| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ரூபங் குஸலாகுஸலந்திகதா²வண்ணனா
7. Rūpaṃ kusalākusalantikathāvaṇṇanā
760-764. இதா³னி ரூபங் குஸலாகுஸலந்திகதா² நாம ஹோதி. தத்த² ‘‘காயகம்மங் வசீகம்மங் குஸலம்பி அகுஸலம்பீ’’திவசனங் நிஸ்ஸாய காயவசீகம்மஸங்கா²தங் காயவிஞ்ஞத்திவசீவிஞ்ஞத்திரூபங் குஸலம்பி அகுஸலம்பீதி யேஸங் லத்³தி⁴, ஸெய்யதா²பி மஹிஸாஸகானஞ்சேவ ஸம்மிதியானஞ்ச; தே ஸந்தா⁴ய ரூபங் குஸலந்தி புச்சா² ஸகவாதி³ஸ்ஸ படிஞ்ஞா இதரஸ்ஸ. அத² நங் ‘‘யதி³ தே ரூபங் குஸலங், ஏவங்விதே⁴ன அனேன ப⁴விதப்³ப³’’ந்தி சோதே³துங் ஸாரம்மணந்தி ஆதி³மாஹ. பரதோ அகுஸலபஞ்ஹேபி ஏஸேவ நயோ. ஸேஸமெத்த² உத்தானத்த²மேவாதி.
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
ரூபங் குஸலாகுஸலந்திகதா²வண்ணனா.
Rūpaṃ kusalākusalantikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (162) 7. ரூபங் குஸலாகுஸலந்திகதா² • (162) 7. Rūpaṃ kusalākusalantikathā
