣ ход̇ий’’д̇иаад̣̇и (а. ни. 6.10; 11.11).

    ‘‘Yasmiṃ, mahānāma, samaye ariyasāvako tathāgataṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti, ujugatamevassa tasmiṃ samaye cittaṃ hotī’’tiādi (a. ni. 6.10; 11.11).

    д̇асмаа рад̇анад̇д̇аяабууж̇анзна вигкаалид̇амалааяа бан̃н̃ааяа баадавасид̣̇д̇хи.

    Tasmā ratanattayapūjanena vikkhālitamalāya paññāya pāṭavasiddhi.

    ат̇а ваа рад̇анад̇д̇аяабууж̇анасса бан̃н̃аабад̣̇адтаанасамаад̇хихзд̇уд̇д̇аа бан̃н̃аабаадавам̣. вуд̇д̇ан̃хи д̇асса самаад̇хихзд̇уд̇д̇ам̣ –

    Atha vā ratanattayapūjanassa paññāpadaṭṭhānasamādhihetuttā paññāpāṭavaṃ. Vuttañhi tassa samādhihetuttaṃ –

    ‘‘уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇ий’’д̇и (а. ни. 6.10; 11.11).

    ‘‘Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ, pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyatī’’ti (a. ni. 6.10; 11.11).

    самаад̇хисса жа бан̃н̃ааяа бад̣̇адтаанабхааво вуд̇д̇оязва – ‘‘самаахид̇о яат̇аабхууд̇ам̣ баж̇аанаад̇ий’’д̇и (сам̣. ни. 3.5; 4.99; 5.1071). д̇ад̇о звам̣ бадубхууд̇ааяа бан̃н̃ааяа бадин̃н̃аамахад̇д̇агад̇ам̣ кзд̣̇амабхибхуяяа ананд̇арааязна сам̣ван̣н̣анам̣ самаабаяиссад̇и.

    Samādhissa ca paññāya padaṭṭhānabhāvo vuttoyeva – ‘‘samāhito yathābhūtaṃ pajānātī’’ti (saṃ. ni. 3.5; 4.99; 5.1071). Tato evaṃ paṭubhūtāya paññāya paṭiññāmahattakataṃ khedamabhibhuyya anantarāyena saṃvaṇṇanaṃ samāpayissati.

    ат̇а ваа рад̇анад̇д̇аяабууж̇ааяа ааяуван̣н̣асукаб̣алавад̣дханад̇о ананд̇арааязна барисамаабанам̣ взд̣̇ид̇аб̣б̣ам̣. рад̇анад̇д̇аяаббан̣аамзна хи ааяуван̣н̣асукаб̣алаани вад̣дханд̇и. вуд̇д̇ан̃хзд̇ам̣ –

    Atha vā ratanattayapūjāya āyuvaṇṇasukhabalavaḍḍhanato anantarāyena parisamāpanaṃ veditabbaṃ. Ratanattayappaṇāmena hi āyuvaṇṇasukhabalāni vaḍḍhanti. Vuttañhetaṃ –

    ‘‘абхиваад̣̇анасийлисса, нижжам̣ вуд̣дхаабажааяино;

    ‘‘Abhivādanasīlissa, niccaṃ vuḍḍhāpacāyino;

    жад̇д̇ааро д̇хаммаа вад̣дханд̇и, ааяу ван̣н̣о сукам̣ б̣ала’’нд̇и. (д̇ха. ба. 109) –

    Cattāro dhammā vaḍḍhanti, āyu vaṇṇo sukhaṃ bala’’nti. (dha. pa. 109) –

    д̇ад̇о ааяуван̣н̣асукаб̣алавуд̣̇д̇хияаа ход̇зва гаарияанидтаанам̣.

    Tato āyuvaṇṇasukhabalavuddhiyā hoteva kāriyaniṭṭhānaṃ.

    ат̇а ваа рад̇анад̇д̇аяаг̇ааравасса бадибхаанаабарихаанаавахад̇д̇аа. абарихаанаавахан̃хи д̇ийсуби рад̇анзсу г̇ааравам̣. вуд̇д̇ан̃хзд̇ам̣ –

    Atha vā ratanattayagāravassa paṭibhānāparihānāvahattā. Aparihānāvahañhi tīsupi ratanesu gāravaṃ. Vuttañhetaṃ –

    ‘‘сад̇д̇имз, бхигкавз, абарихаанийяаа д̇хаммаа. гад̇амз сад̇д̇а? сад̇т̇уг̇ааравад̇аа, д̇хаммаг̇ааравад̇аа, сан̇гхаг̇ааравад̇аа, сигкааг̇ааравад̇аа, самаад̇хиг̇ааравад̇аа, соважассад̇аа, галяаан̣амид̇д̇ад̇аа’’д̇и (а. ни. 7.34).

    ‘‘Sattime, bhikkhave, aparihānīyā dhammā. Katame satta? Satthugāravatā, dhammagāravatā, saṅghagāravatā, sikkhāgāravatā, samādhigāravatā, sovacassatā, kalyāṇamittatā’’ti (a. ni. 7.34).

    ход̇зва жа д̇ад̇о бадибхаанаабарихаанзна яат̇аабадин̃н̃аад̇абарисамаабанам̣.

    Hoteva ca tato paṭibhānāparihānena yathāpaṭiññātaparisamāpanaṃ.

    ат̇а ваа басаад̣̇авад̇т̇уусу бууж̇ааяа бун̃н̃аад̇исаяабхаавад̇о. вуд̇д̇ан̃хи д̇ассаа бун̃н̃аад̇исаяад̇д̇ам̣ –

    Atha vā pasādavatthūsu pūjāya puññātisayabhāvato. Vuttañhi tassā puññātisayattaṃ –

    ‘‘бууж̇аарахз бууж̇аяад̇о, б̣уд̣̇д̇хз яад̣̇и ва саавагз;

    ‘‘Pūjārahe pūjayato, buddhe yadi va sāvake;

    бабан̃жасамад̇игганд̇з, д̇ин̣н̣асогабарид̣̇д̣̇авз.

    Papañcasamatikkante, tiṇṇasokapariddave.

    д̇з д̇аад̣̇исз бууж̇аяад̇о, ниб̣б̣уд̇з агуд̇обхаяз;

    Te tādise pūjayato, nibbute akutobhaye;

    на саггаа бун̃н̃ам̣ сан̇каад̇ум̣, имзд̇д̇амаби гзнажий’’д̇и. (д̇ха. ба. 195-196; аба. т̇зра 1.10.1-2);

    Na sakkā puññaṃ saṅkhātuṃ, imettamapi kenacī’’ti. (dha. pa. 195-196; apa. thera 1.10.1-2);

    бун̃н̃аад̇исаяо жа яат̇аад̇хиббзд̇абарисамаабануубааяо. яат̇ааха –

    Puññātisayo ca yathādhippetaparisamāpanūpāyo. Yathāha –

    ‘‘зса д̣̇звамануссаанам̣, саб̣б̣агаамад̣̇ад̣̇о нид̇хи;

    ‘‘Esa devamanussānaṃ, sabbakāmadado nidhi;

    яам̣ яад̣̇зваабхибад̇т̇знд̇и, саб̣б̣амзд̇зна лаб̣бхад̇ий’’д̇и. (ку. баа. 8.10);

    Yaṃ yadevābhipatthenti, sabbametena labbhatī’’ti. (khu. pā. 8.10);

    убааязсу жа бадибаннасса ход̇зва гаарияанидтаанам̣. рад̇анад̇д̇аяабууж̇аа хи нирад̇исаяабун̃н̃агкзд̇д̇асамб̣уд̣̇д̇хияаа абаримзяяаббабхааво бун̃н̃аад̇исаяод̇и б̣ахувид̇ханд̇арааязби логасанниваасз анд̇арааяаниб̣анд̇ханасагаласам̣гилзсавид̣̇д̇хам̣санааяа баход̇и, бхаяаад̣̇иубад̣̇д̣̇аван̃жа ниваарзд̇и. д̇асмаа вуд̇д̇ам̣ – ‘‘сам̣ван̣н̣анаарамбхз рад̇анад̇д̇аяаббан̣аамагаран̣ам̣ яат̇аабадин̃н̃аад̇асам̣ван̣н̣анааяа ананд̇арааязна барисамаабанад̇т̇а’’нд̇и.

    Upāyesu ca paṭipannassa hoteva kāriyaniṭṭhānaṃ. Ratanattayapūjā hi niratisayapuññakkhettasambuddhiyā aparimeyyappabhāvo puññātisayoti bahuvidhantarāyepi lokasannivāse antarāyanibandhanasakalasaṃkilesaviddhaṃsanāya pahoti, bhayādiupaddavañca nivāreti. Tasmā vuttaṃ – ‘‘saṃvaṇṇanārambhe ratanattayappaṇāmakaraṇaṃ yathāpaṭiññātasaṃvaṇṇanāya anantarāyena parisamāpanattha’’nti.

    зван̃жа саббаяож̇анам̣ рад̇анад̇д̇аяаванд̣̇анам̣ гад̇д̇угаамо батамам̣ д̇аава бхаг̇авад̇о ванд̣̇анам̣ гаад̇ум̣ д̇аммуулагад̇д̇аа сзсарад̇анаанам̣ ‘‘гарун̣аасийд̇алахад̣̇аяам̣…бз… г̇ад̇ивимуд̇д̇а’’нд̇и ааха. д̇ад̇т̇а яассаа д̣̇зсанааяа сам̣ван̣н̣анам̣ гад̇д̇угаамо, саа на винаяад̣̇зсанаа вияа гарун̣аабад̇хаанаа, нааби абхид̇хаммад̣̇зсанаа вияа бан̃н̃аабад̇хаанаа, ат̇а ко гарун̣аабан̃н̃аабад̇хаанаад̇и д̇ад̣̇убхаяаббад̇хаанамзва д̇аава саммаасамб̣уд̣̇д̇хасса т̇оманам̣ гаад̇ум̣ ‘‘гарун̣аасийд̇алахад̣̇аяам̣, бан̃н̃аабаж̇ж̇од̇авихад̇амохад̇ама’’нд̇и вуд̇д̇ам̣. д̇ад̇т̇а гирад̇ийд̇и гарун̣аа, барад̣̇угкам̣ вигкибад̇и абанзд̇ийд̇и ад̇т̇о. ат̇а ваа гин̣аад̇ийд̇и гарун̣аа, барад̣̇угкз сад̇и гаарун̣игам̣ хим̣сад̇и виб̣аад̇хад̇ийд̇и ад̇т̇о. барад̣̇угкз сад̇и саад̇хуунам̣ гамбанам̣ хад̣̇аяакзд̣̇ам̣ гарод̇ийд̇и ваа гарун̣аа. ат̇а ваа гамид̇и сукам̣, д̇ам̣ рунд̇хад̇ийд̇и гарун̣аа. зсаа хи барад̣̇угкаабанаяанагаамад̇аалагкан̣аа ад̇д̇асуканирабзгкад̇ааяа гаарун̣игаанам̣ сукам̣ рунд̇хад̇и виб̣анд̇хад̇ийд̇и ад̇т̇о. гарун̣ааяа сийд̇алам̣ гарун̣аасийд̇алам̣, гарун̣аасийд̇алам̣ хад̣̇аяам̣ ассаад̇и гарун̣аасийд̇алахад̣̇аяо, д̇ам̣ гарун̣аасийд̇алахад̣̇аяам̣.

    Evañca sappayojanaṃ ratanattayavandanaṃ kattukāmo paṭhamaṃ tāva bhagavato vandanaṃ kātuṃ tammūlakattā sesaratanānaṃ ‘‘karuṇāsītalahadayaṃ…pe… gativimutta’’nti āha. Tattha yassā desanāya saṃvaṇṇanaṃ kattukāmo, sā na vinayadesanā viya karuṇāpadhānā, nāpi abhidhammadesanā viya paññāpadhānā, atha kho karuṇāpaññāpadhānāti tadubhayappadhānameva tāva sammāsambuddhassa thomanaṃ kātuṃ ‘‘karuṇāsītalahadayaṃ, paññāpajjotavihatamohatama’’nti vuttaṃ. Tattha kiratīti karuṇā, paradukkhaṃ vikkhipati apanetīti attho. Atha vā kiṇātīti karuṇā, paradukkhe sati kāruṇikaṃ hiṃsati vibādhatīti attho. Paradukkhe sati sādhūnaṃ kampanaṃ hadayakhedaṃ karotīti vā karuṇā. Atha vā kamiti sukhaṃ, taṃ rundhatīti karuṇā. Esā hi paradukkhāpanayanakāmatālakkhaṇā attasukhanirapekkhatāya kāruṇikānaṃ sukhaṃ rundhati vibandhatīti attho. Karuṇāya sītalaṃ karuṇāsītalaṃ, karuṇāsītalaṃ hadayaṃ assāti karuṇāsītalahadayo, taṃ karuṇāsītalahadayaṃ.

    д̇ад̇т̇а гин̃жааби барзсам̣ хид̇обасам̣хаарасукаад̣̇иабарихаанижчанасабхаавад̇ааяа, б̣яаабаад̣̇аарад̇ийнам̣ уж̇увибажжанийгад̇ааяа жа сад̇д̇асанд̇аанаг̇ад̇асанд̇аабавижчзд̣̇анаагаараббавад̇д̇ияаа мзд̇д̇аамуд̣̇ид̇аанамби жид̇д̇асийд̇алабхаавагааран̣ад̇аа убалаб̣бхад̇и, д̇ат̇ааби д̣̇угкаабанаяанаагаараббавад̇д̇ияаа баруубад̇аабаасаханарасаа авихим̣сабхууд̇аа гарун̣аа висзсзна бхаг̇авад̇о жид̇д̇асса жид̇д̇аббассад̣̇д̇хи вияа сийд̇ибхааванимид̇д̇анд̇и вуд̇д̇ам̣ – ‘‘гарун̣аасийд̇алахад̣̇аяа’’нд̇и. гарун̣аамукзна ваа мзд̇д̇аамуд̣̇ид̇аанамби хад̣̇аяасийд̇алабхаавагааран̣ад̇аа вуд̇д̇аад̇и д̣̇адтаб̣б̣ам̣. ат̇а ваа асаад̇хааран̣ан̃аан̣ависзсаниб̣анд̇ханабхууд̇аа саад̇исаяам̣ ниравасзсан̃жа саб̣б̣ан̃н̃уд̇ан̃н̃аан̣ам̣ вияа сависаяаб̣яаабид̇ааяа махаагарун̣аабхаавам̣ убаг̇ад̇аа гарун̣аава бхаг̇авад̇о ад̇исаязна хад̣̇аяасийд̇алабхаавахзд̇ууд̇и ааха – ‘‘гарун̣аасийд̇алахад̣̇аяа’’нд̇и. ат̇а ваа сад̇иби мзд̇д̇аамуд̣̇ид̇аанам̣ саад̇исаяз хад̣̇аяасийд̇ибхааваниб̣анд̇ханад̇д̇з сагалаб̣уд̣̇д̇хаг̇ун̣ависзсагааран̣ад̇ааяа д̇аасамби гааран̣анд̇и гарун̣аава бхаг̇авад̇о ‘‘хад̣̇аяасийд̇алабхаавагааран̣а’’нд̇и вуд̇д̇аа. гарун̣аанид̣̇аанаа хи саб̣б̣зби б̣уд̣̇д̇хаг̇ун̣аа. гарун̣аанубхааваниб̣б̣аабияамаанасам̣саарад̣̇угкасанд̇аабасса хи бхаг̇авад̇о барад̣̇угкаабанаяанагаамад̇ааяа анзгааниби асан̇кязяяаани габбаанам̣ агиланд̇аруубассзва ниравасзсаб̣уд̣̇д̇хагарад̇хаммасамбхаран̣анирад̇асса самад̇хиг̇ад̇ад̇хаммаад̇хибад̇зяяасса жа саннихид̇зсуби сад̇д̇асан̇каарасамубанийд̇ахад̣̇аяуубад̇аабанимид̇д̇зсу на ийсагамби жид̇д̇асийд̇ибхаавасса ан̃н̃ат̇ад̇д̇амахосийд̇и. зд̇асмин̃жа ад̇т̇авигаббз д̇ийсуби авад̇т̇аасу бхаг̇авад̇о гарун̣аа сан̇г̇ахид̇аад̇и д̣̇адтаб̣б̣ам̣.

    Tattha kiñcāpi paresaṃ hitopasaṃhārasukhādiaparihānicchanasabhāvatāya, byāpādāratīnaṃ ujuvipaccanīkatāya ca sattasantānagatasantāpavicchedanākārappavattiyā mettāmuditānampi cittasītalabhāvakāraṇatā upalabbhati, tathāpi dukkhāpanayanākārappavattiyā parūpatāpāsahanarasā avihiṃsabhūtā karuṇā visesena bhagavato cittassa cittappassaddhi viya sītibhāvanimittanti vuttaṃ – ‘‘karuṇāsītalahadaya’’nti. Karuṇāmukhena vā mettāmuditānampi hadayasītalabhāvakāraṇatā vuttāti daṭṭhabbaṃ. Atha vā asādhāraṇañāṇavisesanibandhanabhūtā sātisayaṃ niravasesañca sabbaññutaññāṇaṃ viya savisayabyāpitāya mahākaruṇābhāvaṃ upagatā karuṇāva bhagavato atisayena hadayasītalabhāvahetūti āha – ‘‘karuṇāsītalahadaya’’nti. Atha vā satipi mettāmuditānaṃ sātisaye hadayasītibhāvanibandhanatte sakalabuddhaguṇavisesakāraṇatāya tāsampi kāraṇanti karuṇāva bhagavato ‘‘hadayasītalabhāvakāraṇa’’nti vuttā. Karuṇānidānā hi sabbepi buddhaguṇā. Karuṇānubhāvanibbāpiyamānasaṃsāradukkhasantāpassa hi bhagavato paradukkhāpanayanakāmatāya anekānipi asaṅkhyeyyāni kappānaṃ akilantarūpasseva niravasesabuddhakaradhammasambharaṇaniratassa samadhigatadhammādhipateyyassa ca sannihitesupi sattasaṅkhārasamupanītahadayūpatāpanimittesu na īsakampi cittasītibhāvassa aññathattamahosīti. Etasmiñca atthavikappe tīsupi avatthāsu bhagavato karuṇā saṅgahitāti daṭṭhabbaṃ.

    баж̇аанаад̇ийд̇и бан̃н̃аа, яат̇аасабхаавам̣ багаарзхи бадивиж̇жхад̇ийд̇и ад̇т̇о. бан̃н̃аава н̃зяяааваран̣аббахаанад̇о багаарзхи д̇хаммасабхаавааваж̇од̇анадтзна баж̇ж̇од̇од̇и бан̃н̃аабаж̇ж̇од̇о. саваасанаббахаанад̇о висзсзна хад̇ам̣ самуг̇гхаад̇ид̇ам̣ вихад̇ам̣. бан̃н̃аабаж̇ж̇од̇зна вихад̇ам̣ бан̃н̃аабаж̇ж̇од̇авихад̇ам̣ , муяханд̇и д̇зна, саяам̣ ваа муяхад̇и, моханамад̇д̇амзва ваа д̇анд̇и мохо, авиж̇ж̇аа. свзва висаяасабхааваббадижчаад̣̇анад̇о анд̇хагаарасаригкад̇ааяа д̇амо вияаад̇и мохад̇амо, бан̃н̃аабаж̇ж̇од̇авихад̇о мохад̇амо зд̇ассаад̇и бан̃н̃аабаж̇ж̇од̇авихад̇амохад̇амо, д̇ам̣ бан̃н̃аабаж̇ж̇од̇авихад̇амохад̇амам̣. саб̣б̣зсамби хи кийн̣аасаваанам̣ сад̇иби бан̃н̃аабаж̇ж̇од̇зна авиж̇ж̇анд̇хагаарасса вихад̇абхаавз сад̣̇д̇хаад̇химуд̇д̇зхи вияа д̣̇идтиббад̇д̇аанам̣ саавагзхи бажжзгасамб̣уд̣̇д̇хзхи жа саваасанаббахаанзна саммаасамб̣уд̣̇д̇хаанам̣ гилзсаббахаанасса висзсо виж̇ж̇ад̇ийд̇и саад̇исаязна авиж̇ж̇аабахаанзна бхаг̇аванд̇ам̣ т̇омзнд̇о ааха – ‘‘бан̃н̃аабаж̇ж̇од̇авихад̇амохад̇ама’’нд̇и.

    Pajānātīti paññā, yathāsabhāvaṃ pakārehi paṭivijjhatīti attho. Paññāva ñeyyāvaraṇappahānato pakārehi dhammasabhāvāvajotanaṭṭhena pajjototi paññāpajjoto. Savāsanappahānato visesena hataṃ samugghātitaṃ vihataṃ. Paññāpajjotena vihataṃ paññāpajjotavihataṃ , muyhanti tena, sayaṃ vā muyhati, mohanamattameva vā tanti moho, avijjā. Sveva visayasabhāvappaṭicchādanato andhakārasarikkhatāya tamo viyāti mohatamo, paññāpajjotavihato mohatamo etassāti paññāpajjotavihatamohatamo, taṃ paññāpajjotavihatamohatamaṃ. Sabbesampi hi khīṇāsavānaṃ satipi paññāpajjotena avijjandhakārassa vihatabhāve saddhādhimuttehi viya diṭṭhippattānaṃ sāvakehi paccekasambuddhehi ca savāsanappahānena sammāsambuddhānaṃ kilesappahānassa viseso vijjatīti sātisayena avijjāpahānena bhagavantaṃ thomento āha – ‘‘paññāpajjotavihatamohatama’’nti.

    ат̇а ваа анд̇арзна баробад̣̇зсам̣ ад̇д̇ано санд̇аанз ажжанд̇ам̣ авиж̇ж̇анд̇хагааравиг̇амасса ниб̣б̣ад̇д̇ид̇ад̇д̇аа, д̇ад̇т̇а жа саб̣б̣ан̃н̃уд̇ааяа б̣алзсу жа васийбхаавасса самад̇хиг̇ад̇ад̇д̇аа, барасанд̇ад̇ияан̃жа д̇хаммад̣̇зсанаад̇исаяаанубхаавзна саммад̣̇зва д̇асса бавад̇д̇ид̇ад̇д̇аа бхаг̇аваава висзсад̇о мохад̇амавиг̇амзна т̇омзд̇аб̣б̣од̇и ааха – ‘‘бан̃н̃аабаж̇ж̇од̇авихад̇амохад̇ама’’нд̇и. имасмин̃жа ад̇т̇авигаббз ‘‘бан̃н̃аабаж̇ж̇од̇о’’д̇и бад̣̇зна бхаг̇авад̇о бадивзд̇хабан̃н̃аа вияа д̣̇зсанаабан̃н̃ааби сааман̃н̃анид̣̇д̣̇зсзна, згасзсанаязна ваа сан̇г̇ахид̇аад̇и д̣̇адтаб̣б̣ам̣.

    Atha vā antarena paropadesaṃ attano santāne accantaṃ avijjandhakāravigamassa nibbattitattā, tattha ca sabbaññutāya balesu ca vasībhāvassa samadhigatattā, parasantatiyañca dhammadesanātisayānubhāvena sammadeva tassa pavattitattā bhagavāva visesato mohatamavigamena thometabboti āha – ‘‘paññāpajjotavihatamohatama’’nti. Imasmiñca atthavikappe ‘‘paññāpajjoto’’ti padena bhagavato paṭivedhapaññā viya desanāpaññāpi sāmaññaniddesena, ekasesanayena vā saṅgahitāti daṭṭhabbaṃ.

    ат̇а ваа бхаг̇авад̇о н̃аан̣асса н̃зяяабарияанд̇игад̇д̇аа сагалан̃зяяад̇хаммасабхаавааваб̣од̇ханасамад̇т̇зна анааваран̣ан̃аан̣асан̇каад̇зна бан̃н̃аабаж̇ж̇од̇зна саб̣б̣ан̃зяяад̇хаммасабхааважчаад̣̇агасса моханд̇хагаарасса вид̇хамид̇ад̇д̇аа анан̃н̃асаад̇хааран̣о бхаг̇авад̇о мохад̇амавинаасод̇и гад̇ваа вуд̇д̇ам̣ – ‘‘бан̃н̃аабаж̇ж̇од̇авихад̇амохад̇ама’’нд̇и. зд̇т̇а жа мохад̇амавид̇хамананд̇з ад̇хиг̇ад̇ад̇д̇аа анааваран̣ан̃аан̣ам̣ гааран̣обажаарзна сасанд̇аанамохад̇амавид̇хаманам̣ д̣̇адтаб̣б̣ам̣. абхинийхаарасамбад̇д̇ияаа саваасанаббахаанамзва хи гилзсаанам̣ н̃зяяааваран̣аббахаананд̇и, барасанд̇аанз бана мохад̇амавид̇хаманасса гааран̣абхаавад̇о анааваран̣ан̃аан̣ам̣ ‘‘мохад̇амавид̇хамана’’нд̇и вужжад̇ийд̇и.

    Atha vā bhagavato ñāṇassa ñeyyapariyantikattā sakalañeyyadhammasabhāvāvabodhanasamatthena anāvaraṇañāṇasaṅkhātena paññāpajjotena sabbañeyyadhammasabhāvacchādakassa mohandhakārassa vidhamitattā anaññasādhāraṇo bhagavato mohatamavināsoti katvā vuttaṃ – ‘‘paññāpajjotavihatamohatama’’nti. Ettha ca mohatamavidhamanante adhigatattā anāvaraṇañāṇaṃ kāraṇopacārena sasantānamohatamavidhamanaṃ daṭṭhabbaṃ. Abhinīhārasampattiyā savāsanappahānameva hi kilesānaṃ ñeyyāvaraṇappahānanti, parasantāne pana mohatamavidhamanassa kāraṇabhāvato anāvaraṇañāṇaṃ ‘‘mohatamavidhamana’’nti vuccatīti.

    гим̣ бана гааран̣ам̣ авиж̇ж̇аасамуг̇гхаад̇оязвзго бахаанасамбад̇д̇ивасзна бхаг̇авад̇о т̇оманаанимид̇д̇ам̣ г̇аяхад̇и, на бана саад̇исаяаниравасзсагилзсаббахаананд̇и? д̇аббахаанаважанзнзва д̇ад̣̇згадтад̇ааяа сагаласам̣гилзсаг̇ан̣асамуг̇гхаад̇асса вуд̇д̇ад̇д̇аа. на хи со д̇аад̣̇исо гилзсо ад̇т̇и, яо ниравасзсаавиж̇ж̇аабахаанзна на бахийяад̇ийд̇и.

    Kiṃ pana kāraṇaṃ avijjāsamugghātoyeveko pahānasampattivasena bhagavato thomanānimittaṃ gayhati, na pana sātisayaniravasesakilesappahānanti? Tappahānavacaneneva tadekaṭṭhatāya sakalasaṃkilesagaṇasamugghātassa vuttattā. Na hi so tādiso kileso atthi, yo niravasesaavijjāpahānena na pahīyatīti.

    ат̇а ваа виж̇ж̇аа вияа сагалагусалад̇хаммасамуббад̇д̇ияаа, ниравасзсаагусалад̇хамманиб̣б̣ад̇д̇ияаа сам̣саараббавад̇д̇ияаа жа авиж̇ж̇аа бад̇хаанагааран̣анд̇и д̇аб̣б̣игхаад̇аважанзна сагаласам̣гилзсаг̇ан̣асамуг̇гхаад̇о вуд̇д̇о зва ход̇ийд̇и вуд̇д̇ам̣ – ‘‘бан̃н̃аабаж̇ж̇од̇авихад̇амохад̇ама’’нд̇и.

    Atha vā vijjā viya sakalakusaladhammasamuppattiyā, niravasesākusaladhammanibbattiyā saṃsārappavattiyā ca avijjā padhānakāraṇanti tabbighātavacanena sakalasaṃkilesagaṇasamugghāto vutto eva hotīti vuttaṃ – ‘‘paññāpajjotavihatamohatama’’nti.

    нараа жа амараа жа нараамараа, саха нараамарзхийд̇и санараамаро, санараамаро жа со лого жаад̇и санараамаралого, д̇асса г̇арууд̇и санараамаралогаг̇ару, д̇ам̣ санараамаралогаг̇арум̣. зд̇зна д̣̇звамануссаанам̣ вияа д̇ад̣̇авасидтасад̇д̇аанамби яат̇аарахам̣ г̇ун̣ависзсаавахад̇ааяа бхаг̇авад̇о убагаарад̇ам̣ д̣̇ассзд̇и. на жзд̇т̇а бад̇хаанаббад̇хаанабхааво жод̣̇зд̇аб̣б̣о. ан̃н̃о хи сад̣̇д̣̇аггамо, ан̃н̃о ад̇т̇аггамо. ийд̣̇исзсу хи самаасабад̣̇зсу бад̇хаанамби аббад̇хаанам̣ вияа нид̣̇д̣̇исийяад̇и яат̇аа ‘‘сарааж̇игааяа барисааяаа’’д̇и (жуул̣ава. 336). гааман̃жзд̇т̇а сад̇д̇асан̇каарабхааж̇анавасзна д̇ивид̇хо лого, г̇арубхаавасса бана ад̇хиббзд̇ад̇д̇аа г̇аругаран̣асамад̇т̇ассзва яуж̇ж̇анад̇о сад̇д̇алогасса васзна ад̇т̇о г̇ахзд̇аб̣б̣о. со хи логийяанд̇и зд̇т̇а бун̃н̃абаабаани д̇аб̣б̣ибааго жаад̇и ‘‘лого’’д̇и вужжад̇и. амараг̇г̇ахан̣зна жзд̇т̇а убабад̇д̇ид̣̇зваа ад̇хиббзд̇аа.

    Narā ca amarā ca narāmarā, saha narāmarehīti sanarāmaro, sanarāmaro ca so loko cāti sanarāmaraloko, tassa garūti sanarāmaralokagaru, taṃ sanarāmaralokagaruṃ. Etena devamanussānaṃ viya tadavasiṭṭhasattānampi yathārahaṃ guṇavisesāvahatāya bhagavato upakārataṃ dasseti. Na cettha padhānappadhānabhāvo codetabbo. Añño hi saddakkamo, añño atthakkamo. Īdisesu hi samāsapadesu padhānampi appadhānaṃ viya niddisīyati yathā ‘‘sarājikāya parisāyā’’ti (cūḷava. 336). Kāmañcettha sattasaṅkhārabhājanavasena tividho loko, garubhāvassa pana adhippetattā garukaraṇasamatthasseva yujjanato sattalokassa vasena attho gahetabbo. So hi lokīyanti ettha puññapāpāni tabbipāko cāti ‘‘loko’’ti vuccati. Amaraggahaṇena cettha upapattidevā adhippetā.

    ат̇а ваа самуухад̇т̇о логасад̣̇д̣̇о самуд̣̇ааяавасзна логийяад̇и бан̃н̃аабийяад̇ийд̇и. саха нарзхийд̇и санараа, санараа жа д̇з амараа жаад̇и санараамараа, д̇зсам̣ логод̇и санараамаралогод̇и буриманаязнзва яож̇зд̇аб̣б̣ам̣. амарасад̣̇д̣̇зна жзд̇т̇а висуд̣̇д̇хид̣̇звааби сан̇г̇аяханд̇и. д̇зби хи маран̣аабхаавад̇о барамад̇т̇ад̇о амараа. нараамараанам̣язва жа г̇ахан̣ам̣ уггадтанид̣̇д̣̇зсавасзна яат̇аа ‘‘сад̇т̇аа д̣̇звамануссаана’’нд̇и (д̣̇ий. ни. 1.157). д̇ат̇аа хи саб̣б̣аанад̇т̇абарихаран̣абуб̣б̣ан̇г̇амааяа ниравасзсахид̇асукавид̇хаанад̇аббарааяа нирад̇исаяааяа баяог̇асамбад̇д̇ияаа сад̣̇звамануссааяа баж̇ааяа ажжанд̇уубагаарид̇ааяа абаримид̇анирубамаббабхааваг̇ун̣ависзсасаман̇г̇ид̇ааяа жа саб̣б̣асад̇д̇уд̇д̇амо бхаг̇аваа абаримаан̣аасу логад̇хаад̇уусу абаримаан̣аанам̣ сад̇д̇аанам̣ уд̇д̇амаг̇ааравадтаанам̣. д̇зна вуд̇д̇ам̣ – ‘‘санараамаралогаг̇ару’’нд̇и.

    Atha vā samūhattho lokasaddo samudāyavasena lokīyati paññāpīyatīti. Saha narehīti sanarā, sanarā ca te amarā cāti sanarāmarā, tesaṃ lokoti sanarāmaralokoti purimanayeneva yojetabbaṃ. Amarasaddena cettha visuddhidevāpi saṅgayhanti. Tepi hi maraṇābhāvato paramatthato amarā. Narāmarānaṃyeva ca gahaṇaṃ ukkaṭṭhaniddesavasena yathā ‘‘satthā devamanussāna’’nti (dī. ni. 1.157). Tathā hi sabbānatthapariharaṇapubbaṅgamāya niravasesahitasukhavidhānatapparāya niratisayāya payogasampattiyā sadevamanussāya pajāya accantūpakāritāya aparimitanirupamappabhāvaguṇavisesasamaṅgitāya ca sabbasattuttamo bhagavā aparimāṇāsu lokadhātūsu aparimāṇānaṃ sattānaṃ uttamagāravaṭṭhānaṃ. Tena vuttaṃ – ‘‘sanarāmaralokagaru’’nti.

    собханам̣ г̇ад̇ам̣ г̇аманам̣ зд̇ассаад̇и суг̇ад̇о. бхаг̇авад̇о хи взнзяяаж̇ануубасан̇гаманам̣ зганд̇зна д̇зсам̣ хид̇асуканибпаад̣̇анад̇о собханам̣, д̇ат̇аа лагкан̣аануб̣яан̃ж̇анаббадиман̣д̣ид̇аруубагааяад̇ааяа д̣̇уд̇авиламб̣ид̇акалид̇аанугад̣дхананиббийл̣ануггудигагудилаагудилад̇аад̣̇и- д̣̇осарахид̇амавахасид̇арааж̇ахам̣савасабхавааран̣амиг̇арааж̇аг̇аманам̣ гааяаг̇аманам̣ н̃аан̣аг̇аманан̃жа вибуланиммалагарун̣аасад̇ивийрияаад̣̇иг̇ун̣ависзсасахид̇амабхинийхаарад̇о яаава махааб̣од̇хи анаваж̇ж̇ад̇ааяа собханамзваад̇и. ат̇а ваа саяамбхун̃аан̣зна сагаламби логам̣ барин̃н̃аабхисамаяавасзна бариж̇аананд̇о н̃аан̣зна саммаа г̇ад̇о аваг̇ад̇од̇и суг̇ад̇о, д̇ат̇аа логасамуд̣̇аяам̣ бахаанаабхисамаяавасзна баж̇аханд̇о ануббад̇д̇ид̇хаммад̇ам̣ аабаад̣̇знд̇о саммаа г̇ад̇о ад̇ийд̇од̇и суг̇ад̇о, логанирод̇хам̣ ниб̣б̣аанам̣ сажчигирияаабхисамаяавасзна саммаа г̇ад̇о ад̇хиг̇ад̇од̇и суг̇ад̇о, логанирод̇хаг̇ааминибадибад̣̇ам̣ бхааванаабхисамаяавасзна саммаа г̇ад̇о бадибаннод̇и суг̇ад̇о. ‘‘сод̇аабад̇д̇имаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇ийд̇и суг̇ад̇о’’д̇иаад̣̇инаа (жуул̣ани. мзд̇д̇аг̇уумаан̣авабужчаанид̣̇д̣̇зсо 27) наязна аяамад̇т̇о вибхаавзд̇аб̣б̣о. ат̇а ваа сунд̣̇арам̣ таанам̣ саммаасамб̣од̇хим̣, ниб̣б̣аанамзва ваа г̇ад̇о ад̇хиг̇ад̇од̇и суг̇ад̇о, яасмаа ваа бхууд̇ам̣ д̇ажчам̣ ад̇т̇асам̣хид̇ам̣ взнзяяаанам̣ яат̇аарахам̣ гаалаяуд̇д̇амзва жа д̇хаммам̣ бхаасад̇и, д̇асмаа саммаа г̇ад̣̇ад̇ийд̇и суг̇ад̇о, д̣̇а-гаарасса д̇а-гаарам̣ гад̇ваа. ид̇и собханаг̇аманад̇аад̣̇ийхи суг̇ад̇о, д̇ам̣ суг̇ад̇ам̣.

    Sobhanaṃ gataṃ gamanaṃ etassāti sugato. Bhagavato hi veneyyajanūpasaṅkamanaṃ ekantena tesaṃ hitasukhanipphādanato sobhanaṃ, tathā lakkhaṇānubyañjanappaṭimaṇḍitarūpakāyatāya dutavilambitakhalitānukaḍḍhananippīḷanukkuṭikakuṭilākuṭilatādi- dosarahitamavahasitarājahaṃsavasabhavāraṇamigarājagamanaṃ kāyagamanaṃ ñāṇagamanañca vipulanimmalakaruṇāsativīriyādiguṇavisesasahitamabhinīhārato yāva mahābodhi anavajjatāya sobhanamevāti. Atha vā sayambhuñāṇena sakalampi lokaṃ pariññābhisamayavasena parijānanto ñāṇena sammā gato avagatoti sugato, tathā lokasamudayaṃ pahānābhisamayavasena pajahanto anuppattidhammataṃ āpādento sammā gato atītoti sugato, lokanirodhaṃ nibbānaṃ sacchikiriyābhisamayavasena sammā gato adhigatoti sugato, lokanirodhagāminipaṭipadaṃ bhāvanābhisamayavasena sammā gato paṭipannoti sugato. ‘‘Sotāpattimaggena ye kilesā pahīnā, te kilese na puneti na pacceti na paccāgacchatīti sugato’’tiādinā (cūḷani. mettagūmāṇavapucchāniddeso 27) nayena ayamattho vibhāvetabbo. Atha vā sundaraṃ ṭhānaṃ sammāsambodhiṃ, nibbānameva vā gato adhigatoti sugato, yasmā vā bhūtaṃ tacchaṃ atthasaṃhitaṃ veneyyānaṃ yathārahaṃ kālayuttameva ca dhammaṃ bhāsati, tasmā sammā gadatīti sugato, da-kārassa ta-kāraṃ katvā. Iti sobhanagamanatādīhi sugato, taṃ sugataṃ.

    бун̃н̃абаабагаммзхи убабаж̇ж̇анавасзна г̇анд̇аб̣б̣ад̇о г̇ад̇ияо, убабад̇д̇ибхавависзсаа. д̇аа бана нираяаад̣̇ивасзна бан̃жавид̇хаа. д̇аахи сагалассаби бхаваг̇аамигаммасса арияамаг̇г̇аад̇хиг̇амзна авибаагаарахабхаавагаран̣зна нивад̇д̇ид̇ад̇д̇аа бхаг̇аваа бан̃жахиби г̇ад̇ийхи судту муд̇д̇о висам̣яуд̇д̇од̇и ааха – ‘‘г̇ад̇ивимуд̇д̇а’’нд̇и. зд̇зна бхаг̇авад̇о гад̇т̇ажиби г̇ад̇ияаа абарияаабаннад̇ам̣ д̣̇ассзд̇и, яад̇о бхаг̇аваа ‘‘д̣̇зваад̇ид̣̇зво’’д̇и вужжад̇и. д̇знзвааха –

    Puññapāpakammehi upapajjanavasena gantabbato gatiyo, upapattibhavavisesā. Tā pana nirayādivasena pañcavidhā. Tāhi sakalassapi bhavagāmikammassa ariyamaggādhigamena avipākārahabhāvakaraṇena nivattitattā bhagavā pañcahipi gatīhi suṭṭhu mutto visaṃyuttoti āha – ‘‘gativimutta’’nti. Etena bhagavato katthacipi gatiyā apariyāpannataṃ dasseti, yato bhagavā ‘‘devātidevo’’ti vuccati. Tenevāha –

    ‘‘язна д̣̇звуубабад̇яасса, г̇анд̇хаб̣б̣о ваа вихан̇г̇амо;

    ‘‘Yena devūpapatyassa, gandhabbo vā vihaṅgamo;

    яагкад̇д̇ам̣ язна г̇ажчзяяам̣, мануссад̇д̇ан̃жа аб̣б̣аж̇з;

    Yakkhattaṃ yena gaccheyyaṃ, manussattañca abbaje;

    д̇з маяхам̣ аасаваа кийн̣аа, вид̣̇д̇хасд̇аа винал̣ийгад̇аа’’д̇и. (а. ни. 4.36);

    Te mayhaṃ āsavā khīṇā, viddhastā vinaḷīkatā’’ti. (a. ni. 4.36);

    д̇ам̣д̇ам̣г̇ад̇исам̣вад̇д̇анигаанан̃хи гаммагилзсаанам̣ аг̇г̇амаг̇г̇зна б̣од̇химуулзязва суббахийнад̇д̇аа над̇т̇и бхаг̇авад̇о г̇ад̇ибарияаабаннад̇аад̇и ажжанд̇амзва бхаг̇аваа саб̣б̣абхаваяониг̇ад̇ивин̃н̃аан̣адтид̇исад̇д̇ааваасасад̇д̇анигааязхи субаримуд̇д̇о, д̇ам̣ г̇ад̇ивимуд̇д̇ам̣. ванд̣̇зд̇и намаами, т̇омзмийд̇и ваа ад̇т̇о.

    Taṃtaṃgatisaṃvattanikānañhi kammakilesānaṃ aggamaggena bodhimūleyeva suppahīnattā natthi bhagavato gatipariyāpannatāti accantameva bhagavā sabbabhavayonigativiññāṇaṭṭhitisattāvāsasattanikāyehi suparimutto, taṃ gativimuttaṃ. Vandeti namāmi, thomemīti vā attho.

    ат̇а ваа г̇ад̇ивимуд̇д̇анд̇и анубаад̣̇исзсаниб̣б̣аанад̇хаад̇уббад̇д̇ияаа бхаг̇аванд̇ам̣ т̇омзд̇и. зд̇т̇а хи д̣̇вийхи аагаарзхи бхаг̇авад̇о т̇оманаа взд̣̇ид̇аб̣б̣аа ад̇д̇ахид̇асамбад̇д̇ид̇о барахид̇аббадибад̇д̇ид̇о жа. д̇зсу ад̇д̇ахид̇асамбад̇д̇и анааваран̣ан̃аан̣аад̇хиг̇амад̇о саваасанаанам̣ саб̣б̣зсам̣ гилзсаанам̣ ажжанд̇аббахаанад̇о анубаад̣̇исзсаниб̣б̣аанаббад̇д̇ид̇о жа взд̣̇ид̇аб̣б̣аа, барахид̇аббадибад̇д̇и лаабхасаггаараад̣̇инирабзгкажид̇д̇асса саб̣б̣ад̣̇угканияяаанигад̇хаммад̣̇зсанад̇о вируд̣̇д̇хзсуби нижжам̣ хид̇аж̇жхаасаяад̇о н̃аан̣абарибаагагаалааг̇аманад̇о жа. саа банзд̇т̇а аасаяад̇о баяог̇ад̇о жа д̣̇увид̇хаа, барахид̇аббадибад̇д̇и д̇ивид̇хаа жа, ад̇д̇ахид̇асамбад̇д̇и багаасид̇аа ход̇и. гат̇ам̣? ‘‘гарун̣аасийд̇алахад̣̇аяа’’нд̇и зд̇зна аасаяад̇о барахид̇аббадибад̇д̇и , саммааг̇ад̣̇анад̇т̇зна суг̇ад̇асад̣̇д̣̇зна баяог̇ад̇о барахид̇аббадибад̇д̇и, ‘‘бан̃н̃аабаж̇ж̇од̇авихад̇амохад̇амам̣ г̇ад̇ивимуд̇д̇а’’нд̇и зд̇зхи жад̇усажжасамбадивзд̇ханад̇т̇зна жа суг̇ад̇асад̣̇д̣̇зна д̇ивид̇хааби ад̇д̇ахид̇асамбад̇д̇и, авасидтзна ‘‘бан̃н̃аабаж̇ж̇од̇авихад̇амохад̇ама’’нд̇и зд̇зна жааби ад̇д̇ахид̇асамбад̇д̇и барахид̇аббадибад̇д̇и багаасид̇аа ход̇ийд̇и.

    Atha vā gativimuttanti anupādisesanibbānadhātuppattiyā bhagavantaṃ thometi. Ettha hi dvīhi ākārehi bhagavato thomanā veditabbā attahitasampattito parahitappaṭipattito ca. Tesu attahitasampatti anāvaraṇañāṇādhigamato savāsanānaṃ sabbesaṃ kilesānaṃ accantappahānato anupādisesanibbānappattito ca veditabbā, parahitappaṭipatti lābhasakkārādinirapekkhacittassa sabbadukkhaniyyānikadhammadesanato viruddhesupi niccaṃ hitajjhāsayato ñāṇaparipākakālāgamanato ca. Sā panettha āsayato payogato ca duvidhā, parahitappaṭipatti tividhā ca, attahitasampatti pakāsitā hoti. Kathaṃ? ‘‘Karuṇāsītalahadaya’’nti etena āsayato parahitappaṭipatti , sammāgadanatthena sugatasaddena payogato parahitappaṭipatti, ‘‘paññāpajjotavihatamohatamaṃ gativimutta’’nti etehi catusaccasampaṭivedhanatthena ca sugatasaddena tividhāpi attahitasampatti, avasiṭṭhena ‘‘paññāpajjotavihatamohatama’’nti etena cāpi attahitasampatti parahitappaṭipatti pakāsitā hotīti.

    ат̇а ваа д̇ийхи аагаарзхи бхаг̇авад̇о т̇оманаа взд̣̇ид̇аб̣б̣аа хзд̇уд̇о, палад̇о, убагаарад̇о жа. д̇ад̇т̇а хзд̇у махаагарун̣аа, саа батамабад̣̇зна д̣̇ассид̇аа. палам̣ жад̇уб̣б̣ид̇хам̣ н̃аан̣асамбад̣̇аа, бахаанасамбад̣̇аа, аанубхаавасамбад̣̇аа, руубагааяасамбад̣̇аа жаад̇и. д̇аасу н̃аан̣аббахаанасамбад̣̇аа д̣̇уд̇ияабад̣̇зна сажжаббадивзд̇ханад̇т̇зна жа суг̇ад̇асад̣̇д̣̇зна багаасид̇аа хонд̇и, аанубхаавасамбад̣̇аа д̇ад̇ияабад̣̇зна, руубагааяасамбад̣̇аа яат̇аавуд̇д̇агааяаг̇аманасобханад̇т̇зна суг̇ад̇асад̣̇д̣̇зна лагкан̣аануб̣яан̃ж̇анабаарибуурияаа винаа д̇ад̣̇абхаавад̇о. убагааро ананд̇арам̣ аб̣аахирам̣ гарид̇ваа д̇ивид̇хаяаанамукзна вимуд̇д̇ид̇хаммад̣̇зсанаа. со саммааг̇ад̣̇анад̇т̇зна суг̇ад̇асад̣̇д̣̇зна багаасид̇о ход̇ийд̇и взд̣̇ид̇аб̣б̣ам̣.

    Atha vā tīhi ākārehi bhagavato thomanā veditabbā hetuto, phalato, upakārato ca. Tattha hetu mahākaruṇā, sā paṭhamapadena dassitā. Phalaṃ catubbidhaṃ ñāṇasampadā, pahānasampadā, ānubhāvasampadā, rūpakāyasampadā cāti. Tāsu ñāṇappahānasampadā dutiyapadena saccappaṭivedhanatthena ca sugatasaddena pakāsitā honti, ānubhāvasampadā tatiyapadena, rūpakāyasampadā yathāvuttakāyagamanasobhanatthena sugatasaddena lakkhaṇānubyañjanapāripūriyā vinā tadabhāvato. Upakāro anantaraṃ abāhiraṃ karitvā tividhayānamukhena vimuttidhammadesanā. So sammāgadanatthena sugatasaddena pakāsito hotīti veditabbaṃ.

    д̇ад̇т̇а ‘‘гарун̣аасийд̇алахад̣̇аяа’’нд̇и зд̇зна саммаасамб̣од̇хияаа муулам̣ д̣̇ассзд̇и. махаагарун̣аасан̃жод̣̇ид̇амаанасо хи бхаг̇аваа сам̣саарабан̇гад̇о сад̇д̇аанам̣ самуд̣̇д̇харан̣ад̇т̇ам̣ гад̇аабхинийхааро анубуб̣б̣зна баарамияо буурзд̇ваа ануд̇д̇арам̣ саммаасамб̣од̇хим̣ ад̇хиг̇ад̇од̇и гарун̣аа саммаасамб̣од̇хияаа муулам̣. ‘‘бан̃н̃аабаж̇ж̇од̇авихад̇амохад̇ама’’нд̇и зд̇зна саммаасамб̣од̇хим̣ д̣̇ассзд̇и. анааваран̣ан̃аан̣абад̣̇адтаанан̃хи маг̇г̇ан̃аан̣ам̣, маг̇г̇ан̃аан̣абад̣̇адтаанан̃жа анааваран̣ан̃аан̣ам̣ ‘‘саммаасамб̣од̇хий’’д̇и вужжад̇ийд̇и. саммааг̇аманад̇т̇зна суг̇ад̇асад̣̇д̣̇зна саммаасамб̣од̇хияаа бадибад̇д̇им̣ д̣̇ассзд̇и лийнуд̣̇д̇хажжабад̇идтаанааяууханагаамасукаллигад̇д̇агиламат̇аануяог̇асассад̇ужчзд̣̇аабхинивзсаад̣̇ианд̇ад̣̇ваяарахид̇ааяа гарун̣аабан̃н̃аабариг̇г̇ахид̇ааяа маж̇жхимааяа бадибад̇д̇ияаа багаасанад̇о суг̇ад̇асад̣̇д̣̇асса. ид̇арзхи саммаасамб̣од̇хияаа бад̇хаанаббад̇хаанабхзд̣̇ам̣ баяож̇анам̣ д̣̇ассзд̇и. сам̣саарамахогхад̇о сад̇д̇асанд̇ааран̣ан̃хзд̇т̇а бад̇хаанам̣ баяож̇анам̣, д̇ад̣̇ан̃н̃амаббад̇хаанам̣. д̇зсу бад̇хаанзна барахид̇аббадибад̇д̇им̣ д̣̇ассзд̇и, ид̇арзна ад̇д̇ахид̇асамбад̇д̇им̣. д̇ад̣̇убхаязна ад̇д̇ахид̇ааяа бадибаннаад̣̇ийсу жад̇уусу буг̇г̇алзсу бхаг̇авад̇о жад̇уд̇т̇абуг̇г̇алабхаавам̣ д̣̇ассзд̇и. д̇зна жа ануд̇д̇арад̣̇агкин̣зяяабхаавам̣ уд̇д̇амаванд̣̇анзяяабхаавам̣ ад̇д̇ано жа ванд̣̇анагирияааяа кзд̇д̇ан̇г̇ад̇абхаавам̣ д̣̇ассзд̇и.

    Tattha ‘‘karuṇāsītalahadaya’’nti etena sammāsambodhiyā mūlaṃ dasseti. Mahākaruṇāsañcoditamānaso hi bhagavā saṃsārapaṅkato sattānaṃ samuddharaṇatthaṃ katābhinīhāro anupubbena pāramiyo pūretvā anuttaraṃ sammāsambodhiṃ adhigatoti karuṇā sammāsambodhiyā mūlaṃ. ‘‘Paññāpajjotavihatamohatama’’nti etena sammāsambodhiṃ dasseti. Anāvaraṇañāṇapadaṭṭhānañhi maggañāṇaṃ, maggañāṇapadaṭṭhānañca anāvaraṇañāṇaṃ ‘‘sammāsambodhī’’ti vuccatīti. Sammāgamanatthena sugatasaddena sammāsambodhiyā paṭipattiṃ dasseti līnuddhaccapatiṭṭhānāyūhanakāmasukhallikattakilamathānuyogasassatucchedābhinivesādiantadvayarahitāya karuṇāpaññāpariggahitāya majjhimāya paṭipattiyā pakāsanato sugatasaddassa. Itarehi sammāsambodhiyā padhānappadhānabhedaṃ payojanaṃ dasseti. Saṃsāramahoghato sattasantāraṇañhettha padhānaṃ payojanaṃ, tadaññamappadhānaṃ. Tesu padhānena parahitappaṭipattiṃ dasseti, itarena attahitasampattiṃ. Tadubhayena attahitāya paṭipannādīsu catūsu puggalesu bhagavato catutthapuggalabhāvaṃ dasseti. Tena ca anuttaradakkhiṇeyyabhāvaṃ uttamavandaneyyabhāvaṃ attano ca vandanakiriyāya khettaṅgatabhāvaṃ dasseti.

    зд̇т̇а жа гарун̣ааг̇ахан̣зна логиязсу махаг̇г̇ад̇абхааваббад̇д̇аасаад̇хааран̣аг̇ун̣ад̣̇ийбанад̇о бхаг̇авад̇о саб̣б̣алогияаг̇ун̣асамбад̇д̇и д̣̇ассид̇аа ход̇и, бан̃н̃ааг̇ахан̣зна саб̣б̣ан̃н̃уд̇ан̃н̃аан̣абад̣̇адтаанамаг̇г̇ан̃аан̣ад̣̇ийбанад̇о саб̣б̣алогуд̇д̇араг̇ун̣асамбад̇д̇и. д̇ад̣̇убхаяаг̇г̇ахан̣асид̣̇д̇хо хи ад̇т̇о ‘‘санараамаралогаг̇ару’’нд̇иаад̣̇инаа бабан̃жийяад̇ийд̇и . гарун̣ааг̇ахан̣зна жа убаг̇аманам̣ нирубаггилзсам̣ д̣̇ассзд̇и, бан̃н̃ааг̇ахан̣зна абаг̇аманам̣. д̇ат̇аа гарун̣ааг̇ахан̣зна логасаман̃н̃аануруубам̣ бхаг̇авад̇о бавад̇д̇им̣ д̣̇ассзд̇и логавохаарависаяад̇д̇аа гарун̣ааяа, бан̃н̃ааг̇ахан̣зна саман̃н̃ааяа анад̇ид̇хааванам̣. сабхааваанаваб̣од̇хзна хи д̇хаммаанам̣ саман̃н̃ам̣ ад̇ид̇хаавид̇ваа сад̇д̇аад̣̇ибараамасанам̣ ход̇ийд̇и. д̇ат̇аа гарун̣ааг̇ахан̣зна махаагарун̣аасамаабад̇д̇ивихаарам̣ д̣̇ассзд̇и, бан̃н̃ааг̇ахан̣зна д̇ийсу гаалзсу аббадихад̇ан̃аан̣ам̣ жад̇усажжан̃аан̣ам̣, жад̇убадисамбхид̣̇аан̃аан̣ам̣, жад̇увзсаараж̇ж̇ан̃аан̣ам̣. гарун̣ааг̇ахан̣зна махаагарун̣аасамаабад̇д̇ин̃аан̣асса г̇ахид̇ад̇д̇аа сзсаасаад̇хааран̣ан̃аан̣аани, ча абхин̃н̃аа, адтасу барисаасу агамбанан̃аан̣аани, д̣̇аса б̣алаани, жуд̣̇д̣̇аса б̣уд̣̇д̇хан̃аан̣аани, сол̣аса н̃аан̣ажарияаа, адтаараса б̣уд̣̇д̇хад̇хаммаа, жад̇ужад̇д̇аалийса н̃аан̣авад̇т̇ууни, сад̇д̇асад̇д̇ад̇и н̃аан̣авад̇т̇уунийд̇и звамаад̣̇ийнам̣ анзгзсам̣ бан̃н̃аабабхзд̣̇аанам̣ васзна н̃аан̣ажаарам̣ д̣̇ассзд̇и. д̇ат̇аа гарун̣ааг̇ахан̣зна жаран̣асамбад̇д̇им̣, бан̃н̃ааг̇ахан̣зна виж̇ж̇аасамбад̇д̇им̣. гарун̣ааг̇ахан̣зна ад̇д̇аад̇хибад̇ид̇аа, бан̃н̃ааг̇ахан̣зна д̇хаммаад̇хибад̇ид̇аа. гарун̣ааг̇ахан̣зна логанаат̇абхааво, бан̃н̃ааг̇ахан̣зна ад̇д̇анаат̇абхааво. д̇ат̇аа гарун̣ааг̇ахан̣зна буб̣б̣агаарибхааво, бан̃н̃ааг̇ахан̣зна гад̇ан̃н̃уд̇аа. д̇ат̇аа гарун̣ааг̇ахан̣зна абаранд̇абад̇аа, бан̃н̃ааг̇ахан̣зна анад̇д̇анд̇абад̇аа. гарун̣ааг̇ахан̣зна ваа б̣уд̣̇д̇хагарад̇хаммасид̣̇д̇хи, бан̃н̃ааг̇ахан̣зна б̣уд̣̇д̇хабхаавасид̣̇д̇хи. д̇ат̇аа гарун̣ааг̇ахан̣зна барзсам̣ д̇ааран̣ам̣, бан̃н̃ааг̇ахан̣зна саяам̣д̇аран̣ам̣. д̇ат̇аа гарун̣ааг̇ахан̣зна саб̣б̣асад̇д̇зсу ануг̇г̇ахажид̇д̇ад̇аа, бан̃н̃ааг̇ахан̣зна саб̣б̣ад̇хаммзсу вирад̇д̇ажид̇д̇ад̇аа д̣̇ассид̇аа ход̇и.

    Ettha ca karuṇāgahaṇena lokiyesu mahaggatabhāvappattāsādhāraṇaguṇadīpanato bhagavato sabbalokiyaguṇasampatti dassitā hoti, paññāgahaṇena sabbaññutaññāṇapadaṭṭhānamaggañāṇadīpanato sabbalokuttaraguṇasampatti. Tadubhayaggahaṇasiddho hi attho ‘‘sanarāmaralokagaru’’ntiādinā papañcīyatīti . Karuṇāgahaṇena ca upagamanaṃ nirupakkilesaṃ dasseti, paññāgahaṇena apagamanaṃ. Tathā karuṇāgahaṇena lokasamaññānurūpaṃ bhagavato pavattiṃ dasseti lokavohāravisayattā karuṇāya, paññāgahaṇena samaññāya anatidhāvanaṃ. Sabhāvānavabodhena hi dhammānaṃ samaññaṃ atidhāvitvā sattādiparāmasanaṃ hotīti. Tathā karuṇāgahaṇena mahākaruṇāsamāpattivihāraṃ dasseti, paññāgahaṇena tīsu kālesu appaṭihatañāṇaṃ catusaccañāṇaṃ, catupaṭisambhidāñāṇaṃ, catuvesārajjañāṇaṃ. Karuṇāgahaṇena mahākaruṇāsamāpattiñāṇassa gahitattā sesāsādhāraṇañāṇāni, cha abhiññā, aṭṭhasu parisāsu akampanañāṇāni, dasa balāni, cuddasa buddhañāṇāni, soḷasa ñāṇacariyā, aṭṭhārasa buddhadhammā, catucattālīsa ñāṇavatthūni, sattasattati ñāṇavatthūnīti evamādīnaṃ anekesaṃ paññāpabhedānaṃ vasena ñāṇacāraṃ dasseti. Tathā karuṇāgahaṇena caraṇasampattiṃ, paññāgahaṇena vijjāsampattiṃ. Karuṇāgahaṇena attādhipatitā, paññāgahaṇena dhammādhipatitā. Karuṇāgahaṇena lokanāthabhāvo, paññāgahaṇena attanāthabhāvo. Tathā karuṇāgahaṇena pubbakāribhāvo, paññāgahaṇena kataññutā. Tathā karuṇāgahaṇena aparantapatā, paññāgahaṇena anattantapatā. Karuṇāgahaṇena vā buddhakaradhammasiddhi, paññāgahaṇena buddhabhāvasiddhi. Tathā karuṇāgahaṇena paresaṃ tāraṇaṃ, paññāgahaṇena sayaṃtaraṇaṃ. Tathā karuṇāgahaṇena sabbasattesu anuggahacittatā, paññāgahaṇena sabbadhammesu virattacittatā dassitā hoti.

    саб̣б̣зсан̃жа б̣уд̣̇д̇хаг̇ун̣аанам̣ гарун̣аа аад̣̇и д̇аннид̣̇аанабхаавад̇о, бан̃н̃аа барияосаанам̣ д̇ад̇о уд̇д̇аригаран̣ийяаабхаавад̇о. ид̇и аад̣̇ибарияосаанад̣̇ассанзна саб̣б̣з б̣уд̣̇д̇хаг̇ун̣аа д̣̇ассид̇аа хонд̇и. д̇ат̇аа гарун̣ааг̇ахан̣зна сийлагканд̇хабуб̣б̣ан̇г̇амо самаад̇хигканд̇хо д̣̇ассид̇о ход̇и. гарун̣аанид̣̇аанан̃хи сийлам̣ д̇ад̇о баан̣аад̇ибаад̇аад̣̇ивирад̇иббавад̇д̇ид̇о, саа жа жхаанад̇д̇аяасамбаяог̇инийд̇и. бан̃н̃ааважанзна бан̃н̃аагканд̇хо. сийлан̃жа саб̣б̣зсам̣ б̣уд̣̇д̇хаг̇ун̣аанам̣ аад̣̇и, самаад̇хи маж̇жхз, бан̃н̃аа барияосаананд̇и звамби аад̣̇имаж̇жхабарияосаанагаляаан̣аа саб̣б̣з б̣уд̣̇д̇хаг̇ун̣аа д̣̇ассид̇аа хонд̇и наяад̇о д̣̇ассид̇ад̇д̇аа. зсо зва хи ниравасзсад̇о б̣уд̣̇д̇хаг̇ун̣аанам̣ д̣̇ассанубааяо, яад̣̇ид̣̇ам̣ наяаг̇г̇ахан̣ам̣, ан̃н̃ат̇аа го наама самад̇т̇о бхаг̇авад̇о г̇ун̣з анубад̣̇ам̣ ниравасзсад̇о д̣̇ассзд̇ум̣? д̇знзвааха –

    Sabbesañca buddhaguṇānaṃ karuṇā ādi tannidānabhāvato, paññā pariyosānaṃ tato uttarikaraṇīyābhāvato. Iti ādipariyosānadassanena sabbe buddhaguṇā dassitā honti. Tathā karuṇāgahaṇena sīlakkhandhapubbaṅgamo samādhikkhandho dassito hoti. Karuṇānidānañhi sīlaṃ tato pāṇātipātādiviratippavattito, sā ca jhānattayasampayoginīti. Paññāvacanena paññākkhandho. Sīlañca sabbesaṃ buddhaguṇānaṃ ādi, samādhi majjhe, paññā pariyosānanti evampi ādimajjhapariyosānakalyāṇā sabbe buddhaguṇā dassitā honti nayato dassitattā. Eso eva hi niravasesato buddhaguṇānaṃ dassanupāyo, yadidaṃ nayaggahaṇaṃ, aññathā ko nāma samattho bhagavato guṇe anupadaṃ niravasesato dassetuṃ? Tenevāha –

    ‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣,

    ‘‘Buddhopi buddhassa bhaṇeyya vaṇṇaṃ,

    габбамби жз ан̃н̃амабхаасамаано;

    Kappampi ce aññamabhāsamāno;

    кийязт̇а габбо жирад̣̇ийгхаманд̇арз,

    Khīyetha kappo ciradīghamantare,

    ван̣н̣о на кийязт̇а д̇ат̇ааг̇ад̇ассаа’’д̇и. (д̣̇ий. ни. адта. 1.304; 3.141; ма. ни. адта. 2.425; уд̣̇аа. адта. 53; б̣у. вам̣. адта. 4.4; аба. адта. 2.7.бараббасаад̣̇агад̇т̇зраабад̣̇аанаван̣н̣анаа);

    Vaṇṇo na khīyetha tathāgatassā’’ti. (dī. ni. aṭṭha. 1.304; 3.141; ma. ni. aṭṭha. 2.425; udā. aṭṭha. 53; bu. vaṃ. aṭṭha. 4.4; apa. aṭṭha. 2.7.parappasādakattheraapadānavaṇṇanā);

    д̇знзва жа ааяасмад̇аа саарибуд̇д̇ад̇т̇зрзнаби б̣уд̣̇д̇хаг̇ун̣абарижчзд̣̇анам̣ бад̇и ануяуд̇д̇зна ‘‘но хзд̇ам̣, бханд̇з’’д̇и бадигкибид̇ваа ‘‘абижа мз, бханд̇з, д̇хамманваяо вид̣̇ид̇о’’д̇и вуд̇д̇ам̣.

    Teneva ca āyasmatā sāriputtattherenapi buddhaguṇaparicchedanaṃ pati anuyuttena ‘‘no hetaṃ, bhante’’ti paṭikkhipitvā ‘‘apica me, bhante, dhammanvayo vidito’’ti vuttaṃ.

    2. звам̣ сан̇кзбзна сагаласаб̣б̣ан̃н̃уг̇ун̣зхи бхаг̇аванд̇ам̣ абхид̇т̇авид̇ваа ид̣̇аани сад̣̇д̇хаммам̣ т̇омзд̇ум̣ ‘‘б̣уд̣̇д̇хобий’’д̇иаад̣̇имааха. д̇ад̇т̇а б̣уд̣̇д̇ход̇и гад̇д̇унид̣̇д̣̇зсо. б̣уд̣̇д̇хабхааванд̇и гамманид̣̇д̣̇зсо. бхаавзд̇ваа сажчигад̇ваад̇и жа буб̣б̣агаалагирияаанид̣̇д̣̇зсо. яанд̇и анияамад̇о гамманид̣̇д̣̇зсо. убаг̇ад̇од̇и абарагаалагирияаанид̣̇д̣̇зсо. ванд̣̇зд̇и гирияаанид̣̇д̣̇зсо. д̇анд̇и нияаманам̣. д̇хамманд̇и ванд̣̇анагирияааяа гамманид̣̇д̣̇зсо. г̇ад̇амалам̣ ануд̇д̇аранд̇и жа д̇аб̣б̣исзсанам̣.

    2. Evaṃ saṅkhepena sakalasabbaññuguṇehi bhagavantaṃ abhitthavitvā idāni saddhammaṃ thometuṃ ‘‘buddhopī’’tiādimāha. Tattha buddhoti kattuniddeso. Buddhabhāvanti kammaniddeso. Bhāvetvā sacchikatvāti ca pubbakālakiriyāniddeso. Yanti aniyamato kammaniddeso. Upagatoti aparakālakiriyāniddeso. Vandeti kiriyāniddeso. Tanti niyamanaṃ. Dhammanti vandanakiriyāya kammaniddeso. Gatamalaṃ anuttaranti ca tabbisesanaṃ.

    д̇ад̇т̇а б̣уд̣̇д̇хасад̣̇д̣̇асса д̇аава ‘‘б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо’’д̇иаад̣̇инаа (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зсо 97; бади. ма. 1.162) нид̣̇д̣̇зсанаязна ад̇т̇о взд̣̇ид̇аб̣б̣о. ат̇а ваа саваасанааяа ан̃н̃аан̣анид̣̇д̣̇ааяа ажжанд̇авиг̇амад̇о, б̣уд̣̇д̇хияаа ваа вигасид̇абхаавад̇о б̣уд̣̇д̇хаваад̇и б̣уд̣̇д̇хо ж̇ааг̇аран̣авигасанад̇т̇авасзна. ат̇а ваа гассажиби н̃зяяад̇хаммасса анаваб̣уд̣̇д̇хасса абхаавзна н̃зяяависзсасса гаммабхаавзна аг̇г̇ахан̣ад̇о гаммаважанижчааяа абхаавзна аваг̇аманад̇т̇авасзнзва гад̇д̇унид̣̇д̣̇зсо лаб̣бхад̇ийд̇и б̣уд̣̇д̇хаваад̇и б̣уд̣̇д̇хо яат̇аа ‘‘д̣̇игкид̇о на д̣̇ад̣̇аад̇ий’’д̇и. ад̇т̇ад̇о бана баарамид̇аабарибхаавид̇о саяамбхун̃аан̣зна саха ваасанааяа вихад̇авид̣̇д̇хам̣сид̇аниравасзсагилзсо махаагарун̣аасаб̣б̣ан̃н̃уд̇ан̃н̃аан̣аад̣̇иабаримзяяаг̇ун̣аг̇ан̣аад̇хааро канд̇хасанд̇аано б̣уд̣̇д̇хо. яат̇ааха –

    Tattha buddhasaddassa tāva ‘‘bujjhitā saccānīti buddho, bodhetā pajāyāti buddho’’tiādinā (mahāni. 192; cūḷani. pārāyanatthutigāthāniddeso 97; paṭi. ma. 1.162) niddesanayena attho veditabbo. Atha vā savāsanāya aññāṇaniddāya accantavigamato, buddhiyā vā vikasitabhāvato buddhavāti buddho jāgaraṇavikasanatthavasena. Atha vā kassacipi ñeyyadhammassa anavabuddhassa abhāvena ñeyyavisesassa kammabhāvena aggahaṇato kammavacanicchāya abhāvena avagamanatthavaseneva kattuniddeso labbhatīti buddhavāti buddho yathā ‘‘dikkhito na dadātī’’ti. Atthato pana pāramitāparibhāvito sayambhuñāṇena saha vāsanāya vihataviddhaṃsitaniravasesakileso mahākaruṇāsabbaññutaññāṇādiaparimeyyaguṇagaṇādhāro khandhasantāno buddho. Yathāha –

    ‘‘б̣уд̣̇д̇ход̇и яо со бхаг̇аваа саяамбхуу анаажарияаго буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ бад̇д̇о б̣алзсу жа васийбхаава’’нд̇и (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зсо 97; бади. ма. 1.161).

    ‘‘Buddhoti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto balesu ca vasībhāva’’nti (mahāni. 192; cūḷani. pārāyanatthutigāthāniddeso 97; paṭi. ma. 1.161).

    аби-сад̣̇д̣̇о самбхааванз. д̇зна ‘‘звам̣ г̇ун̣ависзсаяуд̇д̇о соби наама бхаг̇аваа’’д̇и вагкамаанаг̇ун̣ад̇хаммз самбхааванам̣ д̣̇ийбзд̇и. б̣уд̣̇д̇хабхааванд̇и саммаасамб̣од̇хим̣. бхаавзд̇ваад̇и уббаад̣̇зд̇ваа вад̣дхзд̇ваа жа. сажчигад̇ваад̇и бажжагкам̣ гад̇ваа. убаг̇ад̇од̇и бад̇д̇о, ад̇хиг̇ад̇од̇и ад̇т̇о. зд̇асса б̣уд̣̇д̇хабхааванд̇и зд̇зна самб̣анд̇хо. г̇ад̇амаланд̇и виг̇ад̇амалам̣, нид̣̇д̣̇осанд̇и ад̇т̇о. ванд̣̇зд̇и бан̣амаами, т̇омзми ваа. ануд̇д̇аранд̇и уд̇д̇арарахид̇ам̣, логуд̇д̇аранд̇и ад̇т̇о. д̇хамманд̇и яат̇аанусидтам̣ бадибаж̇ж̇амаанз абааяад̇о жа сам̣саарад̇о жа абад̇амаанз гад̇ваа д̇хаарзд̇ийд̇и д̇хаммо. аяан̃хзд̇т̇а сан̇кзбад̇т̇о – звам̣ вивид̇хаг̇ун̣аг̇ан̣асаманнааг̇ад̇о б̣уд̣̇д̇хоби бхаг̇аваа яам̣ арияамаг̇г̇асан̇каад̇ам̣ д̇хаммам̣ бхаавзд̇ваа, паланиб̣б̣аанам̣ бана сажчигад̇ваа ануд̇д̇арам̣ саммаасамб̣од̇хим̣ ад̇хиг̇ад̇о, д̇амзвам̣ б̣уд̣̇д̇хаанамби б̣уд̣̇д̇хабхаавахзд̇убхууд̇ам̣ саб̣б̣ад̣̇осамаларахид̇ам̣ ад̇д̇ано уд̇д̇арид̇араабхаавзна ануд̇д̇арам̣ бадивзд̇хасад̣̇д̇хаммам̣ намаамийд̇и. барияад̇д̇исад̣̇д̇хаммассаби д̇аббагаасанад̇д̇аа ид̇ха сан̇г̇ахо д̣̇адтаб̣б̣о.

    Api-saddo sambhāvane. Tena ‘‘evaṃ guṇavisesayutto sopi nāma bhagavā’’ti vakkhamānaguṇadhamme sambhāvanaṃ dīpeti. Buddhabhāvanti sammāsambodhiṃ. Bhāvetvāti uppādetvā vaḍḍhetvā ca. Sacchikatvāti paccakkhaṃ katvā. Upagatoti patto, adhigatoti attho. Etassa buddhabhāvanti etena sambandho. Gatamalanti vigatamalaṃ, niddosanti attho. Vandeti paṇamāmi, thomemi vā. Anuttaranti uttararahitaṃ, lokuttaranti attho. Dhammanti yathānusiṭṭhaṃ paṭipajjamāne apāyato ca saṃsārato ca apatamāne katvā dhāretīti dhammo. Ayañhettha saṅkhepattho – evaṃ vividhaguṇagaṇasamannāgato buddhopi bhagavā yaṃ ariyamaggasaṅkhātaṃ dhammaṃ bhāvetvā, phalanibbānaṃ pana sacchikatvā anuttaraṃ sammāsambodhiṃ adhigato, tamevaṃ buddhānampi buddhabhāvahetubhūtaṃ sabbadosamalarahitaṃ attano uttaritarābhāvena anuttaraṃ paṭivedhasaddhammaṃ namāmīti. Pariyattisaddhammassapi tappakāsanattā idha saṅgaho daṭṭhabbo.

    ат̇а ваа ‘‘абхид̇хамманаяасамуд̣̇д̣̇ам̣ ад̇хиг̇ан̃чи, д̇ийн̣и бидагаани саммасий’’д̇и жа адтагат̇ааяам̣ вуд̇д̇ад̇д̇аа барияад̇д̇ид̇хаммассаби сажчигирияаасаммасанабарияааяо лаб̣бхад̇ийд̇и соби ид̇ха вуд̇д̇о зваад̇и д̣̇адтаб̣б̣ам̣. д̇ат̇аа ‘‘яам̣ д̇хаммам̣ бхаавзд̇ваа сажчигад̇ваа’’д̇и жа вуд̇д̇ад̇д̇аа б̣уд̣̇д̇хагарад̇хаммабхууд̇аахи баарамид̇аахи саха буб̣б̣абхааг̇з ад̇хисийласигкаад̣̇аяоби ид̇ха д̇хаммасад̣̇д̣̇зна сан̇г̇ахид̇аад̇и взд̣̇ид̇аб̣б̣аа. д̇ааби хи виг̇ад̇аббадибагкад̇ааяа г̇ад̇амалаа, анан̃н̃асаад̇хааран̣ад̇ааяа ануд̇д̇араа жаад̇и. д̇ат̇аа хи сад̇д̇аанам̣ сагалаваддад̣̇угканиссаран̣ааяа гад̇амахаабхинийхааро махаагарун̣аад̇хиваасанабзсалаж̇жхаасаяо бан̃н̃аависзсабарияод̣̇аад̇аниммалаанам̣ д̣̇аанад̣̇амасан̃н̃амаад̣̇ийнам̣ уд̇д̇амад̇хаммаанам̣ сад̇асахассаад̇хигаани габбаанам̣ жад̇д̇аари асан̇кязяяаани саггажжам̣ ниранд̇арам̣ ниравасзсаанам̣ бхааванаабажжагкагаран̣зхи гаммаад̣̇ийсу ад̇хиг̇ад̇авасийбхааво ажчарияаажинд̇зяяамахаанубхааво ад̇хисийлаад̇хижид̇д̇аанам̣ барамуггам̣сабаарамиббад̇д̇о бхаг̇аваа бажжаяаагаарз жад̇увийсад̇игодисад̇асахассамукзна махааваж̇иран̃аан̣ам̣ бзсзд̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и.

    Atha vā ‘‘abhidhammanayasamuddaṃ adhigañchi, tīṇi piṭakāni sammasī’’ti ca aṭṭhakathāyaṃ vuttattā pariyattidhammassapi sacchikiriyāsammasanapariyāyo labbhatīti sopi idha vutto evāti daṭṭhabbaṃ. Tathā ‘‘yaṃ dhammaṃ bhāvetvā sacchikatvā’’ti ca vuttattā buddhakaradhammabhūtāhi pāramitāhi saha pubbabhāge adhisīlasikkhādayopi idha dhammasaddena saṅgahitāti veditabbā. Tāpi hi vigatappaṭipakkhatāya gatamalā, anaññasādhāraṇatāya anuttarā cāti. Tathā hi sattānaṃ sakalavaṭṭadukkhanissaraṇāya katamahābhinīhāro mahākaruṇādhivāsanapesalajjhāsayo paññāvisesapariyodātanimmalānaṃ dānadamasaññamādīnaṃ uttamadhammānaṃ satasahassādhikāni kappānaṃ cattāri asaṅkhyeyyāni sakkaccaṃ nirantaraṃ niravasesānaṃ bhāvanāpaccakkhakaraṇehi kammādīsu adhigatavasībhāvo acchariyācinteyyamahānubhāvo adhisīlaadhicittānaṃ paramukkaṃsapāramippatto bhagavā paccayākāre catuvīsatikoṭisatasahassamukhena mahāvajirañāṇaṃ pesetvā anuttaraṃ sammāsambodhiṃ abhisambuddhoti.

    зд̇т̇а жа ‘‘бхаавзд̇ваа’’д̇и зд̇зна виж̇ж̇аасамбад̣̇ааяа д̇хаммам̣ т̇омзд̇и, ‘‘сажчигад̇ваа’’д̇и зд̇зна вимуд̇д̇исамбад̣̇ааяа. д̇ат̇аа батамзна жхаанасамбад̣̇ааяа, д̣̇уд̇иязна вимогкасамбад̣̇ааяа. батамзна ваа самаад̇хисамбад̣̇ааяа, д̣̇уд̇иязна самаабад̇д̇исамбад̣̇ааяа. ат̇а ваа батамзна каяан̃аан̣абхаавзна, д̣̇уд̇иязна ануббаад̣̇ан̃аан̣абхаавзна. батамзна ваа виж̇ж̇уубамад̇ааяа, д̣̇уд̇иязна важ̇ируубамад̇ааяа. буримзна ваа вирааг̇асамбад̇д̇ияаа, д̣̇уд̇иязна нирод̇хасамбад̇д̇ияаа. д̇ат̇аа батамзна нияяаанабхаавзна, д̣̇уд̇иязна ниссаран̣абхаавзна. батамзна ваа хзд̇убхаавзна, д̣̇уд̇иязна асан̇кад̇абхаавзна. батамзна ваа д̣̇ассанабхаавзна, д̣̇уд̇иязна вивзгабхаавзна. батамзна ваа ад̇хибад̇ибхаавзна, д̣̇уд̇иязна амад̇абхаавзна д̇хаммам̣ т̇омзд̇и. ат̇а ваа ‘‘яам̣ д̇хаммам̣ бхаавзд̇ваа б̣уд̣̇д̇хабхаавам̣ убаг̇ад̇о’’д̇и зд̇зна сваагкаад̇ад̇ааяа д̇хаммам̣ т̇омзд̇и, ‘‘сажчигад̇ваа’’д̇и зд̇зна санд̣̇идтигад̇ааяа. д̇ат̇аа буримзна агаалигад̇ааяа, бажчимзна зхибассигад̇ааяа. буримзна ваа обанзяяигад̇ааяа, бажчимзна бажжад̇д̇ам̣ взд̣̇ид̇аб̣б̣ад̇ааяа д̇хаммам̣ т̇омзд̇и. ‘‘г̇ад̇амала’’нд̇и иминаа сам̣гилзсаабхаавад̣̇ийбанзна д̇хаммасса барисуд̣̇д̇хад̇ам̣ д̣̇ассзд̇и, ‘‘ануд̇д̇ара’’нд̇и зд̇зна ан̃н̃асса висидтасса абхаавад̣̇ийбанзна вибулабарибун̣н̣ад̇ам̣. батамзна ваа бахаанасамбад̣̇ам̣ д̇хаммасса д̣̇ассзд̇и, д̣̇уд̇иязна бабхавасамбад̣̇ам̣. бхаавзд̇аб̣б̣ад̇ааяа ваа д̇хаммасса г̇ад̇амалабхааво яож̇зд̇аб̣б̣о. бхааванааг̇ун̣зна хи со д̣̇осаанам̣ самуг̇гхаад̇аго ход̇ийд̇и. сажчигаад̇аб̣б̣абхаавзна ануд̇д̇арабхааво яож̇зд̇аб̣б̣о. сажчигирияааниб̣б̣ад̇д̇ид̇о хи д̇ад̣̇уд̇д̇аригаран̣ийяаабхаавад̇о анан̃н̃асаад̇хааран̣ад̇ааяа ануд̇д̇арод̇и. д̇ат̇аа ‘‘бхаавзд̇ваа’’д̇и зд̇зна саха буб̣б̣абхааг̇асийлаад̣̇ийхи сзгкаа сийласамаад̇хибан̃н̃аагканд̇хаа д̣̇ассид̇аа хонд̇и. ‘‘сажчигад̇ваа’’д̇и зд̇зна саха асан̇кад̇ааяа д̇хаад̇уяаа асзгкаа сийласамаад̇хибан̃н̃аагканд̇хаа д̣̇ассид̇аа хонд̇ийд̇и.

    Ettha ca ‘‘bhāvetvā’’ti etena vijjāsampadāya dhammaṃ thometi, ‘‘sacchikatvā’’ti etena vimuttisampadāya. Tathā paṭhamena jhānasampadāya, dutiyena vimokkhasampadāya. Paṭhamena vā samādhisampadāya, dutiyena samāpattisampadāya. Atha vā paṭhamena khayañāṇabhāvena, dutiyena anuppādañāṇabhāvena. Paṭhamena vā vijjūpamatāya, dutiyena vajirūpamatāya. Purimena vā virāgasampattiyā, dutiyena nirodhasampattiyā. Tathā paṭhamena niyyānabhāvena, dutiyena nissaraṇabhāvena. Paṭhamena vā hetubhāvena, dutiyena asaṅkhatabhāvena. Paṭhamena vā dassanabhāvena, dutiyena vivekabhāvena. Paṭhamena vā adhipatibhāvena, dutiyena amatabhāvena dhammaṃ thometi. Atha vā ‘‘yaṃ dhammaṃ bhāvetvā buddhabhāvaṃ upagato’’ti etena svākkhātatāya dhammaṃ thometi, ‘‘sacchikatvā’’ti etena sandiṭṭhikatāya. Tathā purimena akālikatāya, pacchimena ehipassikatāya. Purimena vā opaneyyikatāya, pacchimena paccattaṃ veditabbatāya dhammaṃ thometi. ‘‘Gatamala’’nti iminā saṃkilesābhāvadīpanena dhammassa parisuddhataṃ dasseti, ‘‘anuttara’’nti etena aññassa visiṭṭhassa abhāvadīpanena vipulaparipuṇṇataṃ. Paṭhamena vā pahānasampadaṃ dhammassa dasseti, dutiyena pabhavasampadaṃ. Bhāvetabbatāya vā dhammassa gatamalabhāvo yojetabbo. Bhāvanāguṇena hi so dosānaṃ samugghātako hotīti. Sacchikātabbabhāvena anuttarabhāvo yojetabbo. Sacchikiriyānibbattito hi taduttarikaraṇīyābhāvato anaññasādhāraṇatāya anuttaroti. Tathā ‘‘bhāvetvā’’ti etena saha pubbabhāgasīlādīhi sekkhā sīlasamādhipaññākkhandhā dassitā honti. ‘‘Sacchikatvā’’ti etena saha asaṅkhatāya dhātuyā asekkhā sīlasamādhipaññākkhandhā dassitā hontīti.

    3. звам̣ сан̇кзбзнзва саб̣б̣ад̇хаммаг̇ун̣зхи сад̣̇д̇хаммам̣ абхид̇т̇авид̇ваа ид̣̇аани арияасан̇гхам̣ т̇омзд̇ум̣ ‘‘суг̇ад̇ассаа’’д̇иаад̣̇имааха. д̇ад̇т̇а суг̇ад̇ассаад̇и самб̣анд̇ханид̣̇д̣̇зсо. ‘‘д̇асса буд̇д̇аана’’нд̇и зд̇зна самб̣анд̇хо. орасаананд̇и буд̇д̇ависзсанам̣. маарасзнамат̇анаананд̇и орасабуд̇д̇абхаавз гааран̣анид̣̇д̣̇зсо д̇зна гилзсаббахаанамзва бхаг̇авад̇о орасабуд̇д̇абхаавз гааран̣ам̣ ануж̇аанаад̇ийд̇и д̣̇ассзд̇и. адтаннанд̇и г̇ан̣анабарижчзд̣̇анид̣̇д̣̇зсо. д̇зна жа сад̇иби д̇зсам̣ сад̇д̇ависзсабхаавзна анзгасад̇асахассабхаавз имам̣ г̇ан̣анабарижчзд̣̇ам̣ наад̇ивад̇д̇анд̇ийд̇и д̣̇ассзд̇и маг̇г̇адтапаладтабхааваанад̇ивад̇д̇анад̇о. самууханд̇и самуд̣̇ааяанид̣̇д̣̇зсо. арияасан̇гханд̇и г̇ун̣ависидтасам̣хад̇абхааванид̣̇д̣̇зсо. д̇зна асад̇иби арияабуг̇г̇алаанам̣ гааяасаамаг̇г̇ияам̣ арияасан̇гхабхаавам̣ д̣̇ассзд̇и д̣̇идтисийласааман̃н̃зна сам̣хад̇абхаавад̇о.

    3. Evaṃ saṅkhepeneva sabbadhammaguṇehi saddhammaṃ abhitthavitvā idāni ariyasaṅghaṃ thometuṃ ‘‘sugatassā’’tiādimāha. Tattha sugatassāti sambandhaniddeso. ‘‘Tassa puttāna’’nti etena sambandho. Orasānanti puttavisesanaṃ. Mārasenamathanānanti orasaputtabhāve kāraṇaniddeso tena kilesappahānameva bhagavato orasaputtabhāve kāraṇaṃ anujānātīti dasseti. Aṭṭhannanti gaṇanaparicchedaniddeso. Tena ca satipi tesaṃ sattavisesabhāvena anekasatasahassabhāve imaṃ gaṇanaparicchedaṃ nātivattantīti dasseti maggaṭṭhaphalaṭṭhabhāvānativattanato. Samūhanti samudāyaniddeso. Ariyasaṅghanti guṇavisiṭṭhasaṃhatabhāvaniddeso. Tena asatipi ariyapuggalānaṃ kāyasāmaggiyaṃ ariyasaṅghabhāvaṃ dasseti diṭṭhisīlasāmaññena saṃhatabhāvato.

    д̇ад̇т̇а ураси бхаваа ж̇аад̇аа сам̣б̣ад̣̇д̇хаа жа орасаа. яат̇аа хи сад̇д̇аанам̣ орасабуд̇д̇аа ад̇д̇аж̇ад̇ааяа бид̇у санд̇агасса д̣̇ааяаж̇ж̇асса висзсзна бхааг̇ино хонд̇и, звамзд̇зби арияабуг̇г̇алаа саммаасамб̣уд̣̇д̇хасса савананд̇з арияааяа ж̇аад̇ияаа ж̇аад̇ад̇ааяа бхаг̇авад̇о санд̇агасса вимуд̇д̇исукасса арияад̇хаммарад̇анасса зганд̇зна бхааг̇инод̇и орасаа вияа орасаа. ат̇а ваа бхаг̇авад̇о д̇хаммад̣̇зсанаанубхаавзна арияабхуумим̣ оггамамаанаа огганд̇аа жа арияасаавагаа бхаг̇авад̇о урз вааяаамаж̇анид̇аабхиж̇аад̇ид̇ааяа ниббарияааязна орасабуд̇д̇аад̇и вад̇д̇аб̣б̣ад̇ам̣ араханд̇и. саавагзхи бавад̇д̇ияамаанааби хи д̇хаммад̣̇зсанаа ‘‘бхаг̇авад̇о д̇хаммад̣̇зсанаа’’ижжзва вужжад̇и д̇ам̣муулагад̇д̇аа лагкан̣аад̣̇ивисзсаабхаавад̇о жа.

    Tattha urasi bhavā jātā saṃbaddhā ca orasā. Yathā hi sattānaṃ orasaputtā attajatāya pitu santakassa dāyajjassa visesena bhāgino honti, evametepi ariyapuggalā sammāsambuddhassa savanante ariyāya jātiyā jātatāya bhagavato santakassa vimuttisukhassa ariyadhammaratanassa ekantena bhāginoti orasā viya orasā. Atha vā bhagavato dhammadesanānubhāvena ariyabhūmiṃ okkamamānā okkantā ca ariyasāvakā bhagavato ure vāyāmajanitābhijātitāya nippariyāyena orasaputtāti vattabbataṃ arahanti. Sāvakehi pavattiyamānāpi hi dhammadesanā ‘‘bhagavato dhammadesanā’’icceva vuccati taṃmūlakattā lakkhaṇādivisesābhāvato ca.

    яад̣̇иби арияасаавагаанам̣ арияамаг̇г̇аад̇хиг̇амасамаяз бхаг̇авад̇о вияа д̇ад̣̇анд̇арааяагаран̣ад̇т̇ам̣ д̣̇звабуд̇д̇амааро , маараваахиний ваа на зганд̇зна абасаад̣̇зд̇и, д̇зхи бана абасаад̣̇зд̇аб̣б̣ад̇ааяа гааран̣з вимат̇ид̇з д̇зби вимат̇ид̇аа зва наама хонд̇ийд̇и ааха – ‘‘маарасзнамат̇анаана’’нд̇и. имасмим̣ банад̇т̇з ‘‘маарамаарасзнамат̇анаана’’нд̇и вад̇д̇аб̣б̣з ‘‘маарасзнамат̇анаана’’нд̇и згад̣̇зсасаруубзгасзсо гад̇од̇и д̣̇адтаб̣б̣ам̣. ат̇а ваа канд̇хаабхисан̇каарамаараанам̣ вияа д̣̇звабуд̇д̇амаарассаби г̇ун̣амааран̣з сахааяабхаавуубаг̇аманад̇о гилзсаб̣алагааяо ‘‘сзнаа’’д̇и вужжад̇и. яат̇ааха – ‘‘гаамаа д̇з батамаа сзнаа’’д̇иаад̣̇и (су. ни. 438; махаани. 28, 68, 149). саа жа д̇зхи д̣̇ияад̣дхасахассабхзд̣̇аа, ананд̇абхзд̣̇аа ваа гилзсаваахиний сад̇ид̇хаммавижаяавийрияасамат̇аад̣̇иг̇ун̣аббахаран̣зхи од̇хисо вимат̇ид̇аа вихад̇аа вид̣̇д̇хасд̇аа жаад̇и маарасзнамат̇анаа, арияасаавагаа. зд̇зна д̇зсам̣ бхаг̇авад̇о ануж̇аад̇абуд̇д̇ад̇ам̣ д̣̇ассзд̇и.

    Yadipi ariyasāvakānaṃ ariyamaggādhigamasamaye bhagavato viya tadantarāyakaraṇatthaṃ devaputtamāro , māravāhinī vā na ekantena apasādeti, tehi pana apasādetabbatāya kāraṇe vimathite tepi vimathitā eva nāma hontīti āha – ‘‘mārasenamathanāna’’nti. Imasmiṃ panatthe ‘‘māramārasenamathanāna’’nti vattabbe ‘‘mārasenamathanāna’’nti ekadesasarūpekaseso katoti daṭṭhabbaṃ. Atha vā khandhābhisaṅkhāramārānaṃ viya devaputtamārassapi guṇamāraṇe sahāyabhāvūpagamanato kilesabalakāyo ‘‘senā’’ti vuccati. Yathāha – ‘‘kāmā te paṭhamā senā’’tiādi (su. ni. 438; mahāni. 28, 68, 149). Sā ca tehi diyaḍḍhasahassabhedā, anantabhedā vā kilesavāhinī satidhammavicayavīriyasamathādiguṇappaharaṇehi odhiso vimathitā vihatā viddhastā cāti mārasenamathanā, ariyasāvakā. Etena tesaṃ bhagavato anujātaputtataṃ dasseti.

    аарагад̇д̇аа гилзсзхи, анаяз на ирияанад̇о, аяз жа ирияанад̇о арияаа нируд̇д̇инаязна. ат̇а ваа сад̣̇звагзна логзна саран̣анд̇и аран̣ийяад̇о убаг̇анд̇аб̣б̣ад̇о, убаг̇ад̇аанан̃жа д̇ад̣̇ад̇т̇асид̣̇д̇хид̇о арияаа, арияаанам̣ сан̇гход̇и арияасан̇гхо, арияо жа со сан̇гхо жаад̇и ваа арияасан̇гхо, д̇ам̣ арияасан̇гхам̣. бхаг̇авад̇о абарабхааг̇з б̣уд̣̇д̇хад̇хаммарад̇анаанамби самад̇хиг̇амо сан̇гхарад̇анаад̇хийнод̇и асса арияасан̇гхасса б̣ахуубагаарад̇ам̣ д̣̇ассзд̇ум̣ ид̇хзва ‘‘сирасаа ванд̣̇з’’д̇и вуд̇д̇анд̇и д̣̇адтаб̣б̣ам̣.

    Ārakattā kilesehi, anaye na iriyanato, aye ca iriyanato ariyā niruttinayena. Atha vā sadevakena lokena saraṇanti araṇīyato upagantabbato, upagatānañca tadatthasiddhito ariyā, ariyānaṃ saṅghoti ariyasaṅgho, ariyo ca so saṅgho cāti vā ariyasaṅgho, taṃ ariyasaṅghaṃ. Bhagavato aparabhāge buddhadhammaratanānampi samadhigamo saṅgharatanādhīnoti assa ariyasaṅghassa bahūpakārataṃ dassetuṃ idheva ‘‘sirasā vande’’ti vuttanti daṭṭhabbaṃ.

    зд̇т̇а жа ‘‘суг̇ад̇асса орасаанам̣ буд̇д̇аана’’нд̇и зд̇зна арияасан̇гхасса бабхавасамбад̣̇ам̣ д̣̇ассзд̇и, ‘‘маарасзнамат̇анаана’’нд̇и зд̇зна бахаанасамбад̣̇ам̣ сагаласам̣гилзсаббахаанад̣̇ийбанад̇о. ‘‘адтаннамби самууха’’нд̇и зд̇зна н̃аан̣асамбад̣̇ам̣ маг̇г̇адтапаладтабхаавад̣̇ийбанад̇о. ‘‘арияасан̇гха’’нд̇и зд̇зна бабхавасамбад̣̇ам̣ д̣̇ассзд̇и саб̣б̣асан̇гхаанам̣ аг̇г̇абхаавад̣̇ийбанад̇о. ат̇а ваа ‘‘суг̇ад̇асса орасаанам̣ буд̇д̇аана’’нд̇и арияасан̇гхасса висуд̣̇д̇ханиссаяабхаавад̣̇ийбанам̣, ‘‘маарасзнамат̇анаана’’нд̇и саммаауж̇ун̃ааяасаамийжиббадибаннабхаавад̣̇ийбанам̣, ‘‘адтаннамби самууха’’нд̇и аахунзяяаад̣̇ибхаавад̣̇ийбанам̣, ‘‘арияасан̇гха’’нд̇и ануд̇д̇арабун̃н̃агкзд̇д̇абхаавад̣̇ийбанам̣. д̇ат̇аа ‘‘суг̇ад̇асса орасаанам̣ буд̇д̇аана’’нд̇и зд̇зна арияасан̇гхасса логуд̇д̇арасаран̣аг̇аманасаб̣бхаавам̣ д̣̇ийбзд̇и. логуд̇д̇арасаран̣аг̇аманзна хи д̇з бхаг̇авад̇о орасабуд̇д̇аа ж̇аад̇аа. ‘‘маарасзнамат̇анаана’’нд̇и зд̇зна абхинийхаарасамбад̣̇аасид̣̇д̇хам̣ буб̣б̣абхааг̇з саммаабадибад̇д̇им̣ д̣̇ассзд̇и. гад̇аабхинийхаараа хи саммаабадибаннаа маарам̣ маарабарисам̣ ваа абхивиж̇инанд̇и. ‘‘адтаннамби самууха’’нд̇и зд̇зна вид̣̇д̇хасд̇авибагкз сзгкаасзгкад̇хаммз д̣̇ассзд̇и буг̇г̇алаад̇хидтаанзна маг̇г̇апалад̇хаммаанам̣ багаасид̇ад̇д̇аа. ‘‘арияасан̇гха’’нд̇и аг̇г̇ад̣̇агкин̣зяяабхаавам̣ д̣̇ассзд̇и. саран̣аг̇аманан̃жа саавагаанам̣ саб̣б̣аг̇ун̣аанам̣ аад̣̇и, сабуб̣б̣абхааг̇аббадибад̣̇аа сзгкаа сийлагканд̇хаад̣̇аяо маж̇жхз, асзгкаа сийлагканд̇хаад̣̇аяо барияосаананд̇и аад̣̇имаж̇жхабарияосаанагаляаан̣аа сан̇кзбад̇о саб̣б̣з арияасан̇гхаг̇ун̣аа багаасид̇аа хонд̇и.

    Ettha ca ‘‘sugatassa orasānaṃ puttāna’’nti etena ariyasaṅghassa pabhavasampadaṃ dasseti, ‘‘mārasenamathanāna’’nti etena pahānasampadaṃ sakalasaṃkilesappahānadīpanato. ‘‘Aṭṭhannampi samūha’’nti etena ñāṇasampadaṃ maggaṭṭhaphalaṭṭhabhāvadīpanato. ‘‘Ariyasaṅgha’’nti etena pabhavasampadaṃ dasseti sabbasaṅghānaṃ aggabhāvadīpanato. Atha vā ‘‘sugatassa orasānaṃ puttāna’’nti ariyasaṅghassa visuddhanissayabhāvadīpanaṃ, ‘‘mārasenamathanāna’’nti sammāujuñāyasāmīcippaṭipannabhāvadīpanaṃ, ‘‘aṭṭhannampi samūha’’nti āhuneyyādibhāvadīpanaṃ, ‘‘ariyasaṅgha’’nti anuttarapuññakkhettabhāvadīpanaṃ. Tathā ‘‘sugatassa orasānaṃ puttāna’’nti etena ariyasaṅghassa lokuttarasaraṇagamanasabbhāvaṃ dīpeti. Lokuttarasaraṇagamanena hi te bhagavato orasaputtā jātā. ‘‘Mārasenamathanāna’’nti etena abhinīhārasampadāsiddhaṃ pubbabhāge sammāpaṭipattiṃ dasseti. Katābhinīhārā hi sammāpaṭipannā māraṃ māraparisaṃ vā abhivijinanti. ‘‘Aṭṭhannampi samūha’’nti etena viddhastavipakkhe sekkhāsekkhadhamme dasseti puggalādhiṭṭhānena maggaphaladhammānaṃ pakāsitattā. ‘‘Ariyasaṅgha’’nti aggadakkhiṇeyyabhāvaṃ dasseti. Saraṇagamanañca sāvakānaṃ sabbaguṇānaṃ ādi, sapubbabhāgappaṭipadā sekkhā sīlakkhandhādayo majjhe, asekkhā sīlakkhandhādayo pariyosānanti ādimajjhapariyosānakalyāṇā saṅkhepato sabbe ariyasaṅghaguṇā pakāsitā honti.

    4. звам̣ г̇аат̇аад̇д̇аязна сан̇кзбад̇о сагалаг̇ун̣асам̣гид̇д̇анамукзна рад̇анад̇д̇аяасса бан̣аамам̣ гад̇ваа ид̣̇аани д̇ам̣нибажжагаарам̣ яат̇аад̇хиббзд̇з баяож̇анз барин̣аамзнд̇о ‘‘ид̇и мз’’д̇иаад̣̇имааха. д̇ад̇т̇а рад̇иж̇ананадтзна рад̇анам̣, б̣уд̣̇д̇хад̇хаммасан̇гхаа. д̇зсан̃хи ‘‘ид̇иби со бхаг̇аваа’’д̇иаад̣̇инаа яат̇аабхууд̇аг̇ун̣з ааваж̇ж̇знд̇асса амад̇аад̇хиг̇амахзд̇убхууд̇ам̣ анаббагам̣ бийд̇ибаамож̇ж̇ам̣ уббаж̇ж̇ад̇и. яат̇ааха –

    4. Evaṃ gāthāttayena saṅkhepato sakalaguṇasaṃkittanamukhena ratanattayassa paṇāmaṃ katvā idāni taṃnipaccakāraṃ yathādhippete payojane pariṇāmento ‘‘iti me’’tiādimāha. Tattha ratijananaṭṭhena ratanaṃ, buddhadhammasaṅghā. Tesañhi ‘‘itipi so bhagavā’’tiādinā yathābhūtaguṇe āvajjentassa amatādhigamahetubhūtaṃ anappakaṃ pītipāmojjaṃ uppajjati. Yathāha –

    ‘‘яасмим̣, махаанаама, самаяз арияасааваго д̇ат̇ааг̇ад̇ам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇оса…бз… на мохабарияудтид̇ам̣ жид̇д̇ам̣ ход̇и, уж̇уг̇ад̇амзвасса д̇асмим̣ самаяз жид̇д̇ам̣ ход̇и д̇ат̇ааг̇ад̇ам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣, бамуд̣̇ид̇асса бийд̇и ж̇ааяад̇ий’’д̇иаад̣̇и (а. ни. 6.10; 11.11).

    ‘‘Yasmiṃ, mahānāma, samaye ariyasāvako tathāgataṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosa…pe… na mohapariyuṭṭhitaṃ cittaṃ hoti, ujugatamevassa tasmiṃ samaye cittaṃ hoti tathāgataṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ, pamuditassa pīti jāyatī’’tiādi (a. ni. 6.10; 11.11).

    жид̇д̇ийгад̇аад̣̇ибхааво ваа рад̇анадто. вуд̇д̇ан̃хзд̇ам̣ –

    Cittīkatādibhāvo vā ratanaṭṭho. Vuttañhetaṃ –

    ‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;

    ‘‘Cittīkataṃ mahagghañca, atulaṃ dullabhadassanaṃ;

    аномасад̇д̇абарибхог̇ам̣, рад̇анам̣ д̇зна вужжад̇ий’’д̇и. (д̣̇ий. ни. адта. 2.33; сам̣. ни. адта. 3.5.223; ку. баа. адта. 6.3; су. ни. адта. 1.226);

    Anomasattaparibhogaṃ, ratanaṃ tena vuccatī’’ti. (dī. ni. aṭṭha. 2.33; saṃ. ni. aṭṭha. 3.5.223; khu. pā. aṭṭha. 6.3; su. ni. aṭṭha. 1.226);

    жид̇д̇ийгад̇абхааваад̣̇аяо жа анан̃н̃асаад̇хааран̣аа б̣уд̣̇д̇хаад̣̇ийсу зва лаб̣бханд̇ийд̇и.

    Cittīkatabhāvādayo ca anaññasādhāraṇā buddhādīsu eva labbhantīti.

    ванд̣̇анаава ванд̣̇анаамаяам̣ яат̇аа ‘‘д̣̇аанамаяам̣, сийламаяа’’нд̇и (д̣̇ий. ни. 3.305; ид̇иву. 60). ванд̣̇анаа жзд̇т̇а гааяаваажаажид̇д̇зхи д̇ин̣н̣ам̣ рад̇анаанам̣ г̇ун̣аниннад̇аа, т̇оманаа ваа. буж̇ж̇абхаавапаланиб̣б̣ад̇д̇анад̇о бун̃н̃ам̣, ад̇д̇ано санд̇аанам̣ бунаад̇ийд̇и ваа. сувихад̇анд̇арааяод̇и судту вихад̇анд̇арааяо. зд̇зна ад̇д̇ано басаад̣̇асамбад̇д̇ияаа, рад̇анад̇д̇аяасса жа кзд̇д̇абхаавасамбад̇д̇ияаа д̇ам̣ бун̃н̃ам̣ ад̇т̇аббагаасанасса убагхаад̇агаубад̣̇д̣̇аваанам̣ вихананз самад̇т̇анд̇и д̣̇ассзд̇и. худ̇ваад̇и буб̣б̣агаалагирияаа. д̇асса ‘‘ад̇т̇ам̣ багаасаяиссаамий’’д̇и зд̇зна самб̣анд̇хо. д̇ассаад̇и яам̣ рад̇анад̇д̇аяаванд̣̇анаамаяам̣ бун̃н̃ам̣, д̇асса. аанубхаавзнаад̇и б̣алзна.

    Vandanāva vandanāmayaṃ yathā ‘‘dānamayaṃ, sīlamaya’’nti (dī. ni. 3.305; itivu. 60). Vandanā cettha kāyavācācittehi tiṇṇaṃ ratanānaṃ guṇaninnatā, thomanā vā. Pujjabhāvaphalanibbattanato puññaṃ, attano santānaṃ punātīti vā. Suvihatantarāyoti suṭṭhu vihatantarāyo. Etena attano pasādasampattiyā, ratanattayassa ca khettabhāvasampattiyā taṃ puññaṃ atthappakāsanassa upaghātakaupaddavānaṃ vihanane samatthanti dasseti. Hutvāti pubbakālakiriyā. Tassa ‘‘atthaṃ pakāsayissāmī’’ti etena sambandho. Tassāti yaṃ ratanattayavandanāmayaṃ puññaṃ, tassa. Ānubhāvenāti balena.

    5. звам̣ рад̇анад̇д̇аяасса нибажжагаарагаран̣з баяож̇анам̣ д̣̇ассзд̇ваа ид̣̇аани яассаа д̇хаммад̣̇зсанааяа ад̇т̇ам̣ сам̣ван̣н̣зд̇угаамо, д̇ассаа д̇аава г̇ун̣аабхид̇т̇аванавасзна убан̃н̃аабанад̇т̇ам̣ ‘‘згагад̣̇угаад̣̇ибадиман̣д̣ид̇ассаа’’д̇иаад̣̇имааха, згагаад̣̇ийни ан̇г̇аани убаруубари вад̣дхзд̇ваа д̣̇зсид̇зхи суд̇д̇анд̇зхи бадиман̣д̣ид̇асса висидтассаад̇и ад̇т̇о. зд̇зна ‘‘ан̇г̇уд̇д̇аро’’д̇и аяам̣ имасса ааг̇амасса ад̇т̇аануг̇ад̇аа саман̃н̃аад̇и д̣̇ассзд̇и. нану жа згагаад̣̇ивасзна д̣̇зсид̇аани суд̇д̇ааниязва ааг̇амо. гасса бана згагад̣̇угаад̣̇ийхи бадиман̣д̣ид̇абхаавод̇и? сажжамзд̇ам̣ барамад̇т̇ад̇о, суд̇д̇аани бана убаад̣̇ааяа бан̃н̃ад̇д̇о ааг̇амо. яат̇зва хи ад̇т̇аб̣яан̃ж̇анасамуд̣̇ааяз суд̇д̇анд̇и вохааро, звам̣ суд̇д̇асамуд̣̇ааяз ааг̇амод̇и вохааро. згагаад̣̇ийхи ан̇г̇зхи убаруубари уд̇д̇аро ад̇хигод̇и ан̇г̇уд̇д̇аро, ааг̇амиссанд̇и зд̇т̇а, зд̇зна, зд̇асмаа ваа ад̇д̇ад̇т̇абарад̇т̇аад̣̇аяод̇и ааг̇амо, аад̣̇игаляаан̣аад̣̇иг̇ун̣асамбад̇д̇ияаа уд̇д̇амадтзна д̇ам̣д̇ам̣абхибад̇т̇ид̇асамид̣̇д̇хихзд̇уд̇ааяа бан̣д̣ид̇зхи варид̇аб̣б̣ад̇о варо, ааг̇амо жа со варо жа сздтадтзнаад̇и ааг̇амаваро, ааг̇амасаммад̇зхи ваа варод̇и ааг̇амаваро. ан̇г̇уд̇д̇аро жа со ааг̇амаваро жаад̇и ан̇г̇уд̇д̇арааг̇амаваро, д̇асса.

    5. Evaṃ ratanattayassa nipaccakārakaraṇe payojanaṃ dassetvā idāni yassā dhammadesanāya atthaṃ saṃvaṇṇetukāmo, tassā tāva guṇābhitthavanavasena upaññāpanatthaṃ ‘‘ekakadukādipaṭimaṇḍitassā’’tiādimāha, ekakādīni aṅgāni uparūpari vaḍḍhetvā desitehi suttantehi paṭimaṇḍitassa visiṭṭhassāti attho. Etena ‘‘aṅguttaro’’ti ayaṃ imassa āgamassa atthānugatā samaññāti dasseti. Nanu ca ekakādivasena desitāni suttāniyeva āgamo. Kassa pana ekakadukādīhi paṭimaṇḍitabhāvoti? Saccametaṃ paramatthato, suttāni pana upādāya paññatto āgamo. Yatheva hi atthabyañjanasamudāye suttanti vohāro, evaṃ suttasamudāye āgamoti vohāro. Ekakādīhi aṅgehi uparūpari uttaro adhikoti aṅguttaro, āgamissanti ettha, etena, etasmā vā attatthaparatthādayoti āgamo, ādikalyāṇādiguṇasampattiyā uttamaṭṭhena taṃtaṃabhipatthitasamiddhihetutāya paṇḍitehi varitabbato varo, āgamo ca so varo ca seṭṭhaṭṭhenāti āgamavaro, āgamasammatehi vā varoti āgamavaro. Aṅguttaro ca so āgamavaro cāti aṅguttarāgamavaro, tassa.

    бун̇г̇аваа вужжанд̇и усабхаа, асанд̇асанабариссаяасаханасса барибааланаад̣̇иг̇ун̣зхи д̇ам̣сад̣̇исад̇ааяа д̇хаммагат̇игаа зва бун̇г̇аваад̇и д̇хаммагат̇игабун̇г̇аваа, д̇зсам̣. хзд̇уубамаад̣̇иббадиман̣д̣ид̇анаанаавид̇хад̣̇зсанаанаяавижид̇д̇ад̇ааяа вижид̇д̇абадибхаанаж̇ананасса. суман̇г̇алавилаасинийаад̣̇ийсу (д̣̇ий. ни. адта. 1.г̇ант̇аарамбхагат̇аа; ма. ни. адта. 1.г̇ант̇аарамбхагат̇аа; сам̣. ни. адта. 1.1.г̇ант̇аарамбхагат̇аа) бана ‘‘б̣уд̣̇д̇хаануб̣уд̣̇д̇хасам̣ван̣н̣ид̇ассаа’’д̇и вуд̇д̇ам̣. б̣уд̣̇д̇хаанан̃хи сажжаббадивзд̇хам̣ ануг̇амма бадивид̣̇д̇хасажжаа аг̇г̇асаавагаад̣̇аяо арияаа б̣уд̣̇д̇хаануб̣уд̣̇д̇хаа. аяамби ааг̇амо д̇зхи ад̇т̇асам̣ван̣н̣анаавасзна г̇ун̣асам̣ван̣н̣анаавасзна жа сам̣ван̣н̣ид̇о зва. ат̇а ваа б̣уд̣̇д̇хаа жа ануб̣уд̣̇д̇хаа жа б̣уд̣̇д̇хаануб̣уд̣̇д̇хаад̇и яож̇зд̇аб̣б̣ам̣. саммаасамб̣уд̣̇д̇хзнзва хи д̇ин̣н̣ам̣ бидагаанам̣ ад̇т̇аван̣н̣анааггамо бхаасид̇о, яаа ‘‘багин̣н̣агад̣̇зсанаа’’д̇и вужжад̇и. д̇ад̇о сан̇г̇ааяанаад̣̇ивасзнзва саавагзхийд̇и аажарияаа вад̣̇анд̇и. ид̇ха бана ‘‘д̇хаммагат̇игабун̇г̇аваанам̣ вижид̇д̇абадибхаанаж̇ананасса’’ижжзва т̇оманаа гад̇аа. сам̣ван̣н̣анаасу жааяам̣ аажарияасса багад̇и, яаа д̇ам̣д̇ам̣сам̣ван̣н̣анаасу аад̣̇ид̇о д̇асса д̇асса сам̣ван̣н̣зд̇аб̣б̣асса д̇хаммасса висзсаг̇ун̣агид̇д̇анзна т̇оманаа. д̇ат̇аа хи суман̇г̇алавилаасинийбабан̃жасууд̣̇анийсаарад̇т̇аббагаасанийсу адтасаалинийаад̣̇ийсу жа яат̇ааггамам̣ ‘‘сад̣̇д̇хаавахаг̇ун̣асса, бараваад̣̇амат̇анасса, н̃аан̣аббабхзд̣̇аж̇ананасса, д̇асса г̇амбхийран̃аан̣зхи ог̇аал̣хасса абхин̣хасо наанаанаяавижид̇д̇ассаа’’д̇иаад̣̇инаа т̇оманаа гад̇аа.

    Puṅgavā vuccanti usabhā, asantasanaparissayasahanassa paripālanādiguṇehi taṃsadisatāya dhammakathikā eva puṅgavāti dhammakathikapuṅgavā, tesaṃ. Hetūpamādippaṭimaṇḍitanānāvidhadesanānayavicittatāya vicittapaṭibhānajananassa. Sumaṅgalavilāsinīādīsu (dī. ni. aṭṭha. 1.ganthārambhakathā; ma. ni. aṭṭha. 1.ganthārambhakathā; saṃ. ni. aṭṭha. 1.1.ganthārambhakathā) pana ‘‘buddhānubuddhasaṃvaṇṇitassā’’ti vuttaṃ. Buddhānañhi saccappaṭivedhaṃ anugamma paṭividdhasaccā aggasāvakādayo ariyā buddhānubuddhā. Ayampi āgamo tehi atthasaṃvaṇṇanāvasena guṇasaṃvaṇṇanāvasena ca saṃvaṇṇito eva. Atha vā buddhā ca anubuddhā ca buddhānubuddhāti yojetabbaṃ. Sammāsambuddheneva hi tiṇṇaṃ piṭakānaṃ atthavaṇṇanākkamo bhāsito, yā ‘‘pakiṇṇakadesanā’’ti vuccati. Tato saṅgāyanādivaseneva sāvakehīti ācariyā vadanti. Idha pana ‘‘dhammakathikapuṅgavānaṃ vicittapaṭibhānajananassa’’icceva thomanā katā. Saṃvaṇṇanāsu cāyaṃ ācariyassa pakati, yā taṃtaṃsaṃvaṇṇanāsu ādito tassa tassa saṃvaṇṇetabbassa dhammassa visesaguṇakittanena thomanā. Tathā hi sumaṅgalavilāsinīpapañcasūdanīsāratthappakāsanīsu aṭṭhasālinīādīsu ca yathākkamaṃ ‘‘saddhāvahaguṇassa, paravādamathanassa, ñāṇappabhedajananassa, tassa gambhīrañāṇehi ogāḷhassa abhiṇhaso nānānayavicittassā’’tiādinā thomanā katā.

    6. ад̇т̇о гат̇ийяад̇и зд̇ааяаад̇и ад̇т̇агат̇аа, саа зва адтагат̇аа, д̇т̇а-гаарасса дта-гаарам̣ гад̇ваа яат̇аа ‘‘д̣̇угкасса бийл̣анадто’’д̇и (бади. ма. 1.17; 2.8). аад̣̇ид̇од̇иаад̣̇имхи батамасан̇г̇ийд̇ияам̣ . чал̣абхин̃н̃ад̇ааяа барамзна жид̇д̇авасийбхаавзна саманнааг̇ад̇ад̇д̇аа жхаанаад̣̇ийсу бан̃жавид̇хавасид̇аасаб̣бхаавад̇о жа васино, т̇зраа махаагассабаад̣̇аяо, д̇зсам̣ сад̇зхи бан̃жахи. яаад̇и яаа адтагат̇аа. сан̇г̇ийд̇аад̇и ад̇т̇ам̣ багаасзд̇ум̣ яуд̇д̇адтаанз ‘‘аяам̣ зд̇асса ад̇т̇о, аяам̣ зд̇асса ад̇т̇о’’д̇и сан̇г̇ахзд̇ваа вуд̇д̇аа. анусан̇г̇ийд̇аа жа яасад̇т̇зраад̣̇ийхи бажчааби д̣̇уд̇ияад̇ад̇ияасан̇г̇ийд̇ийсу. иминаа ад̇д̇ано сам̣ван̣н̣анааяа ааг̇аманависуд̣̇д̇хим̣ д̣̇ассзд̇и.

    6. Attho kathīyati etāyāti atthakathā, sā eva aṭṭhakathā, ttha-kārassa ṭṭha-kāraṃ katvā yathā ‘‘dukkhassa pīḷanaṭṭho’’ti (paṭi. ma. 1.17; 2.8). Āditotiādimhi paṭhamasaṅgītiyaṃ . Chaḷabhiññatāya paramena cittavasībhāvena samannāgatattā jhānādīsu pañcavidhavasitāsabbhāvato ca vasino, therā mahākassapādayo, tesaṃ satehi pañcahi. Yāti yā aṭṭhakathā. Saṅgītāti atthaṃ pakāsetuṃ yuttaṭṭhāne ‘‘ayaṃ etassa attho, ayaṃ etassa attho’’ti saṅgahetvā vuttā. Anusaṅgītā ca yasattherādīhi pacchāpi dutiyatatiyasaṅgītīsu. Iminā attano saṃvaṇṇanāya āgamanavisuddhiṃ dasseti.

    7. сийхасса лаанад̇о г̇ахан̣ад̇о сийхал̣о, сийхагумааро. д̇ам̣вам̣саж̇аад̇ад̇ааяа д̇амб̣абан̣н̣ид̣̇ийбз кад̇д̇ияаанам̣, д̇зсам̣ ниваасад̇ааяа д̇амб̣абан̣н̣ид̣̇ийбасса жа сийхал̣абхааво взд̣̇ид̇аб̣б̣о. аабхад̇аад̇и ж̇амб̣уд̣̇ийбад̇о аанийд̇аа. ат̇аад̇и бажчаа. абарабхааг̇з хи асан̇гарад̇т̇ам̣ сийхал̣абхаасааяа адтагат̇аа табид̇аад̇и. д̇зна саа мууладтагат̇аа саб̣б̣асаад̇хааран̣аа на ход̇ийд̇и ид̣̇ам̣ ад̇т̇аббагаасанам̣ зганд̇зна гаран̣ийяанд̇и д̣̇ассзд̇и. д̇знзвааха – ‘‘д̣̇ийбаваасийнамад̇т̇ааяаа’’д̇и. д̇ад̇т̇а д̣̇ийбаваасийнанд̇и ж̇амб̣уд̣̇ийбаваасийнам̣, д̣̇ийбаваасийнанд̇и ваа сийхал̣ад̣̇ийбаваасийнам̣ ад̇т̇ааяа сийхал̣абхаасааяа табид̇аад̇и яож̇анаа.

    7. Sīhassa lānato gahaṇato sīhaḷo, sīhakumāro. Taṃvaṃsajātatāya tambapaṇṇidīpe khattiyānaṃ, tesaṃ nivāsatāya tambapaṇṇidīpassa ca sīhaḷabhāvo veditabbo. Ābhatāti jambudīpato ānītā. Athāti pacchā. Aparabhāge hi asaṅkaratthaṃ sīhaḷabhāsāya aṭṭhakathā ṭhapitāti. Tena sā mūlaṭṭhakathā sabbasādhāraṇā na hotīti idaṃ atthappakāsanaṃ ekantena karaṇīyanti dasseti. Tenevāha – ‘‘dīpavāsīnamatthāyā’’ti. Tattha dīpavāsīnanti jambudīpavāsīnaṃ, dīpavāsīnanti vā sīhaḷadīpavāsīnaṃ atthāya sīhaḷabhāsāya ṭhapitāti yojanā.

    8. абанзд̇ваанаад̇и ган̃жугасад̣̇исам̣ сийхал̣абхаасам̣абанзд̇ваана. д̇ад̇од̇и адтагат̇аад̇о. аханд̇и ад̇д̇аанам̣ нид̣̇д̣̇исад̇и. манорамам̣ бхаасанд̇и мааг̇ад̇хабхаасам̣. саа хи сабхааванируд̇д̇ибхууд̇аа бан̣д̣ид̇аанам̣ манам̣ рамаяад̇ийд̇и. д̇знзвааха – ‘‘д̇анд̇инаяаанужчавига’’нд̇и, баал̣иг̇ад̇ияаа ануломигам̣ баал̣ижчааяаанувид̇хааяининд̇и ад̇т̇о. виг̇ад̇ад̣̇осанд̇и асабхааванируд̇д̇ибхаасанд̇арарахид̇ам̣.

    8.Apanetvānāti kañcukasadisaṃ sīhaḷabhāsaṃapanetvāna. Tatoti aṭṭhakathāto. Ahanti attānaṃ niddisati. Manoramaṃ bhāsanti māgadhabhāsaṃ. Sā hi sabhāvaniruttibhūtā paṇḍitānaṃ manaṃ ramayatīti. Tenevāha – ‘‘tantinayānucchavika’’nti, pāḷigatiyā anulomikaṃ pāḷicchāyānuvidhāyininti attho. Vigatadosanti asabhāvaniruttibhāsantararahitaṃ.

    9. самаяам̣ авиломзнд̇од̇и сид̣̇д̇ханд̇ам̣ авирод̇хзнд̇о. зд̇зна ад̇т̇ад̣̇осаабхаавамааха. авируд̣̇д̇хад̇д̇аа зва хи т̇зраваад̣̇ааби ид̇ха багаасийяиссанд̇и. т̇зравам̣сад̣̇ийбаананд̇и т̇ирзхи сийлагканд̇хаад̣̇ийхи саманнааг̇ад̇ад̇д̇аа т̇зраа , махаагассабаад̣̇аяо, д̇зхи ааг̇ад̇аа аажарияабарамбараа т̇зравам̣со. д̇аббарияаабаннаа худ̇ваа ааг̇амаад̇хиг̇амасамбаннад̇д̇аа бан̃н̃аабаж̇ж̇од̇зна д̇асса самуж̇ж̇аланад̇о т̇зравам̣сад̣̇ийбаа, махаавихаараваасино т̇зраа, д̇зсам̣. вивид̇хзхи аагаарзхи нижчийяад̇ийд̇и винижчаяо, г̇ан̣тидтаанзсу кийламад̣̇д̣̇анаагаарзна бавад̇д̇аа вимад̇ижчзд̣̇агат̇аа. судту нибун̣о сан̣хо винижчаяо зд̇зсанд̇и сунибун̣авинижчаяаа. ат̇а ваа винижчинод̇ийд̇и винижчаяо, яат̇аавуд̇д̇ад̇т̇ависаяам̣ н̃аан̣ам̣. судту нибун̣о чзго винижчаяо зд̇зсанд̇и сунибун̣авинижчаяаа. зд̇зна махаагассабаад̣̇ид̇т̇зрабарамбараабхад̇о, д̇ад̇оязва жа авибарийд̇о сан̣хасукумо махаавихаараваасийнам̣ винижчаяод̇и д̇асса бамаан̣абхууд̇ад̇ам̣ д̣̇ассзд̇и.

    9.Samayaṃ avilomentoti siddhantaṃ avirodhento. Etena atthadosābhāvamāha. Aviruddhattā eva hi theravādāpi idha pakāsīyissanti. Theravaṃsadīpānanti thirehi sīlakkhandhādīhi samannāgatattā therā , mahākassapādayo, tehi āgatā ācariyaparamparā theravaṃso. Tappariyāpannā hutvā āgamādhigamasampannattā paññāpajjotena tassa samujjalanato theravaṃsadīpā, mahāvihāravāsino therā, tesaṃ. Vividhehi ākārehi nicchīyatīti vinicchayo, gaṇṭhiṭṭhānesu khīlamaddanākārena pavattā vimaticchedakathā. Suṭṭhu nipuṇo saṇho vinicchayo etesanti sunipuṇavinicchayā. Atha vā vinicchinotīti vinicchayo, yathāvuttatthavisayaṃ ñāṇaṃ. Suṭṭhu nipuṇo cheko vinicchayo etesanti sunipuṇavinicchayā. Etena mahākassapādittheraparamparābhato, tatoyeva ca aviparīto saṇhasukhumo mahāvihāravāsīnaṃ vinicchayoti tassa pamāṇabhūtataṃ dasseti.

    10. суж̇анасса жаад̇и жа-сад̣̇д̣̇о самбин̣д̣анад̇т̇о. д̇зна ‘‘на гзвалам̣ ж̇амб̣уд̣̇ийбаваасийнам̣язва ад̇т̇ааяа, ат̇а ко саад̇хуж̇анаанам̣ д̇осанад̇т̇ан̃жаа’’д̇и д̣̇ассзд̇и. д̇зна жа ‘‘д̇амб̣абан̣н̣ид̣̇ийбаваасийнамби ад̇т̇ааяаа’’д̇и аяамад̇т̇о сид̣̇д̇хо ход̇и уг̇г̇ахан̣аад̣̇исугарад̇ааяа д̇зсамби б̣ахуубагаарад̇д̇аа. жирадтид̇ад̇т̇анд̇и жирадтид̇иад̇т̇ам̣, жирагаалаавадтаанааяаад̇и ад̇т̇о. ид̣̇ан̃хи ад̇т̇аббагаасанам̣ авибарийд̇аб̣яан̃ж̇анасунигкзбасса ад̇т̇асунийд̇асса жа убааяабхаавад̇о сад̣̇д̇хаммасса жирадтид̇ияаа сам̣вад̇д̇ад̇и. вуд̇д̇ан̃хзд̇ам̣ бхаг̇авад̇аа –

    10.Sujanassacāti ca-saddo sampiṇḍanattho. Tena ‘‘na kevalaṃ jambudīpavāsīnaṃyeva atthāya, atha kho sādhujanānaṃ tosanatthañcā’’ti dasseti. Tena ca ‘‘tambapaṇṇidīpavāsīnampi atthāyā’’ti ayamattho siddho hoti uggahaṇādisukaratāya tesampi bahūpakārattā. Ciraṭṭhitatthanti ciraṭṭhitiatthaṃ, cirakālāvaṭṭhānāyāti attho. Idañhi atthappakāsanaṃ aviparītabyañjanasunikkhepassa atthasunītassa ca upāyabhāvato saddhammassa ciraṭṭhitiyā saṃvattati. Vuttañhetaṃ bhagavatā –

    ‘‘д̣̇взмз, бхигкавз, д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇и. гад̇амз д̣̇вз? сунигкид̇д̇ан̃жа бад̣̇аб̣яан̃ж̇анам̣, ад̇т̇о жа сунийд̇о’’д̇и (а. ни. 2.21).

    ‘‘Dveme, bhikkhave, dhammā saddhammassa ṭhitiyā asammosāya anantaradhānāya saṃvattanti. Katame dve? Sunikkhittañca padabyañjanaṃ, attho ca sunīto’’ti (a. ni. 2.21).

    11-12. яам̣ ад̇т̇аван̣н̣анам̣ гад̇т̇угаамо, д̇ассаа маханд̇ад̇д̇ам̣ барихарид̇ум̣ ‘‘саавад̇т̇ибабхууд̇ийна’’нд̇иаад̣̇имааха. д̇знааха – ‘‘на ид̇ха вид̇т̇аарагат̇ам̣ гариссаами, на д̇ам̣ ид̇ха вижаараяиссаамий’’д̇и жа. д̇ад̇т̇а д̣̇ийгхассаад̇и д̣̇ийгханигааяасса. маж̇жхимассаад̇и маж̇жхиманигааяасса. ‘‘сан̇г̇ийд̇ийнам̣ д̣̇виннам̣ яаа мз ад̇т̇ам̣ вад̣̇анд̇знаа’’д̇иби баато. д̇ад̇т̇аби сан̇г̇ийд̇ийнам̣ д̣̇виннанд̇и д̣̇ийгхамаж̇жхиманигааяаананд̇и ад̇т̇о г̇ахзд̇аб̣б̣о. мзд̇и гаран̣ад̇т̇з саамиважанам̣, маяаад̇и ад̇т̇о. суд̣̇анд̇и нибаад̇амад̇д̇ам̣. хздтаа д̣̇ийгхасса маж̇жхимасса жа ад̇т̇ам̣ вад̣̇анд̇зна саавад̇т̇ибабхуд̇ийнам̣ наг̇араанам̣ яаа ван̣н̣анаа гад̇аа, д̇ассаа вид̇т̇аарагат̇ам̣ на ид̇ха бхияяо гариссаамийд̇и яож̇зд̇аб̣б̣ам̣. яаани жа д̇ад̇т̇а вад̇т̇ууни вид̇т̇ааравасзна вуд̇д̇аани, д̇зсамби вид̇т̇аарагат̇ам̣ на ид̇ха бхияяо гариссаамийд̇и самб̣анд̇хо.

    11-12. Yaṃ atthavaṇṇanaṃ katthukāmo, tassā mahantattaṃ pariharituṃ ‘‘sāvatthipabhūtīna’’ntiādimāha. Tenāha – ‘‘na idha vitthārakathaṃ karissāmi, na taṃ idha vicārayissāmī’’ti ca. Tattha dīghassāti dīghanikāyassa. Majjhimassāti majjhimanikāyassa. ‘‘Saṅgītīnaṃ dvinnaṃ yā me atthaṃ vadantenā’’tipi pāṭho. Tatthapi saṅgītīnaṃ dvinnanti dīghamajjhimanikāyānanti attho gahetabbo. Meti karaṇatthe sāmivacanaṃ, mayāti attho. Sudanti nipātamattaṃ. Heṭṭhā dīghassa majjhimassa ca atthaṃ vadantena sāvatthipabhutīnaṃ nagarānaṃ yā vaṇṇanā katā, tassā vitthārakathaṃ na idha bhiyyo karissāmīti yojetabbaṃ. Yāni ca tattha vatthūni vitthāravasena vuttāni, tesampi vitthārakathaṃ na idha bhiyyo karissāmīti sambandho.

    13. ид̣̇аани ‘‘на ид̇ха вид̇т̇аарагат̇ам̣ гариссаамий’’д̇и сааман̃н̃ад̇о вуд̇д̇асса ад̇т̇асса баварам̣ д̣̇ассзд̇ум̣ – ‘‘суд̇д̇аанам̣ банаа’’д̇иаад̣̇и вуд̇д̇ам̣. суд̇д̇аанам̣ яз ад̇т̇аа вад̇т̇уухи винаа на багаасанд̇ийд̇и яож̇зд̇аб̣б̣ам̣.

    13. Idāni ‘‘na idha vitthārakathaṃ karissāmī’’ti sāmaññato vuttassa atthassa pavaraṃ dassetuṃ – ‘‘suttānaṃ panā’’tiādi vuttaṃ. Suttānaṃ ye atthā vatthūhi vinā na pakāsantīti yojetabbaṃ.

    14. яам̣ адтагат̇ам̣ гад̇д̇угаамо, д̇ад̣̇згад̣̇зсабхаавзна висуд̣̇д̇химаг̇г̇о жа г̇ахзд̇аб̣б̣од̇и гат̇игаанам̣ убад̣̇зсам̣ гаронд̇о д̇ад̇т̇а вижаарид̇ад̇хаммз уд̣̇д̣̇зсавасзна д̣̇ассзд̇и – ‘‘сийлагат̇аа’’д̇иаад̣̇инаа. д̇ад̇т̇а сийлагат̇аад̇и жаарид̇д̇аваарид̇д̇аад̣̇ивасзна сийласса вид̇т̇аарагат̇аа. д̇худ̇ад̇хаммаад̇и бин̣д̣абаад̇иган̇г̇аад̣̇аяо д̇зраса гилзсад̇хунанагад̇хаммаа. гаммадтаанаани саб̣б̣аанийд̇и баал̣ияам̣ ааг̇ад̇аани адтад̇им̣са, адтагат̇ааяам̣ д̣̇взд̇и ниравасзсаани яог̇агаммасса бхааванааяа бавад̇д̇идтаанаани. жарияаавид̇хаанасахид̇од̇и рааг̇ажарид̇аад̣̇ийнам̣ сабхааваад̣̇ивид̇хаанзна сахид̇о. жхаанаани жад̇д̇аари руубааважараж̇жхаанаани, самаабад̇д̇ияо жад̇ассо ааруббасамаабад̇д̇ияо . адтаби ваа бадилад̣̇д̇хамад̇д̇аани жхаанаани самаабаж̇ж̇анавасийбхааваббад̇д̇ияаа самаабад̇д̇ияо. жхаанаани ваа руубааруубааважараж̇жхаанаани, самаабад̇д̇ияо паласамаабад̇д̇инирод̇хасамаабад̇д̇ияо.

    14. Yaṃ aṭṭhakathaṃ kattukāmo, tadekadesabhāvena visuddhimaggo ca gahetabboti kathikānaṃ upadesaṃ karonto tattha vicāritadhamme uddesavasena dasseti – ‘‘sīlakathā’’tiādinā. Tattha sīlakathāti cārittavārittādivasena sīlassa vitthārakathā. Dhutadhammāti piṇḍapātikaṅgādayo terasa kilesadhunanakadhammā. Kammaṭṭhānāni sabbānīti pāḷiyaṃ āgatāni aṭṭhatiṃsa, aṭṭhakathāyaṃ dveti niravasesāni yogakammassa bhāvanāya pavattiṭṭhānāni. Cariyāvidhānasahitoti rāgacaritādīnaṃ sabhāvādividhānena sahito. Jhānāni cattāri rūpāvacarajjhānāni, samāpattiyo catasso āruppasamāpattiyo . Aṭṭhapi vā paṭiladdhamattāni jhānāni samāpajjanavasībhāvappattiyā samāpattiyo. Jhānāni vā rūpārūpāvacarajjhānāni, samāpattiyo phalasamāpattinirodhasamāpattiyo.

    15. логияалогуд̇д̇арабхзд̣̇аа ча абхин̃н̃ааяо саб̣б̣аа абхин̃н̃ааяо. н̃аан̣авибхан̇г̇аад̣̇ийсу ааг̇ад̇анаязна згавид̇хаад̣̇инаа бан̃н̃ааяа сам̣галзд̇ваа самбин̣д̣зд̇ваа нижчаяо бан̃н̃аасан̇галананижчаяо.

    15. Lokiyalokuttarabhedā cha abhiññāyo sabbā abhiññāyo. Ñāṇavibhaṅgādīsu āgatanayena ekavidhādinā paññāya saṃkaletvā sampiṇḍetvā nicchayo paññāsaṅkalananicchayo.

    16. бажжаяад̇хаммаанам̣ хзд̇уаад̣̇ийнам̣ бажжаяуббаннад̇хаммаанам̣ хзд̇убажжаяаад̣̇ибхааво бажжаяаагааро, д̇асса д̣̇зсанаа бажжаяаагаарад̣̇зсанаа, бадижжасамуббаад̣̇агат̇аад̇и ад̇т̇о. саа бана гханавиниб̣бхог̇асса суд̣̇уггарад̇ааяа сан̣хасукумаа, нигааяанд̇аралад̣̇д̇хисан̇гарарахид̇аа, згад̇д̇анаяаад̣̇исахид̇аа жа д̇ад̇т̇а вижаарид̇аад̇и ааха – ‘‘субарисуд̣̇д̇ханибун̣анаяаа’’д̇и. бадисамбхид̣̇аад̣̇ийсу ааг̇ад̇анаяам̣ ависсаж̇ж̇зд̇ваава вижаарид̇ад̇д̇аа авимуд̇д̇ад̇анд̇имаг̇г̇аа.

    16. Paccayadhammānaṃ hetuādīnaṃ paccayuppannadhammānaṃ hetupaccayādibhāvo paccayākāro, tassa desanā paccayākāradesanā, paṭiccasamuppādakathāti attho. Sā pana ghanavinibbhogassa sudukkaratāya saṇhasukhumā, nikāyantaraladdhisaṅkararahitā, ekattanayādisahitā ca tattha vicāritāti āha – ‘‘suparisuddhanipuṇanayā’’ti. Paṭisambhidādīsu āgatanayaṃ avissajjetvāva vicāritattā avimuttatantimaggā.

    17. ид̇и бана саб̣б̣анд̇и ид̇и-сад̣̇д̣̇о барисамаабанз, бана-сад̣̇д̣̇о важанаалан̇гаарз, зд̇ам̣ саб̣б̣анд̇и ад̇т̇о. ид̇хаад̇и имиссаа адтагат̇ааяа на вижаараяиссаами бунаруд̇д̇ибхаавад̇од̇и ад̇хиббааяо.

    17.Iti pana sabbanti iti-saddo parisamāpane, pana-saddo vacanālaṅkāre, etaṃ sabbanti attho. Idhāti imissā aṭṭhakathāya na vicārayissāmi punaruttibhāvatoti adhippāyo.

    18. ид̣̇аани д̇ассзва авижааран̣асса зганд̇агааран̣ам̣ нид̣̇д̇хаарзнд̇о ‘‘маж̇жхз висуд̣̇д̇химаг̇г̇о’’д̇иаад̣̇имааха. д̇ад̇т̇а ‘‘маж̇жхз тад̇ваа’’д̇и зд̇зна маж̇жхабхаавад̣̇ийбанзна висзсад̇о жад̇уннам̣ ааг̇амаанам̣ саад̇хааран̣адтагат̇аа висуд̣̇д̇химаг̇г̇о, на суман̇г̇алавилаасинийаад̣̇аяо вияа асаад̇хааран̣адтагат̇аад̇и д̣̇ассзд̇и. ‘‘висзсад̇о’’д̇и жа ид̣̇ам̣ винаяаабхид̇хаммаанамби висуд̣̇д̇химаг̇г̇о яат̇аарахам̣ ад̇т̇аван̣н̣анаа ход̇и зваад̇и гад̇ваа вуд̇д̇ам̣.

    18. Idāni tasseva avicāraṇassa ekantakāraṇaṃ niddhārento ‘‘majjhe visuddhimaggo’’tiādimāha. Tattha ‘‘majjhe ṭhatvā’’ti etena majjhabhāvadīpanena visesato catunnaṃ āgamānaṃ sādhāraṇaṭṭhakathā visuddhimaggo, na sumaṅgalavilāsinīādayo viya asādhāraṇaṭṭhakathāti dasseti. ‘‘Visesato’’ti ca idaṃ vinayābhidhammānampi visuddhimaggo yathārahaṃ atthavaṇṇanā hoti evāti katvā vuttaṃ.

    19. ижжзваад̇и ид̇и зва. д̇амбийд̇и висуд̣̇д̇химаг̇г̇амби. зд̇ааяаад̇и манорат̇абууран̣ияаа. зд̇т̇а жа ‘‘сийхал̣ад̣̇ийбам̣ аабхад̇аа’’д̇иаад̣̇инаа ад̇т̇аббагаасанасса нимид̇д̇ам̣ д̣̇ассзд̇и, ‘‘д̣̇ийбаваасийнамад̇т̇ааяа суж̇анасса жа д̇удтад̇т̇ам̣ жирадтид̇ад̇т̇ан̃жа д̇хаммассаа’’д̇и зд̇зна баяож̇анам̣, абанзд̇ваана д̇ад̇охам̣, сийхал̣абхааса’’нд̇иаад̣̇инаа. ‘‘саавад̇т̇ибабхуд̇ийна’’нд̇иаад̣̇инаа жа гаран̣аббагаарам̣. хздтиманигааязсу висуд̣̇д̇химаг̇г̇з жа вижаарид̇аанам̣ ад̇т̇аанам̣ авижааран̣амби хи ид̇ха гаран̣аббагааро зваад̇и.

    19.Iccevāti iti eva. Tampīti visuddhimaggampi. Etāyāti manorathapūraṇiyā. Ettha ca ‘‘sīhaḷadīpaṃ ābhatā’’tiādinā atthappakāsanassa nimittaṃ dasseti, ‘‘dīpavāsīnamatthāya sujanassa ca tuṭṭhatthaṃ ciraṭṭhitatthañca dhammassā’’ti etena payojanaṃ, apanetvāna tatohaṃ, sīhaḷabhāsa’’ntiādinā. ‘‘Sāvatthipabhutīna’’ntiādinā ca karaṇappakāraṃ. Heṭṭhimanikāyesu visuddhimagge ca vicāritānaṃ atthānaṃ avicāraṇampi hi idha karaṇappakāro evāti.

    г̇ант̇аарамбхагат̇ааван̣н̣анаа нидтид̇аа.

    Ganthārambhakathāvaṇṇanā niṭṭhitā.

    1. руубаад̣̇иваг̇г̇аван̣н̣анаа

    1. Rūpādivaggavaṇṇanā

    нид̣̇аанаван̣н̣анаа

    Nidānavaṇṇanā

    вибхааг̇аванд̇аанам̣ сабхаававибхааванам̣ вибхааг̇ад̣̇ассанавасзнзва ход̇ийд̇и батамам̣ д̇аава нибаад̇асуд̇д̇авасзна вибхааг̇ам̣ д̣̇ассзд̇ум̣ ‘‘д̇ад̇т̇а ан̇г̇уд̇д̇арааг̇амо наамаа’’д̇иаад̣̇имааха. д̇ад̇т̇а д̇ад̇т̇аад̇и ‘‘ан̇г̇уд̇д̇арааг̇амасса ад̇т̇ам̣ багаасаяиссаамий’’д̇и яад̣̇ид̣̇ам̣ вуд̇д̇ам̣, д̇асмим̣ важанз, ‘‘яасса ад̇т̇ам̣ багаасаяиссаамий’’д̇и бадин̃н̃аад̇ам̣, со ан̇г̇уд̇д̇арааг̇амо наама нибаад̇асуд̇д̇авасзна звам̣ вибхааг̇од̇и ад̇т̇о. ат̇а ваа д̇ад̇т̇аад̇и ‘‘ан̇г̇уд̇д̇араниссид̇ам̣ ад̇т̇а’’нд̇и зд̇асмим̣ важанз яо ан̇г̇уд̇д̇арааг̇амо вуд̇д̇о, со нибаад̇асуд̇д̇аад̣̇ивасзна зд̣̇исод̇и ад̇т̇о.

    Vibhāgavantānaṃ sabhāvavibhāvanaṃ vibhāgadassanavaseneva hotīti paṭhamaṃ tāva nipātasuttavasena vibhāgaṃ dassetuṃ ‘‘tattha aṅguttarāgamo nāmā’’tiādimāha. Tattha tatthāti ‘‘aṅguttarāgamassa atthaṃ pakāsayissāmī’’ti yadidaṃ vuttaṃ, tasmiṃ vacane, ‘‘yassa atthaṃ pakāsayissāmī’’ti paṭiññātaṃ, so aṅguttarāgamo nāma nipātasuttavasena evaṃ vibhāgoti attho. Atha vā tatthāti ‘‘aṅguttaranissitaṃ attha’’nti etasmiṃ vacane yo aṅguttarāgamo vutto, so nipātasuttādivasena edisoti attho.

    ид̣̇аани д̇ам̣ аад̣̇ид̇о бадтааяа сам̣ван̣н̣ид̇угаамо ад̇д̇ано сам̣ван̣н̣анааяа батамамахаасан̇г̇ийд̇ияам̣ нигкид̇д̇аануггамзна бавад̇д̇абхаавад̣̇ассанад̇т̇ам̣ ‘‘д̇асса нибаад̇зсу…бз… вуд̇д̇ам̣ нид̣̇аанамаад̣̇ий’’д̇иаад̣̇имааха. д̇ад̇т̇а яат̇аабажжаяам̣ д̇ад̇т̇а д̇ад̇т̇а д̣̇зсид̇ад̇д̇аа бан̃н̃ад̇д̇ад̇д̇аа жа виббагин̣н̣аанам̣ д̇хаммавинаяаанам̣ сан̇г̇ахзд̇ваа г̇ааяанам̣ гат̇анам̣ сан̇г̇ийд̇и. зд̇зна д̇ам̣д̇ам̣сигкаабад̣̇аанам̣ суд̇д̇аанан̃жа аад̣̇ибарияосаанзсу анд̇аранд̇араа жа самб̣анд̇хавасзна табид̇ам̣ сан̇г̇ийд̇игаараважанам̣ сан̇г̇ахид̇ам̣ ход̇и. сан̇г̇ийяамаанасса ад̇т̇асса маханд̇ад̇ааяа бууж̇анийяад̇ааяа жа махад̇ий сан̇г̇ийд̇и махаасан̇г̇ийд̇и, батамаа махаасан̇г̇ийд̇и батамамахаасан̇г̇ийд̇и, д̇ассаа бавад̇д̇игаало батамамахаасан̇г̇ийд̇игаало, д̇асмим̣ батамамахаасан̇г̇ийд̇игаалз. нид̣̇ад̣̇аад̇и д̣̇зсанам̣ д̣̇зсагаалаад̣̇ивасзна авид̣̇ид̇ам̣ вид̣̇ид̇ам̣ гад̇ваа нид̣̇ассзд̇ийд̇и нид̣̇аанам̣. яо логиязхи убог̇гхаад̇од̇и вужжад̇и, свааяамзд̇т̇а ‘‘звам̣ мз суд̇а’’нд̇иаад̣̇иго г̇ант̇о взд̣̇ид̇аб̣б̣о. на ‘‘санид̣̇аанаахам̣, бхигкавз, д̇хаммам̣ д̣̇зсзмий’’д̇иаад̣̇ийсу (а. ни. 3.126) вияа аж̇жхаасаяаад̣̇ид̣̇зсануббад̇д̇ихзд̇у. д̇знзвааха – ‘‘звам̣ мз суд̇анд̇иаад̣̇игам̣ ааяасмад̇аа аананд̣̇зна батамамахаасан̇г̇ийд̇игаалз вуд̇д̇ам̣ нид̣̇аанамаад̣̇ий’’д̇и.

    Idāni taṃ ādito paṭṭhāya saṃvaṇṇitukāmo attano saṃvaṇṇanāya paṭhamamahāsaṅgītiyaṃ nikkhittānukkamena pavattabhāvadassanatthaṃ ‘‘tassa nipātesu…pe… vuttaṃ nidānamādī’’tiādimāha. Tattha yathāpaccayaṃ tattha tattha desitattā paññattattā ca vippakiṇṇānaṃ dhammavinayānaṃ saṅgahetvā gāyanaṃ kathanaṃ saṅgīti. Etena taṃtaṃsikkhāpadānaṃ suttānañca ādipariyosānesu antarantarā ca sambandhavasena ṭhapitaṃ saṅgītikāravacanaṃ saṅgahitaṃ hoti. Saṅgīyamānassa atthassa mahantatāya pūjanīyatāya ca mahatī saṅgīti mahāsaṅgīti, paṭhamā mahāsaṅgīti paṭhamamahāsaṅgīti, tassā pavattikālo paṭhamamahāsaṅgītikālo, tasmiṃ paṭhamamahāsaṅgītikāle. Nidadāti desanaṃ desakālādivasena aviditaṃ viditaṃ katvā nidassetīti nidānaṃ. Yo lokiyehi upogghātoti vuccati, svāyamettha ‘‘evaṃ me suta’’ntiādiko gantho veditabbo. Na ‘‘sanidānāhaṃ, bhikkhave, dhammaṃ desemī’’tiādīsu (a. ni. 3.126) viya ajjhāsayādidesanuppattihetu. Tenevāha – ‘‘evaṃ me sutantiādikaṃ āyasmatā ānandena paṭhamamahāsaṅgītikāle vuttaṃ nidānamādī’’ti.

    1. ‘‘саа банзсаа’’д̇иаад̣̇инаа б̣аахиранид̣̇аанз вад̇д̇аб̣б̣ам̣ ад̇ид̣̇исид̇ваа ид̣̇аани аб̣бханд̇аранид̣̇аанам̣ аад̣̇ид̇о бадтааяа сам̣ван̣н̣ид̇ум̣ ‘‘яам̣ банзд̇а’’нд̇и вуд̇д̇ам̣. д̇ад̇т̇а яасмаа сам̣ван̣н̣анам̣ гаронд̇зна сам̣ван̣н̣зд̇аб̣б̣з д̇хаммз бад̣̇аани бад̣̇авибхааг̇ам̣ д̇ад̣̇ад̇т̇ан̃жа д̣̇ассзд̇ваа д̇ад̇о барам̣ бин̣д̣ад̇т̇аад̣̇инид̣̇ассанавасзна жа сам̣ван̣н̣анаа гаад̇аб̣б̣аа, д̇асмаа бад̣̇аани д̇аава д̣̇ассзнд̇о ‘‘званд̇и нибаад̇абад̣̇а’’нд̇иаад̣̇имааха . д̇ад̇т̇а бад̣̇авибхааг̇од̇и бад̣̇аанам̣ висзсо, на бад̣̇авиг̇г̇ахо. ат̇а ваа бад̣̇аани жа бад̣̇авибхааг̇о жа бад̣̇авибхааг̇о, бад̣̇авиг̇г̇ахо жа бад̣̇авибхааг̇о жа бад̣̇авибхааг̇од̇и ваа згасзсавасзна бад̣̇абад̣̇авиг̇г̇ахаа бад̣̇авибхааг̇асад̣̇д̣̇зна вуд̇д̇аад̇и взд̣̇ид̇аб̣б̣ам̣. д̇ад̇т̇а бад̣̇авиг̇г̇ахо ‘‘ж̇зд̇асса ванам̣ ж̇зд̇авана’’нд̇иаад̣̇инаа самаасабад̣̇зсу д̣̇адтаб̣б̣о.

    1. ‘‘Sā panesā’’tiādinā bāhiranidāne vattabbaṃ atidisitvā idāni abbhantaranidānaṃ ādito paṭṭhāya saṃvaṇṇituṃ ‘‘yaṃ paneta’’nti vuttaṃ. Tattha yasmā saṃvaṇṇanaṃ karontena saṃvaṇṇetabbe dhamme padāni padavibhāgaṃ tadatthañca dassetvā tato paraṃ piṇḍatthādinidassanavasena ca saṃvaṇṇanā kātabbā, tasmā padāni tāva dassento ‘‘evanti nipātapada’’ntiādimāha . Tattha padavibhāgoti padānaṃ viseso, na padaviggaho. Atha vā padāni ca padavibhāgo ca padavibhāgo, padaviggaho ca padavibhāgo ca padavibhāgoti vā ekasesavasena padapadaviggahā padavibhāgasaddena vuttāti veditabbaṃ. Tattha padaviggaho ‘‘jetassa vanaṃ jetavana’’ntiādinā samāsapadesu daṭṭhabbo.

    ад̇т̇ад̇од̇и бад̣̇ад̇т̇ад̇о. д̇ам̣ бана бад̣̇ад̇т̇ам̣ ад̇т̇уд̣̇д̇хаараггамзна батамам̣ звам̣-сад̣̇д̣̇асса д̣̇ассзнд̇о ‘‘звам̣-сад̣̇д̣̇о д̇ааваа’’д̇иаад̣̇имааха. авад̇хааран̣аад̣̇ийд̇и зд̇т̇а аад̣̇и-сад̣̇д̣̇зна ид̣̇амад̇т̇абужчаабаримаан̣аад̣̇иад̇т̇аанам̣ сан̇г̇ахо д̣̇адтаб̣б̣о. д̇ат̇аа хи ‘‘звам̣г̇ад̇аани бут̇усиббааяад̇анаани, звамаад̣̇ийний’’д̇иаад̣̇ийсу ид̣̇ам̣-сад̣̇д̣̇асса ад̇т̇з звам̣-сад̣̇д̣̇о. г̇ад̇а-сад̣̇д̣̇о хи багаарабарияааяо, д̇ат̇аа вид̇хаагаара-сад̣̇д̣̇аа жа. д̇ат̇аа хи вид̇хаяуд̇д̇аг̇ад̇асад̣̇д̣̇з логияаа багаарад̇т̇з вад̣̇анд̇и. ‘‘звам̣ су д̇з сунхаад̇аа сувилид̇д̇аа габбид̇агзсамассуу аамуггаман̣игун̣д̣алаабхаран̣аа од̣̇аад̇авад̇т̇авасанаа бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзнд̇и сзяяат̇ааби д̇вам̣ зд̇арахи саажарияагод̇и. но хид̣̇ам̣, бхо г̇од̇амаа’’д̇иаад̣̇ийсу (д̣̇ий. ни. 1.286) бужчааяам̣. ‘‘звам̣ лахубаривад̇д̇ам̣ (а. ни. 1.48), звамааяубарияанд̇о’’д̇и (д̣̇ий. ни. 1.244; баараа. 12) жа аад̣̇ийсу баримаан̣з.

    Atthatoti padatthato. Taṃ pana padatthaṃ atthuddhārakkamena paṭhamaṃ evaṃ-saddassa dassento ‘‘evaṃ-saddo tāvā’’tiādimāha. Avadhāraṇādīti ettha ādi-saddena idamatthapucchāparimāṇādiatthānaṃ saṅgaho daṭṭhabbo. Tathā hi ‘‘evaṃgatāni puthusippāyatanāni, evamādīnī’’tiādīsu idaṃ-saddassa atthe evaṃ-saddo. Gata-saddo hi pakārapariyāyo, tathā vidhākāra-saddā ca. Tathā hi vidhayuttagatasadde lokiyā pakāratthe vadanti. ‘‘Evaṃ su te sunhātā suvilittā kappitakesamassū āmukkamaṇikuṇḍalābharaṇā odātavatthavasanā pañcahi kāmaguṇehi samappitā samaṅgībhūtā paricārenti seyyathāpi tvaṃ etarahi sācariyakoti. No hidaṃ, bho gotamā’’tiādīsu (dī. ni. 1.286) pucchāyaṃ. ‘‘Evaṃ lahuparivattaṃ (a. ni. 1.48), evamāyupariyanto’’ti (dī. ni. 1.244; pārā. 12) ca ādīsu parimāṇe.

    нану жа ‘‘звам̣ су д̇з сунхаад̇аа сувилид̇д̇аа звамааяубарияанд̇о’’д̇и зд̇т̇а звам̣-сад̣̇д̣̇зна бужчанаагаарабаримаан̣аагаараанам̣ вуд̇д̇ад̇д̇аа аагаарад̇т̇о зва звам̣-сад̣̇д̣̇од̇и? на, висзсасаб̣бхаавад̇о. аагаарамад̇д̇аваажаго хи звам̣-сад̣̇д̣̇о аагаарад̇т̇од̇и ад̇хиббзд̇о яат̇аа ‘‘звам̣ б̣яаако’’д̇иаад̣̇ийсу (ма. ни. 1.234; баажи. 417; жуул̣ава. 65), на бана аагаарависзсаваажаго. зван̃жа гад̇ваа ‘‘звам̣ ж̇аад̇зна мажжзнаа’’д̇иаад̣̇ийни (д̇ха. ба. 53) убамаад̣̇иуд̣̇аахаран̣аани убабаннаани хонд̇и. д̇ат̇аа хи ‘‘яат̇аа хи…бз… б̣аху’’нд̇и (д̇ха. ба. 53) зд̇т̇а бубпараасидтаанияад̇о мануссуубабад̇д̇исаббурисуубаниссаяасад̣̇д̇хаммассаванаяонисоманасигаарабхог̇асамбад̇д̇и- аад̣̇ид̣̇аанаад̣̇ибун̃н̃агирияаахзд̇усамуд̣̇ааяад̇о собхаасуг̇анд̇хад̇аад̣̇иг̇ун̣аяог̇ад̇о маалааг̇ун̣асад̣̇исияо бахууд̇аа бун̃н̃агирияаа марид̇аб̣б̣асабхаавад̇ааяа мажжзна сад̇д̇зна гад̇д̇аб̣б̣аад̇и ж̇од̇ид̇ад̇д̇аа бубпараасимаалааг̇ун̣аава убамаа. д̇зсам̣ убамаагааро яат̇аа-сад̣̇д̣̇зна анияамад̇о вуд̇д̇од̇и ‘‘звам̣-сад̣̇д̣̇о убамаагаараниг̇аманад̇т̇о’’д̇и вад̇д̇ум̣ яуд̇д̇ам̣, со бана убамаагааро нияамияамаано ад̇т̇ад̇о убамаава ход̇ийд̇и ааха – ‘‘убамааяам̣ ааг̇ад̇о’’д̇и. д̇ат̇аа ‘‘звам̣ иминаа аагаарзна абхиггамид̇аб̣б̣а’’нд̇иаад̣̇инаа убад̣̇исияамаанааяа саман̣асааруббааяа аагаббасамбад̇д̇ияаа яо д̇ад̇т̇а убад̣̇исанаагааро, со ад̇т̇ад̇о убад̣̇зсо зваад̇и вуд̇д̇ам̣ – ‘‘звам̣ д̇з…бз… убад̣̇зсз’’д̇и. д̇ат̇аа звамзд̇ам̣ бхаг̇аваа, звамзд̇ам̣ суг̇ад̇аад̇и зд̇т̇а бхаг̇авад̇аа яат̇аавуд̇д̇амад̇т̇ам̣ авибарийд̇ад̇о ж̇аананд̇зхи гад̇ам̣ д̇ад̇т̇а сам̣виж̇ж̇амаанаг̇ун̣аанам̣ багаарзхи хам̣санам̣ уд̣̇аг̇г̇ад̇аагаран̣ам̣ самбахам̣санам̣, яо д̇ад̇т̇а самбахам̣санаагаарод̇и яож̇зд̇аб̣б̣ам̣.

    Nanu ca ‘‘evaṃ su te sunhātā suvilittā evamāyupariyanto’’ti ettha evaṃ-saddena pucchanākāraparimāṇākārānaṃ vuttattā ākārattho eva evaṃ-saddoti? Na, visesasabbhāvato. Ākāramattavācako hi evaṃ-saddo ākāratthoti adhippeto yathā ‘‘evaṃ byākho’’tiādīsu (ma. ni. 1.234; pāci. 417; cūḷava. 65), na pana ākāravisesavācako. Evañca katvā ‘‘evaṃ jātena maccenā’’tiādīni (dha. pa. 53) upamādiudāharaṇāni upapannāni honti. Tathā hi ‘‘yathā hi…pe… bahu’’nti (dha. pa. 53) ettha puppharāsiṭṭhāniyato manussūpapattisappurisūpanissayasaddhammassavanayonisomanasikārabhogasampatti- ādidānādipuññakiriyāhetusamudāyato sobhāsugandhatādiguṇayogato mālāguṇasadisiyo pahūtā puññakiriyā maritabbasabhāvatāya maccena sattena kattabbāti jotitattā puppharāsimālāguṇāva upamā. Tesaṃ upamākāro yathā-saddena aniyamato vuttoti ‘‘evaṃ-saddo upamākāranigamanattho’’ti vattuṃ yuttaṃ, so pana upamākāro niyamiyamāno atthato upamāva hotīti āha – ‘‘upamāyaṃ āgato’’ti. Tathā ‘‘evaṃ iminā ākārena abhikkamitabba’’ntiādinā upadisiyamānāya samaṇasāruppāya ākappasampattiyā yo tattha upadisanākāro, so atthato upadeso evāti vuttaṃ – ‘‘evaṃ te…pe… upadese’’ti. Tathā evametaṃbhagavā, evametaṃ sugatāti ettha bhagavatā yathāvuttamatthaṃ aviparītato jānantehi kataṃ tattha saṃvijjamānaguṇānaṃ pakārehi haṃsanaṃ udaggatākaraṇaṃ sampahaṃsanaṃ, yo tattha sampahaṃsanākāroti yojetabbaṃ.

    звамзвам̣ банааяанд̇и зд̇т̇а г̇арахан̣аагаарод̇и яож̇зд̇аб̣б̣ам̣, со жа г̇арахан̣аагааро ‘‘васалий’’д̇иаад̣̇икум̣санасад̣̇д̣̇асаннид̇хаанад̇о ид̇ха звам̣-сад̣̇д̣̇зна багаасид̇од̇и вин̃н̃ааяад̇и. яат̇аа жзд̇т̇а, звам̣ убамаагаараад̣̇аяоби убамаад̣̇ивасзна вуд̇д̇аанам̣ бубпараасиаад̣̇исад̣̇д̣̇аанам̣ саннид̇хаанад̇од̇и д̣̇адтаб̣б̣ам̣. звам̣, бханд̇зд̇и код̇иаад̣̇ийсу бана д̇хаммасса саад̇хугам̣ саванаманасигаарзна нияож̇ид̇зхи бхигкуухи ад̇д̇ано д̇ад̇т̇а тид̇абхаавасса бадиж̇аананавасзна вуд̇д̇ад̇д̇аа зд̇т̇а звам̣-сад̣̇д̣̇о важанасамбадижчанад̇т̇о вуд̇д̇о, д̇зна ‘‘звам̣, бханд̇з, саад̇ху бханд̇з, судту бханд̇з’’д̇и вуд̇д̇ам̣ ход̇и. зван̃жа вад̣̇зхийд̇и ‘‘яат̇аахам̣ вад̣̇аами, звам̣ саман̣ам̣ аананд̣̇ам̣ вад̣̇зхий’’д̇и вад̣̇анаагааро ид̣̇аани вад̇д̇аб̣б̣о звам̣-сад̣̇д̣̇зна нид̣̇ассийяад̇ийд̇и нид̣̇ассанад̇т̇о вуд̇д̇о. звам̣ нод̇и зд̇т̇ааби д̇зсам̣ яат̇аавуд̇д̇ад̇хаммаанам̣ ахид̇ад̣̇угкаавахабхаавз саннидтаанаж̇ананад̇т̇ам̣ анумад̇иг̇г̇ахан̣авасзна ‘‘но ваа, гат̇ам̣ во зд̇т̇а ход̇ий’’д̇и бужчааяа гад̇ааяа ‘‘звам̣ но зд̇т̇а ход̇ий’’д̇и вуд̇д̇ад̇д̇аа д̇ад̣̇аагаарасаннидтаанам̣ звам̣-сад̣̇д̣̇зна вибхаавид̇анд̇и вин̃н̃ааяад̇и. со бана д̇зсам̣ д̇хаммаанам̣ ахид̇ааяа д̣̇угкааяа сам̣вад̇д̇анаагааро нияамияамаано авад̇хааран̣ад̇т̇о ход̇ийд̇и ааха – ‘‘звам̣ но зд̇т̇а ход̇ийд̇иаад̣̇ийсу авад̇хааран̣з’’д̇и.

    Evamevaṃ panāyanti ettha garahaṇākāroti yojetabbaṃ, so ca garahaṇākāro ‘‘vasalī’’tiādikhuṃsanasaddasannidhānato idha evaṃ-saddena pakāsitoti viññāyati. Yathā cettha, evaṃ upamākārādayopi upamādivasena vuttānaṃ puppharāsiādisaddānaṃ sannidhānatoti daṭṭhabbaṃ. Evaṃ, bhanteti khotiādīsu pana dhammassa sādhukaṃ savanamanasikārena niyojitehi bhikkhūhi attano tattha ṭhitabhāvassa paṭijānanavasena vuttattā ettha evaṃ-saddo vacanasampaṭicchanattho vutto, tena ‘‘evaṃ, bhante, sādhu bhante, suṭṭhu bhante’’ti vuttaṃ hoti. Evañca vadehīti ‘‘yathāhaṃ vadāmi, evaṃ samaṇaṃ ānandaṃ vadehī’’ti vadanākāro idāni vattabbo evaṃ-saddena nidassīyatīti nidassanattho vutto. Evaṃ noti etthāpi tesaṃ yathāvuttadhammānaṃ ahitadukkhāvahabhāve sanniṭṭhānajananatthaṃ anumatiggahaṇavasena ‘‘no vā, kathaṃ vo ettha hotī’’ti pucchāya katāya ‘‘evaṃ no ettha hotī’’ti vuttattā tadākārasanniṭṭhānaṃ evaṃ-saddena vibhāvitanti viññāyati. So pana tesaṃ dhammānaṃ ahitāya dukkhāya saṃvattanākāro niyamiyamāno avadhāraṇattho hotīti āha – ‘‘evaṃ no ettha hotītiādīsu avadhāraṇe’’ti.

    наанаанаяанибун̣анд̇и згад̇д̇анаанад̇д̇ааб̣яаабааразвам̣д̇хаммад̇аасан̇каад̇аа, нанд̣̇ияааваддад̇ибугкаласийхавиггийл̣ид̇аан̇гусад̣̇исааложанасан̇каад̇аа ваа аад̇хаараад̣̇ибхзд̣̇авасзна наанаавид̇хаа наяаа наанаанаяаа. наяаа ваа баал̣иг̇ад̇ияо, д̇аа жа бан̃н̃ад̇д̇иаад̣̇ивасзна сам̣гилзсабхааг̇ияаад̣̇илогияаад̣̇ид̇ад̣̇убхаяавомиссагад̇аад̣̇ивасзна гусалаад̣̇ивасзна канд̇хаад̣̇ивасзна сан̇г̇ахаад̣̇ивасзна самаяавимуд̇д̇аад̣̇ивасзна бад̇хаанаад̣̇ивасзна гусаламуулаад̣̇ивасзна д̇игабадтаанаад̣̇ивасзна жа наанаббагаараад̇и наанаанаяаа, д̇зхи нибун̣ам̣ сан̣хам̣ сукуманд̇и наанаанаяанибун̣ам̣. аасаяова аж̇жхаасаяо, д̇з жа сассад̇аад̣̇ибхзд̣̇зна д̇ад̇т̇а жа аббараж̇агкад̇аад̣̇ибхзд̣̇зна жа анзгз, ад̇д̇аж̇жхаасаяаад̣̇аяо зва ваа самудтаанам̣ уббад̇д̇ихзд̇у зд̇ассаад̇и анзгаж̇жхаасаяасамудтаанам̣. ад̇т̇аб̣яан̃ж̇анасамбаннанд̇и ад̇т̇аб̣яан̃ж̇анабарибун̣н̣ам̣ убанзд̇аб̣б̣аабхаавад̇о. сан̇гаасанабагаасанавиваран̣авибхаж̇анауд̇д̇аанийгаран̣абан̃н̃ад̇д̇ивасзна чахи ад̇т̇абад̣̇зхи агкарабад̣̇аб̣яан̃ж̇анаагааранируд̇д̇инид̣̇д̣̇зсавасзна чахи б̣яан̃ж̇анабад̣̇зхи жа саманнааг̇ад̇анд̇и ваа ад̇т̇о д̣̇адтаб̣б̣о.

    Nānānayanipuṇanti ekattanānattaabyāpāraevaṃdhammatāsaṅkhātā, nandiyāvaṭṭatipukkhalasīhavikkīḷitaaṅkusadisālocanasaṅkhātā vā ādhārādibhedavasena nānāvidhā nayā nānānayā. Nayā vā pāḷigatiyo, tā ca paññattiādivasena saṃkilesabhāgiyādilokiyāditadubhayavomissakatādivasena kusalādivasena khandhādivasena saṅgahādivasena samayavimuttādivasena padhānādivasena kusalamūlādivasena tikapaṭṭhānādivasena ca nānappakārāti nānānayā, tehi nipuṇaṃ saṇhaṃ sukhumanti nānānayanipuṇaṃ. Āsayova ajjhāsayo, te ca sassatādibhedena tattha ca apparajakkhatādibhedena ca aneke, attajjhāsayādayo eva vā samuṭṭhānaṃ uppattihetu etassāti anekajjhāsayasamuṭṭhānaṃ. Atthabyañjanasampannanti atthabyañjanaparipuṇṇaṃ upanetabbābhāvato. Saṅkāsanapakāsanavivaraṇavibhajanauttānīkaraṇapaññattivasena chahi atthapadehi akkharapadabyañjanākāraniruttiniddesavasena chahi byañjanapadehi ca samannāgatanti vā attho daṭṭhabbo.

    вивид̇хабаадихаарияанд̇и зд̇т̇а баадихаарияабад̣̇асса важанад̇т̇ам̣ ‘‘бадибагкахаран̣ад̇о рааг̇аад̣̇игилзсаабанаяанад̇о жа баадихаарияа’’нд̇и вад̣̇анд̇и. бхаг̇авад̇о бана бадибагкаа рааг̇аад̣̇аяо на санд̇и , яз харид̇аб̣б̣аа. бут̇уж̇ж̇анаанамби виг̇ад̇уубаггилзсз адтаг̇ун̣асаманнааг̇ад̇з жид̇д̇з хад̇абадибагкз ид̣̇д̇хивид̇хам̣ бавад̇д̇ад̇и, д̇асмаа д̇ад̇т̇а бавад̇д̇авохаарзна жа на саггаа ид̇ха ‘‘баадихаарияа’’нд̇и вад̇т̇ум̣. сажз бана махаагаарун̣игасса бхаг̇авад̇о взнзяяаг̇ад̇аа жа гилзсаа бадибагкаа, д̇зсам̣ харан̣ад̇о ‘‘баадихаарияа’’нд̇и вуд̇д̇ам̣, звам̣ сад̇и яуд̇д̇амзд̇ам̣. ат̇а ваа бхаг̇авад̇о жа саасанасса жа бадибагкаа д̇ид̇т̇ияаа, д̇зсам̣ харан̣ад̇о баадихаарияам̣. д̇з хи д̣̇идтихаран̣авасзна жа д̣̇идтиббагаасанз асамад̇т̇абхаавзна жа ид̣̇д̇хиаад̣̇зсанаанусаасанийхи харид̇аа абанийд̇аа хонд̇ийд̇и. ‘‘бадий’’д̇и ваа аяам̣ сад̣̇д̣̇о ‘‘бажчаа’’д̇и зд̇асса ад̇т̇ам̣ б̣од̇хзд̇и ‘‘д̇асмим̣ бадибавидтамхи, ан̃н̃о ааг̇ан̃чи б̣раахман̣о’’д̇иаад̣̇ийсу (су. ни. 985; жуул̣ани. баарааяанаваг̇г̇о, вад̇т̇уг̇аат̇аа 4) вияа, д̇асмаа самаахид̇з жид̇д̇з виг̇ад̇уубаггилзсз гад̇агижжзна бажчаа харид̇аб̣б̣ам̣ бавад̇д̇зд̇аб̣б̣анд̇и бадихаарияам̣, ад̇д̇ано ваа убаггилзсзсу жад̇уд̇т̇аж̇жхаанамаг̇г̇зхи харид̇зсу бажчаа харан̣ам̣ бадихаарияам̣, ид̣̇д̇хиаад̣̇зсанаанусаасанияо жа виг̇ад̇уубаггилзсзна гад̇агижжзна жа сад̇д̇ахид̇ад̇т̇ам̣ буна бавад̇д̇зд̇аб̣б̣аа, харид̇зсу жа ад̇д̇ано убаггилзсзсу барасад̇д̇аанам̣ убаггилзсахаран̣аани хонд̇ийд̇и бадихаарияаани бхаванд̇и. бадихаарияамзва баадихаарияам̣, бадихаарияз ваа ид̣̇д̇хиаад̣̇зсанаанусаасанисамуд̣̇ааяз бхавам̣ згамзгам̣ баадихаарияанд̇и вужжад̇и. бадихаарияам̣ ваа жад̇уд̇т̇аж̇жхаанам̣ маг̇г̇о жа бадибагкахаран̣ад̇о, д̇ад̇т̇а ж̇аад̇ам̣, д̇асмим̣ ваа нимид̇д̇абхууд̇з, д̇ад̇о ваа ааг̇ад̇анд̇и баадихаарияам̣. д̇асса бана ид̣̇д̇хиаад̣̇ибхзд̣̇зна висаяабхзд̣̇зна жа б̣ахувид̇хасса бхаг̇авад̇о д̣̇зсанааяам̣ лаб̣бхамаанад̇д̇аа ааха – ‘‘вивид̇хабаадихаарияа’’нд̇и.

    Vividhapāṭihāriyanti ettha pāṭihāriyapadassa vacanatthaṃ ‘‘paṭipakkhaharaṇato rāgādikilesāpanayanato ca pāṭihāriya’’nti vadanti. Bhagavato pana paṭipakkhā rāgādayo na santi , ye haritabbā. Puthujjanānampi vigatūpakkilese aṭṭhaguṇasamannāgate citte hatapaṭipakkhe iddhividhaṃ pavattati, tasmā tattha pavattavohārena ca na sakkā idha ‘‘pāṭihāriya’’nti vatthuṃ. Sace pana mahākāruṇikassa bhagavato veneyyagatā ca kilesā paṭipakkhā, tesaṃ haraṇato ‘‘pāṭihāriya’’nti vuttaṃ, evaṃ sati yuttametaṃ. Atha vā bhagavato ca sāsanassa ca paṭipakkhā titthiyā, tesaṃ haraṇato pāṭihāriyaṃ. Te hi diṭṭhiharaṇavasena ca diṭṭhippakāsane asamatthabhāvena ca iddhiādesanānusāsanīhi haritā apanītā hontīti. ‘‘Paṭī’’ti vā ayaṃ saddo ‘‘pacchā’’ti etassa atthaṃ bodheti ‘‘tasmiṃ paṭipaviṭṭhamhi, añño āgañchi brāhmaṇo’’tiādīsu (su. ni. 985; cūḷani. pārāyanavaggo, vatthugāthā 4) viya, tasmā samāhite citte vigatūpakkilese katakiccena pacchā haritabbaṃ pavattetabbanti paṭihāriyaṃ, attano vā upakkilesesu catutthajjhānamaggehi haritesu pacchā haraṇaṃ paṭihāriyaṃ, iddhiādesanānusāsaniyo ca vigatūpakkilesena katakiccena ca sattahitatthaṃ puna pavattetabbā, haritesu ca attano upakkilesesu parasattānaṃ upakkilesaharaṇāni hontīti paṭihāriyāni bhavanti. Paṭihāriyameva pāṭihāriyaṃ, paṭihāriye vā iddhiādesanānusāsanisamudāye bhavaṃ ekamekaṃ pāṭihāriyanti vuccati. Paṭihāriyaṃ vā catutthajjhānaṃ maggo ca paṭipakkhaharaṇato, tattha jātaṃ, tasmiṃ vā nimittabhūte, tato vā āgatanti pāṭihāriyaṃ. Tassa pana iddhiādibhedena visayabhedena ca bahuvidhassa bhagavato desanāyaṃ labbhamānattā āha – ‘‘vividhapāṭihāriya’’nti.

    на ан̃н̃ат̇аад̇и бхаг̇авад̇о саммукаа суд̇аагаарад̇о на ан̃н̃ат̇аад̇и ад̇т̇о, на бана бхаг̇авад̇о д̣̇зсид̇аагаарад̇о. ажинд̇зяяаанубхааваа хи бхаг̇авад̇о д̣̇зсанаа. зван̃жа гад̇ваа ‘‘саб̣б̣аббагаарзна го самад̇т̇о вин̃н̃аад̇у’’нд̇и ид̣̇ам̣ важанам̣ самад̇т̇ид̇ам̣ бхавад̇и, д̇хааран̣аб̣алад̣̇ассанан̃жа на вируж̇жхад̇и суд̇аагаараавируж̇жханасса ад̇хиббзд̇ад̇д̇аа. на хзд̇т̇а ад̇т̇анд̇арад̇аабарихааро д̣̇виннам̣ ад̇т̇аанам̣ згависаяад̇д̇аа, ид̇арат̇аа т̇зро бхаг̇авад̇о д̣̇зсанааяа саб̣б̣ат̇аа бадиг̇г̇ахан̣з самад̇т̇о асамад̇т̇о жаад̇и аабаж̇ж̇зяяаад̇и.

    Na aññathāti bhagavato sammukhā sutākārato na aññathāti attho, na pana bhagavato desitākārato. Acinteyyānubhāvā hi bhagavato desanā. Evañca katvā ‘‘sabbappakārena ko samattho viññātu’’nti idaṃ vacanaṃ samatthitaṃ bhavati, dhāraṇabaladassanañca na virujjhati sutākārāvirujjhanassa adhippetattā. Na hettha atthantaratāparihāro dvinnaṃ atthānaṃ ekavisayattā, itarathā thero bhagavato desanāya sabbathā paṭiggahaṇe samattho asamattho cāti āpajjeyyāti.

    ‘‘яо баро на ход̇и, со ад̇д̇аа’’д̇и звам̣ вуд̇д̇ааяа нияагаж̇жхад̇д̇асан̇каад̇ааяа сасанд̇ад̇ияам̣ вад̇д̇анад̇о д̇ивид̇хоби мз-сад̣̇д̣̇о гин̃жааби згасмим̣язва ад̇т̇з д̣̇иссад̇и, гаран̣асамбад̣̇аанасааминид̣̇д̣̇зсавасзна бана виж̇ж̇амаанабхзд̣̇ам̣ санд̇хааяааха – ‘‘мз-сад̣̇д̣̇о д̇ийсу ад̇т̇зсу д̣̇иссад̇ий’’д̇и.

    ‘‘Yo paro na hoti, so attā’’ti evaṃ vuttāya niyakajjhattasaṅkhātāya sasantatiyaṃ vattanato tividhopi me-saddo kiñcāpi ekasmiṃyeva atthe dissati, karaṇasampadānasāminiddesavasena pana vijjamānabhedaṃ sandhāyāha – ‘‘me-saddo tīsu atthesu dissatī’’ti.

    гин̃жааби убасаг̇г̇о гирияам̣ висзсзд̇и, ж̇од̇агабхаавад̇о бана сад̇иби д̇асмим̣ суд̇а-сад̣̇д̣̇о зва д̇ам̣ д̇амад̇т̇ам̣ вад̣̇ад̇ийд̇и анубасаг̇г̇асса суд̇а-сад̣̇д̣̇асса ад̇т̇уд̣̇д̇хаарз саубасаг̇г̇асса г̇ахан̣ам̣ на вируж̇жхад̇ийд̇и д̣̇ассзнд̇о ‘‘саубасаг̇г̇о жа анубасаг̇г̇о жаа’’д̇и ааха. ассаад̇и суд̇асад̣̇д̣̇асса. гаммабхаавасаад̇ханаани ид̇ха суд̇асад̣̇д̣̇з самбхаванд̇ийд̇и вуд̇д̇ам̣ – ‘‘убад̇хаарид̇анд̇и ваа убад̇хааран̣анд̇и ваа ад̇т̇о’’д̇и. маяаад̇и ад̇т̇з сад̇ийд̇и яад̣̇аа мз-сад̣̇д̣̇асса гад̇д̇увасзна гаран̣анид̣̇д̣̇зсо, д̇ад̣̇аад̇и ад̇т̇о. мамаад̇и ад̇т̇з сад̇ийд̇и яад̣̇аа самб̣анд̇хавасзна сааминид̣̇д̣̇зсо, д̇ад̣̇аа.

    Kiñcāpi upasaggo kiriyaṃ viseseti, jotakabhāvato pana satipi tasmiṃ suta-saddo eva taṃ tamatthaṃ vadatīti anupasaggassa suta-saddassa atthuddhāre saupasaggassa gahaṇaṃ na virujjhatīti dassento ‘‘saupasaggo ca anupasaggo cā’’ti āha. Assāti sutasaddassa. Kammabhāvasādhanāni idha sutasadde sambhavantīti vuttaṃ – ‘‘upadhāritanti vā upadhāraṇanti vā attho’’ti. Mayāti atthe satīti yadā me-saddassa kattuvasena karaṇaniddeso, tadāti attho. Mamāti atthe satīti yadā sambandhavasena sāminiddeso, tadā.

    суд̇асад̣̇д̣̇асаннидтаанз баяуд̇д̇зна звам̣-сад̣̇д̣̇зна саванагирияааж̇од̇агзна бхавид̇аб̣б̣анд̇и вуд̇д̇ам̣ – ‘‘званд̇и сод̇авин̃н̃аан̣аад̣̇ивин̃н̃аан̣агижжанид̣̇ассана’’нд̇и. аад̣̇и-сад̣̇д̣̇зна самбадижчанаад̣̇ийнам̣ сод̇ад̣̇вааригавин̃н̃аан̣аанам̣ д̇ад̣̇абхинийхадаанан̃жа манод̣̇вааригавин̃н̃аан̣аанам̣ г̇ахан̣ам̣ взд̣̇ид̇аб̣б̣ам̣. саб̣б̣зсамби ваагяаанам̣ звагаарад̇т̇асахид̇ад̇д̇аа ‘‘суд̇а’’нд̇и зд̇асса суд̇амзваад̇и аяамад̇т̇о лаб̣бхад̇ийд̇и ааха – ‘‘ассаванабхааваббадигкзбад̇о’’д̇и. зд̇зна авад̇хааран̣зна нияаамад̇ам̣ д̣̇ассзд̇и. яат̇аа жа суд̇ам̣ суд̇амзваад̇и нияаамзд̇аб̣б̣ам̣, д̇ам̣ саммаа суд̇ам̣ ход̇ийд̇и ааха – ‘‘ануунаад̇хигаавибарийд̇аг̇г̇ахан̣анид̣̇ассана’’нд̇и. ат̇а ваа сад̣̇д̣̇анд̇арад̇т̇аабоханавасзна сад̣̇д̣̇о ад̇т̇ам̣ вад̣̇ад̇ийд̇и суд̇анд̇и ассуд̇ам̣ на ход̇ийд̇и аяамзд̇асса ад̇т̇од̇и вуд̇д̇ам̣ – ‘‘ассаванабхааваббадигкзбад̇о’’д̇и. иминаа д̣̇идтаад̣̇ивинивад̇д̇анам̣ гарод̇и. ид̣̇ам̣ вуд̇д̇ам̣ ход̇и – на ид̣̇ам̣ маяаа д̣̇идтам̣, на саяамбхун̃аан̣зна сажчигад̇ам̣, ат̇а ко суд̇ам̣, д̇ан̃жа саммад̣̇зваад̇и. д̇знзвааха – ‘‘ануунаад̇хигаавибарийд̇аг̇г̇ахан̣анид̣̇ассана’’нд̇и. авад̇хааран̣ад̇т̇з ваа звам̣-сад̣̇д̣̇з аяамад̇т̇аяож̇анаа – ‘‘гарийяад̇ий’’д̇и д̇ад̣̇абзгкасса суд̇а-сад̣̇д̣̇асса аяамад̇т̇о вуд̇д̇о ‘‘ассаванабхааваббадигкзбад̇о’’д̇и. д̇знзвааха – ‘‘ануунаад̇хигаавибарийд̇аг̇г̇ахан̣анид̣̇ассана’’нд̇и. савана-сад̣̇д̣̇о жзд̇т̇а гаммад̇т̇о взд̣̇ид̇аб̣б̣о ‘‘суяяад̇ий’’д̇и.

    Sutasaddasanniṭṭhāne payuttena evaṃ-saddena savanakiriyājotakena bhavitabbanti vuttaṃ – ‘‘evanti sotaviññāṇādiviññāṇakiccanidassana’’nti. Ādi-saddena sampaṭicchanādīnaṃ sotadvārikaviññāṇānaṃ tadabhinīhaṭānañca manodvārikaviññāṇānaṃ gahaṇaṃ veditabbaṃ. Sabbesampi vākyānaṃ evakāratthasahitattā ‘‘suta’’nti etassa sutamevāti ayamattho labbhatīti āha – ‘‘assavanabhāvappaṭikkhepato’’ti. Etena avadhāraṇena niyāmataṃ dasseti. Yathā ca sutaṃ sutamevāti niyāmetabbaṃ, taṃ sammā sutaṃ hotīti āha – ‘‘anūnādhikāviparītaggahaṇanidassana’’nti. Atha vā saddantaratthāpohanavasena saddo atthaṃ vadatīti sutanti assutaṃ na hotīti ayametassa atthoti vuttaṃ – ‘‘assavanabhāvappaṭikkhepato’’ti. Iminā diṭṭhādivinivattanaṃ karoti. Idaṃ vuttaṃ hoti – na idaṃ mayā diṭṭhaṃ, na sayambhuñāṇena sacchikataṃ, atha kho sutaṃ, tañca sammadevāti. Tenevāha – ‘‘anūnādhikāviparītaggahaṇanidassana’’nti. Avadhāraṇatthe vā evaṃ-sadde ayamatthayojanā – ‘‘karīyatī’’ti tadapekkhassa suta-saddassa ayamattho vutto ‘‘assavanabhāvappaṭikkhepato’’ti. Tenevāha – ‘‘anūnādhikāviparītaggahaṇanidassana’’nti. Savana-saddo cettha kammattho veditabbo ‘‘suyyatī’’ti.

    звам̣ саванахзд̇усаванависзсавасзна бад̣̇ад̇д̇аяасса згзна багаарзна ад̇т̇аяож̇анам̣ д̣̇ассзд̇ваа ид̣̇аани багааранд̇арзхи д̇ам̣ д̣̇ассзд̇ум̣ – ‘‘д̇ат̇аа зва’’нд̇иаад̣̇и вуд̇д̇ам̣. д̇ад̇т̇а д̇ассаад̇и яаа саа бхаг̇авад̇о саммукаа д̇хаммассаванаагаарзна бавад̇д̇аа манод̣̇вааравин̃н̃аан̣авийт̇и, д̇ассаа. саа хи наанаббагаарзна аарамман̣з бавад̇д̇ид̇ум̣ самад̇т̇аа. д̇ат̇аа жа вуд̇д̇ам̣ – ‘‘сод̇ад̣̇ваараанусаарзнаа’’д̇и. наанаббагаарзнаад̇и вагкамаанаанам̣ анзгавихид̇аанам̣ б̣яан̃ж̇анад̇т̇аг̇г̇ахан̣аанам̣ наанаагаарзна. зд̇зна имиссаа яож̇анааяа аагаарад̇т̇о звам̣-сад̣̇д̣̇о г̇ахид̇од̇и д̣̇ийбзд̇и. бавад̇д̇ибхааваббагаасананд̇и бавад̇д̇ияаа ад̇т̇ибхааваббагаасанам̣. суд̇анд̇и д̇хаммаббагаасананд̇и яасмим̣ аарамман̣з вуд̇д̇аббагаараа вин̃н̃аан̣авийт̇и наанаббагаарзна бавад̇д̇аа, д̇асса д̇хаммад̇д̇аа вуд̇д̇ам̣, на суд̇асад̣̇д̣̇асса д̇хаммад̇т̇ад̇д̇аа. вуд̇д̇ассзвад̇т̇асса баагадийгаран̣ам̣ ‘‘аяан̃хзд̇т̇аа’’д̇иаад̣̇и. д̇ад̇т̇а вин̃н̃аан̣авийт̇ияаад̇и гаран̣ад̇т̇з гаран̣аважанам̣, маяаад̇и гад̇д̇уад̇т̇з.

    Evaṃ savanahetusavanavisesavasena padattayassa ekena pakārena atthayojanaṃ dassetvā idāni pakārantarehi taṃ dassetuṃ – ‘‘tathā eva’’ntiādi vuttaṃ. Tattha tassāti yā sā bhagavato sammukhā dhammassavanākārena pavattā manodvāraviññāṇavīthi, tassā. Sā hi nānappakārena ārammaṇe pavattituṃ samatthā. Tathā ca vuttaṃ – ‘‘sotadvārānusārenā’’ti. Nānappakārenāti vakkhamānānaṃ anekavihitānaṃ byañjanatthaggahaṇānaṃ nānākārena. Etena imissā yojanāya ākārattho evaṃ-saddo gahitoti dīpeti. Pavattibhāvappakāsananti pavattiyā atthibhāvappakāsanaṃ. Sutanti dhammappakāsananti yasmiṃ ārammaṇe vuttappakārā viññāṇavīthi nānappakārena pavattā, tassa dhammattā vuttaṃ, na sutasaddassa dhammatthattā. Vuttassevatthassa pākaṭīkaraṇaṃ ‘‘ayañhetthā’’tiādi. Tattha viññāṇavīthiyāti karaṇatthe karaṇavacanaṃ, mayāti kattuatthe.

    званд̇и нид̣̇д̣̇исид̇аб̣б̣аббагаасананд̇и нид̣̇ассанад̇т̇ам̣ звам̣-сад̣̇д̣̇ам̣ г̇ахзд̇ваа вуд̇д̇ам̣ нид̣̇ассзд̇аб̣б̣асса нид̣̇ассид̇аб̣б̣ад̇д̇аабхааваабхаавад̇о . д̇зна звам̣-сад̣̇д̣̇зна сагаламби суд̇д̇ам̣ бажжаамадтанд̇и д̣̇ассзд̇и. суд̇асад̣̇д̣̇асса гирияаасад̣̇д̣̇ад̇д̇аа саванагирияааяа жа саад̇хааран̣авин̃н̃аан̣аббаб̣анд̇хаббадиб̣ад̣̇д̇хад̇д̇аа д̇ад̇т̇а жа буг̇г̇алавохаарод̇и вуд̇д̇ам̣ – ‘‘суд̇анд̇и буг̇г̇алагижжаббагаасана’’нд̇и. на хи буг̇г̇алавохаарарахид̇з д̇хаммаббаб̣анд̇хз саванагирияаа лаб̣бхад̇ийд̇и.

    Evanti niddisitabbappakāsananti nidassanatthaṃ evaṃ-saddaṃ gahetvā vuttaṃ nidassetabbassa nidassitabbattābhāvābhāvato . Tena evaṃ-saddena sakalampi suttaṃ paccāmaṭṭhanti dasseti. Sutasaddassa kiriyāsaddattā savanakiriyāya ca sādhāraṇaviññāṇappabandhappaṭibaddhattā tattha ca puggalavohāroti vuttaṃ – ‘‘sutanti puggalakiccappakāsana’’nti. Na hi puggalavohārarahite dhammappabandhe savanakiriyā labbhatīti.

    яасса жид̇д̇асанд̇аанассаад̇иаад̣̇иби аагаарад̇т̇амзва звам̣-сад̣̇д̣̇ам̣ г̇ахзд̇ваа буримаяож̇анааяа ан̃н̃ат̇аа ад̇т̇аяож̇анам̣ д̣̇ассзд̇ум̣ вуд̇д̇ам̣. д̇ад̇т̇а аагаарабан̃н̃ад̇д̇ийд̇и убаад̣̇аабан̃н̃ад̇д̇и зва д̇хаммаанам̣ бавад̇д̇иаагаарубаад̣̇аанавасзна д̇ат̇аа вуд̇д̇аа. суд̇анд̇и висаяанид̣̇д̣̇зсод̇и сод̇аб̣б̣абхууд̇о д̇хаммо саванагирияаагад̇д̇убуг̇г̇аласса саванагирияаавасзна бавад̇д̇идтаананд̇и гад̇ваа вуд̇д̇ам̣. жид̇д̇асанд̇аанавинимуд̇д̇асса барамад̇т̇ад̇о гассажи гад̇д̇уабхаавзби сад̣̇д̣̇авохаарзна б̣уд̣̇д̇хибаригаббид̇абхзд̣̇аважанижчааяа жид̇д̇асанд̇аанад̇о ан̃н̃ам̣ вияа д̇ам̣саман̇г̇им̣ гад̇ваа вуд̇д̇ам̣ – ‘‘жид̇д̇асанд̇аанзна д̇ам̣саман̇г̇ийно’’д̇и. саванагирияаависаяоби сод̇аб̣б̣ад̇хаммо саванагирияаавасзна бавад̇д̇ажид̇д̇асанд̇аанасса ид̇ха барамад̇т̇ад̇о гад̇д̇убхаавад̇о, саванавасзна жид̇д̇абавад̇д̇ияаа зва ваа саванагирияаабхаавад̇о д̇ам̣гирияаагад̇д̇у жа висаяо ход̇ийд̇и гад̇ваа вуд̇д̇ам̣ – ‘‘д̇ам̣саман̇г̇ийно гад̇д̇увисаяз’’д̇и. суд̇аагаарасса жа т̇зрасса саммаанижчид̇абхаавад̇о ааха – ‘‘г̇ахан̣асаннидтаана’’нд̇и. зд̇зна ваа авад̇хааран̣ад̇т̇ам̣ звам̣-сад̣̇д̣̇ам̣ г̇ахзд̇ваа аяамад̇т̇аяож̇анаа гад̇аад̇и д̣̇адтаб̣б̣ам̣.

    Yassa cittasantānassātiādipi ākāratthameva evaṃ-saddaṃ gahetvā purimayojanāya aññathā atthayojanaṃ dassetuṃ vuttaṃ. Tattha ākārapaññattīti upādāpaññatti eva dhammānaṃ pavattiākārupādānavasena tathā vuttā. Sutanti visayaniddesoti sotabbabhūto dhammo savanakiriyākattupuggalassa savanakiriyāvasena pavattiṭṭhānanti katvā vuttaṃ. Cittasantānavinimuttassa paramatthato kassaci kattuabhāvepi saddavohārena buddhiparikappitabhedavacanicchāya cittasantānato aññaṃ viya taṃsamaṅgiṃ katvā vuttaṃ – ‘‘cittasantānena taṃsamaṅgīno’’ti. Savanakiriyāvisayopi sotabbadhammo savanakiriyāvasena pavattacittasantānassa idha paramatthato kattubhāvato, savanavasena cittapavattiyā eva vā savanakiriyābhāvato taṃkiriyākattu ca visayo hotīti katvā vuttaṃ – ‘‘taṃsamaṅgīno kattuvisaye’’ti. Sutākārassa ca therassa sammānicchitabhāvato āha – ‘‘gahaṇasanniṭṭhāna’’nti. Etena vā avadhāraṇatthaṃ evaṃ-saddaṃ gahetvā ayamatthayojanā katāti daṭṭhabbaṃ.

    буб̣б̣з суд̇аанам̣ наанаавихид̇аанам̣ суд̇д̇асан̇каад̇аанам̣ ад̇т̇аб̣яан̃ж̇анаанам̣ убад̇хаарид̇аруубасса аагаарасса нид̣̇ассанасса, авад̇хааран̣асса ваа багаасанасабхааво звам̣-сад̣̇д̣̇од̇и д̇ад̣̇аагаараад̣̇иубад̇хааран̣асса буг̇г̇алабан̃н̃ад̇д̇ияаа убаад̣̇аанабхууд̇ад̇хаммаббаб̣анд̇хаб̣яаабаарад̇ааяа вуд̇д̇ам̣ – ‘‘званд̇и буг̇г̇алагижжанид̣̇д̣̇зсо’’д̇и. саванагирияаа бана буг̇г̇алаваад̣̇иноби вин̃н̃аан̣анирабзгкаа над̇т̇ийд̇и висзсад̇о вин̃н̃аан̣аб̣яаабаарод̇и ааха – ‘‘суд̇анд̇и вин̃н̃аан̣агижжанид̣̇д̣̇зсо’’д̇и. мзд̇и сад̣̇д̣̇аббавад̇д̇ияаа зганд̇знзва сад̇д̇ависаяад̇д̇аа вин̃н̃аан̣агижжасса жа д̇ад̇т̇зва самод̣̇ахид̇аб̣б̣ад̇о ‘‘мзд̇и убхаяагижжаяуд̇д̇абуг̇г̇аланид̣̇д̣̇зсо’’д̇и вуд̇д̇ам̣. авиж̇ж̇амаанабан̃н̃ад̇д̇ивиж̇ж̇амаанабан̃н̃ад̇д̇исабхааваа яат̇ааггамам̣ звам̣сад̣̇д̣̇асуд̇асад̣̇д̣̇аанам̣ ад̇т̇аад̇и д̇з д̇ат̇ааруубабан̃н̃ад̇д̇иубаад̣̇аанаб̣яаабаарабхаавзна д̣̇ассзнд̇о ааха – ‘‘званд̇и буг̇г̇алагижжанид̣̇д̣̇зсо, суд̇анд̇и вин̃н̃аан̣агижжанид̣̇д̣̇зсо’’д̇и. зд̇т̇а жа гаран̣агирияаагад̇д̇угаммависзсаббагаасанавасзна буг̇г̇алаб̣яаабаарависаяабуг̇г̇алаб̣яаабааранид̣̇ассанавасзна г̇ахан̣аагаараг̇г̇аахагад̇аб̣б̣исаяависзсанид̣̇д̣̇зсавасзна гад̇д̇угаран̣аб̣яаабаарагад̇д̇унид̣̇д̣̇зсавасзна жа д̣̇уд̇ияаад̣̇аяо жад̇ассо ад̇т̇аяож̇анаа д̣̇ассид̇аад̇и д̣̇адтаб̣б̣ам̣.

    Pubbe sutānaṃ nānāvihitānaṃ suttasaṅkhātānaṃ atthabyañjanānaṃ upadhāritarūpassa ākārassa nidassanassa, avadhāraṇassa vā pakāsanasabhāvo evaṃ-saddoti tadākārādiupadhāraṇassa puggalapaññattiyā upādānabhūtadhammappabandhabyāpāratāya vuttaṃ – ‘‘evanti puggalakiccaniddeso’’ti. Savanakiriyā pana puggalavādinopi viññāṇanirapekkhā natthīti visesato viññāṇabyāpāroti āha – ‘‘sutanti viññāṇakiccaniddeso’’ti. Meti saddappavattiyā ekanteneva sattavisayattā viññāṇakiccassa ca tattheva samodahitabbato ‘‘meti ubhayakiccayuttapuggalaniddeso’’ti vuttaṃ. Avijjamānapaññattivijjamānapaññattisabhāvā yathākkamaṃ evaṃsaddasutasaddānaṃ atthāti te tathārūpapaññattiupādānabyāpārabhāvena dassento āha – ‘‘evanti puggalakiccaniddeso, sutanti viññāṇakiccaniddeso’’ti. Ettha ca karaṇakiriyākattukammavisesappakāsanavasena puggalabyāpāravisayapuggalabyāpāranidassanavasena gahaṇākāraggāhakatabbisayavisesaniddesavasena kattukaraṇabyāpārakattuniddesavasena ca dutiyādayo catasso atthayojanā dassitāti daṭṭhabbaṃ.

    саб̣б̣ассаби сад̣̇д̣̇аад̇хиг̇аманийяасса ад̇т̇асса бан̃н̃ад̇д̇имукзнзва бадибаж̇ж̇ид̇аб̣б̣ад̇д̇аа саб̣б̣абан̃н̃ад̇д̇ийнан̃жа виж̇ж̇амаанаад̣̇ивасзна часу бан̃н̃ад̇д̇ибхзд̣̇зсу анд̇ог̇ад̇хад̇д̇аа д̇зсу ‘‘зва’’нд̇иаад̣̇ийнам̣ бан̃н̃ад̇д̇ийнам̣ саруубам̣ нид̣̇д̇хаарзнд̇о ааха – ‘‘званд̇и жа мзд̇и жаа’’д̇иаад̣̇и. д̇ад̇т̇а званд̇и жа мзд̇и жа вужжамаанассад̇т̇асса аагаараад̣̇ино д̇хаммаанам̣ асаллагкан̣абхаавад̇о авиж̇ж̇амаанабан̃н̃ад̇д̇ибхаавод̇и ааха – ‘‘сажжигадтабарамад̇т̇авасзна авиж̇ж̇амаанабан̃н̃ад̇д̇ий’’д̇и. д̇ад̇т̇а сажжигадтабарамад̇т̇авасзнаад̇и бхууд̇ад̇т̇ауд̇д̇амад̇т̇авасзна. ид̣̇ам̣ вуд̇д̇ам̣ ход̇и – яо мааяаамарийжиаад̣̇аяо вияа абхууд̇ад̇т̇о, ануссаваад̣̇ийхи г̇ахзд̇аб̣б̣о вияа ануд̇д̇амад̇т̇о жа на ход̇и, со руубасад̣̇д̣̇аад̣̇исабхааво, руббанаанубхаванаад̣̇исабхааво ваа ад̇т̇о сажжигадто барамад̇т̇о жаад̇и вужжад̇и, на д̇ат̇аа ‘‘звам̣ мз’’д̇ибад̣̇аанам̣ ад̇т̇од̇и. зд̇амзвад̇т̇ам̣ баагадад̇арам̣ гаад̇ум̣ ‘‘гин̃хзд̇т̇а д̇а’’нд̇иаад̣̇и вуд̇д̇ам̣. суд̇анд̇и бана сад̣̇д̣̇ааяад̇анам̣ санд̇хааяааха – ‘‘виж̇ж̇амаанабан̃н̃ад̇д̇ий’’д̇и. д̇знзва хи ‘‘яан̃хи д̇ам̣ зд̇т̇а сод̇зна убалад̣̇д̇ха’’нд̇и вуд̇д̇ам̣. ‘‘сод̇ад̣̇ваараанусаарзна убалад̣̇д̇ха’’нд̇и бана вуд̇д̇з ад̇т̇аб̣яан̃ж̇анаад̣̇и саб̣б̣ам̣ лаб̣бхад̇и. д̇ам̣ д̇ам̣ убаад̣̇ааяа вад̇д̇аб̣б̣ад̇од̇и сод̇абат̇амааг̇ад̇з д̇хаммз убаад̣̇ааяа д̇зсам̣ убад̇хаарид̇аагаараад̣̇ино бажжаамасанавасзна званд̇и, сасанд̇ад̇ибарияаабаннз канд̇хз убаад̣̇ааяа мзд̇и вад̇д̇аб̣б̣ад̇д̇аад̇и ад̇т̇о. д̣̇идтаад̣̇исабхааварахид̇з сад̣̇д̣̇ааяад̇анз бавад̇д̇амааноби суд̇авохааро ‘‘д̣̇уд̇ияам̣ д̇ад̇ияа’’нд̇иаад̣̇иго вияа батамаад̣̇ийни д̣̇идтамуд̇авин̃н̃аад̇з абзгкид̇ваа бавад̇д̇од̇и ааха – ‘‘д̣̇идтаад̣̇ийни убанид̇хааяа вад̇д̇аб̣б̣ад̇о’’д̇и. ассуд̇ам̣ на ход̇ийд̇и хи суд̇анд̇и багаасид̇о аяамад̇т̇од̇и.

    Sabbassapi saddādhigamanīyassa atthassa paññattimukheneva paṭipajjitabbattā sabbapaññattīnañca vijjamānādivasena chasu paññattibhedesu antogadhattā tesu ‘‘eva’’ntiādīnaṃ paññattīnaṃ sarūpaṃ niddhārento āha – ‘‘evanti ca meti cā’’tiādi. Tattha evanti ca meti ca vuccamānassatthassa ākārādino dhammānaṃ asallakkhaṇabhāvato avijjamānapaññattibhāvoti āha – ‘‘saccikaṭṭhaparamatthavasena avijjamānapaññattī’’ti. Tattha saccikaṭṭhaparamatthavasenāti bhūtatthauttamatthavasena. Idaṃ vuttaṃ hoti – yo māyāmarīciādayo viya abhūtattho, anussavādīhi gahetabbo viya anuttamattho ca na hoti, so rūpasaddādisabhāvo, ruppanānubhavanādisabhāvo vā attho saccikaṭṭho paramattho cāti vuccati, na tathā ‘‘evaṃ me’’tipadānaṃ atthoti. Etamevatthaṃ pākaṭataraṃ kātuṃ ‘‘kiñhettha ta’’ntiādi vuttaṃ. Sutanti pana saddāyatanaṃ sandhāyāha – ‘‘vijjamānapaññattī’’ti. Teneva hi ‘‘yañhi taṃ ettha sotena upaladdha’’nti vuttaṃ. ‘‘Sotadvārānusārena upaladdha’’nti pana vutte atthabyañjanādi sabbaṃ labbhati. Taṃ taṃ upādāya vattabbatoti sotapathamāgate dhamme upādāya tesaṃ upadhāritākārādino paccāmasanavasena evanti, sasantatipariyāpanne khandhe upādāya meti vattabbattāti attho. Diṭṭhādisabhāvarahite saddāyatane pavattamānopi sutavohāro ‘‘dutiyaṃ tatiya’’ntiādiko viya paṭhamādīni diṭṭhamutaviññāte apekkhitvā pavattoti āha – ‘‘diṭṭhādīni upanidhāya vattabbato’’ti. Assutaṃ na hotīti hi sutanti pakāsito ayamatthoti.

    ад̇д̇анаа бадивид̣̇д̇хаа суд̇д̇асса багаарависзсаа званд̇и т̇зрзна бажжаамадтаад̇и ааха – ‘‘асаммохам̣ д̣̇ийбзд̇ий’’д̇и. наанаббагаараббадивзд̇хасамад̇т̇о ход̇ийд̇и зд̇зна вагкамаанасса суд̇д̇асса наанаббагаарад̇ам̣ д̣̇уббадивиж̇жхад̇ан̃жа д̣̇ассзд̇и. суд̇асса асаммосам̣ д̣̇ийбзд̇ийд̇и суд̇аагаарасса яаат̇аавад̇о д̣̇ассияамаанад̇д̇аа вуд̇д̇ам̣. асаммохзнаад̇и саммохаабхаавзна, бан̃н̃ааяа зва ваа саванагааласамбхууд̇ааяа д̇ад̣̇уд̇д̇аригаалабан̃н̃аасид̣̇д̇хи. звам̣ асаммосзнаад̇и зд̇т̇ааби вад̇д̇аб̣б̣ам̣. б̣яан̃ж̇анаанам̣ бадивиж̇жхид̇аб̣б̣о аагааро наад̇иг̇амбхийро, яат̇аасуд̇ад̇хааран̣амзва д̇ад̇т̇а гаран̣ийяанд̇и сад̇ияаа б̣яаабааро ад̇хиго, бан̃н̃аа д̇ад̇т̇а г̇ун̣ийбхууд̇аад̇и вуд̇д̇ам̣ – ‘‘бан̃н̃аабуб̣б̣ан̇г̇амааяаа’’д̇иаад̣̇и ‘‘бан̃н̃ааяа буб̣б̣ан̇г̇амаа’’д̇и гад̇ваа. буб̣б̣ан̇г̇амад̇аа жзд̇т̇а бад̇хаанабхааво ‘‘манобуб̣б̣ан̇г̇амаа’’д̇иаад̣̇ийсу (д̇ха. ба. 1, 2) вияа, буб̣б̣ан̇г̇амад̇ааяа ваа жагкувин̃н̃аан̣аад̣̇ийсу ааваж̇ж̇анаад̣̇ийнам̣ вияа аббад̇хаанад̇д̇з бан̃н̃аа буб̣б̣ан̇г̇амаа зд̇иссаад̇и аяамби ад̇т̇о яуж̇ж̇ад̇и, звам̣ сад̇ибуб̣б̣ан̇г̇амааяаад̇и зд̇т̇ааби вуд̇д̇анаяаанусаарзна яат̇аасамбхавамад̇т̇о взд̣̇ид̇аб̣б̣о. ад̇т̇аб̣яан̃ж̇анасамбаннассаад̇и ад̇т̇аб̣яан̃ж̇анабарибун̣н̣асса, сан̇гаасанаббагаасанавиваран̣авибхаж̇анауд̇д̇аанийгаран̣абан̃н̃ад̇д̇ивасзна чахи ад̇т̇абад̣̇зхи агкарабад̣̇аб̣яан̃ж̇анаагааранируд̇д̇инид̣̇д̣̇зсавасзна чахи б̣яан̃ж̇анабад̣̇зхи жа саманнааг̇ад̇ассаад̇и ваа ад̇т̇о д̣̇адтаб̣б̣о.

    Attanā paṭividdhā suttassa pakāravisesā evanti therena paccāmaṭṭhāti āha – ‘‘asammohaṃ dīpetī’’ti. Nānappakārappaṭivedhasamattho hotīti etena vakkhamānassa suttassa nānappakārataṃ duppaṭivijjhatañca dasseti. Sutassa asammosaṃ dīpetīti sutākārassa yāthāvato dassiyamānattā vuttaṃ. Asammohenāti sammohābhāvena, paññāya eva vā savanakālasambhūtāya taduttarikālapaññāsiddhi. Evaṃ asammosenāti etthāpi vattabbaṃ. Byañjanānaṃ paṭivijjhitabbo ākāro nātigambhīro, yathāsutadhāraṇameva tattha karaṇīyanti satiyā byāpāro adhiko, paññā tattha guṇībhūtāti vuttaṃ – ‘‘paññāpubbaṅgamāyā’’tiādi ‘‘paññāya pubbaṅgamā’’ti katvā. Pubbaṅgamatā cettha padhānabhāvo ‘‘manopubbaṅgamā’’tiādīsu (dha. pa. 1, 2) viya, pubbaṅgamatāya vā cakkhuviññāṇādīsu āvajjanādīnaṃ viya appadhānatte paññā pubbaṅgamā etissāti ayampi attho yujjati, evaṃ satipubbaṅgamāyāti etthāpi vuttanayānusārena yathāsambhavamattho veditabbo. Atthabyañjanasampannassāti atthabyañjanaparipuṇṇassa, saṅkāsanappakāsanavivaraṇavibhajanauttānīkaraṇapaññattivasena chahi atthapadehi akkharapadabyañjanākāraniruttiniddesavasena chahi byañjanapadehi ca samannāgatassāti vā attho daṭṭhabbo.

    яонисоманасигаарам̣ д̣̇ийбзд̇и звам̣-сад̣̇д̣̇зна вужжамаанаанам̣ аагааранид̣̇ассанаавад̇хааран̣ад̇т̇аанам̣ авибарийд̇асад̣̇д̇хаммависаяад̇д̇аад̇и ад̇хиббааяо. авигкзбам̣ д̣̇ийбзд̇ийд̇и ‘‘жид̇д̇абарияаад̣̇аанам̣ гад̇т̇а бхаасид̇а’’нд̇иаад̣̇ибужчаавасз багаран̣аббад̇д̇асса вагкамаанасса суд̇д̇асса саванам̣ самаад̇хаанаманд̇арзна на самбхавад̇ийд̇и гад̇ваа вуд̇д̇ам̣. вигкид̇д̇ажид̇д̇ассаад̇иаад̣̇и д̇ассзвад̇т̇асса самад̇т̇анавасзна вуд̇д̇ам̣. саб̣б̣асамбад̇д̇ияаад̇и ад̇т̇аб̣яан̃ж̇анад̣̇зсагаббаяож̇анаад̣̇исамбад̇д̇ияаа. авибарийд̇асад̣̇д̇хаммависаязхи вияа аагааранид̣̇ассанаавад̇хааран̣ад̇т̇зхи яонисоманасигаарасса, сад̣̇д̇хаммассаванзна вияа жа авигкзбасса яат̇аа яонисоманасигаарзна палабхууд̇зна ад̇д̇асаммаабан̣ид̇хибуб̣б̣згад̇абун̃н̃ад̇аанам̣ сид̣̇д̇хи вуд̇д̇аа д̇ад̣̇авинаабхаавад̇о. звам̣ авигкзбзна палабхууд̇зна гааран̣абхууд̇аанам̣ сад̣̇д̇хаммассаванасаббурисуубаниссаяаанам̣ сид̣̇д̇хи д̣̇ассзд̇аб̣б̣аа сияаа ассуд̇авад̇о саббурисуубаниссаяарахид̇асса жа д̇ад̣̇абхаавад̇о. на хи вигкид̇д̇ажид̇д̇од̇иаад̣̇инаа самад̇т̇анаважанзна бана авигкзбзна гааран̣абхууд̇зна саббурисуубаниссаязна жа палабхууд̇асса сад̣̇д̇хаммассаванасса сид̣̇д̇хи д̣̇ассид̇аа. аяам̣ банзд̇т̇а ад̇хиббааяо яуд̇д̇о сияаа, сад̣̇д̇хаммассаванасаббурисуубаниссаяаа на зганд̇зна авигкзбасса гааран̣ам̣ б̣аахиран̇г̇ад̇д̇аа, авигкзбо бана саббурисуубаниссаяо вияа сад̣̇д̇хаммассаванасса зганд̇агааран̣анд̇и. звамби авигкзбзна саббурисуубаниссаяасид̣̇д̇хиж̇од̇анаа на самад̇т̇ид̇аава. но на самад̇т̇ид̇аа вигкид̇д̇ажид̇д̇аанам̣ саббурисабаяирубаасанаабхаавасса ад̇т̇асид̣̇д̇хад̇д̇аа. зд̇т̇а жа буримам̣ палзна гааран̣асса сид̣̇д̇хид̣̇ассанам̣ над̣̇ийбуурзна вияа убари вудтисаб̣бхаавасса, д̣̇уд̇ияам̣ гааран̣зна паласса сид̣̇д̇хид̣̇ассанам̣ д̣̇адтаб̣б̣ам̣ зганд̇авассинаа вияа мзгхавудтаанзна вудтиббавад̇д̇ияаа.

    Yonisomanasikāraṃdīpeti evaṃ-saddena vuccamānānaṃ ākāranidassanāvadhāraṇatthānaṃ aviparītasaddhammavisayattāti adhippāyo. Avikkhepaṃ dīpetīti ‘‘cittapariyādānaṃ kattha bhāsita’’ntiādipucchāvase pakaraṇappattassa vakkhamānassa suttassa savanaṃ samādhānamantarena na sambhavatīti katvā vuttaṃ. Vikkhittacittassātiādi tassevatthassa samatthanavasena vuttaṃ. Sabbasampattiyāti atthabyañjanadesakappayojanādisampattiyā. Aviparītasaddhammavisayehi viya ākāranidassanāvadhāraṇatthehi yonisomanasikārassa, saddhammassavanena viya ca avikkhepassa yathā yonisomanasikārena phalabhūtena attasammāpaṇidhipubbekatapuññatānaṃ siddhi vuttā tadavinābhāvato. Evaṃ avikkhepena phalabhūtena kāraṇabhūtānaṃ saddhammassavanasappurisūpanissayānaṃ siddhi dassetabbā siyā assutavato sappurisūpanissayarahitassa ca tadabhāvato. Na hi vikkhittacittotiādinā samatthanavacanena pana avikkhepena kāraṇabhūtena sappurisūpanissayena ca phalabhūtassa saddhammassavanassa siddhi dassitā. Ayaṃ panettha adhippāyo yutto siyā, saddhammassavanasappurisūpanissayā na ekantena avikkhepassa kāraṇaṃ bāhiraṅgattā, avikkhepo pana sappurisūpanissayo viya saddhammassavanassa ekantakāraṇanti. Evampi avikkhepena sappurisūpanissayasiddhijotanā na samatthitāva. No na samatthitā vikkhittacittānaṃ sappurisapayirupāsanābhāvassa atthasiddhattā. Ettha ca purimaṃ phalena kāraṇassa siddhidassanaṃ nadīpūrena viya upari vuṭṭhisabbhāvassa, dutiyaṃ kāraṇena phalassa siddhidassanaṃ daṭṭhabbaṃ ekantavassinā viya meghavuṭṭhānena vuṭṭhippavattiyā.

    бхаг̇авад̇о важанасса ад̇т̇аб̣яан̃ж̇анаббабхзд̣̇абарижчзд̣̇авасзна сагаласаасанасамбад̇д̇иог̇ааханаагааро ниравасзсабарахид̇абаарибуурид̇аагааран̣анд̇и вуд̇д̇ам̣ – ‘‘звам̣ бхад̣̇д̣̇аго аагааро’’д̇и. яасмаа на ход̇ийд̇и самб̣анд̇хо. бажчимажаггад̣̇ваяасамбад̇д̇инд̇и ад̇д̇асаммаабан̣ид̇хибуб̣б̣згад̇абун̃н̃ад̇аасан̇каад̇аг̇ун̣ад̣̇ваяам̣. абараабарам̣ вуд̇д̇ияаа жзд̇т̇а жаггабхааво, жаранд̇и зд̇зхи сад̇д̇аа самбад̇д̇ибхавзсууд̇и ваа. яз санд̇хааяа вуд̇д̇ам̣ – ‘‘жад̇д̇ааримаани, бхигкавз, жаггаани, язхи саманнааг̇ад̇аанам̣ д̣̇звамануссаанам̣ жад̇ужаггам̣ вад̇д̇ад̇ий’’д̇иаад̣̇и (а. ни. 4.31). буримабажчимабхааво жзд̇т̇а д̣̇зсанааггамавасзна д̣̇адтаб̣б̣о. бажчимажаггад̣̇ваяасид̣̇д̇хияаад̇и бажчимажаггад̣̇ваяасса ад̇т̇ид̇ааяа. саммаабан̣ихид̇ад̇д̇о буб̣б̣з жа гад̇абун̃н̃о суд̣̇д̇хаасаяо ход̇и д̇ад̣̇асид̣̇д̇хихзд̇уунам̣ гилзсаанам̣ д̣̇уурийбхаавад̇од̇и ааха – ‘‘аасаяасуд̣̇д̇хи сид̣̇д̇хаа ход̇ий’’д̇и. д̇ат̇аа хи вуд̇д̇ам̣ – ‘‘саммаабан̣ихид̇ам̣ жид̇д̇ам̣, сзяяасо нам̣ д̇ад̇о гарз’’д̇и (д̇ха. ба. 43), ‘‘гад̇абун̃н̃оси д̇вам̣, аананд̣̇а, бад̇хаанамануяун̃ж̇а, киббам̣ хохиси анаасаво’’д̇и (д̣̇ий. ни. 2.207) жа. д̇знзвааха – ‘‘аасаяасуд̣̇д̇хияаа ад̇хиг̇амаб̣яад̇д̇исид̣̇д̇хий’’д̇и. баяог̇асуд̣̇д̇хияаад̇и яонисоманасигаарабуб̣б̣ан̇г̇амасса д̇хаммассаванаббаяог̇асса висад̣̇абхаавзна. д̇ат̇аа жааха – ‘‘ааг̇амаб̣яад̇д̇исид̣̇д̇хий’’д̇и , саб̣б̣асса ваа гааяаважийбаяог̇асса нид̣̇д̣̇осабхаавзна. барисуд̣̇д̇хагааяаважийбаяог̇о хи виббадисаараабхаавад̇о авигкид̇д̇ажид̇д̇о барияад̇д̇ияам̣ висаарад̣̇о ход̇ийд̇и.

    Bhagavato vacanassa atthabyañjanappabhedaparicchedavasena sakalasāsanasampattiogāhanākāro niravasesaparahitapāripūritākāraṇanti vuttaṃ – ‘‘evaṃ bhaddako ākāro’’ti. Yasmā na hotīti sambandho. Pacchimacakkadvayasampattinti attasammāpaṇidhipubbekatapuññatāsaṅkhātaguṇadvayaṃ. Aparāparaṃ vuttiyā cettha cakkabhāvo, caranti etehi sattā sampattibhavesūti vā. Ye sandhāya vuttaṃ – ‘‘cattārimāni, bhikkhave, cakkāni, yehi samannāgatānaṃ devamanussānaṃ catucakkaṃ vattatī’’tiādi (a. ni. 4.31). Purimapacchimabhāvo cettha desanākkamavasena daṭṭhabbo. Pacchimacakkadvayasiddhiyāti pacchimacakkadvayassa atthitāya. Sammāpaṇihitatto pubbe ca katapuñño suddhāsayo hoti tadasiddhihetūnaṃ kilesānaṃ dūrībhāvatoti āha – ‘‘āsayasuddhi siddhā hotī’’ti. Tathā hi vuttaṃ – ‘‘sammāpaṇihitaṃ cittaṃ, seyyaso naṃ tato kare’’ti (dha. pa. 43), ‘‘katapuññosi tvaṃ, ānanda, padhānamanuyuñja, khippaṃ hohisi anāsavo’’ti (dī. ni. 2.207) ca. Tenevāha – ‘‘āsayasuddhiyā adhigamabyattisiddhī’’ti. Payogasuddhiyāti yonisomanasikārapubbaṅgamassa dhammassavanappayogassa visadabhāvena. Tathā cāha – ‘‘āgamabyattisiddhī’’ti , sabbassa vā kāyavacīpayogassa niddosabhāvena. Parisuddhakāyavacīpayogo hi vippaṭisārābhāvato avikkhittacitto pariyattiyaṃ visārado hotīti.

    наанаббагаарабадивзд̇хад̣̇ийбагзнаад̇иаад̣̇инаа ад̇т̇аб̣яан̃ж̇анзсу т̇зрасса звам̣-сад̣̇д̣̇асуд̇а-сад̣̇д̣̇аанам̣ асаммохад̣̇ийбанад̇о жад̇уббадисамбхид̣̇аавасзна ад̇т̇аяож̇анам̣ д̣̇ассзд̇и. д̇ад̇т̇а сод̇аббабхзд̣̇абадивзд̇хад̣̇ийбагзнаад̇и зд̇зна аяам̣ суд̇а-сад̣̇д̣̇о звам̣-сад̣̇д̣̇асаннид̇хаанад̇о, вагкамаанаабзгкааяа ваа сааман̃н̃знзва сод̇аб̣б̣ад̇хаммависзсам̣ аамасад̇ийд̇и д̣̇ассзд̇и. манод̣̇идтигаран̣аанам̣ барияад̇д̇ид̇хаммаанам̣ анубзгканасуббадивзд̇хаа висзсад̇о манасигаараббадиб̣ад̣̇д̇хаад̇и д̇з вуд̇д̇анаязна яонисоманасигаарад̣̇ийбагзна звам̣-сад̣̇д̣̇зна яож̇зд̇ваа, саванад̇хааран̣аважийбарижаяаа барияад̇д̇ид̇хаммаа висзсзна сод̇аавад̇хаанаббадиб̣ад̣̇д̇хаад̇и д̇з авигкзбад̣̇ийбагзна суд̇а-сад̣̇д̣̇зна яож̇зд̇ваа д̣̇ассзнд̇о саасанасамбад̇д̇ияаа д̇хаммассаванз уссаахам̣ ж̇анзд̇и. д̇ад̇т̇а д̇хаммаад̇и барияад̇д̇ид̇хаммаа. манасаа анубзгкид̇аад̇и ‘‘ид̇ха сийлам̣ гат̇ид̇ам̣, ид̇ха самаад̇хи, ид̇ха бан̃н̃аа, зд̇д̇агаа зд̇т̇а анусанд̇хаяо’’д̇иаад̣̇инаа наязна манасаа ану ану бзгкид̇аа. д̣̇идтияаа суббадивид̣̇д̇хаад̇и ниж̇жхаанагканд̇и бхууд̇ааяа, н̃аад̇абарин̃н̃аасан̇каад̇ааяа ваа д̣̇идтияаа д̇ад̇т̇а д̇ад̇т̇а вуд̇д̇аруубааруубад̇хаммз ‘‘ид̇и руубам̣, зд̇д̇агам̣ рууба’’нд̇иаад̣̇инаа судту вавад̇т̇абзд̇ваа бадивид̣̇д̇хаа.

    Nānappakārapaṭivedhadīpakenātiādinā atthabyañjanesu therassa evaṃ-saddasuta-saddānaṃ asammohadīpanato catuppaṭisambhidāvasena atthayojanaṃ dasseti. Tattha sotappabhedapaṭivedhadīpakenāti etena ayaṃ suta-saddo evaṃ-saddasannidhānato, vakkhamānāpekkhāya vā sāmaññeneva sotabbadhammavisesaṃ āmasatīti dasseti. Manodiṭṭhikaraṇānaṃ pariyattidhammānaṃ anupekkhanasuppaṭivedhā visesato manasikārappaṭibaddhāti te vuttanayena yonisomanasikāradīpakena evaṃ-saddena yojetvā, savanadhāraṇavacīparicayā pariyattidhammā visesena sotāvadhānappaṭibaddhāti te avikkhepadīpakena suta-saddena yojetvā dassento sāsanasampattiyā dhammassavane ussāhaṃ janeti. Tattha dhammāti pariyattidhammā. Manasā anupekkhitāti ‘‘idha sīlaṃ kathitaṃ, idha samādhi, idha paññā, ettakā ettha anusandhayo’’tiādinā nayena manasā anu anu pekkhitā. Diṭṭhiyā suppaṭividdhāti nijjhānakkhanti bhūtāya, ñātapariññāsaṅkhātāya vā diṭṭhiyā tattha tattha vuttarūpārūpadhamme ‘‘iti rūpaṃ, ettakaṃ rūpa’’ntiādinā suṭṭhu vavatthapetvā paṭividdhā.

    сагалзна важанзнаад̇и буб̣б̣з д̇ийхи бад̣̇зхи висум̣ висум̣ яож̇ид̇ад̇д̇аа вуд̇д̇ам̣. асаббурисабхууминд̇и агад̇ан̃н̃уд̇ам̣, ‘‘ид̇хзгажжо баабабхигку д̇ат̇ааг̇ад̇аббавзд̣̇ид̇ам̣ д̇хаммавинаяам̣ барияаабун̣ид̇ваа ад̇д̇ано д̣̇ахад̇ий’’д̇и (баараа. 195) звам̣ вуд̇д̇ам̣ анарияавохаараавад̇т̇ам̣. саа зва анарияавохаараавад̇т̇аа асад̣̇д̇хаммо. нану жа аананд̣̇ад̇т̇зрасса ‘‘мамзд̣̇ам̣ важана’’нд̇и ад̇химаанасса, махаагассабад̇т̇зраад̣̇ийнан̃жа д̇ад̣̇аасан̇гааяа абхаавад̇о асаббурисабхуумисамад̇иггамаад̣̇иважанам̣ нирад̇т̇аганд̇и? наяид̣̇амзвам̣, ‘‘звам̣ мз суд̇а’’нд̇и вад̣̇анд̇зна аяамби ад̇т̇о вибхаавид̇од̇и д̣̇ассанад̇о. гзжи бана ‘‘д̣̇звад̇аанам̣ баривид̇аггаабзгкам̣ д̇ат̇ааважананд̇и зд̣̇исий жод̣̇анаа анавагаасаа’’д̇и вад̣̇анд̇и. д̇асмим̣ гира кан̣з згажжаанам̣ д̣̇звад̇аанам̣ звам̣ жзд̇асо баривид̇агго уд̣̇абаад̣̇и ‘‘бхаг̇аваа бариниб̣б̣уд̇о, аяан̃жа ааяасмаа д̣̇зсанаагусало ид̣̇аани д̇хаммам̣ д̣̇зсзд̇и, сагяагулаббасуд̇о д̇ат̇ааг̇ад̇асса бхаад̇аа жуул̣абид̇убуд̇д̇о, гим̣ ну ко саяам̣ сажчигад̇ам̣ д̇хаммам̣ д̣̇зсзд̇и, уд̣̇ааху бхаг̇авад̇о зва важанам̣ яат̇аасуд̇а’’нд̇и, звам̣ д̇ад̣̇аасан̇гид̇аббагаарад̇о асаббурисабхуумисамоггамаад̣̇ид̇о ад̇иггамаад̣̇и вибхаавид̇анд̇и. ад̇д̇ано ад̣̇аханд̇од̇и ‘‘мамзд̣̇а’’нд̇и ад̇д̇ани адтабзнд̇о. аббзд̇ийд̇и нид̣̇ассзд̇и. д̣̇идтад̇хаммигасамбарааяигабарамад̇т̇зсу яат̇аарахам̣ сад̇д̇з нзд̇ийд̇и нзд̇д̇и, д̇хаммоязва нзд̇д̇и д̇хамманзд̇д̇и.

    Sakalena vacanenāti pubbe tīhi padehi visuṃ visuṃ yojitattā vuttaṃ. Asappurisabhūminti akataññutaṃ, ‘‘idhekacco pāpabhikkhu tathāgatappaveditaṃ dhammavinayaṃ pariyāpuṇitvā attano dahatī’’ti (pārā. 195) evaṃ vuttaṃ anariyavohārāvatthaṃ. Sā eva anariyavohārāvatthā asaddhammo. Nanu ca ānandattherassa ‘‘mamedaṃ vacana’’nti adhimānassa, mahākassapattherādīnañca tadāsaṅkāya abhāvato asappurisabhūmisamatikkamādivacanaṃ niratthakanti? Nayidamevaṃ, ‘‘evaṃ me suta’’nti vadantena ayampi attho vibhāvitoti dassanato. Keci pana ‘‘devatānaṃ parivitakkāpekkhaṃ tathāvacananti edisī codanā anavakāsā’’ti vadanti. Tasmiṃ kira khaṇe ekaccānaṃ devatānaṃ evaṃ cetaso parivitakko udapādi ‘‘bhagavā parinibbuto, ayañca āyasmā desanākusalo idāni dhammaṃ deseti, sakyakulappasuto tathāgatassa bhātā cūḷapituputto, kiṃ nu kho sayaṃ sacchikataṃ dhammaṃ deseti, udāhu bhagavato eva vacanaṃ yathāsuta’’nti, evaṃ tadāsaṅkitappakārato asappurisabhūmisamokkamādito atikkamādi vibhāvitanti. Attano adahantoti ‘‘mameda’’nti attani aṭṭhapento. Appetīti nidasseti. Diṭṭhadhammikasamparāyikaparamatthesu yathārahaṃ satte netīti netti, dhammoyeva netti dhammanetti.

    д̣̇ал̣хад̇аранивидтаа вижигижчаа ган̇каа. наад̇исам̣саббанам̣ мад̇ибхзд̣̇амад̇д̇ам̣ вимад̇и. ассад̣̇д̇хияам̣ винаасзд̇и бхаг̇авад̇аа бхаасид̇ад̇д̇аа саммукаа жасса бадиг̇г̇ахид̇ад̇д̇аа калид̇ад̣̇уруд̇д̇аад̣̇иг̇г̇ахан̣ад̣̇осаабхаавад̇о жа. зд̇т̇а жа бан̃жамаад̣̇аяо д̇иссо ад̇т̇аяож̇анаа аагаараад̣̇иад̇т̇зсу аг̇г̇ахид̇ависзсамзва звам̣-сад̣̇д̣̇ам̣ г̇ахзд̇ваа д̣̇ассид̇аа, д̇ад̇о бараа жад̇ассо аагаарад̇т̇амзва звам̣-сад̣̇д̣̇ам̣ г̇ахзд̇ваа вибхаавид̇аа, бажчимаа бана д̇иссо яат̇ааггамам̣ аагаарад̇т̇ам̣ нид̣̇ассанад̇т̇ам̣ авад̇хааран̣ад̇т̇ан̃жа звам̣-сад̣̇д̣̇ам̣ г̇ахзд̇ваа яож̇ид̇аад̇и д̣̇адтаб̣б̣ам̣.

    Daḷhataraniviṭṭhā vicikicchā kaṅkhā. Nātisaṃsappanaṃ matibhedamattaṃ vimati. Assaddhiyaṃ vināseti bhagavatā bhāsitattā sammukhā cassa paṭiggahitattā khalitaduruttādiggahaṇadosābhāvato ca. Ettha ca pañcamādayo tisso atthayojanā ākārādiatthesu aggahitavisesameva evaṃ-saddaṃ gahetvā dassitā, tato parā catasso ākāratthameva evaṃ-saddaṃ gahetvā vibhāvitā, pacchimā pana tisso yathākkamaṃ ākāratthaṃ nidassanatthaṃ avadhāraṇatthañca evaṃ-saddaṃ gahetvā yojitāti daṭṭhabbaṃ.

    зга-сад̣̇д̣̇о ан̃н̃асздтаасахааяасан̇каад̣̇ийсу д̣̇иссад̇и. д̇ат̇аа хзса ‘‘сассад̇о ад̇д̇аа жа лого жа, ид̣̇амзва сажжам̣ могхаман̃н̃анд̇и ид̇т̇згз абхивад̣̇анд̇ий’’д̇иаад̣̇ийсу (ма. ни. 3.27) ан̃н̃ад̇т̇з д̣̇иссад̇и, ‘‘жзд̇асо згод̣̇ибхаава’’нд̇иаад̣̇ийсу (д̣̇ий. ни. 1.228; баараа. 11) сздтз, ‘‘зго вуубагадто’’д̇иаад̣̇ийсу (д̣̇ий. ни. 1.405; 2.215; ма. ни. 1.80; сам̣. ни. 3.63; жуул̣ава. 445) асахааяз ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇иаад̣̇ийсу (а. ни. 8.29) сан̇кааяам̣. ид̇хааби сан̇кааяанд̇и д̣̇ассзнд̇о ааха – ‘‘зганд̇и г̇ан̣анабарижчзд̣̇анид̣̇д̣̇зсо’’д̇и. гаалан̃жа самаяан̃жаад̇и яуд̇д̇агаалан̃жа бажжаяасаамаг̇г̇ин̃жа. кан̣од̇и огаасо. д̇ат̇ааг̇ад̇уббаад̣̇аад̣̇иго хи маг̇г̇аб̣рахмажарияасса огаасо д̇аббажжаяаббадилаабхахзд̇уд̇д̇аа. кан̣о зва жа самаяо. яо кан̣од̇и жа самаяод̇и жа вужжад̇и, со зго зваад̇и хи ад̇т̇о. махаасамаяод̇и махаасамуухо. самаяоби код̇и сигкаабад̣̇абууран̣асса хзд̇уби. самаяаббаваад̣̇агзд̇и д̣̇идтиббаваад̣̇агз. д̇ад̇т̇а хи нисиннаа д̇ид̇т̇ияаа ад̇д̇ано ад̇д̇ано самаяам̣ бавад̣̇анд̇ийд̇и. ад̇т̇аабхисамаяаад̇и хид̇аббадилаабхаа. абхисамзд̇аб̣б̣од̇и абхисамаяо, абхисамаяо ад̇т̇о абхисамаяадтод̇и бийл̣анаад̣̇ийни абхисамзд̇аб̣б̣абхаавзна згийбхаавам̣ убанзд̇ваа вуд̇д̇аани. абхисамаяасса ваа бадивзд̇хасса висаяабхууд̇о ад̇т̇о абхисамаяадтод̇и д̇аанзва д̇ат̇аа згад̇д̇зна вуд̇д̇аани. д̇ад̇т̇а бийл̣анам̣ д̣̇угкасажжасса д̇ам̣саман̇г̇ино хим̣санам̣ авибпааригад̇аагаран̣ам̣. санд̇аабо д̣̇угкад̣̇угкад̇аад̣̇ивасзна санд̇абанам̣ барид̣̇аханам̣.

    Eka-saddo aññaseṭṭhaasahāyasaṅkhādīsu dissati. Tathā hesa ‘‘sassato attā ca loko ca, idameva saccaṃ moghamaññanti ittheke abhivadantī’’tiādīsu (ma. ni. 3.27) aññatthe dissati, ‘‘cetaso ekodibhāva’’ntiādīsu (dī. ni. 1.228; pārā. 11) seṭṭhe, ‘‘eko vūpakaṭṭho’’tiādīsu (dī. ni. 1.405; 2.215; ma. ni. 1.80; saṃ. ni. 3.63; cūḷava. 445) asahāye ‘‘ekova kho, bhikkhave, khaṇo ca samayo ca brahmacariyavāsāyā’’tiādīsu (a. ni. 8.29) saṅkhāyaṃ. Idhāpi saṅkhāyanti dassento āha – ‘‘ekanti gaṇanaparicchedaniddeso’’ti. Kālañca samayañcāti yuttakālañca paccayasāmaggiñca. Khaṇoti okāso. Tathāgatuppādādiko hi maggabrahmacariyassa okāso tappaccayappaṭilābhahetuttā. Khaṇo eva ca samayo. Yo khaṇoti ca samayoti ca vuccati, so eko evāti hi attho. Mahāsamayoti mahāsamūho. Samayopi khoti sikkhāpadapūraṇassa hetupi. Samayappavādaketi diṭṭhippavādake. Tattha hi nisinnā titthiyā attano attano samayaṃ pavadantīti. Atthābhisamayāti hitappaṭilābhā. Abhisametabboti abhisamayo, abhisamayo attho abhisamayaṭṭhoti pīḷanādīni abhisametabbabhāvena ekībhāvaṃ upanetvā vuttāni. Abhisamayassa vā paṭivedhassa visayabhūto attho abhisamayaṭṭhoti tāneva tathā ekattena vuttāni. Tattha pīḷanaṃ dukkhasaccassa taṃsamaṅgino hiṃsanaṃ avipphārikatākaraṇaṃ. Santāpo dukkhadukkhatādivasena santapanaṃ paridahanaṃ.

    д̇ад̇т̇а сахагааригааран̣з саниж̇жхам̣ самзд̇и самавзд̇ийд̇и самаяо, самавааяо. самзд̇и самааг̇ажчад̇и зд̇т̇а маг̇г̇аб̣рахмажарияам̣ д̇ад̣̇аад̇хаарабуг̇г̇алзхийд̇и самаяо, кан̣о. самзд̇и зд̇т̇а, зд̇зна ваа сам̣г̇ажчад̇и сад̇д̇о, сабхаавад̇хаммо ваа сахаж̇аад̇аад̣̇ийхи, уббаад̣̇аад̣̇ийхи ваад̇и самаяо, гаало. д̇хаммаббавад̇д̇имад̇д̇ад̇ааяа ад̇т̇ад̇о абхууд̇оби хи гаало д̇хаммаббавад̇д̇ияаа ад̇хигаран̣ам̣ гаран̣ам̣ вияа жа габбанаамад̇д̇асид̣̇д̇хзна руубзна вохарийяад̇ийд̇и. самам̣, саха ваа аваяаваанам̣ аяанам̣ бавад̇д̇и авадтаананд̇и самаяо, самуухо яат̇аа ‘‘самуд̣̇ааяо’’д̇и. аваяавасахаавадтаанамзва хи самууход̇и. авасзсабажжаяаанам̣ самааг̇амз зд̇и палам̣ зд̇асмаа уббаж̇ж̇ад̇и бавад̇д̇ад̇и жаад̇и самаяо, хзд̇у яат̇аа ‘‘самуд̣̇аяо’’д̇и. самзд̇и сам̣яож̇анабхаавад̇о самб̣ад̣̇д̇хо зд̇и ад̇д̇ано висаяз бавад̇д̇ад̇и, д̣̇ал̣хаг̇г̇ахан̣абхаавад̇о ваа сам̣яуд̇д̇аа аяанд̇и бавад̇д̇анд̇и сад̇д̇аа яат̇аабхинивзсам̣ зд̇знаад̇и самаяо, д̣̇идти. д̣̇идтисам̣яож̇анзна хи сад̇д̇аа ад̇ивияа б̣аж̇жханд̇ийд̇и. самид̇и сан̇г̇ад̇и самод̇хаананд̇и самаяо, бадилаабхо. самасса яаанам̣, саммаа ваа яаанам̣ абаг̇амод̇и самаяо, бахаанам̣. абхимукам̣ н̃аан̣зна саммаа зд̇аб̣б̣о абхисамзд̇аб̣б̣од̇и абхисамаяо, д̇хаммаанам̣ авибарийд̇о сабхааво. абхимукабхаавзна саммаа зд̇и г̇ажчад̇и б̣уж̇жхад̇ийд̇и абхисамаяо, д̇хаммаанам̣ авибарийд̇асабхаавааваб̣од̇хо. звам̣ д̇асмим̣ д̇асмим̣ ад̇т̇з самаяасад̣̇д̣̇асса бавад̇д̇и взд̣̇ид̇аб̣б̣аа. самаяасад̣̇д̣̇асса ад̇т̇уд̣̇д̇хаарз абхисамаяасад̣̇д̣̇асса уд̣̇аахаран̣ам̣ вуд̇д̇анаязна взд̣̇ид̇аб̣б̣ам̣. ассаад̇и самаяасад̣̇д̣̇асса. гаало ад̇т̇о самавааяаад̣̇ийнам̣ ад̇т̇аанам̣ ид̇ха асамбхавад̇о, д̣̇зсад̣̇зсагабарисаанам̣ вияа суд̇д̇асса нид̣̇аанабхаавзна гааласса абад̣̇исид̇аб̣б̣ад̇о жа.

    Tattha sahakārikāraṇe sanijjhaṃ sameti samavetīti samayo, samavāyo. Sameti samāgacchati ettha maggabrahmacariyaṃ tadādhārapuggalehīti samayo, khaṇo. Sameti ettha, etena vā saṃgacchati satto, sabhāvadhammo vā sahajātādīhi, uppādādīhi vāti samayo, kālo. Dhammappavattimattatāya atthato abhūtopi hi kālo dhammappavattiyā adhikaraṇaṃ karaṇaṃ viya ca kappanāmattasiddhena rūpena voharīyatīti. Samaṃ, saha vā avayavānaṃ ayanaṃ pavatti avaṭṭhānanti samayo, samūho yathā ‘‘samudāyo’’ti. Avayavasahāvaṭṭhānameva hi samūhoti. Avasesapaccayānaṃ samāgame eti phalaṃ etasmā uppajjati pavattati cāti samayo, hetu yathā ‘‘samudayo’’ti. Sameti saṃyojanabhāvato sambaddho eti attano visaye pavattati, daḷhaggahaṇabhāvato vā saṃyuttā ayanti pavattanti sattā yathābhinivesaṃ etenāti samayo, diṭṭhi. Diṭṭhisaṃyojanena hi sattā ativiya bajjhantīti. Samiti saṅgati samodhānanti samayo, paṭilābho. Samassa yānaṃ, sammā vā yānaṃ apagamoti samayo, pahānaṃ. Abhimukhaṃ ñāṇena sammā etabbo abhisametabboti abhisamayo, dhammānaṃ aviparīto sabhāvo. Abhimukhabhāvena sammā eti gacchati bujjhatīti abhisamayo, dhammānaṃ aviparītasabhāvāvabodho. Evaṃ tasmiṃ tasmiṃ atthe samayasaddassa pavatti veditabbā. Samayasaddassa atthuddhāre abhisamayasaddassa udāharaṇaṃ vuttanayena veditabbaṃ. Assāti samayasaddassa. Kālo attho samavāyādīnaṃ atthānaṃ idha asambhavato, desadesakaparisānaṃ viya suttassa nidānabhāvena kālassa apadisitabbato ca.

    гасмаа банзд̇т̇а анияамид̇авасзнзва гаало нид̣̇д̣̇идто, на уд̇усам̣важчараад̣̇ивасзна нияамзд̇ваад̇и ааха – ‘‘д̇ад̇т̇а гин̃жаабий’’д̇иаад̣̇и. уд̇усам̣важчараад̣̇ивасзна нияамам̣ агад̇ваа самаяасад̣̇д̣̇асса важанз аяамби г̇ун̣о лад̣̇д̇хо ход̇ийд̇и д̣̇ассзнд̇о ‘‘яз ваа имз’’д̇иаад̣̇имааха. сааман̃н̃аж̇од̇анаа хи висзсз авад̇идтад̇ийд̇и. д̇ад̇т̇а д̣̇идтад̇хаммасукавихаарасамаяо д̣̇звасигам̣ жхаанасамаабад̇д̇ийхи вийд̇инааманагаало, висзсад̇о сад̇д̇асад̇д̇аахаани. суббагаасаад̇и д̣̇асасахассилогад̇хаад̇уяаа багамбанаобхаасабаад̇убхааваад̣̇ийхи баагадаа. яат̇аавуд̇д̇абхзд̣̇зсу зва самаязсу згад̣̇зсам̣ багааранд̇арзхи сан̇г̇ахзд̇ваа д̣̇ассзд̇ум̣ ‘‘яо жааяа’’нд̇иаад̣̇имааха. д̇ат̇аа хи н̃аан̣агижжасамаяо ад̇д̇ахид̇аббадибад̇д̇исамаяо жа абхисамб̣од̇хисамаяо, арияад̇ун̣хийбхаавасамаяо д̣̇идтад̇хаммасукавихаарасамаяо, гарун̣аагижжабарахид̇аббадибад̇д̇ид̇хаммигат̇аасамаяо д̣̇зсанаасамаяоязва.

    Kasmā panettha aniyamitavaseneva kālo niddiṭṭho, na utusaṃvaccharādivasena niyametvāti āha – ‘‘tattha kiñcāpī’’tiādi. Utusaṃvaccharādivasena niyamaṃ akatvā samayasaddassa vacane ayampi guṇo laddho hotīti dassento ‘‘ye vā ime’’tiādimāha. Sāmaññajotanā hi visese avatiṭṭhatīti. Tattha diṭṭhadhammasukhavihārasamayo devasikaṃ jhānasamāpattīhi vītināmanakālo, visesato sattasattāhāni. Suppakāsāti dasasahassilokadhātuyā pakampanaobhāsapātubhāvādīhi pākaṭā. Yathāvuttabhedesu eva samayesu ekadesaṃ pakārantarehi saṅgahetvā dassetuṃ ‘‘yo cāya’’ntiādimāha. Tathā hi ñāṇakiccasamayo attahitappaṭipattisamayo ca abhisambodhisamayo, ariyatuṇhībhāvasamayo diṭṭhadhammasukhavihārasamayo, karuṇākiccaparahitappaṭipattidhammikathāsamayo desanāsamayoyeva.

    гаран̣аважанзна нид̣̇д̣̇зсо гад̇од̇и самб̣анд̇хо. д̇ад̇т̇аад̇и абхид̇хаммавинаязсу. д̇ат̇аад̇и бхуммагаран̣зхи. ад̇хигаран̣ад̇т̇о аад̇хаарад̇т̇о. бхааво наама гирияаа, гирияааяа гирияанд̇аралагкан̣ам̣ бхаавзнабхаавалагкан̣ам̣. д̇ад̇т̇а яат̇аа гаало сабхаавад̇хаммабарижчинно саяам̣ барамад̇т̇ад̇о авиж̇ж̇амааноби аад̇хаарабхаавзна бан̃н̃аад̇о д̇ан̇кан̣аббавад̇д̇аанам̣ д̇ад̇о буб̣б̣з барад̇о жа абхаавад̇о ‘‘буб̣б̣ан̣хз ж̇аад̇о, сааяанхз г̇ажчад̇ий’’д̇и жа аад̣̇ийсу, самуухо жа аваяававинимуд̇д̇о авиж̇ж̇амааноби габбанаамад̇д̇асид̣̇д̇хо аваяаваанам̣ аад̇хаарабхаавзна бан̃н̃аабийяад̇и ‘‘ругкз саакаа, яавараасияам̣ самбхууд̇о’’д̇иаад̣̇ийсу, звам̣ ид̇хаабийд̇и д̣̇ассзнд̇о ааха – ‘‘ад̇хигаран̣ам̣…бз… д̇хаммаана’’нд̇и. яасмим̣ гаалз, д̇хаммабун̃ж̇з ваа гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣ зва гаалз, д̇хаммабун̃ж̇з жа пассаад̣̇аяоби хонд̇ийд̇и аяан̃хи д̇ад̇т̇а ад̇т̇о. яат̇аа ‘‘г̇аавийсу д̣̇уяхамаанаасу г̇ад̇о, д̣̇уд̣̇д̇хаасу ааг̇ад̇о’’д̇и д̣̇оханагирияааяа г̇аманагирияаа лагкийяад̇и, звам̣ ид̇хааби ‘‘яасмим̣ самаяз, д̇асмим̣ самаяз’’д̇и жа вуд̇д̇з ‘‘сад̇ий’’д̇и аяамад̇т̇о вин̃н̃ааяамаано зва ход̇и бад̣̇ад̇т̇асса сад̇д̇аавирахаабхаавад̇од̇и самаяасса сад̇д̇аагирияааяа жид̇д̇асса уббаад̣̇агирияаа, пассаад̣̇ийнам̣ бхаванагирияаа жа лагкийяад̇ийд̇и. яасмим̣ самаязд̇и яасмим̣ навамз кан̣з, яасмим̣ яонисоманасигаараад̣̇ихзд̇умхи, бажжаяасамавааяз ваа сад̇и гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣язва кан̣з хзд̇умхи бажжаяасамавааяз жа пассаад̣̇аяоби хонд̇ийд̇и убхаяад̇т̇а самаяасад̣̇д̣̇з бхумманид̣̇д̣̇зсо гад̇о лагкан̣абхууд̇абхааваяуд̇д̇од̇и д̣̇ассзнд̇о ааха – ‘‘кан̣а…бз… лагкийяад̇ий’’д̇и.

    Karaṇavacanena niddeso katoti sambandho. Tatthāti abhidhammavinayesu. Tathāti bhummakaraṇehi. Adhikaraṇattho ādhārattho. Bhāvo nāma kiriyā, kiriyāya kiriyantaralakkhaṇaṃ bhāvenabhāvalakkhaṇaṃ. Tattha yathā kālo sabhāvadhammaparicchinno sayaṃ paramatthato avijjamānopi ādhārabhāvena paññāto taṅkhaṇappavattānaṃ tato pubbe parato ca abhāvato ‘‘pubbaṇhe jāto, sāyanhe gacchatī’’ti ca ādīsu, samūho ca avayavavinimutto avijjamānopi kappanāmattasiddho avayavānaṃ ādhārabhāvena paññāpīyati ‘‘rukkhe sākhā, yavarāsiyaṃ sambhūto’’tiādīsu, evaṃ idhāpīti dassento āha – ‘‘adhikaraṇaṃ…pe… dhammāna’’nti. Yasmiṃ kāle, dhammapuñje vā kāmāvacaraṃ kusalaṃ cittaṃ uppannaṃ hoti, tasmiṃ eva kāle, dhammapuñje ca phassādayopi hontīti ayañhi tattha attho. Yathā ‘‘gāvīsu duyhamānāsu gato, duddhāsu āgato’’ti dohanakiriyāya gamanakiriyā lakkhīyati, evaṃ idhāpi ‘‘yasmiṃ samaye, tasmiṃ samaye’’ti ca vutte ‘‘satī’’ti ayamattho viññāyamāno eva hoti padatthassa sattāvirahābhāvatoti samayassa sattākiriyāya cittassa uppādakiriyā, phassādīnaṃ bhavanakiriyā ca lakkhīyatīti. Yasmiṃ samayeti yasmiṃ navame khaṇe, yasmiṃ yonisomanasikārādihetumhi, paccayasamavāye vā sati kāmāvacaraṃ kusalaṃ cittaṃ uppannaṃ hoti, tasmiṃyeva khaṇe hetumhi paccayasamavāye ca phassādayopi hontīti ubhayattha samayasadde bhummaniddeso kato lakkhaṇabhūtabhāvayuttoti dassento āha – ‘‘khaṇa…pe… lakkhīyatī’’ti.

    хзд̇уад̇т̇о гаран̣ад̇т̇о жа самбхавад̇и ‘‘аннзна васад̇и, аж̇жхзнзна васад̇и, парасунаа чинд̣̇ад̇и, гуд̣̇аалзна кан̣ад̇ий’’д̇иаад̣̇ийсу вияа. вийд̇иггаман̃хи суд̇ваа бхигкусан̇гхам̣ саннибаад̇аабзд̇ваа од̇ин̣н̣з вад̇т̇усмим̣ д̇ам̣ буг̇г̇алам̣ бадибужчид̇ваа виг̇арахид̇ваа жа д̇ам̣ д̇ам̣ вад̇т̇ум̣ од̇ин̣н̣агаалам̣ анад̇иггамид̇ваа д̇знзва гаалзна сигкаабад̣̇аани бан̃н̃аабзнд̇о бхаг̇аваа вихарад̇и сигкаабад̣̇абан̃н̃ад̇д̇ихзд̇ун̃жа абзгкамаано д̇ад̇ияабаарааж̇игаад̣̇ийсу вияа.

    Hetuattho karaṇattho ca sambhavati ‘‘annena vasati, ajjhenena vasati, pharasunā chindati, kudālena khaṇatī’’tiādīsu viya. Vītikkamañhi sutvā bhikkhusaṅghaṃ sannipātāpetvā otiṇṇe vatthusmiṃ taṃ puggalaṃ paṭipucchitvā vigarahitvā ca taṃ taṃ vatthuṃ otiṇṇakālaṃ anatikkamitvā teneva kālena sikkhāpadāni paññāpento bhagavā viharati sikkhāpadapaññattihetuñca apekkhamāno tatiyapārājikādīsu viya.

    ажжанд̇амзва аарамбхад̇о бадтааяа яаава д̣̇зсанаанидтаанам̣ барахид̇аббадибад̇д̇исан̇каад̇зна гарун̣аавихаарзна. д̇ад̣̇ад̇т̇аж̇од̇анад̇т̇анд̇и ажжанд̇асам̣яог̇ад̇т̇аж̇од̇анад̇т̇ам̣. убаяог̇аважананид̣̇д̣̇зсо гад̇о яат̇аа ‘‘маасам̣ аж̇жхзд̇ий’’д̇и. бораан̣аад̇и адтагат̇аажарияаа. абхилаабамад̇д̇абхзд̣̇од̇и важанамад̇д̇зна висзсо. д̇зна суд̇д̇авинаязсу вибхад̇д̇иб̣яад̇д̇аяо гад̇од̇и д̣̇ассзд̇и.

    Accantameva ārambhato paṭṭhāya yāva desanāniṭṭhānaṃ parahitappaṭipattisaṅkhātena karuṇāvihārena. Tadatthajotanatthanti accantasaṃyogatthajotanatthaṃ. Upayogavacananiddeso kato yathā ‘‘māsaṃ ajjhetī’’ti. Porāṇāti aṭṭhakathācariyā. Abhilāpamattabhedoti vacanamattena viseso. Tena suttavinayesu vibhattibyattayo katoti dasseti.

    ид̣̇аани ‘‘бхаг̇аваа’’д̇и имасса ад̇т̇ам̣ д̣̇ассзнд̇о ааха – ‘‘бхаг̇аваад̇и г̇аруу’’д̇иаад̣̇и. бхаг̇аваад̇и важанам̣ сздтанд̇и сздтаваажагам̣ важанам̣, сздтаг̇ун̣асахажаран̣ам̣ сздтанд̇и вуд̇д̇ам̣. ат̇а ваа вужжад̇ийд̇и важанам̣, ад̇т̇о. яасмаа яо ‘‘бхаг̇аваа’’д̇и важанзна важанийяо ад̇т̇о, со сздтод̇и ад̇т̇о. бхаг̇аваад̇и важанамуд̇д̇аманд̇и зд̇т̇ааби зсзва наяо. г̇аараваяуд̇д̇од̇и г̇арубхааваяуд̇д̇о г̇аруг̇ун̣аяог̇ад̇о. г̇аругаран̣ам̣ ваа саад̇исаяам̣ арахад̇ийд̇и г̇аараваяуд̇д̇о, г̇аараваараход̇и ад̇т̇о. сиббаад̣̇исигкаабагаа г̇аруу хонд̇и, на жа г̇аараваяуд̇д̇аа, аяам̣ бана д̇аад̣̇исо на ход̇и, д̇асмаа г̇арууд̇и вад̇ваа г̇аараваяуд̇д̇од̇и вуд̇д̇анд̇и гзжи. вуд̇д̇оязва, на ид̇ха вад̇д̇аб̣б̣о висуд̣̇д̇химаг̇г̇асса имиссаа адтагат̇ааяа згад̣̇зсабхаавад̇од̇и ад̇хиббааяо.

    Idāni ‘‘bhagavā’’ti imassa atthaṃ dassento āha – ‘‘bhagavāti garū’’tiādi. Bhagavāti vacanaṃ seṭṭhanti seṭṭhavācakaṃ vacanaṃ, seṭṭhaguṇasahacaraṇaṃ seṭṭhanti vuttaṃ. Atha vā vuccatīti vacanaṃ, attho. Yasmā yo ‘‘bhagavā’’ti vacanena vacanīyo attho, so seṭṭhoti attho. Bhagavāti vacanamuttamanti etthāpi eseva nayo. Gāravayuttoti garubhāvayutto garuguṇayogato. Garukaraṇaṃ vā sātisayaṃ arahatīti gāravayutto, gāravārahoti attho. Sippādisikkhāpakā garū honti, na ca gāravayuttā, ayaṃ pana tādiso na hoti, tasmā garūti vatvā gāravayuttoti vuttanti keci. Vuttoyeva, na idha vattabbo visuddhimaggassa imissā aṭṭhakathāya ekadesabhāvatoti adhippāyo.

    д̇хаммасарийрам̣ бажжагкам̣ гарод̇ийд̇и ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о , со во мамажжаязна сад̇т̇аа’’д̇и (д̣̇ий. ни. 2.216) важанад̇о д̇хаммасса сад̇т̇убхаавабарияааяо виж̇ж̇ад̇ийд̇и гад̇ваа вуд̇д̇ам̣. важ̇ирасан̇гхаад̇асамаанагааяо барзхи абхзж̇ж̇асарийрад̇д̇аа. на хи бхаг̇авад̇о руубагааяз гзнажи саггаа анд̇арааяо гаад̇унд̇и. д̣̇зсанаасамбад̇д̇им̣ нид̣̇д̣̇исад̇и вагкамаанасса сагаласуд̇д̇асса званд̇и нид̣̇д̣̇исанад̇о. саавагасамбад̇д̇им̣ нид̣̇д̣̇исад̇и бадисамбхид̣̇аабад̇д̇зна бан̃жасу таанзсу бхаг̇авад̇аа зд̇ад̣̇аг̇г̇з табид̇зна маяаа махаасаавагзна суд̇ам̣, д̇ан̃жа ко маяаа суд̇ам̣, на ануссуд̇игам̣, на барамбараабхад̇анд̇и имасса ад̇т̇асса д̣̇ийбанад̇о. гааласамбад̇д̇им̣ нид̣̇д̣̇исад̇и ‘‘бхаг̇аваа’’д̇и бад̣̇асса саннид̇хаанз баяуд̇д̇асса самаяасад̣̇д̣̇асса гааласса б̣уд̣̇д̇хуббаад̣̇аббадиман̣д̣ид̇абхаавад̣̇ийбанад̇о . б̣уд̣̇д̇хуббаад̣̇абарамаа хи гааласамбад̣̇аа. д̇знзд̇ам̣ вужжад̇и –

    Dhammasarīraṃ paccakkhaṃ karotīti ‘‘yo vo, ānanda, mayā dhammo ca vinayo ca desito paññatto , so vo mamaccayena satthā’’ti (dī. ni. 2.216) vacanato dhammassa satthubhāvapariyāyo vijjatīti katvā vuttaṃ. Vajirasaṅghātasamānakāyo parehi abhejjasarīrattā. Na hi bhagavato rūpakāye kenaci sakkā antarāyo kātunti. Desanāsampattiṃ niddisati vakkhamānassa sakalasuttassa evanti niddisanato. Sāvakasampattiṃ niddisati paṭisambhidāpattena pañcasu ṭhānesu bhagavatā etadagge ṭhapitena mayā mahāsāvakena sutaṃ, tañca kho mayā sutaṃ, na anussutikaṃ, na paramparābhatanti imassa atthassa dīpanato. Kālasampattiṃ niddisati ‘‘bhagavā’’ti padassa sannidhāne payuttassa samayasaddassa kālassa buddhuppādappaṭimaṇḍitabhāvadīpanato . Buddhuppādaparamā hi kālasampadā. Tenetaṃ vuccati –

    ‘‘габбагасааяз галияуг̇з, б̣уд̣̇д̇хуббаад̣̇о ахо махажчарияам̣;

    ‘‘Kappakasāye kaliyuge, buddhuppādo aho mahacchariyaṃ;

    худ̇аавахамаж̇жхз ж̇аад̇ам̣, самуд̣̇ид̇амагаранд̣̇амаравинд̣̇а’’нд̇и. (д̣̇ий. ни. дий. 1.1; сам̣. ни. дий. 1.1.1 д̣̇звад̇аасам̣яуд̇д̇а);

    Hutāvahamajjhe jātaṃ, samuditamakarandamaravinda’’nti. (dī. ni. ṭī. 1.1; saṃ. ni. ṭī. 1.1.1 devatāsaṃyutta);

    бхаг̇аваад̇и д̣̇зсагасамбад̇д̇им̣ нид̣̇д̣̇исад̇и г̇ун̣ависидтасад̇д̇уд̇д̇амаг̇аруг̇аараваад̇хиважанабхаавад̇о.

    Bhagavāti desakasampattiṃ niddisati guṇavisiṭṭhasattuttamagarugāravādhivacanabhāvato.

    звам̣наамагз наг̇арзд̇и гат̇ам̣ банзд̇ам̣ наг̇арам̣ звам̣наамагам̣ ж̇аад̇анд̇и? вужжад̇з, яат̇аа гааганд̣̇асса исино ниваасадтаанз маабид̇аа наг̇арий гааганд̣̇ий, мааганд̣̇асса ниваасадтаанз маабид̇аа мааганд̣̇ий, гусамб̣асса ниваасадтаанз маабид̇аа госамб̣ийд̇и вужжад̇и, звам̣ савад̇т̇асса исино ниваасадтаанз маабид̇аа наг̇арий саавад̇т̇ийд̇и вужжад̇и. звам̣ д̇аава агкаражинд̇агаа вад̣̇анд̇и. адтагат̇аажарияаа бана бхан̣анд̇и – ‘‘яам̣ гин̃жи мануссаанам̣ убабхог̇абарибхог̇ам̣, саб̣б̣амзд̇т̇а ад̇т̇ий’’д̇и саавад̇т̇и. сад̇т̇асамааяог̇з жа ‘гим̣ бхан̣д̣амад̇т̇ий’д̇и бужчид̇з ‘саб̣б̣амад̇т̇ий’д̇и важанамубаад̣̇ааяа саавад̇т̇и.

    Evaṃnāmake nagareti kathaṃ panetaṃ nagaraṃ evaṃnāmakaṃ jātanti? Vuccate, yathā kākandassa isino nivāsaṭṭhāne māpitā nagarī kākandī, mākandassa nivāsaṭṭhāne māpitā mākandī, kusambassa nivāsaṭṭhāne māpitā kosambīti vuccati, evaṃ savatthassa isino nivāsaṭṭhāne māpitā nagarī sāvatthīti vuccati. Evaṃ tāva akkharacintakā vadanti. Aṭṭhakathācariyā pana bhaṇanti – ‘‘yaṃ kiñci manussānaṃ upabhogaparibhogaṃ, sabbamettha atthī’’ti sāvatthi. Satthasamāyoge ca ‘kiṃ bhaṇḍamatthī’ti pucchite ‘sabbamatthī’ti vacanamupādāya sāvatthi.

    ‘‘саб̣б̣ад̣̇аа саб̣б̣уубагаран̣ам̣, саавад̇т̇ияам̣ самохид̇ам̣;

    ‘‘Sabbadā sabbūpakaraṇaṃ, sāvatthiyaṃ samohitaṃ;

    д̇асмаа саб̣б̣амубаад̣̇ааяа, саавад̇т̇ийд̇и бавужжад̇и. (ма. ни. адта. 1.14; ку. баа. адта. 5.ман̇г̇аласуд̇д̇аван̣н̣анаа; уд̣̇аа. адта. 5; бади. ма. 2.1.184);

    Tasmā sabbamupādāya, sāvatthīti pavuccati. (ma. ni. aṭṭha. 1.14; khu. pā. aṭṭha. 5.maṅgalasuttavaṇṇanā; udā. aṭṭha. 5; paṭi. ma. 2.1.184);

    ‘‘госалаанам̣ бурам̣ раммам̣, д̣̇ассанзяяам̣ манорамам̣;

    ‘‘Kosalānaṃ puraṃ rammaṃ, dassaneyyaṃ manoramaṃ;

    д̣̇асахи сад̣̇д̣̇зхи авивид̇д̇ам̣, аннабаанасамааяуд̇ам̣.

    Dasahi saddehi avivittaṃ, annapānasamāyutaṃ.

    ‘‘вуд̣̇д̇хим̣ взбуллад̇ам̣ бад̇д̇ам̣, ид̣̇д̇хам̣ пийд̇ам̣ манорамам̣;

    ‘‘Vuddhiṃ vepullataṃ pattaṃ, iddhaṃ phītaṃ manoramaṃ;

    аал̣агаманд̣̇аава д̣̇зваанам̣, саавад̇т̇ибурамуд̇д̇ама’’нд̇и. (ма. ни. адта. 1.14; ку. баа. адта. 5.ман̇г̇аласуд̇д̇аван̣н̣анаа);

    Āḷakamandāva devānaṃ, sāvatthipuramuttama’’nti. (ma. ni. aṭṭha. 1.14; khu. pā. aṭṭha. 5.maṅgalasuttavaṇṇanā);

    ависзсзнаад̇и на висзсзна, вихаарабхаавасааман̃н̃знаад̇и ад̇т̇о. ирияаабат̇авихааро…бз… вихаарзсууд̇и ирияаабат̇авихааро д̣̇иб̣б̣авихааро б̣рахмавихааро арияавихаарод̇и зд̇зсу жад̇уусу вихаарзсу. саман̇г̇ибарид̣̇ийбананд̇и саман̇г̇ибхаавабарид̣̇ийбанам̣. зд̇анд̇и вихарад̇ийд̇и зд̇ам̣ бад̣̇ам̣. д̇ат̇аа хи д̇ам̣ ‘‘ид̇хзгажжо г̇ихисам̣садто вихарад̇и сахананд̣̇ий сахасогий’’д̇иаад̣̇ийсу (сам̣. ни. 4.241) ирияаабат̇авихаарз ааг̇ад̇ам̣, ‘‘яасмим̣ самаяз, бхигкавз, бхигку вивижжзва гаамзхи … батамам̣ жхаанам̣ убасамбаж̇ж̇а вихарад̇ий’’д̇иаад̣̇ийсу (д̇ха. са. 499; вибха. 624) д̣̇иб̣б̣авихаарз, ‘‘со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇иаад̣̇ийсу (д̣̇ий. ни. 1.556; 3.308; ма. ни. 1.77, 459, 509; 2.309, 315, 451, 471; 3.230, вибха. 642, 643) б̣рахмавихаарз, ‘‘со кохам̣, аг̇г̇ивзссана, д̇ассааязва гат̇ааяа барияосаанз д̇асмим̣язва буримасмим̣ самаад̇хинимид̇д̇з аж̇жхад̇д̇амзва жид̇д̇ам̣ сан̣табзми саннисаад̣̇зми згод̣̇им̣ гароми, самаад̣̇ахаами, язна суд̣̇ам̣ нижжагаббам̣ вихараамий’’д̇иаад̣̇ийсу (ма. ни. 1.387) арияавихаарз.

    Avisesenāti na visesena, vihārabhāvasāmaññenāti attho. Iriyāpathavihāro…pe… vihāresūti iriyāpathavihāro dibbavihāro brahmavihāro ariyavihāroti etesu catūsu vihāresu. Samaṅgiparidīpananti samaṅgibhāvaparidīpanaṃ. Etanti viharatīti etaṃ padaṃ. Tathā hi taṃ ‘‘idhekacco gihisaṃsaṭṭho viharati sahanandī sahasokī’’tiādīsu (saṃ. ni. 4.241) iriyāpathavihāre āgataṃ, ‘‘yasmiṃ samaye, bhikkhave, bhikkhu vivicceva kāmehi … paṭhamaṃ jhānaṃ upasampajja viharatī’’tiādīsu (dha. sa. 499; vibha. 624) dibbavihāre, ‘‘so mettāsahagatena cetasā ekaṃ disaṃ pharitvā viharatī’’tiādīsu (dī. ni. 1.556; 3.308; ma. ni. 1.77, 459, 509; 2.309, 315, 451, 471; 3.230, vibha. 642, 643) brahmavihāre, ‘‘so khohaṃ, aggivessana, tassāyeva kathāya pariyosāne tasmiṃyeva purimasmiṃ samādhinimitte ajjhattameva cittaṃ saṇṭhapemi sannisādemi ekodiṃ karomi, samādahāmi, yena sudaṃ niccakappaṃ viharāmī’’tiādīsu (ma. ni. 1.387) ariyavihāre.

    д̇ад̇т̇а ирияанам̣ бавад̇д̇анам̣ ирияаа, гааяаббаяог̇о. д̇ассаа бавад̇д̇ануубааяабхаавад̇о таанаад̣̇и ирияаабат̇о. таанасаман̇г̇ий ваа хи гааязна гин̃жи гарзяяа г̇аманаад̣̇ийсу ан̃н̃ад̇арасаман̇г̇ий ваа. ат̇а ваа ирияад̇и бавад̇д̇ад̇и зд̇зна ад̇д̇абхааво, гааяагижжам̣ ваад̇и ирияаа, д̇ассаа бавад̇д̇ияаа убааяабхаавад̇о бат̇од̇и ирияаабат̇о, таанаад̣̇и зва. со жа ад̇т̇ад̇о г̇ад̇инивад̇д̇иаад̣̇иаагаарзна бавад̇д̇о жад̇усанд̇ад̇ируубаббаб̣анд̇хо зва. вихаран̣ам̣, вихарад̇и зд̇знаад̇и ваа вихааро. д̣̇иви бхаво д̣̇иб̣б̣о, д̇ад̇т̇а б̣ахулаббавад̇д̇ияаа б̣рахмабаарисаж̇ж̇аад̣̇ид̣̇звалогз бхавод̇и ад̇т̇о. д̇ад̇т̇а яо д̣̇иб̣б̣аанубхааво, д̇ад̣̇ад̇т̇ааяа сам̣вад̇д̇ад̇ийд̇и ваа д̣̇иб̣б̣о, абхин̃н̃аабхинийхааравасзна махааг̇ад̇игад̇д̇аа ваа д̣̇иб̣б̣о, д̣̇иб̣б̣о жа со вихааро жаад̇и д̣̇иб̣б̣авихааро, жад̇ассо руубааважарасамаабад̇д̇ияо. аруубасамаабад̇д̇ияоби зд̇т̇зва сан̇г̇ахам̣ г̇ажчанд̇и. б̣рахмаанам̣, б̣рахмаано ваа вихаараа б̣рахмавихаараа, жад̇ассо аббаман̃н̃ааяо. арияо, арияаанам̣ ваа вихааро арияавихааро, жад̇д̇аари сааман̃н̃апалаани. со хи згам̣ ирияаабат̇аб̣аад̇хананд̇иаад̣̇и яад̣̇иби бхаг̇аваа згзнаби ирияаабат̇зна жирад̇арам̣ гаалам̣ ад̇д̇абхаавам̣ бавад̇д̇зд̇ум̣ саггод̇и, д̇ат̇ааби убаад̣̇иннагасарийрасса аяам̣ сабхаавод̇и д̣̇ассзд̇ум̣ вуд̇д̇ам̣. яасмаа ваа бхаг̇аваа яад̇т̇а гад̇т̇ажи васанд̇о взнзяяаанам̣ д̇хаммам̣ д̣̇зсзнд̇о наанаасамаабад̇д̇ийхи жа гаалам̣ вийд̇инаамзнд̇о васад̇ийд̇и сад̇д̇аанам̣ ад̇д̇ано жа вивид̇хахид̇асукам̣ харад̇и убанзд̇и уббаад̣̇зд̇и, д̇асмаа вивид̇хам̣ харад̇ийд̇и вихарад̇ийд̇и звамзд̇т̇а ад̇т̇о взд̣̇ид̇аб̣б̣о.

    Tattha iriyanaṃ pavattanaṃ iriyā, kāyappayogo. Tassā pavattanūpāyabhāvato ṭhānādi iriyāpatho. Ṭhānasamaṅgī vā hi kāyena kiñci kareyya gamanādīsu aññatarasamaṅgī vā. Atha vā iriyati pavattati etena attabhāvo, kāyakiccaṃ vāti iriyā, tassā pavattiyā upāyabhāvato pathoti iriyāpatho, ṭhānādi eva. So ca atthato gatinivattiādiākārena pavatto catusantatirūpappabandho eva. Viharaṇaṃ, viharati etenāti vā vihāro. Divi bhavo dibbo, tattha bahulappavattiyā brahmapārisajjādidevaloke bhavoti attho. Tattha yo dibbānubhāvo, tadatthāya saṃvattatīti vā dibbo, abhiññābhinīhāravasena mahāgatikattā vā dibbo, dibbo ca so vihāro cāti dibbavihāro, catasso rūpāvacarasamāpattiyo. Arūpasamāpattiyopi ettheva saṅgahaṃ gacchanti. Brahmānaṃ, brahmāno vā vihārā brahmavihārā, catasso appamaññāyo. Ariyo, ariyānaṃ vā vihāro ariyavihāro, cattāri sāmaññaphalāni. So hi ekaṃ iriyāpathabādhanantiādi yadipi bhagavā ekenapi iriyāpathena cirataraṃ kālaṃ attabhāvaṃ pavattetuṃ sakkoti, tathāpi upādinnakasarīrassa ayaṃ sabhāvoti dassetuṃ vuttaṃ. Yasmā vā bhagavā yattha katthaci vasanto veneyyānaṃ dhammaṃ desento nānāsamāpattīhi ca kālaṃ vītināmento vasatīti sattānaṃ attano ca vividhahitasukhaṃ harati upaneti uppādeti, tasmā vividhaṃ haratīti viharatīti evamettha attho veditabbo.

    ж̇зд̇асса рааж̇агумаарассаад̇и зд̇т̇а ад̇д̇ано бажжад̇т̇игаж̇анам̣ ж̇инаад̇ийд̇и ж̇зд̇о. сод̇асад̣̇д̣̇о вияа хи гад̇д̇усаад̇хано ж̇зд̇асад̣̇д̣̇о. ат̇а ваа ран̃н̃аа басзнад̣̇игосалзна ад̇д̇ано бажжад̇т̇игаж̇анз ж̇ид̇з ж̇аад̇од̇и ж̇зд̇о. ран̃н̃о хи ж̇аяам̣ ааробзд̇ваа гумааро ж̇ид̇аваад̇и ж̇зд̇од̇и вуд̇д̇о. ман̇г̇алагаамад̇ааяа ваа д̇асса звам̣наамамзва гад̇анд̇и ж̇зд̇о. ман̇г̇алагаамад̇ааяа хи ж̇зяяод̇и зд̇асмим̣ ад̇т̇з ж̇зд̇од̇и вуд̇д̇ам̣. вид̇т̇ааро банаад̇иаад̣̇инаа ‘‘анаат̇абин̣д̣игасса аараамз’’д̇и зд̇т̇а суд̣̇ад̇д̇о наама со, г̇ахабад̇и, маад̇аабид̇уухи гад̇анаамавасзна, саб̣б̣агаамасамид̣̇д̇хад̇ааяа бана виг̇ад̇амажчзрад̇ааяа гарун̣аад̣̇иг̇ун̣асаман̇г̇ид̇ааяа жа нижжагаалам̣ анаат̇аанам̣ бин̣д̣амад̣̇ааси. д̇зна анаат̇абин̣д̣игод̇и сан̇кам̣ г̇ад̇о. аараманд̇и зд̇т̇а баан̣ино, висзсзна ваа баб̣б̣аж̇ид̇аад̇и аараамо, д̇асса бубпапалаад̣̇исобхааяа наад̇ид̣̇ууранажжаасаннад̇аад̣̇ибан̃жавид̇хасзнаасанан̇г̇асамбад̇д̇ияаа жа д̇ад̇о д̇ад̇о ааг̇амма раманд̇и абхираманд̇и, анугган̣тид̇аа худ̇ваа нивасанд̇ийд̇и ад̇т̇о. вуд̇д̇аббагаарааяа ваа самбад̇д̇ияаа д̇ад̇т̇а д̇ад̇т̇а г̇ад̇зби ад̇д̇ано аб̣бханд̇арам̣язва аанзд̇ваа рамзд̇ийд̇и аараамо. со хи анаат̇абин̣д̣игзна г̇ахабад̇инаа ж̇зд̇асса рааж̇агумаарасса хад̇т̇ад̇о адтаарасахиран̃н̃агодийхи сант̇аарзна гин̣ид̇ваа адтаарасахиран̃н̃агодийхи сзнаасанаани гаараабзд̇ваа адтаарасахиран̃н̃агодийхи вихаарамахам̣ нидтаабзд̇ваа звам̣ жад̇убан̃н̃аасахиран̃н̃агодибарижжааг̇зна б̣уд̣̇д̇хаббамукасса бхигкусан̇гхасса нияяаад̇ид̇о, д̇асмаа ‘‘анаат̇абин̣д̣игасса аараамо’’д̇и вужжад̇ийд̇и имамад̇т̇ам̣ нид̣̇ассзд̇и.

    Jetassarājakumārassāti ettha attano paccatthikajanaṃ jinātīti jeto. Sotasaddo viya hi kattusādhano jetasaddo. Atha vā raññā pasenadikosalena attano paccatthikajane jite jātoti jeto. Rañño hi jayaṃ āropetvā kumāro jitavāti jetoti vutto. Maṅgalakāmatāya vā tassa evaṃnāmameva katanti jeto. Maṅgalakāmatāya hi jeyyoti etasmiṃ atthe jetoti vuttaṃ. Vitthāro panātiādinā ‘‘anāthapiṇḍikassa ārāme’’ti ettha sudatto nāma so, gahapati, mātāpitūhi katanāmavasena, sabbakāmasamiddhatāya pana vigatamaccheratāya karuṇādiguṇasamaṅgitāya ca niccakālaṃ anāthānaṃ piṇḍamadāsi. Tena anāthapiṇḍikoti saṅkhaṃ gato. Āramanti ettha pāṇino, visesena vā pabbajitāti ārāmo, tassa pupphaphalādisobhāya nātidūranaccāsannatādipañcavidhasenāsanaṅgasampattiyā ca tato tato āgamma ramanti abhiramanti, anukkaṇṭhitā hutvā nivasantīti attho. Vuttappakārāya vā sampattiyā tattha tattha gatepi attano abbhantaraṃyeva ānetvā rametīti ārāmo. So hi anāthapiṇḍikena gahapatinā jetassa rājakumārassa hatthato aṭṭhārasahiraññakoṭīhi santhārena kiṇitvā aṭṭhārasahiraññakoṭīhi senāsanāni kārāpetvā aṭṭhārasahiraññakoṭīhi vihāramahaṃ niṭṭhāpetvā evaṃ catupaññāsahiraññakoṭipariccāgena buddhappamukhassa bhikkhusaṅghassa niyyātito, tasmā ‘‘anāthapiṇḍikassa ārāmo’’ti vuccatīti imamatthaṃ nidasseti.

    д̇ад̇т̇аад̇и ‘‘згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз’’д̇и яам̣ вуд̇д̇ам̣ ваагяам̣, д̇ад̇т̇а. сияаад̇и гассажи звам̣ баривид̇агго сияаа, вагкамаанаагаарзна гад̣̇аажи жод̣̇зяяа ваад̇и ад̇т̇о. ат̇а д̇ад̇т̇а вихарад̇ийд̇и яад̣̇и ж̇зд̇аванз анаат̇абин̣д̣игасса аараамз вихарад̇и. на вад̇д̇аб̣б̣анд̇и наанаатаанабхууд̇ад̇д̇аа саавад̇т̇иж̇зд̇аванаанам̣, ‘‘згам̣ самаяа’’нд̇и жа вуд̇д̇ад̇д̇аад̇и ад̇хиббааяо. ид̣̇аани жод̣̇аго д̇амзва ад̇д̇ано ад̇хиббааяам̣ ‘‘на хи саггаа’’д̇иаад̣̇инаа виварад̇и. ид̇аро саб̣б̣амзд̇ам̣ авибарийд̇ам̣ ад̇т̇ам̣ аж̇аананд̇зна д̇аяаа вуд̇д̇анд̇и д̣̇ассзнд̇о ‘‘на ко банзд̇ам̣ звам̣ д̣̇адтаб̣б̣а’’нд̇иаад̣̇имааха. д̇ад̇т̇а зд̇анд̇и ‘‘саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз’’д̇и зд̇ам̣ важанам̣. званд̇и ‘‘яад̣̇и д̇аава бхаг̇аваа’’д̇иаад̣̇инаа яам̣ д̇ам̣ бхавад̇аа жод̣̇ид̇ам̣, д̇ам̣ ад̇т̇ад̇о звам̣ на ко бана д̣̇адтаб̣б̣ам̣, на убхаяад̇т̇а абуб̣б̣ам̣ ажаримам̣ вихаарад̣̇ассанад̇т̇анд̇и ад̇т̇о. ид̣̇аани ад̇д̇анаа яат̇аад̇хиббзд̇ам̣ авибарийд̇амад̇т̇ам̣, д̇асса жа бадигажжзва вуд̇д̇абхаавам̣, д̇зна жа аббадивид̣̇д̇хад̇ам̣ багаасзнд̇о ‘‘нану авожумха…бз… ж̇зд̇аванз’’д̇и ааха. звамби ‘‘ж̇зд̇аванз анаат̇абин̣д̣игасса аараамз вихарад̇и’’жжзва вад̇д̇аб̣б̣ам̣, на ‘‘саавад̇т̇ияа’’нд̇и жод̣̇анам̣ манаси гад̇ваа вуд̇д̇ам̣ – ‘‘г̇ожараг̇ааманид̣̇ассанад̇т̇а’’нд̇иаад̣̇и.

    Tatthāti ‘‘ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme’’ti yaṃ vuttaṃ vākyaṃ, tattha. Siyāti kassaci evaṃ parivitakko siyā, vakkhamānākārena kadāci codeyya vāti attho. Atha tattha viharatīti yadi jetavane anāthapiṇḍikassa ārāme viharati. Na vattabbanti nānāṭhānabhūtattā sāvatthijetavanānaṃ, ‘‘ekaṃ samaya’’nti ca vuttattāti adhippāyo. Idāni codako tameva attano adhippāyaṃ ‘‘na hi sakkā’’tiādinā vivarati. Itaro sabbametaṃ aviparītaṃ atthaṃ ajānantena tayā vuttanti dassento ‘‘na kho panetaṃ evaṃ daṭṭhabba’’ntiādimāha. Tattha etanti ‘‘sāvatthiyaṃ viharati jetavane anāthapiṇḍikassa ārāme’’ti etaṃ vacanaṃ. Evanti ‘‘yadi tāva bhagavā’’tiādinā yaṃ taṃ bhavatā coditaṃ, taṃ atthato evaṃ na kho pana daṭṭhabbaṃ, na ubhayattha apubbaṃ acarimaṃ vihāradassanatthanti attho. Idāni attanā yathādhippetaṃ aviparītamatthaṃ, tassa ca paṭikacceva vuttabhāvaṃ, tena ca appaṭividdhataṃ pakāsento ‘‘nanu avocumha…pe… jetavane’’ti āha. Evampi ‘‘jetavane anāthapiṇḍikassa ārāme viharati’’cceva vattabbaṃ, na ‘‘sāvatthiya’’nti codanaṃ manasi katvā vuttaṃ – ‘‘gocaragāmanidassanattha’’ntiādi.

    авассан̃жзд̇т̇а г̇ожараг̇аамагид̇д̇анам̣ гад̇д̇аб̣б̣ам̣. д̇ат̇аа хи д̇ам̣ яат̇аа ж̇зд̇аванаад̣̇игид̇д̇анам̣ баб̣б̣аж̇ид̇аануг̇г̇ахагаран̣аад̣̇ианзгаббаяож̇анам̣, звам̣ г̇ожараг̇аамагид̇д̇анамби г̇ахадтаануг̇г̇ахагаран̣аад̣̇ививид̇хабаяож̇ананд̇и д̣̇ассзнд̇о ‘‘саавад̇т̇иважанзнаа’’д̇иаад̣̇имааха. д̇ад̇т̇а бажжаяаг̇г̇ахан̣зна убасан̇гамабаяирубаасанаанам̣ огаасад̣̇аанзна д̇хаммад̣̇зсанааяа саран̣зсу сийлзсу жа бад̇идтаабанзна яат̇уубаниссаяам̣ убаривисзсаад̇хиг̇амааваханзна жа г̇ахадтаануг̇г̇ахагаран̣ам̣, уг̇г̇ахабарибужчаанам̣ гаммадтаанаануяог̇асса жа ануруубавасанадтаанабариг̇г̇ахзнзд̇т̇а баб̣б̣аж̇ид̇аануг̇г̇ахагаран̣ам̣ взд̣̇ид̇аб̣б̣ам̣. гарун̣ааяа убаг̇аманам̣, на лаабхаад̣̇инимид̇д̇ам̣. бан̃н̃ааяа абаг̇аманам̣, на вирод̇хаад̣̇инимид̇д̇анд̇и убаг̇аманаабаг̇аманаанам̣ нирубаггилзсад̇ам̣ вибхаавзд̇и. д̇хаммигасукам̣ наама анаваж̇ж̇асукам̣. д̣̇звад̇аанам̣ убагаараб̣ахулад̇аа ж̇анавивид̇д̇ад̇ааяа. бажураж̇анавивид̇д̇ан̃хи таанам̣ д̣̇зваа убасан̇гамид̇аб̣б̣ам̣ ман̃н̃анд̇и. д̇ад̣̇ад̇т̇абаринибпаад̣̇ананд̇и логад̇т̇анибпаад̣̇анам̣, б̣уд̣̇д̇хагижжасамбаад̣̇ананд̇и ад̇т̇о. звамаад̣̇инаад̇и аад̣̇и-сад̣̇д̣̇зна саавад̇т̇игид̇д̇анзна руубагааяасса ануг̇г̇ан̣ханам̣ д̣̇ассзд̇и, ж̇зд̇аванаад̣̇игид̇д̇анзна д̇хаммагааяасса. д̇ат̇аа буримзна бараад̇хийнагирияаагаран̣ам̣, д̣̇уд̇иязна ад̇д̇аад̇хийнагирияаагаран̣ам̣. буримзна ваа гарун̣аагижжам̣, ид̇арзна бан̃н̃аагижжам̣. буримзна жасса барамааяа анугамбааяа саманнааг̇амам̣, бажчимзна барамааяа убзгкааяа саманнааг̇амам̣ д̣̇ийбзд̇и. бхаг̇аваа хи саб̣б̣асад̇д̇з барамааяа анугамбааяа анугамбад̇и, на жа д̇ад̇т̇а синзхад̣̇осаанубад̇ид̇о барамубзгкагабхаавад̇о. убзгкаго жа на барахид̇асукагаран̣з аббоссугго махаагаарун̣игабхаавад̇о. д̇асса махаагаарун̣игад̇ааяа логанаат̇ад̇аа, убзгкагад̇ааяа ад̇д̇анаат̇ад̇аа.

    Avassañcettha gocaragāmakittanaṃ kattabbaṃ. Tathā hi taṃ yathā jetavanādikittanaṃ pabbajitānuggahakaraṇādianekappayojanaṃ, evaṃ gocaragāmakittanampi gahaṭṭhānuggahakaraṇādivividhapayojananti dassento ‘‘sāvatthivacanenā’’tiādimāha. Tattha paccayaggahaṇena upasaṅkamapayirupāsanānaṃ okāsadānena dhammadesanāya saraṇesu sīlesu ca patiṭṭhāpanena yathūpanissayaṃ uparivisesādhigamāvahanena ca gahaṭṭhānuggahakaraṇaṃ, uggahaparipucchānaṃ kammaṭṭhānānuyogassa ca anurūpavasanaṭṭhānapariggahenettha pabbajitānuggahakaraṇaṃ veditabbaṃ. Karuṇāya upagamanaṃ, na lābhādinimittaṃ. Paññāya apagamanaṃ, na virodhādinimittanti upagamanāpagamanānaṃ nirupakkilesataṃ vibhāveti. Dhammikasukhaṃ nāma anavajjasukhaṃ. Devatānaṃ upakārabahulatā janavivittatāya. Pacurajanavivittañhi ṭhānaṃ devā upasaṅkamitabbaṃ maññanti. Tadatthaparinipphādananti lokatthanipphādanaṃ, buddhakiccasampādananti attho. Evamādināti ādi-saddena sāvatthikittanena rūpakāyassa anuggaṇhanaṃ dasseti, jetavanādikittanena dhammakāyassa. Tathā purimena parādhīnakiriyākaraṇaṃ, dutiyena attādhīnakiriyākaraṇaṃ. Purimena vā karuṇākiccaṃ, itarena paññākiccaṃ. Purimena cassa paramāya anukampāya samannāgamaṃ, pacchimena paramāya upekkhāya samannāgamaṃ dīpeti. Bhagavā hi sabbasatte paramāya anukampāya anukampati, na ca tattha sinehadosānupatito paramupekkhakabhāvato. Upekkhako ca na parahitasukhakaraṇe appossukko mahākāruṇikabhāvato. Tassa mahākāruṇikatāya lokanāthatā, upekkhakatāya attanāthatā.

    д̇ат̇аа хзса б̣од̇хисад̇д̇абхууд̇о махаагарун̣ааяа сан̃жод̣̇ид̇амаанасо сагалалогахид̇ааяа уссуггамаабанно махаабхинийхаарад̇о бадтааяа д̇ад̣̇ад̇т̇анибпаад̣̇анад̇т̇ам̣ бун̃н̃ан̃аан̣асамбхаарз самбаад̣̇знд̇о абаримид̇ам̣ гаалам̣ анаббагам̣ д̣̇угкаманубхоси, убзгкагад̇ааяа саммаа бад̇ид̇зхи д̣̇угкзхи на вигамбид̇ад̇аа. махаагаарун̣игад̇ааяа сам̣саараабхимукад̇аа, убзгкагад̇ааяа д̇ад̇о ниб̣б̣инд̣̇анаа. д̇ат̇аа убзгкагад̇ааяа ниб̣б̣аанаабхимукад̇аа, махаагаарун̣игад̇ааяа д̇ад̣̇ад̇хиг̇амо. д̇ат̇аа махаагаарун̣игад̇ааяа барзсам̣ ахим̣саабанам̣, убзгкагад̇ааяа саяам̣ барзхи абхааяанам̣. махаагаарун̣игад̇ааяа барам̣ рагкад̇о ад̇д̇ано рагкан̣ам̣, убзгкагад̇ааяа ад̇д̇аанам̣ рагкад̇о барзсам̣ рагкан̣ам̣. д̇знасса ад̇д̇ахид̇ааяа бадибаннаад̣̇ийсу жад̇уд̇т̇абуг̇г̇алабхааво сид̣̇д̇хо ход̇и. д̇ат̇аа махаагаарун̣игад̇ааяа сажжаад̇хидтаанасса жа жааг̇аад̇хидтаанасса жа баарибуурий, убзгкагад̇ааяа убасамаад̇хидтаанасса жа бан̃н̃аад̇хидтаанасса жа баарибуурий . звам̣ бурисуд̣̇д̇хаасаяаббаяог̇асса махаагаарун̣игад̇ааяа логахид̇ад̇т̇амзва раж̇ж̇асамбад̣̇аад̣̇ибхавасамбад̇д̇ияаа убаг̇аманам̣, убзгкагад̇ааяа д̇ин̣ааяаби аман̃н̃амаанасса д̇ад̇о абаг̇аманам̣. ид̇и сувисуд̣̇д̇хаубаг̇амаабаг̇амасса махаагаарун̣игад̇ааяа логахид̇ад̇т̇амзва д̣̇аанавасзна самбад̇д̇ийнам̣ барижжаж̇анаа, убзгкагад̇ааяа жасса паласса ад̇д̇ано абажжаасийсанаа. звам̣ самуд̣̇ааг̇аманад̇о бадтааяа ажчарияаб̣бхуд̇аг̇ун̣асаманнааг̇ад̇асса махаагаарун̣игад̇ааяа барзсам̣ хид̇асукад̇т̇ам̣ ад̇ид̣̇уггарагаарид̇аа, убзгкагад̇ааяа гааяамби аналан̇гаарид̇аа.

    Tathā hesa bodhisattabhūto mahākaruṇāya sañcoditamānaso sakalalokahitāya ussukkamāpanno mahābhinīhārato paṭṭhāya tadatthanipphādanatthaṃ puññañāṇasambhāre sampādento aparimitaṃ kālaṃ anappakaṃ dukkhamanubhosi, upekkhakatāya sammā patitehi dukkhehi na vikampitatā. Mahākāruṇikatāya saṃsārābhimukhatā, upekkhakatāya tato nibbindanā. Tathā upekkhakatāya nibbānābhimukhatā, mahākāruṇikatāya tadadhigamo. Tathā mahākāruṇikatāya paresaṃ ahiṃsāpanaṃ, upekkhakatāya sayaṃ parehi abhāyanaṃ. Mahākāruṇikatāya paraṃ rakkhato attano rakkhaṇaṃ, upekkhakatāya attānaṃ rakkhato paresaṃ rakkhaṇaṃ. Tenassa attahitāya paṭipannādīsu catutthapuggalabhāvo siddho hoti. Tathā mahākāruṇikatāya saccādhiṭṭhānassa ca cāgādhiṭṭhānassa ca pāripūrī, upekkhakatāya upasamādhiṭṭhānassa ca paññādhiṭṭhānassa ca pāripūrī . Evaṃ purisuddhāsayappayogassa mahākāruṇikatāya lokahitatthameva rajjasampadādibhavasampattiyā upagamanaṃ, upekkhakatāya tiṇāyapi amaññamānassa tato apagamanaṃ. Iti suvisuddhaupagamāpagamassa mahākāruṇikatāya lokahitatthameva dānavasena sampattīnaṃ pariccajanā, upekkhakatāya cassa phalassa attano apaccāsīsanā. Evaṃ samudāgamanato paṭṭhāya acchariyabbhutaguṇasamannāgatassa mahākāruṇikatāya paresaṃ hitasukhatthaṃ atidukkarakāritā, upekkhakatāya kāyampi analaṅkāritā.

    д̇ат̇аа махаагаарун̣игад̇ааяа жаримад̇д̇абхаавз ж̇ин̣н̣аад̇урамад̇ад̣̇ассанзна сан̃ж̇аад̇асам̣взг̇о, убзгкагад̇ааяа ул̣аарзсу д̣̇звабхог̇асад̣̇исзсу бхог̇зсу нирабзгко махаабхинигкаманам̣ нигками. д̇ат̇аа махаагаарун̣игад̇ааяа ‘‘гижчам̣ вад̇ааяам̣ лого аабанно’’д̇иаад̣̇инаа (д̣̇ий. ни. 2.57; сам̣. ни. 2.4, 10) гарун̣аамукзнзва вибассанаарамбхо, убзгкагад̇ааяа б̣уд̣̇д̇хабхууд̇асса сад̇д̇а сад̇д̇аахаани вивзгасукзнзва вийд̇инааманам̣. махаагаарун̣игад̇ааяа д̇хаммаг̇амбхийрад̇ам̣ бажжавзгкид̇ваа д̇хаммад̣̇зсанааяа аббоссугганам̣ аабаж̇ж̇ид̇вааби махааб̣рахмуно аж̇жхзсанаабад̣̇зсзна огаасагаран̣ам̣, убзгкагад̇ааяа бан̃жаваг̇г̇ияаад̣̇ивзнзяяаанам̣ анануруубасамуд̣̇аажаарзби анан̃н̃ат̇аабхааво. махаагаарун̣игад̇ааяа гад̇т̇ажи бадигхаад̇аабхаавзнасса саб̣б̣ад̇т̇а амид̇д̇асан̃н̃аабхааво, убзгкагад̇ааяа гад̇т̇ажиби анурод̇хаабхаавзна саб̣б̣ад̇т̇а синзхасант̇аваабхааво. махаагаарун̣игад̇ааяа барзсам̣ басаад̣̇анаа, убзгкагад̇ааяа басаннаагаарзхи на вигамбанаа. махаагаарун̣игад̇ааяа д̇хаммаанурааг̇аабхаавзна д̇ад̇т̇а аажарияамудтиабхааво, убзгкагад̇ааяа саавагаанурааг̇аабхаавзна бариваарабаригаммад̇аабхааво. махаагаарун̣игад̇ааяа д̇хаммам̣ д̣̇зсзд̇ум̣ барзхи сам̣саг̇г̇амубаг̇ажчад̇оби убзгкагад̇ааяа на д̇ад̇т̇а абхирад̇и. махаагаарун̣игад̇ааяа г̇аамаад̣̇ийнам̣ аасаннадтаанз васад̇оби убзгкагад̇ааяа аран̃н̃адтаанз зва вихаран̣ам̣. д̇зна вуд̇д̇ам̣ – ‘‘буримзнасса барамааяа анугамбааяа саманнааг̇амам̣ д̣̇ийбзд̇ий’’д̇и.

    Tathā mahākāruṇikatāya carimattabhāve jiṇṇāturamatadassanena sañjātasaṃvego, upekkhakatāya uḷāresu devabhogasadisesu bhogesu nirapekkho mahābhinikkhamanaṃ nikkhami. Tathā mahākāruṇikatāya ‘‘kicchaṃ vatāyaṃ loko āpanno’’tiādinā (dī. ni. 2.57; saṃ. ni. 2.4, 10) karuṇāmukheneva vipassanārambho, upekkhakatāya buddhabhūtassa satta sattāhāni vivekasukheneva vītināmanaṃ. Mahākāruṇikatāya dhammagambhīrataṃ paccavekkhitvā dhammadesanāya appossukkanaṃ āpajjitvāpi mahābrahmuno ajjhesanāpadesena okāsakaraṇaṃ, upekkhakatāya pañcavaggiyādiveneyyānaṃ ananurūpasamudācārepi anaññathābhāvo. Mahākāruṇikatāya katthaci paṭighātābhāvenassa sabbattha amittasaññābhāvo, upekkhakatāya katthacipi anurodhābhāvena sabbattha sinehasanthavābhāvo. Mahākāruṇikatāya paresaṃ pasādanā, upekkhakatāya pasannākārehi na vikampanā. Mahākāruṇikatāya dhammānurāgābhāvena tattha ācariyamuṭṭhiabhāvo, upekkhakatāya sāvakānurāgābhāvena parivāraparikammatābhāvo. Mahākāruṇikatāya dhammaṃ desetuṃ parehi saṃsaggamupagacchatopi upekkhakatāya na tattha abhirati. Mahākāruṇikatāya gāmādīnaṃ āsannaṭṭhāne vasatopi upekkhakatāya araññaṭṭhāne eva viharaṇaṃ. Tena vuttaṃ – ‘‘purimenassa paramāya anukampāya samannāgamaṃ dīpetī’’ti.

    д̇анд̇и д̇ад̇раад̇и бад̣̇ам̣. ‘‘д̣̇зсагаалабарид̣̇ийбана’’нд̇и яз д̣̇зсагаалаа ид̇ха вихаран̣агирияаависзсанабхаавзна вуд̇д̇аа, д̇зсам̣ барид̣̇ийбананд̇и д̣̇ассзнд̇о ‘‘яам̣ самаяам̣…бз… д̣̇ийбзд̇ий’’д̇и ааха. д̇ам̣-сад̣̇д̣̇о хи вуд̇д̇асса ад̇т̇асса бадинид̣̇д̣̇зсо, д̇асмаа ид̇ха гааласса д̣̇зсасса ваа бадинид̣̇д̣̇зсо бхавид̇умарахад̇и, на ан̃н̃асса. аяам̣ д̇аава д̇ад̇ра-сад̣̇д̣̇асса бадинид̣̇д̣̇зсабхаавз ад̇т̇авибхааванаа. яасмаа бана ийд̣̇исзсу таанзсу д̇ад̇ра-сад̣̇д̣̇о д̇хаммад̣̇зсанаависидтам̣ д̣̇зсагаалан̃жа вибхаавзд̇и, д̇асмаа вуд̇д̇ам̣ – ‘‘бхаасид̇аб̣б̣аяуд̇д̇з ваа д̣̇зсагаалз д̣̇ийбзд̇ий’’д̇и. д̇зна д̇ад̇раад̇и яад̇ра бхаг̇аваа д̇хаммад̣̇зсанад̇т̇ам̣ бхигкуу аалабад̇и бхаасад̇и, д̇аад̣̇исз д̣̇зсз, гаалз ваад̇и ад̇т̇о. на хийд̇иаад̣̇инаа д̇амзвад̇т̇ам̣ самад̇т̇зд̇и. нану жа яад̇т̇а тид̇о бхаг̇аваа ‘‘агаало ко д̇ааваа’’д̇иаад̣̇инаа б̣аахияасса д̇хаммад̣̇зсанам̣ бадигкиби, д̇ад̇т̇зва анд̇аравийт̇ияам̣ тид̇о д̇асса д̇хаммам̣ д̣̇зсзсийд̇и? сажжамзд̇ам̣, ад̣̇зсзд̇аб̣б̣агаалз ад̣̇зсанааяа ид̣̇ам̣ уд̣̇аахаран̣ам̣. д̇знзвааха – ‘‘агаало ко д̇ааваа’’д̇и.

    Tanti tatrāti padaṃ. ‘‘Desakālaparidīpana’’nti ye desakālā idha viharaṇakiriyāvisesanabhāvena vuttā, tesaṃ paridīpananti dassento ‘‘yaṃ samayaṃ…pe… dīpetī’’ti āha. Taṃ-saddo hi vuttassa atthassa paṭiniddeso, tasmā idha kālassa desassa vā paṭiniddeso bhavitumarahati, na aññassa. Ayaṃ tāva tatra-saddassa paṭiniddesabhāve atthavibhāvanā. Yasmā pana īdisesu ṭhānesu tatra-saddo dhammadesanāvisiṭṭhaṃ desakālañca vibhāveti, tasmā vuttaṃ – ‘‘bhāsitabbayutte vā desakāle dīpetī’’ti. Tena tatrāti yatra bhagavā dhammadesanatthaṃ bhikkhū ālapati bhāsati, tādise dese, kāle vāti attho. Na hītiādinā tamevatthaṃ samattheti. Nanu ca yattha ṭhito bhagavā ‘‘akālo kho tāvā’’tiādinā bāhiyassa dhammadesanaṃ paṭikkhipi, tattheva antaravīthiyaṃ ṭhito tassa dhammaṃ desesīti? Saccametaṃ, adesetabbakāle adesanāya idaṃ udāharaṇaṃ. Tenevāha – ‘‘akālo kho tāvā’’ti.

    яам̣ бана д̇ад̇т̇а вуд̇д̇ам̣ – ‘‘анд̇арагхарам̣ бавидтамхаа’’д̇и, д̇амби д̇асса агаалабхаавассзва барияааязна д̣̇ассанад̇т̇ам̣ вуд̇д̇ам̣. д̇асса хи д̇ад̣̇аа ад̣̇д̇хаанабариссамзна руубагааяз агамман̃н̃ад̇аа ахоси, б̣алавабийд̇ивзг̇зна наамагааяз. д̇ад̣̇убхаяасса вуубасамам̣ ааг̇амзнд̇о бабан̃жабарихаарад̇т̇ам̣ бхаг̇аваа ‘‘агаало ко’’д̇и барияааязна бадигкиби. ад̣̇зсзд̇аб̣б̣ад̣̇зсз ад̣̇зсанааяа бана уд̣̇аахаран̣ам̣ ‘‘ат̇а ко бхаг̇аваа маг̇г̇аа оггамма ан̃н̃ад̇арасмим̣ ругкамуулз нисийд̣̇и (сам̣. ни. 2.154), вихаарабажчааяааяам̣ бан̃н̃ад̇д̇з аасанз нисийд̣̇ий’’д̇и (д̣̇ий. ни. 1.363) жа звамаад̣̇игам̣ ид̇ха аад̣̇исад̣̇д̣̇зна сан̇г̇ахид̇ам̣. ‘‘ат̇а ко со, бхигкавз, б̣аало ид̇ха буб̣б̣з нзсаад̣̇о ид̇ха баабаани гаммаани гарид̇ваа’’д̇иаад̣̇ийсу (ма. ни. 3.251) бад̣̇абууран̣амад̇д̇з ко-сад̣̇д̣̇о, ‘‘д̣̇угкам̣ ко аг̇аараво вихарад̇и аббад̇иссо’’д̇иаад̣̇ийсу (а. ни. 4.21) авад̇хааран̣з, ‘‘гид̇д̇аавад̇аа ну ко, аавусо, сад̇т̇у бавивид̇д̇асса вихарад̇о саавагаа вивзгам̣ наанусигканд̇ий’’д̇иаад̣̇ийсу (ма. ни. 1.31) аад̣̇игаалад̇т̇з, ваагяаарамбхзд̇и ад̇т̇о. д̇ад̇т̇а бад̣̇абууран̣зна важанаалан̇гаарамад̇д̇ам̣ гад̇ам̣ ход̇и, аад̣̇игаалад̇т̇зна ваагяасса убан̃н̃аасамад̇д̇ам̣. авад̇хааран̣ад̇т̇зна бана нияамад̣̇ассанам̣, д̇асмаа ааманд̇зси зваад̇и ааманд̇анз нияамо д̣̇ассид̇о ход̇и.

    Yaṃ pana tattha vuttaṃ – ‘‘antaragharaṃ paviṭṭhamhā’’ti, tampi tassa akālabhāvasseva pariyāyena dassanatthaṃ vuttaṃ. Tassa hi tadā addhānaparissamena rūpakāye akammaññatā ahosi, balavapītivegena nāmakāye. Tadubhayassa vūpasamaṃ āgamento papañcaparihāratthaṃ bhagavā ‘‘akālo kho’’ti pariyāyena paṭikkhipi. Adesetabbadese adesanāya pana udāharaṇaṃ ‘‘atha kho bhagavā maggā okkamma aññatarasmiṃ rukkhamūle nisīdi (saṃ. ni. 2.154), vihārapacchāyāyaṃ paññatte āsane nisīdī’’ti (dī. ni. 1.363) ca evamādikaṃ idha ādisaddena saṅgahitaṃ. ‘‘Atha kho so, bhikkhave, bālo idha pubbe nesādo idha pāpāni kammāni karitvā’’tiādīsu (ma. ni. 3.251) padapūraṇamatte kho-saddo, ‘‘dukkhaṃ kho agāravo viharati appatisso’’tiādīsu (a. ni. 4.21) avadhāraṇe, ‘‘kittāvatā nu kho, āvuso, satthu pavivittassa viharato sāvakā vivekaṃ nānusikkhantī’’tiādīsu (ma. ni. 1.31) ādikālatthe, vākyārambheti attho. Tattha padapūraṇena vacanālaṅkāramattaṃ kataṃ hoti, ādikālatthena vākyassa upaññāsamattaṃ. Avadhāraṇatthena pana niyamadassanaṃ, tasmā āmantesi evāti āmantane niyamo dassito hoti.

    бхаг̇аваад̇и логаг̇аруд̣̇ийбананд̇и гасмаа вуд̇д̇ам̣, нану буб̣б̣зби бхаг̇аваасад̣̇д̣̇асса ад̇т̇о вуд̇д̇од̇и? яад̣̇иби вуд̇д̇о, д̇ам̣ банасса яат̇аавуд̇д̇з таанз вихаран̣агирияааяа гад̇д̇у висзсад̣̇ассанад̇т̇ам̣ гад̇ам̣, на ааманд̇анагирияааяа, ид̇ха бана ааманд̇анагирияааяа, д̇асмаа д̇ад̣̇ад̇т̇ам̣ буна ‘‘бхаг̇аваа’’д̇и баал̣ияам̣ вуд̇д̇анд̇и д̇ассад̇т̇ам̣ д̣̇ассзд̇ум̣ ‘‘бхаг̇аваад̇и логаг̇аруд̣̇ийбана’’нд̇и ааха. д̇зна логаг̇арубхаавад̇о д̇ад̣̇ануруубам̣ бадибад̇д̇им̣ бад̇т̇знд̇о ад̇д̇ано санд̇игам̣ убаг̇ад̇аанам̣ бхигкуунам̣ аж̇жхаасаяаануруубам̣ д̇хаммам̣ д̣̇зсзд̇ум̣ д̇з ааманд̇зсийд̇и д̣̇ассзд̇и. гат̇аасаванаяуд̇д̇абуг̇г̇алаважананд̇и вагкамаанааяа жид̇д̇абарияаад̣̇аанад̣̇зсанааяа саванаяог̇г̇абуг̇г̇алаважанам̣. жад̇уусуби барисаасу бхигкуу зва зд̣̇исаанам̣ д̣̇зсанаанам̣ висзсзна бхааж̇анабхууд̇аад̇и саад̇исаяам̣ саасанасамбадиг̇г̇аахагабхаавад̣̇ассанад̇т̇ам̣ ид̇ха бхигкуг̇г̇ахан̣анд̇и д̣̇ассзд̇ваа ид̣̇аани сад̣̇д̣̇ад̇т̇ам̣ д̣̇ассзд̇ум̣ ‘‘абижаа’’д̇иаад̣̇имааха. д̇ад̇т̇а бхигкагод̇и бхигкууд̇и бхигканад̇хаммад̇ааяа бхигкууд̇и ад̇т̇о. бхигкаажарияам̣ аж̇жхубаг̇ад̇од̇и б̣уд̣̇д̇хаад̣̇ийхи аж̇жхубаг̇ад̇ам̣ бхигкаажарияам̣, ун̃чаажарияам̣, аж̇жхубаг̇ад̇ад̇д̇аа анудтид̇ад̇д̇аа бхигку. яо хи аббам̣ ваа маханд̇ам̣ ваа бхог̇агканд̇хам̣ бахааяа аг̇аарасмаа анаг̇аарияам̣ баб̣б̣аж̇ид̇о, со гасиг̇орагкаад̣̇иж̇ийвигаагаббанам̣ хид̇ваа лин̇г̇асамбадижчанзнзва бхигкаажарияам̣ аж̇жхубаг̇ад̇ад̇д̇аа бхигку, бараббадиб̣ад̣̇д̇хаж̇ийвигад̇д̇аа ваа вихаарамаж̇жхз гааж̇абхад̇д̇ам̣ бхун̃ж̇амааноби бхигкаажарияам̣ аж̇жхубаг̇ад̇од̇и бхигку, бин̣д̣ияаалобабхож̇анам̣ ниссааяа баб̣б̣аж̇ж̇ааяа уссаахаж̇аад̇ад̇д̇аа ваа бхигкаажарияам̣ аж̇жхубаг̇ад̇од̇и бхигкууд̇и звамзд̇т̇а ад̇т̇о д̣̇адтаб̣б̣о. аад̣̇инаа наязнаад̇и ‘‘чиннабхиннабадад̇харод̇и бхигку, бхинд̣̇ад̇и баабагз агусалз д̇хаммзд̇и бхигку, бхиннад̇д̇аа баабагаанам̣ агусалаанам̣ д̇хаммаанам̣ бхигкуу’’д̇иаад̣̇инаа (вибха. 510) вибхан̇г̇з ааг̇ад̇анаязна. н̃аабанзд̇и аваб̣од̇ханз, бадивзд̣̇анзд̇и ад̇т̇о.

    Bhagavāti lokagarudīpananti kasmā vuttaṃ, nanu pubbepi bhagavāsaddassa attho vuttoti? Yadipi vutto, taṃ panassa yathāvutte ṭhāne viharaṇakiriyāya kattu visesadassanatthaṃ kataṃ, na āmantanakiriyāya, idha pana āmantanakiriyāya, tasmā tadatthaṃ puna ‘‘bhagavā’’ti pāḷiyaṃ vuttanti tassatthaṃ dassetuṃ ‘‘bhagavāti lokagarudīpana’’nti āha. Tena lokagarubhāvato tadanurūpaṃ paṭipattiṃ patthento attano santikaṃ upagatānaṃ bhikkhūnaṃ ajjhāsayānurūpaṃ dhammaṃ desetuṃ te āmantesīti dasseti. Kathāsavanayuttapuggalavacananti vakkhamānāya cittapariyādānadesanāya savanayoggapuggalavacanaṃ. Catūsupi parisāsu bhikkhū eva edisānaṃ desanānaṃ visesena bhājanabhūtāti sātisayaṃ sāsanasampaṭiggāhakabhāvadassanatthaṃ idha bhikkhuggahaṇanti dassetvā idāni saddatthaṃ dassetuṃ ‘‘apicā’’tiādimāha. Tattha bhikkhakoti bhikkhūti bhikkhanadhammatāya bhikkhūti attho. Bhikkhācariyaṃ ajjhupagatoti buddhādīhi ajjhupagataṃ bhikkhācariyaṃ, uñchācariyaṃ, ajjhupagatattā anuṭṭhitattā bhikkhu. Yo hi appaṃ vā mahantaṃ vā bhogakkhandhaṃ pahāya agārasmā anagāriyaṃ pabbajito, so kasigorakkhādijīvikākappanaṃ hitvā liṅgasampaṭicchaneneva bhikkhācariyaṃ ajjhupagatattā bhikkhu, parappaṭibaddhajīvikattā vā vihāramajjhe kājabhattaṃ bhuñjamānopi bhikkhācariyaṃ ajjhupagatoti bhikkhu, piṇḍiyālopabhojanaṃ nissāya pabbajjāya ussāhajātattā vā bhikkhācariyaṃ ajjhupagatoti bhikkhūti evamettha attho daṭṭhabbo. Ādinā nayenāti ‘‘chinnabhinnapaṭadharoti bhikkhu, bhindati pāpake akusale dhammeti bhikkhu, bhinnattā pāpakānaṃ akusalānaṃ dhammānaṃ bhikkhū’’tiādinā (vibha. 510) vibhaṅge āgatanayena. Ñāpaneti avabodhane, paṭivedaneti attho.

    бхигканасийлад̇аад̇и бхигканзна ж̇ийванасийлад̇аа, на гасиваан̣иж̇ж̇аад̣̇инаа ж̇ийванасийлад̇аа. бхигканад̇хаммад̇аад̇и ‘‘уд̣̇д̣̇исса арияаа д̇идтанд̇ий’’д̇и (ж̇аа. 1.7.59) звам̣ вуд̇д̇аа бхигканасабхаавад̇аа, на яаажанагохан̃н̃асабхаавад̇аа. бхигканз саад̇хугаарид̇аад̇и ‘‘уд̇д̇идтз наббамаж̇ж̇зяяаа’’д̇и (д̇ха. ба. 168) важанам̣ ануссарид̇ваа д̇ад̇т̇а аббамаж̇ж̇анаа. ат̇а ваа сийлам̣ наама багад̇исабхааво, ид̇ха бана д̇ад̣̇ад̇хидтаанам̣. д̇хаммод̇и вад̇ам̣. саад̇хугаарид̇аад̇и саггажжагаарид̇аа аад̣̇арагирияаа. хийнаад̇хигаж̇анасзвид̇анд̇и яз бхигкубхаавз тид̇ааби ж̇аад̇имад̣̇аад̣̇ивасзна уд̣̇д̇хад̇аа уннал̣аа, яз жа г̇ихибхаавз барзсам̣ ад̇хигабхаавамби анубаг̇ад̇ад̇д̇аа бхигкаажарияам̣ барамагаарун̃н̃ад̇ам̣ ман̃н̃анд̇и, д̇зсам̣ убхаязсамби яат̇ааггамам̣ ‘‘бхигкаво’’д̇и важанзна хийнаж̇анзхи д̣̇алид̣̇д̣̇зхи барамагаарун̃н̃ад̇ам̣ бад̇д̇зхи барагулзсу бхигкаажарияааяа ж̇ийвигам̣ габбзнд̇зхи сзвид̇ам̣ вуд̇д̇им̣ багаасзнд̇о уд̣̇д̇хад̇абхааваниг̇г̇ахам̣ гарод̇и. ад̇хигаж̇анзхи ул̣аарабхог̇акад̇д̇ияагулаад̣̇ид̇о баб̣б̣аж̇ид̇зхи б̣уд̣̇д̇хаад̣̇ийхи ааж̇ийвависод̇ханад̇т̇ам̣ сзвид̇ам̣ вуд̇д̇им̣ багаасзнд̇о д̣̇ийнабхааваниг̇г̇ахам̣ гарод̇ийд̇и яож̇зд̇аб̣б̣ам̣. яасмаа ‘‘бхигкаво’’д̇и важанам̣ ааманд̇анабхаавад̇о абхимукийгаран̣ам̣, багаран̣ад̇о саамад̇т̇ияад̇о жа суссусааж̇ананам̣ саггажжасаванаманасигааранияож̇анан̃жа ход̇и, д̇асмаа д̇амад̇т̇ам̣ д̣̇ассзнд̇о ‘‘бхигкавод̇и иминаа’’д̇иаад̣̇имааха. д̇ад̇т̇а саад̇хугам̣ саванаманасигаарзд̇и саад̇хугасаванз саад̇хугаманасигаарз жа. гат̇ам̣ бана бавад̇д̇ид̇аа саванаад̣̇аяо саад̇хугам̣ бавад̇д̇ид̇аа хонд̇ийд̇и? ‘‘ад̣̇д̇хаа имааяа саммаабадибад̇д̇ияаа сагаласаасанасамбад̇д̇и хад̇т̇аг̇ад̇аа бхависсад̇ий’’д̇и аад̣̇араг̇аараваяог̇зна гат̇аад̣̇ийсу абарибхаваад̣̇инаа жа. вуд̇д̇ан̃хи ‘‘бан̃жахи, бхигкавз, д̇хаммзхи саманнааг̇ад̇о сун̣анд̇о сад̣̇д̇хаммам̣ бхаб̣б̣о нияаамам̣ оггамид̇ум̣ гусалзсу д̇хаммзсу саммад̇д̇ам̣. гад̇амзхи бан̃жахи? гат̇ам̣ на барибход̇и, гат̇ид̇ам̣ на барибход̇и, на ад̇д̇аанам̣ барибход̇и, авигкид̇д̇ажид̇д̇о д̇хаммам̣ сун̣аад̇и згаг̇г̇ажид̇д̇о, яонисо жа манасигарод̇и. имзхи ко, бхигкавз, бан̃жахи д̇хаммзхи саманнааг̇ад̇о сун̣анд̇о сад̣̇д̇хаммам̣ бхаб̣б̣о нияаамам̣ оггамид̇ум̣ гусалзсу д̇хаммзсу саммад̇д̇а’’нд̇и (а. ни. 5.151). д̇знзвааха – ‘‘саад̇хугам̣ саванаманасигаарааяад̇д̇аа хи саасанасамбад̇д̇ий’’д̇и.

    Bhikkhanasīlatāti bhikkhanena jīvanasīlatā, na kasivāṇijjādinā jīvanasīlatā. Bhikkhanadhammatāti ‘‘uddissa ariyā tiṭṭhantī’’ti (jā. 1.7.59) evaṃ vuttā bhikkhanasabhāvatā, na yācanakohaññasabhāvatā. Bhikkhane sādhukāritāti ‘‘uttiṭṭhe nappamajjeyyā’’ti (dha. pa. 168) vacanaṃ anussaritvā tattha appamajjanā. Atha vā sīlaṃ nāma pakatisabhāvo, idha pana tadadhiṭṭhānaṃ. Dhammoti vataṃ. Sādhukāritāti sakkaccakāritā ādarakiriyā. Hīnādhikajanasevitanti ye bhikkhubhāve ṭhitāpi jātimadādivasena uddhatā unnaḷā, ye ca gihibhāve paresaṃ adhikabhāvampi anupagatattā bhikkhācariyaṃ paramakāruññataṃ maññanti, tesaṃ ubhayesampi yathākkamaṃ ‘‘bhikkhavo’’ti vacanena hīnajanehi daliddehi paramakāruññataṃ pattehi parakulesu bhikkhācariyāya jīvikaṃ kappentehi sevitaṃ vuttiṃ pakāsento uddhatabhāvaniggahaṃ karoti. Adhikajanehi uḷārabhogakhattiyakulādito pabbajitehi buddhādīhi ājīvavisodhanatthaṃ sevitaṃ vuttiṃ pakāsento dīnabhāvaniggahaṃ karotīti yojetabbaṃ. Yasmā ‘‘bhikkhavo’’ti vacanaṃ āmantanabhāvato abhimukhīkaraṇaṃ, pakaraṇato sāmatthiyato ca sussusājananaṃ sakkaccasavanamanasikāraniyojanañca hoti, tasmā tamatthaṃ dassento ‘‘bhikkhavoti iminā’’tiādimāha. Tattha sādhukaṃ savanamanasikāreti sādhukasavane sādhukamanasikāre ca. Kathaṃ pana pavattitā savanādayo sādhukaṃ pavattitā hontīti? ‘‘Addhā imāya sammāpaṭipattiyā sakalasāsanasampatti hatthagatā bhavissatī’’ti ādaragāravayogena kathādīsu aparibhavādinā ca. Vuttañhi ‘‘pañcahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi pañcahi? Kathaṃ na paribhoti, kathitaṃ na paribhoti, na attānaṃ paribhoti, avikkhittacitto dhammaṃ suṇāti ekaggacitto, yoniso ca manasikaroti. Imehi kho, bhikkhave, pañcahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti (a. ni. 5.151). Tenevāha – ‘‘sādhukaṃ savanamanasikārāyattā hi sāsanasampattī’’ti.

    буб̣б̣з саб̣б̣абарисаасаад̇хааран̣ад̇д̇зби бхаг̇авад̇о д̇хаммад̣̇зсанааяа ‘‘ж̇здтасздтаа’’д̇иаад̣̇инаа бхигкуунам̣ зва ааманд̇анз гааран̣ам̣ д̣̇ассзд̇ваа ид̣̇аани бхигкуу ааманд̇зд̇ваава д̇хаммад̣̇зсанааяа баяож̇анам̣ д̣̇ассзд̇ум̣ ‘‘гимад̇т̇ам̣ бана бхаг̇аваа’’д̇и жод̣̇анам̣ самудтаабзд̇и. д̇ад̇т̇а ан̃н̃ам̣ жинд̇знд̇аад̇и ан̃н̃авихид̇аа. вигкид̇д̇ажид̇д̇аад̇и асамаахид̇ажид̇д̇аа. д̇хаммам̣ бажжавзгканд̇аад̇и хияяо д̇ад̇о барам̣ д̣̇ивасзсу ваа суд̇ад̇хаммам̣ бад̇и бад̇и манасаа авзгканд̇аа. бхигкуу ааманд̇зд̇ваа д̇хаммз д̣̇зсияамаанз аад̣̇ид̇о бадтааяа д̣̇зсанам̣ саллагкзд̇ум̣ саггонд̇ийд̇и имамад̇т̇ам̣ б̣яад̇ирзгамукзна д̣̇ассзд̇ум̣ ‘‘д̇з анааманд̇зд̇ваа’’д̇иаад̣̇и вуд̇д̇ам̣.

    Pubbe sabbaparisāsādhāraṇattepi bhagavato dhammadesanāya ‘‘jeṭṭhaseṭṭhā’’tiādinā bhikkhūnaṃ eva āmantane kāraṇaṃ dassetvā idāni bhikkhū āmantetvāva dhammadesanāya payojanaṃ dassetuṃ ‘‘kimatthaṃ pana bhagavā’’ti codanaṃ samuṭṭhāpeti. Tattha aññaṃ cintentāti aññavihitā. Vikkhittacittāti asamāhitacittā. Dhammaṃ paccavekkhantāti hiyyo tato paraṃ divasesu vā sutadhammaṃ pati pati manasā avekkhantā. Bhikkhū āmantetvā dhamme desiyamāne ādito paṭṭhāya desanaṃ sallakkhetuṃ sakkontīti imamatthaṃ byatirekamukhena dassetuṃ ‘‘te anāmantetvā’’tiādi vuttaṃ.

    бхигкавод̇и жзд̇т̇а санд̇хивасзна и-гааралобо д̣̇адтаб̣б̣о. бхигкаво ид̇ийд̇и аяам̣ ид̇и-сад̣̇д̣̇о хзд̇убарисамаабанаад̣̇иад̇т̇абад̣̇ад̇т̇авибарияааяабагаараавад̇хааран̣анид̣̇ассанаад̣̇ианзгад̇т̇аббабхзд̣̇о. д̇ат̇аа хзса ‘‘руббад̇ийд̇и ко, бхигкавз, д̇асмаа руубанд̇и вужжад̇ий’’д̇иаад̣̇ийсу (сам̣. ни. 3.79) хзд̇вад̇т̇з д̣̇иссад̇и. ‘‘д̇асмаад̇иха мз, бхигкавз, д̇хаммад̣̇ааяаад̣̇аа бхават̇а, маа аамисад̣̇ааяаад̣̇аа. ад̇т̇и мз д̇умхзсу анугамбаа. гинд̇и мз саавагаа д̇хаммад̣̇ааяаад̣̇аа бхавзяяум̣, но аамисад̣̇ааяаад̣̇аа’’д̇иаад̣̇ийсу (ма. ни. 1.19) барисамаабанз. ‘‘ид̇и ваа ид̇и зваруубаа нажжаг̇ийд̇аваад̣̇ид̇ависуугад̣̇ассанаа бадивирад̇о’’д̇иаад̣̇ийсу (д̣̇ий. ни. 1.13) аад̣̇иад̇т̇з. ‘‘мааг̇ан̣д̣ияод̇и д̇асса б̣раахман̣асса сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анамабхилаабо’’д̇иаад̣̇ийсу (махаани. 73, 75) бад̣̇ад̇т̇авибарияааяз. ‘‘ид̇и ко, бхигкавз, саббадибхаяо б̣аало, аббадибхаяо бан̣д̣ид̇о, саубад̣̇д̣̇аво б̣аало, анубад̣̇д̣̇аво бан̣д̣ид̇о, саубасаг̇г̇о б̣аало, анубасаг̇г̇о бан̣д̣ид̇о’’д̇иаад̣̇ийсу (ма. ни. 3.124) багаарз. ‘‘ад̇т̇и ид̣̇аббажжаяаа ж̇араамаран̣анд̇и будтзна сад̇аа, ‘аананд̣̇а, ад̇т̇ий’д̇исса важанийяам̣. ‘гим̣ бажжаяаа ж̇араамаран̣а’нд̇и ид̇и жз вад̣̇зяяа. ж̇аад̇ибажжаяаа ж̇араамаран̣ам̣ ижжасса важанийяа’’нд̇иаад̣̇ийсу (д̣̇ий. ни. 2.96) авад̇хааран̣з. ‘‘ад̇т̇ийд̇и ко, гажжаана, аяамзго анд̇о, над̇т̇ийд̇и ко, гажжаана, аяам̣ д̣̇уд̇ияо анд̇о’’д̇иаад̣̇ийсу (сам̣. ни. 2.15; сам̣. ни. 3.90) нид̣̇ассанз. ид̇хааби нид̣̇ассанз зва д̣̇адтаб̣б̣о. бхигкавод̇и хи ааманд̇анаагааро. д̇амзса ид̇и-сад̣̇д̣̇о нид̣̇ассзд̇и ‘‘бхигкавод̇и ааманд̇зсий’’д̇и. иминаа наязна ‘‘бхад̣̇д̣̇анд̇з’’д̇иаад̣̇ийсуби яат̇аарахам̣ ид̇и-сад̣̇д̣̇асса ад̇т̇о взд̣̇ид̇аб̣б̣о. буб̣б̣з ‘‘бхаг̇аваа ааманд̇зсий’’д̇и вуд̇д̇ад̇д̇аа ‘‘бхаг̇авад̇о бажжассосу’’нд̇и ид̇ха ‘‘бхаг̇авад̇о’’д̇и саамиважанам̣ ааманд̇анамзва самб̣анд̇хианд̇арам̣ абзгкад̇ийд̇и иминаа ад̇хиббааязна ‘‘бхаг̇авад̇о ааманд̇анам̣ бадиассосу’’нд̇и вуд̇д̇ам̣. ‘‘бхаг̇авад̇о’’д̇и бана ид̣̇ам̣ бадиссавасамб̣анд̇хзна самбад̣̇аанаважанам̣ яат̇аа ‘‘д̣̇звад̣̇ад̇д̇ааяа бадиссун̣од̇ий’’д̇и. яам̣ нид̣̇аанам̣ бхаасид̇анд̇и самб̣анд̇хо. имасса суд̇д̇асса сукааваг̇аахан̣ад̇т̇анд̇и гамалагувалаяуж̇ж̇алавималасаад̣̇урасасалилааяа богкаран̣ияаа сукаавад̇аран̣ад̇т̇ам̣ ниммаласилаад̇аларажанаавилаасасобхид̇арад̇анасобаанам̣ виббагин̣н̣амуд̇д̇аад̇аласад̣̇исаваалугаажун̣н̣абан̣д̣арабхуумибхааг̇ам̣ д̇ид̇т̇ам̣ вияа сувибхад̇д̇абхид̇д̇ивижид̇равзд̣̇игаабаригкид̇д̇асса нагкад̇д̇абат̇ам̣ пусид̇угаамад̇ааяа вияа бадивиж̇амбхид̇асамуссаяасса баасаад̣̇аварасса сукаароханад̇т̇ам̣ д̣̇анд̇амаяасан̣хамуд̣̇упалаган̃жаналад̇аавинад̣̇д̇хаман̣иг̇ан̣аббабхаасамуд̣̇аяуж̇ж̇аласобхам̣ собаанам̣ вияа суван̣н̣авалаяануубураад̣̇исан̇гхадданасад̣̇д̣̇асаммиссид̇асса гат̇ид̇ахасид̇амад̇хурассараг̇зхаж̇анавиж̇амбхид̇авижарид̇асса ул̣аараиссарияавибхавасобхид̇асса махаагхарасса сукаббавзсанад̇т̇ам̣ суван̣н̣араж̇ад̇аман̣имуд̇д̇аабаваал̣аад̣̇иж̇уд̇ивиссаравиж̇ж̇од̇ид̇асуббад̇идтид̇ависаалад̣̇ваараб̣аахам̣ махаад̣̇ваарам̣ вияа жа ад̇т̇аб̣яан̃ж̇анасамбаннасса б̣уд̣̇д̇хаанам̣ д̣̇зсанаан̃аан̣аг̇амбхийрабхаавасам̣суужагасса имасса суд̇д̇асса сукааваг̇аахад̇т̇ам̣.

    Bhikkhavoti cettha sandhivasena i-kāralopo daṭṭhabbo. Bhikkhavo itīti ayaṃ iti-saddo hetuparisamāpanādiatthapadatthavipariyāyapakārāvadhāraṇanidassanādianekatthappabhedo. Tathā hesa ‘‘ruppatīti kho, bhikkhave, tasmā rūpanti vuccatī’’tiādīsu (saṃ. ni. 3.79) hetvatthe dissati. ‘‘Tasmātiha me, bhikkhave, dhammadāyādā bhavatha, mā āmisadāyādā. Atthi me tumhesu anukampā. Kinti me sāvakā dhammadāyādā bhaveyyuṃ, no āmisadāyādā’’tiādīsu (ma. ni. 1.19) parisamāpane. ‘‘Iti vā iti evarūpā naccagītavāditavisūkadassanā paṭivirato’’tiādīsu (dī. ni. 1.13) ādiatthe. ‘‘Māgaṇḍiyoti tassa brāhmaṇassa saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanamabhilāpo’’tiādīsu (mahāni. 73, 75) padatthavipariyāye. ‘‘Iti kho, bhikkhave, sappaṭibhayo bālo, appaṭibhayo paṇḍito, saupaddavo bālo, anupaddavo paṇḍito, saupasaggo bālo, anupasaggo paṇḍito’’tiādīsu (ma. ni. 3.124) pakāre. ‘‘Atthi idappaccayā jarāmaraṇanti puṭṭhena satā, ‘ānanda, atthī’tissa vacanīyaṃ. ‘Kiṃ paccayā jarāmaraṇa’nti iti ce vadeyya. Jātipaccayā jarāmaraṇaṃ iccassa vacanīya’’ntiādīsu (dī. ni. 2.96) avadhāraṇe. ‘‘Atthīti kho, kaccāna, ayameko anto, natthīti kho, kaccāna, ayaṃ dutiyo anto’’tiādīsu (saṃ. ni. 2.15; saṃ. ni. 3.90) nidassane. Idhāpi nidassane eva daṭṭhabbo. Bhikkhavoti hi āmantanākāro. Tamesa iti-saddo nidasseti ‘‘bhikkhavoti āmantesī’’ti. Iminā nayena ‘‘bhaddante’’tiādīsupi yathārahaṃ iti-saddassa attho veditabbo. Pubbe ‘‘bhagavā āmantesī’’ti vuttattā ‘‘bhagavato paccassosu’’nti idha ‘‘bhagavato’’ti sāmivacanaṃ āmantanameva sambandhiantaraṃ apekkhatīti iminā adhippāyena ‘‘bhagavato āmantanaṃ paṭiassosu’’nti vuttaṃ. ‘‘Bhagavato’’ti pana idaṃ paṭissavasambandhena sampadānavacanaṃ yathā ‘‘devadattāya paṭissuṇotī’’ti. Yaṃ nidānaṃ bhāsitanti sambandho. Imassa suttassa sukhāvagāhaṇatthanti kamalakuvalayujjalavimalasādurasasalilāya pokkharaṇiyā sukhāvataraṇatthaṃ nimmalasilātalaracanāvilāsasobhitaratanasopānaṃ vippakiṇṇamuttātalasadisavālukācuṇṇapaṇḍarabhūmibhāgaṃ titthaṃ viya suvibhattabhittivicitravedikāparikkhittassa nakkhattapathaṃ phusitukāmatāya viya paṭivijambhitasamussayassa pāsādavarassa sukhārohanatthaṃ dantamayasaṇhamuduphalakañcanalatāvinaddhamaṇigaṇappabhāsamudayujjalasobhaṃ sopānaṃ viya suvaṇṇavalayanūpurādisaṅghaṭṭanasaddasammissitassa kathitahasitamadhurassaragehajanavijambhitavicaritassa uḷāraissariyavibhavasobhitassa mahāgharassa sukhappavesanatthaṃ suvaṇṇarajatamaṇimuttāpavāḷādijutivissaravijjotitasuppatiṭṭhitavisāladvārabāhaṃ mahādvāraṃ viya ca atthabyañjanasampannassa buddhānaṃ desanāñāṇagambhīrabhāvasaṃsūcakassa imassa suttassa sukhāvagāhatthaṃ.

    зд̇т̇ааха – ‘‘гимад̇т̇ам̣ бана д̇хаммавинаяасан̇г̇ахз гаяирамаанз нид̣̇аанаважанам̣, нану бхаг̇авад̇аа бхаасид̇аважанассзва сан̇г̇ахо гаад̇аб̣б̣о’’д̇и? вужжад̇з, д̣̇зсанааяа тид̇иасаммосасад̣̇д̇хзяяабхаавасамбаад̣̇анад̇т̇ам̣. гаалад̣̇зсад̣̇зсаганимид̇д̇абарисаабад̣̇зсзхи убаниб̣анд̇хид̇ваа табид̇аа хи д̣̇зсанаа жирадтид̇игаа ход̇и асаммосад̇хаммаа сад̣̇д̇хзяяаа жа. д̣̇зсагаалагад̇д̇ухзд̇унимид̇д̇зхи убаниб̣ад̣̇д̇хо вияа вохааравинижчаяо. д̇знзва жа ааяасмад̇аа махаагассабзна ‘‘жид̇д̇абарияаад̣̇аанасуд̇д̇ам̣, аавусо аананд̣̇а, гад̇т̇а бхаасид̇а’’нд̇иаад̣̇инаа д̣̇зсаад̣̇ибужчаасу гад̇аасу д̇аасам̣ виссаж̇ж̇анам̣ гаронд̇зна д̇хаммабхан̣д̣ааг̇ааригзна ‘‘звам̣ мз суд̇а’’нд̇иаад̣̇инаа имасса суд̇д̇асса нид̣̇аанам̣ бхаасид̇ам̣. абижа сад̇т̇усамбад̇д̇иббагаасанад̇т̇ам̣ нид̣̇аанаважанам̣. д̇ат̇ааг̇ад̇асса хи бхаг̇авад̇о буб̣б̣ажаран̣аанумаанааг̇амад̇аггаабхаавад̇о саммаасамб̣уд̣̇д̇хабхаавасид̣̇д̇хи. на хи саммаасамб̣усса буб̣б̣ажаран̣аад̣̇ийхи ад̇т̇о ад̇т̇и саб̣б̣ад̇т̇а аббадихад̇ан̃аан̣ажаарад̇ааяа згаббамаан̣ад̇д̇аа жа н̃зяяад̇хаммзсу. д̇ат̇аа аажарияамудтид̇хаммамажчарияасаасанасаавагаанаанурааг̇аабхаавад̇о кийн̣аасавабхаавасид̣̇д̇хи. на хи саб̣б̣асо кийн̣аасавасса д̇з самбхаванд̇ийд̇и сувисуд̣̇д̇хасса бараануг̇г̇ахаббавад̇д̇и. звам̣ д̣̇зсагасам̣гилзсабхууд̇аанам̣ д̣̇идтисийласамбад̣̇аад̣̇уусагаанам̣ авиж̇ж̇аад̇ан̣хаанам̣ ажжанд̇аабхаавасам̣суужагзхи н̃аан̣аббахаанасамбад̣̇аабхиб̣яан̃ж̇анагзхи жа самб̣уд̣̇д̇хависуд̣̇д̇хабхаавзхи буримавзсаараж̇ж̇ад̣̇ваяасид̣̇д̇хи, д̇ад̇о жа анд̇арааяиганияяаанигад̇хаммзсу саммохаабхаавасид̣̇д̇хид̇о бажчимавзсаараж̇ж̇ад̣̇ваяасид̣̇д̇хийд̇и бхаг̇авад̇о жад̇увзсаараж̇ж̇асаманнааг̇амо ад̇д̇ахид̇абарахид̇аббадибад̇д̇и жа нид̣̇аанаважанзна багаасид̇аа ход̇и. д̇ад̇т̇а д̇ад̇т̇а самбад̇д̇абарисааяа аж̇жхаасаяаануруубам̣ таануббад̇д̇игаббадибхаанзна д̇хаммад̣̇зсанаад̣̇ийбанад̇о, ид̇ха бана руубаг̇аругаанам̣ буг̇г̇алаанам̣ аж̇жхаасаяаануруубам̣ таануббад̇д̇игаббадибхаанзна д̇хаммад̣̇зсанаад̣̇ийбанад̇од̇и яож̇зд̇аб̣б̣ам̣. д̇зна вуд̇д̇ам̣ – ‘‘сад̇т̇усамбад̇д̇иббагаасанад̇т̇ам̣ нид̣̇аанаважана’’нд̇и.

    Etthāha – ‘‘kimatthaṃ pana dhammavinayasaṅgahe kayiramāne nidānavacanaṃ, nanu bhagavatā bhāsitavacanasseva saṅgaho kātabbo’’ti? Vuccate, desanāya ṭhitiasammosasaddheyyabhāvasampādanatthaṃ. Kāladesadesakanimittaparisāpadesehi upanibandhitvā ṭhapitā hi desanā ciraṭṭhitikā hoti asammosadhammā saddheyyā ca. Desakālakattuhetunimittehi upanibaddho viya vohāravinicchayo. Teneva ca āyasmatā mahākassapena ‘‘cittapariyādānasuttaṃ, āvuso ānanda, kattha bhāsita’’ntiādinā desādipucchāsu katāsu tāsaṃ vissajjanaṃ karontena dhammabhaṇḍāgārikena ‘‘evaṃ me suta’’ntiādinā imassa suttassa nidānaṃ bhāsitaṃ. Apica satthusampattippakāsanatthaṃ nidānavacanaṃ. Tathāgatassa hi bhagavato pubbacaraṇānumānāgamatakkābhāvato sammāsambuddhabhāvasiddhi. Na hi sammāsambussa pubbacaraṇādīhi attho atthi sabbattha appaṭihatañāṇacāratāya ekappamāṇattā ca ñeyyadhammesu. Tathā ācariyamuṭṭhidhammamacchariyasāsanasāvakānānurāgābhāvato khīṇāsavabhāvasiddhi. Na hi sabbaso khīṇāsavassa te sambhavantīti suvisuddhassa parānuggahappavatti. Evaṃ desakasaṃkilesabhūtānaṃ diṭṭhisīlasampadādūsakānaṃ avijjātaṇhānaṃ accantābhāvasaṃsūcakehi ñāṇappahānasampadābhibyañjanakehi ca sambuddhavisuddhabhāvehi purimavesārajjadvayasiddhi, tato ca antarāyikaniyyānikadhammesu sammohābhāvasiddhito pacchimavesārajjadvayasiddhīti bhagavato catuvesārajjasamannāgamo attahitaparahitappaṭipatti ca nidānavacanena pakāsitā hoti. Tattha tattha sampattaparisāya ajjhāsayānurūpaṃ ṭhānuppattikappaṭibhānena dhammadesanādīpanato, idha pana rūpagarukānaṃ puggalānaṃ ajjhāsayānurūpaṃ ṭhānuppattikappaṭibhānena dhammadesanādīpanatoti yojetabbaṃ. Tena vuttaṃ – ‘‘satthusampattippakāsanatthaṃ nidānavacana’’nti.

    д̇ат̇аа саасанасамбад̇д̇иббагаасанад̇т̇ам̣ нид̣̇аанаважанам̣. н̃аан̣агарун̣аабариг̇г̇ахид̇асаб̣б̣агирияасса хи бхаг̇авад̇о над̇т̇и нирад̇т̇агаа бадибад̇д̇и, ад̇д̇ахид̇ад̇т̇аа ваа. д̇асмаа барзсам̣ зва ад̇т̇ааяа бавад̇д̇асаб̣б̣агирияасса саммаасамб̣уд̣̇д̇хасса сагаламби гааяаважийманогаммам̣ яат̇аабавад̇д̇ам̣ вужжамаанам̣ д̣̇идтад̇хаммигасамбарааяигабарамад̇т̇зхи яат̇аарахам̣ сад̇д̇аанам̣ анусаасанадтзна саасанам̣, на габбаражанаа. д̇аяид̣̇ам̣ сад̇т̇ужарид̇ам̣ гаалад̣̇зсад̣̇зсагабарисаабад̣̇зсзхи сад̣̇д̇хим̣ д̇ад̇т̇а д̇ад̇т̇а нид̣̇аанаважанзхи яат̇аарахам̣ багаасийяад̇и. ‘‘ид̇ха бана руубаг̇аругаанам̣ буг̇г̇алаана’’нд̇иаад̣̇и саб̣б̣ам̣ буримасад̣̇исамзва. д̇зна вуд̇д̇ам̣ – ‘‘саасанасамбад̇д̇иббагаасанад̇т̇ам̣ нид̣̇аанаважана’’нд̇и. абижа сад̇т̇уно бамаан̣абхааваббагаасанзна важанзна саасанасса бамаан̣абхаавад̣̇ассанад̇т̇ам̣ нид̣̇аанаважанам̣, д̇ан̃жа д̣̇зсагаббамаан̣абхаавад̣̇ассанам̣ хздтаа вуд̇д̇анаяаанусаарзна ‘‘бхаг̇аваа’’д̇и жа иминаа бад̣̇зна вибхаавид̇анд̇и взд̣̇ид̇аб̣б̣ам̣. бхаг̇аваад̇и хи д̇ат̇ааг̇ад̇асса рааг̇ад̣̇осамохаад̣̇исаб̣б̣агилзсамалад̣̇ужжарид̇ад̣̇осаббахаанад̣̇ийбанзна важанзна анан̃н̃асаад̇хааран̣асубарисуд̣̇д̇хан̃аан̣агарун̣аад̣̇иг̇ун̣ависзсаяог̇абарид̣̇ийбанзна д̇ад̇о зва саб̣б̣асад̇д̇уд̇д̇амабхаавад̣̇ийбанзна аяамад̇т̇о саб̣б̣ат̇аа багаасид̇о ход̇ийд̇и. ид̣̇амзд̇т̇а нид̣̇аанаважанаббаяож̇анасса мукамад̇д̇анид̣̇ассанам̣.

    Tathā sāsanasampattippakāsanatthaṃ nidānavacanaṃ. Ñāṇakaruṇāpariggahitasabbakiriyassa hi bhagavato natthi niratthakā paṭipatti, attahitatthā vā. Tasmā paresaṃ eva atthāya pavattasabbakiriyassa sammāsambuddhassa sakalampi kāyavacīmanokammaṃ yathāpavattaṃ vuccamānaṃ diṭṭhadhammikasamparāyikaparamatthehi yathārahaṃ sattānaṃ anusāsanaṭṭhena sāsanaṃ, na kapparacanā. Tayidaṃ satthucaritaṃ kāladesadesakaparisāpadesehi saddhiṃ tattha tattha nidānavacanehi yathārahaṃ pakāsīyati. ‘‘Idha pana rūpagarukānaṃ puggalāna’’ntiādi sabbaṃ purimasadisameva. Tena vuttaṃ – ‘‘sāsanasampattippakāsanatthaṃ nidānavacana’’nti. Apica satthuno pamāṇabhāvappakāsanena vacanena sāsanassa pamāṇabhāvadassanatthaṃ nidānavacanaṃ, tañca desakappamāṇabhāvadassanaṃ heṭṭhā vuttanayānusārena ‘‘bhagavā’’ti ca iminā padena vibhāvitanti veditabbaṃ. Bhagavāti hi tathāgatassa rāgadosamohādisabbakilesamaladuccaritadosappahānadīpanena vacanena anaññasādhāraṇasuparisuddhañāṇakaruṇādiguṇavisesayogaparidīpanena tato eva sabbasattuttamabhāvadīpanena ayamattho sabbathā pakāsito hotīti. Idamettha nidānavacanappayojanassa mukhamattanidassanaṃ.

    нигкид̇д̇ассаад̇и д̣̇зсид̇асса. д̣̇зсанаа хи д̣̇зсзд̇аб̣б̣асса сийлаад̣̇иад̇т̇асса взнзяяасанд̇аанзсу нигкибанад̇о ‘‘нигкзбо’’д̇и вужжад̇и. суд̇д̇анигкзбам̣ вижаарзд̇ваава вужжамаанаа баагадаа ход̇ийд̇и сааман̃н̃ад̇о бхаг̇авад̇о д̣̇зсанааяа самудтаанасса вибхааг̇ам̣ д̣̇ассзд̇ваа ‘‘зд̇т̇ааяам̣ д̣̇зсанаа звам̣самудтаанаа’’д̇и д̣̇зсанааяа самудтаанз д̣̇ассид̇з суд̇д̇асса саммад̣̇зва нид̣̇аанабариж̇аананзна ван̣н̣анааяа сувин̃н̃зяяад̇д̇аа вуд̇д̇ам̣. д̇ад̇т̇а яат̇аа анзгасад̇аанзгасахассабхзд̣̇ааниби суд̇д̇анд̇аани сам̣гилзсабхааг̇ияаад̣̇ибадтаананаяавасзна сол̣асавид̇хад̇ам̣ наад̇ивад̇д̇анд̇и, звам̣ ад̇д̇аж̇жхаасаяаад̣̇исуд̇д̇анигкзбавасзна жад̇уб̣б̣ид̇хабхааванд̇и ааха – ‘‘жад̇д̇ааро хи суд̇д̇анигкзбаа’’д̇и. зд̇т̇а жа яат̇аа ад̇д̇аж̇жхаасаяасса адтуббад̇д̇ияаа жа бараж̇жхаасаяабужчаахи сад̣̇д̇хим̣ сам̣саг̇г̇абхзд̣̇о самбхавад̇и ‘‘ад̇д̇аж̇жхаасаяо жа бараж̇жхаасаяо жа, ад̇д̇аж̇жхаасаяо жа бужчаавасиго жа, адтуббад̇д̇иго жа бараж̇жхаасаяо жа, адтуббад̇д̇иго жа бужчаавасиго жаа’’д̇и аж̇жхаасаяабужчаанусанд̇хисаб̣бхаавад̇о, звам̣ яад̣̇иби адтуббад̇д̇ияаа ад̇д̇аж̇жхаасаязнаби сам̣саг̇г̇абхзд̣̇о самбхавад̇и, ад̇д̇аж̇жхаасаяаад̣̇ийхи бана бурад̇о тид̇зхи адтуббад̇д̇ияаа сам̣саг̇г̇о над̇т̇ийд̇и на ид̇ха ниравасзсо вид̇т̇ааранаяо самбхавад̇ийд̇и ‘‘жад̇д̇ааро суд̇д̇анигкзбаа’’д̇и вуд̇д̇ам̣. д̇ад̣̇анд̇ог̇ад̇хад̇д̇аа ваа сзсанигкзбаанам̣ мууланигкзбавасзна жад̇д̇аарова д̣̇ассид̇аа. яат̇аад̣̇ассанан̃хзд̇т̇а аяам̣ сам̣саг̇г̇абхзд̣̇о г̇ахзд̇аб̣б̣од̇и.

    Nikkhittassāti desitassa. Desanā hi desetabbassa sīlādiatthassa veneyyasantānesu nikkhipanato ‘‘nikkhepo’’ti vuccati. Suttanikkhepaṃ vicāretvāva vuccamānā pākaṭā hotīti sāmaññato bhagavato desanāya samuṭṭhānassa vibhāgaṃ dassetvā ‘‘etthāyaṃ desanā evaṃsamuṭṭhānā’’ti desanāya samuṭṭhāne dassite suttassa sammadeva nidānaparijānanena vaṇṇanāya suviññeyyattā vuttaṃ. Tattha yathā anekasataanekasahassabhedānipi suttantāni saṃkilesabhāgiyādipaṭṭhānanayavasena soḷasavidhataṃ nātivattanti, evaṃ attajjhāsayādisuttanikkhepavasena catubbidhabhāvanti āha – ‘‘cattāro hi suttanikkhepā’’ti. Ettha ca yathā attajjhāsayassa aṭṭhuppattiyā ca parajjhāsayapucchāhi saddhiṃ saṃsaggabhedo sambhavati ‘‘attajjhāsayo ca parajjhāsayo ca, attajjhāsayo ca pucchāvasiko ca, aṭṭhuppattiko ca parajjhāsayo ca, aṭṭhuppattiko ca pucchāvasiko cā’’ti ajjhāsayapucchānusandhisabbhāvato, evaṃ yadipi aṭṭhuppattiyā attajjhāsayenapi saṃsaggabhedo sambhavati, attajjhāsayādīhi pana purato ṭhitehi aṭṭhuppattiyā saṃsaggo natthīti na idha niravaseso vitthāranayo sambhavatīti ‘‘cattāro suttanikkhepā’’ti vuttaṃ. Tadantogadhattā vā sesanikkhepānaṃ mūlanikkhepavasena cattārova dassitā. Yathādassanañhettha ayaṃ saṃsaggabhedo gahetabboti.

    д̇ад̇рааяам̣ важанад̇т̇о – нигкибийяад̇ийд̇и нигкзбо, суд̇д̇ам̣ зва нигкзбо суд̇д̇анигкзбо. ат̇а ваа нигкибанам̣ нигкзбо, суд̇д̇асса нигкзбо суд̇д̇анигкзбо, суд̇д̇ад̣̇зсанаад̇и ад̇т̇о. ад̇д̇ано аж̇жхаасаяо ад̇д̇аж̇жхаасаяо, со асса ад̇т̇и гааран̣абхууд̇од̇и ад̇д̇аж̇жхаасаяо. ад̇д̇ано аж̇жхаасаяо зд̇ассаад̇и ваа ад̇д̇аж̇жхаасаяо. бараж̇жхаасаязби зсзва наяо. бужчааяа васо бужчаавасо, со зд̇асса ад̇т̇ийд̇и бужчаавасиго. суд̇д̇ад̣̇зсанаавад̇т̇убхууд̇асса ад̇т̇асса уббад̇д̇и ад̇т̇уббад̇д̇и, ад̇т̇уббад̇д̇иязва адтуббад̇д̇и д̇т̇а-гаарасса дта-гаарам̣ гад̇ваа. саа зд̇асса ад̇т̇ийд̇и адтуббад̇д̇иго. ат̇а ваа нигкибийяад̇и суд̇д̇ам̣ зд̇знаад̇и суд̇д̇анигкзбо, ад̇д̇аж̇жхаасаяаад̣̇и зва. зд̇асмим̣ ад̇т̇авигаббз ад̇д̇ано аж̇жхаасаяо ад̇д̇аж̇жхаасаяо. барзсам̣ аж̇жхаасаяо бараж̇жхаасаяо. бужчийяад̇ийд̇и бужчаа, бужчид̇аб̣б̣о ад̇т̇о. бужчаавасзна бавад̇д̇ам̣ д̇хаммаббадиг̇г̇аахагаанам̣ важанам̣ бужчаавасигам̣, д̇ад̣̇зва нигкзбасад̣̇д̣̇аабзгкааяа буллин̇г̇авасзна вуд̇д̇ам̣ – ‘‘бужчаавасиго’’д̇и. д̇ат̇аа адтуббад̇д̇и зва адтуббад̇д̇игод̇и звамзд̇т̇а ад̇т̇о взд̣̇ид̇аб̣б̣о.

    Tatrāyaṃ vacanattho – nikkhipīyatīti nikkhepo, suttaṃ eva nikkhepo suttanikkhepo. Atha vā nikkhipanaṃ nikkhepo, suttassa nikkhepo suttanikkhepo, suttadesanāti attho. Attano ajjhāsayo attajjhāsayo, so assa atthi kāraṇabhūtoti attajjhāsayo. Attano ajjhāsayo etassāti vā attajjhāsayo. Parajjhāsayepi eseva nayo. Pucchāya vaso pucchāvaso, so etassa atthīti pucchāvasiko. Suttadesanāvatthubhūtassa atthassa uppatti atthuppatti, atthuppattiyeva aṭṭhuppatti ttha-kārassa ṭṭha-kāraṃ katvā. Sā etassa atthīti aṭṭhuppattiko. Atha vā nikkhipīyati suttaṃ etenāti suttanikkhepo, attajjhāsayādi eva. Etasmiṃ atthavikappe attano ajjhāsayo attajjhāsayo. Paresaṃ ajjhāsayo parajjhāsayo. Pucchīyatīti pucchā, pucchitabbo attho. Pucchāvasena pavattaṃ dhammappaṭiggāhakānaṃ vacanaṃ pucchāvasikaṃ, tadeva nikkhepasaddāpekkhāya pulliṅgavasena vuttaṃ – ‘‘pucchāvasiko’’ti. Tathā aṭṭhuppatti eva aṭṭhuppattikoti evamettha attho veditabbo.

    абижзд̇т̇а барзсам̣ инд̣̇рияабарибаагаад̣̇игааран̣анирабзгкад̇д̇аа ад̇д̇аж̇жхаасаяасса висум̣ суд̇д̇анигкзбабхааво яуд̇д̇о гзвалам̣ ад̇д̇ано аж̇жхаасаязнзва д̇хаммад̇анд̇идтабанад̇т̇ам̣ бавад̇д̇ид̇ад̣̇зсанад̇д̇аа. бараж̇жхаасаяабужчаавасигаанам̣ бана барзсам̣ аж̇жхаасаяабужчаанам̣ д̣̇зсанаабавад̇д̇ихзд̇убхууд̇аанам̣ уббад̇д̇ияам̣ бавад̇д̇ид̇аанам̣ гат̇амадтуббад̇д̇ияаа анаварод̇хо, бужчаавасигаадтуббад̇д̇игаанам̣ ваа бараж̇жхаасаяаанурод̇хзна бавад̇д̇ид̇аанам̣ гат̇ам̣ бараж̇жхаасаяз анаварод̇ход̇и? на жод̣̇зд̇аб̣б̣амзд̇ам̣. барзсан̃хи абхинийхаарабарибужчаад̣̇ивинимуд̇д̇ассзва суд̇д̇ад̣̇зсанаагааран̣уббаад̣̇асса адтуббад̇д̇ибхаавзна г̇ахид̇ад̇д̇аа бараж̇жхаасаяабужчаавасигаанам̣ висум̣ г̇ахан̣ам̣. д̇ат̇аа хи б̣рахмаж̇аалад̇хаммад̣̇ааяаад̣̇асуд̇д̇аад̣̇ийнам̣ ван̣н̣ааван̣н̣ааамисуббаад̣̇аад̣̇ид̣̇зсанаанимид̇д̇ам̣ ‘‘адтуббад̇д̇ий’’д̇и вужжад̇и. барзсам̣ бужчам̣ винаа аж̇жхаасаяам̣ зва нимид̇д̇ам̣ гад̇ваа д̣̇зсид̇о бараж̇жхаасаяо, бужчаавасзна д̣̇зсид̇о бужчаавасигод̇и баагадояамад̇т̇од̇и. ад̇д̇ано аж̇жхаасаязнзва гат̇зсийд̇и д̇хаммад̇анд̇идтабанад̇т̇ам̣ гат̇зси. вимуд̇д̇ибарибаажанийяаа д̇хаммаа сад̣̇д̇хинд̣̇рияаад̣̇аяо. аж̇жхаасаяанд̇и ад̇химуд̇д̇им̣. канд̇инд̇и д̣̇идтиниж̇жхаанагканд̇им̣. мананд̇и бан̃н̃ад̇д̇ижид̇д̇ам̣. абхинийхааранд̇и бан̣ид̇хаанам̣. б̣уж̇жханабхааванд̇и б̣уж̇жханасабхаавам̣, бадивиж̇жханаагаарам̣ ваа. руубаг̇аругаананд̇и бан̃жасу аарамман̣зсу руубаарамман̣аг̇аругаа руубаг̇аругаа. жид̇д̇зна руубаниннаа руубабон̣аа руубабаб̣бхаараа руубад̣̇ассанаббасуд̇аа руубзна аагад̣дхид̇ахад̣̇аяаа, д̇зсам̣ руубаг̇аругаанам̣.

    Apicettha paresaṃ indriyaparipākādikāraṇanirapekkhattā attajjhāsayassa visuṃ suttanikkhepabhāvo yutto kevalaṃ attano ajjhāsayeneva dhammatantiṭṭhapanatthaṃ pavattitadesanattā. Parajjhāsayapucchāvasikānaṃ pana paresaṃ ajjhāsayapucchānaṃ desanāpavattihetubhūtānaṃ uppattiyaṃ pavattitānaṃ kathamaṭṭhuppattiyā anavarodho, pucchāvasikaaṭṭhuppattikānaṃ vā parajjhāsayānurodhena pavattitānaṃ kathaṃ parajjhāsaye anavarodhoti? Na codetabbametaṃ. Paresañhi abhinīhāraparipucchādivinimuttasseva suttadesanākāraṇuppādassa aṭṭhuppattibhāvena gahitattā parajjhāsayapucchāvasikānaṃ visuṃ gahaṇaṃ. Tathā hi brahmajāladhammadāyādasuttādīnaṃ vaṇṇāvaṇṇaāmisuppādādidesanānimittaṃ ‘‘aṭṭhuppattī’’ti vuccati. Paresaṃ pucchaṃ vinā ajjhāsayaṃ eva nimittaṃ katvā desito parajjhāsayo, pucchāvasena desito pucchāvasikoti pākaṭoyamatthoti. Attano ajjhāsayeneva kathesīti dhammatantiṭṭhapanatthaṃ kathesi. Vimuttiparipācanīyā dhammā saddhindriyādayo. Ajjhāsayanti adhimuttiṃ. Khantinti diṭṭhinijjhānakkhantiṃ. Mananti paññatticittaṃ. Abhinīhāranti paṇidhānaṃ. Bujjhanabhāvanti bujjhanasabhāvaṃ, paṭivijjhanākāraṃ vā. Rūpagarukānanti pañcasu ārammaṇesu rūpārammaṇagarukā rūpagarukā. Cittena rūpaninnā rūpapoṇā rūpapabbhārā rūpadassanappasutā rūpena ākaḍḍhitahadayā, tesaṃ rūpagarukānaṃ.

    бадисзд̇хад̇т̇од̇и бадигкзбад̇т̇о. гасса бана бадигкзбад̇т̇од̇и? гирияаабад̇хаанан̃хи ваагяам̣, д̇асмаа ‘‘на саманубассаамий’’д̇и саманубассанаагирияаабадисзд̇хад̇т̇о. д̇знааха – ‘‘имасса бана бад̣̇ассаа’’д̇иаад̣̇и. яо баро на ход̇и, со ад̇д̇аад̇и логасаман̃н̃аамад̇д̇асид̣̇д̇хам̣ сад̇д̇асанд̇аанам̣ санд̇хааяа – ‘‘аха’’нд̇и сад̇т̇аа вад̣̇ад̇и, на б̣аахирагабаригаббид̇ам̣ ахам̣гаарависаяам̣ ахам̣гаарасса б̣од̇химуулзязва самужчиннад̇д̇аа. логасаман̃н̃аанад̇иггаманд̇аа зва хи б̣уд̣̇д̇хаанам̣ логияз висаяз д̣̇зсанаабавад̇д̇и. бхигкавзд̇и аалабанз гааран̣ам̣ хздтаа вуд̇д̇амзва. ан̃н̃анд̇и абзгкаасид̣̇д̇хад̇д̇аа ан̃н̃ад̇т̇асса ‘‘ид̣̇аани вад̇д̇аб̣б̣аид̇т̇ируубад̇о ан̃н̃а’’нд̇и ааха. згамби руубанд̇и згам̣ ван̣н̣ааяад̇анам̣. самам̣ висамам̣ саммаа яаат̇аавад̇о ану ану бассад̇ийд̇и саманубассанаа, н̃аан̣ам̣. сам̣гилиссанавасзна ану ану бассад̇ийд̇и саманубассанаа, д̣̇идти. но нижжад̇од̇и зд̇т̇а ид̇и-сад̣̇д̣̇о аад̣̇иад̇т̇о, звамаад̣̇игод̇и ад̇т̇о. д̇зна ‘‘д̣̇угкад̇о саманубассад̇ий’’д̇и звамаад̣̇ийни сан̇г̇ан̣хаад̇и. ологзнд̇обийд̇и д̣̇звамануссавимаанагаббаругкаман̣иганагаад̣̇иг̇ад̇аани руубаани анавасзсам̣ саб̣б̣ан̃н̃уд̇ан̃н̃аан̣зна ологзнд̇оби. сааман̃н̃аважаноби яам̣-сад̣̇д̣̇о ‘‘згаруубамбий’’д̇и руубасса ад̇хиг̇ад̇ад̇д̇аа руубависаяо ижчид̇од̇и ‘‘яам̣ рууба’’нд̇и вуд̇д̇ам̣. д̇ат̇аа бурисасад̣̇д̣̇о барияаад̣̇ияид̇аб̣б̣ажид̇д̇абуг̇г̇алависаяод̇и руубаг̇аругассаад̇и висзсид̇ам̣. г̇ахан̣ам̣ ‘‘кзбана’’нд̇и жа ад̇хиббзд̇ам̣, барияаад̣̇аанан̃жа уббад̇д̇инивааран̣анд̇и ааха – ‘‘жад̇убхуумагагусалажид̇д̇а’’нд̇и. д̇ан̃хи руубам̣ д̇аад̣̇исасса барид̇д̇агусалассаби уббад̇д̇им̣ ниваарзд̇и, гиман̇г̇ам̣ бана махаг̇г̇ад̇аануд̇д̇аражид̇д̇ассаад̇и логуд̇д̇арагусалажид̇д̇ассаби уббад̇д̇ияаа нивааран̣ам̣ ход̇ум̣ самад̇т̇ам̣, логияагусалуббад̇д̇ияаа ниваарагад̇д̇з вад̇д̇аб̣б̣амзва над̇т̇ийд̇и ‘‘жад̇убхуумагагусалажид̇д̇ам̣ барияаад̣̇ияид̇ваа’’д̇и вуд̇д̇ам̣. на хи гаамаг̇ун̣ассаад̣̇аббасуд̇асса бурисасса д̣̇аанаад̣̇ивасзна савибпааригаа гусалуббад̇д̇и самбхавад̇и. г̇ан̣хид̇ваа кзбзд̇ваад̇и ад̇д̇аанам̣ ассаад̣̇зд̇ваа бавад̇д̇амаанасса агусалажид̇д̇асса бажжаяо хонд̇ам̣ бавад̇д̇инивааран̣зна мудтиг̇ад̇ам̣ вияа г̇ахзд̇ваа ануббаад̣̇анирод̇хзна кзбзд̇ваа вияа д̇идтад̇и. д̇аава махад̇и логасанниваасз д̇асса барияаад̣̇ияадтаанам̣ авижчзд̣̇ад̇о лаб̣бхад̇ийд̇и ааха – ‘‘д̇идтад̇ий’’д̇и яат̇аа ‘‘баб̣б̣ад̇аа д̇идтанд̇и, наж̇ж̇о санд̣̇анд̇ий’’д̇и. д̇знааха – ‘‘ид̇ха убхаяамби ваддад̇ий’’д̇иаад̣̇и.

    Paṭisedhatthoti paṭikkhepattho. Kassa pana paṭikkhepatthoti? Kiriyāpadhānañhi vākyaṃ, tasmā ‘‘na samanupassāmī’’ti samanupassanākiriyāpaṭisedhattho. Tenāha – ‘‘imassa pana padassā’’tiādi. Yo paro na hoti, so attāti lokasamaññāmattasiddhaṃ sattasantānaṃ sandhāya – ‘‘aha’’nti satthā vadati, na bāhirakaparikappitaṃ ahaṃkāravisayaṃ ahaṃkārassa bodhimūleyeva samucchinnattā. Lokasamaññānatikkamantā eva hi buddhānaṃ lokiye visaye desanāpavatti. Bhikkhaveti ālapane kāraṇaṃ heṭṭhā vuttameva. Aññanti apekkhāsiddhattā aññatthassa ‘‘idāni vattabbaitthirūpato añña’’nti āha. Ekampi rūpanti ekaṃ vaṇṇāyatanaṃ. Samaṃ visamaṃ sammā yāthāvato anu anu passatīti samanupassanā, ñāṇaṃ. Saṃkilissanavasena anu anu passatīti samanupassanā, diṭṭhi. No niccatoti ettha iti-saddo ādiattho, evamādikoti attho. Tena ‘‘dukkhato samanupassatī’’ti evamādīni saṅgaṇhāti. Olokentopīti devamanussavimānakapparukkhamaṇikanakādigatāni rūpāni anavasesaṃ sabbaññutaññāṇena olokentopi. Sāmaññavacanopi yaṃ-saddo ‘‘ekarūpampī’’ti rūpassa adhigatattā rūpavisayo icchitoti ‘‘yaṃ rūpa’’nti vuttaṃ. Tathā purisasaddo pariyādiyitabbacittapuggalavisayoti rūpagarukassāti visesitaṃ. Gahaṇaṃ ‘‘khepana’’nti ca adhippetaṃ, pariyādānañca uppattinivāraṇanti āha – ‘‘catubhūmakakusalacitta’’nti. Tañhi rūpaṃ tādisassa parittakusalassapi uppattiṃ nivāreti, kimaṅgaṃ pana mahaggatānuttaracittassāti lokuttarakusalacittassapi uppattiyā nivāraṇaṃ hotuṃ samatthaṃ, lokiyakusaluppattiyā nivārakatte vattabbameva natthīti ‘‘catubhūmakakusalacittaṃ pariyādiyitvā’’ti vuttaṃ. Na hi kāmaguṇassādappasutassa purisassa dānādivasena savipphārikā kusaluppatti sambhavati. Gaṇhitvā khepetvāti attānaṃ assādetvā pavattamānassa akusalacittassa paccayo hontaṃ pavattinivāraṇena muṭṭhigataṃ viya gahetvā anuppādanirodhena khepetvā viya tiṭṭhati. Tāva mahati lokasannivāse tassa pariyādiyaṭṭhānaṃ avicchedato labbhatīti āha – ‘‘tiṭṭhatī’’ti yathā ‘‘pabbatā tiṭṭhanti, najjo sandantī’’ti. Tenāha – ‘‘idha ubhayampi vaṭṭatī’’tiādi.

    яат̇аяид̣̇анд̇и санд̇хивасзна аагаарасса рассад̇д̇ам̣ яагаарааг̇амо жаад̇и ааха – ‘‘яат̇аа ид̣̇а’’нд̇и. ид̇т̇ияаа руубанд̇и ид̇т̇исарийраг̇ад̇ам̣ д̇аббадиб̣ад̣̇д̇хан̃жа руубааяад̇анам̣. барамад̇т̇асса нирул̣хо, батамам̣ саад̇хааран̣ад̇о сад̣̇д̣̇асад̇т̇алагкан̣аани вибхаавзд̇аб̣б̣аани, бажчаа асаад̇хааран̣ад̇од̇и д̇аани баал̣ивасзна вибхаавзд̇ум̣ – ‘‘руббад̇ийд̇и ко…бз… взд̣̇ид̇аб̣б̣а’’нд̇и ааха. д̇ад̇т̇а руббад̇ийд̇и сийд̇аад̣̇ивирод̇хибажжаязхи вигаарам̣ аабаад̣̇ийяад̇и, аабаж̇ж̇ад̇ийд̇и ваа ад̇т̇о. вигааруббад̇д̇и жа вирод̇хибажжаяасаннибаад̇з висад̣̇исуббад̇д̇и вибхууд̇ад̇араа, гуд̇о банааяам̣ висзсод̇и жз? ‘‘сийд̇знаа’’д̇иаад̣̇иважанад̇о. зван̃жа гад̇ваа взд̣̇анаад̣̇ийсу анавасзсаруубасаман̃н̃аа сааман̃н̃алагкан̣анд̇и саб̣б̣аруубад̇хаммасаад̇хааран̣ам̣ рууббанам̣. ид̣̇аани ад̇т̇уд̣̇д̇хааранаязна руубасад̣̇д̣̇ам̣ сам̣ван̣н̣знд̇о ‘‘аяам̣ банаа’’д̇иаад̣̇имааха. руубагканд̇хз вад̇д̇ад̇ийд̇и ‘‘ол̣ааригам̣ ваа сукумам̣ ваа’’д̇иаад̣̇иважанад̇о (ма. ни. 1.361; 2.113; 3.86, 89; вибха. 2). руубуубабад̇д̇ияаад̇и зд̇т̇а руубабхаво руубам̣ уд̇д̇арабад̣̇алобзна. руубабхавуубабад̇д̇ияаад̇и аяан̃хзд̇т̇а ад̇т̇о. гасин̣анимид̇д̇зд̇и бат̇авийгасин̣аад̣̇исан̃н̃ид̇з бадибхааг̇анимид̇д̇з. рууббад̇и ад̇д̇ано паласса сабхаавам̣ гарод̇ийд̇и руубам̣, сабхаавахзд̇ууд̇и ааха – ‘‘саруубаа…бз… зд̇т̇а бажжаяз’’д̇и. гаражаран̣аад̣̇иаваяавасан̇гхаад̇абхаавзна руубийяад̇и нируубийяад̇ийд̇и руубам̣, руубагааяод̇и ааха – ‘‘аагаасо…бз… зд̇т̇а сарийрз’’д̇и.

    Yathayidanti sandhivasena ākārassa rassattaṃ yakārāgamo cāti āha – ‘‘yathā ida’’nti. Itthiyā rūpanti itthisarīragataṃ tappaṭibaddhañca rūpāyatanaṃ. Paramatthassa niruḷho, paṭhamaṃ sādhāraṇato saddasatthalakkhaṇāni vibhāvetabbāni, pacchā asādhāraṇatoti tāni pāḷivasena vibhāvetuṃ – ‘‘ruppatīti kho…pe… veditabba’’nti āha. Tattha ruppatīti sītādivirodhipaccayehi vikāraṃ āpādīyati, āpajjatīti vā attho. Vikāruppatti ca virodhipaccayasannipāte visadisuppatti vibhūtatarā, kuto panāyaṃ visesoti ce? ‘‘Sītenā’’tiādivacanato. Evañca katvā vedanādīsu anavasesarūpasamaññā sāmaññalakkhaṇanti sabbarūpadhammasādhāraṇaṃ rūppanaṃ. Idāni atthuddhāranayena rūpasaddaṃ saṃvaṇṇento ‘‘ayaṃ panā’’tiādimāha. Rūpakkhandhe vattatīti ‘‘oḷārikaṃ vā sukhumaṃ vā’’tiādivacanato (ma. ni. 1.361; 2.113; 3.86, 89; vibha. 2). Rūpūpapattiyāti ettha rūpabhavo rūpaṃ uttarapadalopena. Rūpabhavūpapattiyāti ayañhettha attho. Kasiṇanimitteti pathavīkasiṇādisaññite paṭibhāganimitte. Rūppati attano phalassa sabhāvaṃ karotīti rūpaṃ, sabhāvahetūti āha – ‘‘sarūpā…pe… ettha paccaye’’ti. Karacaraṇādiavayavasaṅghātabhāvena rūpīyati nirūpīyatīti rūpaṃ, rūpakāyoti āha – ‘‘ākāso…pe… ettha sarīre’’ti.

    руубаяад̇и ван̣н̣авигаарам̣ аабаж̇ж̇амаанам̣ хад̣̇аяан̇г̇ад̇абхаавам̣ багаасзд̇ийд̇и руубам̣, ван̣н̣ааяад̇анам̣. аарохабарин̣аахаад̣̇ибхзд̣̇аруубаг̇ад̇ам̣ сан̣таанасамбад̇д̇им̣ ниссааяа басаад̣̇ам̣ аабаж̇ж̇амаано руубаббамаан̣од̇и вуд̇д̇од̇и ааха – ‘‘зд̇т̇а сан̣таанз’’д̇и. бияаруубанд̇иаад̣̇ийсу сабхаавад̇т̇о руубасад̣̇д̣̇о. аад̣̇исад̣̇д̣̇зна руубаж̇жхаанаад̣̇ийнам̣ сан̇г̇ахо. ‘‘руубий руубаани бассад̇ий’’д̇и зд̇т̇а аж̇жхад̇д̇ам̣ гзсаад̣̇ийсу баригаммасан̃н̃аавасзна бадилад̣̇д̇харуубаж̇жхаанам̣ руубам̣, д̇ам̣ асса ад̇т̇ийд̇и руубийд̇и вуд̇д̇о. ид̇т̇ияаа жад̇усамудтаанз ван̣н̣зд̇и ид̇т̇исарийрабарияаабаннамзва руубам̣ г̇ахид̇ам̣, д̇аббадиб̣ад̣̇д̇хавад̇т̇аалан̇гаараад̣̇ируубамби бана бурисажид̇д̇асса барияаад̣̇ааяагам̣ ход̇ийд̇и д̣̇ассзд̇ум̣ – ‘‘абижаа’’д̇иаад̣̇и вуд̇д̇ам̣. г̇анд̇хаван̣н̣аг̇г̇ахан̣зна вилзбанам̣ вуд̇д̇ам̣. гаамам̣ ‘‘асугааяа ид̇т̇ияаа басаад̇хана’’нд̇и саллагкид̇асса агааяаббадиб̣ад̣̇д̇хассаби ван̣н̣о бадиб̣ад̣̇д̇хажид̇д̇асса бурисасса жид̇д̇ам̣ барияаад̣̇ааяа д̇идтзяяа, д̇ам̣ бана на зганд̇иганд̇и зганд̇игам̣ д̣̇ассзнд̇о ‘‘гааяаббадиб̣ад̣̇д̇хо’’д̇иааха. убагаббад̇ийд̇и жид̇д̇асса барияаад̣̇аанааяа убагаббад̇и. буримассзваад̇и буб̣б̣з вуд̇д̇аад̇т̇ассзва д̣̇ал̣хийгаран̣ад̇т̇ам̣ вуд̇д̇ам̣ яат̇аа ‘‘д̣̇вигкад̇д̇ум̣ б̣анд̇хам̣ суб̣анд̇ха’’нд̇и. ниг̇аманавасзна ваа зд̇ам̣ вуд̇д̇анд̇и д̣̇адтаб̣б̣ам̣. обаммавасзна вуд̇д̇анд̇и ‘‘яам̣ звам̣ бурисасса жид̇д̇ам̣ барияаад̣̇ааяа д̇идтад̇ий’’д̇и сагаламзвид̣̇ам̣ буримаважанам̣ убамаавасзна вуд̇д̇ам̣, д̇ад̇т̇а бана убамаабхууд̇ам̣ ад̇т̇ам̣ д̣̇ассзд̇ум̣ – ‘‘яат̇аяид̣̇ам̣…бз… ид̇т̇ирууба’’нд̇и вуд̇д̇ам̣. барияаад̣̇аанз аанубхааво самбхаво барияаад̣̇аанаанубхааво, д̇асса д̣̇ассанавасзна вуд̇д̇ам̣.

    Rūpayati vaṇṇavikāraṃ āpajjamānaṃ hadayaṅgatabhāvaṃ pakāsetīti rūpaṃ, vaṇṇāyatanaṃ. Ārohapariṇāhādibhedarūpagataṃ saṇṭhānasampattiṃ nissāya pasādaṃ āpajjamāno rūpappamāṇoti vuttoti āha – ‘‘ettha saṇṭhāne’’ti. Piyarūpantiādīsu sabhāvattho rūpasaddo. Ādisaddena rūpajjhānādīnaṃ saṅgaho. ‘‘Rūpī rūpāni passatī’’ti ettha ajjhattaṃ kesādīsu parikammasaññāvasena paṭiladdharūpajjhānaṃ rūpaṃ, taṃ assa atthīti rūpīti vutto. Itthiyā catusamuṭṭhāne vaṇṇeti itthisarīrapariyāpannameva rūpaṃ gahitaṃ, tappaṭibaddhavatthālaṅkārādirūpampi pana purisacittassa pariyādāyakaṃ hotīti dassetuṃ – ‘‘apicā’’tiādi vuttaṃ. Gandhavaṇṇaggahaṇena vilepanaṃ vuttaṃ. Kāmaṃ ‘‘asukāya itthiyā pasādhana’’nti sallakkhitassa akāyappaṭibaddhassapi vaṇṇo paṭibaddhacittassa purisassa cittaṃ pariyādāya tiṭṭheyya, taṃ pana na ekantikanti ekantikaṃ dassento ‘‘kāyappaṭibaddho’’tiāha. Upakappatīti cittassa pariyādānāya upakappati. Purimassevāti pubbe vuttaatthasseva daḷhīkaraṇatthaṃ vuttaṃ yathā ‘‘dvikkhattuṃ bandhaṃ subandha’’nti. Nigamanavasena vā etaṃ vuttanti daṭṭhabbaṃ. Opammavasena vuttanti ‘‘yaṃ evaṃ purisassa cittaṃ pariyādāya tiṭṭhatī’’ti sakalamevidaṃ purimavacanaṃ upamāvasena vuttaṃ, tattha pana upamābhūtaṃ atthaṃ dassetuṃ – ‘‘yathayidaṃ…pe… itthirūpa’’nti vuttaṃ. Pariyādāne ānubhāvo sambhavo pariyādānānubhāvo, tassa dassanavasena vuttaṃ.

    ид̣̇ам̣ бана ‘‘ид̇т̇ирууба’’нд̇иаад̣̇иважанам̣ барияаад̣̇аанаанубхаавз саад̇хзд̇аб̣б̣з д̣̇ийбзд̇аб̣б̣з вад̇т̇у гааран̣ам̣. нааг̇о наама со рааж̇аа, д̣̇ийгхад̣̇аатигад̇д̇аа бана ‘‘махаад̣̇аатиганааг̇арааж̇аа’’д̇и вуд̇д̇о. асам̣варанияаамзнаад̇и жагкуд̣̇вааригзна асам̣варанийхаарзна. нимид̇д̇ам̣ г̇ахзд̇ваад̇и рааг̇уббад̇д̇ихзд̇убхууд̇ам̣ руубам̣ субханимид̇д̇ам̣ г̇ахзд̇ваа. висигаад̣̇ассанам̣ г̇анд̇ваад̇и сиват̇игад̣̇ассанам̣ г̇анд̇ваа. д̇ад̇т̇а хи аад̣̇ийнаваанубассанаа иж̇жхад̇и. вад̇т̇улобхзна гуд̇о д̇аад̣̇исааяа маран̣анд̇и асад̣̇д̣̇аханд̇о ‘‘мукам̣ д̇умхаагам̣ д̇хуумаван̣н̣а’’нд̇и д̇з д̣̇ахарасааман̣зрз уббан̣д̣знд̇о вад̣̇ад̇и.

    Idaṃ pana ‘‘itthirūpa’’ntiādivacanaṃ pariyādānānubhāve sādhetabbe dīpetabbe vatthu kāraṇaṃ. Nāgo nāma so rājā, dīghadāṭhikattā pana ‘‘mahādāṭhikanāgarājā’’ti vutto. Asaṃvaraniyāmenāti cakkhudvārikena asaṃvaranīhārena. Nimittaṃ gahetvāti rāguppattihetubhūtaṃ rūpaṃ subhanimittaṃ gahetvā. Visikādassanaṃ gantvāti sivathikadassanaṃ gantvā. Tattha hi ādīnavānupassanā ijjhati. Vatthulobhena kuto tādisāya maraṇanti asaddahanto ‘‘mukhaṃ tumhākaṃ dhūmavaṇṇa’’nti te daharasāmaṇere uppaṇḍento vadati.

    рад̇анад̇д̇аяз суббасаннад̇д̇аа гаагаван̣н̣ад̇иссаад̣̇ийхи висзсанад̇т̇ан̃жа со д̇иссамахаарааж̇аа сад̣̇д̇хаасад̣̇д̣̇зна висзсзд̇ваа вужжад̇и. д̣̇ахарасса жид̇д̇ам̣ барияаад̣̇ааяа д̇идтад̇ийд̇и ад̇хигааравасзна вуд̇д̇ам̣. нидтид̇уд̣̇д̣̇зсагижжод̇и г̇аамз асаббааяаруубад̣̇ассанам̣ имасса анад̇т̇ааяа сияаад̇и аажариязна ниваарид̇аг̇аамаббавзсо бажчаа нидтид̇уд̣̇д̣̇зсагижжо худ̇ваа тид̇о. д̇зна вуд̇д̇ам̣ – ‘‘ад̇т̇агаамаанам̣ важанам̣ аг̇г̇ахзд̇ваа’’д̇и . нивад̇т̇авад̇т̇ам̣ сан̃ж̇аанид̇ваад̇и ад̇д̇анаа д̣̇идтад̣̇ивасз нивад̇т̇авад̇т̇ам̣ д̇ассаа мад̇ад̣̇ивасз сиват̇игад̣̇ассанад̇т̇ам̣ г̇ад̇зна лад̣̇д̇хам̣ сан̃ж̇аанид̇ваа. звамбийд̇и звам̣ маран̣асамбаабанавасзнаби. аяам̣ д̇аавзд̇т̇а адтагат̇ааяа ануд̇д̇аанад̇т̇ад̣̇ийбанаа.

    Ratanattaye suppasannattā kākavaṇṇatissādīhi visesanatthañca so tissamahārājā saddhāsaddena visesetvā vuccati. Daharassa cittaṃ pariyādāyatiṭṭhatīti adhikāravasena vuttaṃ. Niṭṭhituddesakiccoti gāme asappāyarūpadassanaṃ imassa anatthāya siyāti ācariyena nivāritagāmappaveso pacchā niṭṭhituddesakicco hutvā ṭhito. Tena vuttaṃ – ‘‘atthakāmānaṃ vacanaṃ aggahetvā’’ti . Nivatthavatthaṃ sañjānitvāti attanā diṭṭhadivase nivatthavatthaṃ tassā matadivase sivathikadassanatthaṃ gatena laddhaṃ sañjānitvā. Evampīti evaṃ maraṇasampāpanavasenapi. Ayaṃ tāvettha aṭṭhakathāya anuttānatthadīpanā.

    нзд̇д̇инаяаван̣н̣анаа

    Nettinayavaṇṇanā

    ид̣̇аани багаран̣анаязна баал̣ияаа ад̇т̇аван̣н̣анам̣ гариссаама. саа бана ад̇т̇асам̣ван̣н̣анаа яасмаа д̣̇зсанааяа самудтаанаббаяож̇анабхааж̇анзсу бин̣д̣ад̇т̇зсу жа нид̣̇д̇хаарид̇зсу сугараа ход̇и сувин̃н̃зяяаа жа, д̇асмаа суд̇д̇ад̣̇зсанааяа самудтаанаад̣̇ийни батамам̣ нид̣̇д̇хаараяиссаама. д̇ад̇т̇а самудтаанам̣ наама д̣̇зсанаанид̣̇аанам̣, д̇ам̣ саад̇хааран̣амасаад̇хааран̣анд̇и д̣̇увид̇хам̣. д̇ад̇т̇а саад̇хааран̣амби аж̇жхад̇д̇игаб̣аахирабхзд̣̇ад̇о д̣̇увид̇хам̣. д̇ад̇т̇а саад̇хааран̣ам̣ аж̇жхад̇д̇игасамудтаанам̣ наама логанаат̇асса махаагарун̣аа. д̇ааяа хи самуссаахид̇асса бхаг̇авад̇о взнзяяаанам̣ д̇хаммад̣̇зсанааяа жид̇д̇ам̣ уд̣̇абаад̣̇и, яам̣ санд̇хааяа вуд̇д̇ам̣ – ‘‘сад̇д̇зсу жа гаарун̃н̃ад̇ам̣ бадижжа б̣уд̣̇д̇хажагкунаа логам̣ вологзсий’’д̇иаад̣̇и (ма. ни. 1.283; махаава. 9; сам̣. ни. 1.173). зд̇т̇а жа хзд̇аавад̇т̇ааяаби махаагарун̣ааяа сан̇г̇ахо д̣̇адтаб̣б̣о яаавад̣̇зва сам̣саарамахогхад̇о сад̣̇д̇хаммад̣̇зсанаахад̇т̇ад̣̇аанзхи сад̇д̇асанд̇ааран̣ад̇т̇ам̣ д̇ад̣̇уббад̇д̇ид̇о. яат̇аа жа махаагарун̣аа, звам̣ саб̣б̣ан̃н̃уд̇ан̃н̃аан̣ам̣ д̣̇асаб̣алан̃аан̣аад̣̇аяо жа д̣̇зсанааяа аб̣бханд̇арасамудтаанабхаавзна вад̇д̇аб̣б̣аа. саб̣б̣ан̃хи н̃зяяад̇хаммам̣ д̇зсам̣ д̣̇зсзд̇аб̣б̣аагаарам̣ сад̇д̇аанан̃жа аасаяаанусаяаад̣̇им̣ яаат̇аавад̇о ж̇аананд̇о бхаг̇аваа таанаадтаанаад̣̇ийсу госаллзна взнзяяаж̇жхаасаяаануруубам̣ вижид̇д̇анаяад̣̇зсанам̣ бавад̇д̇зсийд̇и. б̣аахирам̣ бана саад̇хааран̣ам̣ самудтаанам̣ д̣̇асасахассамахааб̣рахмабариваарасса сахамбад̇иб̣рахмуно аж̇жхзсанам̣. д̇ад̣̇аж̇жхзсануд̇д̇арагаалан̃хи д̇хаммаг̇амбхийрад̇аабажжавзгкан̣ааж̇анид̇ам̣ аббоссуггад̇ам̣ бадиббассамбхзд̇ваа д̇хаммассаамий д̇хаммад̣̇зсанааяа уссаахаж̇аад̇о ахоси. асаад̇хааран̣амби аб̣бханд̇араб̣аахирабхзд̣̇ад̇о д̣̇увид̇хамзва. д̇ад̇т̇а аб̣бханд̇арам̣ яааяа махаагарун̣ааяа язна жа д̣̇зсанаан̃аан̣зна ид̣̇ам̣ суд̇д̇ам̣ бавад̇д̇ид̇ам̣, д̇ад̣̇убхаяам̣ взд̣̇ид̇аб̣б̣ам̣. б̣аахирам̣ бана руубаг̇аругаанам̣ буг̇г̇алаанам̣ аж̇жхаасаяо. свааяамад̇т̇о адтагат̇ааяам̣ вуд̇д̇о зва.

    Idāni pakaraṇanayena pāḷiyā atthavaṇṇanaṃ karissāma. Sā pana atthasaṃvaṇṇanā yasmā desanāya samuṭṭhānappayojanabhājanesu piṇḍatthesu ca niddhāritesu sukarā hoti suviññeyyā ca, tasmā suttadesanāya samuṭṭhānādīni paṭhamaṃ niddhārayissāma. Tattha samuṭṭhānaṃ nāma desanānidānaṃ, taṃ sādhāraṇamasādhāraṇanti duvidhaṃ. Tattha sādhāraṇampi ajjhattikabāhirabhedato duvidhaṃ. Tattha sādhāraṇaṃ ajjhattikasamuṭṭhānaṃ nāma lokanāthassa mahākaruṇā. Tāya hi samussāhitassa bhagavato veneyyānaṃ dhammadesanāya cittaṃ udapādi, yaṃ sandhāya vuttaṃ – ‘‘sattesu ca kāruññataṃ paṭicca buddhacakkhunā lokaṃ volokesī’’tiādi (ma. ni. 1.283; mahāva. 9; saṃ. ni. 1.173). Ettha ca hetāvatthāyapi mahākaruṇāya saṅgaho daṭṭhabbo yāvadeva saṃsāramahoghato saddhammadesanāhatthadānehi sattasantāraṇatthaṃ taduppattito. Yathā ca mahākaruṇā, evaṃ sabbaññutaññāṇaṃ dasabalañāṇādayo ca desanāya abbhantarasamuṭṭhānabhāvena vattabbā. Sabbañhi ñeyyadhammaṃ tesaṃ desetabbākāraṃ sattānañca āsayānusayādiṃ yāthāvato jānanto bhagavā ṭhānāṭṭhānādīsu kosallena veneyyajjhāsayānurūpaṃ vicittanayadesanaṃ pavattesīti. Bāhiraṃ pana sādhāraṇaṃ samuṭṭhānaṃ dasasahassamahābrahmaparivārassa sahampatibrahmuno ajjhesanaṃ. Tadajjhesanuttarakālañhi dhammagambhīratāpaccavekkhaṇājanitaṃ appossukkataṃ paṭippassambhetvā dhammassāmī dhammadesanāya ussāhajāto ahosi. Asādhāraṇampi abbhantarabāhirabhedato duvidhameva. Tattha abbhantaraṃ yāya mahākaruṇāya yena ca desanāñāṇena idaṃ suttaṃ pavattitaṃ, tadubhayaṃ veditabbaṃ. Bāhiraṃ pana rūpagarukānaṃ puggalānaṃ ajjhāsayo. Svāyamattho aṭṭhakathāyaṃ vutto eva.

    баяож̇анамби саад̇хааран̣аасаад̇хааран̣ад̇о д̣̇увид̇хам̣. д̇ад̇т̇а саад̇хааран̣ам̣ яаава анубаад̣̇аабариниб̣б̣аанам̣ вимуд̇д̇ирасад̇д̇аа бхаг̇авад̇о д̣̇зсанааяа. д̇знзвааха – ‘‘зд̇ад̣̇ад̇т̇аа гат̇аа, зд̇ад̣̇ад̇т̇аа манд̇анаа’’д̇иаад̣̇и. асаад̇хааран̣ам̣ бана д̇зсам̣ руубаг̇аругаанам̣ буг̇г̇алаанам̣ руубз чанд̣̇арааг̇асса ж̇ахаабанам̣, убхаяамбзд̇ам̣ б̣аахирамзва. сажз бана взнзяяасанд̇аанаг̇ад̇амби д̣̇зсанааб̣аласид̣̇д̇хисан̇каад̇ам̣ баяож̇анам̣ ад̇хиббааяасамиж̇жханабхаавад̇о яат̇аад̇хиббзд̇ад̇т̇асид̣̇д̇хияаа махаагаарун̣игасса бхаг̇авад̇оби баяож̇анамзваад̇и г̇ан̣хзяяа, иминаа барияааязнасса аб̣бханд̇арад̇ааби сияаа.

    Payojanampi sādhāraṇāsādhāraṇato duvidhaṃ. Tattha sādhāraṇaṃ yāva anupādāparinibbānaṃ vimuttirasattā bhagavato desanāya. Tenevāha – ‘‘etadatthā kathā, etadatthā mantanā’’tiādi. Asādhāraṇaṃ pana tesaṃ rūpagarukānaṃ puggalānaṃ rūpe chandarāgassa jahāpanaṃ, ubhayampetaṃ bāhirameva. Sace pana veneyyasantānagatampi desanābalasiddhisaṅkhātaṃ payojanaṃ adhippāyasamijjhanabhāvato yathādhippetatthasiddhiyā mahākāruṇikassa bhagavatopi payojanamevāti gaṇheyya, iminā pariyāyenassa abbhantaratāpi siyā.

    абижа д̇зсам̣ руубаг̇аругаанам̣ буг̇г̇алаанам̣ руубасмим̣ виж̇ж̇амаанасса аад̣̇ийнавасса яаат̇аавад̇о анаваб̣од̇хо имиссаа д̣̇зсанааяа самудтаанам̣, д̇ад̣̇аваб̣од̇хо баяож̇анам̣. со хи имааяа д̣̇зсанааяа бхаг̇аванд̇ам̣ баяож̇зд̇и д̇аннибпаад̣̇анабарааяам̣ д̣̇зсанаад̇и гад̇ваа. яан̃хи д̣̇зсанааяа саад̇хзд̇аб̣б̣ам̣ палам̣, д̇ам̣ ааган̇кид̇аб̣б̣ад̇д̇аа д̣̇зсагам̣ д̣̇зсанааяа баяож̇зд̇ийд̇и баяож̇ананд̇и вужжад̇и. д̇ат̇аа д̇зсам̣ буг̇г̇алаанам̣ д̇ад̣̇ан̃н̃зсан̃жа взнзяяаанам̣ руубамукзна бан̃жасу убаад̣̇аанагканд̇хзсу аад̣̇ийнавад̣̇ассанан̃жзд̇т̇а баяож̇анам̣. д̇ат̇аа сам̣сааражагганивад̇д̇исад̣̇д̇хаммажаггаббавад̇д̇исассад̇аад̣̇имижчааваад̣̇анираагаран̣ам̣ саммааваад̣̇абурзгкааро агусаламууласамуухананам̣ гусаламууласамааробанам̣ абааяад̣̇ваарабид̣̇аханам̣ саг̇г̇амаг̇г̇ад̣̇вааравиваран̣ам̣ барияудтаанавуубасаманам̣ анусаяасамуг̇гхаад̇анам̣ ‘‘муд̇д̇о можзссаамий’’д̇и буримабадин̃н̃аависам̣ваад̣̇анам̣ д̇аббадибагкамаараманорат̇ависам̣ваад̣̇анам̣ д̇ид̇т̇ияад̇хамманиммат̇анам̣ б̣уд̣̇д̇хад̇хаммабад̇идтаабананд̇и звамаад̣̇ийниби баяож̇анаани ид̇ха взд̣̇ид̇аб̣б̣аани.

    Apica tesaṃ rūpagarukānaṃ puggalānaṃ rūpasmiṃ vijjamānassa ādīnavassa yāthāvato anavabodho imissā desanāya samuṭṭhānaṃ, tadavabodho payojanaṃ. So hi imāya desanāya bhagavantaṃ payojeti tannipphādanaparāyaṃ desanāti katvā. Yañhi desanāya sādhetabbaṃ phalaṃ, taṃ ākaṅkhitabbattā desakaṃ desanāya payojetīti payojananti vuccati. Tathā tesaṃ puggalānaṃ tadaññesañca veneyyānaṃ rūpamukhena pañcasu upādānakkhandhesu ādīnavadassanañcettha payojanaṃ. Tathā saṃsāracakkanivattisaddhammacakkappavattisassatādimicchāvādanirākaraṇaṃ sammāvādapurekkhāro akusalamūlasamūhananaṃ kusalamūlasamāropanaṃ apāyadvārapidahanaṃ saggamaggadvāravivaraṇaṃ pariyuṭṭhānavūpasamanaṃ anusayasamugghātanaṃ ‘‘mutto mocessāmī’’ti purimapaṭiññāvisaṃvādanaṃ tappaṭipakkhamāramanorathavisaṃvādanaṃ titthiyadhammanimmathanaṃ buddhadhammapatiṭṭhāpananti evamādīnipi payojanāni idha veditabbāni.

    яат̇аа д̇з буг̇г̇алаа руубаг̇аругаа, звам̣ д̇ад̣̇ан̃н̃з жа саггааяаг̇аругаа саггааяасмим̣ аллийнаа сан̇кад̇ад̇хаммаанам̣ саммаасамб̣уд̣̇д̇хасса жа бадибад̇д̇им̣ аж̇аананд̇аа асад̣̇д̇хаммассаванасаад̇хааран̣абарижарияаманасигаарабараа сад̣̇д̇хаммассаванад̇хааран̣абарижаяаббадивзд̇хавимукаа жа бхававиббамогкзсино взнзяяаа имиссаа д̣̇зсанааяа бхааж̇анам̣.

    Yathā te puggalā rūpagarukā, evaṃ tadaññe ca sakkāyagarukā sakkāyasmiṃ allīnā saṅkhatadhammānaṃ sammāsambuddhassa ca paṭipattiṃ ajānantā asaddhammassavanasādhāraṇaparicariyamanasikāraparā saddhammassavanadhāraṇaparicayappaṭivedhavimukhā ca bhavavippamokkhesino veneyyā imissā desanāya bhājanaṃ.

    бин̣д̣ад̇д̇аа жзд̇т̇а руубаг̇г̇ахан̣зна руубад̇хаад̇уруубааяад̇анаруубагканд̇хабариг̇г̇ан̣ханам̣ руубамукзна жад̇уд̇хаммаанам̣ ваддад̇д̇аяавижчзд̣̇ануубааяо аасавогхаад̣̇ививзжанам̣ абхинанд̣̇ананивааран̣асан̇г̇ад̇иггамо виваад̣̇амуулабарижжааг̇о сигкад̇д̇аяаануяог̇о бахаанад̇д̇аяад̣̇ийбанаа самат̇авибассанаанудтаанам̣ бхааванаасажчигирияаасид̣̇д̇хийд̇и звамаад̣̇аяо взд̣̇ид̇аб̣б̣аа.

    Piṇḍattā cettha rūpaggahaṇena rūpadhāturūpāyatanarūpakkhandhapariggaṇhanaṃ rūpamukhena catudhammānaṃ vaṭṭattayavicchedanūpāyo āsavoghādivivecanaṃ abhinandananivāraṇasaṅgatikkamo vivādamūlapariccāgo sikkhattayānuyogo pahānattayadīpanā samathavipassanānuṭṭhānaṃ bhāvanāsacchikiriyāsiddhīti evamādayo veditabbā.

    ид̇о барам̣ бана сол̣аса хаараа д̣̇ассзд̇аб̣б̣аа. д̇ад̇т̇а ‘‘рууба’’нд̇и сахаж̇аад̇аа д̇асса ниссаяабхууд̇аа д̇аббадиб̣ад̣̇д̇хаа жа саб̣б̣з руубааруубад̇хаммаа д̇ан̣хааваж̇ж̇аа д̣̇угкасажжам̣. д̇ам̣самудтаабигаа д̇ад̣̇аарамман̣аа жа д̇ан̣хаа самуд̣̇аяасажжам̣. д̇ад̣̇убхаязсам̣ аббавад̇д̇и нирод̇хасажжам̣. нирод̇хаббаж̇аананаа бадибад̣̇аа маг̇г̇асажжам̣. д̇ад̇т̇а самуд̣̇аязна ассаад̣̇о, д̣̇угкзна аад̣̇ийнаво, маг̇г̇анирод̇хзхи ниссаран̣ам̣, руубаарамман̣асса агусалажид̇д̇асса гусалажид̇д̇асса жа барияаад̣̇аанам̣ палам̣. яан̃хи д̣̇зсанааяа саад̇хзд̇аб̣б̣ам̣ баяож̇анам̣, д̇ам̣ паланд̇и вуд̇д̇овааяамад̇т̇о. д̇ад̣̇ад̇т̇ам̣ хид̣̇ам̣ суд̇д̇ам̣ бхаг̇авад̇аа д̣̇зсид̇анд̇и. яат̇аа д̇ам̣ гусалажид̇д̇ам̣ на барияаад̣̇ияад̇и, звам̣ бадисан̇каанабхааванааб̣алабариг̇г̇ахид̇аа инд̣̇риязсу г̇уд̇д̇ад̣̇ваарад̇аа убааяо. бурисасса гусалажид̇д̇абарияаад̣̇аанзнасса руубасса ан̃н̃аруубаасаад̇хааран̣ад̇аад̣̇ассанаабад̣̇зсзна ад̇т̇агаамзхи д̇ад̇о жид̇д̇ам̣ саад̇хугам̣ рагкид̇аб̣б̣ам̣. аяамзд̇т̇а бхаг̇авад̇о аан̣ад̇д̇ийд̇и аяам̣ д̣̇зсанаахааро. ассаад̣̇аад̣̇исанд̣̇ассанавибхааваналагкан̣о хи д̣̇зсанаахааро. вуд̇д̇ан̃хзд̇ам̣ нзд̇д̇иббагаран̣з –

    Ito paraṃ pana soḷasa hārā dassetabbā. Tattha ‘‘rūpa’’nti sahajātā tassa nissayabhūtā tappaṭibaddhā ca sabbe rūpārūpadhammā taṇhāvajjā dukkhasaccaṃ. Taṃsamuṭṭhāpikā tadārammaṇā ca taṇhā samudayasaccaṃ. Tadubhayesaṃ appavatti nirodhasaccaṃ. Nirodhappajānanā paṭipadā maggasaccaṃ. Tattha samudayena assādo, dukkhena ādīnavo, magganirodhehi nissaraṇaṃ, rūpārammaṇassa akusalacittassa kusalacittassa ca pariyādānaṃ phalaṃ. Yañhi desanāya sādhetabbaṃ payojanaṃ, taṃ phalanti vuttovāyamattho. Tadatthaṃ hidaṃ suttaṃ bhagavatā desitanti. Yathā taṃ kusalacittaṃ na pariyādiyati, evaṃ paṭisaṅkhānabhāvanābalapariggahitā indriyesu guttadvāratā upāyo. Purisassa kusalacittapariyādānenassa rūpassa aññarūpāsādhāraṇatādassanāpadesena atthakāmehi tato cittaṃ sādhukaṃ rakkhitabbaṃ. Ayamettha bhagavato āṇattīti ayaṃ desanāhāro. Assādādisandassanavibhāvanalakkhaṇo hi desanāhāro. Vuttañhetaṃ nettippakaraṇe –

    ‘‘ассаад̣̇аад̣̇ийнавад̇аа, ниссаран̣амби жа палам̣ убааяо жа;

    ‘‘Assādādīnavatā, nissaraṇampi ca phalaṃ upāyo ca;

    аан̣ад̇д̇ий жа бхаг̇авад̇о, яог̇ийнам̣ д̣̇зсанаахааро’’д̇и. (нзд̇д̇и. 4 нид̣̇д̣̇зсаваара);

    Āṇattī ca bhagavato, yogīnaṃ desanāhāro’’ti. (netti. 4 niddesavāra);

    д̣̇зсийяад̇и сам̣ван̣н̣ийяад̇и зд̇ааяа суд̇д̇ад̇т̇од̇и д̣̇зсанаа, д̣̇зсанааяа сахажаран̣ад̇о ваа д̣̇зсанаа. нану жа ан̃н̃зби хаараа д̣̇зсанаасан̇каад̇асса суд̇д̇асса ад̇т̇асам̣ван̣н̣анаад̇о д̣̇зсанааяа сахажаарино ваад̇и? сажжамзд̇ам̣, аяам̣ бана хааро язбхуяязна яат̇ааруд̇авасзнзва вин̃н̃ааяамаано д̣̇зсанааяа саха жарад̇ийд̇и вад̇д̇аб̣б̣ад̇ам̣ арахад̇и, на д̇ат̇аабарз. на хи ассаад̣̇аад̣̇ийнаваниссаран̣аад̣̇исанд̣̇ассанарахид̇аа суд̇д̇ад̣̇зсанаа ад̇т̇и. гим̣ бана д̇зсам̣ ассаад̣̇аад̣̇ийнам̣ анавасзсаанам̣ важанам̣ д̣̇зсанаахааро, уд̣̇ааху згажжаананд̇и? ниравасзсаанам̣язва. яасмин̃хи суд̇д̇з ассаад̣̇аад̣̇ийнаваниссаран̣аани саруубад̇о ааг̇ад̇аани, д̇ад̇т̇а вад̇д̇аб̣б̣амзва над̇т̇и. яад̇т̇а бана згад̣̇зсзна ааг̇ад̇аани, на жа саруубзна, д̇ад̇т̇а анааг̇ад̇ам̣ ад̇т̇авасзна нид̣̇д̇хаарзд̇ваа хааро яож̇зд̇аб̣б̣о.

    Desīyati saṃvaṇṇīyati etāya suttatthoti desanā, desanāya sahacaraṇato vā desanā. Nanu ca aññepi hārā desanāsaṅkhātassa suttassa atthasaṃvaṇṇanāto desanāya sahacārino vāti? Saccametaṃ, ayaṃ pana hāro yebhuyyena yathārutavaseneva viññāyamāno desanāya saha caratīti vattabbataṃ arahati, na tathāpare. Na hi assādādīnavanissaraṇādisandassanarahitā suttadesanā atthi. Kiṃ pana tesaṃ assādādīnaṃ anavasesānaṃ vacanaṃ desanāhāro, udāhu ekaccānanti? Niravasesānaṃyeva. Yasmiñhi sutte assādādīnavanissaraṇāni sarūpato āgatāni, tattha vattabbameva natthi. Yattha pana ekadesena āgatāni, na ca sarūpena, tattha anāgataṃ atthavasena niddhāretvā hāro yojetabbo.

    саяам̣ саманд̇ажагкубхаавад̇о д̇ам̣д̣̇ассанзна сабхаавад̇о жа ‘‘аха’’нд̇и вуд̇д̇ам̣. бхигканасийлад̇аад̣̇иг̇ун̣аяог̇ад̇о абхимукийгаран̣ад̇т̇ан̃жа, ‘‘бхигкавз’’д̇и вуд̇д̇ам̣. ад̇д̇аабхаавад̇о абарад̇аад̣̇ассанад̇т̇ан̃жа ‘‘ан̃н̃а’’нд̇и вуд̇д̇ам̣. згасса анубалаб̣бхад̣̇ассанад̇т̇ам̣ анзгабхааваббадисзд̇ханад̇т̇ан̃жа ‘‘згаруубамбий’’д̇и вуд̇д̇ам̣. д̇аад̣̇исасса руубасса абхаавад̇о ад̣̇ассанад̇о жа ‘‘на саманубассаамий’’д̇и вуд̇д̇ам̣. д̇асса бажжаамасанад̇о анияамад̇о жа ‘‘яа’’нд̇и вуд̇д̇ам̣. ид̣̇аани вужжамаанаагаарабараамасанад̇о д̇ад̣̇ан̃н̃аагааранисзд̇ханад̇о жа ‘‘зва’’нд̇и вуд̇д̇ам̣. висабхааг̇инд̣̇рияавад̇т̇уд̇о сабхааг̇авад̇т̇усмим̣ д̇ад̣̇абхаавад̇о жа ‘‘бурисассаа’’д̇и вуд̇д̇ам̣. нимид̇д̇аг̇г̇аахасса вад̇т̇убхаавад̇о д̇ат̇аа баригаббид̇ад̇д̇аа жа ‘‘жид̇д̇ам̣ барияаад̣̇ааяа д̇идтад̇ий’’д̇и вуд̇д̇ам̣. званд̇и вуд̇д̇аагаарабараамасанад̇т̇ан̃жзва нид̣̇ассанад̇т̇ан̃жа ‘‘яат̇аа’’д̇и вуд̇д̇ам̣. ад̇д̇ано бажжагкабхаавад̇о бхигкуунам̣ бажжагкагаран̣ад̇т̇ан̃жа ‘‘ид̣̇а’’нд̇и вуд̇д̇ам̣. ид̇т̇исанд̇аанабарияаабаннад̇о д̇аббадиб̣ад̣̇д̇хабхаавад̇о жа ‘‘ид̇т̇ирууба’’нд̇и вуд̇д̇анд̇и звам̣ анубад̣̇авижаяад̇о вижаяо хааро. вижийяанд̇и зд̇зна, зд̇т̇а ваа бад̣̇абан̃хаад̣̇аяод̇и вижаяо, вижид̇и зва ваа д̇зсанд̇и вижаяо. бад̣̇абужчаависсаж̇ж̇анабуб̣б̣аабараануг̇г̇аханам̣ ассаад̣̇аад̣̇ийнан̃жа висзсанид̣̇д̇хааран̣авасзна бавижаяалагкан̣о хи вижаяо хааро. вуд̇д̇амби жзд̇ам̣ –

    Sayaṃ samantacakkhubhāvato taṃdassanena sabhāvato ca ‘‘aha’’nti vuttaṃ. Bhikkhanasīlatādiguṇayogato abhimukhīkaraṇatthañca, ‘‘bhikkhave’’ti vuttaṃ. Attābhāvato aparatādassanatthañca ‘‘añña’’nti vuttaṃ. Ekassa anupalabbhadassanatthaṃ anekabhāvappaṭisedhanatthañca ‘‘ekarūpampī’’ti vuttaṃ. Tādisassa rūpassa abhāvato adassanato ca ‘‘na samanupassāmī’’ti vuttaṃ. Tassa paccāmasanato aniyamato ca ‘‘ya’’nti vuttaṃ. Idāni vuccamānākāraparāmasanato tadaññākāranisedhanato ca ‘‘eva’’nti vuttaṃ. Visabhāgindriyavatthuto sabhāgavatthusmiṃ tadabhāvato ca ‘‘purisassā’’ti vuttaṃ. Nimittaggāhassa vatthubhāvato tathā parikappitattā ca ‘‘cittaṃ pariyādāya tiṭṭhatī’’ti vuttaṃ. Evanti vuttākāraparāmasanatthañceva nidassanatthañca ‘‘yathā’’ti vuttaṃ. Attano paccakkhabhāvato bhikkhūnaṃ paccakkhakaraṇatthañca ‘‘ida’’nti vuttaṃ. Itthisantānapariyāpannato tappaṭibaddhabhāvato ca ‘‘itthirūpa’’nti vuttanti evaṃ anupadavicayato vicayo hāro. Vicīyanti etena, ettha vā padapañhādayoti vicayo, viciti eva vā tesanti vicayo. Padapucchāvissajjanapubbāparānuggahanaṃ assādādīnañca visesaniddhāraṇavasena pavicayalakkhaṇo hi vicayo hāro. Vuttampi cetaṃ –

    ‘‘яам̣ бужчид̇ан̃жа виссаж̇ж̇ид̇ан̃жа, суд̇д̇асса яаа жа ануг̇ийд̇и;

    ‘‘Yaṃ pucchitañca vissajjitañca, suttassa yā ca anugīti;

    суд̇д̇асса яо бавижаяо, хааро вижаяод̇и нид̣̇д̣̇идто’’д̇и. (нзд̇д̇и. 4 нид̣̇д̣̇зсаваара);

    Suttassa yo pavicayo, hāro vicayoti niddiṭṭho’’ti. (netti. 4 niddesavāra);

    анаад̣̇имад̇и сам̣саарз ид̇т̇ибурисаанам̣ ан̃н̃аман̃н̃аруубаабхираамад̇ааяа ‘‘ид̇т̇ируубам̣ бурисасса жид̇д̇ам̣ барияаад̣̇ааяа д̇идтад̇ий’’д̇и яуж̇ж̇ад̇ийд̇и аяам̣ яуд̇д̇ихааро. б̣яан̃ж̇анад̇т̇аанам̣ яуд̇д̇ааяуд̇д̇авибхааг̇авибхааваналагкан̣о хи яуд̇д̇ихааро. вуд̇д̇амби жзд̇ам̣ –

    Anādimati saṃsāre itthipurisānaṃ aññamaññarūpābhirāmatāya ‘‘itthirūpaṃ purisassa cittaṃ pariyādāya tiṭṭhatī’’ti yujjatīti ayaṃ yuttihāro. Byañjanatthānaṃ yuttāyuttavibhāgavibhāvanalakkhaṇo hi yuttihāro. Vuttampi cetaṃ –

    ‘‘саб̣б̣зсам̣ хаараанам̣, яаа бхуумий яо жа г̇ожаро д̇зсам̣;

    ‘‘Sabbesaṃ hārānaṃ, yā bhūmī yo ca gocaro tesaṃ;

    яуд̇д̇ааяуд̇д̇ибаригкаа, хааро яуд̇д̇ийд̇и нид̣̇д̣̇идто’’д̇и. (нзд̇д̇и. 4 нид̣̇д̣̇зсаваара);

    Yuttāyuttiparikkhā, hāro yuttīti niddiṭṭho’’ti. (netti. 4 niddesavāra);

    яуд̇д̇ийд̇и жа убабад̇д̇и саад̇ханаяуд̇д̇и, ид̇ха бана яуд̇д̇ивижааран̣аа яуд̇д̇и уд̇д̇арабад̣̇алобзна ‘‘руубабхаво рууба’’нд̇и яат̇аа. яуд̇д̇исахажаран̣ад̇о ваа яуд̇д̇и.

    Yuttīti ca upapatti sādhanayutti, idha pana yuttivicāraṇā yutti uttarapadalopena ‘‘rūpabhavo rūpa’’nti yathā. Yuttisahacaraṇato vā yutti.

    ид̇т̇ируубам̣ аяонисо ологияамаанам̣ инд̣̇риязсу аг̇уд̇д̇ад̣̇ваарад̇ааяа бад̣̇адтаанам̣, саа гусалаанам̣ д̇хаммаанам̣ абхааванааяа бад̣̇адтаанам̣, саа саб̣б̣ассаби сам̣гилзсабагкасса баривуд̣̇д̇хияаа бад̣̇адтаанам̣. б̣яад̇ирзгад̇о бана ид̇т̇ируубам̣ яонисо ологияамаанам̣ сад̇ибадтаанабхааванааяа бад̣̇адтаанам̣, саа б̣ож̇жхан̇г̇аанам̣ бхааванаабаарибуурияаа бад̣̇адтаанам̣, саа виж̇ж̇аавимуд̇д̇ийнам̣ баарибуурияаа бад̣̇адтаанам̣, гусаласса жид̇д̇асса барияаад̣̇аанам̣ саммохаабхинивзсасса бад̣̇адтаанам̣, со сан̇каараанам̣ бад̣̇адтаанам̣, сан̇каараа вин̃н̃аан̣ассаад̇и саб̣б̣ам̣ аавад̇д̇ад̇и бхаважаггам̣. б̣яад̇ирзгад̇о бана гусаласса жид̇д̇асса абарияаад̣̇аанам̣ д̇зсам̣ д̇зсам̣ гусалаанам̣ д̇хаммаанам̣ уббаад̣̇ааяа баарибуурияаа бад̣̇адтаананд̇и аяам̣ д̇аава ависзсад̇о наяо. висзсад̇о бана сийласса абарияаад̣̇аанам̣ авиббадисаарасса бад̣̇адтаанам̣, авиббадисааро баамож̇ж̇ассаад̇иаад̣̇инаа яаава анубаад̣̇аабариниб̣б̣аанам̣ нзд̇аб̣б̣ам̣. аяам̣ бад̣̇адтаано хааро. суд̇д̇з ааг̇ад̇ад̇хаммаанам̣ бад̣̇адтаанабхууд̇з д̇хаммз д̇зсан̃жа бад̣̇адтаанабхууд̇зд̇и самбхавад̇о бад̣̇адтаанабхууд̇ад̇хамманид̣̇д̇хааран̣алагкан̣о хи бад̣̇адтаано хааро. вуд̇д̇ан̃жзд̇ам̣ –

    Itthirūpaṃ ayoniso olokiyamānaṃ indriyesu aguttadvāratāya padaṭṭhānaṃ, sā kusalānaṃ dhammānaṃ abhāvanāya padaṭṭhānaṃ, sā sabbassapi saṃkilesapakkhassa parivuddhiyā padaṭṭhānaṃ. Byatirekato pana itthirūpaṃ yoniso olokiyamānaṃ satipaṭṭhānabhāvanāya padaṭṭhānaṃ, sā bojjhaṅgānaṃ bhāvanāpāripūriyā padaṭṭhānaṃ, sā vijjāvimuttīnaṃ pāripūriyā padaṭṭhānaṃ, kusalassa cittassa pariyādānaṃ sammohābhinivesassa padaṭṭhānaṃ, so saṅkhārānaṃ padaṭṭhānaṃ, saṅkhārā viññāṇassāti sabbaṃ āvattati bhavacakkaṃ. Byatirekato pana kusalassa cittassa apariyādānaṃ tesaṃ tesaṃ kusalānaṃ dhammānaṃ uppādāya pāripūriyā padaṭṭhānanti ayaṃ tāva avisesato nayo. Visesato pana sīlassa apariyādānaṃ avippaṭisārassa padaṭṭhānaṃ, avippaṭisāro pāmojjassātiādinā yāva anupādāparinibbānaṃ netabbaṃ. Ayaṃ padaṭṭhāno hāro. Sutte āgatadhammānaṃ padaṭṭhānabhūte dhamme tesañca padaṭṭhānabhūteti sambhavato padaṭṭhānabhūtadhammaniddhāraṇalakkhaṇo hi padaṭṭhāno hāro. Vuttañcetaṃ –

    ‘‘д̇хаммам̣ д̣̇зсзд̇и ж̇ино, д̇асса жа д̇хаммасса яам̣ бад̣̇адтаанам̣;

    ‘‘Dhammaṃ deseti jino, tassa ca dhammassa yaṃ padaṭṭhānaṃ;

    ид̇и яаава саб̣б̣ад̇хаммаа, зсо хааро бад̣̇адтаано’’д̇и. (нзд̇д̇и. 4 нид̣̇д̣̇зсаваара);

    Iti yāva sabbadhammā, eso hāro padaṭṭhāno’’ti. (netti. 4 niddesavāra);

    бад̣̇адтаананд̇и аасаннагааран̣ам̣. ид̇ха бана бад̣̇адтаанавижааран̣аа бад̣̇адтаанод̇иаад̣̇и яуд̇д̇ихаарз вуд̇д̇анаязнзва взд̣̇ид̇аб̣б̣ам̣.

    Padaṭṭhānanti āsannakāraṇaṃ. Idha pana padaṭṭhānavicāraṇā padaṭṭhānotiādi yuttihāre vuttanayeneva veditabbaṃ.

    згаруубанд̇и жа руубааяад̇анаг̇г̇ахан̣зна чаннамби б̣аахираанам̣ ааяад̇анаанам̣ г̇ахан̣ам̣ б̣аахирааяад̇анабхаавзна згалагкан̣ад̇д̇аа. жид̇д̇анд̇и манааяад̇анаг̇г̇ахан̣зна чаннамби аж̇жхад̇д̇игаанам̣ ааяад̇анаанам̣ г̇ахан̣ам̣ аж̇жхад̇д̇игааяад̇анабхаавзна згалагкан̣ад̇д̇аа. звам̣ канд̇хад̇хаад̇аад̣̇ивасзнаби згалагкан̣ад̇аа вад̇д̇аб̣б̣аа. аяам̣ лагкан̣о хааро. лагкийяанд̇и зд̇зна, зд̇т̇а ваа згалагкан̣ад̇хаммаа авуд̇д̇ааби згажжаважанзнаад̇и лагкан̣о. суд̇д̇з анааг̇ад̇зби д̇хаммз вуд̇д̇аббагаарз ааг̇ад̇з вияа нид̣̇д̇хаарзд̇ваа яаа сам̣ван̣н̣анаа, со лагкан̣о хааро. вуд̇д̇амби жзд̇ам̣ –

    Ekarūpanti ca rūpāyatanaggahaṇena channampi bāhirānaṃ āyatanānaṃ gahaṇaṃ bāhirāyatanabhāvena ekalakkhaṇattā. Cittanti manāyatanaggahaṇena channampi ajjhattikānaṃ āyatanānaṃ gahaṇaṃ ajjhattikāyatanabhāvena ekalakkhaṇattā. Evaṃ khandhadhātādivasenapi ekalakkhaṇatā vattabbā. Ayaṃ lakkhaṇo hāro. Lakkhīyanti etena, ettha vā ekalakkhaṇadhammā avuttāpi ekaccavacanenāti lakkhaṇo. Sutte anāgatepi dhamme vuttappakāre āgate viya niddhāretvā yā saṃvaṇṇanā, so lakkhaṇo hāro. Vuttampi cetaṃ –

    ‘‘вуд̇д̇амхи згад̇хаммз, яз д̇хаммаа згалагкан̣аа гзжи;

    ‘‘Vuttamhi ekadhamme, ye dhammā ekalakkhaṇā keci;

    вуд̇д̇аа бхаванд̇и саб̣б̣з, со хааро лагкан̣о наамаа’’д̇и. (нзд̇д̇и. 4 нид̣̇д̣̇зсаваара);

    Vuttā bhavanti sabbe, so hāro lakkhaṇo nāmā’’ti. (netti. 4 niddesavāra);

    нид̣̇аанз имиссаа д̣̇зсанааяа руубаг̇аругаанам̣ буг̇г̇алаанам̣ руубасмим̣ анаад̣̇ийнавад̣̇ассид̇аа вуд̇д̇аа, ‘‘гат̇ам̣ ну ко имз имам̣ д̣̇зсанам̣ суд̇ваа руубз аад̣̇ийнавад̣̇ассанамукзна саб̣б̣асмимби канд̇хабан̃жагз саб̣б̣асо чанд̣̇арааг̇ам̣ бахааяа сагалаваддад̣̇угкад̇о мужжзяяум̣, барз жа д̇ад̇т̇а бад̇идтаабзяяу’’нд̇и аяамзд̇т̇а бхаг̇авад̇о ад̇хиббааяо. бад̣̇аниб̣б̣ажанам̣ нируд̇д̇ам̣, д̇ам̣ ‘‘зва’’нд̇иаад̣̇инид̣̇аанабад̣̇аанам̣ ‘‘нааха’’нд̇иаад̣̇ибаал̣ибад̣̇аанан̃жа адтагат̇ааяам̣ д̇ассаа лийнад̇т̇аван̣н̣анааяа жа вуд̇д̇анаяаанусаарзна сугарад̇д̇аа на вид̇т̇аараяимха.

    Nidāne imissā desanāya rūpagarukānaṃ puggalānaṃ rūpasmiṃ anādīnavadassitā vuttā, ‘‘kathaṃ nu kho ime imaṃ desanaṃ sutvā rūpe ādīnavadassanamukhena sabbasmimpi khandhapañcake sabbaso chandarāgaṃ pahāya sakalavaṭṭadukkhato mucceyyuṃ, pare ca tattha patiṭṭhāpeyyu’’nti ayamettha bhagavato adhippāyo. Padanibbacanaṃ niruttaṃ, taṃ ‘‘eva’’ntiādinidānapadānaṃ ‘‘nāha’’ntiādipāḷipadānañca aṭṭhakathāyaṃ tassā līnatthavaṇṇanāya ca vuttanayānusārena sukarattā na vitthārayimha.

    бад̣̇абад̣̇ад̇т̇ад̣̇зсанаад̣̇зсанаанигкзбасуд̇д̇асанд̇хивасзна бан̃жавид̇хаа санд̇хи. д̇ад̇т̇а бад̣̇асса бад̣̇анд̇арзна самб̣анд̇хо бад̣̇асанд̇хи. бад̣̇ад̇т̇асса бад̣̇ад̇т̇анд̇арзна самб̣анд̇хо бад̣̇ад̇т̇асанд̇хи, яо ‘‘гирияаагаарагасамб̣анд̇хо’’д̇и вужжад̇и. наанаанусанд̇хигасса суд̇д̇асса д̇ам̣д̇ам̣анусанд̇хийхи самб̣анд̇хо, згаанусанд̇хигасса жа буб̣б̣аабарасамб̣анд̇хо д̣̇зсанаасанд̇хи, яаа адтагат̇ааяам̣ ‘‘бужчаанусанд̇хи, аж̇жхаасаяаанусанд̇хи, яат̇аанусанд̇хий’’д̇и д̇ид̇хаа вибхад̇д̇аа. аж̇жхаасаяо жзд̇т̇а ад̇д̇аж̇жхаасаяо бараж̇жхаасаяод̇и д̣̇вид̇хаа взд̣̇ид̇аб̣б̣о. д̣̇зсанаанигкзбасанд̇хи жад̇уннам̣ суд̇д̇анигкзбаанам̣ васзна взд̣̇ид̇аб̣б̣аа. суд̇д̇асанд̇хи ид̇ха батаманигкзбавасзнзва взд̣̇ид̇аб̣б̣аа. ‘‘гасмаа банзд̇т̇а ид̣̇амзва жид̇д̇абарияаад̣̇аанасуд̇д̇ам̣ батамам̣ нигкид̇д̇а’’нд̇и нааяамануяог̇о гад̇т̇ажи на бавад̇д̇ад̇и. абижа имз сад̇д̇аа анаад̣̇имад̇и сам̣саарз бариб̣бхаманд̇аа ид̇т̇ибурисаа ан̃н̃аман̃н̃зсам̣ бан̃жагаамаг̇ун̣асан̇каад̇аруубаабхираамаа, д̇ад̇т̇а ид̇т̇ий бурисасса руубз сад̇д̇аа г̇ид̣̇д̇хаа г̇ад̇хид̇аа лаг̇г̇аа лаг̇г̇ид̇аа аасад̇д̇аа, саа жассаа д̇ад̇т̇а аасад̇д̇и д̣̇уб̣б̣ивзжанийяаа . д̇ат̇аа бурисо ид̇т̇ияаа руубз, д̇ад̇т̇а жа д̣̇ассанасам̣саг̇г̇о г̇аруд̇аро ид̇арзсан̃жа муулабхууд̇о. д̇знзва хи бхаг̇аваа ‘‘гат̇ам̣ ну ко маад̇уг̇аамз бадибаж̇ж̇ид̇аб̣б̣а’’нд̇и (д̣̇ий. ни. 2.203) будто ‘‘ад̣̇ассанамзваа’’д̇и авожа. д̇асмаа бхаг̇аваа бан̃жасу гаамаг̇ун̣зсу руубз чанд̣̇арааг̇ахаабанад̇т̇ам̣ ид̣̇амзва суд̇д̇ам̣ батамам̣ д̣̇зсзси. ниб̣б̣аанаад̇хиг̇амааяа бадибад̇д̇ияаа аад̣̇и рзсаа бадибад̇д̇ийд̇и. яам̣ бана згиссаа д̣̇зсанааяа д̣̇зсананд̇арзна сам̣санд̣̇анам̣, аяамби д̣̇зсанаасанд̇хи. саа ид̇ха звам̣ взд̣̇ид̇аб̣б̣аа. ‘‘наахам̣, бхигкавз…бз… д̇идтад̇ий’’д̇и аяам̣ д̣̇зсанаа. ‘‘яз ко, бхигкавз, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа , д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и, д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇анд̇и анзгз баабагаа агусалаа д̇хаммаа’’д̇и (сам̣. ни. 4.118) имааяа д̣̇зсанааяа сам̣санд̣̇ад̇и. д̇ат̇аа ‘‘руубз ман̃н̃ад̇и, руубзсу ман̃н̃ад̇и, руубад̇о ман̃н̃ад̇и, руубам̣ ‘мз’д̇и ман̃н̃ад̇и. руубам̣, бхигкавз, анабхиж̇аанам̣ абариж̇аанам̣ авирааж̇аяам̣ аббаж̇ахам̣ абхаб̣б̣о д̣̇угкагкаяааяаа’’д̇и (сам̣. ни. 4.112) звамаад̣̇ийхи д̣̇зсанаахи сам̣санд̣̇ад̇ийд̇и аяам̣ жад̇уб̣яуухо хааро. вияуухийяанд̇и вибхааг̇зна бин̣д̣ийяанд̇и зд̇зна, зд̇т̇а ваад̇и б̣яуухо, ниб̣б̣ажанаад̣̇ийнам̣ жад̇уннам̣ б̣яууход̇и жад̇уб̣яуухо, жад̇уннам̣ ваа б̣яуухо зд̇т̇аад̇и жад̇уб̣яуухо. ниб̣б̣ажанаад̇хиббааяаад̣̇ийнам̣ жад̇уннам̣ вибхааг̇алагкан̣о хи жад̇уб̣яуухо хааро. вуд̇д̇ан̃хзд̇ам̣ –

    Padapadatthadesanādesanānikkhepasuttasandhivasena pañcavidhā sandhi. Tattha padassa padantarena sambandho padasandhi. Padatthassa padatthantarena sambandho padatthasandhi, yo ‘‘kiriyākārakasambandho’’ti vuccati. Nānānusandhikassa suttassa taṃtaṃanusandhīhi sambandho, ekānusandhikassa ca pubbāparasambandho desanāsandhi, yā aṭṭhakathāyaṃ ‘‘pucchānusandhi, ajjhāsayānusandhi, yathānusandhī’’ti tidhā vibhattā. Ajjhāsayo cettha attajjhāsayo parajjhāsayoti dvidhā veditabbo. Desanānikkhepasandhi catunnaṃ suttanikkhepānaṃ vasena veditabbā. Suttasandhi idha paṭhamanikkhepavaseneva veditabbā. ‘‘Kasmā panettha idameva cittapariyādānasuttaṃ paṭhamaṃ nikkhitta’’nti nāyamanuyogo katthaci na pavattati. Apica ime sattā anādimati saṃsāre paribbhamantā itthipurisā aññamaññesaṃ pañcakāmaguṇasaṅkhātarūpābhirāmā, tattha itthī purisassa rūpe sattā giddhā gadhitā laggā laggitā āsattā, sā cassā tattha āsatti dubbivecanīyā . Tathā puriso itthiyā rūpe, tattha ca dassanasaṃsaggo garutaro itaresañca mūlabhūto. Teneva hi bhagavā ‘‘kathaṃ nu kho mātugāme paṭipajjitabba’’nti (dī. ni. 2.203) puṭṭho ‘‘adassanamevā’’ti avoca. Tasmā bhagavā pañcasu kāmaguṇesu rūpe chandarāgahāpanatthaṃ idameva suttaṃ paṭhamaṃ desesi. Nibbānādhigamāya paṭipattiyā ādi resā paṭipattīti. Yaṃ pana ekissā desanāya desanantarena saṃsandanaṃ, ayampi desanāsandhi. Sā idha evaṃ veditabbā. ‘‘Nāhaṃ, bhikkhave…pe… tiṭṭhatī’’ti ayaṃ desanā. ‘‘Ye kho, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā , tañce bhikkhu abhinandati abhivadati ajjhosāya tiṭṭhati, tassa taṃ abhinandato abhivadato ajjhosāya tiṭṭhato uppajjanti aneke pāpakā akusalā dhammā’’ti (saṃ. ni. 4.118) imāya desanāya saṃsandati. Tathā ‘‘rūpe maññati, rūpesu maññati, rūpato maññati, rūpaṃ ‘me’ti maññati. Rūpaṃ, bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāyā’’ti (saṃ. ni. 4.112) evamādīhi desanāhi saṃsandatīti ayaṃ catubyūho hāro. Viyūhīyanti vibhāgena piṇḍīyanti etena, ettha vāti byūho, nibbacanādīnaṃ catunnaṃ byūhoti catubyūho, catunnaṃ vā byūho etthāti catubyūho. Nibbacanādhippāyādīnaṃ catunnaṃ vibhāgalakkhaṇo hi catubyūho hāro. Vuttañhetaṃ –

    ‘‘нзруд̇д̇амад̇хиббааяо, б̣яан̃ж̇анамат̇а д̣̇зсанаанид̣̇аанан̃жа;

    ‘‘Neruttamadhippāyo, byañjanamatha desanānidānañca;

    буб̣б̣аабараанусанд̇хий, зсо хааро жад̇уб̣яуухо’’д̇и. (нзд̇д̇и. 4 нид̣̇д̣̇зсаваара);

    Pubbāparānusandhī, eso hāro catubyūho’’ti. (netti. 4 niddesavāra);

    ‘‘наахам̣, бхигкавз, ан̃н̃ам̣…бз… ид̇т̇ирууба’’нд̇и зд̇зна аяонисоманасигааро д̣̇ийбид̇о. яам̣ д̇ад̇т̇а жид̇д̇ам̣ барияаад̣̇ияад̇и, д̇зна яонисоманасигааро. д̇ад̇т̇а аяонисоманасигарод̇о д̇ан̣хаавиж̇ж̇аа баривад̣дханд̇и, д̇аасу д̇ан̣хааг̇ахан̣зна нава д̇ан̣хаамуулагаа д̇хаммаа аавадданд̇и, авиж̇ж̇ааг̇ахан̣зна авиж̇ж̇аамуулагам̣ саб̣б̣ам̣ бхаважаггам̣ ааваддад̇и, яонисоманасигаараг̇г̇ахан̣зна жа яонисоманасигаарамуулагаа д̇хаммаа аавадданд̇и, жад̇уб̣б̣ид̇хан̃жа самбад̇д̇ижагганд̇и. аяам̣ ааваддо хааро. ааваддаяанд̇и зд̇зна, зд̇т̇а ваа сабхааг̇ависабхааг̇аа жа д̇хаммаа, д̇зсам̣ ваа ааваддананд̇и ааваддо. д̣̇зсанааяа г̇ахид̇ад̇хаммаанам̣ сабхааг̇аасабхааг̇ад̇хаммавасзна аавадданалагкан̣о хи ааваддо хааро. вуд̇д̇амби жзд̇ам̣ –

    ‘‘Nāhaṃ, bhikkhave, aññaṃ…pe… itthirūpa’’nti etena ayonisomanasikāro dīpito. Yaṃ tattha cittaṃ pariyādiyati, tena yonisomanasikāro. Tattha ayonisomanasikaroto taṇhāvijjā parivaḍḍhanti, tāsu taṇhāgahaṇena nava taṇhāmūlakā dhammā āvaṭṭanti, avijjāgahaṇena avijjāmūlakaṃ sabbaṃ bhavacakkaṃ āvaṭṭati, yonisomanasikāraggahaṇena ca yonisomanasikāramūlakā dhammā āvaṭṭanti, catubbidhañca sampatticakkanti. Ayaṃ āvaṭṭo hāro. Āvaṭṭayanti etena, ettha vā sabhāgavisabhāgā ca dhammā, tesaṃ vā āvaṭṭananti āvaṭṭo. Desanāya gahitadhammānaṃ sabhāgāsabhāgadhammavasena āvaṭṭanalakkhaṇo hi āvaṭṭo hāro. Vuttampi cetaṃ –

    ‘‘згамхи бад̣̇адтаанз, бариязсад̇и сзсагам̣ бад̣̇адтаанам̣;

    ‘‘Ekamhi padaṭṭhāne, pariyesati sesakaṃ padaṭṭhānaṃ;

    ааваддад̇и бадибагкз, ааваддо наама со хааро’’д̇и. (нзд̇д̇и. 4 нид̣̇д̣̇зсаваара);

    Āvaṭṭati paṭipakkhe, āvaṭṭo nāma so hāro’’ti. (netti. 4 niddesavāra);

    руубам̣ жад̇уб̣б̣ид̇хам̣ гаммасамудтаанам̣, жид̇д̇асамудтаанам̣, уд̇усамудтаанам̣, аахаарасамудтаанам̣, д̇ат̇аа идтам̣ идтамаж̇жхад̇д̇ам̣ анидтам̣ анидтамаж̇жхад̇д̇анд̇и. ид̇ха бана идтам̣ ад̇хиббзд̇ам̣. жид̇д̇ам̣ гусалажид̇д̇амзд̇т̇а взд̣̇ид̇аб̣б̣ам̣. д̇ам̣ гаамааважарам̣, руубааважарам̣, аруубааважарам̣, логуд̇д̇аранд̇и жад̇уб̣б̣ид̇хам̣. взд̣̇анаад̣̇исамбаяуд̇д̇ад̇хаммабхзд̣̇ад̇о анзгавид̇ханд̇и аяам̣ вибхад̇д̇ихааро. вибхаж̇ийяанд̇и зд̇зна, зд̇т̇а ваа саад̇хааран̣аасаад̇хааран̣аанам̣ сам̣гилзсавод̣̇аанад̇хаммаанам̣ бхуумияод̇и вибхад̇д̇и. вибхаж̇анам̣ ваа зд̇зсам̣ бхуумияод̇и вибхад̇д̇и. сам̣гилзсад̇хаммз вод̣̇аанад̇хаммз жа саад̇хааран̣аасаад̇хааран̣ад̇о бад̣̇адтаанад̇о бхуумид̇о вибхаж̇аналагкан̣о хи вибхад̇д̇ихааро. вуд̇д̇амби жзд̇ам̣ –

    Rūpaṃ catubbidhaṃ kammasamuṭṭhānaṃ, cittasamuṭṭhānaṃ, utusamuṭṭhānaṃ, āhārasamuṭṭhānaṃ, tathā iṭṭhaṃ iṭṭhamajjhattaṃ aniṭṭhaṃ aniṭṭhamajjhattanti. Idha pana iṭṭhaṃ adhippetaṃ. Cittaṃ kusalacittamettha veditabbaṃ. Taṃ kāmāvacaraṃ, rūpāvacaraṃ, arūpāvacaraṃ, lokuttaranti catubbidhaṃ. Vedanādisampayuttadhammabhedato anekavidhanti ayaṃ vibhattihāro. Vibhajīyanti etena, ettha vā sādhāraṇāsādhāraṇānaṃ saṃkilesavodānadhammānaṃ bhūmiyoti vibhatti. Vibhajanaṃ vā etesaṃ bhūmiyoti vibhatti. Saṃkilesadhamme vodānadhamme ca sādhāraṇāsādhāraṇato padaṭṭhānato bhūmito vibhajanalakkhaṇo hi vibhattihāro. Vuttampi cetaṃ –

    ‘‘д̇хамман̃жа бад̣̇адтаанам̣, бхуумин̃жа вибхаж̇ж̇ад̇з аяам̣ хааро;

    ‘‘Dhammañca padaṭṭhānaṃ, bhūmiñca vibhajjate ayaṃ hāro;

    саад̇хааран̣з асаад̇хааран̣з жа нзяяо вибхад̇д̇ий’’д̇и. (нзд̇д̇и. 4 нид̣̇д̣̇зсаваара);

    Sādhāraṇe asādhāraṇe ca neyyo vibhattī’’ti. (netti. 4 niddesavāra);

    ид̇т̇ируубам̣ бурисасса жид̇д̇ам̣ барияаад̣̇ааяа д̇идтад̇и аяонисо манасигарод̇о, яонисо манасигарод̇о на барияаад̣̇ияад̇и сусам̣вуд̇инд̣̇рияад̇д̇аа сийлзсу самаахид̇ассаад̇и аяам̣ баривад̇д̇о хааро. бадибагкавасзна баривад̇д̇ийяанд̇и иминаа, зд̇т̇а ваа суд̇д̇з вуд̇д̇ад̇хаммаа, баривад̇д̇анам̣ ваа д̇зсанд̇и баривад̇д̇о. нид̣̇д̣̇идтаанам̣ д̇хаммаанам̣ бадибагкад̇о баривад̇д̇аналагкан̣о хи баривад̇д̇о хааро. вуд̇д̇ан̃хзд̇ам̣ –

    Itthirūpaṃ purisassa cittaṃ pariyādāya tiṭṭhati ayoniso manasikaroto, yoniso manasikaroto na pariyādiyati susaṃvutindriyattā sīlesu samāhitassāti ayaṃ parivatto hāro. Paṭipakkhavasena parivattīyanti iminā, ettha vā sutte vuttadhammā, parivattanaṃ vā tesanti parivatto. Niddiṭṭhānaṃ dhammānaṃ paṭipakkhato parivattanalakkhaṇo hi parivatto hāro. Vuttañhetaṃ –

    ‘‘гусалаагусалз д̇хаммз, нид̣̇д̣̇идтз бхаавид̇з бахийнз жа;

    ‘‘Kusalākusale dhamme, niddiṭṭhe bhāvite pahīne ca;

    баривад̇д̇ад̇и бадибагкз, хааро баривад̇д̇ано наамаа’’д̇и. (нзд̇д̇и. 4 нид̣̇д̣̇зсаваара);

    Parivattati paṭipakkhe, hāro parivattano nāmā’’ti. (netti. 4 niddesavāra);

    бхигкавз, саман̣аа баб̣б̣аж̇ид̇аад̇и барияааяаважанам̣. ан̃н̃ам̣ барам̣ гин̃жийд̇и барияааяаважанам̣. руубам̣ ван̣н̣ам̣ жагкувин̃н̃зяяанд̇и барияааяаважанам̣. саманубассаами ологзссаами ж̇аанаамийд̇и барияааяаважанам̣. звам̣ ид̇т̇ам̣ имам̣ багааранд̇и барияааяаважанам̣. бурисасса буг̇г̇алассаад̇и барияааяаважанам̣. жид̇д̇ам̣ вин̃н̃аан̣ам̣ манод̇и барияааяаважанам̣. барияаад̣̇ааяа г̇ахзд̇ваа кзбзд̇ваад̇и барияааяаважанам̣. д̇идтад̇и д̇харад̇и таад̇ийд̇и барияааяаважанам̣. яат̇аа язна багаарзна язнаагаарзнаад̇и барияааяаважанам̣. ид̇т̇ий наарий маад̇уг̇аамод̇и барияааяаважананд̇и аяам̣ взважано хааро. вивид̇хам̣ важанам̣ згассзвад̇т̇асса ваажагамзд̇т̇аад̇и виважанам̣, виважанамзва взважанам̣. вивид̇хам̣ вужжад̇и зд̇зна ад̇т̇од̇и ваа виважанам̣, виважанамзва взважанам̣. згасмим̣ ад̇т̇з анзгабарияааяасад̣̇д̣̇аббаяож̇аналагкан̣о хи взважано хааро. вуд̇д̇ан̃хзд̇ам̣ –

    Bhikkhave, samaṇā pabbajitāti pariyāyavacanaṃ. Aññaṃ paraṃ kiñcīti pariyāyavacanaṃ. Rūpaṃ vaṇṇaṃ cakkhuviññeyyanti pariyāyavacanaṃ. Samanupassāmi olokessāmi jānāmīti pariyāyavacanaṃ. Evaṃ itthaṃ imaṃ pakāranti pariyāyavacanaṃ. Purisassa puggalassāti pariyāyavacanaṃ. Cittaṃ viññāṇaṃ manoti pariyāyavacanaṃ. Pariyādāya gahetvā khepetvāti pariyāyavacanaṃ. Tiṭṭhati dharati ṭhātīti pariyāyavacanaṃ. Yathā yena pakārena yenākārenāti pariyāyavacanaṃ. Itthī nārī mātugāmoti pariyāyavacananti ayaṃ vevacano hāro. Vividhaṃ vacanaṃ ekassevatthassa vācakametthāti vivacanaṃ, vivacanameva vevacanaṃ. Vividhaṃ vuccati etena atthoti vā vivacanaṃ, vivacanameva vevacanaṃ. Ekasmiṃ atthe anekapariyāyasaddappayojanalakkhaṇo hi vevacano hāro. Vuttañhetaṃ –

    ‘‘взважанаани б̣ахууни д̇у, суд̇д̇з вуд̇д̇аани згад̇хаммасса;

    ‘‘Vevacanāni bahūni tu, sutte vuttāni ekadhammassa;

    яо ж̇аанаад̇и суд̇д̇авид̣̇уу, взважано наама со хааро’’д̇и. (нзд̇д̇и. 4 нид̣̇д̣̇зсаваара);

    Yo jānāti suttavidū, vevacano nāma so hāro’’ti. (netti. 4 niddesavāra);

    руубам̣ гаал̣асаамаад̣̇ивасзна анзгад̇хаа бан̃н̃ад̇д̇ам̣. бурисо кад̇д̇ияаад̣̇ивасзна анзгад̇хаа бан̃н̃ад̇д̇о. жид̇д̇ам̣ барид̇д̇амахаг̇г̇ад̇аад̣̇ивасзна анзгад̇хаа бан̃н̃ад̇д̇ам̣. ‘‘барияаад̣̇ааяаа’’д̇и зд̇т̇а барияаад̣̇аанам̣ барияаад̣̇ааяагаанам̣ баабад̇хаммаанам̣ васзна вийд̇иггамабарияудтаанаад̣̇инаа жа анзгад̇хаа бан̃н̃ад̇д̇ам̣. аяам̣ бан̃н̃ад̇д̇ихааро. багаарзхи, бабхзд̣̇ад̇о ваа н̃аабийяанд̇и иминаа, зд̇т̇а ваа ад̇т̇аад̇и бан̃н̃ад̇д̇и. згзгасса д̇хаммасса анзгаахи бан̃н̃ад̇д̇ийхи бан̃н̃аабзд̇аб̣б̣аагааравибхааваналагкан̣о хи бан̃н̃ад̇д̇ихааро. вуд̇д̇ан̃хзд̇ам̣ –

    Rūpaṃ kāḷasāmādivasena anekadhā paññattaṃ. Puriso khattiyādivasena anekadhā paññatto. Cittaṃ parittamahaggatādivasena anekadhā paññattaṃ. ‘‘Pariyādāyā’’ti ettha pariyādānaṃ pariyādāyakānaṃ pāpadhammānaṃ vasena vītikkamapariyuṭṭhānādinā ca anekadhā paññattaṃ. Ayaṃ paññattihāro. Pakārehi, pabhedato vā ñāpīyanti iminā, ettha vā atthāti paññatti. Ekekassa dhammassa anekāhi paññattīhi paññāpetabbākāravibhāvanalakkhaṇo hi paññattihāro. Vuttañhetaṃ –

    ‘‘згам̣ бхаг̇аваа д̇хаммам̣, бан̃н̃ад̇д̇ийхи вивид̇хаахи д̣̇зсзд̇и;

    ‘‘Ekaṃ bhagavā dhammaṃ, paññattīhi vividhāhi deseti;

    со аагааро н̃зяяо, бан̃н̃ад̇д̇ий наама со хааро’’д̇и. (нзд̇д̇и. 4 нид̣̇д̣̇зсаваара);

    So ākāro ñeyyo, paññattī nāma so hāro’’ti. (netti. 4 niddesavāra);

    вирод̇хибажжаяасамавааяз висад̣̇исуббад̇д̇ируббанаван̣н̣авигаараабад̇д̇ияаа д̇ам̣саман̇г̇ино хад̣̇аяан̇г̇ад̇абхааваббагаасанам̣ руубадтод̇и анижжад̇аамукзна од̇аран̣ам̣, анижжасса бана д̣̇угкад̇д̇аа д̣̇угкад̇аамукзна, д̣̇угкасса жа анад̇д̇агад̇д̇аа сун̃н̃ад̇аамукзна од̇аран̣ам̣. жид̇д̇ам̣ мановин̃н̃аан̣ад̇хаад̇у, д̇ассаа барияаад̣̇ааяигаа д̇ан̣хаа д̇ад̣̇згадтаа жа баабад̇хаммаа д̇хаммад̇хаад̇ууд̇и д̇хаад̇умукзна од̇аран̣ам̣. звам̣ канд̇хааяад̇анаад̣̇имукзхиби од̇аран̣ам̣ вад̇д̇аб̣б̣анд̇и аяам̣ од̇аран̣о хааро. од̇аарийяанд̇и ануббавзсийяанд̇и зд̇зна, зд̇т̇а ваа суд̇д̇ааг̇ад̇аа д̇хаммаа бадижжасамуббаад̣̇аад̣̇ийсууд̇и од̇аран̣о. бадижжасамуббаад̣̇аад̣̇имукзна суд̇д̇ад̇т̇асса од̇аран̣алагкан̣о хи од̇аран̣о хааро. вуд̇д̇ан̃хзд̇ам̣ –

    Virodhipaccayasamavāye visadisuppattiruppanavaṇṇavikārāpattiyā taṃsamaṅgino hadayaṅgatabhāvappakāsanaṃ rūpaṭṭhoti aniccatāmukhena otaraṇaṃ, aniccassa pana dukkhattā dukkhatāmukhena, dukkhassa ca anattakattā suññatāmukhena otaraṇaṃ. Cittaṃ manoviññāṇadhātu, tassā pariyādāyikā taṇhā tadekaṭṭhā ca pāpadhammā dhammadhātūti dhātumukhena otaraṇaṃ. Evaṃ khandhāyatanādimukhehipi otaraṇaṃ vattabbanti ayaṃ otaraṇo hāro. Otārīyanti anuppavesīyanti etena, ettha vā suttāgatā dhammā paṭiccasamuppādādīsūti otaraṇo. Paṭiccasamuppādādimukhena suttatthassa otaraṇalakkhaṇo hi otaraṇo hāro. Vuttañhetaṃ –

    ‘‘яо жа бадижжуббаад̣̇о, инд̣̇рияаканд̇хаа жа д̇хаад̇уааяад̇анаа;

    ‘‘Yo ca paṭiccuppādo, indriyakhandhā ca dhātuāyatanā;

    зд̇зхи од̇арад̇и яо, од̇аран̣о наама со хааро’’д̇и. (нзд̇д̇и. 4 нид̣̇д̣̇зсаваара);

    Etehi otarati yo, otaraṇo nāma so hāro’’ti. (netti. 4 niddesavāra);

    наахам̣, бхигкавз…бз… саманубассаамийд̇и аарамбхо. звам̣ бурисасса жид̇д̇ам̣ барияаад̣̇ааяа д̇идтад̇ийд̇и бад̣̇асуд̣̇д̇хи, на бана аарамбхасуд̣̇д̇хи. яат̇аяид̣̇анд̇иаад̣̇и бад̣̇асуд̣̇д̇хи жзва аарамбхасуд̣̇д̇хи жаад̇и аяам̣ сод̇хано хааро. сод̇хийяанд̇и самаад̇хийяанд̇и зд̇зна, зд̇т̇а ваа суд̇д̇з бад̣̇абад̣̇ад̇т̇абан̃хаарамбхаад̇и сод̇хано. суд̇д̇з бад̣̇абад̣̇ад̇т̇абан̃хаарамбхаанам̣ сод̇ханалагкан̣о хи сод̇хано хааро. вуд̇д̇ан̃хзд̇ам̣ –

    Nāhaṃ, bhikkhave…pe… samanupassāmīti ārambho. Evaṃ purisassa cittaṃ pariyādāya tiṭṭhatīti padasuddhi, na pana ārambhasuddhi. Yathayidantiādi padasuddhi ceva ārambhasuddhi cāti ayaṃ sodhano hāro. Sodhīyanti samādhīyanti etena, ettha vā sutte padapadatthapañhārambhāti sodhano. Sutte padapadatthapañhārambhānaṃ sodhanalakkhaṇo hi sodhano hāro. Vuttañhetaṃ –

    ‘‘виссаж̇ж̇ид̇амхи бан̃хз, г̇аат̇ааяам̣ бужчид̇ааяамаараб̣бха;

    ‘‘Vissajjitamhi pañhe, gāthāyaṃ pucchitāyamārabbha;

    суд̣̇д̇хаасуд̣̇д̇хабаригкаа, хааро со сод̇хано наамаа’’д̇и. (нзд̇д̇и. 4 нид̣̇д̣̇зсаваара);

    Suddhāsuddhaparikkhā, hāro so sodhano nāmā’’ti. (netti. 4 niddesavāra);

    ан̃н̃анд̇и сааман̃н̃ад̇о ад̇хидтаанам̣ гассажи висзсасса анаамадтад̇д̇аа. згаруубамбийд̇и д̇ам̣ авигаббзд̇ваа висзсаважанам̣. яат̇аяид̣̇анд̇и сааман̃н̃ад̇о ад̇хидтаанам̣ анияамаважанабхаавад̇о. ид̇т̇ируубанд̇и д̇ам̣ авигаббзд̇ваа висзсаважананд̇и аяам̣ ад̇хидтаано хааро. ад̇хидтийяанд̇и ануббавад̇д̇ийяанд̇и зд̇зна, зд̇т̇а ваа сааман̃н̃ависзсабхууд̇аа д̇хаммаа винаа вигаббзнаад̇и ад̇хидтаано. суд̇д̇ааг̇ад̇аанам̣ д̇хаммаанам̣ авигаббанавасзнзва сааман̃н̃ависзсанид̣̇д̇хааран̣алагкан̣о хи ад̇хидтаано хааро. вуд̇д̇амби жзд̇ам̣ –

    Aññanti sāmaññato adhiṭṭhānaṃ kassaci visesassa anāmaṭṭhattā. Ekarūpampīti taṃ avikappetvā visesavacanaṃ. Yathayidanti sāmaññato adhiṭṭhānaṃ aniyamavacanabhāvato. Itthirūpanti taṃ avikappetvā visesavacananti ayaṃ adhiṭṭhāno hāro. Adhiṭṭhīyanti anuppavattīyanti etena, ettha vā sāmaññavisesabhūtā dhammā vinā vikappenāti adhiṭṭhāno. Suttāgatānaṃ dhammānaṃ avikappanavaseneva sāmaññavisesaniddhāraṇalakkhaṇo hi adhiṭṭhāno hāro. Vuttampi cetaṃ –

    ‘‘згад̇д̇ад̇ааяа д̇хаммаа, язби жа взмад̇д̇ад̇ааяа нид̣̇д̣̇идтаа;

    ‘‘Ekattatāya dhammā, yepi ca vemattatāya niddiṭṭhā;

    д̇зна вигаббаяид̇аб̣б̣аа, зсо хааро ад̇хидтаано’’д̇и. (нзд̇д̇и. 4 нид̣̇д̣̇зсаваара);

    Tena vikappayitabbā, eso hāro adhiṭṭhāno’’ti. (netti. 4 niddesavāra);

    руубасса гаммаавиж̇ж̇аад̣̇аяо гаммажид̇д̇аад̣̇аяо жа хзд̇у. саманубассанааяа ааваж̇ж̇анаад̣̇аяо. гусаласса жид̇д̇асса яонисо манасигаараад̣̇аяо. барияаад̣̇ааяаад̇и зд̇т̇а барияаад̣̇аанасса аяонисоманасигаараад̣̇аяод̇и аяам̣ баригкааро хааро. баригарод̇и абхисан̇карод̇и паланд̇и баригкааро, хзд̇у бажжаяо жа. баригкаарам̣ аажигкад̇ийд̇и баригкааро, хааро. баригкаарависаяад̇д̇аа, баригкаарасахажаран̣ад̇о ваа баригкааро. суд̇д̇з ааг̇ад̇ад̇хаммаанам̣ баригкаарасан̇каад̇ахзд̇убажжаяз нид̣̇д̇хаарзд̇ваа сам̣ван̣н̣анаалагкан̣о хи баригкааро хааро. вуд̇д̇ан̃хзд̇ам̣ –

    Rūpassa kammāvijjādayo kammacittādayo ca hetu. Samanupassanāya āvajjanādayo. Kusalassa cittassa yoniso manasikārādayo. Pariyādāyāti ettha pariyādānassa ayonisomanasikārādayoti ayaṃ parikkhāro hāro. Parikaroti abhisaṅkharoti phalanti parikkhāro, hetu paccayo ca. Parikkhāraṃ ācikkhatīti parikkhāro, hāro. Parikkhāravisayattā, parikkhārasahacaraṇato vā parikkhāro. Sutte āgatadhammānaṃ parikkhārasaṅkhātahetupaccaye niddhāretvā saṃvaṇṇanālakkhaṇo hi parikkhāro hāro. Vuttañhetaṃ –

    ‘‘яз д̇хаммаа яам̣ д̇хаммам̣, ж̇анаяанд̇иббажжаяаа барамбарад̇о;

    ‘‘Ye dhammā yaṃ dhammaṃ, janayantippaccayā paramparato;

    хзд̇умавагад̣дхаяид̇ваа, зсо хааро баригкааро’’д̇и. (нзд̇д̇и. 4 нид̣̇д̣̇зсаваара);

    Hetumavakaḍḍhayitvā, eso hāro parikkhāro’’ti. (netti. 4 niddesavāra);

    бурисасса жид̇д̇ам̣ барияаад̣̇ааяа д̇идтад̇ийд̇и зд̇т̇а барияаад̣̇ааяигаа висзсад̇о д̇ан̣хаавиж̇ж̇аа взд̣̇ид̇аб̣б̣аа д̇аасам̣ васзна барияаад̣̇аанасамбхавад̇о. д̇аасу д̇ан̣хааяа руубамад̇хидтаанам̣, авиж̇ж̇ааяа аруубам̣. висзсад̇о д̇ан̣хааяа самат̇о бадибагко, авиж̇ж̇ааяа вибассанаа. самат̇асса жзд̇овимуд̇д̇и, палавибассанааяа бан̃н̃аавимуд̇д̇и. д̇ат̇аа хи д̇аа рааг̇авирааг̇аа авиж̇ж̇аавирааг̇аад̇и висзсзд̇ваа вужжанд̇ийд̇и аяам̣ самааробано хааро. самааробийяанд̇и зд̇зна, зд̇т̇а ваа бад̣̇адтаанаад̣̇имукзна д̇хаммаад̇и самааробано. суд̇д̇з ааг̇ад̇ад̇хаммаанам̣ бад̣̇адтаанавзважанабхааванаабахаанасамааробанавижааран̣алагкан̣о хи самааробано хааро. вуд̇д̇ан̃хзд̇ам̣ –

    Purisassa cittaṃ pariyādāya tiṭṭhatīti ettha pariyādāyikā visesato taṇhāvijjā veditabbā tāsaṃ vasena pariyādānasambhavato. Tāsu taṇhāya rūpamadhiṭṭhānaṃ, avijjāya arūpaṃ. Visesato taṇhāya samatho paṭipakkho, avijjāya vipassanā. Samathassa cetovimutti, phalavipassanāya paññāvimutti. Tathā hi tā rāgavirāgā avijjāvirāgāti visesetvā vuccantīti ayaṃ samāropano hāro. Samāropīyanti etena, ettha vā padaṭṭhānādimukhena dhammāti samāropano. Sutte āgatadhammānaṃ padaṭṭhānavevacanabhāvanāpahānasamāropanavicāraṇalakkhaṇo hi samāropano hāro. Vuttañhetaṃ –

    ‘‘яз д̇хаммаа яам̣ муулаа, яз жзгад̇т̇аа багаасид̇аа мунинаа;

    ‘‘Ye dhammā yaṃ mūlā, ye cekatthā pakāsitā muninā;

    д̇з самааробаяид̇аб̣б̣аа, зса самааробано хааро’’д̇и. (нзд̇д̇и. 4 нид̣̇д̣̇зсаваара);

    Te samāropayitabbā, esa samāropano hāro’’ti. (netti. 4 niddesavāra);

    зд̇д̇аавад̇аа жа –

    Ettāvatā ca –

    ‘‘д̣̇зсанаа вижаяо яуд̇д̇и, бад̣̇адтаано жа лагкан̣о;

    ‘‘Desanā vicayo yutti, padaṭṭhāno ca lakkhaṇo;

    жад̇уб̣яуухо жа ааваддо, вибхад̇д̇и баривад̇д̇ано.

    Catubyūho ca āvaṭṭo, vibhatti parivattano.

    взважано жа бан̃н̃ад̇д̇и, од̇аран̣о жа сод̇хано;

    Vevacano ca paññatti, otaraṇo ca sodhano;

    ад̇хидтаано баригкааро, самааробано сол̣асо’’д̇и. (нзд̇д̇и. 1 уд̣̇д̣̇зсаваара) –

    Adhiṭṭhāno parikkhāro, samāropano soḷaso’’ti. (netti. 1 uddesavāra) –

    звам̣ вуд̇д̇аа сол̣аса хаараа д̣̇ассид̇аад̇и взд̣̇ид̇аб̣б̣аа. харийяанд̇и зд̇зхи, зд̇т̇а ваа суд̇д̇аг̇зяяаад̣̇ивисаяаа ан̃н̃аан̣асам̣саяавибаллаасаад̇и хаараа. харанд̇и ваа саяам̣ д̇аани, харан̣амад̇д̇амзва ваад̇и хаараа палуубажаарзна. ат̇а ваа харийяанд̇и вохарийяанд̇и д̇хаммасам̣ван̣н̣агад̇хаммаббадиг̇г̇аахагзхи д̇хаммасса д̣̇аанаг̇г̇ахан̣авасзнаад̇и хаараа. ат̇а ваа хаараа вияаад̇и хаараа. яат̇аа хи анзгарад̇анаавалисамуухо хаарасан̇каад̇о ад̇д̇ано аваяавабхууд̇арад̇анасампассзхи самубаж̇анияамаанахилаад̣̇асуко худ̇ваа д̇ад̣̇убабхог̇иж̇анасарийрасанд̇аабам̣ нид̣̇аагхабарил̣аахуубаж̇анид̇ам̣ вуубасамзд̇и, звамзва д̇зби наанаавид̇хабарамад̇т̇арад̇анаббаб̣анд̇хаа сам̣ван̣н̣анаависзсаа ад̇д̇ано аваяавабхууд̇абарамад̇т̇арад̇анаад̇хиг̇амзна самуббаад̣̇ияамаананиб̣б̣уд̇исукаа д̇хаммаббадиг̇г̇аахагаж̇анахад̣̇аяабарид̇аабам̣ гаамарааг̇аад̣̇игилзсахзд̇угам̣ вуубасамзнд̇ийд̇и. ат̇а ваа хаараяанд̇и ан̃н̃аан̣аад̣̇инийхаарам̣ абаг̇амам̣ гаронд̇и аажигканд̇ийд̇и ваа хаараа. ат̇а ваа сод̇уж̇анажид̇д̇асса харан̣ад̇о раман̣ад̇о жа хаараа нируд̇д̇инаязна яат̇аа ‘‘бхавзсу ванд̇аг̇амано бхаг̇аваа’’д̇и (висуд̣̇д̇хи. 1.144; баараа. адта. 1.взран̃ж̇аган̣д̣аван̣н̣анаа).

    Evaṃ vuttā soḷasa hārā dassitāti veditabbā. Harīyanti etehi, ettha vā suttageyyādivisayā aññāṇasaṃsayavipallāsāti hārā. Haranti vā sayaṃ tāni, haraṇamattameva vāti hārā phalūpacārena. Atha vā harīyanti voharīyanti dhammasaṃvaṇṇakadhammappaṭiggāhakehi dhammassa dānaggahaṇavasenāti hārā. Atha vā hārā viyāti hārā. Yathā hi anekaratanāvalisamūho hārasaṅkhāto attano avayavabhūtaratanasamphassehi samupajaniyamānahilādasukho hutvā tadupabhogijanasarīrasantāpaṃ nidāghapariḷāhūpajanitaṃ vūpasameti, evameva tepi nānāvidhaparamattharatanappabandhā saṃvaṇṇanāvisesā attano avayavabhūtaparamattharatanādhigamena samuppādiyamānanibbutisukhā dhammappaṭiggāhakajanahadayaparitāpaṃ kāmarāgādikilesahetukaṃ vūpasamentīti. Atha vā hārayanti aññāṇādinīhāraṃ apagamaṃ karonti ācikkhantīti vā hārā. Atha vā sotujanacittassa haraṇato ramaṇato ca hārā niruttinayena yathā ‘‘bhavesu vantagamano bhagavā’’ti (visuddhi. 1.144; pārā. aṭṭha. 1.verañjakaṇḍavaṇṇanā).

    ид̇о барам̣ бана нанд̣̇ияааваддаад̣̇ибан̃жавид̇ханаяаа взд̣̇ид̇аб̣б̣аа – д̇ад̇т̇а д̇ан̣хаавиж̇ж̇аа самуд̣̇аяасажжам̣, д̇аасам̣ ад̇хидтаанаад̣̇ибхууд̇аа руубад̇хаммаа д̣̇угкасажжам̣, д̇зсам̣ аббавад̇д̇и нирод̇хасажжам̣, нирод̇хаббаж̇аананаа бадибад̣̇аа маг̇г̇асажжам̣. д̇ан̣хааг̇ахан̣зна жзд̇т̇а мааяаасаатзяяамаанаад̇имаанамад̣̇аббамаад̣̇абаабижчад̇аабаабамид̇д̇ад̇ааахиригаанод̇д̇аббаад̣̇ивасзна агусалабагко нзд̇аб̣б̣о. авиж̇ж̇ааг̇ахан̣зна вибарийд̇аманасигаарагод̇хуубанаахамагкабал̣аасаиссаамажчарияа- саарамбхад̣̇оважассад̇аабхавад̣̇идтивибхавад̣̇идтиаад̣̇ивасзна агусалабагко нзд̇аб̣б̣о. вуд̇д̇авибарияааяад̇о гусалабагко нзд̇аб̣б̣о. гат̇ам̣? амааяааасаатзяяаад̣̇ивасзна авибарийд̇аманасигаараад̣̇ивасзна жа. д̇ат̇аа самат̇абагкияаанам̣ сад̣̇д̇хинд̣̇рияаад̣̇ийнам̣ , вибассанаабагкияаанам̣ анижжасан̃н̃аад̣̇ийнан̃жа васзна вод̣̇аанабагко нзд̇аб̣б̣од̇и аяам̣ нанд̣̇ияааваддасса наяасса бхууми. яо хи д̇ан̣хааавиж̇ж̇аахи сам̣гилзсабагкасса суд̇д̇ад̇т̇асса самат̇авибассанаахи вод̣̇аанабагкасса жа жад̇усажжаяож̇анамукзна наяаналагкан̣о сам̣ван̣н̣анаависзсо, аяам̣ нанд̣̇ияаавадданаяо наама. вуд̇д̇ан̃хзд̇ам̣ –

    Ito paraṃ pana nandiyāvaṭṭādipañcavidhanayā veditabbā – tattha taṇhāvijjā samudayasaccaṃ, tāsaṃ adhiṭṭhānādibhūtā rūpadhammā dukkhasaccaṃ, tesaṃ appavatti nirodhasaccaṃ, nirodhappajānanā paṭipadā maggasaccaṃ. Taṇhāgahaṇena cettha māyāsāṭheyyamānātimānamadappamādapāpicchatāpāpamittatāahirikaanottappādivasena akusalapakkho netabbo. Avijjāgahaṇena viparītamanasikārakodhūpanāhamakkhapaḷāsaissāmacchariya- sārambhadovacassatābhavadiṭṭhivibhavadiṭṭhiādivasena akusalapakkho netabbo. Vuttavipariyāyato kusalapakkho netabbo. Kathaṃ? Amāyāasāṭheyyādivasena aviparītamanasikārādivasena ca. Tathā samathapakkhiyānaṃ saddhindriyādīnaṃ , vipassanāpakkhiyānaṃ aniccasaññādīnañca vasena vodānapakkho netabboti ayaṃ nandiyāvaṭṭassa nayassa bhūmi. Yo hi taṇhāavijjāhi saṃkilesapakkhassa suttatthassa samathavipassanāhi vodānapakkhassa ca catusaccayojanamukhena nayanalakkhaṇo saṃvaṇṇanāviseso, ayaṃ nandiyāvaṭṭanayo nāma. Vuttañhetaṃ –

    ‘‘д̇ан̣хан̃жа авиж̇ж̇амби жа, самат̇зна вибассанааяа яо нзд̇и;

    ‘‘Taṇhañca avijjampi ca, samathena vipassanāya yo neti;

    сажжзхи яож̇аяид̇ваа, аяам̣ наяо нанд̣̇ияааваддо’’д̇и. (нзд̇д̇и. 4 нид̣̇д̣̇зсаваара);

    Saccehi yojayitvā, ayaṃ nayo nandiyāvaṭṭo’’ti. (netti. 4 niddesavāra);

    нанд̣̇ияааваддасса вияа ааваддо зд̇ассаад̇и нанд̣̇ияааваддо. яат̇аа хи нанд̣̇ияааваддо анд̇о тид̇зна бад̇хаанааваяавзна б̣ахид̣̇д̇хаа ааваддад̇и, звамаяамби наяод̇и ад̇т̇о. ат̇а ваа нанд̣̇ияаа д̇ан̣хааяа бамод̣̇асса ваа ааваддо зд̇т̇аад̇и нанд̣̇ияааваддо.

    Nandiyāvaṭṭassa viya āvaṭṭo etassāti nandiyāvaṭṭo. Yathā hi nandiyāvaṭṭo anto ṭhitena padhānāvayavena bahiddhā āvaṭṭati, evamayampi nayoti attho. Atha vā nandiyā taṇhāya pamodassa vā āvaṭṭo etthāti nandiyāvaṭṭo.

    хздтаа вуд̇д̇анаязна г̇ахид̇зсу д̇ан̣хаавиж̇ж̇аад̇аббагкияад̇хаммзсу д̇ан̣хаа лобхо, авиж̇ж̇аа мохо, авиж̇ж̇ааяа самбаяуд̇д̇о лохид̇з сад̇и буб̣б̣о вияа д̇ан̣хааяа сад̇и сиж̇жхамаано аагхаад̇о д̣̇осо ид̇и д̇ийхи агусаламуулзхи г̇ахид̇зхи, д̇аббадибагкад̇о гусалажид̇д̇аг̇г̇ахан̣зна жа д̇ийн̣и гусаламуулаани г̇ахид̇аани зва хонд̇и. ид̇хааби лобхо саб̣б̣аани ваа саасавагусаламуулаани самуд̣̇аяасажжам̣, д̇анниб̣б̣ад̇д̇аа д̇зсам̣ ад̇хидтаанаг̇ожарабхууд̇аа убаад̣̇аанагканд̇хаа д̣̇угкасажжанд̇иаад̣̇инаа сажжаяож̇анаа взд̣̇ид̇аб̣б̣аа. палам̣ банзд̇т̇а вимогкад̇д̇аяавасзна нид̣̇д̇хаарзд̇аб̣б̣ам̣, д̇ийхи агусаламуулзхи д̇ивид̇хад̣̇ужжарид̇асам̣гилзсамалависамаагусаласан̃н̃аавид̇аггаад̣̇ивасзна агусалабагко нзд̇аб̣б̣о, д̇ат̇аа д̇ийхи гусаламуулзхи д̇ивид̇хасужарид̇асамагусаласан̃н̃аавид̇аггасад̣̇д̇хаммасамаад̇хивимогкамукаад̣̇ивасзна вод̣̇аанабагко нзд̇аб̣б̣од̇и аяам̣ д̇ибугкаласса наяасса бхууми. яо хи агусаламуулзхи сам̣гилзсабагкасса гусаламуулзхи вод̣̇аанабагкасса суд̇д̇ад̇т̇асса жа жад̇усажжаяож̇анаамукзна наяаналагкан̣о сам̣ван̣н̣анаависзсо, аяам̣ д̇ибугкаланаяо наама. д̇ийхи аваяавзхи лобхаад̣̇ийхи сам̣гилзсабагкз, алобхаад̣̇ийхи жа вод̣̇аанабагкз бугкало собханод̇и д̇ибугкало. вуд̇д̇ан̃хзд̇ам̣ –

    Heṭṭhā vuttanayena gahitesu taṇhāvijjātappakkhiyadhammesu taṇhā lobho, avijjā moho, avijjāya sampayutto lohite sati pubbo viya taṇhāya sati sijjhamāno āghāto doso iti tīhi akusalamūlehi gahitehi, tappaṭipakkhato kusalacittaggahaṇena ca tīṇi kusalamūlāni gahitāni eva honti. Idhāpi lobho sabbāni vā sāsavakusalamūlāni samudayasaccaṃ, tannibbattā tesaṃ adhiṭṭhānagocarabhūtā upādānakkhandhā dukkhasaccantiādinā saccayojanā veditabbā. Phalaṃ panettha vimokkhattayavasena niddhāretabbaṃ, tīhi akusalamūlehi tividhaduccaritasaṃkilesamalavisamaakusalasaññāvitakkādivasena akusalapakkho netabbo, tathā tīhi kusalamūlehi tividhasucaritasamakusalasaññāvitakkasaddhammasamādhivimokkhamukhādivasena vodānapakkho netabboti ayaṃ tipukkhalassa nayassa bhūmi. Yo hi akusalamūlehi saṃkilesapakkhassa kusalamūlehi vodānapakkhassa suttatthassa ca catusaccayojanāmukhena nayanalakkhaṇo saṃvaṇṇanāviseso, ayaṃ tipukkhalanayo nāma. Tīhi avayavehi lobhādīhi saṃkilesapakkhe, alobhādīhi ca vodānapakkhe pukkhalo sobhanoti tipukkhalo. Vuttañhetaṃ –

    ‘‘яо агусалз самуулзхи,

    ‘‘Yo akusale samūlehi,

    нзд̇и гусалз жа гусаламуулзхи;

    Neti kusale ca kusalamūlehi;

    бхууд̇ам̣ д̇ат̇ам̣ авид̇ат̇ам̣,

    Bhūtaṃ tathaṃ avitathaṃ,

    д̇ибугкалам̣ д̇ам̣ наяам̣ аахуу’’д̇и. (нзд̇д̇и. 4 нид̣̇д̣̇зсаваара);

    Tipukkhalaṃ taṃ nayaṃ āhū’’ti. (netti. 4 niddesavāra);

    вуд̇д̇анаязна г̇ахид̇зсу д̇ан̣хаавиж̇ж̇аад̇аббагкияад̇хаммзсу висзсад̇о д̇ан̣хаад̣̇идтийнам̣ васзна асубхз ‘‘субха’’нд̇и, д̣̇угкз ‘‘сука’’нд̇и жа вибаллаасаа, авиж̇ж̇аад̣̇идтийнам̣ васзна анижжз ‘‘нижжа’’нд̇и, анад̇д̇ани ‘‘ад̇д̇аа’’д̇и вибаллаасаа взд̣̇ид̇аб̣б̣аа. д̇зсам̣ бадибагкад̇о гусалажид̇д̇аг̇г̇ахан̣зна сид̣̇д̇хзхи сад̇ивийрияасамаад̇хибан̃н̃инд̣̇риязхи жад̇д̇аари сад̇ибадтаанаани сид̣̇д̇хааниязва хонд̇и.

    Vuttanayena gahitesu taṇhāvijjātappakkhiyadhammesu visesato taṇhādiṭṭhīnaṃ vasena asubhe ‘‘subha’’nti, dukkhe ‘‘sukha’’nti ca vipallāsā, avijjādiṭṭhīnaṃ vasena anicce ‘‘nicca’’nti, anattani ‘‘attā’’ti vipallāsā veditabbā. Tesaṃ paṭipakkhato kusalacittaggahaṇena siddhehi sativīriyasamādhipaññindriyehi cattāri satipaṭṭhānāni siddhāniyeva honti.

    д̇ад̇т̇а жад̇уухи инд̣̇риязхи жад̇д̇ааро буг̇г̇алаа нид̣̇д̣̇исид̇аб̣б̣аа. гат̇ам̣? д̣̇увид̇хо хи д̇ан̣хаажарид̇о муд̣̇инд̣̇рияо д̇игкинд̣̇рияод̇и, д̇ат̇аа д̣̇идтижарид̇о. д̇зсу батамо асубхз ‘‘субха’’нд̇и вибариязсаг̇г̇аахий сад̇иб̣алзна яат̇аабхууд̇ам̣ гааяасабхаавам̣ саллагкзнд̇о бхааванааб̣алзна д̇ам̣ вибаллаасам̣ самуг̇гхаад̇зд̇ваа саммад̇д̇анияаамам̣ оггамад̇и. д̣̇уд̇ияо асукз ‘‘сука’’нд̇и вибариязсаг̇г̇аахий ‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.14; 6.58) вуд̇д̇зна вийрияасам̣варабхууд̇зна вийрияаб̣алзна бадибагкам̣ винод̣̇знд̇о бхааванааб̣алзна д̇ам̣ вибаллаасам̣ вид̇хамзд̇ваа саммад̇д̇анияаамам̣ оггамад̇и. д̇ад̇ияо анижжз ‘‘нижжа’’нд̇и вибаллаасаг̇г̇аахий самат̇аб̣алзна самаахид̇ажид̇д̇о сан̇каараанам̣ кан̣игабхаавам̣ саллагкзнд̇о бхааванааб̣алзна д̇ам̣ вибаллаасам̣ самуг̇гхаад̇зд̇ваа саммад̇д̇анияаамам̣ оггамад̇и. жад̇уд̇т̇о санд̇ад̇исамуухагижжаарамман̣агханаван̃жид̇ад̇ааяа пассаад̣̇ид̇хаммабун̃ж̇амад̇д̇з анад̇д̇ани ‘‘ад̇д̇аа’’д̇и мижчаабхинивзсий жад̇угодигасун̃н̃ад̇ааманасигаарзна д̇ам̣ мижчаабхинивзсам̣ вид̣̇д̇хам̣сзнд̇о сааман̃н̃апалам̣ сажчигарод̇и. субхасан̃н̃аад̣̇ийхи жад̇уухиби ваа вибаллаасзхи самуд̣̇аяасажжам̣, д̇зсамад̇хидтаанаарамман̣абхууд̇аа бан̃жубаад̣̇аанагканд̇хаа д̣̇угкасажжанд̇иаад̣̇инаа сажжаяож̇анаа взд̣̇ид̇аб̣б̣аа. палам̣ банзд̇т̇а жад̇д̇аари сааман̃н̃апалаани, жад̇уухи жзд̇т̇а вибаллаасзхи жад̇ураасавогхаяог̇аг̇ант̇ааг̇ад̇ид̇ан̣хубаад̣̇аанасаллавин̃н̃аан̣адтид̇иабарин̃н̃аад̣̇ивасзна агусалабагко нзд̇аб̣б̣о, д̇ат̇аа жад̇уухи сад̇ибадтаанзхи жад̇уб̣б̣ид̇хаж̇жхаанавихаараад̇хидтаанасукабхааг̇ияад̇хаммааббаман̃н̃аасаммаббад̇хаанаид̣̇д̇хибаад̣̇аад̣̇ивасзна вод̣̇аанабагко нзд̇аб̣б̣од̇и аяам̣ сийхавиггийл̣ид̇асса наяасса бхууми. яо хи субхасан̃н̃аад̣̇ийхи вибаллаасзхи сагаласса сам̣гилзсабагкасса сад̣̇д̇хинд̣̇рияаад̣̇ийхи жа вод̣̇аанабагкасса жад̇усажжаяож̇анаавасзна наяаналагкан̣о сам̣ван̣н̣анаависзсо, аяам̣ сийхавиггийл̣ид̇о наама. вуд̇д̇ан̃хзд̇ам̣ –

    Tattha catūhi indriyehi cattāro puggalā niddisitabbā. Kathaṃ? Duvidho hi taṇhācarito mudindriyo tikkhindriyoti, tathā diṭṭhicarito. Tesu paṭhamo asubhe ‘‘subha’’nti vipariyesaggāhī satibalena yathābhūtaṃ kāyasabhāvaṃ sallakkhento bhāvanābalena taṃ vipallāsaṃ samugghātetvā sammattaniyāmaṃ okkamati. Dutiyo asukhe ‘‘sukha’’nti vipariyesaggāhī ‘‘uppannaṃ kāmavitakkaṃ nādhivāsetī’’tiādinā (ma. ni. 1.26; a. ni. 4.14; 6.58) vuttena vīriyasaṃvarabhūtena vīriyabalena paṭipakkhaṃ vinodento bhāvanābalena taṃ vipallāsaṃ vidhametvā sammattaniyāmaṃ okkamati. Tatiyo anicce ‘‘nicca’’nti vipallāsaggāhī samathabalena samāhitacitto saṅkhārānaṃ khaṇikabhāvaṃ sallakkhento bhāvanābalena taṃ vipallāsaṃ samugghātetvā sammattaniyāmaṃ okkamati. Catuttho santatisamūhakiccārammaṇaghanavañcitatāya phassādidhammapuñjamatte anattani ‘‘attā’’ti micchābhinivesī catukoṭikasuññatāmanasikārena taṃ micchābhinivesaṃ viddhaṃsento sāmaññaphalaṃ sacchikaroti. Subhasaññādīhi catūhipi vā vipallāsehi samudayasaccaṃ, tesamadhiṭṭhānārammaṇabhūtā pañcupādānakkhandhā dukkhasaccantiādinā saccayojanā veditabbā. Phalaṃ panettha cattāri sāmaññaphalāni, catūhi cettha vipallāsehi caturāsavoghayogaganthaagatitaṇhupādānasallaviññāṇaṭṭhitiapariññādivasena akusalapakkho netabbo, tathā catūhi satipaṭṭhānehi catubbidhajjhānavihārādhiṭṭhānasukhabhāgiyadhammaappamaññāsammappadhānaiddhipādādivasena vodānapakkho netabboti ayaṃ sīhavikkīḷitassa nayassa bhūmi. Yo hi subhasaññādīhi vipallāsehi sakalassa saṃkilesapakkhassa saddhindriyādīhi ca vodānapakkhassa catusaccayojanāvasena nayanalakkhaṇo saṃvaṇṇanāviseso, ayaṃ sīhavikkīḷito nāma. Vuttañhetaṃ –

    ‘‘яо нзд̇и вибаллаасзхи,

    ‘‘Yo neti vipallāsehi,

    гилзсз инд̣̇риязхи сад̣̇д̇хаммз;

    Kilese indriyehi saddhamme;

    зд̇ам̣ наяам̣ наяавид̣̇уу,

    Etaṃ nayaṃ nayavidū,

    сийхавиггийл̣ид̇ам̣ аахуу’’д̇и. (нзд̇д̇и. 4 нид̣̇д̣̇зсаваара);

    Sīhavikkīḷitaṃ āhū’’ti. (netti. 4 niddesavāra);

    асанд̇аасанаж̇авабараггамаад̣̇ивисзсаяог̇зна сийхо бхаг̇аваа, д̇асса виггийл̣ид̇ам̣ д̣̇зсанаа важийгаммабхууд̇о вихаарод̇и гад̇ваа вибаллаасад̇аббадибагкабарид̣̇ийбанад̇о сийхасса виггийл̣ид̇ам̣ зд̇т̇аад̇и сийхавиггийл̣ид̇о, наяо. б̣алависзсаяог̇ад̣̇ийбанад̇о ваа сийхавиггийл̣ид̇асад̣̇исад̇д̇аа наяо сийхавиггийл̣ид̇о. б̣алависзсо жзд̇т̇а сад̣̇д̇хаад̣̇иб̣алам̣, д̣̇асаб̣алаани зва ваа.

    Asantāsanajavaparakkamādivisesayogena sīho bhagavā, tassa vikkīḷitaṃ desanā vacīkammabhūto vihāroti katvā vipallāsatappaṭipakkhaparidīpanato sīhassa vikkīḷitaṃ etthāti sīhavikkīḷito, nayo. Balavisesayogadīpanato vā sīhavikkīḷitasadisattā nayo sīhavikkīḷito. Balaviseso cettha saddhādibalaṃ, dasabalāni eva vā.

    имзсам̣ бана д̇ин̣н̣ам̣ ад̇т̇анаяаанам̣ сид̣̇д̇хияаа вохааранаяад̣̇ваяам̣ сид̣̇д̇хамзва ход̇и. д̇ат̇аа хи ад̇т̇анаяад̇д̇аяад̣̇исаабхаавзна гусалаад̣̇ид̇хаммаанам̣ ааложанам̣ д̣̇исааложанам̣. вуд̇д̇ан̃хзд̇ам̣ –

    Imesaṃ pana tiṇṇaṃ atthanayānaṃ siddhiyā vohāranayadvayaṃ siddhameva hoti. Tathā hi atthanayattayadisābhāvena kusalādidhammānaṃ ālocanaṃ disālocanaṃ. Vuttañhetaṃ –

    ‘‘взяяаагаран̣зсу хи яз,

    ‘‘Veyyākaraṇesu hi ye,

    гусалаагусалаа д̇ахим̣ д̇ахим̣ вуд̇д̇аа;

    Kusalākusalā tahiṃ tahiṃ vuttā;

    манасаа ологаяад̇з,

    Manasā olokayate,

    д̇ам̣ ку д̣̇исааложанам̣ аахуу’’д̇и. (нзд̇д̇и. 4 нид̣̇д̣̇зсаваара);

    Taṃ khu disālocanaṃ āhū’’ti. (netti. 4 niddesavāra);

    д̇ат̇аа ааложид̇аанам̣ д̇зсам̣ д̇хаммаанам̣ ад̇т̇анаяад̇д̇аяаяож̇анз самаанаяанад̇о ан̇гусо вияа ан̇гусо. вуд̇д̇ан̃хзд̇ам̣ –

    Tathā ālocitānaṃ tesaṃ dhammānaṃ atthanayattayayojane samānayanato aṅkuso viya aṅkuso. Vuttañhetaṃ –

    ‘‘ологзд̇ваа д̣̇исаложанзна, угкибияа яам̣ самаанзд̇и;

    ‘‘Oloketvā disalocanena, ukkhipiya yaṃ samāneti;

    саб̣б̣з гусалаагусалз, аяам̣ наяо ан̇гусо наамаа’’д̇и. (нзд̇д̇и. 4 нид̣̇д̣̇зсаваара);

    Sabbe kusalākusale, ayaṃ nayo aṅkuso nāmā’’ti. (netti. 4 niddesavāra);

    д̇асмаа манасаава ад̇т̇анаяаанам̣ д̣̇исаабхууд̇ад̇хаммаанам̣ ложанам̣ д̣̇исааложанам̣, д̇зсам̣ самаанаяанам̣ ан̇гусод̇и бан̃жаби наяаани яуд̇д̇аани хонд̇и.

    Tasmā manasāva atthanayānaṃ disābhūtadhammānaṃ locanaṃ disālocanaṃ, tesaṃ samānayanaṃ aṅkusoti pañcapi nayāni yuttāni honti.

    зд̇д̇аавад̇аа жа –

    Ettāvatā ca –

    ‘‘батамо нанд̣̇ияааваддо, д̣̇уд̇ияо жа д̇ибугкало;

    ‘‘Paṭhamo nandiyāvaṭṭo, dutiyo ca tipukkhalo;

    сийхавиггийл̣ид̇о наама, д̇ад̇ияо наяалан̃ж̇аго.

    Sīhavikkīḷito nāma, tatiyo nayalañjako.

    д̣̇исааложанамаахам̣су, жад̇уд̇т̇ам̣ наяамуд̇д̇амам̣;

    Disālocanamāhaṃsu, catutthaṃ nayamuttamaṃ;

    бан̃жамо ан̇гусо наама, саб̣б̣з бан̃жа наяаа г̇ад̇аа’’д̇и. (нзд̇д̇и. 1 уд̣̇д̣̇зсаваара) –

    Pañcamo aṅkuso nāma, sabbe pañca nayā gatā’’ti. (netti. 1 uddesavāra) –

    звам̣ вуд̇д̇абан̃жанаяааби зд̇т̇а д̣̇ассид̇аад̇и взд̣̇ид̇аб̣б̣аа. наяад̇и сам̣гилзсам̣ вод̣̇аанан̃жа вибхааг̇ад̇о н̃аабзд̇ийд̇и наяо, лан̃ж̇зд̇и багаасзд̇и суд̇д̇ад̇т̇анд̇и лан̃ж̇аго, наяо жа со лан̃ж̇аго жаад̇и наяалан̃ж̇аго. ид̣̇ан̃жа суд̇д̇ам̣ сол̣асавид̇хз суд̇д̇анд̇абадтаанз сам̣гилзсабхааг̇ияам̣ б̣яад̇ирзгамукзна ниб̣б̣зд̇хаасзгкабхааг̇ияанд̇и д̣̇адтаб̣б̣ам̣. адтавийсад̇ивид̇хз бана суд̇д̇анд̇абадтаанз логияалогуд̇д̇арам̣ сад̇д̇ад̇хаммаад̇хидтаанам̣ н̃аан̣ан̃н̃зяяам̣ д̣̇ассанабхааванам̣ сагаважанам̣ виссаж̇ж̇анийяам̣ гусалаагусалам̣ анун̃н̃аад̇ам̣ бадигкид̇д̇ан̃жаад̇и взд̣̇ид̇аб̣б̣ам̣.

    Evaṃ vuttapañcanayāpi ettha dassitāti veditabbā. Nayati saṃkilesaṃ vodānañca vibhāgato ñāpetīti nayo, lañjeti pakāseti suttatthanti lañjako, nayo ca so lañjako cāti nayalañjako. Idañca suttaṃ soḷasavidhe suttantapaṭṭhāne saṃkilesabhāgiyaṃ byatirekamukhena nibbedhāsekkhabhāgiyanti daṭṭhabbaṃ. Aṭṭhavīsatividhe pana suttantapaṭṭhāne lokiyalokuttaraṃ sattadhammādhiṭṭhānaṃ ñāṇaññeyyaṃ dassanabhāvanaṃ sakavacanaṃ vissajjanīyaṃ kusalākusalaṃ anuññātaṃ paṭikkhittañcāti veditabbaṃ.

    д̇ад̇т̇а сол̣асавид̇хасуд̇д̇анд̇ам̣ бадтаанам̣ наама ‘‘сам̣гилзсабхааг̇ияам̣ суд̇д̇ам̣, ваасанаабхааг̇ияам̣ суд̇д̇ам̣, ниб̣б̣зд̇хабхааг̇ияам̣ суд̇д̇ам̣, асзгкабхааг̇ияам̣ суд̇д̇ам̣, сам̣гилзсабхааг̇ияан̃жа ваасанаабхааг̇ияан̃жа суд̇д̇ам̣, сам̣гилзсабхааг̇ияан̃жа ниб̣б̣зд̇хабхааг̇ияан̃жа суд̇д̇ам̣, сам̣гилзсабхааг̇ияан̃жа асзгкабхааг̇ияан̃жа суд̇д̇ам̣, ваасанаабхааг̇ияан̃жа ниб̣б̣зд̇хабхааг̇ияан̃жа суд̇д̇ам̣, ваасанаабхааг̇ияан̃жа асзгкабхааг̇ияан̃жа суд̇д̇ам̣, ниб̣б̣зд̇хабхааг̇ияан̃жа асзгкабхааг̇ияан̃жа суд̇д̇ам̣, сам̣гилзсабхааг̇ияан̃жа ваасанаабхааг̇ияан̃жа ниб̣б̣зд̇хабхааг̇ияан̃жа суд̇д̇ам̣, сам̣гилзсабхааг̇ияан̃жа ваасанаабхааг̇ияан̃жа асзгкабхааг̇ияан̃жа суд̇д̇ам̣, сам̣гилзсабхааг̇ияан̃жа ниб̣б̣зд̇хабхааг̇ияан̃жа асзгкабхааг̇ияан̃жа суд̇д̇ам̣, ваасанаабхааг̇ияан̃жа ниб̣б̣зд̇хабхааг̇ияан̃жа асзгкабхааг̇ияан̃жа суд̇д̇ам̣, сам̣гилзсабхааг̇ияан̃жа ваасанаабхааг̇ияан̃жа ниб̣б̣зд̇хабхааг̇ияан̃жа асзгкабхааг̇ияан̃жа суд̇д̇ам̣, нзва сам̣гилзсабхааг̇ияам̣ на ваасанаабхааг̇ияам̣ на ниб̣б̣зд̇хабхааг̇ияам̣ на асзгкабхааг̇ияам̣ суд̇д̇а’’нд̇и (нзд̇д̇и. 89) звам̣ вуд̇д̇асол̣асасаасанабадтаанаани.

    Tattha soḷasavidhasuttantaṃ paṭṭhānaṃ nāma ‘‘saṃkilesabhāgiyaṃ suttaṃ, vāsanābhāgiyaṃ suttaṃ, nibbedhabhāgiyaṃ suttaṃ, asekkhabhāgiyaṃ suttaṃ, saṃkilesabhāgiyañca vāsanābhāgiyañca suttaṃ, saṃkilesabhāgiyañca nibbedhabhāgiyañca suttaṃ, saṃkilesabhāgiyañca asekkhabhāgiyañca suttaṃ, vāsanābhāgiyañca nibbedhabhāgiyañca suttaṃ, vāsanābhāgiyañca asekkhabhāgiyañca suttaṃ, nibbedhabhāgiyañca asekkhabhāgiyañca suttaṃ, saṃkilesabhāgiyañca vāsanābhāgiyañca nibbedhabhāgiyañca suttaṃ, saṃkilesabhāgiyañca vāsanābhāgiyañca asekkhabhāgiyañca suttaṃ, saṃkilesabhāgiyañca nibbedhabhāgiyañca asekkhabhāgiyañca suttaṃ, vāsanābhāgiyañca nibbedhabhāgiyañca asekkhabhāgiyañca suttaṃ, saṃkilesabhāgiyañca vāsanābhāgiyañca nibbedhabhāgiyañca asekkhabhāgiyañca suttaṃ, neva saṃkilesabhāgiyaṃ na vāsanābhāgiyaṃ na nibbedhabhāgiyaṃ na asekkhabhāgiyaṃ sutta’’nti (netti. 89) evaṃ vuttasoḷasasāsanapaṭṭhānāni.

    д̇ад̇т̇а сам̣гилиссанд̇и зд̇знаад̇и сам̣гилзсо, сам̣гилзсабхааг̇з сам̣гилзсагодтаасз бавад̇д̇ам̣ сам̣гилзсабхааг̇ияам̣. ваасанаа бун̃н̃абхааванаа, ваасанаабхааг̇з бавад̇д̇ам̣ ваасанаабхааг̇ияам̣, ваасанам̣ бхаж̇аабзд̇ийд̇и ваа ваасанаабхааг̇ияам̣. ниб̣б̣иж̇жханам̣ лобхагканд̇хаад̣̇ийнам̣ бад̣̇ааланам̣ ниб̣б̣зд̇хо, ниб̣б̣зд̇хабхааг̇з бавад̇д̇ам̣, ниб̣б̣зд̇хам̣ бхаж̇аабзд̇ийд̇и ваа ниб̣б̣зд̇хабхааг̇ияам̣. баринидтид̇асигкаа д̇хаммаа асзгкаа, асзгкабхааг̇з бавад̇д̇ам̣, асзгкз бхаж̇аабзд̇ийд̇и ваа асзгкабхааг̇ияам̣. д̇зсу яад̇т̇а д̇ан̣хаад̣̇исам̣гилзсо вибхад̇д̇о, ид̣̇ам̣ сам̣гилзсабхааг̇ияам̣. яад̇т̇а д̣̇аанаад̣̇ибун̃н̃агирияавад̇т̇у вибхад̇д̇ам̣, ид̣̇ам̣ ваасанаабхааг̇ияам̣. яад̇т̇а сзгкаа сийлагканд̇хаад̣̇аяо вибхад̇д̇аа, ид̣̇ам̣ ниб̣б̣зд̇хабхааг̇ияам̣. яад̇т̇а бана асзгкаа сийлагканд̇хаад̣̇аяо вибхад̇д̇аа, ид̣̇ам̣ асзгкабхааг̇ияам̣. ид̇араани д̇зсам̣ вомиссаганаяавасзна вуд̇д̇аани. саб̣б̣аасавасам̣варабарияааяаад̣̇ийнам̣ васзна саб̣б̣абхааг̇ияам̣ взд̣̇ид̇аб̣б̣ам̣. д̇ад̇т̇а хи сам̣гилзсад̇хаммаа логияасужарид̇ад̇хаммаа сзгкаа д̇хаммаа асзгкаа д̇хаммаа жа вибхад̇д̇аа. саб̣б̣абхааг̇ияам̣ бана ‘‘бассам̣ на бассад̇ий’’д̇иаад̣̇игам̣ уд̣̇агаад̣̇иануваад̣̇аважанам̣ взд̣̇ид̇аб̣б̣ам̣.

    Tattha saṃkilissanti etenāti saṃkileso, saṃkilesabhāge saṃkilesakoṭṭhāse pavattaṃ saṃkilesabhāgiyaṃ. Vāsanā puññabhāvanā, vāsanābhāge pavattaṃ vāsanābhāgiyaṃ, vāsanaṃ bhajāpetīti vā vāsanābhāgiyaṃ. Nibbijjhanaṃ lobhakkhandhādīnaṃ padālanaṃ nibbedho, nibbedhabhāge pavattaṃ, nibbedhaṃ bhajāpetīti vā nibbedhabhāgiyaṃ. Pariniṭṭhitasikkhā dhammā asekkhā, asekkhabhāge pavattaṃ, asekkhe bhajāpetīti vā asekkhabhāgiyaṃ. Tesu yattha taṇhādisaṃkileso vibhatto, idaṃ saṃkilesabhāgiyaṃ. Yattha dānādipuññakiriyavatthu vibhattaṃ, idaṃ vāsanābhāgiyaṃ. Yattha sekkhā sīlakkhandhādayo vibhattā, idaṃ nibbedhabhāgiyaṃ. Yattha pana asekkhā sīlakkhandhādayo vibhattā, idaṃ asekkhabhāgiyaṃ. Itarāni tesaṃ vomissakanayavasena vuttāni. Sabbāsavasaṃvarapariyāyādīnaṃ vasena sabbabhāgiyaṃ veditabbaṃ. Tattha hi saṃkilesadhammā lokiyasucaritadhammā sekkhā dhammā asekkhā dhammā ca vibhattā. Sabbabhāgiyaṃ pana ‘‘passaṃ na passatī’’tiādikaṃ udakādianuvādavacanaṃ veditabbaṃ.

    адтавийсад̇ивид̇хам̣ суд̇д̇анд̇абадтаанам̣ бана ‘‘логияам̣, логуд̇д̇арам̣, логияан̃жа логуд̇д̇аран̃жа, сад̇д̇аад̇хидтаанам̣, д̇хаммаад̇хидтаанам̣, сад̇д̇аад̇хидтаанан̃жа д̇хаммаад̇хидтаанан̃жа, н̃аан̣ам̣, н̃зяяам̣, н̃аан̣ан̃жа н̃зяяан̃жа, д̣̇ассанам̣, бхааванаа, д̣̇ассанан̃жа бхааванаа жа, сагаважанам̣, бараважанам̣, сагаважанан̃жа бараважанан̃жа, виссаж̇ж̇анийяам̣, ависсаж̇ж̇анийяам̣, виссаж̇ж̇анийяан̃жа ависсаж̇ж̇анийяан̃жа, гаммам̣, вибааго, гамман̃жа вибааго жа гусалам̣, агусалам̣, гусалан̃жа агусалан̃жа анун̃н̃аад̇ам̣, бадигкид̇д̇ам̣, анун̃н̃аад̇ан̃жа бадигкид̇д̇ан̃жа, т̇аво’’д̇и (нзд̇д̇и. 112) звамааг̇ад̇аани адтавийсад̇и саасанабадтаанаани. д̇ад̇т̇а логияанд̇и логз нияуд̇д̇о, логз ваа вид̣̇ид̇о логияо. ид̇ха бана логияо ад̇т̇о яасмим̣ суд̇д̇з вуд̇д̇о, д̇ам̣ суд̇д̇ам̣ логияам̣. д̇ат̇аа логуд̇д̇арам̣. яасмим̣ бана суд̇д̇з бад̣̇зсзна логияам̣, бад̣̇зсзна логуд̇д̇арам̣ вуд̇д̇ам̣, д̇ам̣ логияан̃жа логуд̇д̇аран̃жа. сад̇д̇аад̇хиббааяасад̇д̇абан̃н̃ад̇д̇имукзна д̣̇зсид̇ам̣ сад̇д̇аад̇хидтаанам̣. д̇хаммавасзна д̣̇зсид̇ам̣ д̇хаммаад̇хидтаанам̣. убхаяавасзна д̣̇зсид̇ам̣ сад̇д̇аад̇хидтаанан̃жа д̇хаммаад̇хидтаанан̃жа. иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. б̣уд̣̇д̇хаад̣̇ийнам̣ бана г̇ун̣аабхид̇т̇аванавасзна бавад̇д̇ам̣ суд̇д̇ам̣ т̇аво наама –

    Aṭṭhavīsatividhaṃ suttantapaṭṭhānaṃ pana ‘‘lokiyaṃ, lokuttaraṃ, lokiyañca lokuttarañca, sattādhiṭṭhānaṃ, dhammādhiṭṭhānaṃ, sattādhiṭṭhānañca dhammādhiṭṭhānañca, ñāṇaṃ, ñeyyaṃ, ñāṇañca ñeyyañca, dassanaṃ, bhāvanā, dassanañca bhāvanā ca, sakavacanaṃ, paravacanaṃ, sakavacanañca paravacanañca, vissajjanīyaṃ, avissajjanīyaṃ, vissajjanīyañca avissajjanīyañca, kammaṃ, vipāko, kammañca vipāko ca kusalaṃ, akusalaṃ, kusalañca akusalañca anuññātaṃ, paṭikkhittaṃ, anuññātañca paṭikkhittañca, thavo’’ti (netti. 112) evamāgatāni aṭṭhavīsati sāsanapaṭṭhānāni. Tattha lokiyanti loke niyutto, loke vā vidito lokiyo. Idha pana lokiyo attho yasmiṃ sutte vutto, taṃ suttaṃ lokiyaṃ. Tathā lokuttaraṃ. Yasmiṃ pana sutte padesena lokiyaṃ, padesena lokuttaraṃ vuttaṃ, taṃ lokiyañca lokuttarañca. Sattaadhippāyasattapaññattimukhena desitaṃ sattādhiṭṭhānaṃ. Dhammavasena desitaṃ dhammādhiṭṭhānaṃ. Ubhayavasena desitaṃ sattādhiṭṭhānañca dhammādhiṭṭhānañca. Iminā nayena sabbapadesu attho veditabbo. Buddhādīnaṃ pana guṇābhitthavanavasena pavattaṃ suttaṃ thavo nāma –

    ‘‘маг̇г̇аанадтан̇г̇иго сздто, сажжаанам̣ жад̇уро бад̣̇аа;

    ‘‘Maggānaṭṭhaṅgiko seṭṭho, saccānaṃ caturo padā;

    вирааг̇о сздто д̇хаммаанам̣, д̣̇вибад̣̇аанан̃жа жагкумаа’’д̇и. (д̇ха. ба. 273; нзд̇д̇и. 170; бздаго. 30) аад̣̇игам̣ вияа –

    Virāgo seṭṭho dhammānaṃ, dvipadānañca cakkhumā’’ti. (dha. pa. 273; netti. 170; peṭako. 30) ādikaṃ viya –

    нзд̇д̇инаяаван̣н̣анаа нидтид̇аа.

    Nettinayavaṇṇanā niṭṭhitā.

    2. сад̣̇д̣̇аг̇аругаад̣̇ийнанд̇и аад̣̇исад̣̇д̣̇зна г̇анд̇харасаподтаб̣б̣аг̇аругз сан̇г̇ан̣хаад̇и. аасаяавасзнаад̇и аж̇жхаасаяавасзна. уд̇усамудтааноби ид̇т̇исанд̇аанаг̇ад̇о сад̣̇д̣̇о лаб̣бхад̇и, со ид̇ха наад̇хиббзд̇од̇и ‘‘жид̇д̇асамудтаано’’д̇и вуд̇д̇ам̣. гат̇ид̇асад̣̇д̣̇о аалаабаад̣̇исад̣̇д̣̇о. г̇ийд̇асад̣̇д̣̇о сарзна г̇ааяанасад̣̇д̣̇о. ид̇т̇ияаа хасанасад̣̇д̣̇обзд̇т̇а сан̇г̇ахзд̇аб̣б̣о д̇ассаби бурисзна ассаад̣̇зд̇аб̣б̣ад̇о. д̇знааха – ‘‘абижа ко маад̇уг̇аамасса сад̣̇д̣̇ам̣ сун̣аад̇и д̇ирогуддаа ваа д̇иробаагаараа ваа хасанд̇ияаа ваа бхан̣анд̇ияаа ваа г̇ааяанд̇ияаа ваа, со д̇ад̣̇ассаад̣̇зд̇ий’’д̇иаад̣̇и. нивад̇т̇аниваасанассаад̇и калид̇т̇ад̣̇д̇хасса ниваасанасса. алан̇гаарассаад̇и нуубураад̣̇игасса алан̇гаарасса. ид̇т̇исад̣̇д̣̇од̇взва взд̣̇ид̇аб̣б̣од̇и ид̇т̇ибадиб̣ад̣̇д̇хабхаавад̇о вуд̇д̇ам̣. д̇знааха – ‘‘саб̣б̣обий’’д̇иаад̣̇и. авид̣̇уурадтаанзд̇и д̇асса хад̇т̇игуласса васанадтаанад̇о авид̣̇уурадтаанз. гааяуубабаннод̇и самбаннагааяо т̇ирагат̇инамахаагааяо. махаахад̇т̇ийд̇и махаанубхааво хад̇т̇ий. ж̇здтагам̣ гад̇ваад̇и яуут̇абад̇им̣ гад̇ваа.

    2.Saddagarukādīnanti ādisaddena gandharasaphoṭṭhabbagaruke saṅgaṇhāti. Āsayavasenāti ajjhāsayavasena. Utusamuṭṭhānopi itthisantānagato saddo labbhati, so idha nādhippetoti ‘‘cittasamuṭṭhāno’’ti vuttaṃ. Kathitasaddo ālāpādisaddo. Gītasaddo sarena gāyanasaddo. Itthiyā hasanasaddopettha saṅgahetabbo tassapi purisena assādetabbato. Tenāha – ‘‘apica kho mātugāmassa saddaṃ suṇāti tirokuṭṭā vā tiropākārā vā hasantiyā vā bhaṇantiyā vā gāyantiyā vā, so tadassādetī’’tiādi. Nivatthanivāsanassāti khalitthaddhassa nivāsanassa. Alaṅkārassāti nūpurādikassa alaṅkārassa. Itthisaddotveva veditabboti itthipaṭibaddhabhāvato vuttaṃ. Tenāha – ‘‘sabbopī’’tiādi. Avidūraṭṭhāneti tassa hatthikulassa vasanaṭṭhānato avidūraṭṭhāne. Kāyūpapannoti sampannakāyo thirakathinamahākāyo. Mahāhatthīti mahānubhāvo hatthī. Jeṭṭhakaṃ katvāti yūthapatiṃ katvā.

    гат̇инад̇игкабхаавзна син̇г̇асад̣̇исад̇д̇аа ал̣асан̇каад̇аани син̇г̇аани зд̇асса ад̇т̇ийд̇и син̇г̇ий, суван̣н̣аван̣н̣ад̇ааяа махааб̣алад̇ааяа жа сийхахад̇т̇иаад̣̇имиг̇асад̣̇исад̇д̇аа миг̇о вияаад̇и миг̇о. д̇ад̇т̇а д̇ад̇т̇а гижжам̣ нзд̇убхаавзна жагкуязва нзд̇д̇ам̣, д̇ам̣ уг̇г̇ад̇адтзна ааяад̇ам̣ зд̇ассаад̇и ааяад̇ажагкунзд̇д̇о. адти зва д̇ажо зд̇ассаад̇и адтид̇д̇ажо. д̇знаабхибхууд̇од̇и д̇зна миг̇зна абхибхууд̇о аж̇жход̇т̇адо нижжалаг̇г̇ахид̇о худ̇ваа. гарун̣ам̣ руд̣̇аамийд̇и гаарун̃н̃абад̇д̇о худ̇ваа род̣̇аами вираваами. бажжад̇т̇игабхаяад̇о муд̇д̇и наама яат̇аа д̇ат̇аа сахааяавад̇о ход̇и, на згаагинод̇и ааха – ‘‘маа хзва мам̣ баан̣асамам̣ ж̇ахзяяаа’’д̇и. д̇ад̇т̇а маа хзва манд̇и мам̣ зваруубам̣ б̣яасанам̣ бад̇д̇ам̣ ад̇д̇ано баан̣асамам̣ бияасаамигам̣ д̇вам̣ маахзва ж̇ахи.

    Kathinatikkhabhāvena siṅgasadisattā aḷasaṅkhātāni siṅgāni etassa atthīti siṅgī, suvaṇṇavaṇṇatāya mahābalatāya ca sīhahatthiādimigasadisattā migo viyāti migo. Tattha tattha kiccaṃ netubhāvena cakkhuyeva nettaṃ, taṃ uggataṭṭhena āyataṃ etassāti āyatacakkhunetto. Aṭṭhi eva taco etassāti aṭṭhittaco. Tenābhibhūtoti tena migena abhibhūto ajjhotthaṭo niccalaggahito hutvā. Karuṇaṃ rudāmīti kāruññapatto hutvā rodāmi viravāmi. Paccatthikabhayato mutti nāma yathā tathā sahāyavato hoti, na ekākinoti āha – ‘‘mā heva maṃ pāṇasamaṃ jaheyyā’’ti. Tattha mā heva manti maṃ evarūpaṃ byasanaṃ pattaṃ attano pāṇasamaṃ piyasāmikaṃ tvaṃ māheva jahi.

    гун̃жз г̇иригуудз рамад̇и абхирамад̇и, д̇ад̇т̇а ваа вижарад̇и, гон̃ж̇анаад̣̇ам̣ над̣̇анд̇о ваа вижарад̇и, гу ваа бат̇авий, д̇ад̣̇абхигхаад̇зна ж̇ийрад̇ийд̇и гун̃ж̇аро. садтихааяананд̇и ж̇аад̇ияаа садтивассагааласмим̣ гун̃ж̇араа т̇аамзна барихааяанд̇и, д̇ам̣ санд̇хааяа звамааха. бат̇аб̣яаа жаад̇уранд̇ааяаад̇и жад̇уусу д̣̇исаасу самуд̣̇д̣̇ам̣ бад̇ваа тид̇ааяа жаад̇уранд̇ааяа бат̇авияаа. суббияод̇и судту бияо. д̇зсам̣ д̇вам̣ ваариж̇о сздтод̇и яз самуд̣̇д̣̇з ваа г̇ан̇г̇ааяа ваа яамунааяа ваа наммад̣̇аанад̣̇ияаа ваа гул̣ийраа, д̇зсам̣ саб̣б̣зсам̣ ван̣н̣асамбад̇д̇ияаа маханд̇ад̇д̇зна жа вааримхи ж̇аад̇ад̇д̇аа ваариж̇о д̇вамзва сздто басад̇т̇ад̇аро. мун̃жа род̣̇анд̇ияаа бад̇инд̇и саб̣б̣зсам̣ сздтад̇д̇аа д̇амзва яаажаами, род̣̇амаанааяа маяхам̣ саамигам̣ мун̃жа. ат̇аад̇и г̇ахан̣асса сит̇илагаран̣асамананд̇арамзва. зд̇ассаад̇и бадисад̇д̇умад̣̇д̣̇анасса.

    Kuñce girikūṭe ramati abhiramati, tattha vā vicarati, koñjanādaṃ nadanto vā vicarati, ku vā pathavī, tadabhighātena jīratīti kuñjaro. Saṭṭhihāyananti jātiyā saṭṭhivassakālasmiṃ kuñjarā thāmena parihāyanti, taṃ sandhāya evamāha. Pathabyā cāturantāyāti catūsu disāsu samuddaṃ patvā ṭhitāya cāturantāya pathaviyā. Suppiyoti suṭṭhu piyo. Tesaṃ tvaṃ vārijo seṭṭhoti ye samudde vā gaṅgāya vā yamunāya vā nammadānadiyā vā kuḷīrā, tesaṃ sabbesaṃ vaṇṇasampattiyā mahantattena ca vārimhi jātattā vārijo tvameva seṭṭho pasatthataro. Muñca rodantiyā patinti sabbesaṃ seṭṭhattā tameva yācāmi, rodamānāya mayhaṃ sāmikaṃ muñca. Athāti gahaṇassa sithilakaraṇasamanantarameva. Etassāti paṭisattumaddanassa.

    баб̣б̣ад̇аг̇аханам̣ ниссааяаад̇и д̇иссо баб̣б̣ад̇арааж̇ияо ад̇иггамид̇ваа жад̇уд̇т̇ааяа баб̣б̣ад̇арааж̇ияам̣ баб̣б̣ад̇аг̇аханам̣ убаниссааяа. звам̣ вад̣̇ад̇ийд̇и ‘‘уд̣̇зд̇аяам̣ жагкумаа’’д̇иаад̣̇инаа (ж̇аа. 1.2.17) имам̣ б̣уд̣̇д̇хаманд̇ам̣ манд̇знд̇о вад̣̇ад̇и.

    Pabbatagahanaṃ nissāyāti tisso pabbatarājiyo atikkamitvā catutthāya pabbatarājiyaṃ pabbatagahanaṃ upanissāya. Evaṃ vadatīti ‘‘udetayaṃ cakkhumā’’tiādinā (jā. 1.2.17) imaṃ buddhamantaṃ mantento vadati.

    д̇ад̇т̇а уд̣̇зд̇ийд̇и баажийналогад̇хаад̇уд̇о уг̇г̇ажчад̇и. жагкумаад̇и сагалажаггаваал̣аваасийнам̣ анд̇хагаарам̣ вид̇хамид̇ваа жагкуббадилаабхагаран̣зна яанд̇зна д̇зсам̣ д̣̇иннам̣ жагку, д̇зна жагкунаа жагкумаа. згарааж̇аад̇и сагалажаггаваал̣з аалогагараанам̣ анд̇арз сздтадтзна ран̃ж̇анадтзна жа згарааж̇аа. хариссаван̣н̣од̇и харисамаанаван̣н̣о, суван̣н̣аван̣н̣од̇и ад̇т̇о. бат̇авим̣ бабхаасзд̇ийд̇и бат̇авиббабхаасо. д̇ам̣ д̇ам̣ намассаамийд̇и д̇асмаа д̇ам̣ зваруубам̣ бхаванд̇ам̣ намассаами ванд̣̇аами. д̇аяааж̇ж̇а г̇уд̇д̇аа вихарзмха д̣̇ивасанд̇и д̇аяаа аж̇ж̇а рагкид̇аа худ̇ваа имам̣ д̣̇ивасам̣ жад̇уирияаабат̇авихаарзна сукам̣ вихарзяяаама.

    Tattha udetīti pācīnalokadhātuto uggacchati. Cakkhumāti sakalacakkavāḷavāsīnaṃ andhakāraṃ vidhamitvā cakkhuppaṭilābhakaraṇena yantena tesaṃ dinnaṃ cakkhu, tena cakkhunā cakkhumā. Ekarājāti sakalacakkavāḷe ālokakarānaṃ antare seṭṭhaṭṭhena rañjanaṭṭhena ca ekarājā. Harissavaṇṇoti harisamānavaṇṇo, suvaṇṇavaṇṇoti attho. Pathaviṃ pabhāsetīti pathavippabhāso. Taṃ taṃ namassāmīti tasmā taṃ evarūpaṃ bhavantaṃ namassāmi vandāmi. Tayājja guttā viharemha divasanti tayā ajja rakkhitā hutvā imaṃ divasaṃ catuiriyāpathavihārena sukhaṃ vihareyyāma.

    звам̣ б̣од̇хисад̇д̇о имааяа г̇аат̇ааяа суурияам̣ намассид̇ваа д̣̇уд̇ияаг̇аат̇ааяа ад̇ийд̇з бариниб̣б̣уд̇з б̣уд̣̇д̇хз жзва б̣уд̣̇д̇хаг̇ун̣з жа намассад̇и ‘‘яз б̣раахман̣аа’’д̇иаад̣̇инаа. д̇ад̇т̇а яз б̣раахман̣аад̇и яз б̣аахид̇абаабаа барисуд̣̇д̇хаа б̣раахман̣аа. взд̣̇аг̇ууд̇и взд̣̇аанам̣ баарам̣ г̇ад̇аа, взд̣̇зхи баарам̣ г̇ад̇аад̇и ваа взд̣̇аг̇уу. ид̇ха бана саб̣б̣з сан̇кад̇ад̇хаммз вид̣̇ид̇з баагадз гад̇ваа гад̇аад̇и взд̣̇аг̇уу. д̇знзвааха – ‘‘саб̣б̣ад̇хаммз’’д̇и. саб̣б̣з канд̇хааяад̇анад̇хаад̇уд̇хаммз салагкан̣асааман̃н̃алагкан̣авасзна ад̇д̇ано н̃аан̣асса вид̣̇ид̇з баагадз гад̇ваа д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа саммаасамб̣од̇хим̣ бад̇д̇аа, сам̣саарам̣ ваа ад̇игганд̇аад̇и ад̇т̇о. д̇з мз намод̇и д̇з мама имам̣ намаггаарам̣ бадижчанд̇у. д̇з жа мам̣ баалаяанд̇ууд̇и звам̣ маяаа намассид̇аа жа д̇з бхаг̇аванд̇о мам̣ баалаяанд̇у рагканд̇у. намад̇д̇у б̣уд̣̇д̇хаанам̣…бз… вимуд̇д̇ияаад̇и аяам̣ мама намаггааро ад̇ийд̇аанам̣ бариниб̣б̣уд̇аанам̣ б̣уд̣̇д̇хаанам̣ ад̇т̇у, д̇зсам̣язва жад̇уусу палзсу н̃аан̣асан̇каад̇ааяа б̣од̇хияаа ад̇т̇у, д̇ат̇аа д̇зсан̃н̃зва арахад̇д̇апалавимуд̇д̇ияаа вимуд̇д̇аанам̣ ад̇т̇у, яаа жа нзсам̣ д̇ад̣̇ан̇г̇авигкамбханасамужчзд̣̇аббадиббассад̣̇д̇хиниссаран̣асан̇каад̇аа бан̃жавид̇хаа вимуд̇д̇и, д̇ааяа вимуд̇д̇ияааби аяам̣ маяхам̣ намаггааро ад̇т̇ууд̇и ад̇т̇о. имам̣ со барид̇д̇ам̣ гад̇ваа, моро жарад̇и зсанаад̇и ид̣̇ам̣ бана бад̣̇ад̣̇ваяам̣ сад̇т̇аа абхисамб̣уд̣̇д̇хо худ̇ваа ааха. д̇ассад̇т̇о – бхигкавз, со моро имам̣ барид̇д̇ам̣ имам̣ рагкам̣ гад̇ваа ад̇д̇ано г̇ожарабхуумияам̣ бубпапалаад̣̇ийнам̣ ад̇т̇ааяа наанаббагаарааяа зсанааяа жарад̇ийд̇и.

    Evaṃ bodhisatto imāya gāthāya sūriyaṃ namassitvā dutiyagāthāya atīte parinibbute buddhe ceva buddhaguṇe ca namassati ‘‘ye brāhmaṇā’’tiādinā. Tattha ye brāhmaṇāti ye bāhitapāpā parisuddhā brāhmaṇā. Vedagūti vedānaṃ pāraṃ gatā, vedehi pāraṃ gatāti vā vedagū. Idha pana sabbe saṅkhatadhamme vidite pākaṭe katvā katāti vedagū. Tenevāha – ‘‘sabbadhamme’’ti. Sabbe khandhāyatanadhātudhamme salakkhaṇasāmaññalakkhaṇavasena attano ñāṇassa vidite pākaṭe katvā tiṇṇaṃ mārānaṃ matthakaṃ madditvā sammāsambodhiṃ pattā, saṃsāraṃ vā atikkantāti attho. Te me namoti te mama imaṃ namakkāraṃ paṭicchantu. Te ca maṃ pālayantūti evaṃ mayā namassitā ca te bhagavanto maṃ pālayantu rakkhantu. Namattu buddhānaṃ…pe… vimuttiyāti ayaṃ mama namakkāro atītānaṃ parinibbutānaṃ buddhānaṃ atthu, tesaṃyeva catūsu phalesu ñāṇasaṅkhātāya bodhiyā atthu, tathā tesaññeva arahattaphalavimuttiyā vimuttānaṃ atthu, yā ca nesaṃ tadaṅgavikkhambhanasamucchedappaṭippassaddhinissaraṇasaṅkhātā pañcavidhā vimutti, tāya vimuttiyāpi ayaṃ mayhaṃ namakkāro atthūti attho. Imaṃ so parittaṃ katvā, moro carati esanāti idaṃ pana padadvayaṃ satthā abhisambuddho hutvā āha. Tassattho – bhikkhave, so moro imaṃ parittaṃ imaṃ rakkhaṃ katvā attano gocarabhūmiyaṃ pupphaphalādīnaṃ atthāya nānappakārāya esanāya caratīti.

    звам̣ д̣̇ивасам̣ жарид̇ваа сааяам̣ баб̣б̣ад̇амад̇т̇агз нисийд̣̇ид̇ваа ад̇т̇ам̣ г̇ажчанд̇ам̣ суурияам̣ ологзнд̇о б̣уд̣̇д̇хаг̇ун̣з ааваж̇ж̇зд̇ваа ниваасадтаанз рагкааваран̣ад̇т̇ааяа буна б̣рахмаманд̇ам̣ вад̣̇анд̇о ‘‘абзд̇аяа’’нд̇иаад̣̇имааха. д̇знзвааха – ‘‘д̣̇ивасам̣ г̇ожарам̣ г̇ахзд̇ваа’’д̇иаад̣̇и. д̇ад̇т̇а абзд̇ийд̇и абаяаад̇и ад̇т̇ам̣ г̇ажчад̇и. имам̣ со барид̇д̇ам̣ гад̇ваа моро ваасамагаббаяийд̇и ид̣̇амби абхисамб̣уд̣̇д̇хо худ̇ваа ааха. д̇ассад̇т̇о – бхигкавз, со моро имам̣ барид̇д̇ам̣ имам̣ рагкам̣ гад̇ваа ад̇д̇ано ниваасадтаанз ваасам̣ сам̣габбаяид̇т̇аад̇и. барид̇д̇агаммад̇о бурзд̇арамзваад̇и барид̇д̇агаммагаран̣ад̇о бурзд̇арамзва. морагуггудигааяаад̇и гуггудигаасад̣̇исааяа моражчаабигааяа.

    Evaṃ divasaṃ caritvā sāyaṃ pabbatamatthake nisīditvā atthaṃ gacchantaṃ sūriyaṃ olokento buddhaguṇe āvajjetvā nivāsaṭṭhāne rakkhāvaraṇatthāya puna brahmamantaṃ vadanto ‘‘apetaya’’ntiādimāha. Tenevāha – ‘‘divasaṃ gocaraṃ gahetvā’’tiādi. Tattha apetīti apayāti atthaṃ gacchati. Imaṃ so parittaṃ katvā moro vāsamakappayīti idampi abhisambuddho hutvā āha. Tassattho – bhikkhave, so moro imaṃ parittaṃ imaṃ rakkhaṃ katvā attano nivāsaṭṭhāne vāsaṃ saṃkappayitthāti. Parittakammato puretaramevāti parittakammakaraṇato puretarameva. Morakukkuṭikāyāti kukkuṭikāsadisāya moracchāpikāya.

    3. д̇ад̇ияз руубааяад̇анасса вияа г̇анд̇хааяад̇анассаби самудтаабагабажжаяавасзна висзсо над̇т̇ийд̇и ааха – ‘‘жад̇усамудтаанига’’нд̇и. ид̇т̇ияаа сарийраг̇анд̇хасса гааяаарул̣хаанулзбанаад̣̇иг̇анд̇хасса жа д̇аббадиб̣ад̣̇д̇хабхаавад̇о ависзсзна г̇ахан̣аббасан̇г̇з ид̇хаад̇хиббзд̇аг̇анд̇хам̣ нид̣̇д̇хаарзнд̇о ‘‘свааяа’’нд̇иаад̣̇имааха. д̇ад̇т̇а ид̇т̇ияаад̇и баагад̇игааяа ид̇т̇ияаа. д̣̇уг̇г̇анд̇ход̇и баагад̇игааяа ид̇т̇ияаа сарийраг̇анд̇хабхаавад̇о д̣̇уг̇г̇анд̇хо ход̇и. ид̇хаад̇хиббзд̇од̇и идтабхаавад̇о ассаад̣̇зд̇аб̣б̣ад̇д̇аа вуд̇д̇ам̣. гат̇ам̣ бана ид̇т̇ияаа сарийраг̇анд̇хасса д̣̇уг̇г̇анд̇хабхаавод̇и ааха – ‘‘згажжаа хий’’д̇иаад̣̇и. д̇ад̇т̇а ассасса вияа г̇анд̇хо ассаа ад̇т̇ийд̇и ассаг̇анд̇хиний. мзн̣д̣агасса вияа г̇анд̇хо ассаа ад̇т̇ийд̇и мзн̣д̣агаг̇анд̇хиний. сзд̣̇асса вияа г̇анд̇хо ассаа ад̇т̇ийд̇и сзд̣̇аг̇анд̇хиний. сон̣ид̇асса вияа г̇анд̇хо ассаа ад̇т̇ийд̇и сон̣ид̇аг̇анд̇хиний. раж̇ж̇ад̇зваад̇и анаад̣̇имад̇и сам̣саарз авиж̇ж̇аад̣̇игилзсаваасанааяа баригад̣дхид̇ахад̣̇аяад̇д̇аа подтаб̣б̣ассаад̣̇аг̇ад̇хид̇ажид̇д̇ад̇ааяа жа анд̇хаб̣аало зваруубааяаби д̣̇уг̇г̇анд̇хасарийрааяа ид̇т̇ияаа раж̇ж̇ад̇иязва. баагад̇игааяа ид̇т̇ияаа сарийраг̇анд̇хасса д̣̇уг̇г̇анд̇хабхаавам̣ д̣̇ассзд̇ваа ид̣̇аани висидтааяа згажжааяа ид̇т̇ияаа д̇ад̣̇абхаавам̣ д̣̇ассзд̇ум̣ – ‘‘жаггавад̇д̇ино банаа’’д̇иаад̣̇имааха. яад̣̇и звам̣ ийд̣̇исааяа ид̇т̇ияаа сарийраг̇анд̇хоби ид̇ха гасмаа наад̇хиббзд̇од̇и ааха – ‘‘аяам̣ на саб̣б̣аасам̣ ход̇ий’’д̇иаад̣̇и. д̇иражчаанаг̇ад̇ааяа ид̇т̇ияаа згажжааяа жа мануссид̇т̇ияаа сарийраг̇анд̇хасса ад̇ивияа ассаад̣̇зд̇аб̣б̣абхаавад̣̇ассанад̇о буна д̇амби ависзсзна ануж̇аананд̇о ‘‘ид̇т̇игааяз г̇анд̇хо ваа ход̇уу’’д̇иаад̣̇имааха. ид̇т̇иг̇анд̇ход̇взва взд̣̇ид̇аб̣б̣од̇и д̇аббадиб̣ад̣̇д̇хабхаавад̇о вуд̇д̇ам̣.

    3. Tatiye rūpāyatanassa viya gandhāyatanassapi samuṭṭhāpakapaccayavasena viseso natthīti āha – ‘‘catusamuṭṭhānika’’nti. Itthiyā sarīragandhassa kāyāruḷhaanulepanādigandhassa ca tappaṭibaddhabhāvato avisesena gahaṇappasaṅge idhādhippetagandhaṃ niddhārento ‘‘svāya’’ntiādimāha. Tattha itthiyāti pākatikāya itthiyā. Duggandhoti pākatikāya itthiyā sarīragandhabhāvato duggandho hoti. Idhādhippetoti iṭṭhabhāvato assādetabbattā vuttaṃ. Kathaṃ pana itthiyā sarīragandhassa duggandhabhāvoti āha – ‘‘ekaccā hī’’tiādi. Tattha assassa viya gandho assā atthīti assagandhinī. Meṇḍakassa viya gandho assā atthīti meṇḍakagandhinī. Sedassa viya gandho assā atthīti sedagandhinī. Soṇitassa viya gandho assā atthīti soṇitagandhinī. Rajjatevāti anādimati saṃsāre avijjādikilesavāsanāya parikaḍḍhitahadayattā phoṭṭhabbassādagadhitacittatāya ca andhabālo evarūpāyapi duggandhasarīrāya itthiyā rajjatiyeva. Pākatikāya itthiyā sarīragandhassa duggandhabhāvaṃ dassetvā idāni visiṭṭhāya ekaccāya itthiyā tadabhāvaṃ dassetuṃ – ‘‘cakkavattinopanā’’tiādimāha. Yadi evaṃ īdisāya itthiyā sarīragandhopi idha kasmā nādhippetoti āha – ‘‘ayaṃ na sabbāsaṃ hotī’’tiādi. Tiracchānagatāya itthiyā ekaccāya ca manussitthiyā sarīragandhassa ativiya assādetabbabhāvadassanato puna tampi avisesena anujānanto ‘‘itthikāye gandho vā hotū’’tiādimāha. Itthigandhotveva veditabboti tappaṭibaddhabhāvato vuttaṃ.

    4. жад̇уд̇т̇аад̣̇ийсу гим̣ д̇знаад̇и ж̇ивхаавин̃н̃зяяарасз ид̇хаад̇хиббзд̇з гим̣ д̇зна аваяаварасаад̣̇инаа вуд̇д̇зна баяож̇анам̣. одтамам̣сам̣ саммагкзд̇ийд̇и одтамам̣сасаммагкано, кзл̣аад̣̇ийни. аад̣̇исад̣̇д̣̇зна одтамам̣самагкано д̇амб̣уламукаваасаад̣̇ирасо г̇аяхад̇и. саб̣б̣о со ид̇т̇ирасод̇и ид̇т̇ияаавасса г̇ахзд̇аб̣б̣ад̇д̇аа.

    4. Catutthādīsu kiṃ tenāti jivhāviññeyyarase idhādhippete kiṃ tena avayavarasādinā vuttena payojanaṃ. Oṭṭhamaṃsaṃ sammakkhetīti oṭṭhamaṃsasammakkhano, kheḷādīni. Ādisaddena oṭṭhamaṃsamakkhano tambulamukhavāsādiraso gayhati. Sabbo so itthirasoti itthiyāvassa gahetabbattā.

    5. ид̇т̇иподтаб̣б̣од̇и зд̇т̇ааби зсзва наяо. яад̣̇и банзд̇т̇а ид̇т̇иг̇ад̇аани руубаарамман̣аад̣̇ийни ависзсад̇о бурисасса жид̇д̇ам̣ барияаад̣̇ааяа д̇идтанд̇и, ат̇а гасмаа бхаг̇авад̇аа д̇аани висум̣ висум̣ г̇ахзд̇ваа д̣̇зсид̇аанийд̇и ааха – ‘‘ид̇и сад̇т̇аа’’д̇иаад̣̇и. яат̇аа хийд̇иаад̣̇инаа д̇амзвад̇т̇ам̣ самад̇т̇зд̇и. г̇амзд̇ийд̇и вигкзбам̣ г̇амзд̇и, аяамзва ваа баато. г̇амзд̇ийд̇и жа сан̇г̇амзд̇и. на д̇ат̇аа сзсаа сад̣̇д̣̇аад̣̇аяо, на д̇ат̇аа руубаад̣̇ийни аарамман̣аанийд̇и зд̇зна сад̇д̇зсу руубаад̣̇иг̇аругад̇аа асам̣гин̣н̣аа вияа д̣̇ассид̇аа, на ко банзд̇ам̣ звам̣ д̣̇адтаб̣б̣ам̣ анзгавид̇хад̇д̇аа сад̇д̇аанам̣ аж̇жхаасаяассаад̇и д̣̇ассзд̇ум̣ – ‘‘згажжасса жаа’’д̇иаад̣̇и вуд̇д̇ам̣. бан̃жаг̇аругавасзнаад̇и бан̃жаарамман̣аг̇аругавасзна. згажжасса хи бурисасса яат̇аавуд̇д̇зсу бан̃жасуби аарамман̣зсу г̇аругад̇аа ход̇и, згажжасса д̇ад̇т̇а гад̇ибаязсу, згасмим̣ зва ваа, д̇з саб̣б̣зби бан̃жаг̇аругаад̇взва взд̣̇ид̇аб̣б̣аа яат̇аа ‘‘сад̇д̇исаяо адтавимогкаа’’д̇и. на бан̃жаг̇аругаж̇аад̇агавасзна згзгаарамман̣з г̇аругассзва наад̇хиббзд̇ад̇д̇аа. згзгаарамман̣аг̇аругаанан̃хи бан̃жаннам̣ буг̇г̇алаанам̣ д̇ад̇т̇а ааг̇ад̇ад̇д̇аа д̇ам̣ ж̇аад̇агам̣ ‘‘бан̃жаг̇аругаж̇аад̇ага’’нд̇и вуд̇д̇ам̣. яад̣̇и звам̣ д̇зна ид̇ха баяож̇анам̣ над̇т̇ийд̇и ааха – ‘‘сагкибхаавад̇т̇ааяаа’’д̇и. аахарид̇ваа гат̇зд̇аб̣б̣анд̇и руубаад̣̇иг̇аругад̇ааяа зд̇з анаяаб̣яасанам̣ бад̇д̇аад̇и д̣̇ассзд̇ум̣ гат̇зд̇аб̣б̣ам̣.

    5.Itthiphoṭṭhabboti etthāpi eseva nayo. Yadi panettha itthigatāni rūpārammaṇādīni avisesato purisassa cittaṃ pariyādāya tiṭṭhanti, atha kasmā bhagavatā tāni visuṃ visuṃ gahetvā desitānīti āha – ‘‘iti satthā’’tiādi. Yathā hītiādinā tamevatthaṃ samattheti. Gametīti vikkhepaṃ gameti, ayameva vā pāṭho. Gametīti ca saṅgameti. Na tathā sesā saddādayo, na tathā rūpādīni ārammaṇānīti etena sattesu rūpādigarukatā asaṃkiṇṇā viya dassitā, na kho panetaṃ evaṃ daṭṭhabbaṃ anekavidhattā sattānaṃ ajjhāsayassāti dassetuṃ – ‘‘ekaccassa cā’’tiādi vuttaṃ. Pañcagarukavasenāti pañcārammaṇagarukavasena. Ekaccassa hi purisassa yathāvuttesu pañcasupi ārammaṇesu garukatā hoti, ekaccassa tattha katipayesu, ekasmiṃ eva vā, te sabbepi pañcagarukātveva veditabbā yathā ‘‘sattisayo aṭṭhavimokkhā’’ti. Na pañcagarukajātakavasena ekekārammaṇe garukasseva nādhippetattā. Ekekārammaṇagarukānañhi pañcannaṃ puggalānaṃ tattha āgatattā taṃ jātakaṃ ‘‘pañcagarukajātaka’’nti vuttaṃ. Yadi evaṃ tena idha payojanaṃ natthīti āha – ‘‘sakkhibhāvatthāyā’’ti. Āharitvā kathetabbanti rūpādigarukatāya ete anayabyasanaṃ pattāti dassetuṃ kathetabbaṃ.

    6-8. д̇зсанд̇и суд̇д̇аанам̣. уббан̣д̣зд̇ваа г̇ан̣хид̇ум̣ на ижчийд̇и д̇асса т̇огам̣ вируубад̇хаад̇угад̇д̇аа на ижчи. анад̇иггаманд̇од̇и сам̣санд̣̇знд̇о. д̣̇вз хад̇т̇ам̣ бад̇д̇аанийд̇и д̣̇вз уббалаани хад̇т̇ам̣ г̇ад̇аани. бахадтаагаарам̣ д̣̇ассзд̇ваад̇и абараахи ид̇т̇ийхи згзгам̣ лад̣̇д̇хам̣, маяаа д̣̇вз лад̣̇д̇хаанийд̇и санд̇удтаагаарам̣ д̣̇ассзд̇ваа. барод̣̇ийд̇и д̇ассаа буб̣б̣асаамигасса мукаг̇анд̇хам̣ сарид̇ваа. д̇асса хи мукад̇о уббалаг̇анд̇хо вааяад̇и. хаарзд̇ваад̇и д̇асмаа таанаа абанзд̇ваа, ‘‘хараабзд̇ваа’’д̇и ваа баато, аяамзвад̇т̇о.

    6-8.Tesanti suttānaṃ. Uppaṇḍetvā gaṇhituṃ na icchīti tassa thokaṃ virūpadhātukattā na icchi. Anatikkamantoti saṃsandento. Dve hatthaṃ pattānīti dve uppalāni hatthaṃ gatāni. Pahaṭṭhākāraṃ dassetvāti aparāhi itthīhi ekekaṃ laddhaṃ, mayā dve laddhānīti santuṭṭhākāraṃ dassetvā. Parodīti tassā pubbasāmikassa mukhagandhaṃ saritvā. Tassa hi mukhato uppalagandho vāyati. Hāretvāti tasmā ṭhānā apanetvā, ‘‘harāpetvā’’ti vā pāṭho, ayamevattho.

    саад̇ху саад̇хууд̇и бхаасад̇од̇и д̇хаммагат̇ааяа анумод̣̇анавасзна ‘‘саад̇ху саад̇хуу’’д̇и бхаасад̇о. уббалам̣ва яат̇од̣̇агзд̇и яат̇аа уббалам̣ уббалаг̇анд̇хо мукад̇о ниб̣б̣ад̇д̇од̇и. ваддамзва гат̇ид̇анд̇и яат̇ааруд̇авасзна вуд̇д̇ам̣. яад̣̇иби звам̣ вуд̇д̇ам̣, д̇ат̇ааби яат̇ааруд̇амад̇т̇з авад̇ваа виваддам̣ нийхарид̇ваа гат̇зд̇аб̣б̣ам̣ вимуд̇д̇ирасад̇д̇аа бхаг̇авад̇о д̣̇зсанааяа.

    Sādhu sādhūti bhāsatoti dhammakathāya anumodanavasena ‘‘sādhu sādhū’’ti bhāsato. Uppalaṃva yathodaketi yathā uppalaṃ uppalagandho mukhato nibbattoti. Vaṭṭameva kathitanti yathārutavasena vuttaṃ. Yadipi evaṃ vuttaṃ, tathāpi yathārutamatthe avatvā vivaṭṭaṃ nīharitvā kathetabbaṃ vimuttirasattā bhagavato desanāya.

    руубаад̣̇иваг̇г̇аван̣н̣анаа нидтид̇аа.

    Rūpādivaggavaṇṇanā niṭṭhitā.

    ид̇и манорат̇абууран̣ияаа ан̇г̇уд̇д̇аранигааяа-адтагат̇ааяа

    Iti manorathapūraṇiyā aṅguttaranikāya-aṭṭhakathāya

    батамаваг̇г̇аван̣н̣анааяа ануд̇д̇аанад̇т̇ад̣̇ийбанаа нидтид̇аа.

    Paṭhamavaggavaṇṇanāya anuttānatthadīpanā niṭṭhitā.




    Next: 2. нийваран̣аббахаанаваг̇г̇аван̣н̣анаа • 2. Nīvaraṇappahānavaggavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
    1. руубаад̣̇иваг̇г̇о • 1. Rūpādivaggo
    2. нийваран̣аббахаанаваг̇г̇о • 2. Nīvaraṇappahānavaggo

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
    1. руубаад̣̇иваг̇г̇аван̣н̣анаа • 1. Rūpādivaggavaṇṇanā
    2. нийваран̣аббахаанаваг̇г̇аван̣н̣анаа • 2. Nīvaraṇappahānavaggavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact