| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৭. রূপং কুসলাকুসলন্তিকথাৰণ্ণনা
7. Rūpaṃ kusalākusalantikathāvaṇṇanā
৭৬০-৭৬৪. ইদানি রূপং কুসলাকুসলন্তিকথা নাম হোতি। তত্থ ‘‘কাযকম্মং ৰচীকম্মং কুসলম্পি অকুসলম্পী’’তিৰচনং নিস্সায কাযৰচীকম্মসঙ্খাতং কাযৰিঞ্ঞত্তিৰচীৰিঞ্ঞত্তিরূপং কুসলম্পি অকুসলম্পীতি যেসং লদ্ধি, সেয্যথাপি মহিসাসকানঞ্চেৰ সম্মিতিযানঞ্চ; তে সন্ধায রূপং কুসলন্তি পুচ্ছা সকৰাদিস্স পটিঞ্ঞা ইতরস্স। অথ নং ‘‘যদি তে রূপং কুসলং, এৰংৰিধেন অনেন ভৰিতব্ব’’ন্তি চোদেতুং সারম্মণন্তি আদিমাহ। পরতো অকুসলপঞ্হেপি এসেৰ নযো। সেসমেত্থ উত্তানত্থমেৰাতি।
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
রূপং কুসলাকুসলন্তিকথাৰণ্ণনা।
Rūpaṃ kusalākusalantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৬২) ৭. রূপং কুসলাকুসলন্তিকথা • (162) 7. Rūpaṃ kusalākusalantikathā
