Library / Tipiṭaka / తిపిటక • Tipiṭaka / ధమ్మసఙ్గణీపాళి • Dhammasaṅgaṇīpāḷi

రూపవిభత్తి

Rūpavibhatti

ఏకకనిద్దేసో

Ekakaniddeso

౫౯౪. సబ్బం రూపం న హేతుమేవ, అహేతుకమేవ, హేతువిప్పయుత్తమేవ, సప్పచ్చయమేవ, సఙ్ఖతమేవ, రూపమేవ, లోకియమేవ, సాసవమేవ, సంయోజనియమేవ, గన్థనియమేవ, ఓఘనియమేవ, యోగనియమేవ, నీవరణియమేవ, పరామట్ఠమేవ, ఉపాదానియమేవ, సంకిలేసికమేవ, అబ్యాకతమేవ, అనారమ్మణమేవ, అచేతసికమేవ, చిత్తవిప్పయుత్తమేవ, నేవవిపాకనవిపాకధమ్మధమ్మమేవ, అసంకిలిట్ఠసంకిలేసికమేవ, న సవితక్కసవిచారమేవ, న అవితక్కవిచారమత్తమేవ, అవితక్కఅవిచారమేవ , న పీతిసహగతమేవ, న సుఖసహగతమేవ, న ఉపేక్ఖాసహగతమేవ, నేవ దస్సనేన న భావనాయ పహాతబ్బమేవ, నేవ దస్సనేన న భావనాయ పహాతబ్బహేతుకమేవ, నేవ ఆచయగామి న అపచయగామిమేవ, నేవసేక్ఖనాసేక్ఖమేవ, పరిత్తమేవ, కామావచరమేవ, న రూపావచరమేవ, న అరూపావచరమేవ, పరియాపన్నమేవ, నో అపరియాపన్నమేవ, అనియతమేవ, అనియ్యానికమేవ, ఉప్పన్నం ఛహి విఞ్ఞాణేహి విఞ్ఞేయ్యమేవ, అనిచ్చమేవ, జరాభిభూతమేవ.

594. Sabbaṃ rūpaṃ na hetumeva, ahetukameva, hetuvippayuttameva, sappaccayameva, saṅkhatameva, rūpameva, lokiyameva, sāsavameva, saṃyojaniyameva, ganthaniyameva, oghaniyameva, yoganiyameva, nīvaraṇiyameva, parāmaṭṭhameva, upādāniyameva, saṃkilesikameva, abyākatameva, anārammaṇameva, acetasikameva, cittavippayuttameva, nevavipākanavipākadhammadhammameva, asaṃkiliṭṭhasaṃkilesikameva, na savitakkasavicārameva, na avitakkavicāramattameva, avitakkaavicārameva , na pītisahagatameva, na sukhasahagatameva, na upekkhāsahagatameva, neva dassanena na bhāvanāya pahātabbameva, neva dassanena na bhāvanāya pahātabbahetukameva, neva ācayagāmi na apacayagāmimeva, nevasekkhanāsekkhameva, parittameva, kāmāvacarameva, na rūpāvacarameva, na arūpāvacarameva, pariyāpannameva, no apariyāpannameva, aniyatameva, aniyyānikameva, uppannaṃ chahi viññāṇehi viññeyyameva, aniccameva, jarābhibhūtameva.

ఏవం ఏకవిధేన రూపసఙ్గహో.

Evaṃ ekavidhena rūpasaṅgaho.

ఏకకనిద్దేసో.

Ekakaniddeso.

దుకనిద్దేసో

Dukaniddeso

ఉపాదాభాజనీయం

Upādābhājanīyaṃ

౫౯౫. కతమం తం రూపం ఉపాదా? చక్ఖాయతనం, సోతాయతనం, ఘానాయతనం, జివ్హాయతనం, కాయాయతనం, రూపాయతనం, సద్దాయతనం, గన్ధాయతనం, రసాయతనం, ఇత్థిన్ద్రియం, పురిసిన్ద్రియం, జీవితిన్ద్రియం, కాయవిఞ్ఞత్తి, వచీవిఞ్ఞత్తి, ఆకాసధాతు, రూపస్స లహుతా, రూపస్స ముదుతా, రూపస్స కమ్మఞ్ఞతా, రూపస్స ఉపచయో, రూపస్స సన్తతి, రూపస్స జరతా, రూపస్స అనిచ్చతా, కబళీకారో ఆహారో.

595. Katamaṃ taṃ rūpaṃ upādā? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, itthindriyaṃ, purisindriyaṃ, jīvitindriyaṃ, kāyaviññatti, vacīviññatti, ākāsadhātu, rūpassa lahutā, rūpassa mudutā, rūpassa kammaññatā, rūpassa upacayo, rūpassa santati, rūpassa jaratā, rūpassa aniccatā, kabaḷīkāro āhāro.

౫౯౬. కతమం తం రూపం చక్ఖాయతనం? యం చక్ఖు ¹ చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యేన చక్ఖునా అనిదస్సనేన సప్పటిఘేన రూపం సనిదస్సనం సప్పటిఘం పస్సి వా పస్సతి వా పస్సిస్సతి వా పస్సే వా, చక్ఖుం పేతం చక్ఖాయతనం పేతం చక్ఖుధాతు పేసా చక్ఖున్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం నేత్తం పేతం నయనం పేతం ఓరిమం తీరం పేతం సుఞ్ఞో గామోపేసో – ఇదం తం రూపం చక్ఖాయతనం.

596. Katamaṃ taṃ rūpaṃ cakkhāyatanaṃ? Yaṃ cakkhu ² catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena cakkhunā anidassanena sappaṭighena rūpaṃ sanidassanaṃ sappaṭighaṃ passi vā passati vā passissati vā passe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ cakkhāyatanaṃ.

౫౯౭. కతమం తం రూపం చక్ఖాయతనం? యం చక్ఖు చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యమ్హి చక్ఖుమ్హి అనిదస్సనమ్హి సప్పటిఘమ్హి రూపం సనిదస్సనం సప్పటిఘం పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, చక్ఖుం పేతం చక్ఖాయతనం పేతం చక్ఖుధాతు పేసా చక్ఖున్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం నేత్తం పేతం నయనం పేతం ఓరిమం తీరం పేతం సుఞ్ఞో గామో పేసో – ఇదం తం రూపం చక్ఖాయతనం.

597. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

౫౯౮. కతమం తం రూపం చక్ఖాయతనం? యం చక్ఖు చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం చక్ఖు అనిదస్సనం సప్పటిఘం రూపమ్హి సనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, చక్ఖుం పేతం చక్ఖాయతనం పేతం చక్ఖుధాతు పేసా చక్ఖున్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం నేత్తం పేతం నయనం పేతం ఓరిమం తీరం పేతం సుఞ్ఞో గామో పేసో – ఇదం తం రూపం చక్ఖాయతనం.

598. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhu anidassanaṃ sappaṭighaṃ rūpamhi sanidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

౫౯౯. కతమం తం రూపం చక్ఖాయతనం? యం చక్ఖు చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం చక్ఖుం నిస్సాయ రూపం ఆరబ్భ చక్ఖుసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం చక్ఖుం నిస్సాయ రూపం ఆరబ్భ చక్ఖుసమ్ఫస్సజా వేదనా…పే॰… సఞ్ఞా…పే॰… చేతనా…పే॰… చక్ఖువిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం చక్ఖుం నిస్సాయ రూపారమ్మణో చక్ఖుసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం చక్ఖుం నిస్సాయ రూపారమ్మణా చక్ఖుసమ్ఫస్సజా వేదనా…పే॰… సఞ్ఞా…పే॰… చేతనా…పే॰… చక్ఖువిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, చక్ఖుం పేతం చక్ఖాయతనం పేతం చక్ఖుధాతు పేసా చక్ఖున్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం నేత్తం పేతం నయనం పేతం ఓరిమం తీరం పేతం సుఞ్ఞో గామో పేసో – ఇదం తం రూపం చక్ఖాయతనం.

599. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhuṃ nissāya rūpaṃ ārabbha cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpaṃ ārabbha cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇo cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇā cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

౬౦౦. కతమం తం రూపం సోతాయతనం? యం సోతం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యేన సోతేన అనిదస్సనేన సప్పటిఘేన సద్దం అనిదస్సనం సప్పటిఘం సుణి వా సుణాతి వా సుణిస్సతి వా సుణే వా, సోతం పేతం సోతాయతనం పేతం సోతధాతు పేసా సోతిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం సోతాయతనం.

600. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena sotena anidassanena sappaṭighena saddaṃ anidassanaṃ sappaṭighaṃ suṇi vā suṇāti vā suṇissati vā suṇe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

౬౦౧. కతమం తం రూపం సోతాయతనం? యం సోతం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యమ్హి సోతమ్హి అనిదస్సనమ్హి సప్పటిఘమ్హి సద్దో అనిదస్సనో సప్పటిఘో పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, సోతం పేతం సోతాయతనం పేతం సోతధాతు పేసా సోతిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం సోతాయతనం.

601. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi sotamhi anidassanamhi sappaṭighamhi saddo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

౬౦౨. కతమం తం రూపం సోతాయతనం? యం సోతం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం సోతం అనిదస్సనం సప్పటిఘం సద్దమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, సోతం పేతం సోతాయతనం పేతం సోతధాతు పేసా సోతిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం సోతాయతనం.

602. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ anidassanaṃ sappaṭighaṃ saddamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

౬౦౩. కతమం తం రూపం సోతాయతనం? యం సోతం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం సోతం నిస్సాయ సద్దం ఆరబ్భ సోతసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం సోతం నిస్సాయ సద్దం ఆరబ్భ సోతసమ్ఫస్సజా వేదనా…పే॰… సఞ్ఞా…పే॰… చేతనా…పే॰… సోతవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం సోతం నిస్సాయ సద్దారమ్మణో సోతసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం సోతం నిస్సాయ సద్దారమ్మణా సోతసమ్ఫస్సజా వేదనా…పే॰… సఞ్ఞా…పే॰… చేతనా…పే॰… సోతవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, సోతం పేతం సోతాయతనం పేతం సోతధాతు పేసా సోతిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం సోతాయతనం.

603. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ nissāya saddaṃ ārabbha sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddaṃ ārabbha sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇo sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇā sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

౬౦౪. కతమం తం రూపం ఘానాయతనం? యం ఘానం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యేన ఘానేన అనిదస్సనేన సప్పటిఘేన గన్ధం అనిదస్సనం సప్పటిఘం ఘాయి వా ఘాయతి వా ఘాయిస్సతి వా ఘాయే వా, ఘానం పేతం ఘానాయతనం పేతం ఘానధాతు పేసా ఘానిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం ఘానాయతనం.

604. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena ghānena anidassanena sappaṭighena gandhaṃ anidassanaṃ sappaṭighaṃ ghāyi vā ghāyati vā ghāyissati vā ghāye vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

౬౦౫. కతమం తం రూపం ఘానాయతనం? యం ఘానం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యమ్హి ఘానమ్హి అనిదస్సనమ్హి సప్పటిఘమ్హి గన్ధో అనిదస్సనో సప్పటిఘో పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, ఘానం పేతం ఘానాయతనం పేతం ఘానధాతు పేసా ఘానిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం ఘానాయతనం.

605. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi ghānamhi anidassanamhi sappaṭighamhi gandho anidassano sappaṭigho paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

౬౦౬. కతమం తం రూపం ఘానాయతనం? యం ఘానం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం ఘానం అనిదస్సనం సప్పటిఘం గన్ధమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, ఘానం పేతం ఘానాయతనం పేతం ఘానధాతు పేసా ఘానిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామోపేసో – ఇదం తం రూపం ఘానాయతనం.

606. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ anidassanaṃ sappaṭighaṃ gandhamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ ghānāyatanaṃ.

౬౦౭. కతమం తం రూపం ఘానాయతనం? యం ఘానం చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం ఘానం నిస్సాయ గన్ధం ఆరబ్భ ఘానసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం ఘానం నిస్సాయ గన్ధం ఆరబ్భ ఘానసమ్ఫస్సజా వేదనా…పే॰… సఞ్ఞా…పే॰… చేతనా…పే॰… ఘానవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం ఘానం నిస్సాయ గన్ధారమ్మణో ఘానసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం ఘానం నిస్సాయ గన్ధారమ్మణా ఘానసమ్ఫస్సజా వేదనా…పే॰… సఞ్ఞా…పే॰… చేతనా…పే॰… ఘానవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, ఘానం పేతం ఘానాయతనం పేతం ఘానధాతు పేసా ఘానిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం ఘానాయతనం.

607. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ nissāya gandhaṃ ārabbha ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhaṃ ārabbha ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇo ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇā ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

౬౦౮. కతమం తం రూపం జివ్హాయతనం? యా జివ్హా చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యాయ జివ్హాయ అనిదస్సనాయ సప్పటిఘాయ రసం అనిదస్సనం సప్పటిఘం సాయి వా సాయతి వా సాయిస్సతి వా సాయే వా, జివ్హా పేసా జివ్హాయతనం పేతం జివ్హాధాతు పేసా జివ్హిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం జివ్హాయతనం.

608. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya rasaṃ anidassanaṃ sappaṭighaṃ sāyi vā sāyati vā sāyissati vā sāye vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

౬౦౯. కతమం తం రూపం జివ్హాయతనం? యా జివ్హా చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యాయ జివ్హాయ అనిదస్సనాయ సప్పటిఘాయ రసో అనిదస్సనో సప్పటిఘో పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, జివ్హా పేసా జివ్హాయతనం పేతం జివ్హాధాతు పేసా జివ్హిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం జివ్హాయతనం.

609. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya raso anidassano sappaṭigho paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

౬౧౦. కతమం తం రూపం జివ్హాయతనం? యా జివ్హా చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యా జివ్హా అనిదస్సనా సప్పటిఘా రసమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, జివ్హా పేసా జివ్హాయతనం పేతం జివ్హాధాతు పేసా జివ్హిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం జివ్హాయతనం.

610. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yā jivhā anidassanā sappaṭighā rasamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

౬౧౧. కతమం తం రూపం జివ్హాయతనం? యా జివ్హా చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం జివ్హం నిస్సాయ రసం ఆరబ్భ జివ్హాసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం జివ్హం నిస్సాయ రసం ఆరబ్భ జివ్హాసమ్ఫస్సజా వేదనా…పే॰… సఞ్ఞా…పే॰… చేతనా…పే॰… జివ్హావిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం జివ్హం నిస్సాయ రసారమ్మణో జివ్హాసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం జివ్హం నిస్సాయ రసారమ్మణా జివ్హాసమ్ఫస్సజా వేదనా…పే॰… సఞ్ఞా…పే॰… చేతనా…పే॰… జివ్హావిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, జివ్హా పేసా జివ్హాయతనం పేతం జివ్హాధాతు పేసా జివ్హిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం జివ్హాయతనం.

611. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ jivhaṃ nissāya rasaṃ ārabbha jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasaṃ ārabbha jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇo jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇā jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

౬౧౨. కతమం తం రూపం కాయాయతనం? యో కాయో చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యేన కాయేన అనిదస్సనేన సప్పటిఘేన ఫోట్ఠబ్బం అనిదస్సనసప్పటిఘం ఫుసి వా ఫుసతి వా ఫుసిస్సతి వా ఫుసే వా, కాయో పేసో కాయాయతనం పేతం కాయధాతు పేసా కాయిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం కాయాయతనం.

612. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena kāyena anidassanena sappaṭighena phoṭṭhabbaṃ anidassanasappaṭighaṃ phusi vā phusati vā phusissati vā phuse vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

౬౧౩. కతమం తం రూపం కాయాయతనం? యో కాయో చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యమ్హి కాయమ్హి అనిదస్సనమ్హి సప్పటిఘమ్హి ఫోట్ఠబ్బో అనిదస్సనో సప్పటిఘో పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, కాయో పేసో కాయాయతనం పేతం కాయధాతు పేసా కాయిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం కాయాయతనం.

613. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi kāyamhi anidassanamhi sappaṭighamhi phoṭṭhabbo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

౬౧౪. కతమం తం రూపం కాయాయతనం? యో కాయో చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యో కాయో అనిదస్సనో సప్పటిఘో ఫోట్ఠబ్బమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, కాయో పేసో కాయాయతనం పేతం కాయధాతు పేసా కాయిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం కాయాయతనం.

614. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yo kāyo anidassano sappaṭigho phoṭṭhabbamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

౬౧౫. కతమం తం రూపం కాయాయతనం? యో కాయో చతున్నం మహాభూతానం ఉపాదాయ పసాదో అత్తభావపరియాపన్నో అనిదస్సనో సప్పటిఘో, యం కాయం నిస్సాయ ఫోట్ఠబ్బం ఆరబ్భ కాయసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం కాయం నిస్సాయ ఫోట్ఠబ్బం ఆరబ్భ కాయసమ్ఫస్సజా వేదనా…పే॰… సఞ్ఞా…పే॰… చేతనా…పే॰… కాయవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం కాయం నిస్సాయ ఫోట్ఠబ్బారమ్మణో కాయసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం కాయం నిస్సాయ ఫోట్ఠబ్బారమ్మణా కాయసమ్ఫస్సజా వేదనా…పే॰… సఞ్ఞా…పే॰… చేతనా…పే॰… కాయవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, కాయో పేసో కాయాయతనం పేతం కాయధాతు పేసా కాయిన్ద్రియం పేతం లోకో పేసో ద్వారా పేసా సముద్దో పేసో పణ్డరం పేతం ఖేత్తం పేతం వత్థుం పేతం ఓరిమం తీరం పేతం సుఞ్ఞో గామో పేసో – ఇదం తం రూపం కాయాయతనం.

615. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ kāyaṃ nissāya phoṭṭhabbaṃ ārabbha kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbaṃ ārabbha kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇo kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇā kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

౬౧౬. కతమం తం రూపం రూపాయతనం? యం రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం నీలం పీతకం లోహితకం ఓదాతం కాళకం మఞ్జిట్ఠకం ³ హరి హరివణ్ణం అమ్బఙ్కురవణ్ణం దీఘం రస్సం అణుం థూలం వట్టం పరిమణ్డలం చతురంసం ⁴ ఛళంసం అట్ఠంసం సోళసంసం నిన్నం థలం ఛాయా ఆతపో ఆలోకో అన్ధకారో అబ్భా మహికా ధూమో రజో చన్దమణ్డలస్స వణ్ణనిభా సూరియమణ్డలస్స ⁵ వణ్ణనిభా తారకరూపానం వణ్ణనిభా ఆదాసమణ్డలస్స వణ్ణనిభా మణిసఙ్ఖముత్తావేళురియస్స వణ్ణనిభా జాతరూపరజతస్స వణ్ణనిభా, యం వా పనఞ్ఞమ్పి అత్థి రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం, యం రూపం సనిదస్సనం సప్పటిఘం చక్ఖునా అనిదస్సనేన సప్పటిఘేన పస్సి వా పస్సతి వా పస్సిస్సతి వా పస్సే వా, రూపం పేతం రూపాయతనం పేతం రూపధాతు పేసా – ఇదం తం రూపం రూపాయతనం.

616. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ ⁶ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ ⁷ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa ⁸ vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhunā anidassanena sappaṭighena passi vā passati vā passissati vā passe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

౬౧౭. కతమం తం రూపం రూపాయతనం? యం రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం నీలం పీతకం లోహితకం ఓదాతం కాళకం మఞ్జిట్ఠకం హరి హరివణ్ణం అమ్బఙ్కురవణ్ణం దీఘం రస్సం అణుం థూలం వట్టం పరిమణ్డలం చతురంసం ఛళంసం అట్ఠంసం సోళసంసం నిన్నం థలం ఛాయా ఆతపో ఆలోకో అన్ధకారో అబ్భా మహికా ధూమో రజో చన్దమణ్డలస్స వణ్ణనిభా సూరియమణ్డలస్స వణ్ణనిభా తారకరూపానం వణ్ణనిభా ఆదాసమణ్డలస్స వణ్ణనిభా మణిసఙ్ఖముత్తావేళురియస్స వణ్ణనిభా జాతరూపరజతస్స వణ్ణనిభా, యం వా పనఞ్ఞమ్పి అత్థి రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం, యమ్హి రూపమ్హి సనిదస్సనమ్హి సప్పటిఘమ్హి చక్ఖుం అనిదస్సనం సప్పటిఘం పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, రూపం పేతం రూపాయతనం పేతం రూపధాతు పేసా – ఇదం తం రూపం రూపాయతనం.

617. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yamhi rūpamhi sanidassanamhi sappaṭighamhi cakkhuṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

౬౧౮. కతమం తం రూపం రూపాయతనం? యం రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం నీలం పీతకం లోహితకం ఓదాతం కాళకం మఞ్జిట్ఠకం హరి హరివణ్ణం అమ్బఙ్కురవణ్ణం దీఘం రస్సం అణుం థూలం వట్టం పరిమణ్డలం చతురంసం ఛళంసం అట్ఠంసం సోళసంసం నిన్నం థలం ఛాయా ఆతపో ఆలోకో అన్ధకారో అబ్భా మహికా ధూమో రజో చన్దమణ్డలస్స వణ్ణనిభా సూరియమణ్డలస్స వణ్ణనిభా తారకరూపానం వణ్ణనిభా ఆదాసమణ్డలస్స వణ్ణనిభా మణిసఙ్ఖముత్తావేళురియస్స వణ్ణనిభా జాతరూపరజతస్స వణ్ణనిభా, యం వా పనఞ్ఞమ్పి అత్థి రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం, యం రూపం సనిదస్సనం సప్పటిఘం చక్ఖుమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, రూపం పేతం రూపాయతనం పేతం రూపధాతు పేసా – ఇదం తం రూపం రూపాయతనం.

618. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhumhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

౬౧౯. కతమం తం రూపం రూపాయతనం? యం రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం నీలం పీతకం లోహితకం ఓదాతం కాళకం మఞ్జిట్ఠకం హరి హరివణ్ణం అమ్బఙ్కురవణ్ణం దీఘం రస్సం అణుం థూలం వట్టం పరిమణ్డలం చతురంసం ఛళంసం అట్ఠంసం సోళసంసం నిన్నం థలం ఛాయా ఆతపో ఆలోకో అన్ధకారో అబ్భా మహికా ధూమో రజో చన్దమణ్డలస్స వణ్ణనిభా సూరియమణ్డలస్స వణ్ణనిభా తారకరూపానం వణ్ణనిభా ఆదాసమణ్డలస్స వణ్ణనిభా మణిసఙ్ఖముత్తావేళురియస్స వణ్ణనిభా జాతరూపరజతస్స వణ్ణనిభా, యం వా పనఞ్ఞమ్పి అత్థి రూపం చతున్నం మహాభూతానం ఉపాదాయ వణ్ణనిభా సనిదస్సనం సప్పటిఘం, యం రూపం ఆరబ్భ చక్ఖుం నిస్సాయ చక్ఖుసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం రూపం ఆరబ్భ చక్ఖుం నిస్సాయ చక్ఖుసమ్ఫస్సజా వేదనా…పే॰… సఞ్ఞా…పే॰… చేతనా…పే॰… చక్ఖువిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం రూపారమ్మణో చక్ఖుం నిస్సాయ చక్ఖుసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం రూపారమ్మణా చక్ఖుం నిస్సాయ చక్ఖుసమ్ఫస్సజా వేదనా…పే॰… సఞ్ఞా…పే॰… చేతనా…పే॰… చక్ఖువిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, రూపం పేతం రూపాయతనం పేతం రూపధాతు పేసా – ఇదం తం రూపం రూపాయతనం.

619. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ ārabbha cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpaṃ ārabbha cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ rūpārammaṇo cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpārammaṇā cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

౬౨౦. కతమం తం రూపం సద్దాయతనం? యో సద్దో చతున్నం మహాభూతానం ఉపాదాయ అనిదస్సనో సప్పటిఘో భేరిసద్దో ముదిఙ్గసద్దో సఙ్ఖసద్దో పణవసద్దో గీతసద్దో వాదితసద్దో సమ్మసద్దో పాణిసద్దో సత్తానం నిగ్ఘోససద్దో ధాతూనం సన్నిఘాతసద్దో వాతసద్దో ఉదకసద్దో మనుస్ససద్దో అమనుస్ససద్దో, యో వా పనఞ్ఞోపి అత్థి సద్దో చతున్నం మహాభూతానం ఉపాదాయ అనిదస్సనో సప్పటిఘో, యం సద్దం అనిదస్సనం సప్పటిఘం సోతేన అనిదస్సనేన సప్పటిఘేన సుణి వా సుణాతి వా సుణిస్సతి వా సుణే వా, సద్దో పేసో సద్దాయతనం పేతం సద్దధాతు పేసా – ఇదం తం రూపం సద్దాయతనం.

620. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ anidassanaṃ sappaṭighaṃ sotena anidassanena sappaṭighena suṇi vā suṇāti vā suṇissati vā suṇe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

౬౨౧. కతమం తం రూపం సద్దాయతనం? యో సద్దో చతున్నం మహాభూతానం ఉపాదాయ అనిదస్సనో సప్పటిఘో భేరిసద్దో ముదిఙ్గసద్దో సఙ్ఖసద్దో పణవసద్దో గీతసద్దో వాదితసద్దో సమ్మసద్దో పాణిసద్దో సత్తానం నిగ్ఘోససద్దో ధాతూనం సన్నిఘాతసద్దో వాతసద్దో ఉదకసద్దో మనుస్ససద్దో అమనుస్ససద్దో, యో వా పనఞ్ఞోపి అత్థి సద్దో చతున్నం మహాభూతానం ఉపాదాయ అనిదస్సనో సప్పటిఘో, యమ్హి సద్దమ్హి అనిదస్సనమ్హి సప్పటిఘమ్హి సోతం అనిదస్సనం సప్పటిఘం పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, సద్దో పేసో సద్దాయతనం పేతం సద్దధాతు పేసా – ఇదం తం రూపం సద్దాయతనం.

621. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yamhi saddamhi anidassanamhi sappaṭighamhi sotaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

౬౨౨. కతమం తం రూపం సద్దాయతనం? యో సద్దో చతున్నం మహాభూతానం ఉపాదాయ అనిదస్సనో సప్పటిఘో భేరిసద్దో ముదిఙ్గసద్దో సఙ్ఖసద్దో పణవసద్దో గీతసద్దో వాదితసద్దో సమ్మసద్దో పాణిసద్దో సత్తానం నిగ్ఘోససద్దో ధాతూనం సన్నిఘాతసద్దో వాతసద్దో ఉదకసద్దో మనుస్ససద్దో అమనుస్ససద్దో, యో వా పనఞ్ఞోపి అత్థి సద్దో చతున్నం మహాభూతానం ఉపాదాయ అనిదస్సనో సప్పటిఘో, యో సద్దో అనిదస్సనో సప్పటిఘో సోతమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, సద్దో పేసో సద్దాయతనం పేతం సద్దధాతు పేసా – ఇదం తం రూపం సద్దాయతనం.

622. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yo saddo anidassano sappaṭigho sotamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

౬౨౩. కతమం తం రూపం సద్దాయతనం? యో సద్దో చతున్నం మహాభూతానం ఉపాదాయ అనిదస్సనో సప్పటిఘో భేరిసద్దో ముదిఙ్గసద్దో సఙ్ఖసద్దో పణవసద్దో గీతసద్దో వాదితసద్దో సమ్మసద్దో పాణిసద్దో సత్తానం నిగ్ఘోససద్దో ధాతూనం సన్నిఘాతసద్దో వాతసద్దో ఉదకసద్దో మనుస్ససద్దో అమనుస్ససద్దో, యో వా పనఞ్ఞోపి అత్థి సద్దో చతున్నం మహాభూతానం ఉపాదాయ అనిదస్సనో సప్పటిఘో, యం సద్దం ఆరబ్భ సోతం నిస్సాయ సోతసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం సద్దం ఆరబ్భ సోతం నిస్సాయ సోతసమ్ఫస్సజా వేదనా…పే॰… సఞ్ఞా…పే॰… చేతనా…పే॰… సోతవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం సద్దారమ్మణో సోతం నిస్సాయ సోతసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం సద్దారమ్మణా సోతం నిస్సాయ సోతసమ్ఫస్సజా వేదనా…పే॰… సఞ్ఞా…పే॰… చేతనా…పే॰… సోతవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, సద్దో పేసో సద్దాయతనం పేతం సద్దధాతు పేసా – ఇదం తం రూపం సద్దాయతనం.

623. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ ārabbha sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddaṃ ārabbha sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ saddārammaṇo sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddārammaṇā sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

౬౨౪. కతమం తం రూపం గన్ధాయతనం? యో గన్ధో చతున్నం మహాభూతానం ఉపాదాయ అనిదస్సనో సప్పటిఘో మూలగన్ధో సారగన్ధో తచగన్ధో పత్తగన్ధో పుప్ఫగన్ధో ఫలగన్ధో ఆమకగన్ధో విస్సగన్ధో సుగన్ధో దుగ్గన్ధో , యో వా పనఞ్ఞోపి అత్థి గన్ధో చతున్నం మహాభూతానం ఉపాదాయ అనిదస్సనో సప్పటిఘో, యం గన్ధం అనిదస్సనం సప్పటిఘం ఘానేన అనిదస్సనేన సప్పటిఘేన ఘాయి వా ఘాయతి వా ఘాయిస్సతి వా ఘాయే వా, గన్ధో పేసో గన్ధాయతనం పేతం గన్ధధాతు పేసా – ఇదం తం రూపం గన్ధాయతనం.

624. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho , yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ anidassanaṃ sappaṭighaṃ ghānena anidassanena sappaṭighena ghāyi vā ghāyati vā ghāyissati vā ghāye vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

౬౨౫. కతమం తం రూపం గన్ధాయతనం? యో గన్ధో చతున్నం మహాభూతానం ఉపాదాయ అనిదస్సనో సప్పటిఘో మూలగన్ధో సారగన్ధో తచగన్ధో పత్తగన్ధో పుప్ఫగన్ధో ఫలగన్ధో ఆమకగన్ధో విస్సగన్ధో సుగన్ధో దుగ్గన్ధో, యో వా పనఞ్ఞోపి అత్థి గన్ధో చతున్నం మహాభూతానం ఉపాదాయ అనిదస్సనో సప్పటిఘో, యమ్హి గన్ధమ్హి అనిదస్సనమ్హి సప్పటిఘమ్హి ఘానం అనిదస్సనం సప్పటిఘం పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, గన్ధో పేసో గన్ధాయతనం పేతం గన్ధధాతు పేసా – ఇదం తం రూపం గన్ధాయతనం.

625. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yamhi gandhamhi anidassanamhi sappaṭighamhi ghānaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

౬౨౬. కతమం తం రూపం గన్ధాయతనం? యో గన్ధో చతున్నం మహాభూతానం ఉపాదాయ అనిదస్సనో సప్పటిఘో మూలగన్ధో సారగన్ధో తచగన్ధో పత్తగన్ధో పుప్ఫగన్ధో ఫలగన్ధో ఆమకగన్ధో విస్సగన్ధో సుగన్ధో దుగ్గన్ధో, యో వా పనఞ్ఞోపి అత్థి గన్ధో చతున్నం మహాభూతానం ఉపాదాయ అనిదస్సనో సప్పటిఘో, యో గన్ధో అనిదస్సనో సప్పటిఘో ఘానమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, గన్ధో పేసో గన్ధాయతనం పేతం గన్ధధాతు పేసా – ఇదం తం రూపం గన్ధాయతనం.

626. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yo gandho anidassano sappaṭigho ghānamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

౬౨౭. కతమం తం రూపం గన్ధాయతనం? యో గన్ధో చతున్నం మహాభూతానం ఉపాదాయ అనిదస్సనో సప్పటిఘో మూలగన్ధో సారగన్ధో తచగన్ధో పత్తగన్ధో పుప్ఫగన్ధో ఫలగన్ధో ఆమకగన్ధో విస్సగన్ధో సుగన్ధో దుగ్గన్ధో, యో వా పనఞ్ఞోపి అత్థి గన్ధో చతున్నం మహాభూతానం ఉపాదాయ అనిదస్సనో సప్పటిఘో, యం గన్ధం ఆరబ్భ ఘానం నిస్సాయ ఘానసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం గన్ధం ఆరబ్భ ఘానం నిస్సాయ ఘానసమ్ఫస్సజా వేదనా…పే॰… సఞ్ఞా…పే॰… చేతనా…పే॰… ఘానవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం గన్ధారమ్మణో ఘానం నిస్సాయ ఘానసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం గన్ధారమ్మణా ఘానం నిస్సాయ ఘానసమ్ఫస్సజా వేదనా…పే॰… సఞ్ఞా…పే॰… చేతనా…పే॰… ఘానవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, గన్ధో పేసో గన్ధాయతనం పేతం గన్ధధాతు పేసా – ఇదం తం రూపం గన్ధాయతనం.

627. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ ārabbha ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhaṃ ārabbha ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ gandhārammaṇo ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhārammaṇā ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

౬౨౮. కతమం తం రూపం రసాయతనం? యో రసో చతున్నం మహాభూతానం ఉపాదాయ అనిదస్సనో సప్పటిఘో మూలరసో ఖన్ధరసో తచరసో పత్తరసో పుప్ఫరసో ఫలరసో అమ్బిలం మధురం తిత్తకం కటుకం లోణికం ఖారికం లమ్బిలం ⁹ కసావో సాదు అసాదు, యో వా పనఞ్ఞోపి అత్థి రసో చతున్నం మహాభూతానం ఉపాదాయ అనిదస్సనో సప్పటిఘో, యం రసం అనిదస్సనం సప్పటిఘం జివ్హాయ అనిదస్సనాయ సప్పటిఘాయ సాయి వా సాయతి వా సాయిస్సతి వా సాయే వా, రసో పేసో రసాయతనం పేతం రసధాతు పేసా – ఇదం తం రూపం రసాయతనం.

628. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ ¹⁰ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ anidassanaṃ sappaṭighaṃ jivhāya anidassanāya sappaṭighāya sāyi vā sāyati vā sāyissati vā sāye vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

౬౨౯. కతమం తం రూపం రసాయతనం? యో రసో చతున్నం మహాభూతానం ఉపాదాయ అనిదస్సనో సప్పటిఘో మూలరసో ఖన్ధరసో తచరసో పత్తరసో పుప్ఫరసో ఫలరసో అమ్బిలం మధురం తిత్తకం కటుకం లోణికం ఖారికం లమ్బిలం కసావో సాదు అసాదు, యో వా పనఞ్ఞోపి అత్థి రసో చతున్నం మహాభూతానం ఉపాదాయ అనిదస్సనో సప్పటిఘో, యమ్హి రసమ్హి అనిదస్సనమ్హి సప్పటిఘమ్హి జివ్హా అనిదస్సనా సప్పటిఘా పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, రసో పేసో రసాయతనం పేతం రసధాతు పేసా – ఇదం తం రూపం రసాయతనం.

629. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yamhi rasamhi anidassanamhi sappaṭighamhi jivhā anidassanā sappaṭighā paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

౬౩౦. కతమం తం రూపం రసాయతనం? యో రసో చతున్నం మహాభూతానం ఉపాదాయ అనిదస్సనో సప్పటిఘో మూలరసో ఖన్ధరసో తచరసో పత్తరసో పుప్ఫరసో ఫలరసో అమ్బిలం మధురం తిత్తకం కటుకం లోణికం ఖారికం లమ్బిలం కసావో సాదు అసాదు, యో వా పనఞ్ఞోపి అత్థి రసో చతున్నం మహాభూతానం ఉపాదాయ అనిదస్సనో సప్పటిఘో, యో రసో అనిదస్సనో సప్పటిఘో జివ్హాయ అనిదస్సనాయ సప్పటిఘాయ పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, రసో పేసో రసాయతనం పేతం రసధాతు పేసా – ఇదం తం రూపం రసాయతనం.

630. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yo raso anidassano sappaṭigho jivhāya anidassanāya sappaṭighāya paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

౬౩౧. కతమం తం రూపం రసాయతనం? యో రసో చతున్నం మహాభూతానం ఉపాదాయ అనిదస్సనో సప్పటిఘో మూలరసో ఖన్ధరసో తచరసో పత్తరసో పుప్ఫరసో ఫలరసో అమ్బిలం మధురం తిత్తకం కటుకం లోణికం ఖారికం లమ్బిలం కసావో సాదు అసాదు, యో వా పనఞ్ఞోపి అత్థి రసో చతున్నం మహాభూతానం ఉపాదాయ అనిదస్సనో సప్పటిఘో, యం రసం ఆరబ్భ జివ్హం నిస్సాయ జివ్హాసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం రసం ఆరబ్భ జివ్హం నిస్సాయ జివ్హాసమ్ఫస్సజా వేదనా…పే॰… సఞ్ఞా…పే॰… చేతనా…పే॰… జివ్హావిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం రసారమ్మణో జివ్హం నిస్సాయ జివ్హాసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం రసారమ్మణా జివ్హం నిస్సాయ జివ్హాసమ్ఫస్సజా వేదనా…పే॰… సఞ్ఞా…పే॰… చేతనా…పే॰… జివ్హావిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, రసో పేసో రసాయతనం పేతం రసధాతు పేసా – ఇదం తం రూపం రసాయతనం.

631. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ ārabbha jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasaṃ ārabbha jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ rasārammaṇo jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasārammaṇā jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

౬౩౨. కతమం తం రూపం ఇత్థిన్ద్రియం? యం ఇత్థియా ఇత్థిలిఙ్గం ఇత్థినిమిత్తం ఇత్థికుత్తం ఇత్థాకప్పో ఇత్థత్తం ఇత్థిభావో ¹¹ – ఇదం తం రూపం ఇత్థిన్ద్రియం.

632. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo ¹² – idaṃ taṃ rūpaṃ itthindriyaṃ.

౬౩౩. కతమం తం రూపం పురిసిన్ద్రియం? యం పురిసస్స పురిసలిఙ్గం పురిసనిమిత్తం పురిసకుత్తం పురిసాకప్పో పురిసత్తం పురిసభావో – ఇదం తం రూపం పురిసిన్ద్రియం.

633. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

౬౩౪. కతమం తం రూపం జీవితిన్ద్రియం? యో తేసం రూపీనం ధమ్మానం ఆయు ఠితి యపనా యాపనా ఇరియనా వత్తనా పాలనా జీవితం జీవితిన్ద్రియం – ఇదం తం రూపం జీవితిన్ద్రియం.

634. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

౬౩౫. కతమం తం రూపం కాయవిఞ్ఞత్తి? యా కుసలచిత్తస్స వా అకుసలచిత్తస్స వా అబ్యాకతచిత్తస్స వా అభిక్కమన్తస్స వా పటిక్కమన్తస్స వా ఆలోకేన్తస్స వా విలోకేన్తస్స వా సమిఞ్జేన్తస్స వా పసారేన్తస్స వా కాయస్స థమ్భనా సన్థమ్భనా సన్థమ్భితత్తం విఞ్ఞత్తి విఞ్ఞాపనా విఞ్ఞాపితత్తం – ఇదం తం రూపం కాయవిఞ్ఞత్తి.

635. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

౬౩౬. కతమం తం రూపం వచీవిఞ్ఞత్తి? యా కుసలచిత్తస్స వా అకుసలచిత్తస్స వా అబ్యాకతచిత్తస్స వా వాచా గిరా బ్యప్పథో ఉదీరణం ఘోసో ఘోసకమ్మం వాచా వచీభేదో – అయం వుచ్చతి వాచా. యా తాయ వాచాయ విఞ్ఞత్తి విఞ్ఞాపనా విఞ్ఞాపితత్తం – ఇదం తం రూపం వచీవిఞ్ఞత్తి.

636. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo – ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

౬౩౭. కతమం తం రూపం ఆకాసధాతు? యో ఆకాసో ఆకాసగతం అఘం అఘగతం వివరో వివరగతం అసమ్ఫుట్ఠం చతూహి మహాభూతేహి – ఇదం తం రూపం ఆకాసధాతు.

637. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

౬౩౮. కతమం తం రూపం రూపస్స లహుతా? యా రూపస్స లహుతా లహుపరిణామతా అదన్ధనతా అవిత్థనతా – ఇదం తం రూపం రూపస్స లహుతా.

638. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā.

౬౩౯. కతమం తం రూపం రూపస్స ముదుతా? యా రూపస్స ముదుతా మద్దవతా అకక్ఖళతా అకథినతా – ఇదం తం రూపం రూపస్స ముదుతా.

639. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

౬౪౦. కతమం తం రూపం రూపస్స కమ్మఞ్ఞతా? యా రూపస్స కమ్మఞ్ఞతా కమ్మఞ్ఞత్తం కమ్మఞ్ఞభావో – ఇదం తం రూపం రూపస్స కమ్మఞ్ఞతా.

640. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

౬౪౧. కతమం తం రూపం రూపస్స ఉపచయో? యో ఆయతనానం ఆచయో, సో రూపస్స ఉపచయో – ఇదం తం రూపం రూపస్స ఉపచయో.

641. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

౬౪౨. కతమం తం రూపం రూపస్స సన్తతి? యో రూపస్స ఉపచయో, సా రూపస్స సన్తతి – ఇదం తం రూపం రూపస్స సన్తతి.

642. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

౬౪౩. కతమం తం రూపం రూపస్స జరతా? యా రూపస్స జరా జీరణతా ఖణ్డిచ్చం పాలిచ్చం వలిత్తచతా ఆయునో సంహాని ఇన్ద్రియానం పరిపాకో – ఇదం తం రూపం రూపస్స జరతా.

643. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

౬౪౪. కతమం తం రూపం రూపస్స అనిచ్చతా? యో రూపస్స ఖయో వయో భేదో పరిభేదో అనిచ్చతా అన్తరధానం – ఇదం తం రూపం రూపస్స అనిచ్చతా.

644. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

౬౪౫. కతమం తం రూపం కబళీకారో ఆహారో? ఓదనో కుమ్మాసో సత్తు మచ్ఛో మంసం ఖీరం దధి సప్పి నవనీతం తేలం మధు ఫాణితం, యం వా పనఞ్ఞమ్పి అత్థి రూపం యమ్హి యమ్హి జనపదే తేసం తేసం సత్తానం ముఖాసియం దన్తవిఖాదనం గలజ్ఝోహరణీయం కుచ్ఛివిత్థమ్భనం, యాయ ఓజాయ సత్తా యాపేన్తి – ఇదం తం రూపం కబళీకారో ఆహారో.

645. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

ఇదం తం రూపం ఉపాదా.

Idaṃ taṃ rūpaṃ upādā.

ఉపాదాభాజనీయం.

Upādābhājanīyaṃ.

రూపకణ్డే పఠమభాణవారో.

Rūpakaṇḍe paṭhamabhāṇavāro.

౬౪౬. కతమం తం రూపం నో ఉపాదా? ఫోట్ఠబ్బాయతనం, ఆపోధాతు.

646. Katamaṃ taṃ rūpaṃ no upādā? Phoṭṭhabbāyatanaṃ, āpodhātu.

౬౪౭. కతమం తం రూపం ఫోట్ఠబ్బాయతనం? పథవీధాతు తేజోధాతు వాయోధాతు కక్ఖళం ముదుకం సణ్హం ఫరుసం సుఖసమ్ఫస్సం దుక్ఖసమ్ఫస్సం గరుకం లహుకం, యం ఫోట్ఠబ్బం అనిదస్సనం సప్పటిఘం కాయేన అనిదస్సనేన సప్పటిఘేన ఫుసి వా ఫుసతి వా ఫుసిస్సతి వా ఫుసే వా ఫోట్ఠబ్బో పేసో ఫోట్ఠబ్బాయతనం పేతం ఫోట్ఠబ్బధాతు పేసా – ఇదం తం రూపం ఫోట్ఠబ్బాయతనం.

647. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ anidassanaṃ sappaṭighaṃ kāyena anidassanena sappaṭighena phusi vā phusati vā phusissati vā phuse vā phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

౬౪౮. కతమం తం రూపం ఫోట్ఠబ్బాయతనం? పథవీధాతు తేజోధాతు వాయోధాతు కక్ఖళం ముదుకం సణ్హం ఫరుసం సుఖసమ్ఫస్సం దుక్ఖసమ్ఫస్సం గరుకం లహుకం, యమ్హి ఫోట్ఠబ్బమ్హి అనిదస్సనమ్హి సప్పటిఘమ్హి కాయో అనిదస్సనో సప్పటిఘో పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, ఫోట్ఠబ్బో పేసో ఫోట్ఠబ్బాయతనం పేతం ఫోట్ఠబ్బధాతు పేసా – ఇదం తం రూపం ఫోట్ఠబ్బాయతనం.

648. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yamhi phoṭṭhabbamhi anidassanamhi sappaṭighamhi kāyo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

౬౪౯. కతమం తం రూపం ఫోట్ఠబ్బాయతనం? పథవీధాతు తేజోధాతు వాయోధాతు కక్ఖళం ముదుకం సణ్హం ఫరుసం సుఖసమ్ఫస్సం దుక్ఖసమ్ఫస్సం గరుకం లహుకం, యో ఫోట్ఠబ్బో అనిదస్సనో సప్పటిఘో కాయమ్హి అనిదస్సనమ్హి సప్పటిఘమ్హి పటిహఞ్ఞి వా పటిహఞ్ఞతి వా పటిహఞ్ఞిస్సతి వా పటిహఞ్ఞే వా, ఫోట్ఠబ్బో పేసో ఫోట్ఠబ్బాయతనం పేతం ఫోట్ఠబ్బధాతు పేసా – ఇదం తం రూపం ఫోట్ఠబ్బాయతనం.

649. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yo phoṭṭhabbo anidassano sappaṭigho kāyamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

౬౫౦. కతమం తం రూపం ఫోట్ఠబ్బాయతనం? పథవీధాతు తేజోధాతు వాయోధాతు కక్ఖళం ముదుకం సణ్హం ఫరుసం సుఖసమ్ఫస్సం దుక్ఖసమ్ఫస్సం గరుకం లహుకం, యం ఫోట్ఠబ్బం ఆరబ్భ కాయం నిస్సాయ కాయసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం ఫోట్ఠబ్బం ఆరబ్భ కాయం నిస్సాయ కాయసమ్ఫస్సజా వేదనా…పే॰… సఞ్ఞా…పే॰… చేతనా…పే॰… కాయవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం ఫోట్ఠబ్బారమ్మణో కాయం నిస్సాయ కాయసమ్ఫస్సో ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా…పే॰… యం ఫోట్ఠబ్బారమ్మణా కాయం నిస్సాయ కాయసమ్ఫస్సజా వేదనా…పే॰… సఞ్ఞా…పే॰… చేతనా…పే॰… కాయవిఞ్ఞాణం ఉప్పజ్జి వా ఉప్పజ్జతి వా ఉప్పజ్జిస్సతి వా ఉప్పజ్జే వా, ఫోట్ఠబ్బో పేసో ఫోట్ఠబ్బాయతనం పేతం ఫోట్ఠబ్బధాతు పేసా – ఇదం తం రూపం ఫోట్ఠబ్బాయతనం.

650. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ ārabbha kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbaṃ ārabbha kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇo kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇā kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

౬౫౧. కతమం తం రూపం ఆపోధాతు? యం ఆపో ఆపోగతం సినేహో సినేహగతం బన్ధనత్తం రూపస్స – ఇదం తం రూపం ఆపోధాతు.

651. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

ఇదం తం రూపం నో ఉపాదా.

Idaṃ taṃ rūpaṃ no upādā.

౬౫౨. కతమం తం రూపం ఉపాదిణ్ణం? చక్ఖాయతనం సోతాయతనం ఘానాయతనం జివ్హాయతనం కాయాయతనం ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణం.

652. Katamaṃ taṃ rūpaṃ upādiṇṇaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ.

౬౫౩. కతమం తం రూపం అనుపాదిణ్ణం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణం.

653. Katamaṃ taṃ rūpaṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ.

౬౫౪. కతమం తం రూపం ఉపాదిణ్ణుపాదానియం? చక్ఖాయతనం…పే॰… కాయాయతనం ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణుపాదానియం.

654. Katamaṃ taṃ rūpaṃ upādiṇṇupādāniyaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ.

౬౫౫. కతమం తం రూపం అనుపాదిణ్ణుపాదానియం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా, రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణుపాదానియం.

655. Katamaṃ taṃ rūpaṃ anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā, rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ.

౬౫౬. కతమం తం రూపం సనిదస్సనం? రూపాయతనం – ఇదం తం రూపం సనిదస్సనం.

656. Katamaṃ taṃ rūpaṃ sanidassanaṃ? Rūpāyatanaṃ – idaṃ taṃ rūpaṃ sanidassanaṃ.

౬౫౭. కతమం తం రూపం అనిదస్సనం? చక్ఖాయతనం…పే॰… కబళీకారో ఆహారో – ఇదం తం రూపం అనిదస్సనం.

657. Katamaṃ taṃ rūpaṃ anidassanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ anidassanaṃ.

౬౫౮. కతమం తం రూపం సప్పటిఘం? చక్ఖాయతనం సోతాయతనం ఘానాయతనం జివ్హాయతనం కాయాయతనం రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం సప్పటిఘం.

658. Katamaṃ taṃ rūpaṃ sappaṭighaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ sappaṭighaṃ.

౬౫౯. కతమం తం రూపం అప్పటిఘం? ఇత్థిన్ద్రియం…పే॰… కబళీకారో ఆహారో – ఇదం తం రూపం అప్పటిఘం.

659. Katamaṃ taṃ rūpaṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ.

౬౬౦. కతమం తం రూపం ఇన్ద్రియం? చక్ఖున్ద్రియం సోతిన్ద్రియం ఘానిన్ద్రియం జివ్హిన్ద్రియం కాయిన్ద్రియం ఇత్థిన్ద్రియం పురిసిన్ద్రియం జీవితిన్ద్రియం – ఇదం తం రూపం ఇన్ద్రియం.

660. Katamaṃ taṃ rūpaṃ indriyaṃ? Cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ.

౬౬౧. కతమం తం రూపం న ఇన్ద్రియం? రూపాయతనం…పే॰… కబళీకారో ఆహారో – ఇదం తం రూపం న ఇన్ద్రియం.

661. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

౬౬౨. కతమం తం రూపం మహాభూతం? ఫోట్ఠబ్బాయతనం ఆపోధాతు – ఇదం తం రూపం మహాభూతం.

662. Katamaṃ taṃ rūpaṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ mahābhūtaṃ.

౬౬౩. కతమం తం రూపం న మహాభూతం? చక్ఖాయతనం…పే॰… కబళీకారో ఆహారో – ఇదం తం రూపం న మహాభూతం.

663. Katamaṃ taṃ rūpaṃ na mahābhūtaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na mahābhūtaṃ.

౬౬౪. కతమం తం రూపం విఞ్ఞత్తి? కాయవిఞ్ఞత్తి వచీవిఞ్ఞత్తి – ఇదం తం రూపం విఞ్ఞత్తి.

664. Katamaṃ taṃ rūpaṃ viññatti? Kāyaviññatti vacīviññatti – idaṃ taṃ rūpaṃ viññatti.

౬౬౫. కతమం తం రూపం న విఞ్ఞత్తి? చక్ఖాయతనం…పే॰… కబళీకారో ఆహారో – ఇదం తం రూపం న విఞ్ఞత్తి.

665. Katamaṃ taṃ rūpaṃ na viññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na viññatti.

౬౬౬. కతమం తం రూపం చిత్తసముట్ఠానం? కాయవిఞ్ఞత్తి వచీవిఞ్ఞత్తి యం వా పనఞ్ఞమ్పి అత్థి రూపం చిత్తజం చిత్తహేతుకం చిత్తసముట్ఠానం రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స లహుతా రూపస్స ముదుతా రూపస్స కమ్మఞ్ఞతా రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం చిత్తసముట్ఠానం.

666. Katamaṃ taṃ rūpaṃ cittasamuṭṭhānaṃ? Kāyaviññatti vacīviññatti yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ cittasamuṭṭhānaṃ.

౬౬౭. కతమం తం రూపం న చిత్తసముట్ఠానం? చక్ఖాయతనం…పే॰… కాయాయతనం ఇత్థిన్ద్రియం పురిసిన్ద్రియం జీవితిన్ద్రియం రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న చిత్తజం న చిత్తహేతుకం న చిత్తసముట్ఠానం రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స లహుతా రూపస్స ముదుతా రూపస్స కమ్మఞ్ఞతా రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం న చిత్తసముట్ఠానం.

667. Katamaṃ taṃ rūpaṃ na cittasamuṭṭhānaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ na cittasamuṭṭhānaṃ.

౬౬౮. కతమం తం రూపం చిత్తసహభు? కాయవిఞ్ఞత్తి వచీవిఞ్ఞత్తి – ఇదం తం రూపం చిత్తసహభు.

668. Katamaṃ taṃ rūpaṃ cittasahabhu? Kāyaviññatti vacīviññatti – idaṃ taṃ rūpaṃ cittasahabhu.

౬౬౯. కతమం తం రూపం న చిత్తసహభు? చక్ఖాయతనం…పే॰… కబళీకారో ఆహారో – ఇదం తం రూపం న చిత్తసహభు.

669. Katamaṃ taṃ rūpaṃ na cittasahabhu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittasahabhu.

౬౭౦. కతమం తం రూపం చిత్తానుపరివత్తి? కాయవిఞ్ఞత్తి వచీవిఞ్ఞత్తి – ఇదం తం రూపం చిత్తానుపరివత్తి.

670. Katamaṃ taṃ rūpaṃ cittānuparivatti? Kāyaviññatti vacīviññatti – idaṃ taṃ rūpaṃ cittānuparivatti.

౬౭౧. కతమం తం రూపం న చిత్తానుపరివత్తి? చక్ఖాయతనం…పే॰… కబళీకారో ఆహారో – ఇదం తం రూపం న చిత్తానుపరివత్తి.

671. Katamaṃ taṃ rūpaṃ na cittānuparivatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittānuparivatti.

౬౭౨. కతమం తం రూపం అజ్ఝత్తికం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం.

672. Katamaṃ taṃ rūpaṃ ajjhattikaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ.

౬౭౩. కతమం తం రూపం బాహిరం? రూపాయతనం…పే॰… కబళీకారో ఆహారో – ఇదం తం రూపం బాహిరం.

673. Katamaṃ taṃ rūpaṃ bāhiraṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ.

౬౭౪. కతమం తం రూపం ఓళారికం? చక్ఖాయతనం…పే॰… ఫోట్ఠబ్బాయతనం – ఇదం తం రూపం ఓళారికం.

674. Katamaṃ taṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ oḷārikaṃ.

౬౭౫. కతమం తం రూపం సుఖుమం? ఇత్థిన్ద్రియం…పే॰… కబళీకారో ఆహారో – ఇదం తం రూపం సుఖుమం.

675. Katamaṃ taṃ rūpaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ sukhumaṃ.

౬౭౬. కతమం తం రూపం దూరే? ఇత్థిన్ద్రియం…పే॰… కబళీకారో ఆహారో – ఇదం తం రూపం దూరే.

676. Katamaṃ taṃ rūpaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ dūre.

౬౭౭. కతమం తం రూపం సన్తికే? చక్ఖాయతనం…పే॰… ఫోట్ఠబ్బాయతనం – ఇదం తం రూపం సన్తికే.

677. Katamaṃ taṃ rūpaṃ santike? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ santike.

౬౭౮. కతమం తం రూపం చక్ఖుసమ్ఫస్సస్స వత్థు? చక్ఖాయతనం – ఇదం తం రూపం చక్ఖుసమ్ఫస్సస్స వత్థు.

678. Katamaṃ taṃ rūpaṃ cakkhusamphassassa vatthu? Cakkhāyatanaṃ – idaṃ taṃ rūpaṃ cakkhusamphassassa vatthu.

౬౭౯. కతమం తం రూపం చక్ఖుసమ్ఫస్సస్స న వత్థు? సోతాయతనం…పే॰… కబళీకారో ఆహారో – ఇదం తం రూపం చక్ఖుసమ్ఫస్సస్స న వత్థు.

679. Katamaṃ taṃ rūpaṃ cakkhusamphassassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na vatthu.

౬౮౦. కతమం తం రూపం చక్ఖుసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ …పే॰… చక్ఖువిఞ్ఞాణస్స వత్థు? చక్ఖాయతనం – ఇదం తం రూపం చక్ఖువిఞ్ఞాణస్స వత్థు.

680. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya …pe… cakkhuviññāṇassa vatthu? Cakkhāyatanaṃ – idaṃ taṃ rūpaṃ cakkhuviññāṇassa vatthu.

౬౮౧. కతమం తం రూపం చక్ఖువిఞ్ఞాణస్స న వత్థు? సోతాయతనం…పే॰… కబళీకారో ఆహారో – ఇదం తం రూపం చక్ఖువిఞ్ఞాణస్స న వత్థు.

681. Katamaṃ taṃ rūpaṃ cakkhuviññāṇassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na vatthu.

౬౮౨. కతమం తం రూపం సోతసమ్ఫస్సస్స…పే॰… ఘానసమ్ఫస్సస్స…పే॰… జివ్హాసమ్ఫస్సస్స…పే॰… కాయసమ్ఫస్సస్స వత్థు? కాయాయతనం – ఇదం తం రూపం కాయసమ్ఫస్సస్స వత్థు.

682. Katamaṃ taṃ rūpaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa vatthu? Kāyāyatanaṃ – idaṃ taṃ rūpaṃ kāyasamphassassa vatthu.

౬౮౩. కతమం తం రూపం కాయసమ్ఫస్సస్స న వత్థు? చక్ఖాయతనం…పే॰… కబళీకారో ఆహారో – ఇదం తం రూపం కాయసమ్ఫస్సస్స న వత్థు.

683. Katamaṃ taṃ rūpaṃ kāyasamphassassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na vatthu.

౬౮౪. కతమం తం రూపం కాయసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… కాయవిఞ్ఞాణస్స వత్థు? కాయాయతనం – ఇదం తం రూపం కాయవిఞ్ఞాణస్స వత్థు.

684. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa vatthu? Kāyāyatanaṃ – idaṃ taṃ rūpaṃ kāyaviññāṇassa vatthu.

౬౮౫. కతమం తం రూపం కాయవిఞ్ఞాణస్స న వత్థు? చక్ఖాయతనం…పే॰… కబళీకారో ఆహారో – ఇదం తం రూపం కాయవిఞ్ఞాణస్స న వత్థు.

685. Katamaṃ taṃ rūpaṃ kāyaviññāṇassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na vatthu.

౬౮౬. కతమం తం రూపం చక్ఖుసమ్ఫస్సస్స ఆరమ్మణం? రూపాయతనం – ఇదం తం రూపం చక్ఖుసమ్ఫస్సస్స ఆరమ్మణం.

686. Katamaṃ taṃ rūpaṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ cakkhusamphassassa ārammaṇaṃ.

౬౮౭. కతమం తం రూపం చక్ఖుసమ్ఫస్సస్స న ఆరమ్మణం? చక్ఖాయతనం…పే॰… కబళీకారో ఆహారో – ఇదం తం రూపం చక్ఖుసమ్ఫస్సస్స న ఆరమ్మణం.

687. Katamaṃ taṃ rūpaṃ cakkhusamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na ārammaṇaṃ.

౬౮౮. కతమం తం రూపం చక్ఖుసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… చక్ఖువిఞ్ఞాణస్స ఆరమ్మణం? రూపాయతనం – ఇదం తం రూపం చక్ఖువిఞ్ఞాణస్స ఆరమ్మణం.

688. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ cakkhuviññāṇassa ārammaṇaṃ.

౬౮౯. కతమం తం రూపం చక్ఖువిఞ్ఞాణస్స న ఆరమ్మణం? చక్ఖాయతనం…పే॰… కబళీకారో ఆహారో – ఇదం తం రూపం చక్ఖువిఞ్ఞాణస్స న ఆరమ్మణం.

689. Katamaṃ taṃ rūpaṃ cakkhuviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na ārammaṇaṃ.

౬౯౦. కతమం తం రూపం సోతసమ్ఫస్సస్స…పే॰… ఘానసమ్ఫస్సస్స …పే॰… జివ్హాసమ్ఫస్సస్స…పే॰… కాయసమ్ఫస్సస్స ఆరమ్మణం? ఫోట్ఠబ్బాయతనం – ఇదం తం రూపం కాయసమ్ఫస్సస్స ఆరమ్మణం.

690. Katamaṃ taṃ rūpaṃ sotasamphassassa…pe… ghānasamphassassa …pe… jivhāsamphassassa…pe… kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyasamphassassa ārammaṇaṃ.

౬౯౧. కతమం తం రూపం కాయసమ్ఫస్సస్స న ఆరమ్మణం? చక్ఖాయతనం…పే॰… కబళీకారో ఆహారో – ఇదం తం రూపం కాయసమ్ఫస్సస్స న ఆరమ్మణం.

691. Katamaṃ taṃ rūpaṃ kāyasamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na ārammaṇaṃ.

౬౯౨. కతమం తం రూపం కాయసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… కాయవిఞ్ఞాణస్స ఆరమ్మణం? ఫోట్ఠబ్బాయతనం – ఇదం తం రూపం కాయవిఞ్ఞాణస్స ఆరమ్మణం.

692. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyaviññāṇassa ārammaṇaṃ.

౬౯౩. కతమం తం రూపం కాయవిఞ్ఞాణస్స న ఆరమ్మణం? చక్ఖాయతనం…పే॰… కబళీకారో ఆహారో – ఇదం తం రూపం కాయవిఞ్ఞాణస్స న ఆరమ్మణం.

693. Katamaṃ taṃ rūpaṃ kāyaviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na ārammaṇaṃ.

౬౯౪. కతమం తం రూపం చక్ఖాయతనం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం చక్ఖాయతనం.

694. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ.

౬౯౫. కతమం తం రూపం న చక్ఖాయతనం? సోతాయతనం…పే॰… కబళీకారో ఆహారో – ఇదం తం రూపం న చక్ఖాయతనం.

695. Katamaṃ taṃ rūpaṃ na cakkhāyatanaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhāyatanaṃ.

౬౯౬. కతమం తం రూపం సోతాయతనం…పే॰… ఘానాయతనం…పే॰… జివ్హాయతనం…పే॰… కాయాయతనం? యో కాయో చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం కాయాయతనం.

696. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyāyatanaṃ.

౬౯౭. కతమం తం రూపం న కాయాయతనం? చక్ఖాయతనం…పే॰… కబళీకారో ఆహారో – ఇదం తం రూపం న కాయాయతనం.

697. Katamaṃ taṃ rūpaṃ na kāyāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyāyatanaṃ.

౬౯౮. కతమం తం రూపం రూపాయతనం? యం రూపం చతున్నం మహాభూతానం ఉపాదాయ వణ్ణనిభా…పే॰… రూపధాతు పేసా – ఇదం తం రూపం రూపాయతనం.

698. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ rūpāyatanaṃ.

౬౯౯. కతమం తం రూపం న రూపాయతనం? చక్ఖాయతనం…పే॰… కబళీకారో ఆహారో – ఇదం తం రూపం న రూపాయతనం.

699. Katamaṃ taṃ rūpaṃ na rūpāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpāyatanaṃ.

౭౦౦. కతమం తం రూపం సద్దాయతనం…పే॰… గన్ధాయతనం …పే॰… రసాయతనం…పే॰… ఫోట్ఠబ్బాయతనం? పథవీధాతు…పే॰… ఫోట్ఠబ్బధాతు పేసా – ఇదం తం రూపం ఫోట్ఠబ్బాయతనం.

700. Katamaṃ taṃ rūpaṃ saddāyatanaṃ…pe… gandhāyatanaṃ …pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

౭౦౧. కతమం తం రూపం న ఫోట్ఠబ్బాయతనం ? చక్ఖాయతనం…పే॰… కబళీకారో ఆహారో – ఇదం తం రూపం న ఫోట్ఠబ్బాయతనం.

701. Katamaṃ taṃ rūpaṃ na phoṭṭhabbāyatanaṃ ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbāyatanaṃ.

౭౦౨. కతమం తం రూపం చక్ఖుధాతు? చక్ఖాయతనం – ఇదం తం రూపం చక్ఖుధాతు.

702. Katamaṃ taṃ rūpaṃ cakkhudhātu? Cakkhāyatanaṃ – idaṃ taṃ rūpaṃ cakkhudhātu.

౭౦౩. కతమం తం రూపం న చక్ఖుధాతు? సోతాయతనం…పే॰… కబళీకారో ఆహారో – ఇదం తం రూపం న చక్ఖుధాతు.

703. Katamaṃ taṃ rūpaṃ na cakkhudhātu? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhudhātu.

౭౦౪. కతమం తం రూపం సోతధాతు…పే॰… ఘానధాతు…పే॰… జివ్హాధాతు…పే॰… కాయధాతు? కాయాయతనం – ఇదం తం రూపం కాయధాతు.

704. Katamaṃ taṃ rūpaṃ sotadhātu…pe… ghānadhātu…pe… jivhādhātu…pe… kāyadhātu? Kāyāyatanaṃ – idaṃ taṃ rūpaṃ kāyadhātu.

౭౦౫. కతమం తం రూపం న కాయధాతు? చక్ఖాయతనం…పే॰… కబళీకారో ఆహారో – ఇదం తం రూపం న కాయధాతు.

705. Katamaṃ taṃ rūpaṃ na kāyadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyadhātu.

౭౦౬. కతమం తం రూపం రూపధాతు? రూపాయతనం – ఇదం తం రూపం రూపధాతు.

706. Katamaṃ taṃ rūpaṃ rūpadhātu? Rūpāyatanaṃ – idaṃ taṃ rūpaṃ rūpadhātu.

౭౦౭. కతమం తం రూపం న రూపధాతు? చక్ఖాయతనం…పే॰… కబళీకారో ఆహారో – ఇదం తం రూపం న రూపధాతు.

707. Katamaṃ taṃ rūpaṃ na rūpadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpadhātu.

౭౦౮. కతమం తం రూపం సద్దధాతు…పే॰… గన్ధధాతు…పే॰… రసధాతు…పే॰… ఫోట్ఠబ్బధాతు? ఫోట్ఠబ్బాయతనం – ఇదం తం రూపం ఫోట్ఠబ్బధాతు.

708. Katamaṃ taṃ rūpaṃ saddadhātu…pe… gandhadhātu…pe… rasadhātu…pe… phoṭṭhabbadhātu? Phoṭṭhabbāyatanaṃ – idaṃ taṃ rūpaṃ phoṭṭhabbadhātu.

౭౦౯. కతమం తం రూపం న ఫోట్ఠబ్బధాతు? చక్ఖాయతనం…పే॰… కబళీకారో ఆహారో – ఇదం తం రూపం న ఫోట్ఠబ్బధాతు.

709. Katamaṃ taṃ rūpaṃ na phoṭṭhabbadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbadhātu.

౭౧౦. కతమం తం రూపం చక్ఖున్ద్రియం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం చక్ఖున్ద్రియం.

710. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

౭౧౧. కతమం తం రూపం న చక్ఖున్ద్రియం? సోతాయతనం…పే॰… కబళీకారో ఆహారో – ఇదం తం రూపం న చక్ఖున్ద్రియం.

711. Katamaṃ taṃ rūpaṃ na cakkhundriyaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhundriyaṃ.

౭౧౨. కతమం తం రూపం సోతిన్ద్రియం…పే॰… ఘానిన్ద్రియం…పే॰… జివ్హిన్ద్రియం…పే॰… కాయిన్ద్రియం? యో కాయో చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం కాయిన్ద్రియం.

712. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyindriyaṃ.

౭౧౩. కతమం తం రూపం న కాయిన్ద్రియం? చక్ఖాయతనం…పే॰… కబళీకారో ఆహారో – ఇదం తం రూపం న కాయిన్ద్రియం.

713. Katamaṃ taṃ rūpaṃ na kāyindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyindriyaṃ.

౭౧౪. కతమం తం రూపం ఇత్థిన్ద్రియం? యం ఇత్థియా ఇత్థిలిఙ్గం ఇత్థినిమిత్తం ఇత్థికుత్తం ఇత్థాకప్పో ఇత్థత్తం ఇత్థిభావో – ఇదం తం రూపం ఇత్థిన్ద్రియం.

714. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ itthindriyaṃ.

౭౧౫. కతమం తం రూపం న ఇత్థిన్ద్రియం? చక్ఖాయతనం…పే॰… కబళీకారో ఆహారో – ఇదం తం రూపం న ఇత్థిన్ద్రియం.

715. Katamaṃ taṃ rūpaṃ na itthindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na itthindriyaṃ.

౭౧౬. కతమం తం రూపం పురిసిన్ద్రియం? యం పురిసస్స పురిసలిఙ్గం పురిసనిమిత్తం పురిసకుత్తం పురిసాకప్పో పురిసత్తం పురిసభావో – ఇదం తం రూపం పురిసిన్ద్రియం.

716. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

౭౧౭. కతమం తం రూపం న పురిసిన్ద్రియం? చక్ఖాయతనం…పే॰… కబళీకారో ఆహారో – ఇదం తం రూపం న పురిసిన్ద్రియం.

717. Katamaṃ taṃ rūpaṃ na purisindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na purisindriyaṃ.

౭౧౮. కతమం తం రూపం జీవితిన్ద్రియం? యో తేసం రూపీనం ధమ్మానం ఆయు ఠితి యపనా యాపనా ఇరియనా వత్తనా పాలనా జీవితం జీవితిన్ద్రియం – ఇదం తం రూపం జీవితిన్ద్రియం.

718. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

౭౧౯. కతమం తం రూపం న జీవితిన్ద్రియం? చక్ఖాయతనం…పే॰… కబళీకారో ఆహారో – ఇదం తం రూపం న జీవితిన్ద్రియం.

719. Katamaṃ taṃ rūpaṃ na jīvitindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na jīvitindriyaṃ.

౭౨౦. కతమం తం రూపం కాయవిఞ్ఞత్తి? యా కుసలచిత్తస్స వా అకుసలచిత్తస్స వా అబ్యాకతచిత్తస్స వా అభిక్కమన్తస్స వా పటిక్కమన్తస్స వా ఆలోకేన్తస్స వా విలోకేన్తస్స వా సమిఞ్జేన్తస్స వా పసారేన్తస్స వా కాయస్స థమ్భనా సన్థమ్భనా సన్థమ్భితత్తం విఞ్ఞత్తి విఞ్ఞాపనా విఞ్ఞాపితత్తం – ఇదం తం రూపం కాయవిఞ్ఞత్తి.

720. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

౭౨౧. కతమం తం రూపం న కాయవిఞ్ఞత్తి? చక్ఖాయతనం…పే॰… కబళీకారో ఆహారో – ఇదం తం రూపం న కాయవిఞ్ఞత్తి.

721. Katamaṃ taṃ rūpaṃ na kāyaviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyaviññatti.

౭౨౨. కతమం తం రూపం వచీవిఞ్ఞత్తి? యా కుసలచిత్తస్స వా అకుసలచిత్తస్స వా అబ్యాకతచిత్తస్స వా వాచా గిరా బ్యప్పథో ఉదీరణం ఘోసో ఘోసకమ్మం వాచా వచీభేదో, అయం వుచ్చతి వాచా. యా తాయ వాచాయ విఞ్ఞత్తి విఞ్ఞాపనా విఞ్ఞాపితత్తం – ఇదం తం రూపం వచీవిఞ్ఞత్తి.

722. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

౭౨౩. కతమం తం రూపం న వచీవిఞ్ఞత్తి? చక్ఖాయతనం…పే॰… కబళీకారో ఆహారో – ఇదం తం రూపం న వచీవిఞ్ఞత్తి.

723. Katamaṃ taṃ rūpaṃ na vacīviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na vacīviññatti.

౭౨౪. కతమం తం రూపం ఆకాసధాతు? యో ఆకాసో ఆకాసగతం అఘం అఘగతం వివరో వివరగతం అసమ్ఫుట్ఠం చతూహి మహాభూతేహి – ఇదం తం రూపం ఆకాసధాతు.

724. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

౭౨౫. కతమం తం రూపం న ఆకాసధాతు? చక్ఖాయతనం …పే॰… కబళీకారో ఆహారో – ఇదం తం రూపం న ఆకాసధాతు.

725. Katamaṃ taṃ rūpaṃ na ākāsadhātu? Cakkhāyatanaṃ …pe… kabaḷīkāro āhāro – idaṃ taṃ rūpaṃ na ākāsadhātu.

౭౨౬. కతమం తం రూపం ఆపోధాతు? యం ఆపో ఆపోగతం సినేహో సినేహగతం బన్ధనత్తం రూపస్స – ఇదం తం రూపం ఆపోధాతు.

726. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

౭౨౭. కతమం తం రూపం న ఆపోధాతు? చక్ఖాయతనం…పే॰… కబళీకారో ఆహారో – ఇదం తం రూపం న ఆపోధాతు.

727. Katamaṃ taṃ rūpaṃ na āpodhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na āpodhātu.

౭౨౮. కతమం తం రూపం రూపస్స లహుతా? యా రూపస్స లహుతా లహుపరిణామతా అదన్ధనతా అవిత్థనతా – ఇదం తం రూపం రూపస్స లహుతా .

728. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā .

౭౨౯. కతమం తం రూపం రూపస్స న లహుతా? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న లహుతా.

729. Katamaṃ taṃ rūpaṃ rūpassa na lahutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na lahutā.

౭౩౦. కతమం తం రూపం రూపస్స ముదుతా? యా రూపస్స ముదుతా మద్దవతా అకక్ఖళతా అకథినతా – ఇదం తం రూపం రూపస్స ముదుతా.

730. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

౭౩౧. కతమం తం రూపం రూపస్స న ముదుతా? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న ముదుతా.

731. Katamaṃ taṃ rūpaṃ rūpassa na mudutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na mudutā.

౭౩౨. కతమం తం రూపం రూపస్స కమ్మఞ్ఞతా? యా రూపస్స కమ్మఞ్ఞతా కమ్మఞ్ఞత్తం కమ్మఞ్ఞభావో – ఇదం తం రూపం రూపస్స కమ్మఞ్ఞతా.

732. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

౭౩౩. కతమం తం రూపం రూపస్స న కమ్మఞ్ఞతా? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న కమ్మఞ్ఞతా.

733. Katamaṃ taṃ rūpaṃ rūpassa na kammaññatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na kammaññatā.

౭౩౪. కతమం తం రూపం రూపస్స ఉపచయో? యో ఆయతనానం ఆచయో, సో రూపస్స ఉపచయో – ఇదం తం రూపం రూపస్స ఉపచయో.

734. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

౭౩౫. కతమం తం రూపం రూపస్స న ఉపచయో? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న ఉపచయో.

735. Katamaṃ taṃ rūpaṃ rūpassa na upacayo? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na upacayo.

౭౩౬. కతమం తం రూపం రూపస్స సన్తతి? యో రూపస్స ఉపచయో, సా రూపస్స సన్తతి – ఇదం తం రూపం రూపస్స సన్తతి.

736. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

౭౩౭. కతమం తం రూపం రూపస్స న సన్తతి? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న సన్తతి.

737. Katamaṃ taṃ rūpaṃ rūpassa na santati? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na santati.

౭౩౮. కతమం తం రూపం రూపస్స జరతా? యా రూపస్స జరా జీరణతా ఖణ్డిచ్చం పాలిచ్చం వలిత్తచతా ఆయునో సంహాని ఇన్ద్రియానం పరిపాకో – ఇదం తం రూపం రూపస్స జరతా.

738. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

౭౩౯. కతమం తం రూపం రూపస్స న జరతా? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న జరతా.

739. Katamaṃ taṃ rūpaṃ rūpassa na jaratā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na jaratā.

౭౪౦. కతమం తం రూపం రూపస్స అనిచ్చతా? యో రూపస్స ఖయో వయో భేదో పరిభేదో అనిచ్చతా అన్తరధానం – ఇదం తం రూపం రూపస్స అనిచ్చతా.

740. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

౭౪౧. కతమం తం రూపం రూపస్స న అనిచ్చతా? చక్ఖాయతనం…పే॰… కబళీకారో ఆహారో – ఇదం తం రూపం రూపస్స న అనిచ్చతా.

741. Katamaṃ taṃ rūpaṃ rūpassa na aniccatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na aniccatā.

౭౪౨. కతమం తం రూపం కబళీకారో ఆహారో? ఓదనో కుమ్మాసో సత్తు మచ్ఛో మంసం ఖీరం దధి సప్పి నవనీతం తేలం మధు ఫాణితం, యం వా పనఞ్ఞమ్పి అత్థి రూపం యమ్హి యమ్హి జనపదే తేసం తేసం సత్తానం ముఖాసియం దన్తవిఖాదనం గలజ్ఝోహరణీయం కుచ్ఛివిత్థమ్భనం, యాయ ఓజాయ సత్తా యాపేన్తి – ఇదం తం రూపం కబళీకారో ఆహారో.

742. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

౭౪౩. కతమం తం రూపం న కబళీకారో ఆహారో? చక్ఖాయతనం…పే॰… రూపస్స అనిచ్చతా – ఇదం తం రూపం న కబళీకారో ఆహారో.

743. Katamaṃ taṃ rūpaṃ na kabaḷīkāro āhāro? Cakkhāyatanaṃ…pe… rūpassa aniccatā – idaṃ taṃ rūpaṃ na kabaḷīkāro āhāro.

ఏవం దువిధేన రూపసఙ్గహో.

Evaṃ duvidhena rūpasaṅgaho.

దుకనిద్దేసో.

Dukaniddeso.

తికనిద్దేసో

Tikaniddeso

౭౪౪. కతమం తం రూపం అజ్ఝత్తికం ఉపాదా? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం ఉపాదా.

744. Katamaṃ taṃ rūpaṃ ajjhattikaṃ upādā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādā.

౭౪౫. కతమం తం రూపం బాహిరం ఉపాదా? రూపాయతనం…పే॰… కబళీకారో ఆహారో – ఇదం తం రూపం బాహిరం ఉపాదా.

745. Katamaṃ taṃ rūpaṃ bāhiraṃ upādā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ upādā.

౭౪౬. కతమం తం రూపం బాహిరం నో ఉపాదా? ఫోట్ఠబ్బాయతనం ఆపోధాతు – ఇదం తం రూపం బాహిరం నో ఉపాదా.

746. Katamaṃ taṃ rūpaṃ bāhiraṃ no upādā? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ no upādā.

౭౪౭. కతమం తం రూపం అజ్ఝత్తికం ఉపాదిణ్ణం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం ఉపాదిణ్ణం.

747. Katamaṃ taṃ rūpaṃ ajjhattikaṃ upādiṇṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇaṃ.

౭౪౮. కతమం తం రూపం బాహిరం ఉపాదిణ్ణం? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం బాహిరం ఉపాదిణ్ణం.

748. Katamaṃ taṃ rūpaṃ bāhiraṃ upādiṇṇaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇaṃ.

౭౪౯. కతమం తం రూపం బాహిరం అనుపాదిణ్ణం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం బాహిరం అనుపాదిణ్ణం.

749. Katamaṃ taṃ rūpaṃ bāhiraṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇaṃ.

౭౫౦. కతమం తం రూపం అజ్ఝత్తికం ఉపాదిణ్ణుపాదానియం. చక్ఖాయతనం…పే॰… కాయాయతనం – ఇదం తం రూపం అజ్ఝత్తికం ఉపాదిణ్ణుపాదానియం.

750. Katamaṃ taṃ rūpaṃ ajjhattikaṃ upādiṇṇupādāniyaṃ. Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇupādāniyaṃ.

౭౫౧. కతమం తం రూపం బాహిరం ఉపాదిణ్ణుపాదానియం? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం బాహిరం ఉపాదిణ్ణుపాదానియం.

751. Katamaṃ taṃ rūpaṃ bāhiraṃ upādiṇṇupādāniyaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇupādāniyaṃ.

౭౫౨. కతమం తం రూపం బాహిరం అనుపాదిణ్ణుపాదానియం ? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం బాహిరం అనుపాదిణ్ణుపాదానియం.

752. Katamaṃ taṃ rūpaṃ bāhiraṃ anupādiṇṇupādāniyaṃ ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇupādāniyaṃ.

౭౫౩. కతమం తం రూపం అజ్ఝత్తికం అనిదస్సనం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం అనిదస్సనం.

753. Katamaṃ taṃ rūpaṃ ajjhattikaṃ anidassanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ anidassanaṃ.

౭౫౪. కతమం తం రూపం బాహిరం సనిదస్సనం? రూపాయతనం – ఇదం తం రూపం బాహిరం సనిదస్సనం.

754. Katamaṃ taṃ rūpaṃ bāhiraṃ sanidassanaṃ? Rūpāyatanaṃ – idaṃ taṃ rūpaṃ bāhiraṃ sanidassanaṃ.

౭౫౫. కతమం తం రూపం బాహిరం అనిదస్సనం? సద్దాయతనం …పే॰… కబళీకారో ఆహారో – ఇదం తం రూపం బాహిరం అనిదస్సనం.

755. Katamaṃ taṃ rūpaṃ bāhiraṃ anidassanaṃ? Saddāyatanaṃ …pe… kabaḷīkāro āhāro – idaṃ taṃ rūpaṃ bāhiraṃ anidassanaṃ.

౭౫౬. కతమం తం రూపం అజ్ఝత్తికం సప్పటిఘం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం సప్పటిఘం.

756. Katamaṃ taṃ rūpaṃ ajjhattikaṃ sappaṭighaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ sappaṭighaṃ.

౭౫౭. కతమం తం రూపం బాహిరం సప్పటిఘం? రూపాయతనం…పే॰… ఫోట్ఠబ్బాయతనం – ఇదం తం రూపం బాహిరం సప్పటిఘం.

757. Katamaṃ taṃ rūpaṃ bāhiraṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ sappaṭighaṃ.

౭౫౮. కతమం తం రూపం బాహిరం అప్పటిఘం? ఇత్థిన్ద్రియం…పే॰… కబళీకారో ఆహారో – ఇదం తం రూపం బాహిరం అప్పటిఘం.

758. Katamaṃ taṃ rūpaṃ bāhiraṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ appaṭighaṃ.

౭౫౯. కతమం తం రూపం అజ్ఝత్తికం ఇన్ద్రియం? చక్ఖున్ద్రియం…పే॰… కాయిన్ద్రియం – ఇదం తం రూపం అజ్ఝత్తికం ఇన్ద్రియం.

759. Katamaṃ taṃ rūpaṃ ajjhattikaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ ajjhattikaṃ indriyaṃ.

౭౬౦. కతమం తం రూపం బాహిరం ఇన్ద్రియం? ఇత్థిన్ద్రియం పురిసిన్ద్రియం జీవితిన్ద్రియం – ఇదం తం రూపం బాహిరం ఇన్ద్రియం.

760. Katamaṃ taṃ rūpaṃ bāhiraṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ bāhiraṃ indriyaṃ.

౭౬౧. కతమం తం రూపం బాహిరం న ఇన్ద్రియం? రూపాయతనం…పే॰… కబళీకారో ఆహారో – ఇదం తం రూపం బాహిరం న ఇన్ద్రియం.

761. Katamaṃ taṃ rūpaṃ bāhiraṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na indriyaṃ.

౭౬౨. కతమం తం రూపం అజ్ఝత్తికం న మహాభూతం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న మహాభూతం.

762. Katamaṃ taṃ rūpaṃ ajjhattikaṃ na mahābhūtaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na mahābhūtaṃ.

౭౬౩. కతమం తం రూపం బాహిరం మహాభూతం? ఫోట్ఠబ్బాయతనం ఆపోధాతు – ఇదం తం రూపం బాహిరం మహాభూతం.

763. Katamaṃ taṃ rūpaṃ bāhiraṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ mahābhūtaṃ.

౭౬౪. కతమం తం రూపం బాహిరం న మహాభూతం? రూపాయతనం…పే॰… కబళీకారో ఆహారో – ఇదం తం రూపం బాహిరం న మహాభూతం.

764. Katamaṃ taṃ rūpaṃ bāhiraṃ na mahābhūtaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na mahābhūtaṃ.

౭౬౫. కతమం తం రూపం అజ్ఝత్తికం న విఞ్ఞత్తి? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న విఞ్ఞత్తి?

765. Katamaṃ taṃ rūpaṃ ajjhattikaṃ na viññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na viññatti?

౭౬౬. కతమం తం రూపం బాహిరం విఞ్ఞత్తి? కాయవిఞ్ఞత్తి వచీవిఞ్ఞత్తి – ఇదం తం రూపం బాహిరం విఞ్ఞత్తి.

766. Katamaṃ taṃ rūpaṃ bāhiraṃ viññatti? Kāyaviññatti vacīviññatti – idaṃ taṃ rūpaṃ bāhiraṃ viññatti.

౭౬౭. కతమం తం రూపం బాహిరం న విఞ్ఞత్తి? రూపాయతనం…పే॰… కబళీకారో ఆహారో – ఇదం తం రూపం బాహిరం న విఞ్ఞత్తి.

767. Katamaṃ taṃ rūpaṃ bāhiraṃ na viññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na viññatti.

౭౬౮. కతమం తం రూపం అజ్ఝత్తికం న చిత్తసముట్ఠానం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న చిత్తసముట్ఠానం.

768. Katamaṃ taṃ rūpaṃ ajjhattikaṃ na cittasamuṭṭhānaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasamuṭṭhānaṃ.

౭౬౯. కతమం తం రూపం బాహిరం చిత్తసముట్ఠానం? కాయవిఞ్ఞత్తి వచీవిఞ్ఞత్తి, యం వా పనఞ్ఞమ్పి అత్థి రూపం చిత్తజం చిత్తహేతుకం చిత్తసముట్ఠానం రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స లహుతా రూపస్స ముదుతా రూపస్స కమ్మఞ్ఞతా రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం బాహిరం చిత్తసముట్ఠానం.

769. Katamaṃ taṃ rūpaṃ bāhiraṃ cittasamuṭṭhānaṃ? Kāyaviññatti vacīviññatti, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ cittasamuṭṭhānaṃ.

౭౭౦. కతమం తం రూపం బాహిరం న చిత్తసముట్ఠానం? ఇత్థిన్ద్రియం పురిసిన్ద్రియం జీవితిన్ద్రియం రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న చిత్తజం న చిత్తహేతుకం న చిత్తసముట్ఠానం రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స లహుతా రూపస్స ముదుతా రూపస్స కమ్మఞ్ఞతా రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం బాహిరం న చిత్తసముట్ఠానం.

770. Katamaṃ taṃ rūpaṃ bāhiraṃ na cittasamuṭṭhānaṃ? Itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ na cittasamuṭṭhānaṃ.

౭౭౧. కతమం తం రూపం అజ్ఝత్తికం న చిత్తసహభు? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న చిత్తసహభు.

771. Katamaṃ taṃ rūpaṃ ajjhattikaṃ na cittasahabhu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasahabhu.

౭౭౨. కతమం తం రూపం బాహిరం చిత్తసహభు? కాయవిఞ్ఞత్తి వచీవిఞ్ఞత్తి – ఇదం తం రూపం బాహిరం చిత్తసహభు.

772. Katamaṃ taṃ rūpaṃ bāhiraṃ cittasahabhu? Kāyaviññatti vacīviññatti – idaṃ taṃ rūpaṃ bāhiraṃ cittasahabhu.

౭౭౩. కతమం తం రూపం బాహిరం న చిత్తసహభు? రూపాయతనం…పే॰… కబళీకారో ఆహారో – ఇదం తం రూపం బాహిరం న చిత్తసహభు?

773. Katamaṃ taṃ rūpaṃ bāhiraṃ na cittasahabhu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittasahabhu?

౭౭౪. కతమం తం రూపం అజ్ఝత్తికం న చిత్తానుపరివత్తి? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న చిత్తానుపరివత్తి.

774. Katamaṃ taṃ rūpaṃ ajjhattikaṃ na cittānuparivatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittānuparivatti.

౭౭౫. కతమం తం రూపం బాహిరం చిత్తానుపరివత్తి? కాయవిఞ్ఞత్తి వచీవిఞ్ఞత్తి – ఇదం తం రూపం బాహిరం చిత్తానుపరివత్తి.

775. Katamaṃ taṃ rūpaṃ bāhiraṃ cittānuparivatti? Kāyaviññatti vacīviññatti – idaṃ taṃ rūpaṃ bāhiraṃ cittānuparivatti.

౭౭౬. కతమం తం రూపం బాహిరం న చిత్తానుపరివత్తి? రూపాయతనం…పే॰… కబళీకారో ఆహారో – ఇదం తం రూపం బాహిరం న చిత్తానుపరివత్తి.

776. Katamaṃ taṃ rūpaṃ bāhiraṃ na cittānuparivatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittānuparivatti.

౭౭౭. కతమం తం రూపం అజ్ఝత్తికం ఓళారికం? చక్ఖాయతనం …పే॰… కాయాయతనం – ఇదం తం రూపం అజ్ఝత్తికం ఓళారికం.

777. Katamaṃ taṃ rūpaṃ ajjhattikaṃ oḷārikaṃ? Cakkhāyatanaṃ …pe… kāyāyatanaṃ – idaṃ taṃ rūpaṃ ajjhattikaṃ oḷārikaṃ.

౭౭౮. కతమం తం రూపం బాహిరం ఓళారికం? రూపాయతనం…పే॰… ఫోట్ఠబ్బాయతనం – ఇదం తం రూపం బాహిరం ఓళారికం.

778. Katamaṃ taṃ rūpaṃ bāhiraṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ oḷārikaṃ.

౭౭౯. కతమం తం రూపం బాహిరం సుఖుమం? ఇత్థిన్ద్రియం…పే॰… కబళీకారో ఆహారో – ఇదం తం రూపం బాహిరం సుఖుమం.

779. Katamaṃ taṃ rūpaṃ bāhiraṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ sukhumaṃ.

౭౮౦. కతమం తం రూపం అజ్ఝత్తికం సన్తికే? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం సన్తికే.

780. Katamaṃ taṃ rūpaṃ ajjhattikaṃ santike? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ santike.

౭౮౧. కతమం తం రూపం బాహిరం దూరే? ఇత్థిన్ద్రియం…పే॰… కబళీకారో ఆహారో – ఇదం తం రూపం బాహిరం దూరే.

781. Katamaṃ taṃ rūpaṃ bāhiraṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ dūre.

౭౮౨. కతమం తం రూపం బాహిరం సన్తికే? రూపాయతనం…పే॰… ఫోట్ఠబ్బాయతనం – ఇదం తం రూపం బాహిరం సన్తికే.

782. Katamaṃ taṃ rūpaṃ bāhiraṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ santike.

౭౮౩. కతమం తం రూపం బాహిరం చక్ఖుసమ్ఫస్సస్స న వత్థు? రూపాయతనం…పే॰… కబళీకారో ఆహారో – ఇదం తం రూపం బాహిరం చక్ఖుసమ్ఫస్సస్స న వత్థు.

783. Katamaṃ taṃ rūpaṃ bāhiraṃ cakkhusamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na vatthu.

౭౮౪. కతమం తం రూపం అజ్ఝత్తికం చక్ఖుసమ్ఫస్సస్స వత్థు? చక్ఖాయతనం – ఇదం తం రూపం అజ్ఝత్తికం చక్ఖుసమ్ఫస్సస్స వత్థు.

784. Katamaṃ taṃ rūpaṃ ajjhattikaṃ cakkhusamphassassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhusamphassassa vatthu.

౭౮౫. కతమం తం రూపం అజ్ఝత్తికం చక్ఖుసమ్ఫస్సస్స న వత్థు? సోతాయతనం…పే॰… కాయాయతనం – ఇదం తం రూపం అజ్ఝత్తికం చక్ఖుసమ్ఫస్సస్స న వత్థు.

785. Katamaṃ taṃ rūpaṃ ajjhattikaṃ cakkhusamphassassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na vatthu.

౭౮౬. కతమం తం రూపం బాహిరం చక్ఖుసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… చక్ఖువిఞ్ఞాణస్స న వత్థు? రూపాయతనం…పే॰… కబళీకారో ఆహారో – ఇదం తం రూపం బాహిరం చక్ఖువిఞ్ఞాణస్స న వత్థు.

786. Katamaṃ taṃ rūpaṃ bāhiraṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na vatthu.

౭౮౭. కతమం తం రూపం అజ్ఝత్తికం చక్ఖువిఞ్ఞాణస్స వత్థు? చక్ఖాయతనం – ఇదం తం రూపం అజ్ఝత్తికం చక్ఖువిఞ్ఞాణస్స వత్థు.

787. Katamaṃ taṃ rūpaṃ ajjhattikaṃ cakkhuviññāṇassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhuviññāṇassa vatthu.

౭౮౮. కతమం తం రూపం అజ్ఝత్తికం చక్ఖువిఞ్ఞాణస్స న వత్థు? సోతాయతనం…పే॰… కాయాయతనం – ఇదం తం రూపం అజ్ఝత్తికం చక్ఖువిఞ్ఞాణస్స న వత్థు?

788. Katamaṃ taṃ rūpaṃ ajjhattikaṃ cakkhuviññāṇassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na vatthu?

౭౮౯. కతమం తం రూపం బాహిరం సోతసమ్ఫస్సస్స…పే॰… ఘానసమ్ఫస్సస్స…పే॰… జివ్హాసమ్ఫస్సస్స…పే॰… కాయసమ్ఫస్సస్స న వత్థు? రూపాయతనం…పే॰… కబళీకారో ఆహారో – ఇదం తం రూపం బాహిరం కాయసమ్ఫస్సస్స న వత్థు.

789. Katamaṃ taṃ rūpaṃ bāhiraṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na vatthu.

౭౯౦. కతమం తం రూపం అజ్ఝత్తికం కాయసమ్ఫస్సస్స వత్థు? కాయాయతనం – ఇదం తం రూపం అజ్ఝత్తికం కాయసమ్ఫస్సస్స వత్థు.

790. Katamaṃ taṃ rūpaṃ ajjhattikaṃ kāyasamphassassa vatthu? Kāyāyatanaṃ – idaṃ taṃ rūpaṃ ajjhattikaṃ kāyasamphassassa vatthu.

౭౯౧. కతమం తం రూపం అజ్ఝత్తికం కాయసమ్ఫస్సస్స న వత్థు? చక్ఖాయతనం…పే॰… జివ్హాయతనం – ఇదం తం రూపం అజ్ఝత్తికం కాయసమ్ఫస్సస్స న వత్థు.

791. Katamaṃ taṃ rūpaṃ ajjhattikaṃ kāyasamphassassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyasamphassassa na vatthu.

౭౯౨. కతమం తం రూపం బాహిరం కాయసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… కాయవిఞ్ఞాణస్స న వత్థు? రూపాయతనం…పే॰… కబళీకారో ఆహారో – ఇదం తం రూపం బాహిరం కాయవిఞ్ఞాణస్స న వత్థు.

792. Katamaṃ taṃ rūpaṃ bāhiraṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na vatthu.

౭౯౩. కతమం తం రూపం అజ్ఝత్తికం కాయవిఞ్ఞాణస్స వత్థు? కాయాయతనం – ఇదం తం రూపం అజ్ఝత్తికం కాయవిఞ్ఞాణస్స వత్థు.

793. Katamaṃ taṃ rūpaṃ ajjhattikaṃ kāyaviññāṇassa vatthu? Kāyāyatanaṃ – idaṃ taṃ rūpaṃ ajjhattikaṃ kāyaviññāṇassa vatthu.

౭౯౪. కతమం తం రూపం అజ్ఝత్తికం కాయవిఞ్ఞాణస్స న వత్థు? చక్ఖాయతనం…పే॰… జివ్హాయతనం – ఇదం తం రూపం అజ్ఝత్తికం కాయవిఞ్ఞాణస్స న వత్థు.

794. Katamaṃ taṃ rūpaṃ ajjhattikaṃ kāyaviññāṇassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyaviññāṇassa na vatthu.

౭౯౫. కతమం తం రూపం అజ్ఝత్తికం చక్ఖుసమ్ఫస్సస్స న ఆరమ్మణం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం చక్ఖుసమ్ఫస్సస్స న ఆరమ్మణం.

795. Katamaṃ taṃ rūpaṃ ajjhattikaṃ cakkhusamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na ārammaṇaṃ.

౭౯౬. కతమం తం రూపం బాహిరం చక్ఖుసమ్ఫస్సస్స ఆరమ్మణం? రూపాయతనం – ఇదం తం రూపం బాహిరం చక్ఖుసమ్ఫస్సస్స ఆరమ్మణం.

796. Katamaṃ taṃ rūpaṃ bāhiraṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhusamphassassa ārammaṇaṃ.

౭౯౭. కతమం తం రూపం బాహిరం చక్ఖుసమ్ఫస్సస్స న ఆరమ్మణం? సద్దాయతనం…పే॰… కబళీకారో ఆహారో – ఇదం తం రూపం బాహిరం చక్ఖుసమ్ఫస్సస్స న ఆరమ్మణం.

797. Katamaṃ taṃ rūpaṃ bāhiraṃ cakkhusamphassassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na ārammaṇaṃ.

౭౯౮. కతమం తం రూపం అజ్ఝత్తికం చక్ఖుసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… చక్ఖువిఞ్ఞాణస్స న ఆరమ్మణం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం చక్ఖువిఞ్ఞాణస్స న ఆరమ్మణం.

798. Katamaṃ taṃ rūpaṃ ajjhattikaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na ārammaṇaṃ.

౭౯౯. కతమం తం రూపం బాహిరం చక్ఖువిఞ్ఞాణస్స ఆరమ్మణం? రూపాయతనం – ఇదం తం రూపం బాహిరం చక్ఖువిఞ్ఞాణస్స ఆరమ్మణం.

799. Katamaṃ taṃ rūpaṃ bāhiraṃ cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhuviññāṇassa ārammaṇaṃ.

౮౦౦. కతమం తం రూపం బాహిరం చక్ఖువిఞ్ఞాణస్స న ఆరమ్మణం? సద్దాయతనం…పే॰… కబళీకారో ఆహారో – ఇదం తం రూపం బాహిరం చక్ఖువిఞ్ఞాణస్స న ఆరమ్మణం.

800. Katamaṃ taṃ rūpaṃ bāhiraṃ cakkhuviññāṇassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na ārammaṇaṃ.

౮౦౧. కతమం తం రూపం అజ్ఝత్తికం సోతసమ్ఫస్సస్స…పే॰… ఘానసమ్ఫస్సస్స…పే॰… జివ్హాసమ్ఫస్సస్స…పే॰… కాయసమ్ఫస్సస్స న ఆరమ్మణం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం కాయసమ్ఫస్సస్స న ఆరమ్మణం.

801. Katamaṃ taṃ rūpaṃ ajjhattikaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyasamphassassa na ārammaṇaṃ.

౮౦౨. కతమం తం రూపం బాహిరం కాయసమ్ఫస్సస్స ఆరమ్మణం? ఫోట్ఠబ్బాయతనం – ఇదం తం రూపం బాహిరం కాయసమ్ఫస్సస్స ఆరమ్మణం.

802. Katamaṃ taṃ rūpaṃ bāhiraṃ kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyasamphassassa ārammaṇaṃ.

౮౦౩. కతమం తం రూపం బాహిరం కాయసమ్ఫస్సస్స న ఆరమ్మణం? రూపాయతనం…పే॰… కబళీకారో ఆహారో – ఇదం తం రూపం బాహిరం కాయసమ్ఫస్సస్స న ఆరమ్మణం.

803. Katamaṃ taṃ rūpaṃ bāhiraṃ kāyasamphassassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na ārammaṇaṃ.

౮౦౪. కతమం తం రూపం అజ్ఝత్తికం కాయసమ్ఫస్సజాయ వేదనాయ…పే॰… సఞ్ఞాయ…పే॰… చేతనాయ…పే॰… కాయవిఞ్ఞాణస్స న ఆరమ్మణం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం కాయవిఞ్ఞాణస్స న ఆరమ్మణం.

804. Katamaṃ taṃ rūpaṃ ajjhattikaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyaviññāṇassa na ārammaṇaṃ.

౮౦౫. కతమం తం రూపం బాహిరం కాయవిఞ్ఞాణస్స ఆరమ్మణం? ఫోట్ఠబ్బాయతనం – ఇదం తం రూపం బాహిరం కాయవిఞ్ఞాణస్స ఆరమ్మణం.

805. Katamaṃ taṃ rūpaṃ bāhiraṃ kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyaviññāṇassa ārammaṇaṃ.

౮౦౬. కతమం తం రూపం బాహిరం కాయవిఞ్ఞాణస్స న ఆరమ్మణం? రూపాయతనం…పే॰… కబళీకారో ఆహారో – ఇదం తం రూపం బాహిరం కాయవిఞ్ఞాణస్స న ఆరమ్మణం.

806. Katamaṃ taṃ rūpaṃ bāhiraṃ kāyaviññāṇassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na ārammaṇaṃ.

౮౦౭. కతమం తం రూపం బాహిరం న చక్ఖాయతనం? రూపాయతనం…పే॰… కబళీకారో ఆహారో – ఇదం తం రూపం బాహిరం న చక్ఖాయతనం.

807. Katamaṃ taṃ rūpaṃ bāhiraṃ na cakkhāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhāyatanaṃ.

౮౦౮. కతమం తం రూపం అజ్ఝత్తికం చక్ఖాయతనం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం అజ్ఝత్తికం చక్ఖాయతనం.

808. Katamaṃ taṃ rūpaṃ ajjhattikaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhāyatanaṃ.

౮౦౯. కతమం తం రూపం అజ్ఝత్తికం న చక్ఖాయతనం? సోతాయతనం…పే॰… కాయాయతనం – ఇదం తం రూపం అజ్ఝత్తికం న చక్ఖాయతనం.

809. Katamaṃ taṃ rūpaṃ ajjhattikaṃ na cakkhāyatanaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhāyatanaṃ.

౮౧౦. కతమం తం రూపం బాహిరం న సోతాయతనం…పే॰… న ఘానాయతనం…పే॰… న జివ్హాయతనం…పే॰… న కాయాయతనం? రూపాయతనం…పే॰… కబళీకారో ఆహారో – ఇదం తం రూపం బాహిరం న కాయాయతనం.

810. Katamaṃ taṃ rūpaṃ bāhiraṃ na sotāyatanaṃ…pe… na ghānāyatanaṃ…pe… na jivhāyatanaṃ…pe… na kāyāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyāyatanaṃ.

౮౧౧. కతమం తం రూపం అజ్ఝత్తికం కాయాయతనం? యో కాయో చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం అజ్ఝత్తికం కాయాయతనం.

811. Katamaṃ taṃ rūpaṃ ajjhattikaṃ kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyāyatanaṃ.

౮౧౨. కతమం తం రూపం అజ్ఝత్తికం న కాయాయతనం? చక్ఖాయతనం…పే॰… జివ్హాయతనం – ఇదం తం రూపం అజ్ఝత్తికం న కాయాయతనం.

812. Katamaṃ taṃ rūpaṃ ajjhattikaṃ na kāyāyatanaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyāyatanaṃ.

౮౧౩. కతమం తం రూపం అజ్ఝత్తికం న రూపాయతనం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న రూపాయతనం.

813. Katamaṃ taṃ rūpaṃ ajjhattikaṃ na rūpāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpāyatanaṃ.

౮౧౪. కతమం తం రూపం బాహిరం రూపాయతనం? యం రూపం చతున్నం మహాభూతానం ఉపాదాయ వణ్ణనిభా…పే॰… రూపధాతు పేసా – ఇదం తం రూపం బాహిరం రూపాయతనం.

814. Katamaṃ taṃ rūpaṃ bāhiraṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ bāhiraṃ rūpāyatanaṃ.

౮౧౫. కతమం తం రూపం బాహిరం న రూపాయతనం? సద్దాయతనం…పే॰… కబళీకారో ఆహారో – ఇదం తం రూపం బాహిరం న రూపాయతనం.

815. Katamaṃ taṃ rūpaṃ bāhiraṃ na rūpāyatanaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpāyatanaṃ.

౮౧౬. కతమం తం రూపం అజ్ఝత్తికం న సద్దాయతనం…పే॰… న గన్ధాయతనం…పే॰… న రసాయతనం…పే॰… న ఫోట్ఠబ్బాయతనం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న ఫోట్ఠబ్బాయతనం.

816. Katamaṃ taṃ rūpaṃ ajjhattikaṃ na saddāyatanaṃ…pe… na gandhāyatanaṃ…pe… na rasāyatanaṃ…pe… na phoṭṭhabbāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbāyatanaṃ.

౮౧౭. కతమం తం రూపం బాహిరం ఫోట్ఠబ్బాయతనం? పథవీధాతు…పే॰… ఫోట్ఠబ్బధాతు పేసా – ఇదం తం రూపం బాహిరం ఫోట్ఠబ్బాయతనం.

817. Katamaṃ taṃ rūpaṃ bāhiraṃ phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ bāhiraṃ phoṭṭhabbāyatanaṃ.

౮౧౮. కతమం తం రూపం బాహిరం న ఫోట్ఠబ్బాయతనం? రూపాయతనం…పే॰… కబళీకారో ఆహారో – ఇదం తం రూపం బాహిరం న ఫోట్ఠబ్బాయతనం.

818. Katamaṃ taṃ rūpaṃ bāhiraṃ na phoṭṭhabbāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbāyatanaṃ.

౮౧౯. కతమం తం రూపం బాహిరం న చక్ఖుధాతు? రూపాయతనం…పే॰… కబళీకారో ఆహారో – ఇదం తం రూపం బాహిరం న చక్ఖుధాతు.

819. Katamaṃ taṃ rūpaṃ bāhiraṃ na cakkhudhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhudhātu.

౮౨౦. కతమం తం రూపం అజ్ఝత్తికం చక్ఖుధాతు? చక్ఖాయతనం – ఇదం తం రూపం అజ్ఝత్తికం చక్ఖుధాతు.

820. Katamaṃ taṃ rūpaṃ ajjhattikaṃ cakkhudhātu? Cakkhāyatanaṃ – idaṃ taṃ rūpaṃ ajjhattikaṃ cakkhudhātu.

౮౨౧. కతమం తం రూపం అజ్ఝత్తికం న చక్ఖుధాతు? సోతాయతనం…పే॰… కాయాయతనం – ఇదం తం రూపం అజ్ఝత్తికం న చక్ఖుధాతు.

821. Katamaṃ taṃ rūpaṃ ajjhattikaṃ na cakkhudhātu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhudhātu.

౮౨౨. కతమం తం రూపం బాహిరం న సోతధాతు…పే॰… న ఘానధాతు…పే॰… న జివ్హాధాతు…పే॰… న కాయధాతు? రూపాయతనం…పే॰… కబళీకారో ఆహారో – ఇదం తం రూపం బాహిరం న కాయధాతు.

822. Katamaṃ taṃ rūpaṃ bāhiraṃ na sotadhātu…pe… na ghānadhātu…pe… na jivhādhātu…pe… na kāyadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyadhātu.

౮౨౩. కతమం తం రూపం అజ్ఝత్తికం కాయధాతు? కాయాయతనం – ఇదం తం రూపం అజ్ఝత్తికం కాయధాతు.

823. Katamaṃ taṃ rūpaṃ ajjhattikaṃ kāyadhātu? Kāyāyatanaṃ – idaṃ taṃ rūpaṃ ajjhattikaṃ kāyadhātu.

౮౨౪. కతమం తం రూపం అజ్ఝత్తికం న కాయధాతు? చక్ఖాయతనం…పే॰… జివ్హాయతనం – ఇదం తం రూపం అజ్ఝత్తికం న కాయధాతు.

824. Katamaṃ taṃ rūpaṃ ajjhattikaṃ na kāyadhātu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyadhātu.

౮౨౫. కతమం తం రూపం అజ్ఝత్తికం న రూపధాతు? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న రూపధాతు.

825. Katamaṃ taṃ rūpaṃ ajjhattikaṃ na rūpadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpadhātu.

౮౨౬. కతమం తం రూపం బాహిరం రూపధాతు? రూపాయతనం – ఇదం తం రూపం బాహిరం రూపధాతు.

826. Katamaṃ taṃ rūpaṃ bāhiraṃ rūpadhātu? Rūpāyatanaṃ – idaṃ taṃ rūpaṃ bāhiraṃ rūpadhātu.

౮౨౭. కతమం తం రూపం బాహిరం న రూపధాతు? సద్దాయతనం…పే॰… కబళీకారో ఆహారో – ఇదం తం రూపం బాహిరం న రూపధాతు.

827. Katamaṃ taṃ rūpaṃ bāhiraṃ na rūpadhātu? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpadhātu.

౮౨౮. కతమం తం రూపం అజ్ఝత్తికం న సద్దధాతు…పే॰… న గన్ధధాతు…పే॰… న రసధాతు …పే॰… న ఫోట్ఠబ్బధాతు? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న ఫోట్ఠబ్బధాతు.

828. Katamaṃ taṃ rūpaṃ ajjhattikaṃ na saddadhātu…pe… na gandhadhātu…pe… na rasadhātu …pe… na phoṭṭhabbadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbadhātu.

౮౨౯. కతమం తం రూపం బాహిరం ఫోట్ఠబ్బధాతు? ఫోట్ఠబ్బాయతనం – ఇదం తం రూపం బాహిరం ఫోట్ఠబ్బధాతు.

829. Katamaṃ taṃ rūpaṃ bāhiraṃ phoṭṭhabbadhātu? Phoṭṭhabbāyatanaṃ – idaṃ taṃ rūpaṃ bāhiraṃ phoṭṭhabbadhātu.

౮౩౦. కతమం తం రూపం బాహిరం న ఫోట్ఠబ్బధాతు? రూపాయతనం…పే॰… కబళీకారో ఆహారో – ఇదం తం రూపం బాహిరం న ఫోట్ఠబ్బధాతు.

830. Katamaṃ taṃ rūpaṃ bāhiraṃ na phoṭṭhabbadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbadhātu.

౮౩౧. కతమం తం రూపం బాహిరం న చక్ఖున్ద్రియం? రూపాయతనం…పే॰… కబళీకారో ఆహారో – ఇదం తం రూపం బాహిరం న చక్ఖున్ద్రియం.

831. Katamaṃ taṃ rūpaṃ bāhiraṃ na cakkhundriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhundriyaṃ.

౮౩౨. కతమం తం రూపం అజ్ఝత్తికం చక్ఖున్ద్రియం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం అజ్ఝత్తికం చక్ఖున్ద్రియం.

832. Katamaṃ taṃ rūpaṃ ajjhattikaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhundriyaṃ.

౮౩౩. కతమం తం రూపం అజ్ఝత్తికం న చక్ఖున్ద్రియం? సోతాయతనం…పే॰… కాయాయతనం – ఇదం తం రూపం అజ్ఝత్తికం న చక్ఖున్ద్రియం.

833. Katamaṃ taṃ rūpaṃ ajjhattikaṃ na cakkhundriyaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhundriyaṃ.

౮౩౪. కతమం తం రూపం బాహిరం న సోతిన్ద్రియం…పే॰… న ఘానిన్ద్రియం…పే॰… న జివ్హిన్ద్రియం…పే॰… న కాయిన్ద్రియం? రూపాయతనం…పే॰… కబళీకారో ఆహారో – ఇదం తం రూపం బాహిరం న కాయిన్ద్రియం.

834. Katamaṃ taṃ rūpaṃ bāhiraṃ na sotindriyaṃ…pe… na ghānindriyaṃ…pe… na jivhindriyaṃ…pe… na kāyindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyindriyaṃ.

౮౩౫. కతమం తం రూపం అజ్ఝత్తికం కాయిన్ద్రియం? యో కాయో చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం అజ్ఝత్తికం కాయిన్ద్రియం.

835. Katamaṃ taṃ rūpaṃ ajjhattikaṃ kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyindriyaṃ.

౮౩౬. కతమం తం రూపం అజ్ఝత్తికం న కాయిన్ద్రియం? చక్ఖాయతనం…పే॰… జివ్హాయతనం – ఇదం తం రూపం అజ్ఝత్తికం న కాయిన్ద్రియం.

836. Katamaṃ taṃ rūpaṃ ajjhattikaṃ na kāyindriyaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyindriyaṃ.

౮౩౭. కతమం తం రూపం అజ్ఝత్తికం న ఇత్థిన్ద్రియం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న ఇత్థిన్ద్రియం.

837. Katamaṃ taṃ rūpaṃ ajjhattikaṃ na itthindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na itthindriyaṃ.

౮౩౮. కతమం తం రూపం బాహిరం ఇత్థిన్ద్రియం? యం ఇత్థియా ఇత్థిలిఙ్గం ఇత్థినిమిత్తం ఇత్థికుత్తం ఇత్థాకప్పో ఇత్థత్తం ఇత్థిభావో – ఇదం తం రూపం బాహిరం ఇత్థిన్ద్రియం.

838. Katamaṃ taṃ rūpaṃ bāhiraṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ bāhiraṃ itthindriyaṃ.

౮౩౯. కతమం తం రూపం బాహిరం న ఇత్థిన్ద్రియం? రూపాయతనం…పే॰… కబళీకారో ఆహారో – ఇదం తం రూపం బాహిరం న ఇత్థిన్ద్రియం.

839. Katamaṃ taṃ rūpaṃ bāhiraṃ na itthindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na itthindriyaṃ.

౮౪౦. కతమం తం రూపం అజ్ఝత్తికం న పురిసిన్ద్రియం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న పురిసిన్ద్రియం.

840. Katamaṃ taṃ rūpaṃ ajjhattikaṃ na purisindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na purisindriyaṃ.

౮౪౧. కతమం తం రూపం బాహిరం పురిసిన్ద్రియం? యం పురిసస్స పురిసలిఙ్గం పురిసనిమిత్తం పురిసకుత్తం పురిసాకప్పో పురిసత్తం పురిసభావో – ఇదం తం రూపం బాహిరం పురిసిన్ద్రియం.

841. Katamaṃ taṃ rūpaṃ bāhiraṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ bāhiraṃ purisindriyaṃ.

౮౪౨. కతమం తం రూపం బాహిరం న పురిసిన్ద్రియం? రూపాయతనం…పే॰… కబళీకారో ఆహారో – ఇదం తం రూపం బాహిరం న పురిసిన్ద్రియం.

842. Katamaṃ taṃ rūpaṃ bāhiraṃ na purisindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na purisindriyaṃ.

౮౪౩. కతమం తం రూపం అజ్ఝత్తికం న జీవితిన్ద్రియం? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న జీవితిన్ద్రియం.

843. Katamaṃ taṃ rūpaṃ ajjhattikaṃ na jīvitindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na jīvitindriyaṃ.

౮౪౪. కతమం తం రూపం బాహిరం జీవితిన్ద్రియం? యో తేసం రూపీనం ధమ్మానం ఆయు ఠితి యపనా యాపనా ఇరియనా వత్తనా పాలనా జీవితం జీవితిన్ద్రియం – ఇదం తం రూపం బాహిరం జీవితిన్ద్రియం.

844. Katamaṃ taṃ rūpaṃ bāhiraṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ bāhiraṃ jīvitindriyaṃ.

౮౪౫. కతమం తం రూపం బాహిరం న జీవితిన్ద్రియం? రూపాయతనం…పే॰… కబళీకారో ఆహారో – ఇదం తం రూపం బాహిరం న జీవితిన్ద్రియం.

845. Katamaṃ taṃ rūpaṃ bāhiraṃ na jīvitindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na jīvitindriyaṃ.

౮౪౬. కతమం తం రూపం అజ్ఝత్తికం న కాయవిఞ్ఞత్తి? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న కాయవిఞ్ఞత్తి.

846. Katamaṃ taṃ rūpaṃ ajjhattikaṃ na kāyaviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kāyaviññatti.

౮౪౭. కతమం తం రూపం బాహిరం కాయవిఞ్ఞత్తి? యా కుసలచిత్తస్స వా అకుసలచిత్తస్స వా అబ్యాకతచిత్తస్స వా అభిక్కమన్తస్స వా పటిక్కమన్తస్స వా ఆలోకేన్తస్స వా విలోకేన్తస్స వా సమిఞ్జేన్తస్స వా పసారేన్తస్స వా కాయస్స థమ్భనా సన్థమ్భనా సన్థమ్భితత్తం విఞ్ఞత్తి విఞ్ఞాపనా విఞ్ఞాపితత్తం – ఇదం తం రూపం బాహిరం కాయవిఞ్ఞత్తి.

847. Katamaṃ taṃ rūpaṃ bāhiraṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ bāhiraṃ kāyaviññatti.

౮౪౮. కతమం తం రూపం బాహిరం న కాయవిఞ్ఞత్తి? రూపాయతనం…పే॰… కబళీకారో ఆహారో – ఇదం తం రూపం బాహిరం న కాయవిఞ్ఞత్తి.

848. Katamaṃ taṃ rūpaṃ bāhiraṃ na kāyaviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyaviññatti.

౮౪౯. కతమం తం రూపం అజ్ఝత్తికం న వచీవిఞ్ఞత్తి? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న వచీవిఞ్ఞత్తి.

849. Katamaṃ taṃ rūpaṃ ajjhattikaṃ na vacīviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na vacīviññatti.

౮౫౦. కతమం తం రూపం బాహిరం వచీవిఞ్ఞత్తి? యా కుసలచిత్తస్స వా అకుసలచిత్తస్స వా అబ్యాకతచిత్తస్స వా వాచా గిరా బ్యప్పథో ఉదీరణం ధోసో ఘోసకమ్మం వాచా వచీభేదో, అయం వుచ్చతి వాచా. యా తాయ వాచాయ విఞ్ఞత్తి విఞ్ఞాపనా విఞ్ఞాపితత్తం – ఇదం తం రూపం బాహిరం వచీవిఞ్ఞత్తి .

850. Katamaṃ taṃ rūpaṃ bāhiraṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ dhoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ bāhiraṃ vacīviññatti .

౮౫౧. కతమం తం రూపం బాహిరం న వచీవిఞ్ఞత్తి? రూపాయతనం…పే॰… కబళీకారో ఆహారో – ఇదం తం రూపం బాహిరం న వచీవిఞ్ఞత్తి.

851. Katamaṃ taṃ rūpaṃ bāhiraṃ na vacīviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na vacīviññatti.

౮౫౨. కతమం తం రూపం అజ్ఝత్తికం న ఆకాసధాతు? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న ఆకాసధాతు.

852. Katamaṃ taṃ rūpaṃ ajjhattikaṃ na ākāsadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na ākāsadhātu.

౮౫౩. కతమం తం రూపం బాహిరం ఆకాసధాతు? యో ఆకాసో ఆకాసగతం అఘం అఘగతం వివరో వివరగతం అసమ్ఫుట్ఠం చతూహి మహాభూతేహి – ఇదం తం రూపం బాహిరం ఆకాసధాతు.

853. Katamaṃ taṃ rūpaṃ bāhiraṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ bāhiraṃ ākāsadhātu.

౮౫౪. కతమం తం రూపం బాహిరం న ఆకాసధాతు? రూపాయతనం…పే॰… కబళీకారో ఆహారో – ఇదం తం రూపం బాహిరం న ఆకాసధాతు.

854. Katamaṃ taṃ rūpaṃ bāhiraṃ na ākāsadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na ākāsadhātu.

౮౫౫. కతమం తం రూపం అజ్ఝత్తికం న ఆపోధాతు? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న ఆపోధాతు.

855. Katamaṃ taṃ rūpaṃ ajjhattikaṃ na āpodhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na āpodhātu.

౮౫౬. కతమం తం రూపం బాహిరం ఆపోధాతు? యం ఆపో ఆపోగతం సినేహో సినేహగతం బన్ధనత్తం రూపస్స – ఇదం తం రూపం బాహిరం ఆపోధాతు.

856. Katamaṃ taṃ rūpaṃ bāhiraṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ bāhiraṃ āpodhātu.

౮౫౭. కతమం తం రూపం బాహిరం న ఆపోధాతు? రూపాయతనం…పే॰… కబళీకారో ఆహారో – ఇదం తం రూపం బాహిరం న ఆపోధాతు.

857. Katamaṃ taṃ rūpaṃ bāhiraṃ na āpodhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na āpodhātu.

౮౫౮. కతమం తం రూపం అజ్ఝత్తికం రూపస్స న లహుతా? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న లహుతా.

858. Katamaṃ taṃ rūpaṃ ajjhattikaṃ rūpassa na lahutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na lahutā.

౮౫౯. కతమం తం రూపం బాహిరం రూపస్స లహుతా? యా రూపస్స లహుతా లహుపరిణామతా అదన్ధనతా అవిత్థనతా – ఇదం తం రూపం బాహిరం రూపస్స లహుతా.

859. Katamaṃ taṃ rūpaṃ bāhiraṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ bāhiraṃ rūpassa lahutā.

౮౬౦. కతమం తం రూపం బాహిరం రూపస్స న లహుతా? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న లహుతా.

860. Katamaṃ taṃ rūpaṃ bāhiraṃ rūpassa na lahutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na lahutā.

౮౬౧. కతమం తం రూపం అజ్ఝత్తికం రూపస్స న ముదుతా? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న ముదుతా.

861. Katamaṃ taṃ rūpaṃ ajjhattikaṃ rūpassa na mudutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na mudutā.

౮౬౨. కతమం తం రూపం బాహిరం రూపస్స ముదుతా? యా రూపస్స ముదుతా మద్దవతా అకక్ఖళతా అకథినతా – ఇదం తం రూపం బాహిరం రూపస్స ముదుతా.

862. Katamaṃ taṃ rūpaṃ bāhiraṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ bāhiraṃ rūpassa mudutā.

౮౬౩. కతమం తం రూపం బాహిరం రూపస్స న ముదుతా? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న ముదుతా.

863. Katamaṃ taṃ rūpaṃ bāhiraṃ rūpassa na mudutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na mudutā.

౮౬౪. కతమం తం రూపం అజ్ఝత్తికం రూపస్స న కమ్మఞ్ఞతా? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న కమ్మఞ్ఞతా.

864. Katamaṃ taṃ rūpaṃ ajjhattikaṃ rūpassa na kammaññatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na kammaññatā.

౮౬౫. కతమం తం రూపం బాహిరం రూపస్స కమ్మఞ్ఞతా? యా రూపస్స కమ్మఞ్ఞతా కమ్మఞ్ఞత్తం కమ్మఞ్ఞభావో – ఇదం తం రూపం బాహిరం రూపస్స కమ్మఞ్ఞతా.

865. Katamaṃ taṃ rūpaṃ bāhiraṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ bāhiraṃ rūpassa kammaññatā.

౮౬౬. కతమం తం రూపం బాహిరం రూపస్స న కమ్మఞ్ఞతా? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న కమ్మఞ్ఞతా.

866. Katamaṃ taṃ rūpaṃ bāhiraṃ rūpassa na kammaññatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na kammaññatā.

౮౬౭. కతమం తం రూపం అజ్ఝత్తికం రూపస్స న ఉపచయో? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న ఉపచయో.

867. Katamaṃ taṃ rūpaṃ ajjhattikaṃ rūpassa na upacayo? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na upacayo.

౮౬౮. కతమం తం రూపం బాహిరం రూపస్స ఉపచయో? యో ఆయతనానం ఆచయో, సో రూపస్స ఉపచయో – ఇదం తం రూపం బాహిరం రూపస్స ఉపచయో.

868. Katamaṃ taṃ rūpaṃ bāhiraṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ bāhiraṃ rūpassa upacayo.

౮౬౯. కతమం తం రూపం బాహిరం రూపస్స న ఉపచయో? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న ఉపచయో.

869. Katamaṃ taṃ rūpaṃ bāhiraṃ rūpassa na upacayo? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na upacayo.

౮౭౦. కతమం తం రూపం అజ్ఝత్తికం రూపస్స న సన్తతి? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న సన్తతి.

870. Katamaṃ taṃ rūpaṃ ajjhattikaṃ rūpassa na santati? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na santati.

౮౭౧. కతమం తం రూపం బాహిరం రూపస్స సన్తతి? యో రూపస్స ఉపచయో, సా రూపస్స సన్తతి – ఇదం తం రూపం బాహిరం రూపస్స సన్తతి.

871. Katamaṃ taṃ rūpaṃ bāhiraṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ bāhiraṃ rūpassa santati.

౮౭౨. కతమం తం రూపం బాహిరం రూపస్స న సన్తతి? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న సన్తతి.

872. Katamaṃ taṃ rūpaṃ bāhiraṃ rūpassa na santati? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na santati.

౮౭౩. కతమం తం రూపం అజ్ఝత్తికం రూపస్స న జరతా? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న జరతా.

873. Katamaṃ taṃ rūpaṃ ajjhattikaṃ rūpassa na jaratā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na jaratā.

౮౭౪. కతమం తం రూపం బాహిరం రూపస్స జరతా? యా రూపస్స జరా జీరణతా ఖణ్డిచ్చం పాలిచ్చం వలిత్తచతా ఆయునో సంహాని ఇన్ద్రియానం పరిపాకో – ఇదం తం రూపం బాహిరం రూపస్స జరతా.

874. Katamaṃ taṃ rūpaṃ bāhiraṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ bāhiraṃ rūpassa jaratā.

౮౭౫. కతమం తం రూపం బాహిరం రూపస్స న జరతా? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న జరతా.

875. Katamaṃ taṃ rūpaṃ bāhiraṃ rūpassa na jaratā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na jaratā.

౮౭౬. కతమం తం రూపం అజ్ఝత్తికం రూపస్స న అనిచ్చతా? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం రూపస్స న అనిచ్చతా.

876. Katamaṃ taṃ rūpaṃ ajjhattikaṃ rūpassa na aniccatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na aniccatā.

౮౭౭. కతమం తం రూపం బాహిరం రూపస్స అనిచ్చతా? యో రూపస్స ఖయో వయో భేదో పరిభేదో అనిచ్చతా అన్తరధానం – ఇదం తం రూపం బాహిరం రూపస్స అనిచ్చతా.

877. Katamaṃ taṃ rūpaṃ bāhiraṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ bāhiraṃ rūpassa aniccatā.

౮౭౮. కతమం తం రూపం బాహిరం రూపస్స న అనిచ్చతా? రూపాయతనం…పే॰… కబళీకారో ఆహారో – ఇదం తం రూపం బాహిరం రూపస్స న అనిచ్చతా.

878. Katamaṃ taṃ rūpaṃ bāhiraṃ rūpassa na aniccatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na aniccatā.

౮౭౯. కతమం తం రూపం అజ్ఝత్తికం న కబళీకారో ఆహారో? చక్ఖాయతనం…పే॰… కాయాయతనం – ఇదం తం రూపం అజ్ఝత్తికం న కబళీకారో ఆహారో .

879. Katamaṃ taṃ rūpaṃ ajjhattikaṃ na kabaḷīkāro āhāro? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kabaḷīkāro āhāro .

౮౮౦. కతమం తం రూపం బాహిరం కబళీకారో ఆహారో? ఓదనో కుమ్మాసో సత్తు మచ్ఛో మంసం ఖీరం దధి సప్పి నవనీతం తేలం మధు ఫాణితం, యం వా పనఞ్ఞమ్పి అత్థి రూపం యమ్హి యమ్హి జనపదే తేసం తేసం సత్తానం ముఖాసియం దన్తవిఖాదనం గలజ్ఝోహరణీయం కుచ్ఛివిత్థమ్భనం యాయ ఓజాయ సత్తా యాపేన్తి – ఇదం తం రూపం బాహిరం కబళీకారో ఆహారో.

880. Katamaṃ taṃ rūpaṃ bāhiraṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ yāya ojāya sattā yāpenti – idaṃ taṃ rūpaṃ bāhiraṃ kabaḷīkāro āhāro.

౮౮౧. కతమం తం రూపం బాహిరం న కబళీకారో ఆహారో? రూపాయతనం…పే॰… రూపస్స అనిచ్చతా – ఇదం తం రూపం బాహిరం న కబళీకారో ఆహారో.

881. Katamaṃ taṃ rūpaṃ bāhiraṃ na kabaḷīkāro āhāro? Rūpāyatanaṃ…pe… rūpassa aniccatā – idaṃ taṃ rūpaṃ bāhiraṃ na kabaḷīkāro āhāro.

ఏవం తివిధేన రూపసఙ్గహో.

Evaṃ tividhena rūpasaṅgaho.

తికనిద్దేసో.

Tikaniddeso.

చతుక్కం

Catukkaṃ

౮౮౨. కతమం తం రూపం ఉపాదా ఉపాదిణ్ణం? చక్ఖాయతనం…పే॰… కాయాయతనం, ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదా ఉపాదిణ్ణం.

882. Katamaṃ taṃ rūpaṃ upādā upādiṇṇaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇaṃ.

౮౮౩. కతమం తం రూపం ఉపాదా అనుపాదిణ్ణం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదా అనుపాదిణ్ణం.

883. Katamaṃ taṃ rūpaṃ upādā anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇaṃ.

౮౮౪. కతమం తం రూపం నో ఉపాదా ఉపాదిణ్ణం? కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం నో ఉపాదా ఉపాదిణ్ణం.

884. Katamaṃ taṃ rūpaṃ no upādā upādiṇṇaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇaṃ.

౮౮౫. కతమం తం రూపం నో ఉపాదా అనుపాదిణ్ణం? న కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం నో ఉపాదా అనుపాదిణ్ణం.

885. Katamaṃ taṃ rūpaṃ no upādā anupādiṇṇaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇaṃ.

౮౮౬. కతమం తం రూపం ఉపాదా ఉపాదిణ్ణుపాదానియం? చక్ఖాయతనం…పే॰… కాయాయతనం, ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదా ఉపాదిణ్ణుపాదానియం.

886. Katamaṃ taṃ rūpaṃ upādā upādiṇṇupādāniyaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇupādāniyaṃ.

౮౮౭. కతమం తం రూపం ఉపాదా అనుపాదిణ్ణుపాదానియం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదా అనుపాదిణ్ణుపాదానియం.

887. Katamaṃ taṃ rūpaṃ upādā anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇupādāniyaṃ.

౮౮౮. కతమం తం రూపం నో ఉపాదా ఉపాదిణ్ణుపాదానియం? కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం నో ఉపాదా ఉపాదిణ్ణుపాదానియం.

888. Katamaṃ taṃ rūpaṃ no upādā upādiṇṇupādāniyaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇupādāniyaṃ.

౮౮౯. కతమం తం రూపం నో ఉపాదా అనుపాదిణ్ణుపాదానియం? న కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం నో ఉపాదా అనుపాదిణ్ణుపాదానియం.

889. Katamaṃ taṃ rūpaṃ no upādā anupādiṇṇupādāniyaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇupādāniyaṃ.

౮౯౦. కతమం తం రూపం ఉపాదా సప్పటిఘం? చక్ఖాయతనం…పే॰… రసాయతనం – ఇదం తం రూపం ఉపాదా సప్పటిఘం.

890. Katamaṃ taṃ rūpaṃ upādā sappaṭighaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā sappaṭighaṃ.

౮౯౧. కతమం తం రూపం ఉపాదా అప్పటిఘం? ఇత్థిన్ద్రియం…పే॰… కబళీకారో ఆహారో – ఇదం తం రూపం ఉపాదా అప్పటిఘం.

891. Katamaṃ taṃ rūpaṃ upādā appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ upādā appaṭighaṃ.

౮౯౨. కతమం తం రూపం నో ఉపాదా సప్పటిఘం? ఫోట్ఠబ్బాయతనం – ఇదం తం రూపం నో ఉపాదా సప్పటిఘం.

892. Katamaṃ taṃ rūpaṃ no upādā sappaṭighaṃ? Phoṭṭhabbāyatanaṃ – idaṃ taṃ rūpaṃ no upādā sappaṭighaṃ.

౮౯౩. కతమం తం రూపం నో ఉపాదా అప్పటిఘం? ఆపోధాతు – ఇదం తం రూపం నో ఉపాదా అప్పటిఘం.

893. Katamaṃ taṃ rūpaṃ no upādā appaṭighaṃ? Āpodhātu – idaṃ taṃ rūpaṃ no upādā appaṭighaṃ.

౮౯౪. కతమం తం రూపం ఉపాదా ఓళారికం? చక్ఖాయతనం…పే॰… రసాయతనం – ఇదం తం రూపం ఉపాదా ఓళారికం.

894. Katamaṃ taṃ rūpaṃ upādā oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā oḷārikaṃ.

౮౯౫. కతమం తం రూపం ఉపాదా సుఖుమం ఇత్థిన్ద్రియం…పే॰… కబళీకారో ఆహారో – ఇదం తం రూపం ఉపాదా సుఖుమం.

895. Katamaṃ taṃ rūpaṃ upādā sukhumaṃ itthindriyaṃ…pe… kabaḷīkāro āhāro – idaṃ taṃ rūpaṃ upādā sukhumaṃ.

౮౯౬. కతమం తం రూపం నో ఉపాదా ఓళారికం? ఫోట్ఠబ్బాయతనం – ఇదం తం రూపం నో ఉపాదా ఓళారికం.

896. Katamaṃ taṃ rūpaṃ no upādā oḷārikaṃ? Phoṭṭhabbāyatanaṃ – idaṃ taṃ rūpaṃ no upādā oḷārikaṃ.

౮౯౭. కతమం తం రూపం నో ఉపాదా సుఖుమం? ఆపోధాతు – ఇదం తం రూపం నో ఉపాదా సుఖుమం.

897. Katamaṃ taṃ rūpaṃ no upādā sukhumaṃ? Āpodhātu – idaṃ taṃ rūpaṃ no upādā sukhumaṃ.

౮౯౮. కతమం తం రూపం ఉపాదా దూరే? ఇత్థిన్ద్రియం…పే॰… కబళీకారో ఆహారో – ఇదం తం రూపం ఉపాదా దూరే.

898. Katamaṃ taṃ rūpaṃ upādā dūre? Itthindriyaṃ…pe… kabaḷīkāro āhāro – idaṃ taṃ rūpaṃ upādā dūre.

౮౯౯. కతమం తం రూపం ఉపాదా సన్తికే? చక్ఖాయతనం…పే॰… రసాయతనం – ఇదం తం రూపం ఉపాదా సన్తికే.

899. Katamaṃ taṃ rūpaṃ upādā santike? Cakkhāyatanaṃ…pe… rasāyatanaṃ – idaṃ taṃ rūpaṃ upādā santike.

౯౦౦. కతమం తం రూపం నో ఉపాదా దూరే? ఆపోధాతు – ఇదం తం రూపం నో ఉపాదా దూరే.

900. Katamaṃ taṃ rūpaṃ no upādā dūre? Āpodhātu – idaṃ taṃ rūpaṃ no upādā dūre.

౯౦౧. కతమం తం రూపం నో ఉపాదా సన్తికే? ఫోట్ఠబ్బాయతనం – ఇదం తం రూపం నో ఉపాదా సన్తికే.

901. Katamaṃ taṃ rūpaṃ no upādā santike? Phoṭṭhabbāyatanaṃ – idaṃ taṃ rūpaṃ no upādā santike.

౯౦౨. కతమం తం రూపం ఉపాదిణ్ణం సనిదస్సనం? కమ్మస్స కతత్తా రూపాయతనం – ఇదం తం రూపం ఉపాదిణ్ణం సనిదస్సనం.

902. Katamaṃ taṃ rūpaṃ upādiṇṇaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇaṃ sanidassanaṃ.

౯౦౩. కతమం తం రూపం ఉపాదిణ్ణం అనిదస్సనం? చక్ఖాయతనం…పే॰… కాయాయతనం, ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణం అనిదస్సనం.

903. Katamaṃ taṃ rūpaṃ upādiṇṇaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ anidassanaṃ.

౯౦౪. కతమం తం రూపం అనుపాదిణ్ణం సనిదస్సనం? న కమ్మస్స కతత్తా రూపాయతనం – ఇదం తం రూపం అనుపాదిణ్ణం సనిదస్సనం.

904. Katamaṃ taṃ rūpaṃ anupādiṇṇaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇaṃ sanidassanaṃ.

౯౦౫. కతమం తం రూపం అనుపాదిణ్ణం అనిదస్సనం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా , యం వా పనఞ్ఞమ్పి అత్థి రూపం న కమ్మస్స కతత్తా గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణం అనిదస్సనం.

905. Katamaṃ taṃ rūpaṃ anupādiṇṇaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ anidassanaṃ.

౯౦౬. కతమం తం రూపం ఉపాదిణ్ణం సప్పటిఘం? చక్ఖాయతనం…పే॰… కాయాయతనం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం ఉపాదిణ్ణం సప్పటిఘం.

906. Katamaṃ taṃ rūpaṃ upādiṇṇaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ sappaṭighaṃ.

౯౦౭. కతమం తం రూపం ఉపాదిణ్ణం అప్పటిఘం? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణం అప్పటిఘం.

907. Katamaṃ taṃ rūpaṃ upādiṇṇaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ appaṭighaṃ.

౯౦౮. కతమం తం రూపం అనుపాదిణ్ణం సప్పటిఘం? సద్దాయతనం, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం అనుపాదిణ్ణం సప్పటిఘం.

908. Katamaṃ taṃ rūpaṃ anupādiṇṇaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ sappaṭighaṃ.

౯౦౯. కతమం తం రూపం అనుపాదిణ్ణం అప్పటిఘం? కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణం అప్పటిఘం.

909. Katamaṃ taṃ rūpaṃ anupādiṇṇaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ appaṭighaṃ.

౯౧౦. కతమం తం రూపం ఉపాదిణ్ణం మహాభూతం? కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం ఉపాదిణ్ణం మహాభూతం.

910. Katamaṃ taṃ rūpaṃ upādiṇṇaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇaṃ mahābhūtaṃ.

౯౧౧. కతమం తం రూపం ఉపాదిణ్ణం న మహాభూతం? చక్ఖాయతనం…పే॰… కాయాయతనం ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణం న మహాభూతం.

911. Katamaṃ taṃ rūpaṃ upādiṇṇaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ na mahābhūtaṃ.

౯౧౨. కతమం తం రూపం అనుపాదిణ్ణం మహాభూతం? న కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం అనుపాదిణ్ణం మహాభూతం.

912. Katamaṃ taṃ rūpaṃ anupādiṇṇaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇaṃ mahābhūtaṃ.

౯౧౩. కతమం తం రూపం అనుపాదిణ్ణం న మహాభూతం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణం న మహాభూతం.

913. Katamaṃ taṃ rūpaṃ anupādiṇṇaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ na mahābhūtaṃ.

౯౧౪. కతమం తం రూపం ఉపాదిణ్ణం ఓళారికం? చక్ఖాయతనం…పే॰… కాయాయతనం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం ఉపాదిణ్ణం ఓళారికం.

914. Katamaṃ taṃ rūpaṃ upādiṇṇaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ oḷārikaṃ.

౯౧౫. కతమం తం రూపం ఉపాదిణ్ణం సుఖుమం? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణం సుఖుమం.

915. Katamaṃ taṃ rūpaṃ upādiṇṇaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ sukhumaṃ.

౯౧౬. కతమం తం రూపం అనుపాదిణ్ణం ఓళారికం? సద్దాయతనం, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం అనుపాదిణ్ణం ఓళారికం.

916. Katamaṃ taṃ rūpaṃ anupādiṇṇaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ oḷārikaṃ.

౯౧౭. కతమం తం రూపం అనుపాదిణ్ణం సుఖుమం? కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణం సుఖుమం.

917. Katamaṃ taṃ rūpaṃ anupādiṇṇaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ sukhumaṃ.

౯౧౮. కతమం తం రూపం ఉపాదిణ్ణం దూరే? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణం దూరే.

918. Katamaṃ taṃ rūpaṃ upādiṇṇaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ dūre.

౯౧౯. కతమం తం రూపం ఉపాదిణ్ణం సన్తికే? చక్ఖాయతనం…పే॰… కాయాయతనం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం ఉపాదిణ్ణం సన్తికే.

919. Katamaṃ taṃ rūpaṃ upādiṇṇaṃ santike? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ santike.

౯౨౦. కతమం తం రూపం అనుపాదిణ్ణం దూరే? కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణం దూరే.

920. Katamaṃ taṃ rūpaṃ anupādiṇṇaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ dūre.

౯౨౧. కతమం తం రూపం అనుపాదిణ్ణం సన్తికే? సద్దాయతనం, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం అనుపాదిణ్ణం సన్తికే.

921. Katamaṃ taṃ rūpaṃ anupādiṇṇaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ santike.

౯౨౨. కతమం తం రూపం ఉపాదిణ్ణుపాదానియం సనిదస్సనం? కమ్మస్స కతత్తా రూపాయతనం – ఇదం తం రూపం ఉపాదిణ్ణుపాదానియం సనిదస్సనం.

922. Katamaṃ taṃ rūpaṃ upādiṇṇupādāniyaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇupādāniyaṃ sanidassanaṃ.

౯౨౩. కతమం తం రూపం ఉపాదిణ్ణుపాదానియం అనిదస్సనం? చక్ఖాయతనం…పే॰… కాయాయతనం, ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణుపాదానియం అనిదస్సనం.

923. Katamaṃ taṃ rūpaṃ upādiṇṇupādāniyaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ anidassanaṃ.

౯౨౪. కతమం తం రూపం అనుపాదిణ్ణుపాదానియం సనిదస్సనం? న కమ్మస్స కతత్తా రూపాయతనం – ఇదం తం రూపం అనుపాదిణ్ణుపాదానియం సనిదస్సనం.

924. Katamaṃ taṃ rūpaṃ anupādiṇṇupādāniyaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇupādāniyaṃ sanidassanaṃ.

౯౨౫. కతమం తం రూపం అనుపాదిణ్ణుపాదానియం అనిదస్సనం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా గన్ధాయతనం రసాయతనం ఫోట్ఠబ్బాయతనం ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణుపాదానియం అనిదస్సనం.

925. Katamaṃ taṃ rūpaṃ anupādiṇṇupādāniyaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ anidassanaṃ.

౯౨౬. కతమం తం రూపం ఉపాదిణ్ణుపాదానియం సప్పటిఘం? చక్ఖాయతనం…పే॰… కాయాయతనం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం ఉపాదిణ్ణుపాదానియం సప్పటిఘం.

926. Katamaṃ taṃ rūpaṃ upādiṇṇupādāniyaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ sappaṭighaṃ.

౯౨౭. కతమం తం రూపం ఉపాదిణ్ణుపాదానియం అప్పటిఘం? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణుపాదానియం అప్పటిఘం.

927. Katamaṃ taṃ rūpaṃ upādiṇṇupādāniyaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ appaṭighaṃ.

౯౨౮. కతమం తం రూపం అనుపాదిణ్ణుపాదానియం సప్పటిఘం? సద్దాయతనం, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం అనుపాదిణ్ణుపాదానియం సప్పటిఘం.

928. Katamaṃ taṃ rūpaṃ anupādiṇṇupādāniyaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ sappaṭighaṃ.

౯౨౯. కతమం తం రూపం అనుపాదిణ్ణుపాదానియం అప్పటిఘం? కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణుపాదానియం అప్పటిఘం.

929. Katamaṃ taṃ rūpaṃ anupādiṇṇupādāniyaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ appaṭighaṃ.

౯౩౦. కతమం తం రూపం ఉపాదిణ్ణుపాదానియం మహాభూతం? కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం ఉపాదిణ్ణుపాదానియం మహాభూతం .

930. Katamaṃ taṃ rūpaṃ upādiṇṇupādāniyaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇupādāniyaṃ mahābhūtaṃ .

౯౩౧. కతమం తం రూపం ఉపాదిణ్ణుపాదానియం న మహాభూతం? చక్ఖాయతనం…పే॰… కాయాయతనం ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణుపాదానియం న మహాభూతం.

931. Katamaṃ taṃ rūpaṃ upādiṇṇupādāniyaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ na mahābhūtaṃ.

౯౩౨. కతమం తం రూపం అనుపాదిణ్ణుపాదానియం మహాభూతం? న కమ్మస్స కతత్తా ఫోట్ఠబ్బాయతనం ఆపోధాతు – ఇదం తం రూపం అనుపాదిణ్ణుపాదానియం మహాభూతం.

932. Katamaṃ taṃ rūpaṃ anupādiṇṇupādāniyaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇupādāniyaṃ mahābhūtaṃ.

౯౩౩. కతమం తం రూపం అనుపాదిణ్ణుపాదానియం న మహాభూతం? సద్దాయతనం కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఆకాసధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణుపాదానియం న మహాభూతం.

933. Katamaṃ taṃ rūpaṃ anupādiṇṇupādāniyaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ na mahābhūtaṃ.

౯౩౪. కతమం తం రూపం ఉపాదిణ్ణుపాదానియం ఓళారికం? చక్ఖాయతనం…పే॰… కాయాయతనం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం ఉపాదిణ్ణుపాదానియం ఓళారికం.

934. Katamaṃ taṃ rūpaṃ upādiṇṇupādāniyaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ oḷārikaṃ.

౯౩౫. కతమం తం రూపం ఉపాదిణ్ణుపాదానియం సుఖుమం? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణుపాదానియం సుఖుమం.

935. Katamaṃ taṃ rūpaṃ upādiṇṇupādāniyaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ sukhumaṃ.

౯౩౬. కతమం తం రూపం అనుపాదిణ్ణుపాదానియం ఓళారికం? సద్దాయతనం, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం అనుపాదిణ్ణుపాదానియం ఓళారికం.

936. Katamaṃ taṃ rūpaṃ anupādiṇṇupādāniyaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ oḷārikaṃ.

౯౩౭. కతమం తం రూపం అనుపాదిణ్ణుపాదానియం సుఖుమం? కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణుపాదానియం సుఖుమం.

937. Katamaṃ taṃ rūpaṃ anupādiṇṇupādāniyaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ sukhumaṃ.

౯౩౮. కతమం తం రూపం ఉపాదిణ్ణుపాదానియం దూరే? ఇత్థిన్ద్రియం పురిసిన్ద్రియం జీవితిన్ద్రియం, యం వా పనఞ్ఞమ్పి అత్థి రూపం కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం ఉపాదిణ్ణుపాదానియం దూరే.

938. Katamaṃ taṃ rūpaṃ upādiṇṇupādāniyaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ dūre.

౯౩౯. కతమం తం రూపం ఉపాదిణ్ణుపాదానియం సన్తికే చక్ఖాయతనం…పే॰… కాయాయతనం, యం వా పనఞ్ఞమ్పి అత్థి రూపం కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం ఉపాదిణ్ణుపాదానియం సన్తికే.

939. Katamaṃ taṃ rūpaṃ upādiṇṇupādāniyaṃ santike cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ santike.

౯౪౦. కతమం తం రూపం అనుపాదిణ్ణుపాదానియం దూరే? కాయవిఞ్ఞత్తి వచీవిఞ్ఞత్తి రూపస్స లహుతా రూపస్స ముదుతా రూపస్స కమ్మఞ్ఞతా రూపస్స జరతా రూపస్స అనిచ్చతా, యం వా పనఞ్ఞమ్పి అత్థి రూపం న కమ్మస్స కతత్తా ఆకాసధాతు ఆపోధాతు రూపస్స ఉపచయో రూపస్స సన్తతి కబళీకారో ఆహారో – ఇదం తం రూపం అనుపాదిణ్ణుపాదానియం దూరే.

940. Katamaṃ taṃ rūpaṃ anupādiṇṇupādāniyaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ dūre.

౯౪౧. కతమం తం రూపం అనుపాదిణ్ణుపాదానియం సన్తికే? సద్దాయతనం, యం వా పనఞ్ఞమ్పి అత్థి రూపం న కమ్మస్స కతత్తా రూపాయతనం గన్ధాయతనం రసాయతనం ఫోట్ఠబ్బాయతనం – ఇదం తం రూపం అనుపాదిణ్ణుపాదానియం సన్తికే.

941. Katamaṃ taṃ rūpaṃ anupādiṇṇupādāniyaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ santike.

౯౪౨. కతమం తం రూపం సప్పటిఘం ఇన్ద్రియం? చక్ఖున్ద్రియం…పే॰… కాయిన్ద్రియం – ఇదం తం రూపం సప్పటిఘం ఇన్ద్రియం.

942. Katamaṃ taṃ rūpaṃ sappaṭighaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ sappaṭighaṃ indriyaṃ.

౯౪౩. కతమం తం రూపం సప్పటిఘం న ఇన్ద్రియం? రూపాయతనం…పే॰… ఫోట్ఠబ్బాయతనం – ఇదం తం రూపం సప్పటిఘం న ఇన్ద్రియం.

943. Katamaṃ taṃ rūpaṃ sappaṭighaṃ na indriyaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ sappaṭighaṃ na indriyaṃ.

౯౪౪. కతమం తం రూపం అప్పటిఘం ఇన్ద్రియం? ఇత్థిన్ద్రియం పురిసిన్ద్రియం జీవితిన్ద్రియం – ఇదం తం రూపం అప్పటిఘం ఇన్ద్రియం.

944. Katamaṃ taṃ rūpaṃ appaṭighaṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ appaṭighaṃ indriyaṃ.

౯౪౫. కతమం తం రూపం అప్పటిఘం న ఇన్ద్రియం? కాయవిఞ్ఞత్తి వచీవిఞ్ఞత్తి…పే॰… కబళీకారో ఆహారో – ఇదం తం రూపం అప్పటిఘం న ఇన్ద్రియం.

945. Katamaṃ taṃ rūpaṃ appaṭighaṃ na indriyaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ appaṭighaṃ na indriyaṃ.

౯౪౬. కతమం తం రూపం సప్పటిఘం మహాభూతం? ఫోట్ఠబ్బాయతనం – ఇదం తం రూపం సప్పటిఘం మహాభూతం.

946. Katamaṃ taṃ rūpaṃ sappaṭighaṃ mahābhūtaṃ? Phoṭṭhabbāyatanaṃ – idaṃ taṃ rūpaṃ sappaṭighaṃ mahābhūtaṃ.

౯౪౭. కతమం తం రూపం సప్పటిఘం న మహాభూతం? చక్ఖాయతనం…పే॰… రసాయతనం – ఇదం తం రూపం సప్పటిఘం న మహాభూతం.

947. Katamaṃ taṃ rūpaṃ sappaṭighaṃ na mahābhūtaṃ? Cakkhāyatanaṃ…pe… rasāyatanaṃ – idaṃ taṃ rūpaṃ sappaṭighaṃ na mahābhūtaṃ.

౯౪౮. కతమం తం రూపం అప్పటిఘం మహాభూతం? ఆపోధాతు – ఇదం తం రూపం అప్పటిఘం మహాభూతం.

948. Katamaṃ taṃ rūpaṃ appaṭighaṃ mahābhūtaṃ? Āpodhātu – idaṃ taṃ rūpaṃ appaṭighaṃ mahābhūtaṃ.

౯౪౯. కతమం తం రూపం అప్పటిఘం న మహాభూతం? ఇత్థిన్ద్రియం…పే॰… కబళీకారో ఆహారో – ఇదం తం రూపం అప్పటిఘం న మహాభూతం.

949. Katamaṃ taṃ rūpaṃ appaṭighaṃ na mahābhūtaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ na mahābhūtaṃ.

౯౫౦. కతమం తం రూపం ఇన్ద్రియం ఓళారికం? చక్ఖున్ద్రియం…పే॰… కాయిన్ద్రియం – ఇదం తం రూపం ఇన్ద్రియం ఓళారికం.

950. Katamaṃ taṃ rūpaṃ indriyaṃ oḷārikaṃ? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ oḷārikaṃ.

౯౫౧. కతమం తం రూపం ఇన్ద్రియం సుఖుమం? ఇత్థిన్ద్రియం పురిసిన్ద్రియం జీవితిన్ద్రియం – ఇదం తం రూపం ఇన్ద్రియం సుఖుమం.

951. Katamaṃ taṃ rūpaṃ indriyaṃ sukhumaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ sukhumaṃ.

౯౫౨. కతమం తం రూపం న ఇన్ద్రియం ఓళారికం? రూపాయతనం…పే॰… ఫోట్ఠబ్బాయతనం – ఇదం తం రూపం న ఇన్ద్రియం ఓళారికం.

952. Katamaṃ taṃ rūpaṃ na indriyaṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ oḷārikaṃ.

౯౫౩. కతమం తం రూపం న ఇన్ద్రియం సుఖుమం? కాయవిఞ్ఞత్తి వచీవిఞ్ఞత్తి…పే॰… కబళీకారో ఆహారో – ఇదం తం రూపం న ఇన్ద్రియం సుఖుమం.

953. Katamaṃ taṃ rūpaṃ na indriyaṃ sukhumaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ sukhumaṃ.

౯౫౪. కతమం తం రూపం ఇన్ద్రియం దూరే? ఇత్థిన్ద్రియం పురిసిన్ద్రియం జీవితిన్ద్రియం – ఇదం తం రూపం ఇన్ద్రియం దూరే.

954. Katamaṃ taṃ rūpaṃ indriyaṃ dūre? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ dūre.

౯౫౫. కతమం తం రూపం ఇన్ద్రియం సన్తికే? చక్ఖున్ద్రియం…పే॰… కాయిన్ద్రియం – ఇదం తం రూపం ఇన్ద్రియం సన్తికే.

955. Katamaṃ taṃ rūpaṃ indriyaṃ santike? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ santike.

౯౫౬. కతమం తం రూపం న ఇన్ద్రియం దూరే? కాయవిఞ్ఞత్తి వచీవిఞ్ఞత్తి…పే॰… కబళీకారో ఆహారో – ఇదం తం రూపం న ఇన్ద్రియం దూరే.

956. Katamaṃ taṃ rūpaṃ na indriyaṃ dūre? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ dūre.

౯౫౭. కతమం తం రూపం న ఇన్ద్రియం సన్తికే? రూపాయతనం…పే॰… ఫోట్ఠబ్బాయతనం – ఇదం తం రూపం న ఇన్ద్రియం సన్తికే.

957. Katamaṃ taṃ rūpaṃ na indriyaṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ santike.

౯౫౮. కతమం తం రూపం మహాభూతం ఓళారికం? ఫోట్ఠబ్బాయతనం – ఇదం తం రూపం మహాభూతం ఓళారికం.

958. Katamaṃ taṃ rūpaṃ mahābhūtaṃ oḷārikaṃ? Phoṭṭhabbāyatanaṃ – idaṃ taṃ rūpaṃ mahābhūtaṃ oḷārikaṃ.

౯౫౯. కతమం తం రూపం మహాభూతం సుఖుమం? ఆపోధాతు – ఇదం తం రూపం మహాభూతం సుఖుమం.

959. Katamaṃ taṃ rūpaṃ mahābhūtaṃ sukhumaṃ? Āpodhātu – idaṃ taṃ rūpaṃ mahābhūtaṃ sukhumaṃ.

౯౬౦. కతమం తం రూపం న మహాభూతం ఓళారికం? చక్ఖాయతనం…పే॰… రసాయతనం – ఇదం తం రూపం న మహాభూతం ఓళారికం.

960. Katamaṃ taṃ rūpaṃ na mahābhūtaṃ oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ oḷārikaṃ.

౯౬౧. కతమం తం రూపం న మహాభూతం సుఖుమం? ఇత్థిన్ద్రియం…పే॰… కబళీకారో ఆహారో – ఇదం తం రూపం న మహాభూతం సుఖుమం.

961. Katamaṃ taṃ rūpaṃ na mahābhūtaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ sukhumaṃ.

౯౬౨. కతమం తం రూపం మహాభూతం దూరే? ఆపోధాతు – ఇదం తం రూపం మహాభూతం దూరే.

962. Katamaṃ taṃ rūpaṃ mahābhūtaṃ dūre? Āpodhātu – idaṃ taṃ rūpaṃ mahābhūtaṃ dūre.

౯౬౩. కతమం తం రూపం మహాభూతం సన్తికే? ఫోట్ఠబ్బాయతనం – ఇదం తం రూపం మహాభూతం సన్తికే.

963. Katamaṃ taṃ rūpaṃ mahābhūtaṃ santike? Phoṭṭhabbāyatanaṃ – idaṃ taṃ rūpaṃ mahābhūtaṃ santike.

౯౬౪. కతమం తం రూపం న మహాభూతం దూరే? ఇత్థిన్ద్రియం…పే॰… కబళీకారో ఆహారో – ఇదం తం రూపం న మహాభూతం దూరే.

964. Katamaṃ taṃ rūpaṃ na mahābhūtaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ dūre.

౯౬౫. కతమం తం రూపం న మహాభూతం సన్తికే? చక్ఖాయతనం…పే॰… రసాయతనం – ఇదం తం రూపం న మహాభూతం సన్తికే.

965. Katamaṃ taṃ rūpaṃ na mahābhūtaṃ santike? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ santike.

౯౬౬. రూపాయతనం దిట్ఠం, సద్దాయతనం సుతం, గన్ధాయతనం రసాయతనం ఫోట్ఠబ్బాయతనం ముతం, సబ్బం రూపం మనసా విఞ్ఞాతం రూపం.

966. Rūpāyatanaṃ diṭṭhaṃ, saddāyatanaṃ sutaṃ, gandhāyatanaṃ rasāyatanaṃ phoṭṭhabbāyatanaṃ mutaṃ, sabbaṃ rūpaṃ manasā viññātaṃ rūpaṃ.

ఏవం చతుబ్బిధేన రూపసఙ్గహో.

Evaṃ catubbidhena rūpasaṅgaho.

చతుక్కం.

Catukkaṃ.

పఞ్చకం

Pañcakaṃ

౯౬౭. కతమం తం రూపం పథవీధాతు? యం కక్ఖళం ఖరగతం ¹³ కక్ఖళత్తం కక్ఖళభావో అజ్ఝత్తం వా బహిద్ధా వా ఉపాదిణ్ణం వా అనుపాదిణ్ణం వా – ఇదం తం రూపం పథవీధాతు.

967. Katamaṃ taṃ rūpaṃ pathavīdhātu? Yaṃ kakkhaḷaṃ kharagataṃ ¹⁴ kakkhaḷattaṃ kakkhaḷabhāvo ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ pathavīdhātu.

౯౬౮. కతమం తం రూపం ఆపోధాతు? యం ఆపో ఆపోగతం సినేహో సినేహగతం బన్ధనత్తం రూపస్స అజ్ఝత్తం వా బహిద్ధా వా ఉపాదిణ్ణం వా అనుపాదిణ్ణం వా – ఇదం తం రూపం ఆపోధాతు.

968. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ āpodhātu.

౯౬౯. కతమం తం రూపం తేజోధాతు? యం తేజో తేజోగతం ఉస్మా ఉస్మాగతం ఉసుమం ఉసుమగతం అజ్ఝత్తం వా బహిద్ధా వా ఉపాదిణ్ణం వా అనుపాదిణ్ణం వా – ఇదం తం రూపం తేజోధాతు.

969. Katamaṃ taṃ rūpaṃ tejodhātu? Yaṃ tejo tejogataṃ usmā usmāgataṃ usumaṃ usumagataṃ ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ tejodhātu.

౯౭౦. కతమం తం రూపం వాయోధాతు? యం వాయో వాయోగతం థమ్భితత్తం రూపస్స అజ్ఝత్తం వా బహిద్ధా వా ఉపాదిణ్ణం వా అనుపాదిణ్ణం వా – ఇదం తం రూపం వాయోధాతు.

970. Katamaṃ taṃ rūpaṃ vāyodhātu? Yaṃ vāyo vāyogataṃ thambhitattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ vāyodhātu.

౯౭౧. కతమం తం రూపం ఉపాదా? చక్ఖాయతనం…పే॰… కబళీకారో ఆహారో – ఇదం తం రూపం ఉపాదా.

971. Katamaṃ taṃ rūpaṃ upādā? Cakkhāyatanaṃ…pe… kabaḷīkāro āhāro – idaṃ taṃ rūpaṃ upādā.

ఏవం పఞ్చవిధేన రూపసఙ్గహో.

Evaṃ pañcavidhena rūpasaṅgaho.

పఞ్చకం.

Pañcakaṃ.

ఛక్కం

Chakkaṃ

౯౭౨. రూపాయతనం చక్ఖువిఞ్ఞేయ్యం రూపం, సద్దాయతనం సోతవిఞ్ఞేయ్యం రూపం, గన్ధాయతనం ఘానవిఞ్ఞేయ్యం రూపం, రసాయతనం జివ్హావిఞ్ఞేయ్యం రూపం, ఫోట్ఠబ్బాయతనం కాయవిఞ్ఞేయ్యం రూపం, సబ్బం రూపం మనోవిఞ్ఞేయ్యం రూపం.

972. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, sabbaṃ rūpaṃ manoviññeyyaṃ rūpaṃ.

ఏవం ఛబ్బిధేన రూపసఙ్గహో.

Evaṃ chabbidhena rūpasaṅgaho.

ఛక్కం.

Chakkaṃ.

సత్తకం

Sattakaṃ

౯౭౩. రూపాయతనం చక్ఖువిఞ్ఞేయ్యం రూపం, సద్దాయతనం సోతవిఞ్ఞేయ్యం రూపం, గన్ధాయతనం ఘానవిఞ్ఞేయ్యం రూపం, రసాయతనం జివ్హావిఞ్ఞేయ్యం రూపం, ఫోట్ఠబ్బాయతనం కాయవిఞ్ఞేయ్యం రూపం, రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం మనోధాతువిఞ్ఞేయ్యం రూపం, సబ్బం రూపం మనోవిఞ్ఞాణధాతువిఞ్ఞేయ్యం రూపం.

973. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

ఏవం సత్తవిధేన రూపసఙ్గహో.

Evaṃ sattavidhena rūpasaṅgaho.

సత్తకం.

Sattakaṃ.

అట్ఠకం

Aṭṭhakaṃ

౯౭౪. రూపాయతనం చక్ఖువిఞ్ఞేయ్యం రూపం, సద్దాయతనం సోతవిఞ్ఞేయ్యం రూపం, గన్ధాయతనం ఘానవిఞ్ఞేయ్యం రూపం, రసాయతనం జివ్హావిఞ్ఞేయ్యం రూపం, మనాపియో ఫోట్ఠబ్బో సుఖసమ్ఫస్సో కాయవిఞ్ఞేయ్యం రూపం, అమనాపియో ఫోట్ఠబ్బో దుక్ఖసమ్ఫస్సో కాయవిఞ్ఞేయ్యం రూపం, రూపాయతనం సద్దాయతనం గన్ధాయతనం రసాయతనం ఫోట్ఠబ్బాయతనం మనోధాతువిఞ్ఞేయ్యం రూపం, సబ్బం రూపం మనోవిఞ్ఞాణధాతువిఞ్ఞేయ్యం రూపం.

974. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, manāpiyo phoṭṭhabbo sukhasamphasso kāyaviññeyyaṃ rūpaṃ, amanāpiyo phoṭṭhabbo dukkhasamphasso kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

ఏవం అట్ఠవిధేన రూపసఙ్గహో.

Evaṃ aṭṭhavidhena rūpasaṅgaho.

అట్ఠకం.

Aṭṭhakaṃ.

నవకం

Navakaṃ

౯౭౫. కతమం తం రూపం చక్ఖున్ద్రియం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం చక్ఖున్ద్రియం .

975. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ .

౯౭౬. కతమం తం రూపం సోతిన్ద్రియం…పే॰… ఘానిన్ద్రియం…పే॰… జివ్హిన్ద్రియం…పే॰… కాయిన్ద్రియం …పే॰… ఇత్థిన్ద్రియం…పే॰… పురిసిన్ద్రియం…పే॰… జీవితిన్ద్రియం? యో తేసం రూపీనం ధమ్మానం ఆయు ఠితి యపనా యాపనా ఇరియనా వత్తనా పాలనా జీవితం జీవితిన్ద్రియం – ఇదం తం రూపం జీవితిన్ద్రియం.

976. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ …pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

౯౭౭. కతమం తం రూపం న ఇన్ద్రియం? రూపాయతనం…పే॰… కబళీకారో ఆహారో – ఇదం తం రూపం న ఇన్ద్రియం.

977. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

ఏవం నవవిధేన రూపసఙ్గహో.

Evaṃ navavidhena rūpasaṅgaho.

నవకం.

Navakaṃ.

దసకం

Dasakaṃ

౯౭౮. కతమం తం రూపం చక్ఖున్ద్రియం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం చక్ఖున్ద్రియం.

978. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

౯౭౯. కతమం తం రూపం సోతిన్ద్రియం…పే॰… ఘానిన్ద్రియం…పే॰… జివ్హిన్ద్రియం…పే॰… కాయిన్ద్రియం…పే॰… ఇత్థిన్ద్రియం…పే॰… పురిసిన్ద్రియం…పే॰… జీవితిన్ద్రియం? యో తేసం రూపీనం ధమ్మానం ఆయు ఠితి యపనా యాపనా ఇరియనా వత్తనా పాలనా జీవితం జీవితిన్ద్రియం – ఇదం తం రూపం జీవితిన్ద్రియం.

979. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ…pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

౯౮౦. కతమం తం రూపం న ఇన్ద్రియం సప్పటిఘం? రూపాయతనం…పే॰… ఫోట్ఠబ్బాయతనం – ఇదం తం రూపం న ఇన్ద్రియం సప్పటిఘం.

980. Katamaṃ taṃ rūpaṃ na indriyaṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ sappaṭighaṃ.

౯౮౧. కతమం తం రూపం న ఇన్ద్రియం అప్పటిఘం? కాయవిఞ్ఞత్తి…పే॰… కబళీకారో ఆహారో – ఇదం తం రూపం న ఇన్ద్రియం అప్పటిఘం.

981. Katamaṃ taṃ rūpaṃ na indriyaṃ appaṭighaṃ? Kāyaviññatti…pe… kabaḷīkāro āhāro – idaṃ taṃ rūpaṃ na indriyaṃ appaṭighaṃ.

ఏవం దసవిధేన రూపసఙ్గహో.

Evaṃ dasavidhena rūpasaṅgaho.

దసకం.

Dasakaṃ.

ఏకాదసకం

Ekādasakaṃ

౯౮౨. కతమం తం రూపం చక్ఖాయతనం? యం చక్ఖు చతున్నం మహాభూతానం ఉపాదాయ పసాదో…పే॰… సుఞ్ఞో గామో పేసో – ఇదం తం రూపం చక్ఖాయతనం .

982. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ .

౯౮౩. కతమం తం రూపం సోతాయతనం…పే॰… ఘానాయతనం…పే॰… జివ్హాయతనం…పే॰… కాయాయతనం…పే॰… రూపాయతనం…పే॰… సద్దాయతనం…పే॰… గన్ధాయతనం…పే॰… రసాయతనం…పే॰… ఫోట్ఠబ్బాయతనం? పథవీధాతు…పే॰… ఫోట్ఠబ్బధాతు పేసా – ఇదం తం రూపం ఫోట్ఠబ్బాయతనం.

983. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ…pe… rūpāyatanaṃ…pe… saddāyatanaṃ…pe… gandhāyatanaṃ…pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

౯౮౪. కతమం తం రూపం అనిదస్సనం అప్పటిఘం ధమ్మాయతనపరియాపన్నం? ఇత్థిన్ద్రియం…పే॰… కబళీకారో ఆహారో – ఇదం తం రూపం అనిదస్సనం అప్పటిఘం ధమ్మాయతనపరియాపన్నం.

984. Katamaṃ taṃ rūpaṃ anidassanaṃ appaṭighaṃ dhammāyatanapariyāpannaṃ? Itthindriyaṃ…pe… kabaḷīkāro āhāro – idaṃ taṃ rūpaṃ anidassanaṃ appaṭighaṃ dhammāyatanapariyāpannaṃ.

ఏవం ఏకాదసవిధేన రూపసఙ్గహో.

Evaṃ ekādasavidhena rūpasaṅgaho.

ఏకాదసకం.

Ekādasakaṃ.

అట్ఠమభాణవారో.

Aṭṭhamabhāṇavāro.

రూపవిభత్తి.

Rūpavibhatti.

రూపకణ్డం నిట్ఠితం.

Rūpakaṇḍaṃ niṭṭhitaṃ.

Next: ౩. నిక్ఖేపకణ్డం • 3. Nikkhepakaṇḍaṃ

Footnotes: