| Library / Tipiṭaka / திபிடக • Tipiṭaka / த⁴ம்மஸங்க³ணீ-அனுடீகா • Dhammasaṅgaṇī-anuṭīkā |
ரூபாவசராரூபாவசரவிபாககதா²வண்ணனா
Rūpāvacarārūpāvacaravipākakathāvaṇṇanā
499. தஸ்மிங் க²ணே விஜ்ஜமானானங் ச²ந்தா³தீ³னந்தி ஏதேன விபாகஜ்ஜா²னே து³க்கா²படிபதா³தி³பா⁴வஸ்ஸ அவிஜ்ஜமானதங் த³ஸ்ஸேதி. ந ஹி குஸலஜ்ஜா²னங் விய விபாகஜ்ஜா²னங் பரிகம்மவஸேன நிப்³ப³த்ததீதி. ந செத்த² படிபதா³பே⁴தோ³ விய குஸலானுரூபோ விபாகஸ்ஸ ஆரம்மணபே⁴தோ³பி ந பரமத்தி²கோ ஸியாதி ஸக்கா வத்துங் ஏகந்தேன ஸாரம்மணத்தா அரூபத⁴ம்மானங் விபாகஸ்ஸ ச கம்மனிமித்தாரம்மணதாய அஞ்ஞத்ராபி விஜ்ஜமானத்தா. நானாக்க²ணேஸு நானாதி⁴பதெய்யந்தி ‘‘யஸ்மிங் க²ணே யங் ஜா²னங் யத³தி⁴பதிகங், ததோ அஞ்ஞஸ்மிங் க²ணே தங் ஜா²னங் ஏகந்தேன தத³தி⁴பதிகங் ந ஹோதீ’’தி கத்வா வுத்தங். சதுத்த²ஜ்ஜா²னஸ்ஸேவாதி ச படிபதா³ விய அதி⁴பதயோ ந ஏகந்திகாதி இமமேவத்த²ங் த³ஸ்ஸேதி.
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
ரூபாவசராரூபாவசரவிபாககதா²வண்ணனா நிட்டி²தா.
Rūpāvacarārūpāvacaravipākakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / அப்³யாகதவிபாகோ • Abyākatavipāko
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / ரூபாவசராரூபாவசரவிபாககதா² • Rūpāvacarārūpāvacaravipākakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / ரூபாவசராரூபாவசரவிபாககதா²வண்ணனா • Rūpāvacarārūpāvacaravipākakathāvaṇṇanā
