| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. руубасуд̇д̇аван̣н̣анаа
5. Rūpasuttavaṇṇanā
65. бан̃жамз руубз бамаан̣ам̣ г̇ахзд̇ваа басанно руубаббамаан̣о наама. руубаббасаннод̇и д̇ассзва ад̇т̇аважанам̣. гхосз бамаан̣ам̣ г̇ахзд̇ваа басанно гхосаббамаан̣о наама. жийваралуукабад̇д̇алуукзсу бамаан̣ам̣ г̇ахзд̇ваа басанно луукаббамаан̣о наама. д̇хаммз бамаан̣ам̣ г̇ахзд̇ваа басанно д̇хаммаббамаан̣о наама. ид̇араани д̇зсам̣язва ад̇т̇аважанаани. саб̣б̣асад̇д̇з жа д̇аяо годтаасз гад̇ваа д̣̇вз годтаасаа руубаббамаан̣аа, зго на руубаббамаан̣о. бан̃жа годтаасз гад̇ваа жад̇д̇ааро годтаасаа гхосаббамаан̣аа, зго на гхосаббамаан̣о. д̣̇аса годтаасз гад̇ваа нава годтаасаа луукаббамаан̣аа, зго на луукаббамаан̣о. сад̇асахассам̣ годтаасз гад̇ваа бана зго годтаасова д̇хаммаббамаан̣о, сзсаа на д̇хаммаббамаан̣аад̇и взд̣̇ид̇аб̣б̣аа.
65. Pañcame rūpe pamāṇaṃ gahetvā pasanno rūpappamāṇo nāma. Rūpappasannoti tasseva atthavacanaṃ. Ghose pamāṇaṃ gahetvā pasanno ghosappamāṇo nāma. Cīvaralūkhapattalūkhesu pamāṇaṃ gahetvā pasanno lūkhappamāṇo nāma. Dhamme pamāṇaṃ gahetvā pasanno dhammappamāṇo nāma. Itarāni tesaṃyeva atthavacanāni. Sabbasatte ca tayo koṭṭhāse katvā dve koṭṭhāsā rūpappamāṇā, eko na rūpappamāṇo. Pañca koṭṭhāse katvā cattāro koṭṭhāsā ghosappamāṇā, eko na ghosappamāṇo. Dasa koṭṭhāse katvā nava koṭṭhāsā lūkhappamāṇā, eko na lūkhappamāṇo. Satasahassaṃ koṭṭhāse katvā pana eko koṭṭhāsova dhammappamāṇo, sesā na dhammappamāṇāti veditabbā.
руубз бамаан̣им̣сууд̇и яз руубам̣ д̣̇исваа басаннаа, д̇з руубз бамаан̣им̣су наама, басийд̣̇им̣сууд̇и ад̇т̇о. гхосзна анваг̇ууд̇и гхосзна ануг̇ад̇аа, гхосаббамаан̣ам̣ г̇ахзд̇ваа басаннаад̇и ад̇т̇о. чанд̣̇арааг̇авасуубзд̇аад̇и чанд̣̇асса жа рааг̇асса жа васам̣ убзд̇аа. аж̇жхад̇д̇ан̃жа на ж̇аанаад̇ийд̇и нияагаж̇жхад̇д̇з д̇асса г̇ун̣ам̣ на ж̇аанаад̇и. б̣ахид̣̇д̇хаа жа на бассад̇ийд̇и б̣ахид̣̇д̇хаабисса бадибад̇д̇им̣ на бассад̇и. саманд̇ааваран̣од̇и саманд̇ад̇о ааваарид̇о, саманд̇аа ваа ааваран̣амассаад̇и саманд̇ааваран̣о. гхосзна вуяхад̇ийд̇и гхосзна нияад̇и, на г̇ун̣зна. аж̇жхад̇д̇ан̃жа на ж̇аанаад̇и, б̣ахид̣̇д̇хаа жа вибассад̇ийд̇и нияагаж̇жхад̇д̇з г̇ун̣ам̣ на ж̇аанаад̇и, б̣ахид̣̇д̇хаа банасса бадибад̇д̇им̣ бассад̇и. б̣ахид̣̇д̇хаа палад̣̇ассаавийд̇и д̇асса барзхи гад̇ам̣ б̣ахид̣̇д̇хаа саггаарапалам̣ бассанд̇о. винийваран̣ад̣̇ассаавийд̇и вивадад̣̇ассаавий. на со гхосзна вуяхад̇ийд̇и со гхосзна на нийяад̇и.
Rūpe pamāṇiṃsūti ye rūpaṃ disvā pasannā, te rūpe pamāṇiṃsu nāma, pasīdiṃsūti attho. Ghosena anvagūti ghosena anugatā, ghosappamāṇaṃ gahetvā pasannāti attho. Chandarāgavasūpetāti chandassa ca rāgassa ca vasaṃ upetā. Ajjhattañca na jānātīti niyakajjhatte tassa guṇaṃ na jānāti. Bahiddhā ca na passatīti bahiddhāpissa paṭipattiṃ na passati. Samantāvaraṇoti samantato āvārito, samantā vā āvaraṇamassāti samantāvaraṇo. Ghosena vuyhatīti ghosena niyati, na guṇena. Ajjhattañca na jānāti, bahiddhā ca vipassatīti niyakajjhatte guṇaṃ na jānāti, bahiddhā panassa paṭipattiṃ passati. Bahiddhā phaladassāvīti tassa parehi kataṃ bahiddhā sakkāraphalaṃ passanto. Vinīvaraṇadassāvīti vivaṭadassāvī. Na so ghosena vuyhatīti so ghosena na nīyati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. руубасуд̇д̇ам̣ • 5. Rūpasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. руубасуд̇д̇аван̣н̣анаа • 5. Rūpasuttavaṇṇanā
