| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. རཱུཔཾ སཱརམྨཎནྟིཀཐཱཝཎྞནཱ
3. Rūpaṃ sārammaṇantikathāvaṇṇanā
༥༥༢-༥༥༣. ཨིདཱནི རཱུཔཾ སཱརམྨཎནྟིཀཐཱ ནཱམ ཧོཏི། ཏཏྠ རཱུཔཾ སཔྤཙྩཡཊྛེན སཱརམྨཎཾ ནཱམ ཧོཏི, ན ཨཉྙཾ ཨཱརམྨཎཾ ཀརོཏཱིཏི ཨཱརམྨཎཔཙྩཡཝསེན། ཡེསཾ པན ཨཝིསེསེན རཱུཔཾ སཱརམྨཎནྟི ལདྡྷི, སེཡྻཐཱཔི ཨུཏྟརཱཔཐཀཱནཾ; ཏེ སནྡྷཱཡ ཨཱརམྨཎཏྠསྶ ཝིབྷཱགདསྶནཏྠཾ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསམེཏྠ པཱལི༹ཨནུསཱརེནེཝ ཝེདིཏབྦཾ། ན ཝཏྟབྦནྟི པཉྷེ ཨོལུབྦྷཱརམྨཎཾ སནྡྷཱཡ པཊིཉྙཱ སཀཝཱདིསྶ། དུཏིཡཔཉྷེཔི པཙྩཡཱརམྨཎཾ སནྡྷཱཡ པཊིཉྙཱ ཏསྶེཝ། ཨིཏི སཔྤཙྩཡཊྛེནེཝེཏྠ སཱརམྨཎཏཱ སིདྡྷཱཏི།
552-553. Idāni rūpaṃ sārammaṇantikathā nāma hoti. Tattha rūpaṃ sappaccayaṭṭhena sārammaṇaṃ nāma hoti, na aññaṃ ārammaṇaṃ karotīti ārammaṇapaccayavasena. Yesaṃ pana avisesena rūpaṃ sārammaṇanti laddhi, seyyathāpi uttarāpathakānaṃ; te sandhāya ārammaṇatthassa vibhāgadassanatthaṃ pucchā sakavādissa, paṭiññā itarassa. Sesamettha pāḷianusāreneva veditabbaṃ. Na vattabbanti pañhe olubbhārammaṇaṃ sandhāya paṭiññā sakavādissa. Dutiyapañhepi paccayārammaṇaṃ sandhāya paṭiññā tasseva. Iti sappaccayaṭṭhenevettha sārammaṇatā siddhāti.
རཱུཔཾ སཱརམྨཎནྟིཀཐཱཝཎྞནཱ།
Rūpaṃ sārammaṇantikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༨༦) ༣. རཱུཔཾ སཱརམྨཎནྟིཀཐཱ • (86) 3. Rūpaṃ sārammaṇantikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣. རཱུཔཾསཱརམྨཎནྟིཀཐཱཝཎྞནཱ • 3. Rūpaṃsārammaṇantikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༣. རཱུཔཾསཱརམྨཎནྟིཀཐཱཝཎྞནཱ • 3. Rūpaṃsārammaṇantikathāvaṇṇanā
