| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. руубам̣ хзд̇ууд̇игат̇ааван̣н̣анаа
5. Rūpaṃ hetūtikathāvaṇṇanā
754-756. ид̣̇аани руубам̣ хзд̇ууд̇и гат̇аанаама ход̇и. д̇ад̇т̇а хзд̇ууд̇и гусаламуулаад̣̇ино хзд̇ухзд̇уссааби наамам̣, яасса гассажи бажжаяассааби. имам̣ бана вибхааг̇ам̣ агад̇ваа ‘‘жад̇д̇ааро махаабхууд̇аа хзд̇уу’’д̇и важанамад̇д̇ам̣ ниссааяа ависзсзнзва руубам̣ хзд̇ууд̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. алобхо хзд̇ууд̇и гим̣ д̇з руубам̣ алобхасан̇каад̇о хзд̇ууд̇и бужчад̇и, ид̇аро бадигкибад̇и. сзсзсуби зсзва наяо. махаабхууд̇аа убаад̣̇ааяаруубаанам̣ убаад̣̇ааяахзд̇ууд̇и зд̇т̇а бажжаяадтзна хзд̇убхааво вуд̇д̇о, на мууладтзна, д̇асмаа асаад̇хаганд̇и.
754-756. Idāni rūpaṃ hetūti kathānāma hoti. Tattha hetūti kusalamūlādino hetuhetussāpi nāmaṃ, yassa kassaci paccayassāpi. Imaṃ pana vibhāgaṃ akatvā ‘‘cattāro mahābhūtā hetū’’ti vacanamattaṃ nissāya aviseseneva rūpaṃ hetūti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Alobho hetūti kiṃ te rūpaṃ alobhasaṅkhāto hetūti pucchati, itaro paṭikkhipati. Sesesupi eseva nayo. Mahābhūtā upādāyarūpānaṃ upādāyahetūti ettha paccayaṭṭhena hetubhāvo vutto, na mūlaṭṭhena, tasmā asādhakanti.
руубам̣ хзд̇ууд̇игат̇ааван̣н̣анаа.
Rūpaṃ hetūtikathāvaṇṇanā.
757-759. сахзд̇угагат̇ааяамби иминаава наязна ад̇т̇о взд̣̇ид̇аб̣б̣од̇и.
757-759. Sahetukakathāyampi imināva nayena attho veditabboti.
руубам̣ сахзд̇уганд̇игат̇ааван̣н̣анаа.
Rūpaṃ sahetukantikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi
(160) 5. руубам̣ хзд̇ууд̇игат̇аа • (160) 5. Rūpaṃ hetūtikathā
(161) 6. руубам̣ сахзд̇уганд̇игат̇аа • (161) 6. Rūpaṃ sahetukantikathā
