| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੬. ਸੋਲ਼ਸਮવਗ੍ਗੋ
16. Soḷasamavaggo
(੧੬੩) ੮. ਰੂਪਂ વਿਪਾਕੋਤਿਕਥਾ
(163) 8. Rūpaṃ vipākotikathā
੭੬੫. ਰੂਪਂ વਿਪਾਕੋਤਿ? ਆਮਨ੍ਤਾ। ਰੂਪਂ ਸੁਖવੇਦਨਿਯਂ ਦੁਕ੍ਖવੇਦਨਿਯਂ ਅਦੁਕ੍ਖਮਸੁਖવੇਦਨਿਯਂ , ਸੁਖਾਯ વੇਦਨਾਯ ਸਮ੍ਪਯੁਤ੍ਤਂ, ਦੁਕ੍ਖਾਯ વੇਦਨਾਯ ਸਮ੍ਪਯੁਤ੍ਤਂ, ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤਂ, ਫਸ੍ਸੇਨ ਸਮ੍ਪਯੁਤ੍ਤਂ…ਪੇ॰… ਚਿਤ੍ਤੇਨ ਸਮ੍ਪਯੁਤ੍ਤਂ, ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਨ ਸੁਖવੇਦਨਿਯਂ ਨ ਦੁਕ੍ਖવੇਦਨਿਯਂ…ਪੇ॰… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਹਞ੍ਚਿ ਨ ਸੁਖવੇਦਨਿਯਂ ਨ ਦੁਕ੍ਖવੇਦਨਿਯਂ…ਪੇ॰… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਰੂਪਂ વਿਪਾਕੋ’’ਤਿ।
765. Rūpaṃ vipākoti? Āmantā. Rūpaṃ sukhavedaniyaṃ dukkhavedaniyaṃ adukkhamasukhavedaniyaṃ , sukhāya vedanāya sampayuttaṃ, dukkhāya vedanāya sampayuttaṃ, adukkhamasukhāya vedanāya sampayuttaṃ, phassena sampayuttaṃ…pe… cittena sampayuttaṃ, sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… nanu na sukhavedaniyaṃ na dukkhavedaniyaṃ…pe… anārammaṇaṃ, natthi tassa āvaṭṭanā…pe… paṇidhīti? Āmantā. Hañci na sukhavedaniyaṃ na dukkhavedaniyaṃ…pe… anārammaṇaṃ, natthi tassa āvaṭṭanā…pe… paṇidhi, no ca vata re vattabbe – ‘‘rūpaṃ vipāko’’ti.
੭੬੬. ਫਸ੍ਸੋ વਿਪਾਕੋ, ਫਸ੍ਸੋ ਸੁਖવੇਦਨਿਯੋ ਦੁਕ੍ਖવੇਦਨਿਯੋ…ਪੇ॰… ਸਾਰਮ੍ਮਣੋ , ਅਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਰੂਪਂ વਿਪਾਕੋ, ਰੂਪਂ ਸੁਖવੇਦਨਿਯਂ ਦੁਕ੍ਖવੇਦਨਿਯਂ…ਪੇ॰… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
766. Phasso vipāko, phasso sukhavedaniyo dukkhavedaniyo…pe… sārammaṇo , atthi tassa āvaṭṭanā…pe… paṇidhīti? Āmantā. Rūpaṃ vipāko, rūpaṃ sukhavedaniyaṃ dukkhavedaniyaṃ…pe… sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe….
ਰੂਪਂ વਿਪਾਕੋ , ਰੂਪਂ ਨ ਸੁਖવੇਦਨਿਯਂ ਨ ਦੁਕ੍ਖવੇਦਨਿਯਂ…ਪੇ॰… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਫਸ੍ਸੋ વਿਪਾਕੋ, ਫਸ੍ਸੋ ਨ ਸੁਖવੇਦਨਿਯੋ ਨ ਦੁਕ੍ਖવੇਦਨਿਯੋ…ਪੇ॰… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Rūpaṃ vipāko , rūpaṃ na sukhavedaniyaṃ na dukkhavedaniyaṃ…pe… anārammaṇaṃ, natthi tassa āvaṭṭanā…pe… paṇidhīti? Āmantā. Phasso vipāko, phasso na sukhavedaniyo na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe….
੭੬੭. ਨ વਤ੍ਤਬ੍ਬਂ – ‘‘ਰੂਪਂ વਿਪਾਕੋ’’ਤਿ? ਆਮਨ੍ਤਾ। ਨਨੁ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਾ ਚਿਤ੍ਤਚੇਤਸਿਕਾ ਧਮ੍ਮਾ વਿਪਾਕੋਤਿ? ਆਮਨ੍ਤਾ। ਹਞ੍ਚਿ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਾ ਚਿਤ੍ਤਚੇਤਸਿਕਾ ਧਮ੍ਮਾ વਿਪਾਕੋ, ਤੇਨ વਤ ਰੇ વਤ੍ਤਬ੍ਬੇ – ‘‘ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਂ ਰੂਪਂ વਿਪਾਕੋ’’ਤਿ।
767. Na vattabbaṃ – ‘‘rūpaṃ vipāko’’ti? Āmantā. Nanu kammassa katattā uppannā cittacetasikā dhammā vipākoti? Āmantā. Hañci kammassa katattā uppannā cittacetasikā dhammā vipāko, tena vata re vattabbe – ‘‘kammassa katattā uppannaṃ rūpaṃ vipāko’’ti.
ਰੂਪਂ વਿਪਾਕੋਤਿਕਥਾ ਨਿਟ੍ਠਿਤਾ।
Rūpaṃ vipākotikathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਰੂਪਂ વਿਪਾਕੋਤਿਕਥਾવਣ੍ਣਨਾ • 8. Rūpaṃ vipākotikathāvaṇṇanā
