| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
ரூபாவசராரூபாவசரவிபாககதா²வண்ணனா
Rūpāvacarārūpāvacaravipākakathāvaṇṇanā
499. அனந்தராயேனாதி பரிஹானிபச்சயவிரஹேன. படிபதா³தி³பே⁴தோ³தி படிபதா³ரம்மணபே⁴தோ³. ததா² ஹி து³க்க²படிபத³ங் த³ந்தா⁴பி⁴ஞ்ஞங் ஜா²னங் உப்பாதெ³த்வா புனப்புனங் ஸமாபஜ்ஜந்தஸ்ஸ தங் ஜா²னங் தங்படிபத³மேவ ஹோதி. ஏதஸ்மிங் அபரிஹீனே தஸ்ஸ விபாகோ நிப்³ப³த்தமானோ தப்படிபதோ³வ ப⁴விதுங் அரஹதீதி. ச²ந்தா³தி⁴பதெய்யாதி³பா⁴வோ பன தஸ்மிங் க²ணே விஜ்ஜமானானங் ச²ந்தா³தீ³னங் அதி⁴பதிபச்சயபா⁴வேன ஹோதி, ந ஆக³மனவஸேன. ததா² ஹி ஏகமேவ ஜா²னங் நானாக்க²ணேஸு நானாதி⁴பதெய்யங் ஹோதி. சதுத்த²ஜ்ஜா²னஸ்ஸேவ ஹி சதுரித்³தி⁴பாத³பா⁴வேன பா⁴வனா ஹோதி, தஸ்மா விபாகஸ்ஸ ஆக³மனவஸேன ச²ந்தா³தி⁴பதெய்யாதி³தா ந வுத்தா.
499. Anantarāyenāti parihānipaccayavirahena. Paṭipadādibhedoti paṭipadārammaṇabhedo. Tathā hi dukkhapaṭipadaṃ dandhābhiññaṃ jhānaṃ uppādetvā punappunaṃ samāpajjantassa taṃ jhānaṃ taṃpaṭipadameva hoti. Etasmiṃ aparihīne tassa vipāko nibbattamāno tappaṭipadova bhavituṃ arahatīti. Chandādhipateyyādibhāvo pana tasmiṃ khaṇe vijjamānānaṃ chandādīnaṃ adhipatipaccayabhāvena hoti, na āgamanavasena. Tathā hi ekameva jhānaṃ nānākkhaṇesu nānādhipateyyaṃ hoti. Catutthajjhānasseva hi caturiddhipādabhāvena bhāvanā hoti, tasmā vipākassa āgamanavasena chandādhipateyyāditā na vuttā.
ரூபாவசராரூபாவசரவிபாககதா²வண்ணனா நிட்டி²தா.
Rūpāvacarārūpāvacaravipākakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / அப்³யாகதவிபாகோ • Abyākatavipāko
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / ரூபாவசராரூபாவசரவிபாககதா² • Rūpāvacarārūpāvacaravipākakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / ரூபாவசராரூபாவசரவிபாககதா²வண்ணனா • Rūpāvacarārūpāvacaravipākakathāvaṇṇanā
