| Library / Tipiṭaka / តិបិដក • Tipiṭaka / ធម្មសង្គណី-អនុដីកា • Dhammasaṅgaṇī-anuṭīkā |
រូបាវចរារូបាវចរវិបាកកថាវណ្ណនា
Rūpāvacarārūpāvacaravipākakathāvaṇṇanā
៤៩៩. តស្មិំ ខណេ វិជ្ជមានានំ ឆន្ទាទីនន្តិ ឯតេន វិបាកជ្ឈានេ ទុក្ខាបដិបទាទិភាវស្ស អវិជ្ជមានតំ ទស្សេតិ។ ន ហិ កុសលជ្ឈានំ វិយ វិបាកជ្ឈានំ បរិកម្មវសេន និព្ពត្តតីតិ។ ន ចេត្ថ បដិបទាភេទោ វិយ កុសលានុរូបោ វិបាកស្ស អារម្មណភេទោបិ ន បរមត្ថិកោ សិយាតិ សក្កា វត្តុំ ឯកន្តេន សារម្មណត្តា អរូបធម្មានំ វិបាកស្ស ច កម្មនិមិត្តារម្មណតាយ អញ្ញត្រាបិ វិជ្ជមានត្តា។ នានាក្ខណេសុ នានាធិបតេយ្យន្តិ ‘‘យស្មិំ ខណេ យំ ឈានំ យទធិបតិកំ, តតោ អញ្ញស្មិំ ខណេ តំ ឈានំ ឯកន្តេន តទធិបតិកំ ន ហោតី’’តិ កត្វា វុត្តំ។ ចតុត្ថជ្ឈានស្សេវាតិ ច បដិបទា វិយ អធិបតយោ ន ឯកន្តិកាតិ ឥមមេវត្ថំ ទស្សេតិ។
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
រូបាវចរារូបាវចរវិបាកកថាវណ្ណនា និដ្ឋិតា។
Rūpāvacarārūpāvacaravipākakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / ធម្មសង្គណីបាឡិ • Dhammasaṅgaṇīpāḷi / អព្យាកតវិបាកោ • Abyākatavipāko
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / ធម្មសង្គណិ-អដ្ឋកថា • Dhammasaṅgaṇi-aṭṭhakathā / រូបាវចរារូបាវចរវិបាកកថា • Rūpāvacarārūpāvacaravipākakathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / ធម្មសង្គណី-មូលដីកា • Dhammasaṅgaṇī-mūlaṭīkā / រូបាវចរារូបាវចរវិបាកកថាវណ្ណនា • Rūpāvacarārūpāvacaravipākakathāvaṇṇanā
