| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
ரூபாவசராரூபாவசரகிரியங்
Rūpāvacarārūpāvacarakiriyaṃ
577. ரூபாவசராரூபாவசரகிரியனித்³தே³ஸேஸு தி³ட்ட²த⁴ம்மஸுக²விஹாரந்தி தி³ட்ட²த⁴ம்மே, இமஸ்மிங்யேவ அத்தபா⁴வே, ஸுக²விஹாரமத்தங். தத்த² கீ²ணாஸவஸ்ஸ புது²ஜ்ஜனகாலே நிப்³ப³த்திதா ஸமாபத்தி யாவ ந நங் ஸமாபஜ்ஜதி தாவ குஸலாவ ஸமாபன்னகாலே கிரியா ஹோதி. கீ²ணாஸவகாலே பனஸ்ஸ நிப்³ப³த்திதா ஸமாபத்தி கிரியாவ ஹோதி. ஸேஸங் ஸப்³ப³ங் தங்ஸதி³ஸத்தா குஸலனித்³தே³ஸே வுத்தனயேனேவ வேதி³தப்³ப³ந்தி.
577. Rūpāvacarārūpāvacarakiriyaniddesesu diṭṭhadhammasukhavihāranti diṭṭhadhamme, imasmiṃyeva attabhāve, sukhavihāramattaṃ. Tattha khīṇāsavassa puthujjanakāle nibbattitā samāpatti yāva na naṃ samāpajjati tāva kusalāva samāpannakāle kiriyā hoti. Khīṇāsavakāle panassa nibbattitā samāpatti kiriyāva hoti. Sesaṃ sabbaṃ taṃsadisattā kusalaniddese vuttanayeneva veditabbanti.
அட்ட²ஸாலினியா த⁴ம்மஸங்க³ஹஅட்ட²கதா²ய
Aṭṭhasāliniyā dhammasaṅgahaaṭṭhakathāya
சித்துப்பாத³கண்ட³கதா² நிட்டி²தா.
Cittuppādakaṇḍakathā niṭṭhitā.
அப்³யாகதபத³ங் பன நேவ தாவ நிட்டி²தந்தி.
Abyākatapadaṃ pana neva tāva niṭṭhitanti.
சித்துப்பாத³கண்ட³வண்ணனா நிட்டி²தா.
Cittuppādakaṇḍavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / அஹேதுககிரியாஅப்³யாகதங் • Ahetukakiriyāabyākataṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / ரூபாவசராரூபாவசரகிரியசித்தவண்ணனா • Rūpāvacarārūpāvacarakiriyacittavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / கிரியாப்³யாகதகதா²வண்ணனா • Kiriyābyākatakathāvaṇṇanā
