| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೩. ರೂಪಂ ಸಾರಮ್ಮಣನ್ತಿಕಥಾವಣ್ಣನಾ
3. Rūpaṃ sārammaṇantikathāvaṇṇanā
೫೫೨-೫೫೩. ಇದಾನಿ ರೂಪಂ ಸಾರಮ್ಮಣನ್ತಿಕಥಾ ನಾಮ ಹೋತಿ। ತತ್ಥ ರೂಪಂ ಸಪ್ಪಚ್ಚಯಟ್ಠೇನ ಸಾರಮ್ಮಣಂ ನಾಮ ಹೋತಿ, ನ ಅಞ್ಞಂ ಆರಮ್ಮಣಂ ಕರೋತೀತಿ ಆರಮ್ಮಣಪಚ್ಚಯವಸೇನ। ಯೇಸಂ ಪನ ಅವಿಸೇಸೇನ ರೂಪಂ ಸಾರಮ್ಮಣನ್ತಿ ಲದ್ಧಿ, ಸೇಯ್ಯಥಾಪಿ ಉತ್ತರಾಪಥಕಾನಂ; ತೇ ಸನ್ಧಾಯ ಆರಮ್ಮಣತ್ಥಸ್ಸ ವಿಭಾಗದಸ್ಸನತ್ಥಂ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಮೇತ್ಥ ಪಾಳಿಅನುಸಾರೇನೇವ ವೇದಿತಬ್ಬಂ। ನ ವತ್ತಬ್ಬನ್ತಿ ಪಞ್ಹೇ ಓಲುಬ್ಭಾರಮ್ಮಣಂ ಸನ್ಧಾಯ ಪಟಿಞ್ಞಾ ಸಕವಾದಿಸ್ಸ। ದುತಿಯಪಞ್ಹೇಪಿ ಪಚ್ಚಯಾರಮ್ಮಣಂ ಸನ್ಧಾಯ ಪಟಿಞ್ಞಾ ತಸ್ಸೇವ। ಇತಿ ಸಪ್ಪಚ್ಚಯಟ್ಠೇನೇವೇತ್ಥ ಸಾರಮ್ಮಣತಾ ಸಿದ್ಧಾತಿ।
552-553. Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi, seyyathāpi uttarāpathakānaṃ; te sandhāya ārammaṇatthassa vibhāgadassanatthaṃ pucchā sakavādissa, paṭiññā itarassa. Sesamettha pāḷianusāreneva veditabbaṃ. Na vattabbanti pañhe olubbhārammaṇaṃ sandhāya paṭiññā sakavādissa. Dutiyapañhepi paccayārammaṇaṃ sandhāya paṭiññā tasseva. Iti sappaccayaṭṭhenevettha sārammaṇatā siddhāti.
ರೂಪಂ ಸಾರಮ್ಮಣನ್ತಿಕಥಾವಣ್ಣನಾ।
Rūpaṃ sārammaṇantikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೮೬) ೩. ರೂಪಂ ಸಾರಮ್ಮಣನ್ತಿಕಥಾ • (86) 3. Rūpaṃ sārammaṇantikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೩. ರೂಪಂಸಾರಮ್ಮಣನ್ತಿಕಥಾವಣ್ಣನಾ • 3. Rūpaṃsārammaṇantikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೩. ರೂಪಂಸಾರಮ್ಮಣನ್ತಿಕಥಾವಣ್ಣನಾ • 3. Rūpaṃsārammaṇantikathāvaṇṇanā
