| Library / Tipiṭaka / තිපිටක • Tipiṭaka / ධම්‌මසඞ්‌ගණී-අනුටීකා • Dhammasaṅgaṇī-anuṭīkā |
රූපාවචරාරූපාවචරවිපාකකථාවණ්‌ණනා
Rūpāvacarārūpāvacaravipākakathāvaṇṇanā
499. තස්‌මිං ඛණෙ විජ්‌ජමානානං ඡන්‌දාදීනන්‌ති එතෙන විපාකජ්‌ඣානෙ දුක්‌ඛාපටිපදාදිභාවස්‌ස අවිජ්‌ජමානතං දස්‌සෙති. න හි කුසලජ්‌ඣානං විය විපාකජ්‌ඣානං පරිකම්‌මවසෙන නිබ්‌බත්‌තතීති. න චෙත්‌ථ පටිපදාභෙදො විය කුසලානුරූපො විපාකස්‌ස ආරම්‌මණභෙදොපි න පරමත්‌ථිකො සියාති සක්‌කා වත්‌තුං එකන්‌තෙන සාරම්‌මණත්‌තා අරූපධම්‌මානං විපාකස්‌ස ච කම්‌මනිමිත්‌තාරම්‌මණතාය අඤ්‌ඤත්‍රාපි විජ්‌ජමානත්‌තා. නානාක්‌ඛණෙසු නානාධිපතෙය්‍යන්‌ති ‘‘යස්‌මිං ඛණෙ යං ඣානං යදධිපතිකං, තතො අඤ්‌ඤස්‌මිං ඛණෙ තං ඣානං එකන්‌තෙන තදධිපතිකං න හොතී’’ති කත්‌වා වුත්‌තං. චතුත්‌ථජ්‌ඣානස්‌සෙවාති ච පටිපදා විය අධිපතයො න එකන්‌තිකාති ඉමමෙවත්‌ථං දස්‌සෙති.
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
රූපාවචරාරූපාවචරවිපාකකථාවණ්‌ණනා නිට්‌ඨිතා.
Rūpāvacarārūpāvacaravipākakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / අබ්‍යාකතවිපාකො • Abyākatavipāko
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā / රූපාවචරාරූපාවචරවිපාකකථා • Rūpāvacarārūpāvacaravipākakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā / රූපාවචරාරූපාවචරවිපාකකථාවණ්‌ණනා • Rūpāvacarārūpāvacaravipākakathāvaṇṇanā
