| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
३. रूपं सारम्मणन्तिकथावण्णना
3. Rūpaṃ sārammaṇantikathāvaṇṇanā
५५२-५५३. इदानि रूपं सारम्मणन्तिकथा नाम होति। तत्थ रूपं सप्पच्चयट्ठेन सारम्मणं नाम होति, न अञ्ञं आरम्मणं करोतीति आरम्मणपच्चयवसेन। येसं पन अविसेसेन रूपं सारम्मणन्ति लद्धि, सेय्यथापि उत्तरापथकानं; ते सन्धाय आरम्मणत्थस्स विभागदस्सनत्थं पुच्छा सकवादिस्स, पटिञ्ञा इतरस्स। सेसमेत्थ पाळिअनुसारेनेव वेदितब्बं। न वत्तब्बन्ति पञ्हे ओलुब्भारम्मणं सन्धाय पटिञ्ञा सकवादिस्स। दुतियपञ्हेपि पच्चयारम्मणं सन्धाय पटिञ्ञा तस्सेव। इति सप्पच्चयट्ठेनेवेत्थ सारम्मणता सिद्धाति।
552-553. Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi, seyyathāpi uttarāpathakānaṃ; te sandhāya ārammaṇatthassa vibhāgadassanatthaṃ pucchā sakavādissa, paṭiññā itarassa. Sesamettha pāḷianusāreneva veditabbaṃ. Na vattabbanti pañhe olubbhārammaṇaṃ sandhāya paṭiññā sakavādissa. Dutiyapañhepi paccayārammaṇaṃ sandhāya paṭiññā tasseva. Iti sappaccayaṭṭhenevettha sārammaṇatā siddhāti.
रूपं सारम्मणन्तिकथावण्णना।
Rūpaṃ sārammaṇantikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (८६) ३. रूपं सारम्मणन्तिकथा • (86) 3. Rūpaṃ sārammaṇantikathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ३. रूपंसारम्मणन्तिकथावण्णना • 3. Rūpaṃsārammaṇantikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ३. रूपंसारम्मणन्तिकथावण्णना • 3. Rūpaṃsārammaṇantikathāvaṇṇanā
