| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༠. རཱུཔཱརཱུཔདྷཱཏུཔརིཡཱཔནྣཀཐཱཝཎྞནཱ
10. Rūpārūpadhātupariyāpannakathāvaṇṇanā
༧༧༡-༧༧༥. ཨིདཱནི རཱུཔརཱགོ རཱུཔདྷཱཏུཔརིཡཱཔནྣོ ཨརཱུཔརཱགོ ཨརཱུཔདྷཱཏུཔརིཡཱཔནྣོཏི ཀཐཱ ནཱམ ཧོཏི། ཏཏྠ ཡསྨཱ ཀཱམརཱགོ ཀཱམདྷཱཏུཔརིཡཱཔནྣོ, ཏསྨཱ རཱུཔརཱགཱརཱུཔརཱགེཧིཔི རཱུཔདྷཱཏུཨརཱུཔདྷཱཏུཔརིཡཱཔནྣེཧི བྷཝིཏབྦནྟི ཡེསཾ ལདྡྷི, སེཡྻཐཱཔི ཨནྡྷཀཱནཾ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསཾ ཧེཊྛཱ ཝུཏྟནཡེནེཝ ཝེདིཏབྦཾ། ཀེཝལཉྷི ཏཏྠ ‘‘རཱུཔདྷཱཏུཾ ཨནུསེཏི, ཨརཱུཔདྷཱཏུཾ ཨནུསེཏཱི’’ཏི པདཾ ཝིསེསོ། སཱ ཙ ལདྡྷི ཨནྡྷཀཱནཉྩེཝ སམྨིཏིཡཱནཉྩ། ཨཡཾ ཨནྡྷཀཱནཾཡེཝཱཏི།
771-775. Idāni rūparāgo rūpadhātupariyāpanno arūparāgo arūpadhātupariyāpannoti kathā nāma hoti. Tattha yasmā kāmarāgo kāmadhātupariyāpanno, tasmā rūparāgārūparāgehipi rūpadhātuarūpadhātupariyāpannehi bhavitabbanti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ heṭṭhā vuttanayeneva veditabbaṃ. Kevalañhi tattha ‘‘rūpadhātuṃ anuseti, arūpadhātuṃ anusetī’’ti padaṃ viseso. Sā ca laddhi andhakānañceva sammitiyānañca. Ayaṃ andhakānaṃyevāti.
རཱུཔརཱགོ རཱུཔདྷཱཏུཔརིཡཱཔནྣོ ཨརཱུཔརཱགོ ཨརཱུཔདྷཱཏུཔརིཡཱཔནྣོཏིཀཐཱཝཎྞནཱ།
Rūparāgo rūpadhātupariyāpanno arūparāgo arūpadhātupariyāpannotikathāvaṇṇanā.
རཱུཔཱརཱུཔདྷཱཏུཔརིཡཱཔནྣཀཐཱཝཎྞནཱ།
Rūpārūpadhātupariyāpannakathāvaṇṇanā.
སོལ༹སམོ ཝགྒོ།
Soḷasamo vaggo.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༦༥) ༡༠. རཱུཔཱརཱུཔདྷཱཏུཔརིཡཱཔནྣཀཐཱ • (165) 10. Rūpārūpadhātupariyāpannakathā
