| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༦. སོལ༹སམཝགྒོ
16. Soḷasamavaggo
(༡༦༤) ༩. རཱུཔཾ རཱུཔཱཝཙརཱརཱུཔཱཝཙརནྟིཀཐཱ
(164) 9. Rūpaṃ rūpāvacarārūpāvacarantikathā
༧༦༨. ཨཏྠི རཱུཔཾ རཱུཔཱཝཙརནྟི? ཨཱམནྟཱ། སམཱཔཏྟེསིཡཾ ཨུཔཔཏྟེསིཡཾ དིཊྛདྷམྨསུཁཝིཧཱརཾ, སམཱཔཏྟེསིཡེན ཙིཏྟེན ཨུཔཔཏྟེསིཡེན ཙིཏྟེན དིཊྛདྷམྨསུཁཝིཧཱརེན ཙིཏྟེན སཧགཏཾ སཧཛཱཏཾ སཾསཊྛཾ སམྤཡུཏྟཾ ཨེཀུཔྤཱདཾ ཨེཀནིརོདྷཾ ཨེཀཝཏྠུཀཾ ཨེཀཱརམྨཎནྟི? ན ཧེཝཾ ཝཏྟབྦེ…པེ॰… ནནུ ན སམཱཔཏྟེསིཡཾ ན ཨུཔཔཏྟེསིཡཾ ན དིཊྛདྷམྨསུཁཝིཧཱརཾ, ན སམཱཔཏྟེསིཡེན ཙིཏྟེན ན ཨུཔཔཏྟེསིཡེན ཙིཏྟེན ན དིཊྛདྷམྨསུཁཝིཧཱརེན ཙིཏྟེན སཧགཏཾ སཧཛཱཏཾ སཾསཊྛཾ སམྤཡུཏྟཾ ཨེཀུཔྤཱདཾ ཨེཀནིརོདྷཾ ཨེཀཝཏྠུཀཾ ཨེཀཱརམྨཎནྟི? ཨཱམནྟཱ། ཧཉྩི ན སམཱཔཏྟེསིཡཾ ན ཨུཔཔཏྟེསིཡཾ ན དིཊྛདྷམྨསུཁཝིཧཱརཾ, ན སམཱཔཏྟེསིཡེན ཙིཏྟེན…པེ॰… ཨེཀཱརམྨཎཾ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ རཱུཔཱཝཙར’’ནྟི།
768. Atthi rūpaṃ rūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena na upapattesiyena cittena na diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Āmantā. Hañci na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena…pe… ekārammaṇaṃ, no ca vata re vattabbe – ‘‘atthi rūpaṃ rūpāvacara’’nti.
༧༦༩. ཨཏྠི རཱུཔཾ ཨརཱུཔཱཝཙརནྟི? ཨཱམནྟཱ། སམཱཔཏྟེསིཡཾ ཨུཔཔཏྟེསིཡཾ དིཊྛདྷམྨསུཁཝིཧཱརཾ, སམཱཔཏྟེསིཡེན ཙིཏྟེན ཨུཔཔཏྟེསིཡེན ཙིཏྟེན དིཊྛདྷམྨསུཁཝིཧཱརེན ཙིཏྟེན སཧགཏཾ སཧཛཱཏཾ སཾསཊྛཾ སམྤཡུཏྟཾ ཨེཀུཔྤཱདཾ ཨེཀནིརོདྷཾ ཨེཀཝཏྠུཀཾ ཨེཀཱརམྨཎནྟི? ན ཧེཝཾ ཝཏྟབྦེ…པེ॰… ནནུ ན སམཱཔཏྟེསིཡཾ ན ཨུཔཔཏྟེསིཡཾ ན དིཊྛདྷམྨསུཁཝིཧཱརཾ, ན སམཱཔཏྟེསིཡེན ཙིཏྟེན …པེ॰… ཨེཀཱརམྨཎནྟི? ཨཱམནྟཱ། ཧཉྩི ན སམཱཔཏྟེསིཡཾ ན ཨུཔཔཏྟེསིཡཾ…པེ॰… ཨེཀཝཏྠུཀཾ ཨེཀཱརམྨཎཾ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ ཨརཱུཔཱཝཙར’’ནྟི།
769. Atthi rūpaṃ arūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena …pe… ekārammaṇanti? Āmantā. Hañci na samāpattesiyaṃ na upapattesiyaṃ…pe… ekavatthukaṃ ekārammaṇaṃ, no ca vata re vattabbe – ‘‘atthi rūpaṃ arūpāvacara’’nti.
༧༧༠. ན ཝཏྟབྦཾ – ‘‘ཨཏྠི རཱུཔཾ རཱུཔཱཝཙརཾ, ཨཏྠི རཱུཔཾ ཨརཱུཔཱཝཙར’’ནྟི? ཨཱམནྟཱ། ནནུ ཀཱམཱཝཙརཀམྨསྶ ཀཏཏྟཱ རཱུཔཾ ཀཱམཱཝཙརནྟི? ཨཱམནྟཱ། ཧཉྩི ཀཱམཱཝཙརཀམྨསྶ ཀཏཏྟཱ རཱུཔཾ ཀཱམཱཝཙརཾ , ཏེན ཝཏ རེ ཝཏྟབྦེ – ‘‘རཱུཔཱཝཙརཀམྨསྶ ཀཏཏྟཱ རཱུཔཾ རཱུཔཱཝཙརཾ, ཨརཱུཔཱཝཙརཀམྨསྶ ཀཏཏྟཱ རཱུཔཾ ཨརཱུཔཱཝཙར’’ནྟི།
770. Na vattabbaṃ – ‘‘atthi rūpaṃ rūpāvacaraṃ, atthi rūpaṃ arūpāvacara’’nti? Āmantā. Nanu kāmāvacarakammassa katattā rūpaṃ kāmāvacaranti? Āmantā. Hañci kāmāvacarakammassa katattā rūpaṃ kāmāvacaraṃ , tena vata re vattabbe – ‘‘rūpāvacarakammassa katattā rūpaṃ rūpāvacaraṃ, arūpāvacarakammassa katattā rūpaṃ arūpāvacara’’nti.
རཱུཔཾ རཱུཔཱཝཙརཱརཱུཔཱཝཙརནྟིཀཐཱ ནིཊྛིཏཱ།
Rūpaṃ rūpāvacarārūpāvacarantikathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༩. རཱུཔཾ རཱུཔཱཝཙརཱརཱུཔཱཝཙརནྟིཀཐཱཝཎྞནཱ • 9. Rūpaṃ rūpāvacarārūpāvacarantikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༩. རཱུཔཾརཱུཔཱཝཙརཱརཱུཔཱཝཙརནྟིཀཐཱཝཎྞནཱ • 9. Rūpaṃrūpāvacarārūpāvacarantikathāvaṇṇanā
