| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৬. সোল়সমৰগ্গো
16. Soḷasamavaggo
(১৬৩) ৮. রূপং ৰিপাকোতিকথা
(163) 8. Rūpaṃ vipākotikathā
৭৬৫. রূপং ৰিপাকোতি? আমন্তা। রূপং সুখৰেদনিযং দুক্খৰেদনিযং অদুক্খমসুখৰেদনিযং , সুখায ৰেদনায সম্পযুত্তং, দুক্খায ৰেদনায সম্পযুত্তং, অদুক্খমসুখায ৰেদনায সম্পযুত্তং, ফস্সেন সম্পযুত্তং…পে॰… চিত্তেন সম্পযুত্তং, সারম্মণং, অত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰… ননু ন সুখৰেদনিযং ন দুক্খৰেদনিযং…পে॰… অনারম্মণং, নত্থি তস্স আৰট্টনা…পে॰… পণিধীতি? আমন্তা। হঞ্চি ন সুখৰেদনিযং ন দুক্খৰেদনিযং…পে॰… অনারম্মণং, নত্থি তস্স আৰট্টনা…পে॰… পণিধি, নো চ ৰত রে ৰত্তব্বে – ‘‘রূপং ৰিপাকো’’তি।
765. Rūpaṃ vipākoti? Āmantā. Rūpaṃ sukhavedaniyaṃ dukkhavedaniyaṃ adukkhamasukhavedaniyaṃ , sukhāya vedanāya sampayuttaṃ, dukkhāya vedanāya sampayuttaṃ, adukkhamasukhāya vedanāya sampayuttaṃ, phassena sampayuttaṃ…pe… cittena sampayuttaṃ, sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… nanu na sukhavedaniyaṃ na dukkhavedaniyaṃ…pe… anārammaṇaṃ, natthi tassa āvaṭṭanā…pe… paṇidhīti? Āmantā. Hañci na sukhavedaniyaṃ na dukkhavedaniyaṃ…pe… anārammaṇaṃ, natthi tassa āvaṭṭanā…pe… paṇidhi, no ca vata re vattabbe – ‘‘rūpaṃ vipāko’’ti.
৭৬৬. ফস্সো ৰিপাকো, ফস্সো সুখৰেদনিযো দুক্খৰেদনিযো…পে॰… সারম্মণো , অত্থি তস্স আৰট্টনা…পে॰… পণিধীতি? আমন্তা। রূপং ৰিপাকো, রূপং সুখৰেদনিযং দুক্খৰেদনিযং…পে॰… সারম্মণং, অত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰…।
766. Phasso vipāko, phasso sukhavedaniyo dukkhavedaniyo…pe… sārammaṇo , atthi tassa āvaṭṭanā…pe… paṇidhīti? Āmantā. Rūpaṃ vipāko, rūpaṃ sukhavedaniyaṃ dukkhavedaniyaṃ…pe… sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe….
রূপং ৰিপাকো , রূপং ন সুখৰেদনিযং ন দুক্খৰেদনিযং…পে॰… অনারম্মণং, নত্থি তস্স আৰট্টনা…পে॰… পণিধীতি? আমন্তা। ফস্সো ৰিপাকো, ফস্সো ন সুখৰেদনিযো ন দুক্খৰেদনিযো…পে॰… অনারম্মণো, নত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰…।
Rūpaṃ vipāko , rūpaṃ na sukhavedaniyaṃ na dukkhavedaniyaṃ…pe… anārammaṇaṃ, natthi tassa āvaṭṭanā…pe… paṇidhīti? Āmantā. Phasso vipāko, phasso na sukhavedaniyo na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe….
৭৬৭. ন ৰত্তব্বং – ‘‘রূপং ৰিপাকো’’তি? আমন্তা। ননু কম্মস্স কতত্তা উপ্পন্না চিত্তচেতসিকা ধম্মা ৰিপাকোতি? আমন্তা। হঞ্চি কম্মস্স কতত্তা উপ্পন্না চিত্তচেতসিকা ধম্মা ৰিপাকো, তেন ৰত রে ৰত্তব্বে – ‘‘কম্মস্স কতত্তা উপ্পন্নং রূপং ৰিপাকো’’তি।
767. Na vattabbaṃ – ‘‘rūpaṃ vipāko’’ti? Āmantā. Nanu kammassa katattā uppannā cittacetasikā dhammā vipākoti? Āmantā. Hañci kammassa katattā uppannā cittacetasikā dhammā vipāko, tena vata re vattabbe – ‘‘kammassa katattā uppannaṃ rūpaṃ vipāko’’ti.
রূপং ৰিপাকোতিকথা নিট্ঠিতা।
Rūpaṃ vipākotikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. রূপং ৰিপাকোতিকথাৰণ্ণনা • 8. Rūpaṃ vipākotikathāvaṇṇanā
