| Library / Tipiṭaka / തിപിടക • Tipiṭaka / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā |
രൂപാവചരാരൂപാവചരവിപാകകഥാ
Rūpāvacarārūpāvacaravipākakathā
൪൯൯. ഇദാനി രൂപാവചരാദിവിപാകം ദസ്സേതും പുന കതമേ ധമ്മാ അബ്യാകതാതിആദി ആരദ്ധം. തത്ഥ യസ്മാ കാമാവചരവിപാകം അത്തനോ കുസലേന സദിസമ്പി ഹോതി, അസദിസമ്പി, തസ്മാ ന തം കുസലാനുഗതികം കത്വാ ഭാജിതം. രൂപാവചരാരൂപാവചരവിപാകം പന യഥാ ഹത്ഥിഅസ്സപബ്ബതാദീനം ഛായാ ഹത്ഥിആദിസദിസാവ ഹോന്തി, തഥാ അത്തനോ കുസലസദിസമേവ ഹോതീതി കുസലാനുഗതികം കത്വാ ഭാജിതം. കാമാവചരകമ്മഞ്ച യദാ കദാചി വിപാകം ദേതി, രൂപാവചരാരൂപാവചരം പന അനന്തരായേന, ദുതിയസ്മിംയേവ അത്തഭാവേ, വിപാകം ദേതീതിപി കുസലാനുഗതികമേവ കത്വാ ഭാജിതം. സേസം കുസലേ വുത്തനയേനേവ വേദിതബ്ബം. അയം പന വിസേസോ – പടിപദാദിഭേദോ ച ഹീനപണീതമജ്ഝിമഭാവോ ച ഏതേസു ഝാനാഗമനതോ വേദിതബ്ബോ. ഛന്ദാദീനം പന അഞ്ഞതരം ധുരം കത്വാ അനുപ്പാദനീയത്താ നിരധിപതികാനേവ ഏതാനീതി.
499. Idāni rūpāvacarādivipākaṃ dassetuṃ puna katame dhammā abyākatātiādi āraddhaṃ. Tattha yasmā kāmāvacaravipākaṃ attano kusalena sadisampi hoti, asadisampi, tasmā na taṃ kusalānugatikaṃ katvā bhājitaṃ. Rūpāvacarārūpāvacaravipākaṃ pana yathā hatthiassapabbatādīnaṃ chāyā hatthiādisadisāva honti, tathā attano kusalasadisameva hotīti kusalānugatikaṃ katvā bhājitaṃ. Kāmāvacarakammañca yadā kadāci vipākaṃ deti, rūpāvacarārūpāvacaraṃ pana anantarāyena, dutiyasmiṃyeva attabhāve, vipākaṃ detītipi kusalānugatikameva katvā bhājitaṃ. Sesaṃ kusale vuttanayeneva veditabbaṃ. Ayaṃ pana viseso – paṭipadādibhedo ca hīnapaṇītamajjhimabhāvo ca etesu jhānāgamanato veditabbo. Chandādīnaṃ pana aññataraṃ dhuraṃ katvā anuppādanīyattā niradhipatikāneva etānīti.
രൂപാവചരാരൂപാവചരവിപാകകഥാ നിട്ഠിതാ.
Rūpāvacarārūpāvacaravipākakathā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / അബ്യാകതവിപാകോ • Abyākatavipāko
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-മൂലടീകാ • Dhammasaṅgaṇī-mūlaṭīkā / രൂപാവചരാരൂപാവചരവിപാകകഥാവണ്ണനാ • Rūpāvacarārūpāvacaravipākakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-അനുടീകാ • Dhammasaṅgaṇī-anuṭīkā / രൂപാവചരാരൂപാവചരവിപാകകഥാവണ്ണനാ • Rūpāvacarārūpāvacaravipākakathāvaṇṇanā
