| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৮. রূপং ৰিপাকোতিকথাৰণ্ণনা
8. Rūpaṃ vipākotikathāvaṇṇanā
৭৬৫-৭৬৭. ইদানি রূপং ৰিপাকোতিকথা নাম হোতি। তত্থ যং কম্মস্স কতত্তা উপ্পন্না চিত্তচেতসিকা ৰিয কম্মস্স কতত্তা উপ্পন্নং তং রূপম্পি ৰিপাকোতি যেসং লদ্ধি, সেয্যথাপি অন্ধকানঞ্চেৰ সম্মিতিযানঞ্চ; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি তে রূপং ৰিপাকো, এৰংৰিধেন অনেন ভৰিতব্ব’’ন্তি চোদেতুং সুখৰেদনীযন্তিআদিমাহ। সেসং যথাপাল়িমেৰ নিয্যাতীতি।
765-767. Idāni rūpaṃ vipākotikathā nāma hoti. Tattha yaṃ kammassa katattā uppannā cittacetasikā viya kammassa katattā uppannaṃ taṃ rūpampi vipākoti yesaṃ laddhi, seyyathāpi andhakānañceva sammitiyānañca; te sandhāya pucchā sakavādissa, paṭiññā itarassa. Atha naṃ ‘‘yadi te rūpaṃ vipāko, evaṃvidhena anena bhavitabba’’nti codetuṃ sukhavedanīyantiādimāha. Sesaṃ yathāpāḷimeva niyyātīti.
রূপং ৰিপাকোতিকথাৰণ্ণনা।
Rūpaṃ vipākotikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৬৩) ৮. রূপং ৰিপাকোতিকথা • (163) 8. Rūpaṃ vipākotikathā
