| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๖. โสฬสมวโคฺค
16. Soḷasamavaggo
(๑๖๔) ๙. รูปํ รูปาวจรารูปาวจรนฺติกถา
(164) 9. Rūpaṃ rūpāvacarārūpāvacarantikathā
๗๖๘. อตฺถิ รูปํ รูปาวจรนฺติ? อามนฺตาฯ สมาปเตฺตสิยํ อุปปเตฺตสิยํ ทิฎฺฐธมฺมสุขวิหารํ, สมาปเตฺตสิเยน จิเตฺตน อุปปเตฺตสิเยน จิเตฺตน ทิฎฺฐธมฺมสุขวิหาเรน จิเตฺตน สหคตํ สหชาตํ สํสฎฺฐํ สมฺปยุตฺตํ เอกุปฺปาทํ เอกนิโรธํ เอกวตฺถุกํ เอการมฺมณนฺติ? น เหวํ วตฺตเพฺพ…เป.… นนุ น สมาปเตฺตสิยํ น อุปปเตฺตสิยํ น ทิฎฺฐธมฺมสุขวิหารํ, น สมาปเตฺตสิเยน จิเตฺตน น อุปปเตฺตสิเยน จิเตฺตน น ทิฎฺฐธมฺมสุขวิหาเรน จิเตฺตน สหคตํ สหชาตํ สํสฎฺฐํ สมฺปยุตฺตํ เอกุปฺปาทํ เอกนิโรธํ เอกวตฺถุกํ เอการมฺมณนฺติ? อามนฺตาฯ หญฺจิ น สมาปเตฺตสิยํ น อุปปเตฺตสิยํ น ทิฎฺฐธมฺมสุขวิหารํ, น สมาปเตฺตสิเยน จิเตฺตน…เป.… เอการมฺมณํ, โน จ วต เร วตฺตเพฺพ – ‘‘อตฺถิ รูปํ รูปาวจร’’นฺติฯ
768. Atthi rūpaṃ rūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena na upapattesiyena cittena na diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Āmantā. Hañci na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena…pe… ekārammaṇaṃ, no ca vata re vattabbe – ‘‘atthi rūpaṃ rūpāvacara’’nti.
๗๖๙. อตฺถิ รูปํ อรูปาวจรนฺติ? อามนฺตาฯ สมาปเตฺตสิยํ อุปปเตฺตสิยํ ทิฎฺฐธมฺมสุขวิหารํ, สมาปเตฺตสิเยน จิเตฺตน อุปปเตฺตสิเยน จิเตฺตน ทิฎฺฐธมฺมสุขวิหาเรน จิเตฺตน สหคตํ สหชาตํ สํสฎฺฐํ สมฺปยุตฺตํ เอกุปฺปาทํ เอกนิโรธํ เอกวตฺถุกํ เอการมฺมณนฺติ? น เหวํ วตฺตเพฺพ…เป.… นนุ น สมาปเตฺตสิยํ น อุปปเตฺตสิยํ น ทิฎฺฐธมฺมสุขวิหารํ, น สมาปเตฺตสิเยน จิเตฺตน …เป.… เอการมฺมณนฺติ? อามนฺตาฯ หญฺจิ น สมาปเตฺตสิยํ น อุปปเตฺตสิยํ…เป.… เอกวตฺถุกํ เอการมฺมณํ, โน จ วต เร วตฺตเพฺพ – ‘‘อตฺถิ รูปํ อรูปาวจร’’นฺติฯ
769. Atthi rūpaṃ arūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena …pe… ekārammaṇanti? Āmantā. Hañci na samāpattesiyaṃ na upapattesiyaṃ…pe… ekavatthukaṃ ekārammaṇaṃ, no ca vata re vattabbe – ‘‘atthi rūpaṃ arūpāvacara’’nti.
๗๗๐. น วตฺตพฺพํ – ‘‘อตฺถิ รูปํ รูปาวจรํ, อตฺถิ รูปํ อรูปาวจร’’นฺติ? อามนฺตาฯ นนุ กามาวจรกมฺมสฺส กตตฺตา รูปํ กามาวจรนฺติ? อามนฺตาฯ หญฺจิ กามาวจรกมฺมสฺส กตตฺตา รูปํ กามาวจรํ , เตน วต เร วตฺตเพฺพ – ‘‘รูปาวจรกมฺมสฺส กตตฺตา รูปํ รูปาวจรํ, อรูปาวจรกมฺมสฺส กตตฺตา รูปํ อรูปาวจร’’นฺติฯ
770. Na vattabbaṃ – ‘‘atthi rūpaṃ rūpāvacaraṃ, atthi rūpaṃ arūpāvacara’’nti? Āmantā. Nanu kāmāvacarakammassa katattā rūpaṃ kāmāvacaranti? Āmantā. Hañci kāmāvacarakammassa katattā rūpaṃ kāmāvacaraṃ , tena vata re vattabbe – ‘‘rūpāvacarakammassa katattā rūpaṃ rūpāvacaraṃ, arūpāvacarakammassa katattā rūpaṃ arūpāvacara’’nti.
รูปํ รูปาวจรารูปาวจรนฺติกถา นิฎฺฐิตาฯ
Rūpaṃ rūpāvacarārūpāvacarantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. รูปํ รูปาวจรารูปาวจรนฺติกถาวณฺณนา • 9. Rūpaṃ rūpāvacarārūpāvacarantikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. รูปํรูปาวจรารูปาวจรนฺติกถาวณฺณนา • 9. Rūpaṃrūpāvacarārūpāvacarantikathāvaṇṇanā
