| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
ரூபாவசராரூபாவசரவிபாககதா²
Rūpāvacarārūpāvacaravipākakathā
499. இதா³னி ரூபாவசராதி³விபாகங் த³ஸ்ஸேதுங் புன கதமே த⁴ம்மா அப்³யாகதாதிஆதி³ ஆரத்³த⁴ங். தத்த² யஸ்மா காமாவசரவிபாகங் அத்தனோ குஸலேன ஸதி³ஸம்பி ஹோதி, அஸதி³ஸம்பி, தஸ்மா ந தங் குஸலானுக³திகங் கத்வா பா⁴ஜிதங். ரூபாவசராரூபாவசரவிபாகங் பன யதா² ஹத்தி²அஸ்ஸபப்³ப³தாதீ³னங் சா²யா ஹத்தி²ஆதி³ஸதி³ஸாவ ஹொந்தி, ததா² அத்தனோ குஸலஸதி³ஸமேவ ஹோதீதி குஸலானுக³திகங் கத்வா பா⁴ஜிதங். காமாவசரகம்மஞ்ச யதா³ கதா³சி விபாகங் தே³தி, ரூபாவசராரூபாவசரங் பன அனந்தராயேன, து³தியஸ்மிங்யேவ அத்தபா⁴வே, விபாகங் தே³தீதிபி குஸலானுக³திகமேவ கத்வா பா⁴ஜிதங். ஸேஸங் குஸலே வுத்தனயேனேவ வேதி³தப்³ப³ங். அயங் பன விஸேஸோ – படிபதா³தி³பே⁴தோ³ ச ஹீனபணீதமஜ்ஜி²மபா⁴வோ ச ஏதேஸு ஜா²னாக³மனதோ வேதி³தப்³போ³. ச²ந்தா³தீ³னங் பன அஞ்ஞதரங் து⁴ரங் கத்வா அனுப்பாத³னீயத்தா நிரதி⁴பதிகானேவ ஏதானீதி.
499. Idāni rūpāvacarādivipākaṃ dassetuṃ puna katame dhammā abyākatātiādi āraddhaṃ. Tattha yasmā kāmāvacaravipākaṃ attano kusalena sadisampi hoti, asadisampi, tasmā na taṃ kusalānugatikaṃ katvā bhājitaṃ. Rūpāvacarārūpāvacaravipākaṃ pana yathā hatthiassapabbatādīnaṃ chāyā hatthiādisadisāva honti, tathā attano kusalasadisameva hotīti kusalānugatikaṃ katvā bhājitaṃ. Kāmāvacarakammañca yadā kadāci vipākaṃ deti, rūpāvacarārūpāvacaraṃ pana anantarāyena, dutiyasmiṃyeva attabhāve, vipākaṃ detītipi kusalānugatikameva katvā bhājitaṃ. Sesaṃ kusale vuttanayeneva veditabbaṃ. Ayaṃ pana viseso – paṭipadādibhedo ca hīnapaṇītamajjhimabhāvo ca etesu jhānāgamanato veditabbo. Chandādīnaṃ pana aññataraṃ dhuraṃ katvā anuppādanīyattā niradhipatikāneva etānīti.
ரூபாவசராரூபாவசரவிபாககதா² நிட்டி²தா.
Rūpāvacarārūpāvacaravipākakathā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / அப்³யாகதவிபாகோ • Abyākatavipāko
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / ரூபாவசராரூபாவசரவிபாககதா²வண்ணனா • Rūpāvacarārūpāvacaravipākakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / ரூபாவசராரூபாவசரவிபாககதா²வண்ணனா • Rūpāvacarārūpāvacaravipākakathāvaṇṇanā
