| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
16. ஸோளஸமவக்³கோ³
16. Soḷasamavaggo
(164) 9. ரூபங் ரூபாவசராரூபாவசரந்திகதா²
(164) 9. Rūpaṃ rūpāvacarārūpāvacarantikathā
768. அத்தி² ரூபங் ரூபாவசரந்தி? ஆமந்தா. ஸமாபத்தேஸியங் உபபத்தேஸியங் தி³ட்ட²த⁴ம்மஸுக²விஹாரங், ஸமாபத்தேஸியேன சித்தேன உபபத்தேஸியேன சித்தேன தி³ட்ட²த⁴ம்மஸுக²விஹாரேன சித்தேன ஸஹக³தங் ஸஹஜாதங் ஸங்ஸட்ட²ங் ஸம்பயுத்தங் ஏகுப்பாத³ங் ஏகனிரோத⁴ங் ஏகவத்து²கங் ஏகாரம்மணந்தி? ந ஹேவங் வத்தப்³பே³…பே॰… நனு ந ஸமாபத்தேஸியங் ந உபபத்தேஸியங் ந தி³ட்ட²த⁴ம்மஸுக²விஹாரங், ந ஸமாபத்தேஸியேன சித்தேன ந உபபத்தேஸியேன சித்தேன ந தி³ட்ட²த⁴ம்மஸுக²விஹாரேன சித்தேன ஸஹக³தங் ஸஹஜாதங் ஸங்ஸட்ட²ங் ஸம்பயுத்தங் ஏகுப்பாத³ங் ஏகனிரோத⁴ங் ஏகவத்து²கங் ஏகாரம்மணந்தி? ஆமந்தா. ஹஞ்சி ந ஸமாபத்தேஸியங் ந உபபத்தேஸியங் ந தி³ட்ட²த⁴ம்மஸுக²விஹாரங், ந ஸமாபத்தேஸியேன சித்தேன…பே॰… ஏகாரம்மணங், நோ ச வத ரே வத்தப்³பே³ – ‘‘அத்தி² ரூபங் ரூபாவசர’’ந்தி.
768. Atthi rūpaṃ rūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena na upapattesiyena cittena na diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Āmantā. Hañci na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena…pe… ekārammaṇaṃ, no ca vata re vattabbe – ‘‘atthi rūpaṃ rūpāvacara’’nti.
769. அத்தி² ரூபங் அரூபாவசரந்தி? ஆமந்தா. ஸமாபத்தேஸியங் உபபத்தேஸியங் தி³ட்ட²த⁴ம்மஸுக²விஹாரங், ஸமாபத்தேஸியேன சித்தேன உபபத்தேஸியேன சித்தேன தி³ட்ட²த⁴ம்மஸுக²விஹாரேன சித்தேன ஸஹக³தங் ஸஹஜாதங் ஸங்ஸட்ட²ங் ஸம்பயுத்தங் ஏகுப்பாத³ங் ஏகனிரோத⁴ங் ஏகவத்து²கங் ஏகாரம்மணந்தி? ந ஹேவங் வத்தப்³பே³…பே॰… நனு ந ஸமாபத்தேஸியங் ந உபபத்தேஸியங் ந தி³ட்ட²த⁴ம்மஸுக²விஹாரங், ந ஸமாபத்தேஸியேன சித்தேன …பே॰… ஏகாரம்மணந்தி? ஆமந்தா. ஹஞ்சி ந ஸமாபத்தேஸியங் ந உபபத்தேஸியங்…பே॰… ஏகவத்து²கங் ஏகாரம்மணங், நோ ச வத ரே வத்தப்³பே³ – ‘‘அத்தி² ரூபங் அரூபாவசர’’ந்தி.
769. Atthi rūpaṃ arūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena …pe… ekārammaṇanti? Āmantā. Hañci na samāpattesiyaṃ na upapattesiyaṃ…pe… ekavatthukaṃ ekārammaṇaṃ, no ca vata re vattabbe – ‘‘atthi rūpaṃ arūpāvacara’’nti.
770. ந வத்தப்³ப³ங் – ‘‘அத்தி² ரூபங் ரூபாவசரங், அத்தி² ரூபங் அரூபாவசர’’ந்தி? ஆமந்தா. நனு காமாவசரகம்மஸ்ஸ கதத்தா ரூபங் காமாவசரந்தி? ஆமந்தா. ஹஞ்சி காமாவசரகம்மஸ்ஸ கதத்தா ரூபங் காமாவசரங் , தேன வத ரே வத்தப்³பே³ – ‘‘ரூபாவசரகம்மஸ்ஸ கதத்தா ரூபங் ரூபாவசரங், அரூபாவசரகம்மஸ்ஸ கதத்தா ரூபங் அரூபாவசர’’ந்தி.
770. Na vattabbaṃ – ‘‘atthi rūpaṃ rūpāvacaraṃ, atthi rūpaṃ arūpāvacara’’nti? Āmantā. Nanu kāmāvacarakammassa katattā rūpaṃ kāmāvacaranti? Āmantā. Hañci kāmāvacarakammassa katattā rūpaṃ kāmāvacaraṃ , tena vata re vattabbe – ‘‘rūpāvacarakammassa katattā rūpaṃ rūpāvacaraṃ, arūpāvacarakammassa katattā rūpaṃ arūpāvacara’’nti.
ரூபங் ரூபாவசராரூபாவசரந்திகதா² நிட்டி²தா.
Rūpaṃ rūpāvacarārūpāvacarantikathā niṭṭhitā.
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. ரூபங் ரூபாவசராரூபாவசரந்திகதா²வண்ணனா • 9. Rūpaṃ rūpāvacarārūpāvacarantikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. ரூபங்ரூபாவசராரூபாவசரந்திகதா²வண்ணனா • 9. Rūpaṃrūpāvacarārūpāvacarantikathāvaṇṇanā
