| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၇. ရူပံ ကုသလာကုသလန္တိကထာဝဏ္ဏနာ
7. Rūpaṃ kusalākusalantikathāvaṇṇanā
၇၆၀-၇၆၄. ဣဒာနိ ရူပံ ကုသလာကုသလန္တိကထာ နာမ ဟောတိ။ တတ္ထ ‘‘ကာယကမ္မံ ဝစီကမ္မံ ကုသလမ္ပိ အကုသလမ္ပီ’’တိဝစနံ နိသ္သာယ ကာယဝစီကမ္မသင္ခာတံ ကာယဝိညတ္တိဝစီဝိညတ္တိရူပံ ကုသလမ္ပိ အကုသလမ္ပီတိ ယေသံ လဒ္ဓိ, သေယ္ယထာပိ မဟိသာသကာနဉ္စေဝ သမ္မိတိယာနဉ္စ; တေ သန္ဓာယ ရူပံ ကုသလန္တိ ပုစ္ဆာ သကဝာဒိသ္သ ပဋိညာ ဣတရသ္သ။ အထ နံ ‘‘ယဒိ တေ ရူပံ ကုသလံ, ဧဝံဝိဓေန အနေန ဘဝိတဗ္ဗ’’န္တိ စောဒေတုံ သာရမ္မဏန္တိ အာဒိမာဟ။ ပရတော အကုသလပဉ္ဟေပိ ဧသေဝ နယော။ သေသမေတ္ထ ဥတ္တာနတ္ထမေဝာတိ။
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
ရူပံ ကုသလာကုသလန္တိကထာဝဏ္ဏနာ။
Rūpaṃ kusalākusalantikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၆၂) ၇. ရူပံ ကုသလာကုသလန္တိကထာ • (162) 7. Rūpaṃ kusalākusalantikathā
