| Library / Tipiṭaka / ತಿಪಿಟಕ • Tipiṭaka / ಧಮ್ಮಸಙ್ಗಣೀ-ಅನುಟೀಕಾ • Dhammasaṅgaṇī-anuṭīkā |
ರೂಪಾವಚರಾರೂಪಾವಚರವಿಪಾಕಕಥಾವಣ್ಣನಾ
Rūpāvacarārūpāvacaravipākakathāvaṇṇanā
೪೯೯. ತಸ್ಮಿಂ ಖಣೇ ವಿಜ್ಜಮಾನಾನಂ ಛನ್ದಾದೀನನ್ತಿ ಏತೇನ ವಿಪಾಕಜ್ಝಾನೇ ದುಕ್ಖಾಪಟಿಪದಾದಿಭಾವಸ್ಸ ಅವಿಜ್ಜಮಾನತಂ ದಸ್ಸೇತಿ। ನ ಹಿ ಕುಸಲಜ್ಝಾನಂ ವಿಯ ವಿಪಾಕಜ್ಝಾನಂ ಪರಿಕಮ್ಮವಸೇನ ನಿಬ್ಬತ್ತತೀತಿ। ನ ಚೇತ್ಥ ಪಟಿಪದಾಭೇದೋ ವಿಯ ಕುಸಲಾನುರೂಪೋ ವಿಪಾಕಸ್ಸ ಆರಮ್ಮಣಭೇದೋಪಿ ನ ಪರಮತ್ಥಿಕೋ ಸಿಯಾತಿ ಸಕ್ಕಾ ವತ್ತುಂ ಏಕನ್ತೇನ ಸಾರಮ್ಮಣತ್ತಾ ಅರೂಪಧಮ್ಮಾನಂ ವಿಪಾಕಸ್ಸ ಚ ಕಮ್ಮನಿಮಿತ್ತಾರಮ್ಮಣತಾಯ ಅಞ್ಞತ್ರಾಪಿ ವಿಜ್ಜಮಾನತ್ತಾ। ನಾನಾಕ್ಖಣೇಸು ನಾನಾಧಿಪತೇಯ್ಯನ್ತಿ ‘‘ಯಸ್ಮಿಂ ಖಣೇ ಯಂ ಝಾನಂ ಯದಧಿಪತಿಕಂ, ತತೋ ಅಞ್ಞಸ್ಮಿಂ ಖಣೇ ತಂ ಝಾನಂ ಏಕನ್ತೇನ ತದಧಿಪತಿಕಂ ನ ಹೋತೀ’’ತಿ ಕತ್ವಾ ವುತ್ತಂ। ಚತುತ್ಥಜ್ಝಾನಸ್ಸೇವಾತಿ ಚ ಪಟಿಪದಾ ವಿಯ ಅಧಿಪತಯೋ ನ ಏಕನ್ತಿಕಾತಿ ಇಮಮೇವತ್ಥಂ ದಸ್ಸೇತಿ।
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
ರೂಪಾವಚರಾರೂಪಾವಚರವಿಪಾಕಕಥಾವಣ್ಣನಾ ನಿಟ್ಠಿತಾ।
Rūpāvacarārūpāvacaravipākakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಮ್ಮಸಙ್ಗಣೀಪಾಳಿ • Dhammasaṅgaṇīpāḷi / ಅಬ್ಯಾಕತವಿಪಾಕೋ • Abyākatavipāko
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಧಮ್ಮಸಙ್ಗಣಿ-ಅಟ್ಠಕಥಾ • Dhammasaṅgaṇi-aṭṭhakathā / ರೂಪಾವಚರಾರೂಪಾವಚರವಿಪಾಕಕಥಾ • Rūpāvacarārūpāvacaravipākakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಧಮ್ಮಸಙ್ಗಣೀ-ಮೂಲಟೀಕಾ • Dhammasaṅgaṇī-mūlaṭīkā / ರೂಪಾವಚರಾರೂಪಾವಚರವಿಪಾಕಕಥಾವಣ್ಣನಾ • Rūpāvacarārūpāvacaravipākakathāvaṇṇanā
