| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൨. രൂപംമഗ്ഗോതികഥാവണ്ണനാ
2. Rūpaṃmaggotikathāvaṇṇanā
൫൭൩-൫൭൫. ഇദാനി രൂപം മഗ്ഗോതികഥാ നാമ ഹോതി. തത്ഥ യേസം ‘‘സമ്മാവാചാകമ്മന്താജീവാ രൂപ’’ന്തി ലദ്ധി, സേയ്യഥാപി മഹിസാസകസമ്മിതിയമഹാസംഘികാനം; തേ സന്ധായ മഗ്ഗസമങ്ഗിസ്സാതി പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘യദി തേ സമ്മാവാചാദയോ രൂപം, ന വിരതിയോ, യഥാ സമ്മാദിട്ഠാദിമഗ്ഗോ സാരമ്മണാദിസഭാവോ, ഏവം തമ്പി രൂപം സിയാ’’തി ചോദേതും സാരമ്മണോതിആദിമാഹ. തത്ഥ പടിക്ഖേപോ ച പടിഞ്ഞാ ച പരവാദിനോ ലദ്ധിഅനുരൂപേന വേദിതബ്ബാ. സേസമേത്ഥ ഉത്താനത്ഥമേവാതി.
573-575. Idāni rūpaṃ maggotikathā nāma hoti. Tattha yesaṃ ‘‘sammāvācākammantājīvā rūpa’’nti laddhi, seyyathāpi mahisāsakasammitiyamahāsaṃghikānaṃ; te sandhāya maggasamaṅgissāti pucchā sakavādissa, paṭiññā itarassa. Atha naṃ ‘‘yadi te sammāvācādayo rūpaṃ, na viratiyo, yathā sammādiṭṭhādimaggo sārammaṇādisabhāvo, evaṃ tampi rūpaṃ siyā’’ti codetuṃ sārammaṇotiādimāha. Tattha paṭikkhepo ca paṭiññā ca paravādino laddhianurūpena veditabbā. Sesamettha uttānatthamevāti.
രൂപം മഗ്ഗോതികഥാവണ്ണനാ.
Rūpaṃ maggotikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൯൬) ൨. രൂപം മഗ്ഗോതികഥാ • (96) 2. Rūpaṃ maggotikathā
