| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. руубасуд̇д̇аван̣н̣анаа
5. Rūpasuttavaṇṇanā
65. бан̃жамз баминод̇и ул̣аарад̇аад̣̇ивисзсам̣ зд̇знаад̇и бамаан̣ам̣, рубагааяо бамаан̣ам̣ зд̇ассаад̇и руубаббамаан̣о. д̇ад̇о зва руубз басаннод̇и руубаббасанно. гхосод̇и жзд̇т̇а т̇уд̇игхосо. лууканд̇и бажжаяалуукад̇аа. д̇хаммаад̇и сийлаад̣̇аяо г̇ун̣ад̇хаммаа ад̇хиббзд̇аа. имзсам̣ бана жад̇уннам̣ буг̇г̇алаанам̣ наанаагаран̣ам̣ баал̣ияам̣язва ааг̇ад̇ам̣. вуд̇д̇ан̃хзд̇ам̣ –
65. Pañcame paminoti uḷāratādivisesaṃ etenāti pamāṇaṃ, rupakāyo pamāṇaṃ etassāti rūpappamāṇo. Tato eva rūpe pasannoti rūpappasanno. Ghosoti cettha thutighoso. Lūkhanti paccayalūkhatā. Dhammāti sīlādayo guṇadhammā adhippetā. Imesaṃ pana catunnaṃ puggalānaṃ nānākaraṇaṃ pāḷiyaṃyeva āgataṃ. Vuttañhetaṃ –
‘‘гад̇амо жа буг̇г̇ало руубаббамаан̣о руубаббасанно? ид̇хзгажжо буг̇г̇ало аарохам̣ ваа бассид̇ваа барин̣аахам̣ ваа бассид̇ваа сан̣таанам̣ ваа бассид̇ваа баарибуурим̣ ваа бассид̇ваа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и. аяам̣ вужжад̇и буг̇г̇ало руубаббамаан̣о руубаббасанно.
‘‘Katamo ca puggalo rūpappamāṇo rūpappasanno? Idhekacco puggalo ārohaṃ vā passitvā pariṇāhaṃ vā passitvā saṇṭhānaṃ vā passitvā pāripūriṃ vā passitvā tattha pamāṇaṃ gahetvā pasādaṃ janeti. Ayaṃ vuccati puggalo rūpappamāṇo rūpappasanno.
‘‘гад̇амо жа буг̇г̇ало гхосаббамаан̣о гхосаббасанно? ид̇хзгажжо буг̇г̇ало бараван̣н̣анааяа барат̇оманааяа барабасам̣санааяа бараван̣н̣ахааригааяа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и. аяам̣ вужжад̇и буг̇г̇ало гхосаббамаан̣о гхосаббасанно.
‘‘Katamo ca puggalo ghosappamāṇo ghosappasanno? Idhekacco puggalo paravaṇṇanāya parathomanāya parapasaṃsanāya paravaṇṇahārikāya tattha pamāṇaṃ gahetvā pasādaṃ janeti. Ayaṃ vuccati puggalo ghosappamāṇo ghosappasanno.
‘‘гад̇амо жа буг̇г̇ало луукаббамаан̣о луукаббасанно? ид̇хзгажжо буг̇г̇ало жийваралуукам̣ ваа бассид̇ваа бад̇д̇алуукам̣ ваа бассид̇ваа сзнаасаналуукам̣ ваа бассид̇ваа вивид̇хам̣ ваа д̣̇уггарагааригам̣ бассид̇ваа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и. аяам̣ вужжад̇и буг̇г̇ало луукаббамаан̣о луукаббасанно.
‘‘Katamo ca puggalo lūkhappamāṇo lūkhappasanno? Idhekacco puggalo cīvaralūkhaṃ vā passitvā pattalūkhaṃ vā passitvā senāsanalūkhaṃ vā passitvā vividhaṃ vā dukkarakārikaṃ passitvā tattha pamāṇaṃ gahetvā pasādaṃ janeti. Ayaṃ vuccati puggalo lūkhappamāṇo lūkhappasanno.
‘‘гад̇амо жа буг̇г̇ало д̇хаммаббамаан̣о д̇хаммаббасанно? ид̇хзгажжо буг̇г̇ало сийлам̣ ваа бассид̇ваа самаад̇хим̣ ваа бассид̇ваа бан̃н̃ам̣ ваа бассид̇ваа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и. аяам̣ вужжад̇и буг̇г̇ало д̇хаммаббамаан̣о д̇хаммаббасанно’’д̇и (бу. ба. 171-172).
‘‘Katamo ca puggalo dhammappamāṇo dhammappasanno? Idhekacco puggalo sīlaṃ vā passitvā samādhiṃ vā passitvā paññaṃ vā passitvā tattha pamāṇaṃ gahetvā pasādaṃ janeti. Ayaṃ vuccati puggalo dhammappamāṇo dhammappasanno’’ti (pu. pa. 171-172).
д̇ад̇т̇а аароханд̇и ужжад̇ам̣. саа жа ко д̇асмим̣ д̇асмим̣ гаалз бамаан̣аяуд̇д̇аа д̣̇адтаб̣б̣аа. барин̣ааханд̇и наад̇игисат̇уулад̇аавасзна бийн̣ад̇ам̣. сан̣таананд̇и д̇зсам̣ д̇зсам̣ ан̇г̇абажжан̇г̇аанам̣ сусан̣тид̇ад̇ам̣ д̣̇ийгхарассаваддаад̣̇ияуд̇д̇адтаанзсу д̇ат̇аабхаавам̣. баарибууринд̇и саб̣б̣зсам̣ сарийрааваяаваанам̣ барибун̣н̣ад̇ам̣ авигалад̇ам̣. д̇ад̇т̇а бамаан̣ам̣ г̇ахзд̇ваад̇и д̇асмим̣ руубз руубасамбад̇д̇ияам̣ бамаан̣абхаавам̣ убаад̣̇ааяа. басаад̣̇ам̣ ж̇анзд̇ийд̇и ад̇химогкам̣ ж̇анзд̇и уббаад̣̇зд̇и.
Tattha ārohanti uccataṃ. Sā ca kho tasmiṃ tasmiṃ kāle pamāṇayuttā daṭṭhabbā. Pariṇāhanti nātikisathūlatāvasena pīṇataṃ. Saṇṭhānanti tesaṃ tesaṃ aṅgapaccaṅgānaṃ susaṇṭhitataṃ dīgharassavaṭṭādiyuttaṭṭhānesu tathābhāvaṃ. Pāripūrinti sabbesaṃ sarīrāvayavānaṃ paripuṇṇataṃ avikalataṃ. Tattha pamāṇaṃ gahetvāti tasmiṃ rūpe rūpasampattiyaṃ pamāṇabhāvaṃ upādāya. Pasādaṃ janetīti adhimokkhaṃ janeti uppādeti.
бараван̣н̣анааяаад̇и ‘‘асуго зд̣̇исо жа зд̣̇исо жаа’’д̇и барасса г̇ун̣аважанзна. барат̇оманааяаад̇и бараммукаа барасса силаагхуббаад̣̇агзна абхид̇т̇аванзна барзна т̇уд̇ивасзна, г̇аат̇аад̣̇иубаниб̣анд̇ханзна вуд̇д̇ааяа т̇оманааяаад̇и вуд̇д̇ам̣ ход̇и. барабасам̣санааяаад̇и бараммукаа барасса г̇ун̣асам̣гид̇д̇анзна. бараван̣н̣ахааригааяаад̇и барамбараван̣н̣ахааригааяа барамбарааяа барасса гид̇д̇анасад̣̇д̣̇асса убасам̣хаарзна. д̇ад̇т̇аад̇и д̇асмим̣ т̇уд̇игхосз.
Paravaṇṇanāyāti ‘‘asuko ediso ca ediso cā’’ti parassa guṇavacanena. Parathomanāyāti parammukhā parassa silāghuppādakena abhitthavanena parena thutivasena, gāthādiupanibandhanena vuttāya thomanāyāti vuttaṃ hoti. Parapasaṃsanāyāti parammukhā parassa guṇasaṃkittanena. Paravaṇṇahārikāyāti paramparavaṇṇahārikāya paramparāya parassa kittanasaddassa upasaṃhārena. Tatthāti tasmiṃ thutighose.
жийваралууканд̇и т̇уулаж̇ин̣н̣аб̣ахуд̇уннагад̇аад̣̇ижийварасса луукабхаавам̣. бад̇д̇алууканд̇и анзгаг̇ант̇игаахадад̇аад̣̇ибад̇д̇асса луукабхаавам̣. вивид̇хам̣ ваа д̣̇уггарагаариганд̇и д̇худ̇ан̇г̇аад̣̇ивасзна бавад̇д̇анаанаавид̇хам̣ д̣̇уггаражарияам̣. сийлам̣ ваа бассид̇ваад̇и сийлабаарибууривасзна висуд̣̇д̇хам̣ гааяаважийсужарид̇ам̣ н̃аан̣ажагкунаа бассид̇ваа, жхаанаад̣̇иад̇хиг̇амасуд̣̇д̇хисамаад̇хим̣ ваа вибассанаабхин̃н̃аасан̇каад̇ам̣ бан̃н̃ам̣ ваа бассид̇ваад̇и ад̇т̇о.
Cīvaralūkhanti thūlajiṇṇabahutunnakatādicīvarassa lūkhabhāvaṃ. Pattalūkhanti anekaganthikāhaṭatādipattassa lūkhabhāvaṃ. Vividhaṃ vā dukkarakārikanti dhutaṅgādivasena pavattanānāvidhaṃ dukkaracariyaṃ. Sīlaṃ vā passitvāti sīlapāripūrivasena visuddhaṃ kāyavacīsucaritaṃ ñāṇacakkhunā passitvā, jhānādiadhigamasuddhisamādhiṃ vā vipassanābhiññāsaṅkhātaṃ paññaṃ vā passitvāti attho.
звамзд̇асмим̣ жад̇уббамаан̣з логасанниваасз б̣уд̣̇д̇хзсу аббасаннаа манд̣̇аа, басаннаа б̣ахугаа. руубаббамаан̣асса хи б̣уд̣̇д̇харуубад̇о уд̇д̇ари басаад̣̇аавахам̣ руубам̣ наама над̇т̇и. гхосаббамаан̣асса б̣уд̣̇д̇хаанам̣ гид̇д̇игхосад̇о уд̇д̇ари басаад̣̇аавахо гхосо наама над̇т̇и. луукаббамаан̣асса гаасигаани вад̇т̇аани махаарахаани ган̃жанабхааж̇анаани д̇ин̣н̣ам̣ уд̇уунам̣ анужчавигз саб̣б̣асамбад̇д̇ияуд̇д̇з баасаад̣̇аварз бахааяа бам̣сугуулажийварасзламаяабад̇д̇аругкамуулаад̣̇исзнаасанасзвино б̣уд̣̇д̇хасса бхаг̇авад̇о луукад̇о уд̇д̇ари басаад̣̇аавахам̣ ан̃н̃ам̣ луукам̣ наама над̇т̇и. д̇хаммаббамаан̣асса сад̣̇звагз логз асаад̇хааран̣асийлаад̣̇иг̇ун̣асса д̇ат̇ааг̇ад̇асса сийлаад̣̇иг̇ун̣ад̇о уд̇д̇ари басаад̣̇аавахо ан̃н̃о сийлаад̣̇иг̇ун̣о наама над̇т̇и. ид̇и бхаг̇аваа имам̣ жад̇уббамаан̣игам̣ логасанниваасам̣ мудтинаа г̇ахзд̇ваа вияа тид̇од̇и.
Evametasmiṃ catuppamāṇe lokasannivāse buddhesu appasannā mandā, pasannā bahukā. Rūpappamāṇassa hi buddharūpato uttari pasādāvahaṃ rūpaṃ nāma natthi. Ghosappamāṇassa buddhānaṃ kittighosato uttari pasādāvaho ghoso nāma natthi. Lūkhappamāṇassa kāsikāni vatthāni mahārahāni kañcanabhājanāni tiṇṇaṃ utūnaṃ anucchavike sabbasampattiyutte pāsādavare pahāya paṃsukūlacīvaraselamayapattarukkhamūlādisenāsanasevino buddhassa bhagavato lūkhato uttari pasādāvahaṃ aññaṃ lūkhaṃ nāma natthi. Dhammappamāṇassa sadevake loke asādhāraṇasīlādiguṇassa tathāgatassa sīlādiguṇato uttari pasādāvaho añño sīlādiguṇo nāma natthi. Iti bhagavā imaṃ catuppamāṇikaṃ lokasannivāsaṃ muṭṭhinā gahetvā viya ṭhitoti.
бамаан̣им̣сууд̇и бамаан̣ам̣ аг̇г̇ахзсум̣. нияагаж̇жхад̇д̇з д̇асса г̇ун̣ам̣ на ж̇аанаад̇ийд̇и д̇асса аб̣бханд̇арз бавад̇д̇амаанам̣ сийлаад̣̇иг̇ун̣ам̣ на ж̇аанаад̇и. сзсам̣ сувин̃н̃зяяамзва.
Pamāṇiṃsūti pamāṇaṃ aggahesuṃ. Niyakajjhatte tassa guṇaṃ na jānātīti tassa abbhantare pavattamānaṃ sīlādiguṇaṃ na jānāti. Sesaṃ suviññeyyameva.
руубасуд̇д̇аван̣н̣анаа нидтид̇аа.
Rūpasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. руубасуд̇д̇ам̣ • 5. Rūpasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. руубасуд̇д̇аван̣н̣анаа • 5. Rūpasuttavaṇṇanā
