| Library / Tipiṭaka / తిపిటక • Tipiṭaka / ధమ్మసఙ్గణి-అట్ఠకథా • Dhammasaṅgaṇi-aṭṭhakathā |
రూపావచరారూపావచరవిపాకకథా
Rūpāvacarārūpāvacaravipākakathā
౪౯౯. ఇదాని రూపావచరాదివిపాకం దస్సేతుం పున కతమే ధమ్మా అబ్యాకతాతిఆది ఆరద్ధం. తత్థ యస్మా కామావచరవిపాకం అత్తనో కుసలేన సదిసమ్పి హోతి, అసదిసమ్పి, తస్మా న తం కుసలానుగతికం కత్వా భాజితం. రూపావచరారూపావచరవిపాకం పన యథా హత్థిఅస్సపబ్బతాదీనం ఛాయా హత్థిఆదిసదిసావ హోన్తి, తథా అత్తనో కుసలసదిసమేవ హోతీతి కుసలానుగతికం కత్వా భాజితం. కామావచరకమ్మఞ్చ యదా కదాచి విపాకం దేతి, రూపావచరారూపావచరం పన అనన్తరాయేన, దుతియస్మింయేవ అత్తభావే, విపాకం దేతీతిపి కుసలానుగతికమేవ కత్వా భాజితం. సేసం కుసలే వుత్తనయేనేవ వేదితబ్బం. అయం పన విసేసో – పటిపదాదిభేదో చ హీనపణీతమజ్ఝిమభావో చ ఏతేసు ఝానాగమనతో వేదితబ్బో. ఛన్దాదీనం పన అఞ్ఞతరం ధురం కత్వా అనుప్పాదనీయత్తా నిరధిపతికానేవ ఏతానీతి.
499. Idāni rūpāvacarādivipākaṃ dassetuṃ puna katame dhammā abyākatātiādi āraddhaṃ. Tattha yasmā kāmāvacaravipākaṃ attano kusalena sadisampi hoti, asadisampi, tasmā na taṃ kusalānugatikaṃ katvā bhājitaṃ. Rūpāvacarārūpāvacaravipākaṃ pana yathā hatthiassapabbatādīnaṃ chāyā hatthiādisadisāva honti, tathā attano kusalasadisameva hotīti kusalānugatikaṃ katvā bhājitaṃ. Kāmāvacarakammañca yadā kadāci vipākaṃ deti, rūpāvacarārūpāvacaraṃ pana anantarāyena, dutiyasmiṃyeva attabhāve, vipākaṃ detītipi kusalānugatikameva katvā bhājitaṃ. Sesaṃ kusale vuttanayeneva veditabbaṃ. Ayaṃ pana viseso – paṭipadādibhedo ca hīnapaṇītamajjhimabhāvo ca etesu jhānāgamanato veditabbo. Chandādīnaṃ pana aññataraṃ dhuraṃ katvā anuppādanīyattā niradhipatikāneva etānīti.
రూపావచరారూపావచరవిపాకకథా నిట్ఠితా.
Rūpāvacarārūpāvacaravipākakathā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / ధమ్మసఙ్గణీపాళి • Dhammasaṅgaṇīpāḷi / అబ్యాకతవిపాకో • Abyākatavipāko
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / ధమ్మసఙ్గణీ-మూలటీకా • Dhammasaṅgaṇī-mūlaṭīkā / రూపావచరారూపావచరవిపాకకథావణ్ణనా • Rūpāvacarārūpāvacaravipākakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / ధమ్మసఙ్గణీ-అనుటీకా • Dhammasaṅgaṇī-anuṭīkā / రూపావచరారూపావచరవిపాకకథావణ్ణనా • Rūpāvacarārūpāvacaravipākakathāvaṇṇanā
