| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
10. රූපාරූපධාතුපරියාපන්‌නකථාවණ්‌ණනා
10. Rūpārūpadhātupariyāpannakathāvaṇṇanā
771-775. ඉදානි රූපරාගො රූපධාතුපරියාපන්‌නො අරූපරාගො අරූපධාතුපරියාපන්‌නොති කථා නාම හොති. තත්‌ථ යස්‌මා කාමරාගො කාමධාතුපරියාපන්‌නො, තස්‌මා රූපරාගාරූපරාගෙහිපි රූපධාතුඅරූපධාතුපරියාපන්‌නෙහි භවිතබ්‌බන්‌ති යෙසං ලද්‌ධි, සෙය්‍යථාපි අන්‌ධකානං, තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. සෙසං හෙට්‌ඨා වුත්‌තනයෙනෙව වෙදිතබ්‌බං. කෙවලඤ්‌හි තත්‌ථ ‘‘රූපධාතුං අනුසෙති, අරූපධාතුං අනුසෙතී’’ති පදං විසෙසො. සා ච ලද්‌ධි අන්‌ධකානඤ්‌චෙව සම්‌මිතියානඤ්‌ච. අයං අන්‌ධකානංයෙවාති.
771-775. Idāni rūparāgo rūpadhātupariyāpanno arūparāgo arūpadhātupariyāpannoti kathā nāma hoti. Tattha yasmā kāmarāgo kāmadhātupariyāpanno, tasmā rūparāgārūparāgehipi rūpadhātuarūpadhātupariyāpannehi bhavitabbanti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ heṭṭhā vuttanayeneva veditabbaṃ. Kevalañhi tattha ‘‘rūpadhātuṃ anuseti, arūpadhātuṃ anusetī’’ti padaṃ viseso. Sā ca laddhi andhakānañceva sammitiyānañca. Ayaṃ andhakānaṃyevāti.
රූපරාගො රූපධාතුපරියාපන්‌නො අරූපරාගො අරූපධාතුපරියාපන්‌නොතිකථාවණ්‌ණනා.
Rūparāgo rūpadhātupariyāpanno arūparāgo arūpadhātupariyāpannotikathāvaṇṇanā.
රූපාරූපධාතුපරියාපන්‌නකථාවණ්‌ණනා.
Rūpārūpadhātupariyāpannakathāvaṇṇanā.
සොළසමො වග්‌ගො.
Soḷasamo vaggo.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (165) 10. රූපාරූපධාතුපරියාපන්‌නකථා • (165) 10. Rūpārūpadhātupariyāpannakathā
