| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
руубааважарааруубааважаравибаагагат̇аа
Rūpāvacarārūpāvacaravipākakathā
499. ид̣̇аани руубааважараад̣̇ивибаагам̣ д̣̇ассзд̇ум̣ буна гад̇амз д̇хаммаа аб̣яаагад̇аад̇иаад̣̇и аарад̣̇д̇хам̣. д̇ад̇т̇а яасмаа гаамааважаравибаагам̣ ад̇д̇ано гусалзна сад̣̇исамби ход̇и, асад̣̇исамби, д̇асмаа на д̇ам̣ гусалаануг̇ад̇игам̣ гад̇ваа бхааж̇ид̇ам̣. руубааважарааруубааважаравибаагам̣ бана яат̇аа хад̇т̇иассабаб̣б̣ад̇аад̣̇ийнам̣ чааяаа хад̇т̇иаад̣̇исад̣̇исаава хонд̇и, д̇ат̇аа ад̇д̇ано гусаласад̣̇исамзва ход̇ийд̇и гусалаануг̇ад̇игам̣ гад̇ваа бхааж̇ид̇ам̣. гаамааважарагамман̃жа яад̣̇аа гад̣̇аажи вибаагам̣ д̣̇зд̇и, руубааважарааруубааважарам̣ бана ананд̇арааязна, д̣̇уд̇ияасмим̣язва ад̇д̇абхаавз, вибаагам̣ д̣̇зд̇ийд̇иби гусалаануг̇ад̇игамзва гад̇ваа бхааж̇ид̇ам̣. сзсам̣ гусалз вуд̇д̇анаязнзва взд̣̇ид̇аб̣б̣ам̣. аяам̣ бана висзсо – бадибад̣̇аад̣̇ибхзд̣̇о жа хийнабан̣ийд̇амаж̇жхимабхааво жа зд̇зсу жхаанааг̇аманад̇о взд̣̇ид̇аб̣б̣о. чанд̣̇аад̣̇ийнам̣ бана ан̃н̃ад̇арам̣ д̇хурам̣ гад̇ваа ануббаад̣̇анийяад̇д̇аа нирад̇хибад̇игаанзва зд̇аанийд̇и.
499. Idāni rūpāvacarādivipākaṃ dassetuṃ puna katame dhammā abyākatātiādi āraddhaṃ. Tattha yasmā kāmāvacaravipākaṃ attano kusalena sadisampi hoti, asadisampi, tasmā na taṃ kusalānugatikaṃ katvā bhājitaṃ. Rūpāvacarārūpāvacaravipākaṃ pana yathā hatthiassapabbatādīnaṃ chāyā hatthiādisadisāva honti, tathā attano kusalasadisameva hotīti kusalānugatikaṃ katvā bhājitaṃ. Kāmāvacarakammañca yadā kadāci vipākaṃ deti, rūpāvacarārūpāvacaraṃ pana anantarāyena, dutiyasmiṃyeva attabhāve, vipākaṃ detītipi kusalānugatikameva katvā bhājitaṃ. Sesaṃ kusale vuttanayeneva veditabbaṃ. Ayaṃ pana viseso – paṭipadādibhedo ca hīnapaṇītamajjhimabhāvo ca etesu jhānāgamanato veditabbo. Chandādīnaṃ pana aññataraṃ dhuraṃ katvā anuppādanīyattā niradhipatikāneva etānīti.
руубааважарааруубааважаравибаагагат̇аа нидтид̇аа.
Rūpāvacarārūpāvacaravipākakathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аб̣яаагад̇авибааго • Abyākatavipāko
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / руубааважарааруубааважаравибаагагат̇ааван̣н̣анаа • Rūpāvacarārūpāvacaravipākakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / руубааважарааруубааважаравибаагагат̇ааван̣н̣анаа • Rūpāvacarārūpāvacaravipākakathāvaṇṇanā
