| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
७. रूपं कुसलाकुसलन्तिकथावण्णना
7. Rūpaṃ kusalākusalantikathāvaṇṇanā
७६०-७६४. इदानि रूपं कुसलाकुसलन्तिकथा नाम होति। तत्थ ‘‘कायकम्मं वचीकम्मं कुसलम्पि अकुसलम्पी’’तिवचनं निस्साय कायवचीकम्मसङ्खातं कायविञ्ञत्तिवचीविञ्ञत्तिरूपं कुसलम्पि अकुसलम्पीति येसं लद्धि, सेय्यथापि महिसासकानञ्चेव सम्मितियानञ्च; ते सन्धाय रूपं कुसलन्ति पुच्छा सकवादिस्स पटिञ्ञा इतरस्स। अथ नं ‘‘यदि ते रूपं कुसलं, एवंविधेन अनेन भवितब्ब’’न्ति चोदेतुं सारम्मणन्ति आदिमाह। परतो अकुसलपञ्हेपि एसेव नयो। सेसमेत्थ उत्तानत्थमेवाति।
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
रूपं कुसलाकुसलन्तिकथावण्णना।
Rūpaṃ kusalākusalantikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१६२) ७. रूपं कुसलाकुसलन्तिकथा • (162) 7. Rūpaṃ kusalākusalantikathā
