| Library / Tipiṭaka / తిపిటక • Tipiṭaka / ధమ్మసఙ్గణీ-అనుటీకా • Dhammasaṅgaṇī-anuṭīkā |
రూపావచరారూపావచరవిపాకకథావణ్ణనా
Rūpāvacarārūpāvacaravipākakathāvaṇṇanā
౪౯౯. తస్మిం ఖణే విజ్జమానానం ఛన్దాదీనన్తి ఏతేన విపాకజ్ఝానే దుక్ఖాపటిపదాదిభావస్స అవిజ్జమానతం దస్సేతి. న హి కుసలజ్ఝానం వియ విపాకజ్ఝానం పరికమ్మవసేన నిబ్బత్తతీతి. న చేత్థ పటిపదాభేదో వియ కుసలానురూపో విపాకస్స ఆరమ్మణభేదోపి న పరమత్థికో సియాతి సక్కా వత్తుం ఏకన్తేన సారమ్మణత్తా అరూపధమ్మానం విపాకస్స చ కమ్మనిమిత్తారమ్మణతాయ అఞ్ఞత్రాపి విజ్జమానత్తా. నానాక్ఖణేసు నానాధిపతేయ్యన్తి ‘‘యస్మిం ఖణే యం ఝానం యదధిపతికం, తతో అఞ్ఞస్మిం ఖణే తం ఝానం ఏకన్తేన తదధిపతికం న హోతీ’’తి కత్వా వుత్తం. చతుత్థజ్ఝానస్సేవాతి చ పటిపదా వియ అధిపతయో న ఏకన్తికాతి ఇమమేవత్థం దస్సేతి.
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
రూపావచరారూపావచరవిపాకకథావణ్ణనా నిట్ఠితా.
Rūpāvacarārūpāvacaravipākakathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / ధమ్మసఙ్గణీపాళి • Dhammasaṅgaṇīpāḷi / అబ్యాకతవిపాకో • Abyākatavipāko
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / ధమ్మసఙ్గణి-అట్ఠకథా • Dhammasaṅgaṇi-aṭṭhakathā / రూపావచరారూపావచరవిపాకకథా • Rūpāvacarārūpāvacaravipākakathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / ధమ్మసఙ్గణీ-మూలటీకా • Dhammasaṅgaṇī-mūlaṭīkā / రూపావచరారూపావచరవిపాకకథావణ్ణనా • Rūpāvacarārūpāvacaravipākakathāvaṇṇanā
