| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. রূপংমগ্গোতিকথাৰণ্ণনা
2. Rūpaṃmaggotikathāvaṇṇanā
৫৭৩-৫৭৫. ইদানি রূপং মগ্গোতিকথা নাম হোতি। তত্থ যেসং ‘‘সম্মাৰাচাকম্মন্তাজীৰা রূপ’’ন্তি লদ্ধি, সেয্যথাপি মহিসাসকসম্মিতিযমহাসংঘিকানং; তে সন্ধায মগ্গসমঙ্গিস্সাতি পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি তে সম্মাৰাচাদযো রূপং, ন ৰিরতিযো, যথা সম্মাদিট্ঠাদিমগ্গো সারম্মণাদিসভাৰো, এৰং তম্পি রূপং সিযা’’তি চোদেতুং সারম্মণোতিআদিমাহ। তত্থ পটিক্খেপো চ পটিঞ্ঞা চ পরৰাদিনো লদ্ধিঅনুরূপেন ৰেদিতব্বা। সেসমেত্থ উত্তানত্থমেৰাতি।
573-575. Idāni rūpaṃ maggotikathā nāma hoti. Tattha yesaṃ ‘‘sammāvācākammantājīvā rūpa’’nti laddhi, seyyathāpi mahisāsakasammitiyamahāsaṃghikānaṃ; te sandhāya maggasamaṅgissāti pucchā sakavādissa, paṭiññā itarassa. Atha naṃ ‘‘yadi te sammāvācādayo rūpaṃ, na viratiyo, yathā sammādiṭṭhādimaggo sārammaṇādisabhāvo, evaṃ tampi rūpaṃ siyā’’ti codetuṃ sārammaṇotiādimāha. Tattha paṭikkhepo ca paṭiññā ca paravādino laddhianurūpena veditabbā. Sesamettha uttānatthamevāti.
রূপং মগ্গোতিকথাৰণ্ণনা।
Rūpaṃ maggotikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৯৬) ২. রূপং মগ্গোতিকথা • (96) 2. Rūpaṃ maggotikathā
