| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၃. ရူပံ သာရမ္မဏန္တိကထာဝဏ္ဏနာ
3. Rūpaṃ sārammaṇantikathāvaṇṇanā
၅၅၂-၅၅၃. ဣဒာနိ ရူပံ သာရမ္မဏန္တိကထာ နာမ ဟောတိ။ တတ္ထ ရူပံ သပ္ပစ္စယဋ္ဌေန သာရမ္မဏံ နာမ ဟောတိ, န အညံ အာရမ္မဏံ ကရောတီတိ အာရမ္မဏပစ္စယဝသေန။ ယေသံ ပန အဝိသေသေန ရူပံ သာရမ္မဏန္တိ လဒ္ဓိ, သေယ္ယထာပိ ဥတ္တရာပထကာနံ; တေ သန္ဓာယ အာရမ္မဏတ္ထသ္သ ဝိဘာဂဒသ္သနတ္ထံ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ပာဠိအနုသာရေနေဝ ဝေဒိတဗ္ဗံ။ န ဝတ္တဗ္ဗန္တိ ပဉ္ဟေ ဩလုဗ္ဘာရမ္မဏံ သန္ဓာယ ပဋိညာ သကဝာဒိသ္သ။ ဒုတိယပဉ္ဟေပိ ပစ္စယာရမ္မဏံ သန္ဓာယ ပဋိညာ တသ္သေဝ။ ဣတိ သပ္ပစ္စယဋ္ဌေနေဝေတ္ထ သာရမ္မဏတာ သိဒ္ဓာတိ။
552-553. Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi, seyyathāpi uttarāpathakānaṃ; te sandhāya ārammaṇatthassa vibhāgadassanatthaṃ pucchā sakavādissa, paṭiññā itarassa. Sesamettha pāḷianusāreneva veditabbaṃ. Na vattabbanti pañhe olubbhārammaṇaṃ sandhāya paṭiññā sakavādissa. Dutiyapañhepi paccayārammaṇaṃ sandhāya paṭiññā tasseva. Iti sappaccayaṭṭhenevettha sārammaṇatā siddhāti.
ရူပံ သာရမ္မဏန္တိကထာဝဏ္ဏနာ။
Rūpaṃ sārammaṇantikathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၈၆) ၃. ရူပံ သာရမ္မဏန္တိကထာ • (86) 3. Rūpaṃ sārammaṇantikathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၃. ရူပံသာရမ္မဏန္တိကထာဝဏ္ဏနာ • 3. Rūpaṃsārammaṇantikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၃. ရူပံသာရမ္မဏန္တိကထာဝဏ္ဏနာ • 3. Rūpaṃsārammaṇantikathāvaṇṇanā
