| Library / Tipiṭaka / တိပိဋက • Tipiṭaka / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā |
ရူပာဝစရာရူပာဝစရဝိပာကကထာ
Rūpāvacarārūpāvacaravipākakathā
၄၉၉. ဣဒာနိ ရူပာဝစရာဒိဝိပာကံ ဒသ္သေတုံ ပုန ကတမေ ဓမ္မာ အဗ္ယာကတာတိအာဒိ အာရဒ္ဓံ။ တတ္ထ ယသ္မာ ကာမာဝစရဝိပာကံ အတ္တနော ကုသလေန သဒိသမ္ပိ ဟောတိ, အသဒိသမ္ပိ, တသ္မာ န တံ ကုသလာနုဂတိကံ ကတ္ဝာ ဘာဇိတံ။ ရူပာဝစရာရူပာဝစရဝိပာကံ ပန ယထာ ဟတ္ထိအသ္သပဗ္ဗတာဒီနံ ဆာယာ ဟတ္ထိအာဒိသဒိသာဝ ဟောန္တိ, တထာ အတ္တနော ကုသလသဒိသမေဝ ဟောတီတိ ကုသလာနုဂတိကံ ကတ္ဝာ ဘာဇိတံ။ ကာမာဝစရကမ္မဉ္စ ယဒာ ကဒာစိ ဝိပာကံ ဒေတိ, ရူပာဝစရာရူပာဝစရံ ပန အနန္တရာယေန, ဒုတိယသ္မိံယေဝ အတ္တဘာဝေ, ဝိပာကံ ဒေတီတိပိ ကုသလာနုဂတိကမေဝ ကတ္ဝာ ဘာဇိတံ။ သေသံ ကုသလေ ဝုတ္တနယေနေဝ ဝေဒိတဗ္ဗံ။ အယံ ပန ဝိသေသော – ပဋိပဒာဒိဘေဒော စ ဟီနပဏီတမဇ္ဈိမဘာဝော စ ဧတေသု ဈာနာဂမနတော ဝေဒိတဗ္ဗော။ ဆန္ဒာဒီနံ ပန အညတရံ ဓုရံ ကတ္ဝာ အနုပ္ပာဒနီယတ္တာ နိရဓိပတိကာနေဝ ဧတာနီတိ။
499. Idāni rūpāvacarādivipākaṃ dassetuṃ puna katame dhammā abyākatātiādi āraddhaṃ. Tattha yasmā kāmāvacaravipākaṃ attano kusalena sadisampi hoti, asadisampi, tasmā na taṃ kusalānugatikaṃ katvā bhājitaṃ. Rūpāvacarārūpāvacaravipākaṃ pana yathā hatthiassapabbatādīnaṃ chāyā hatthiādisadisāva honti, tathā attano kusalasadisameva hotīti kusalānugatikaṃ katvā bhājitaṃ. Kāmāvacarakammañca yadā kadāci vipākaṃ deti, rūpāvacarārūpāvacaraṃ pana anantarāyena, dutiyasmiṃyeva attabhāve, vipākaṃ detītipi kusalānugatikameva katvā bhājitaṃ. Sesaṃ kusale vuttanayeneva veditabbaṃ. Ayaṃ pana viseso – paṭipadādibhedo ca hīnapaṇītamajjhimabhāvo ca etesu jhānāgamanato veditabbo. Chandādīnaṃ pana aññataraṃ dhuraṃ katvā anuppādanīyattā niradhipatikāneva etānīti.
ရူပာဝစရာရူပာဝစရဝိပာကကထာ နိဋ္ဌိတာ။
Rūpāvacarārūpāvacaravipākakathā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / အဗ္ယာကတဝိပာကော • Abyākatavipāko
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā / ရူပာဝစရာရူပာဝစရဝိပာကကထာဝဏ္ဏနာ • Rūpāvacarārūpāvacaravipākakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā / ရူပာဝစရာရူပာဝစရဝိပာကကထာဝဏ္ဏနာ • Rūpāvacarārūpāvacaravipākakathāvaṇṇanā
