| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
7. රූපං කුසලාකුසලන්‌තිකථාවණ්‌ණනා
7. Rūpaṃ kusalākusalantikathāvaṇṇanā
760-764. ඉදානි රූපං කුසලාකුසලන්‌තිකථා නාම හොති. තත්‌ථ ‘‘කායකම්‌මං වචීකම්‌මං කුසලම්‌පි අකුසලම්‌පී’’තිවචනං නිස්‌සාය කායවචීකම්‌මසඞ්‌ඛාතං කායවිඤ්‌ඤත්‌තිවචීවිඤ්‌ඤත්‌තිරූපං කුසලම්‌පි අකුසලම්‌පීති යෙසං ලද්‌ධි, සෙය්‍යථාපි මහිසාසකානඤ්‌චෙව සම්‌මිතියානඤ්‌ච; තෙ සන්‌ධාය රූපං කුසලන්‌ති පුච්‌ඡා සකවාදිස්‌ස පටිඤ්‌ඤා ඉතරස්‌ස. අථ නං ‘‘යදි තෙ රූපං කුසලං, එවංවිධෙන අනෙන භවිතබ්‌බ’’න්‌ති චොදෙතුං සාරම්‌මණන්‌ති ආදිමාහ. පරතො අකුසලපඤ්‌හෙපි එසෙව නයො. සෙසමෙත්‌ථ උත්‌තානත්‌ථමෙවාති.
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
රූපං කුසලාකුසලන්‌තිකථාවණ්‌ණනා.
Rūpaṃ kusalākusalantikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (162) 7. රූපං කුසලාකුසලන්‌තිකථා • (162) 7. Rūpaṃ kusalākusalantikathā
