| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. руубам̣ гамманд̇игат̇ааван̣н̣анаа
9. Rūpaṃ kammantikathāvaṇṇanā
527-537. ид̣̇аани руубам̣ гамманд̇игат̇аа наама ход̇и. д̇ад̇т̇а язсам̣ гааяаважийвин̃н̃ад̇д̇исан̇каад̇ам̣ руубамзва гааяагаммам̣ важийгаммам̣ наама, д̇ан̃жа гусаласамудтаанам̣ гусалам̣, агусаласамудтаанам̣ агусаланд̇и лад̣̇д̇хи, сзяяат̇ааби махисаасагаанан̃жзва саммид̇ияаанан̃жа; д̇з санд̇хааяа гусалзна жид̇д̇зна самудтид̇анд̇и бужчаа сагаваад̣̇исса, бадин̃н̃аа ид̇арасса. ат̇а нам̣ сажз д̇ам̣ гусалам̣, явааяам̣ саарамман̣аад̣̇ибхзд̣̇о гусаласса лаб̣бхад̇и, ад̇т̇и д̇з со д̇ассаад̇и жод̣̇зд̇ум̣ саарамман̣анд̇иаад̣̇и аарад̣̇д̇хам̣. д̇ад̇т̇а бад̇т̇анаа бан̣ид̇хийд̇и жзд̇анааязвзд̇ам̣ взважанам̣. гусалажзд̇анааязва хи багаббаяамаанаа бад̇т̇анаад̇и. багаббанавасзна тид̇ад̇д̇аа бан̣ид̇хийд̇и жа вужжад̇и. барад̇о бана гусалзна жид̇д̇зна самудтид̇аа взд̣̇анаа сан̃н̃аа жзд̇анаа сад̣̇д̇хаад̇иаад̣̇ийсу взд̣̇анаад̣̇ийнан̃н̃зва жзд̇т̇а бад̇т̇анаа бан̣ид̇хийд̇и лаб̣бхад̇и, на жзд̇анааяа. гасмаа? д̣̇виннам̣ жзд̇анаанам̣ згад̇о абхааваа, сод̇абад̇ид̇ад̇д̇аа бана звам̣ д̇анд̇и г̇ад̇аад̇и взд̣̇ид̇аб̣б̣аа. руубааяад̇ананд̇иаад̣̇и буримаваарз ‘‘саб̣б̣анд̇ам̣ гусала’’нд̇и сам̣кид̇д̇асса бабхзд̣̇ад̣̇ассанад̇т̇ам̣ вуд̇д̇ам̣ . сзсаа сам̣санд̣̇ананаяаа, важийгаммагат̇аа ‘‘агусалзна жид̇д̇зна самудтид̇а’’нд̇иаад̣̇ивид̇хаанан̃жа саб̣б̣ам̣ баал̣ианусаарзнзва взд̣̇ид̇аб̣б̣ам̣. асужийд̇и банзд̇т̇а суггам̣ ад̇хиббзд̇ам̣. суд̇д̇асаад̇ханам̣ уд̇д̇аанад̇т̇амзва.
527-537. Idāni rūpaṃ kammantikathā nāma hoti. Tattha yesaṃ kāyavacīviññattisaṅkhātaṃ rūpameva kāyakammaṃ vacīkammaṃ nāma, tañca kusalasamuṭṭhānaṃ kusalaṃ, akusalasamuṭṭhānaṃ akusalanti laddhi, seyyathāpi mahisāsakānañceva sammitiyānañca; te sandhāya kusalena cittena samuṭṭhitanti pucchā sakavādissa, paṭiññā itarassa. Atha naṃ sace taṃ kusalaṃ, yvāyaṃ sārammaṇādibhedo kusalassa labbhati, atthi te so tassāti codetuṃ sārammaṇantiādi āraddhaṃ. Tattha patthanā paṇidhīti cetanāyevetaṃ vevacanaṃ. Kusalacetanāyeva hi pakappayamānā patthanāti. Pakappanavasena ṭhitattā paṇidhīti ca vuccati. Parato pana kusalena cittena samuṭṭhitā vedanā saññā cetanā saddhātiādīsu vedanādīnaññeva cettha patthanā paṇidhīti labbhati, na cetanāya. Kasmā? Dvinnaṃ cetanānaṃ ekato abhāvā, sotapatitattā pana evaṃ tanti gatāti veditabbā. Rūpāyatanantiādi purimavāre ‘‘sabbantaṃ kusala’’nti saṃkhittassa pabhedadassanatthaṃ vuttaṃ . Sesā saṃsandananayā, vacīkammakathā ‘‘akusalena cittena samuṭṭhita’’ntiādividhānañca sabbaṃ pāḷianusāreneva veditabbaṃ. Asucīti panettha sukkaṃ adhippetaṃ. Suttasādhanaṃ uttānatthameva.
руубам̣ гамманд̇игат̇ааван̣н̣анаа.
Rūpaṃ kammantikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (81) 9. руубам̣ гамманд̇игат̇аа • (81) 9. Rūpaṃ kammantikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. руубам̣гамманд̇игат̇ааван̣н̣анаа • 9. Rūpaṃkammantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. руубам̣гамманд̇игат̇ааван̣н̣анаа • 9. Rūpaṃkammantikathāvaṇṇanā
