| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. রূপং সারম্মণন্তিকথাৰণ্ণনা
3. Rūpaṃ sārammaṇantikathāvaṇṇanā
৫৫২-৫৫৩. ইদানি রূপং সারম্মণন্তিকথা নাম হোতি। তত্থ রূপং সপ্পচ্চযট্ঠেন সারম্মণং নাম হোতি, ন অঞ্ঞং আরম্মণং করোতীতি আরম্মণপচ্চযৰসেন। যেসং পন অৰিসেসেন রূপং সারম্মণন্তি লদ্ধি, সেয্যথাপি উত্তরাপথকানং; তে সন্ধায আরম্মণত্থস্স ৰিভাগদস্সনত্থং পুচ্ছা সকৰাদিস্স, পটিঞ্ঞা ইতরস্স। সেসমেত্থ পাল়িঅনুসারেনেৰ ৰেদিতব্বং। ন ৰত্তব্বন্তি পঞ্হে ওলুব্ভারম্মণং সন্ধায পটিঞ্ঞা সকৰাদিস্স। দুতিযপঞ্হেপি পচ্চযারম্মণং সন্ধায পটিঞ্ঞা তস্সেৰ। ইতি সপ্পচ্চযট্ঠেনেৰেত্থ সারম্মণতা সিদ্ধাতি।
552-553. Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi, seyyathāpi uttarāpathakānaṃ; te sandhāya ārammaṇatthassa vibhāgadassanatthaṃ pucchā sakavādissa, paṭiññā itarassa. Sesamettha pāḷianusāreneva veditabbaṃ. Na vattabbanti pañhe olubbhārammaṇaṃ sandhāya paṭiññā sakavādissa. Dutiyapañhepi paccayārammaṇaṃ sandhāya paṭiññā tasseva. Iti sappaccayaṭṭhenevettha sārammaṇatā siddhāti.
রূপং সারম্মণন্তিকথাৰণ্ণনা।
Rūpaṃ sārammaṇantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৮৬) ৩. রূপং সারম্মণন্তিকথা • (86) 3. Rūpaṃ sārammaṇantikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. রূপংসারম্মণন্তিকথাৰণ্ণনা • 3. Rūpaṃsārammaṇantikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. রূপংসারম্মণন্তিকথাৰণ্ণনা • 3. Rūpaṃsārammaṇantikathāvaṇṇanā
