| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൬. സോളസമവഗ്ഗോ
16. Soḷasamavaggo
(൧൬൪) ൯. രൂപം രൂപാവചരാരൂപാവചരന്തികഥാ
(164) 9. Rūpaṃ rūpāvacarārūpāvacarantikathā
൭൬൮. അത്ഥി രൂപം രൂപാവചരന്തി? ആമന്താ. സമാപത്തേസിയം ഉപപത്തേസിയം ദിട്ഠധമ്മസുഖവിഹാരം, സമാപത്തേസിയേന ചിത്തേന ഉപപത്തേസിയേന ചിത്തേന ദിട്ഠധമ്മസുഖവിഹാരേന ചിത്തേന സഹഗതം സഹജാതം സംസട്ഠം സമ്പയുത്തം ഏകുപ്പാദം ഏകനിരോധം ഏകവത്ഥുകം ഏകാരമ്മണന്തി? ന ഹേവം വത്തബ്ബേ…പേ॰… നനു ന സമാപത്തേസിയം ന ഉപപത്തേസിയം ന ദിട്ഠധമ്മസുഖവിഹാരം, ന സമാപത്തേസിയേന ചിത്തേന ന ഉപപത്തേസിയേന ചിത്തേന ന ദിട്ഠധമ്മസുഖവിഹാരേന ചിത്തേന സഹഗതം സഹജാതം സംസട്ഠം സമ്പയുത്തം ഏകുപ്പാദം ഏകനിരോധം ഏകവത്ഥുകം ഏകാരമ്മണന്തി? ആമന്താ. ഹഞ്ചി ന സമാപത്തേസിയം ന ഉപപത്തേസിയം ന ദിട്ഠധമ്മസുഖവിഹാരം, ന സമാപത്തേസിയേന ചിത്തേന…പേ॰… ഏകാരമ്മണം, നോ ച വത രേ വത്തബ്ബേ – ‘‘അത്ഥി രൂപം രൂപാവചര’’ന്തി.
768. Atthi rūpaṃ rūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena na upapattesiyena cittena na diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Āmantā. Hañci na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena…pe… ekārammaṇaṃ, no ca vata re vattabbe – ‘‘atthi rūpaṃ rūpāvacara’’nti.
൭൬൯. അത്ഥി രൂപം അരൂപാവചരന്തി? ആമന്താ. സമാപത്തേസിയം ഉപപത്തേസിയം ദിട്ഠധമ്മസുഖവിഹാരം, സമാപത്തേസിയേന ചിത്തേന ഉപപത്തേസിയേന ചിത്തേന ദിട്ഠധമ്മസുഖവിഹാരേന ചിത്തേന സഹഗതം സഹജാതം സംസട്ഠം സമ്പയുത്തം ഏകുപ്പാദം ഏകനിരോധം ഏകവത്ഥുകം ഏകാരമ്മണന്തി? ന ഹേവം വത്തബ്ബേ…പേ॰… നനു ന സമാപത്തേസിയം ന ഉപപത്തേസിയം ന ദിട്ഠധമ്മസുഖവിഹാരം, ന സമാപത്തേസിയേന ചിത്തേന …പേ॰… ഏകാരമ്മണന്തി? ആമന്താ. ഹഞ്ചി ന സമാപത്തേസിയം ന ഉപപത്തേസിയം…പേ॰… ഏകവത്ഥുകം ഏകാരമ്മണം, നോ ച വത രേ വത്തബ്ബേ – ‘‘അത്ഥി രൂപം അരൂപാവചര’’ന്തി.
769. Atthi rūpaṃ arūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena …pe… ekārammaṇanti? Āmantā. Hañci na samāpattesiyaṃ na upapattesiyaṃ…pe… ekavatthukaṃ ekārammaṇaṃ, no ca vata re vattabbe – ‘‘atthi rūpaṃ arūpāvacara’’nti.
൭൭൦. ന വത്തബ്ബം – ‘‘അത്ഥി രൂപം രൂപാവചരം, അത്ഥി രൂപം അരൂപാവചര’’ന്തി? ആമന്താ. നനു കാമാവചരകമ്മസ്സ കതത്താ രൂപം കാമാവചരന്തി? ആമന്താ. ഹഞ്ചി കാമാവചരകമ്മസ്സ കതത്താ രൂപം കാമാവചരം , തേന വത രേ വത്തബ്ബേ – ‘‘രൂപാവചരകമ്മസ്സ കതത്താ രൂപം രൂപാവചരം, അരൂപാവചരകമ്മസ്സ കതത്താ രൂപം അരൂപാവചര’’ന്തി.
770. Na vattabbaṃ – ‘‘atthi rūpaṃ rūpāvacaraṃ, atthi rūpaṃ arūpāvacara’’nti? Āmantā. Nanu kāmāvacarakammassa katattā rūpaṃ kāmāvacaranti? Āmantā. Hañci kāmāvacarakammassa katattā rūpaṃ kāmāvacaraṃ , tena vata re vattabbe – ‘‘rūpāvacarakammassa katattā rūpaṃ rūpāvacaraṃ, arūpāvacarakammassa katattā rūpaṃ arūpāvacara’’nti.
രൂപം രൂപാവചരാരൂപാവചരന്തികഥാ നിട്ഠിതാ.
Rūpaṃ rūpāvacarārūpāvacarantikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൯. രൂപം രൂപാവചരാരൂപാവചരന്തികഥാവണ്ണനാ • 9. Rūpaṃ rūpāvacarārūpāvacarantikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൯. രൂപംരൂപാവചരാരൂപാവചരന്തികഥാവണ്ണനാ • 9. Rūpaṃrūpāvacarārūpāvacarantikathāvaṇṇanā
