| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਰੂਪਂਮਗ੍ਗੋਤਿਕਥਾવਣ੍ਣਨਾ
2. Rūpaṃmaggotikathāvaṇṇanā
੫੭੩-੫੭੫. ਇਦਾਨਿ ਰੂਪਂ ਮਗ੍ਗੋਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਸਮ੍ਮਾવਾਚਾਕਮ੍ਮਨ੍ਤਾਜੀવਾ ਰੂਪ’’ਨ੍ਤਿ ਲਦ੍ਧਿ, ਸੇਯ੍ਯਥਾਪਿ ਮਹਿਸਾਸਕਸਮ੍ਮਿਤਿਯਮਹਾਸਂਘਿਕਾਨਂ; ਤੇ ਸਨ੍ਧਾਯ ਮਗ੍ਗਸਮਙ੍ਗਿਸ੍ਸਾਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਤੇ ਸਮ੍ਮਾવਾਚਾਦਯੋ ਰੂਪਂ, ਨ વਿਰਤਿਯੋ, ਯਥਾ ਸਮ੍ਮਾਦਿਟ੍ਠਾਦਿਮਗ੍ਗੋ ਸਾਰਮ੍ਮਣਾਦਿਸਭਾવੋ, ਏવਂ ਤਮ੍ਪਿ ਰੂਪਂ ਸਿਯਾ’’ਤਿ ਚੋਦੇਤੁਂ ਸਾਰਮ੍ਮਣੋਤਿਆਦਿਮਾਹ। ਤਤ੍ਥ ਪਟਿਕ੍ਖੇਪੋ ਚ ਪਟਿਞ੍ਞਾ ਚ ਪਰવਾਦਿਨੋ ਲਦ੍ਧਿਅਨੁਰੂਪੇਨ વੇਦਿਤਬ੍ਬਾ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
573-575. Idāni rūpaṃ maggotikathā nāma hoti. Tattha yesaṃ ‘‘sammāvācākammantājīvā rūpa’’nti laddhi, seyyathāpi mahisāsakasammitiyamahāsaṃghikānaṃ; te sandhāya maggasamaṅgissāti pucchā sakavādissa, paṭiññā itarassa. Atha naṃ ‘‘yadi te sammāvācādayo rūpaṃ, na viratiyo, yathā sammādiṭṭhādimaggo sārammaṇādisabhāvo, evaṃ tampi rūpaṃ siyā’’ti codetuṃ sārammaṇotiādimāha. Tattha paṭikkhepo ca paṭiññā ca paravādino laddhianurūpena veditabbā. Sesamettha uttānatthamevāti.
ਰੂਪਂ ਮਗ੍ਗੋਤਿਕਥਾવਣ੍ਣਨਾ।
Rūpaṃ maggotikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੯੬) ੨. ਰੂਪਂ ਮਗ੍ਗੋਤਿਕਥਾ • (96) 2. Rūpaṃ maggotikathā
