| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
3. රූපං සාරම්‌මණන්‌තිකථාවණ්‌ණනා
3. Rūpaṃ sārammaṇantikathāvaṇṇanā
552-553. ඉදානි රූපං සාරම්‌මණන්‌තිකථා නාම හොති. තත්‌ථ රූපං සප්‌පච්‌චයට්‌ඨෙන සාරම්‌මණං නාම හොති, න අඤ්‌ඤං ආරම්‌මණං කරොතීති ආරම්‌මණපච්‌චයවසෙන. යෙසං පන අවිසෙසෙන රූපං සාරම්‌මණන්‌ති ලද්‌ධි, සෙය්‍යථාපි උත්‌තරාපථකානං; තෙ සන්‌ධාය ආරම්‌මණත්‌ථස්‌ස විභාගදස්‌සනත්‌ථං පුච්‌ඡා සකවාදිස්‌ස, පටිඤ්‌ඤා ඉතරස්‌ස. සෙසමෙත්‌ථ පාළිඅනුසාරෙනෙව වෙදිතබ්‌බං. න වත්‌තබ්‌බන්‌ති පඤ්‌හෙ ඔලුබ්‌භාරම්‌මණං සන්‌ධාය පටිඤ්‌ඤා සකවාදිස්‌ස. දුතියපඤ්‌හෙපි පච්‌චයාරම්‌මණං සන්‌ධාය පටිඤ්‌ඤා තස්‌සෙව. ඉති සප්‌පච්‌චයට්‌ඨෙනෙවෙත්‌ථ සාරම්‌මණතා සිද්‌ධාති.
552-553. Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi, seyyathāpi uttarāpathakānaṃ; te sandhāya ārammaṇatthassa vibhāgadassanatthaṃ pucchā sakavādissa, paṭiññā itarassa. Sesamettha pāḷianusāreneva veditabbaṃ. Na vattabbanti pañhe olubbhārammaṇaṃ sandhāya paṭiññā sakavādissa. Dutiyapañhepi paccayārammaṇaṃ sandhāya paṭiññā tasseva. Iti sappaccayaṭṭhenevettha sārammaṇatā siddhāti.
රූපං සාරම්‌මණන්‌තිකථාවණ්‌ණනා.
Rūpaṃ sārammaṇantikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (86) 3. රූපං සාරම්‌මණන්‌තිකථා • (86) 3. Rūpaṃ sārammaṇantikathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 3. රූපංසාරම්‌මණන්‌තිකථාවණ්‌ණනා • 3. Rūpaṃsārammaṇantikathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 3. රූපංසාරම්‌මණන්‌තිකථාවණ්‌ණනා • 3. Rūpaṃsārammaṇantikathāvaṇṇanā
