Library / Tipiṭaka / តិបិដក • Tipiṭaka / ធម្មសង្គណីបាឡិ • Dhammasaṅgaṇīpāḷi

រូបវិភត្តិ

Rūpavibhatti

ឯកកនិទ្ទេសោ

Ekakaniddeso

៥៩៤. សព្ពំ រូបំ ន ហេតុមេវ, អហេតុកមេវ, ហេតុវិប្បយុត្តមេវ, សប្បច្ចយមេវ, សង្ខតមេវ, រូបមេវ, លោកិយមេវ, សាសវមេវ, សំយោជនិយមេវ, គន្ថនិយមេវ, ឱឃនិយមេវ, យោគនិយមេវ, នីវរណិយមេវ, បរាមដ្ឋមេវ, ឧបាទានិយមេវ, សំកិលេសិកមេវ, អព្យាកតមេវ, អនារម្មណមេវ, អចេតសិកមេវ, ចិត្តវិប្បយុត្តមេវ, នេវវិបាកនវិបាកធម្មធម្មមេវ, អសំកិលិដ្ឋសំកិលេសិកមេវ, ន សវិតក្កសវិចារមេវ, ន អវិតក្កវិចារមត្តមេវ, អវិតក្កអវិចារមេវ , ន បីតិសហគតមេវ, ន សុខសហគតមេវ, ន ឧបេក្ខាសហគតមេវ, នេវ ទស្សនេន ន ភាវនាយ បហាតព្ពមេវ, នេវ ទស្សនេន ន ភាវនាយ បហាតព្ពហេតុកមេវ, នេវ អាចយគាមិ ន អបចយគាមិមេវ, នេវសេក្ខនាសេក្ខមេវ, បរិត្តមេវ, កាមាវចរមេវ, ន រូបាវចរមេវ, ន អរូបាវចរមេវ, បរិយាបន្នមេវ, នោ អបរិយាបន្នមេវ, អនិយតមេវ, អនិយ្យានិកមេវ, ឧប្បន្នំ ឆហិ វិញ្ញាណេហិ វិញ្ញេយ្យមេវ, អនិច្ចមេវ, ជរាភិភូតមេវ។

594. Sabbaṃ rūpaṃ na hetumeva, ahetukameva, hetuvippayuttameva, sappaccayameva, saṅkhatameva, rūpameva, lokiyameva, sāsavameva, saṃyojaniyameva, ganthaniyameva, oghaniyameva, yoganiyameva, nīvaraṇiyameva, parāmaṭṭhameva, upādāniyameva, saṃkilesikameva, abyākatameva, anārammaṇameva, acetasikameva, cittavippayuttameva, nevavipākanavipākadhammadhammameva, asaṃkiliṭṭhasaṃkilesikameva, na savitakkasavicārameva, na avitakkavicāramattameva, avitakkaavicārameva , na pītisahagatameva, na sukhasahagatameva, na upekkhāsahagatameva, neva dassanena na bhāvanāya pahātabbameva, neva dassanena na bhāvanāya pahātabbahetukameva, neva ācayagāmi na apacayagāmimeva, nevasekkhanāsekkhameva, parittameva, kāmāvacarameva, na rūpāvacarameva, na arūpāvacarameva, pariyāpannameva, no apariyāpannameva, aniyatameva, aniyyānikameva, uppannaṃ chahi viññāṇehi viññeyyameva, aniccameva, jarābhibhūtameva.

ឯវំ ឯកវិធេន រូបសង្គហោ។

Evaṃ ekavidhena rūpasaṅgaho.

ឯកកនិទ្ទេសោ។

Ekakaniddeso.

ទុកនិទ្ទេសោ

Dukaniddeso

ឧបាទាភាជនីយំ

Upādābhājanīyaṃ

៥៩៥. កតមំ តំ រូបំ ឧបាទា? ចក្ខាយតនំ, សោតាយតនំ, ឃានាយតនំ, ជិវ្ហាយតនំ, កាយាយតនំ, រូបាយតនំ, សទ្ទាយតនំ, គន្ធាយតនំ, រសាយតនំ, ឥត្ថិន្ទ្រិយំ, បុរិសិន្ទ្រិយំ, ជីវិតិន្ទ្រិយំ, កាយវិញ្ញត្តិ, វចីវិញ្ញត្តិ, អាកាសធាតុ, រូបស្ស លហុតា, រូបស្ស មុទុតា, រូបស្ស កម្មញ្ញតា, រូបស្ស ឧបចយោ, រូបស្ស សន្តតិ, រូបស្ស ជរតា, រូបស្ស អនិច្ចតា, កពឡីការោ អាហារោ។

595. Katamaṃ taṃ rūpaṃ upādā? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, itthindriyaṃ, purisindriyaṃ, jīvitindriyaṃ, kāyaviññatti, vacīviññatti, ākāsadhātu, rūpassa lahutā, rūpassa mudutā, rūpassa kammaññatā, rūpassa upacayo, rūpassa santati, rūpassa jaratā, rūpassa aniccatā, kabaḷīkāro āhāro.

៥៩៦. កតមំ តំ រូបំ ចក្ខាយតនំ? យំ ចក្ខុ ¹ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន ចក្ខុនា អនិទស្សនេន សប្បដិឃេន រូបំ សនិទស្សនំ សប្បដិឃំ បស្សិ វា បស្សតិ វា បស្សិស្សតិ វា បស្សេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោបេសោ – ឥទំ តំ រូបំ ចក្ខាយតនំ។

596. Katamaṃ taṃ rūpaṃ cakkhāyatanaṃ? Yaṃ cakkhu ² catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena cakkhunā anidassanena sappaṭighena rūpaṃ sanidassanaṃ sappaṭighaṃ passi vā passati vā passissati vā passe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ cakkhāyatanaṃ.

៥៩៧. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ ចក្ខុម្ហិ អនិទស្សនម្ហិ សប្បដិឃម្ហិ រូបំ សនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ចក្ខាយតនំ។

597. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

៥៩៨. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ចក្ខុ អនិទស្សនំ សប្បដិឃំ រូបម្ហិ សនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ចក្ខាយតនំ។

598. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhu anidassanaṃ sappaṭighaṃ rūpamhi sanidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

៥៩៩. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ចក្ខុំ និស្សាយ រូបំ អារព្ភ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ចក្ខុំ និស្សាយ រូបំ អារព្ភ ចក្ខុសម្ផស្សជា វេទនា…បេ.… សញ្ញា…បេ.… ចេតនា…បេ.… ចក្ខុវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ចក្ខុំ និស្សាយ រូបារម្មណោ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ចក្ខុំ និស្សាយ រូបារម្មណា ចក្ខុសម្ផស្សជា វេទនា…បេ.… សញ្ញា…បេ.… ចេតនា…បេ.… ចក្ខុវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ចក្ខាយតនំ។

599. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhuṃ nissāya rūpaṃ ārabbha cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpaṃ ārabbha cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇo cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇā cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

៦០០. កតមំ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន សោតេន អនិទស្សនេន សប្បដិឃេន សទ្ទំ អនិទស្សនំ សប្បដិឃំ សុណិ វា សុណាតិ វា សុណិស្សតិ វា សុណេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ។

600. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena sotena anidassanena sappaṭighena saddaṃ anidassanaṃ sappaṭighaṃ suṇi vā suṇāti vā suṇissati vā suṇe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

៦០១. កតមំ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ សោតម្ហិ អនិទស្សនម្ហិ សប្បដិឃម្ហិ សទ្ទោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ។

601. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi sotamhi anidassanamhi sappaṭighamhi saddo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

៦០២. កតមំ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ សោតំ អនិទស្សនំ សប្បដិឃំ សទ្ទម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ។

602. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ anidassanaṃ sappaṭighaṃ saddamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

៦០៣. កតមំ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ សោតំ និស្សាយ សទ្ទំ អារព្ភ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ សោតំ និស្សាយ សទ្ទំ អារព្ភ សោតសម្ផស្សជា វេទនា…បេ.… សញ្ញា…បេ.… ចេតនា…បេ.… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ សោតំ និស្សាយ សទ្ទារម្មណោ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ សោតំ និស្សាយ សទ្ទារម្មណា សោតសម្ផស្សជា វេទនា…បេ.… សញ្ញា…បេ.… ចេតនា…បេ.… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ។

603. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ nissāya saddaṃ ārabbha sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddaṃ ārabbha sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇo sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇā sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

៦០៤. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន ឃានេន អនិទស្សនេន សប្បដិឃេន គន្ធំ អនិទស្សនំ សប្បដិឃំ ឃាយិ វា ឃាយតិ វា ឃាយិស្សតិ វា ឃាយេ វា, ឃានំ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ឃានាយតនំ។

604. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena ghānena anidassanena sappaṭighena gandhaṃ anidassanaṃ sappaṭighaṃ ghāyi vā ghāyati vā ghāyissati vā ghāye vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

៦០៥. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ ឃានម្ហិ អនិទស្សនម្ហិ សប្បដិឃម្ហិ គន្ធោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ឃានំ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ឃានាយតនំ។

605. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi ghānamhi anidassanamhi sappaṭighamhi gandho anidassano sappaṭigho paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

៦០៦. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ឃានំ អនិទស្សនំ សប្បដិឃំ គន្ធម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ឃានំ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោបេសោ – ឥទំ តំ រូបំ ឃានាយតនំ។

606. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ anidassanaṃ sappaṭighaṃ gandhamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ ghānāyatanaṃ.

៦០៧. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ឃានំ និស្សាយ គន្ធំ អារព្ភ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ឃានំ និស្សាយ គន្ធំ អារព្ភ ឃានសម្ផស្សជា វេទនា…បេ.… សញ្ញា…បេ.… ចេតនា…បេ.… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ឃានំ និស្សាយ គន្ធារម្មណោ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ឃានំ និស្សាយ គន្ធារម្មណា ឃានសម្ផស្សជា វេទនា…បេ.… សញ្ញា…បេ.… ចេតនា…បេ.… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ឃានំ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ឃានាយតនំ។

607. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ nissāya gandhaṃ ārabbha ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhaṃ ārabbha ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇo ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇā ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

៦០៨. កតមំ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យាយ ជិវ្ហាយ អនិទស្សនាយ សប្បដិឃាយ រសំ អនិទស្សនំ សប្បដិឃំ សាយិ វា សាយតិ វា សាយិស្សតិ វា សាយេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ។

608. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya rasaṃ anidassanaṃ sappaṭighaṃ sāyi vā sāyati vā sāyissati vā sāye vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

៦០៩. កតមំ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យាយ ជិវ្ហាយ អនិទស្សនាយ សប្បដិឃាយ រសោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ។

609. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya raso anidassano sappaṭigho paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

៦១០. កតមំ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យា ជិវ្ហា អនិទស្សនា សប្បដិឃា រសម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ។

610. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yā jivhā anidassanā sappaṭighā rasamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

៦១១. កតមំ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ជិវ្ហំ និស្សាយ រសំ អារព្ភ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ជិវ្ហំ និស្សាយ រសំ អារព្ភ ជិវ្ហាសម្ផស្សជា វេទនា…បេ.… សញ្ញា…បេ.… ចេតនា…បេ.… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ជិវ្ហំ និស្សាយ រសារម្មណោ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ជិវ្ហំ និស្សាយ រសារម្មណា ជិវ្ហាសម្ផស្សជា វេទនា…បេ.… សញ្ញា…បេ.… ចេតនា…បេ.… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ។

611. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ jivhaṃ nissāya rasaṃ ārabbha jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasaṃ ārabbha jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇo jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇā jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

៦១២. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន កាយេន អនិទស្សនេន សប្បដិឃេន ផោដ្ឋព្ពំ អនិទស្សនសប្បដិឃំ ផុសិ វា ផុសតិ វា ផុសិស្សតិ វា ផុសេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ។

612. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena kāyena anidassanena sappaṭighena phoṭṭhabbaṃ anidassanasappaṭighaṃ phusi vā phusati vā phusissati vā phuse vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

៦១៣. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ កាយម្ហិ អនិទស្សនម្ហិ សប្បដិឃម្ហិ ផោដ្ឋព្ពោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ។

613. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi kāyamhi anidassanamhi sappaṭighamhi phoṭṭhabbo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

៦១៤. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យោ កាយោ អនិទស្សនោ សប្បដិឃោ ផោដ្ឋព្ពម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ។

614. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yo kāyo anidassano sappaṭigho phoṭṭhabbamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

៦១៥. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ កាយំ និស្សាយ ផោដ្ឋព្ពំ អារព្ភ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ កាយំ និស្សាយ ផោដ្ឋព្ពំ អារព្ភ កាយសម្ផស្សជា វេទនា…បេ.… សញ្ញា…បេ.… ចេតនា…បេ.… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ កាយំ និស្សាយ ផោដ្ឋព្ពារម្មណោ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ កាយំ និស្សាយ ផោដ្ឋព្ពារម្មណា កាយសម្ផស្សជា វេទនា…បេ.… សញ្ញា…បេ.… ចេតនា…បេ.… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ។

615. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ kāyaṃ nissāya phoṭṭhabbaṃ ārabbha kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbaṃ ārabbha kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇo kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇā kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

៦១៦. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ³ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ⁴ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស ⁵ វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យំ រូបំ សនិទស្សនំ សប្បដិឃំ ចក្ខុនា អនិទស្សនេន សប្បដិឃេន បស្សិ វា បស្សតិ វា បស្សិស្សតិ វា បស្សេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ។

616. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ ⁶ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ ⁷ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa ⁸ vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhunā anidassanena sappaṭighena passi vā passati vā passissati vā passe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

៦១៧. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យម្ហិ រូបម្ហិ សនិទស្សនម្ហិ សប្បដិឃម្ហិ ចក្ខុំ អនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ។

617. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yamhi rūpamhi sanidassanamhi sappaṭighamhi cakkhuṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

៦១៨. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យំ រូបំ សនិទស្សនំ សប្បដិឃំ ចក្ខុម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ។

618. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhumhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

៦១៩. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យំ រូបំ អារព្ភ ចក្ខុំ និស្សាយ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ រូបំ អារព្ភ ចក្ខុំ និស្សាយ ចក្ខុសម្ផស្សជា វេទនា…បេ.… សញ្ញា…បេ.… ចេតនា…បេ.… ចក្ខុវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ រូបារម្មណោ ចក្ខុំ និស្សាយ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ រូបារម្មណា ចក្ខុំ និស្សាយ ចក្ខុសម្ផស្សជា វេទនា…បេ.… សញ្ញា…បេ.… ចេតនា…បេ.… ចក្ខុវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ។

619. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ ārabbha cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpaṃ ārabbha cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ rūpārammaṇo cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpārammaṇā cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

៦២០. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ សទ្ទំ អនិទស្សនំ សប្បដិឃំ សោតេន អនិទស្សនេន សប្បដិឃេន សុណិ វា សុណាតិ វា សុណិស្សតិ វា សុណេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ។

620. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ anidassanaṃ sappaṭighaṃ sotena anidassanena sappaṭighena suṇi vā suṇāti vā suṇissati vā suṇe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

៦២១. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យម្ហិ សទ្ទម្ហិ អនិទស្សនម្ហិ សប្បដិឃម្ហិ សោតំ អនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ។

621. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yamhi saddamhi anidassanamhi sappaṭighamhi sotaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

៦២២. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យោ សទ្ទោ អនិទស្សនោ សប្បដិឃោ សោតម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ។

622. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yo saddo anidassano sappaṭigho sotamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

៦២៣. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ សទ្ទំ អារព្ភ សោតំ និស្សាយ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ សទ្ទំ អារព្ភ សោតំ និស្សាយ សោតសម្ផស្សជា វេទនា…បេ.… សញ្ញា…បេ.… ចេតនា…បេ.… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ សទ្ទារម្មណោ សោតំ និស្សាយ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ សទ្ទារម្មណា សោតំ និស្សាយ សោតសម្ផស្សជា វេទនា…បេ.… សញ្ញា…បេ.… ចេតនា…បេ.… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ។

623. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ ārabbha sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddaṃ ārabbha sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ saddārammaṇo sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddārammaṇā sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

៦២៤. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ , យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ គន្ធំ អនិទស្សនំ សប្បដិឃំ ឃានេន អនិទស្សនេន សប្បដិឃេន ឃាយិ វា ឃាយតិ វា ឃាយិស្សតិ វា ឃាយេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ។

624. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho , yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ anidassanaṃ sappaṭighaṃ ghānena anidassanena sappaṭighena ghāyi vā ghāyati vā ghāyissati vā ghāye vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

៦២៥. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ, យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យម្ហិ គន្ធម្ហិ អនិទស្សនម្ហិ សប្បដិឃម្ហិ ឃានំ អនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ។

625. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yamhi gandhamhi anidassanamhi sappaṭighamhi ghānaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

៦២៦. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ, យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យោ គន្ធោ អនិទស្សនោ សប្បដិឃោ ឃានម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ។

626. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yo gandho anidassano sappaṭigho ghānamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

៦២៧. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ, យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ គន្ធំ អារព្ភ ឃានំ និស្សាយ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ គន្ធំ អារព្ភ ឃានំ និស្សាយ ឃានសម្ផស្សជា វេទនា…បេ.… សញ្ញា…បេ.… ចេតនា…បេ.… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ គន្ធារម្មណោ ឃានំ និស្សាយ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ គន្ធារម្មណា ឃានំ និស្សាយ ឃានសម្ផស្សជា វេទនា…បេ.… សញ្ញា…បេ.… ចេតនា…បេ.… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ។

627. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ ārabbha ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhaṃ ārabbha ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ gandhārammaṇo ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhārammaṇā ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

៦២៨. កតមំ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ ⁹ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ រសំ អនិទស្សនំ សប្បដិឃំ ជិវ្ហាយ អនិទស្សនាយ សប្បដិឃាយ សាយិ វា សាយតិ វា សាយិស្សតិ វា សាយេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ។

628. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ ¹⁰ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ anidassanaṃ sappaṭighaṃ jivhāya anidassanāya sappaṭighāya sāyi vā sāyati vā sāyissati vā sāye vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

៦២៩. កតមំ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យម្ហិ រសម្ហិ អនិទស្សនម្ហិ សប្បដិឃម្ហិ ជិវ្ហា អនិទស្សនា សប្បដិឃា បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ។

629. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yamhi rasamhi anidassanamhi sappaṭighamhi jivhā anidassanā sappaṭighā paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

៦៣០. កតមំ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យោ រសោ អនិទស្សនោ សប្បដិឃោ ជិវ្ហាយ អនិទស្សនាយ សប្បដិឃាយ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ។

630. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yo raso anidassano sappaṭigho jivhāya anidassanāya sappaṭighāya paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

៦៣១. កតមំ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ រសំ អារព្ភ ជិវ្ហំ និស្សាយ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ រសំ អារព្ភ ជិវ្ហំ និស្សាយ ជិវ្ហាសម្ផស្សជា វេទនា…បេ.… សញ្ញា…បេ.… ចេតនា…បេ.… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ រសារម្មណោ ជិវ្ហំ និស្សាយ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ រសារម្មណា ជិវ្ហំ និស្សាយ ជិវ្ហាសម្ផស្សជា វេទនា…បេ.… សញ្ញា…បេ.… ចេតនា…បេ.… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ។

631. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ ārabbha jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasaṃ ārabbha jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ rasārammaṇo jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasārammaṇā jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

៦៣២. កតមំ តំ រូបំ ឥត្ថិន្ទ្រិយំ? យំ ឥត្ថិយា ឥត្ថិលិង្គំ ឥត្ថិនិមិត្តំ ឥត្ថិកុត្តំ ឥត្ថាកប្បោ ឥត្ថត្តំ ឥត្ថិភាវោ ¹¹ – ឥទំ តំ រូបំ ឥត្ថិន្ទ្រិយំ។

632. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo ¹² – idaṃ taṃ rūpaṃ itthindriyaṃ.

៦៣៣. កតមំ តំ រូបំ បុរិសិន្ទ្រិយំ? យំ បុរិសស្ស បុរិសលិង្គំ បុរិសនិមិត្តំ បុរិសកុត្តំ បុរិសាកប្បោ បុរិសត្តំ បុរិសភាវោ – ឥទំ តំ រូបំ បុរិសិន្ទ្រិយំ។

633. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

៦៣៤. កតមំ តំ រូបំ ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ។

634. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

៦៣៥. កតមំ តំ រូបំ កាយវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា អភិក្កមន្តស្ស វា បដិក្កមន្តស្ស វា អាលោកេន្តស្ស វា វិលោកេន្តស្ស វា សមិញ្ជេន្តស្ស វា បសារេន្តស្ស វា កាយស្ស ថម្ភនា សន្ថម្ភនា សន្ថម្ភិតត្តំ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ កាយវិញ្ញត្តិ។

635. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

៦៣៦. កតមំ តំ រូបំ វចីវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា វាចា គិរា ព្យប្បថោ ឧទីរណំ ឃោសោ ឃោសកម្មំ វាចា វចីភេទោ – អយំ វុច្ចតិ វាចា។ យា តាយ វាចាយ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ វចីវិញ្ញត្តិ។

636. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo – ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

៦៣៧. កតមំ តំ រូបំ អាកាសធាតុ? យោ អាកាសោ អាកាសគតំ អឃំ អឃគតំ វិវរោ វិវរគតំ អសម្ផុដ្ឋំ ចតូហិ មហាភូតេហិ – ឥទំ តំ រូបំ អាកាសធាតុ។

637. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

៦៣៨. កតមំ តំ រូបំ រូបស្ស លហុតា? យា រូបស្ស លហុតា លហុបរិណាមតា អទន្ធនតា អវិត្ថនតា – ឥទំ តំ រូបំ រូបស្ស លហុតា។

638. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā.

៦៣៩. កតមំ តំ រូបំ រូបស្ស មុទុតា? យា រូបស្ស មុទុតា មទ្ទវតា អកក្ខឡតា អកថិនតា – ឥទំ តំ រូបំ រូបស្ស មុទុតា។

639. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

៦៤០. កតមំ តំ រូបំ រូបស្ស កម្មញ្ញតា? យា រូបស្ស កម្មញ្ញតា កម្មញ្ញត្តំ កម្មញ្ញភាវោ – ឥទំ តំ រូបំ រូបស្ស កម្មញ្ញតា។

640. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

៦៤១. កតមំ តំ រូបំ រូបស្ស ឧបចយោ? យោ អាយតនានំ អាចយោ, សោ រូបស្ស ឧបចយោ – ឥទំ តំ រូបំ រូបស្ស ឧបចយោ។

641. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

៦៤២. កតមំ តំ រូបំ រូបស្ស សន្តតិ? យោ រូបស្ស ឧបចយោ, សា រូបស្ស សន្តតិ – ឥទំ តំ រូបំ រូបស្ស សន្តតិ។

642. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

៦៤៣. កតមំ តំ រូបំ រូបស្ស ជរតា? យា រូបស្ស ជរា ជីរណតា ខណ្ឌិច្ចំ បាលិច្ចំ វលិត្តចតា អាយុនោ សំហានិ ឥន្ទ្រិយានំ បរិបាកោ – ឥទំ តំ រូបំ រូបស្ស ជរតា។

643. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

៦៤៤. កតមំ តំ រូបំ រូបស្ស អនិច្ចតា? យោ រូបស្ស ខយោ វយោ ភេទោ បរិភេទោ អនិច្ចតា អន្តរធានំ – ឥទំ តំ រូបំ រូបស្ស អនិច្ចតា។

644. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

៦៤៥. កតមំ តំ រូបំ កពឡីការោ អាហារោ? ឱទនោ កុម្មាសោ សត្តុ មច្ឆោ មំសំ ខីរំ ទធិ សប្បិ នវនីតំ តេលំ មធុ ផាណិតំ, យំ វា បនញ្ញម្បិ អត្ថិ រូបំ យម្ហិ យម្ហិ ជនបទេ តេសំ តេសំ សត្តានំ មុខាសិយំ ទន្តវិខាទនំ គលជ្ឈោហរណីយំ កុច្ឆិវិត្ថម្ភនំ, យាយ ឱជាយ សត្តា យាបេន្តិ – ឥទំ តំ រូបំ កពឡីការោ អាហារោ។

645. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

ឥទំ តំ រូបំ ឧបាទា។

Idaṃ taṃ rūpaṃ upādā.

ឧបាទាភាជនីយំ។

Upādābhājanīyaṃ.

រូបកណ្ឌេ បឋមភាណវារោ។

Rūpakaṇḍe paṭhamabhāṇavāro.

៦៤៦. កតមំ តំ រូបំ នោ ឧបាទា? ផោដ្ឋព្ពាយតនំ, អាបោធាតុ។

646. Katamaṃ taṃ rūpaṃ no upādā? Phoṭṭhabbāyatanaṃ, āpodhātu.

៦៤៧. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យំ ផោដ្ឋព្ពំ អនិទស្សនំ សប្បដិឃំ កាយេន អនិទស្សនេន សប្បដិឃេន ផុសិ វា ផុសតិ វា ផុសិស្សតិ វា ផុសេ វា ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ។

647. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ anidassanaṃ sappaṭighaṃ kāyena anidassanena sappaṭighena phusi vā phusati vā phusissati vā phuse vā phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

៦៤៨. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យម្ហិ ផោដ្ឋព្ពម្ហិ អនិទស្សនម្ហិ សប្បដិឃម្ហិ កាយោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ។

648. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yamhi phoṭṭhabbamhi anidassanamhi sappaṭighamhi kāyo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

៦៤៩. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យោ ផោដ្ឋព្ពោ អនិទស្សនោ សប្បដិឃោ កាយម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ។

649. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yo phoṭṭhabbo anidassano sappaṭigho kāyamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

៦៥០. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យំ ផោដ្ឋព្ពំ អារព្ភ កាយំ និស្សាយ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ផោដ្ឋព្ពំ អារព្ភ កាយំ និស្សាយ កាយសម្ផស្សជា វេទនា…បេ.… សញ្ញា…បេ.… ចេតនា…បេ.… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ផោដ្ឋព្ពារម្មណោ កាយំ និស្សាយ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ.… យំ ផោដ្ឋព្ពារម្មណា កាយំ និស្សាយ កាយសម្ផស្សជា វេទនា…បេ.… សញ្ញា…បេ.… ចេតនា…បេ.… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ។

650. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ ārabbha kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbaṃ ārabbha kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇo kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇā kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

៦៥១. កតមំ តំ រូបំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស – ឥទំ តំ រូបំ អាបោធាតុ។

651. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

ឥទំ តំ រូបំ នោ ឧបាទា។

Idaṃ taṃ rūpaṃ no upādā.

៦៥២. កតមំ តំ រូបំ ឧបាទិណ្ណំ? ចក្ខាយតនំ សោតាយតនំ ឃានាយតនំ ជិវ្ហាយតនំ កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ។

652. Katamaṃ taṃ rūpaṃ upādiṇṇaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ.

៦៥៣. កតមំ តំ រូបំ អនុបាទិណ្ណំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ។

653. Katamaṃ taṃ rūpaṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ.

៦៥៤. កតមំ តំ រូបំ ឧបាទិណ្ណុបាទានិយំ? ចក្ខាយតនំ…បេ.… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ។

654. Katamaṃ taṃ rūpaṃ upādiṇṇupādāniyaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ.

៦៥៥. កតមំ តំ រូបំ អនុបាទិណ្ណុបាទានិយំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា, រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ។

655. Katamaṃ taṃ rūpaṃ anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā, rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ.

៦៥៦. កតមំ តំ រូបំ សនិទស្សនំ? រូបាយតនំ – ឥទំ តំ រូបំ សនិទស្សនំ។

656. Katamaṃ taṃ rūpaṃ sanidassanaṃ? Rūpāyatanaṃ – idaṃ taṃ rūpaṃ sanidassanaṃ.

៦៥៧. កតមំ តំ រូបំ អនិទស្សនំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ អនិទស្សនំ។

657. Katamaṃ taṃ rūpaṃ anidassanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ anidassanaṃ.

៦៥៨. កតមំ តំ រូបំ សប្បដិឃំ? ចក្ខាយតនំ សោតាយតនំ ឃានាយតនំ ជិវ្ហាយតនំ កាយាយតនំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ សប្បដិឃំ។

658. Katamaṃ taṃ rūpaṃ sappaṭighaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ sappaṭighaṃ.

៦៥៩. កតមំ តំ រូបំ អប្បដិឃំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ អប្បដិឃំ។

659. Katamaṃ taṃ rūpaṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ.

៦៦០. កតមំ តំ រូបំ ឥន្ទ្រិយំ? ចក្ខុន្ទ្រិយំ សោតិន្ទ្រិយំ ឃានិន្ទ្រិយំ ជិវ្ហិន្ទ្រិយំ កាយិន្ទ្រិយំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ឥន្ទ្រិយំ។

660. Katamaṃ taṃ rūpaṃ indriyaṃ? Cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ.

៦៦១. កតមំ តំ រូបំ ន ឥន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ន ឥន្ទ្រិយំ។

661. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

៦៦២. កតមំ តំ រូបំ មហាភូតំ? ផោដ្ឋព្ពាយតនំ អាបោធាតុ – ឥទំ តំ រូបំ មហាភូតំ។

662. Katamaṃ taṃ rūpaṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ mahābhūtaṃ.

៦៦៣. កតមំ តំ រូបំ ន មហាភូតំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន មហាភូតំ។

663. Katamaṃ taṃ rūpaṃ na mahābhūtaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na mahābhūtaṃ.

៦៦៤. កតមំ តំ រូបំ វិញ្ញត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ វិញ្ញត្តិ។

664. Katamaṃ taṃ rūpaṃ viññatti? Kāyaviññatti vacīviññatti – idaṃ taṃ rūpaṃ viññatti.

៦៦៥. កតមំ តំ រូបំ ន វិញ្ញត្តិ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន វិញ្ញត្តិ។

665. Katamaṃ taṃ rūpaṃ na viññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na viññatti.

៦៦៦. កតមំ តំ រូបំ ចិត្តសមុដ្ឋានំ? កាយវិញ្ញត្តិ វចីវិញ្ញត្តិ យំ វា បនញ្ញម្បិ អត្ថិ រូបំ ចិត្តជំ ចិត្តហេតុកំ ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ចិត្តសមុដ្ឋានំ។

666. Katamaṃ taṃ rūpaṃ cittasamuṭṭhānaṃ? Kāyaviññatti vacīviññatti yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ cittasamuṭṭhānaṃ.

៦៦៧. កតមំ តំ រូបំ ន ចិត្តសមុដ្ឋានំ? ចក្ខាយតនំ…បេ.… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន ចិត្តជំ ន ចិត្តហេតុកំ ន ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ន ចិត្តសមុដ្ឋានំ។

667. Katamaṃ taṃ rūpaṃ na cittasamuṭṭhānaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ na cittasamuṭṭhānaṃ.

៦៦៨. កតមំ តំ រូបំ ចិត្តសហភុ? កាយវិញ្ញត្តិ វចីវិញ្ញត្តិ – ឥទំ តំ រូបំ ចិត្តសហភុ។

668. Katamaṃ taṃ rūpaṃ cittasahabhu? Kāyaviññatti vacīviññatti – idaṃ taṃ rūpaṃ cittasahabhu.

៦៦៩. កតមំ តំ រូបំ ន ចិត្តសហភុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន ចិត្តសហភុ។

669. Katamaṃ taṃ rūpaṃ na cittasahabhu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittasahabhu.

៦៧០. កតមំ តំ រូបំ ចិត្តានុបរិវត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ ចិត្តានុបរិវត្តិ។

670. Katamaṃ taṃ rūpaṃ cittānuparivatti? Kāyaviññatti vacīviññatti – idaṃ taṃ rūpaṃ cittānuparivatti.

៦៧១. កតមំ តំ រូបំ ន ចិត្តានុបរិវត្តិ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន ចិត្តានុបរិវត្តិ។

671. Katamaṃ taṃ rūpaṃ na cittānuparivatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittānuparivatti.

៦៧២. កតមំ តំ រូបំ អជ្ឈត្តិកំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ។

672. Katamaṃ taṃ rūpaṃ ajjhattikaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ.

៦៧៣. កតមំ តំ រូបំ ពាហិរំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ។

673. Katamaṃ taṃ rūpaṃ bāhiraṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ.

៦៧៤. កតមំ តំ រូបំ ឱឡារិកំ? ចក្ខាយតនំ…បេ.… ផោដ្ឋព្ពាយតនំ – ឥទំ តំ រូបំ ឱឡារិកំ។

674. Katamaṃ taṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ oḷārikaṃ.

៦៧៥. កតមំ តំ រូបំ សុខុមំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ សុខុមំ។

675. Katamaṃ taṃ rūpaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ sukhumaṃ.

៦៧៦. កតមំ តំ រូបំ ទូរេ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ទូរេ។

676. Katamaṃ taṃ rūpaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ dūre.

៦៧៧. កតមំ តំ រូបំ សន្តិកេ? ចក្ខាយតនំ…បេ.… ផោដ្ឋព្ពាយតនំ – ឥទំ តំ រូបំ សន្តិកេ។

677. Katamaṃ taṃ rūpaṃ santike? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ santike.

៦៧៨. កតមំ តំ រូបំ ចក្ខុសម្ផស្សស្ស វត្ថុ? ចក្ខាយតនំ – ឥទំ តំ រូបំ ចក្ខុសម្ផស្សស្ស វត្ថុ។

678. Katamaṃ taṃ rūpaṃ cakkhusamphassassa vatthu? Cakkhāyatanaṃ – idaṃ taṃ rūpaṃ cakkhusamphassassa vatthu.

៦៧៩. កតមំ តំ រូបំ ចក្ខុសម្ផស្សស្ស ន វត្ថុ? សោតាយតនំ…បេ.… កពឡីការោ អាហារោ – ឥទំ តំ រូបំ ចក្ខុសម្ផស្សស្ស ន វត្ថុ។

679. Katamaṃ taṃ rūpaṃ cakkhusamphassassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na vatthu.

៦៨០. កតមំ តំ រូបំ ចក្ខុសម្ផស្សជាយ វេទនាយ…បេ.… សញ្ញាយ…បេ.… ចេតនាយ …បេ.… ចក្ខុវិញ្ញាណស្ស វត្ថុ? ចក្ខាយតនំ – ឥទំ តំ រូបំ ចក្ខុវិញ្ញាណស្ស វត្ថុ។

680. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya …pe… cakkhuviññāṇassa vatthu? Cakkhāyatanaṃ – idaṃ taṃ rūpaṃ cakkhuviññāṇassa vatthu.

៦៨១. កតមំ តំ រូបំ ចក្ខុវិញ្ញាណស្ស ន វត្ថុ? សោតាយតនំ…បេ.… កពឡីការោ អាហារោ – ឥទំ តំ រូបំ ចក្ខុវិញ្ញាណស្ស ន វត្ថុ។

681. Katamaṃ taṃ rūpaṃ cakkhuviññāṇassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na vatthu.

៦៨២. កតមំ តំ រូបំ សោតសម្ផស្សស្ស…បេ.… ឃានសម្ផស្សស្ស…បេ.… ជិវ្ហាសម្ផស្សស្ស…បេ.… កាយសម្ផស្សស្ស វត្ថុ? កាយាយតនំ – ឥទំ តំ រូបំ កាយសម្ផស្សស្ស វត្ថុ។

682. Katamaṃ taṃ rūpaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa vatthu? Kāyāyatanaṃ – idaṃ taṃ rūpaṃ kāyasamphassassa vatthu.

៦៨៣. កតមំ តំ រូបំ កាយសម្ផស្សស្ស ន វត្ថុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ កាយសម្ផស្សស្ស ន វត្ថុ។

683. Katamaṃ taṃ rūpaṃ kāyasamphassassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na vatthu.

៦៨៤. កតមំ តំ រូបំ កាយសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… កាយវិញ្ញាណស្ស វត្ថុ? កាយាយតនំ – ឥទំ តំ រូបំ កាយវិញ្ញាណស្ស វត្ថុ។

684. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa vatthu? Kāyāyatanaṃ – idaṃ taṃ rūpaṃ kāyaviññāṇassa vatthu.

៦៨៥. កតមំ តំ រូបំ កាយវិញ្ញាណស្ស ន វត្ថុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ កាយវិញ្ញាណស្ស ន វត្ថុ។

685. Katamaṃ taṃ rūpaṃ kāyaviññāṇassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na vatthu.

៦៨៦. កតមំ តំ រូបំ ចក្ខុសម្ផស្សស្ស អារម្មណំ? រូបាយតនំ – ឥទំ តំ រូបំ ចក្ខុសម្ផស្សស្ស អារម្មណំ។

686. Katamaṃ taṃ rūpaṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ cakkhusamphassassa ārammaṇaṃ.

៦៨៧. កតមំ តំ រូបំ ចក្ខុសម្ផស្សស្ស ន អារម្មណំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ចក្ខុសម្ផស្សស្ស ន អារម្មណំ។

687. Katamaṃ taṃ rūpaṃ cakkhusamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na ārammaṇaṃ.

៦៨៨. កតមំ តំ រូបំ ចក្ខុសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… ចក្ខុវិញ្ញាណស្ស អារម្មណំ? រូបាយតនំ – ឥទំ តំ រូបំ ចក្ខុវិញ្ញាណស្ស អារម្មណំ។

688. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ cakkhuviññāṇassa ārammaṇaṃ.

៦៨៩. កតមំ តំ រូបំ ចក្ខុវិញ្ញាណស្ស ន អារម្មណំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ចក្ខុវិញ្ញាណស្ស ន អារម្មណំ។

689. Katamaṃ taṃ rūpaṃ cakkhuviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na ārammaṇaṃ.

៦៩០. កតមំ តំ រូបំ សោតសម្ផស្សស្ស…បេ.… ឃានសម្ផស្សស្ស …បេ.… ជិវ្ហាសម្ផស្សស្ស…បេ.… កាយសម្ផស្សស្ស អារម្មណំ? ផោដ្ឋព្ពាយតនំ – ឥទំ តំ រូបំ កាយសម្ផស្សស្ស អារម្មណំ។

690. Katamaṃ taṃ rūpaṃ sotasamphassassa…pe… ghānasamphassassa …pe… jivhāsamphassassa…pe… kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyasamphassassa ārammaṇaṃ.

៦៩១. កតមំ តំ រូបំ កាយសម្ផស្សស្ស ន អារម្មណំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ កាយសម្ផស្សស្ស ន អារម្មណំ។

691. Katamaṃ taṃ rūpaṃ kāyasamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na ārammaṇaṃ.

៦៩២. កតមំ តំ រូបំ កាយសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… កាយវិញ្ញាណស្ស អារម្មណំ? ផោដ្ឋព្ពាយតនំ – ឥទំ តំ រូបំ កាយវិញ្ញាណស្ស អារម្មណំ។

692. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyaviññāṇassa ārammaṇaṃ.

៦៩៣. កតមំ តំ រូបំ កាយវិញ្ញាណស្ស ន អារម្មណំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ កាយវិញ្ញាណស្ស ន អារម្មណំ។

693. Katamaṃ taṃ rūpaṃ kāyaviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na ārammaṇaṃ.

៦៩៤. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ ចក្ខាយតនំ។

694. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ.

៦៩៥. កតមំ តំ រូបំ ន ចក្ខាយតនំ? សោតាយតនំ…បេ.… កពឡីការោ អាហារោ – ឥទំ តំ រូបំ ន ចក្ខាយតនំ។

695. Katamaṃ taṃ rūpaṃ na cakkhāyatanaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhāyatanaṃ.

៦៩៦. កតមំ តំ រូបំ សោតាយតនំ…បេ.… ឃានាយតនំ…បេ.… ជិវ្ហាយតនំ…បេ.… កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ កាយាយតនំ។

696. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyāyatanaṃ.

៦៩៧. កតមំ តំ រូបំ ន កាយាយតនំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន កាយាយតនំ។

697. Katamaṃ taṃ rūpaṃ na kāyāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyāyatanaṃ.

៦៩៨. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា…បេ.… រូបធាតុ បេសា – ឥទំ តំ រូបំ រូបាយតនំ។

698. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ rūpāyatanaṃ.

៦៩៩. កតមំ តំ រូបំ ន រូបាយតនំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន រូបាយតនំ។

699. Katamaṃ taṃ rūpaṃ na rūpāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpāyatanaṃ.

៧០០. កតមំ តំ រូបំ សទ្ទាយតនំ…បេ.… គន្ធាយតនំ …បេ.… រសាយតនំ…បេ.… ផោដ្ឋព្ពាយតនំ? បថវីធាតុ…បេ.… ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ។

700. Katamaṃ taṃ rūpaṃ saddāyatanaṃ…pe… gandhāyatanaṃ …pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

៧០១. កតមំ តំ រូបំ ន ផោដ្ឋព្ពាយតនំ ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន ផោដ្ឋព្ពាយតនំ។

701. Katamaṃ taṃ rūpaṃ na phoṭṭhabbāyatanaṃ ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbāyatanaṃ.

៧០២. កតមំ តំ រូបំ ចក្ខុធាតុ? ចក្ខាយតនំ – ឥទំ តំ រូបំ ចក្ខុធាតុ។

702. Katamaṃ taṃ rūpaṃ cakkhudhātu? Cakkhāyatanaṃ – idaṃ taṃ rūpaṃ cakkhudhātu.

៧០៣. កតមំ តំ រូបំ ន ចក្ខុធាតុ? សោតាយតនំ…បេ.… កពឡីការោ អាហារោ – ឥទំ តំ រូបំ ន ចក្ខុធាតុ។

703. Katamaṃ taṃ rūpaṃ na cakkhudhātu? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhudhātu.

៧០៤. កតមំ តំ រូបំ សោតធាតុ…បេ.… ឃានធាតុ…បេ.… ជិវ្ហាធាតុ…បេ.… កាយធាតុ? កាយាយតនំ – ឥទំ តំ រូបំ កាយធាតុ។

704. Katamaṃ taṃ rūpaṃ sotadhātu…pe… ghānadhātu…pe… jivhādhātu…pe… kāyadhātu? Kāyāyatanaṃ – idaṃ taṃ rūpaṃ kāyadhātu.

៧០៥. កតមំ តំ រូបំ ន កាយធាតុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន កាយធាតុ។

705. Katamaṃ taṃ rūpaṃ na kāyadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyadhātu.

៧០៦. កតមំ តំ រូបំ រូបធាតុ? រូបាយតនំ – ឥទំ តំ រូបំ រូបធាតុ។

706. Katamaṃ taṃ rūpaṃ rūpadhātu? Rūpāyatanaṃ – idaṃ taṃ rūpaṃ rūpadhātu.

៧០៧. កតមំ តំ រូបំ ន រូបធាតុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន រូបធាតុ។

707. Katamaṃ taṃ rūpaṃ na rūpadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpadhātu.

៧០៨. កតមំ តំ រូបំ សទ្ទធាតុ…បេ.… គន្ធធាតុ…បេ.… រសធាតុ…បេ.… ផោដ្ឋព្ពធាតុ? ផោដ្ឋព្ពាយតនំ – ឥទំ តំ រូបំ ផោដ្ឋព្ពធាតុ។

708. Katamaṃ taṃ rūpaṃ saddadhātu…pe… gandhadhātu…pe… rasadhātu…pe… phoṭṭhabbadhātu? Phoṭṭhabbāyatanaṃ – idaṃ taṃ rūpaṃ phoṭṭhabbadhātu.

៧០៩. កតមំ តំ រូបំ ន ផោដ្ឋព្ពធាតុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន ផោដ្ឋព្ពធាតុ។

709. Katamaṃ taṃ rūpaṃ na phoṭṭhabbadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbadhātu.

៧១០. កតមំ តំ រូបំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ ចក្ខុន្ទ្រិយំ។

710. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

៧១១. កតមំ តំ រូបំ ន ចក្ខុន្ទ្រិយំ? សោតាយតនំ…បេ.… កពឡីការោ អាហារោ – ឥទំ តំ រូបំ ន ចក្ខុន្ទ្រិយំ។

711. Katamaṃ taṃ rūpaṃ na cakkhundriyaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhundriyaṃ.

៧១២. កតមំ តំ រូបំ សោតិន្ទ្រិយំ…បេ.… ឃានិន្ទ្រិយំ…បេ.… ជិវ្ហិន្ទ្រិយំ…បេ.… កាយិន្ទ្រិយំ? យោ កាយោ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ កាយិន្ទ្រិយំ។

712. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyindriyaṃ.

៧១៣. កតមំ តំ រូបំ ន កាយិន្ទ្រិយំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន កាយិន្ទ្រិយំ។

713. Katamaṃ taṃ rūpaṃ na kāyindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyindriyaṃ.

៧១៤. កតមំ តំ រូបំ ឥត្ថិន្ទ្រិយំ? យំ ឥត្ថិយា ឥត្ថិលិង្គំ ឥត្ថិនិមិត្តំ ឥត្ថិកុត្តំ ឥត្ថាកប្បោ ឥត្ថត្តំ ឥត្ថិភាវោ – ឥទំ តំ រូបំ ឥត្ថិន្ទ្រិយំ។

714. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ itthindriyaṃ.

៧១៥. កតមំ តំ រូបំ ន ឥត្ថិន្ទ្រិយំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន ឥត្ថិន្ទ្រិយំ។

715. Katamaṃ taṃ rūpaṃ na itthindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na itthindriyaṃ.

៧១៦. កតមំ តំ រូបំ បុរិសិន្ទ្រិយំ? យំ បុរិសស្ស បុរិសលិង្គំ បុរិសនិមិត្តំ បុរិសកុត្តំ បុរិសាកប្បោ បុរិសត្តំ បុរិសភាវោ – ឥទំ តំ រូបំ បុរិសិន្ទ្រិយំ។

716. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

៧១៧. កតមំ តំ រូបំ ន បុរិសិន្ទ្រិយំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន បុរិសិន្ទ្រិយំ។

717. Katamaṃ taṃ rūpaṃ na purisindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na purisindriyaṃ.

៧១៨. កតមំ តំ រូបំ ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ។

718. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

៧១៩. កតមំ តំ រូបំ ន ជីវិតិន្ទ្រិយំ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន ជីវិតិន្ទ្រិយំ។

719. Katamaṃ taṃ rūpaṃ na jīvitindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na jīvitindriyaṃ.

៧២០. កតមំ តំ រូបំ កាយវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា អភិក្កមន្តស្ស វា បដិក្កមន្តស្ស វា អាលោកេន្តស្ស វា វិលោកេន្តស្ស វា សមិញ្ជេន្តស្ស វា បសារេន្តស្ស វា កាយស្ស ថម្ភនា សន្ថម្ភនា សន្ថម្ភិតត្តំ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ កាយវិញ្ញត្តិ។

720. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

៧២១. កតមំ តំ រូបំ ន កាយវិញ្ញត្តិ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន កាយវិញ្ញត្តិ។

721. Katamaṃ taṃ rūpaṃ na kāyaviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyaviññatti.

៧២២. កតមំ តំ រូបំ វចីវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា វាចា គិរា ព្យប្បថោ ឧទីរណំ ឃោសោ ឃោសកម្មំ វាចា វចីភេទោ, អយំ វុច្ចតិ វាចា។ យា តាយ វាចាយ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ វចីវិញ្ញត្តិ។

722. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

៧២៣. កតមំ តំ រូបំ ន វចីវិញ្ញត្តិ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន វចីវិញ្ញត្តិ។

723. Katamaṃ taṃ rūpaṃ na vacīviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na vacīviññatti.

៧២៤. កតមំ តំ រូបំ អាកាសធាតុ? យោ អាកាសោ អាកាសគតំ អឃំ អឃគតំ វិវរោ វិវរគតំ អសម្ផុដ្ឋំ ចតូហិ មហាភូតេហិ – ឥទំ តំ រូបំ អាកាសធាតុ។

724. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

៧២៥. កតមំ តំ រូបំ ន អាកាសធាតុ? ចក្ខាយតនំ …បេ.… កពឡីការោ អាហារោ – ឥទំ តំ រូបំ ន អាកាសធាតុ។

725. Katamaṃ taṃ rūpaṃ na ākāsadhātu? Cakkhāyatanaṃ …pe… kabaḷīkāro āhāro – idaṃ taṃ rūpaṃ na ākāsadhātu.

៧២៦. កតមំ តំ រូបំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស – ឥទំ តំ រូបំ អាបោធាតុ។

726. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

៧២៧. កតមំ តំ រូបំ ន អាបោធាតុ? ចក្ខាយតនំ…បេ.… កពឡីការោ អាហារោ – ឥទំ តំ រូបំ ន អាបោធាតុ។

727. Katamaṃ taṃ rūpaṃ na āpodhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na āpodhātu.

៧២៨. កតមំ តំ រូបំ រូបស្ស លហុតា? យា រូបស្ស លហុតា លហុបរិណាមតា អទន្ធនតា អវិត្ថនតា – ឥទំ តំ រូបំ រូបស្ស លហុតា ។

728. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā .

៧២៩. កតមំ តំ រូបំ រូបស្ស ន លហុតា? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន លហុតា។

729. Katamaṃ taṃ rūpaṃ rūpassa na lahutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na lahutā.

៧៣០. កតមំ តំ រូបំ រូបស្ស មុទុតា? យា រូបស្ស មុទុតា មទ្ទវតា អកក្ខឡតា អកថិនតា – ឥទំ តំ រូបំ រូបស្ស មុទុតា។

730. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

៧៣១. កតមំ តំ រូបំ រូបស្ស ន មុទុតា? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន មុទុតា។

731. Katamaṃ taṃ rūpaṃ rūpassa na mudutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na mudutā.

៧៣២. កតមំ តំ រូបំ រូបស្ស កម្មញ្ញតា? យា រូបស្ស កម្មញ្ញតា កម្មញ្ញត្តំ កម្មញ្ញភាវោ – ឥទំ តំ រូបំ រូបស្ស កម្មញ្ញតា។

732. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

៧៣៣. កតមំ តំ រូបំ រូបស្ស ន កម្មញ្ញតា? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន កម្មញ្ញតា។

733. Katamaṃ taṃ rūpaṃ rūpassa na kammaññatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na kammaññatā.

៧៣៤. កតមំ តំ រូបំ រូបស្ស ឧបចយោ? យោ អាយតនានំ អាចយោ, សោ រូបស្ស ឧបចយោ – ឥទំ តំ រូបំ រូបស្ស ឧបចយោ។

734. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

៧៣៥. កតមំ តំ រូបំ រូបស្ស ន ឧបចយោ? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន ឧបចយោ។

735. Katamaṃ taṃ rūpaṃ rūpassa na upacayo? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na upacayo.

៧៣៦. កតមំ តំ រូបំ រូបស្ស សន្តតិ? យោ រូបស្ស ឧបចយោ, សា រូបស្ស សន្តតិ – ឥទំ តំ រូបំ រូបស្ស សន្តតិ។

736. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

៧៣៧. កតមំ តំ រូបំ រូបស្ស ន សន្តតិ? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន សន្តតិ។

737. Katamaṃ taṃ rūpaṃ rūpassa na santati? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na santati.

៧៣៨. កតមំ តំ រូបំ រូបស្ស ជរតា? យា រូបស្ស ជរា ជីរណតា ខណ្ឌិច្ចំ បាលិច្ចំ វលិត្តចតា អាយុនោ សំហានិ ឥន្ទ្រិយានំ បរិបាកោ – ឥទំ តំ រូបំ រូបស្ស ជរតា។

738. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

៧៣៩. កតមំ តំ រូបំ រូបស្ស ន ជរតា? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន ជរតា។

739. Katamaṃ taṃ rūpaṃ rūpassa na jaratā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na jaratā.

៧៤០. កតមំ តំ រូបំ រូបស្ស អនិច្ចតា? យោ រូបស្ស ខយោ វយោ ភេទោ បរិភេទោ អនិច្ចតា អន្តរធានំ – ឥទំ តំ រូបំ រូបស្ស អនិច្ចតា។

740. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

៧៤១. កតមំ តំ រូបំ រូបស្ស ន អនិច្ចតា? ចក្ខាយតនំ…បេ.… កពឡីការោ អាហារោ – ឥទំ តំ រូបំ រូបស្ស ន អនិច្ចតា។

741. Katamaṃ taṃ rūpaṃ rūpassa na aniccatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na aniccatā.

៧៤២. កតមំ តំ រូបំ កពឡីការោ អាហារោ? ឱទនោ កុម្មាសោ សត្តុ មច្ឆោ មំសំ ខីរំ ទធិ សប្បិ នវនីតំ តេលំ មធុ ផាណិតំ, យំ វា បនញ្ញម្បិ អត្ថិ រូបំ យម្ហិ យម្ហិ ជនបទេ តេសំ តេសំ សត្តានំ មុខាសិយំ ទន្តវិខាទនំ គលជ្ឈោហរណីយំ កុច្ឆិវិត្ថម្ភនំ, យាយ ឱជាយ សត្តា យាបេន្តិ – ឥទំ តំ រូបំ កពឡីការោ អាហារោ។

742. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

៧៤៣. កតមំ តំ រូបំ ន កពឡីការោ អាហារោ? ចក្ខាយតនំ…បេ.… រូបស្ស អនិច្ចតា – ឥទំ តំ រូបំ ន កពឡីការោ អាហារោ។

743. Katamaṃ taṃ rūpaṃ na kabaḷīkāro āhāro? Cakkhāyatanaṃ…pe… rūpassa aniccatā – idaṃ taṃ rūpaṃ na kabaḷīkāro āhāro.

ឯវំ ទុវិធេន រូបសង្គហោ។

Evaṃ duvidhena rūpasaṅgaho.

ទុកនិទ្ទេសោ។

Dukaniddeso.

តិកនិទ្ទេសោ

Tikaniddeso

៧៤៤. កតមំ តំ រូបំ អជ្ឈត្តិកំ ឧបាទា? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ឧបាទា។

744. Katamaṃ taṃ rūpaṃ ajjhattikaṃ upādā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādā.

៧៤៥. កតមំ តំ រូបំ ពាហិរំ ឧបាទា? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ឧបាទា។

745. Katamaṃ taṃ rūpaṃ bāhiraṃ upādā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ upādā.

៧៤៦. កតមំ តំ រូបំ ពាហិរំ នោ ឧបាទា? ផោដ្ឋព្ពាយតនំ អាបោធាតុ – ឥទំ តំ រូបំ ពាហិរំ នោ ឧបាទា។

746. Katamaṃ taṃ rūpaṃ bāhiraṃ no upādā? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ no upādā.

៧៤៧. កតមំ តំ រូបំ អជ្ឈត្តិកំ ឧបាទិណ្ណំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ឧបាទិណ្ណំ។

747. Katamaṃ taṃ rūpaṃ ajjhattikaṃ upādiṇṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇaṃ.

៧៤៨. កតមំ តំ រូបំ ពាហិរំ ឧបាទិណ្ណំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ឧបាទិណ្ណំ។

748. Katamaṃ taṃ rūpaṃ bāhiraṃ upādiṇṇaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇaṃ.

៧៤៩. កតមំ តំ រូបំ ពាហិរំ អនុបាទិណ្ណំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ អនុបាទិណ្ណំ។

749. Katamaṃ taṃ rūpaṃ bāhiraṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇaṃ.

៧៥០. កតមំ តំ រូបំ អជ្ឈត្តិកំ ឧបាទិណ្ណុបាទានិយំ។ ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ឧបាទិណ្ណុបាទានិយំ។

750. Katamaṃ taṃ rūpaṃ ajjhattikaṃ upādiṇṇupādāniyaṃ. Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇupādāniyaṃ.

៧៥១. កតមំ តំ រូបំ ពាហិរំ ឧបាទិណ្ណុបាទានិយំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ឧបាទិណ្ណុបាទានិយំ។

751. Katamaṃ taṃ rūpaṃ bāhiraṃ upādiṇṇupādāniyaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇupādāniyaṃ.

៧៥២. កតមំ តំ រូបំ ពាហិរំ អនុបាទិណ្ណុបាទានិយំ ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ អនុបាទិណ្ណុបាទានិយំ។

752. Katamaṃ taṃ rūpaṃ bāhiraṃ anupādiṇṇupādāniyaṃ ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇupādāniyaṃ.

៧៥៣. កតមំ តំ រូបំ អជ្ឈត្តិកំ អនិទស្សនំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ អនិទស្សនំ។

753. Katamaṃ taṃ rūpaṃ ajjhattikaṃ anidassanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ anidassanaṃ.

៧៥៤. កតមំ តំ រូបំ ពាហិរំ សនិទស្សនំ? រូបាយតនំ – ឥទំ តំ រូបំ ពាហិរំ សនិទស្សនំ។

754. Katamaṃ taṃ rūpaṃ bāhiraṃ sanidassanaṃ? Rūpāyatanaṃ – idaṃ taṃ rūpaṃ bāhiraṃ sanidassanaṃ.

៧៥៥. កតមំ តំ រូបំ ពាហិរំ អនិទស្សនំ? សទ្ទាយតនំ …បេ.… កពឡីការោ អាហារោ – ឥទំ តំ រូបំ ពាហិរំ អនិទស្សនំ។

755. Katamaṃ taṃ rūpaṃ bāhiraṃ anidassanaṃ? Saddāyatanaṃ …pe… kabaḷīkāro āhāro – idaṃ taṃ rūpaṃ bāhiraṃ anidassanaṃ.

៧៥៦. កតមំ តំ រូបំ អជ្ឈត្តិកំ សប្បដិឃំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ សប្បដិឃំ។

756. Katamaṃ taṃ rūpaṃ ajjhattikaṃ sappaṭighaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ sappaṭighaṃ.

៧៥៧. កតមំ តំ រូបំ ពាហិរំ សប្បដិឃំ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ ពាហិរំ សប្បដិឃំ។

757. Katamaṃ taṃ rūpaṃ bāhiraṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ sappaṭighaṃ.

៧៥៨. កតមំ តំ រូបំ ពាហិរំ អប្បដិឃំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ពាហិរំ អប្បដិឃំ។

758. Katamaṃ taṃ rūpaṃ bāhiraṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ appaṭighaṃ.

៧៥៩. កតមំ តំ រូបំ អជ្ឈត្តិកំ ឥន្ទ្រិយំ? ចក្ខុន្ទ្រិយំ…បេ.… កាយិន្ទ្រិយំ – ឥទំ តំ រូបំ អជ្ឈត្តិកំ ឥន្ទ្រិយំ។

759. Katamaṃ taṃ rūpaṃ ajjhattikaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ ajjhattikaṃ indriyaṃ.

៧៦០. កតមំ តំ រូបំ ពាហិរំ ឥន្ទ្រិយំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ពាហិរំ ឥន្ទ្រិយំ។

760. Katamaṃ taṃ rūpaṃ bāhiraṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ bāhiraṃ indriyaṃ.

៧៦១. កតមំ តំ រូបំ ពាហិរំ ន ឥន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ឥន្ទ្រិយំ។

761. Katamaṃ taṃ rūpaṃ bāhiraṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na indriyaṃ.

៧៦២. កតមំ តំ រូបំ អជ្ឈត្តិកំ ន មហាភូតំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន មហាភូតំ។

762. Katamaṃ taṃ rūpaṃ ajjhattikaṃ na mahābhūtaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na mahābhūtaṃ.

៧៦៣. កតមំ តំ រូបំ ពាហិរំ មហាភូតំ? ផោដ្ឋព្ពាយតនំ អាបោធាតុ – ឥទំ តំ រូបំ ពាហិរំ មហាភូតំ។

763. Katamaṃ taṃ rūpaṃ bāhiraṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ mahābhūtaṃ.

៧៦៤. កតមំ តំ រូបំ ពាហិរំ ន មហាភូតំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន មហាភូតំ។

764. Katamaṃ taṃ rūpaṃ bāhiraṃ na mahābhūtaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na mahābhūtaṃ.

៧៦៥. កតមំ តំ រូបំ អជ្ឈត្តិកំ ន វិញ្ញត្តិ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន វិញ្ញត្តិ?

765. Katamaṃ taṃ rūpaṃ ajjhattikaṃ na viññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na viññatti?

៧៦៦. កតមំ តំ រូបំ ពាហិរំ វិញ្ញត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ ពាហិរំ វិញ្ញត្តិ។

766. Katamaṃ taṃ rūpaṃ bāhiraṃ viññatti? Kāyaviññatti vacīviññatti – idaṃ taṃ rūpaṃ bāhiraṃ viññatti.

៧៦៧. កតមំ តំ រូបំ ពាហិរំ ន វិញ្ញត្តិ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន វិញ្ញត្តិ។

767. Katamaṃ taṃ rūpaṃ bāhiraṃ na viññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na viññatti.

៧៦៨. កតមំ តំ រូបំ អជ្ឈត្តិកំ ន ចិត្តសមុដ្ឋានំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ចិត្តសមុដ្ឋានំ។

768. Katamaṃ taṃ rūpaṃ ajjhattikaṃ na cittasamuṭṭhānaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasamuṭṭhānaṃ.

៧៦៩. កតមំ តំ រូបំ ពាហិរំ ចិត្តសមុដ្ឋានំ? កាយវិញ្ញត្តិ វចីវិញ្ញត្តិ, យំ វា បនញ្ញម្បិ អត្ថិ រូបំ ចិត្តជំ ចិត្តហេតុកំ ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ចិត្តសមុដ្ឋានំ។

769. Katamaṃ taṃ rūpaṃ bāhiraṃ cittasamuṭṭhānaṃ? Kāyaviññatti vacīviññatti, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ cittasamuṭṭhānaṃ.

៧៧០. កតមំ តំ រូបំ ពាហិរំ ន ចិត្តសមុដ្ឋានំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន ចិត្តជំ ន ចិត្តហេតុកំ ន ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ន ចិត្តសមុដ្ឋានំ។

770. Katamaṃ taṃ rūpaṃ bāhiraṃ na cittasamuṭṭhānaṃ? Itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ na cittasamuṭṭhānaṃ.

៧៧១. កតមំ តំ រូបំ អជ្ឈត្តិកំ ន ចិត្តសហភុ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ចិត្តសហភុ។

771. Katamaṃ taṃ rūpaṃ ajjhattikaṃ na cittasahabhu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasahabhu.

៧៧២. កតមំ តំ រូបំ ពាហិរំ ចិត្តសហភុ? កាយវិញ្ញត្តិ វចីវិញ្ញត្តិ – ឥទំ តំ រូបំ ពាហិរំ ចិត្តសហភុ។

772. Katamaṃ taṃ rūpaṃ bāhiraṃ cittasahabhu? Kāyaviññatti vacīviññatti – idaṃ taṃ rūpaṃ bāhiraṃ cittasahabhu.

៧៧៣. កតមំ តំ រូបំ ពាហិរំ ន ចិត្តសហភុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ចិត្តសហភុ?

773. Katamaṃ taṃ rūpaṃ bāhiraṃ na cittasahabhu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittasahabhu?

៧៧៤. កតមំ តំ រូបំ អជ្ឈត្តិកំ ន ចិត្តានុបរិវត្តិ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ចិត្តានុបរិវត្តិ។

774. Katamaṃ taṃ rūpaṃ ajjhattikaṃ na cittānuparivatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittānuparivatti.

៧៧៥. កតមំ តំ រូបំ ពាហិរំ ចិត្តានុបរិវត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ ពាហិរំ ចិត្តានុបរិវត្តិ។

775. Katamaṃ taṃ rūpaṃ bāhiraṃ cittānuparivatti? Kāyaviññatti vacīviññatti – idaṃ taṃ rūpaṃ bāhiraṃ cittānuparivatti.

៧៧៦. កតមំ តំ រូបំ ពាហិរំ ន ចិត្តានុបរិវត្តិ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ចិត្តានុបរិវត្តិ។

776. Katamaṃ taṃ rūpaṃ bāhiraṃ na cittānuparivatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittānuparivatti.

៧៧៧. កតមំ តំ រូបំ អជ្ឈត្តិកំ ឱឡារិកំ? ចក្ខាយតនំ …បេ.… កាយាយតនំ – ឥទំ តំ រូបំ អជ្ឈត្តិកំ ឱឡារិកំ។

777. Katamaṃ taṃ rūpaṃ ajjhattikaṃ oḷārikaṃ? Cakkhāyatanaṃ …pe… kāyāyatanaṃ – idaṃ taṃ rūpaṃ ajjhattikaṃ oḷārikaṃ.

៧៧៨. កតមំ តំ រូបំ ពាហិរំ ឱឡារិកំ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ ពាហិរំ ឱឡារិកំ។

778. Katamaṃ taṃ rūpaṃ bāhiraṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ oḷārikaṃ.

៧៧៩. កតមំ តំ រូបំ ពាហិរំ សុខុមំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ពាហិរំ សុខុមំ។

779. Katamaṃ taṃ rūpaṃ bāhiraṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ sukhumaṃ.

៧៨០. កតមំ តំ រូបំ អជ្ឈត្តិកំ សន្តិកេ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ សន្តិកេ។

780. Katamaṃ taṃ rūpaṃ ajjhattikaṃ santike? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ santike.

៧៨១. កតមំ តំ រូបំ ពាហិរំ ទូរេ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ពាហិរំ ទូរេ។

781. Katamaṃ taṃ rūpaṃ bāhiraṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ dūre.

៧៨២. កតមំ តំ រូបំ ពាហិរំ សន្តិកេ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ ពាហិរំ សន្តិកេ។

782. Katamaṃ taṃ rūpaṃ bāhiraṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ santike.

៧៨៣. កតមំ តំ រូបំ ពាហិរំ ចក្ខុសម្ផស្សស្ស ន វត្ថុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ចក្ខុសម្ផស្សស្ស ន វត្ថុ។

783. Katamaṃ taṃ rūpaṃ bāhiraṃ cakkhusamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na vatthu.

៧៨៤. កតមំ តំ រូបំ អជ្ឈត្តិកំ ចក្ខុសម្ផស្សស្ស វត្ថុ? ចក្ខាយតនំ – ឥទំ តំ រូបំ អជ្ឈត្តិកំ ចក្ខុសម្ផស្សស្ស វត្ថុ។

784. Katamaṃ taṃ rūpaṃ ajjhattikaṃ cakkhusamphassassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhusamphassassa vatthu.

៧៨៥. កតមំ តំ រូបំ អជ្ឈត្តិកំ ចក្ខុសម្ផស្សស្ស ន វត្ថុ? សោតាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ចក្ខុសម្ផស្សស្ស ន វត្ថុ។

785. Katamaṃ taṃ rūpaṃ ajjhattikaṃ cakkhusamphassassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na vatthu.

៧៨៦. កតមំ តំ រូបំ ពាហិរំ ចក្ខុសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… ចក្ខុវិញ្ញាណស្ស ន វត្ថុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ចក្ខុវិញ្ញាណស្ស ន វត្ថុ។

786. Katamaṃ taṃ rūpaṃ bāhiraṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na vatthu.

៧៨៧. កតមំ តំ រូបំ អជ្ឈត្តិកំ ចក្ខុវិញ្ញាណស្ស វត្ថុ? ចក្ខាយតនំ – ឥទំ តំ រូបំ អជ្ឈត្តិកំ ចក្ខុវិញ្ញាណស្ស វត្ថុ។

787. Katamaṃ taṃ rūpaṃ ajjhattikaṃ cakkhuviññāṇassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhuviññāṇassa vatthu.

៧៨៨. កតមំ តំ រូបំ អជ្ឈត្តិកំ ចក្ខុវិញ្ញាណស្ស ន វត្ថុ? សោតាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ចក្ខុវិញ្ញាណស្ស ន វត្ថុ?

788. Katamaṃ taṃ rūpaṃ ajjhattikaṃ cakkhuviññāṇassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na vatthu?

៧៨៩. កតមំ តំ រូបំ ពាហិរំ សោតសម្ផស្សស្ស…បេ.… ឃានសម្ផស្សស្ស…បេ.… ជិវ្ហាសម្ផស្សស្ស…បេ.… កាយសម្ផស្សស្ស ន វត្ថុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ កាយសម្ផស្សស្ស ន វត្ថុ។

789. Katamaṃ taṃ rūpaṃ bāhiraṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na vatthu.

៧៩០. កតមំ តំ រូបំ អជ្ឈត្តិកំ កាយសម្ផស្សស្ស វត្ថុ? កាយាយតនំ – ឥទំ តំ រូបំ អជ្ឈត្តិកំ កាយសម្ផស្សស្ស វត្ថុ។

790. Katamaṃ taṃ rūpaṃ ajjhattikaṃ kāyasamphassassa vatthu? Kāyāyatanaṃ – idaṃ taṃ rūpaṃ ajjhattikaṃ kāyasamphassassa vatthu.

៧៩១. កតមំ តំ រូបំ អជ្ឈត្តិកំ កាយសម្ផស្សស្ស ន វត្ថុ? ចក្ខាយតនំ…បេ.… ជិវ្ហាយតនំ – ឥទំ តំ រូបំ អជ្ឈត្តិកំ កាយសម្ផស្សស្ស ន វត្ថុ។

791. Katamaṃ taṃ rūpaṃ ajjhattikaṃ kāyasamphassassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyasamphassassa na vatthu.

៧៩២. កតមំ តំ រូបំ ពាហិរំ កាយសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… កាយវិញ្ញាណស្ស ន វត្ថុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ កាយវិញ្ញាណស្ស ន វត្ថុ។

792. Katamaṃ taṃ rūpaṃ bāhiraṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na vatthu.

៧៩៣. កតមំ តំ រូបំ អជ្ឈត្តិកំ កាយវិញ្ញាណស្ស វត្ថុ? កាយាយតនំ – ឥទំ តំ រូបំ អជ្ឈត្តិកំ កាយវិញ្ញាណស្ស វត្ថុ។

793. Katamaṃ taṃ rūpaṃ ajjhattikaṃ kāyaviññāṇassa vatthu? Kāyāyatanaṃ – idaṃ taṃ rūpaṃ ajjhattikaṃ kāyaviññāṇassa vatthu.

៧៩៤. កតមំ តំ រូបំ អជ្ឈត្តិកំ កាយវិញ្ញាណស្ស ន វត្ថុ? ចក្ខាយតនំ…បេ.… ជិវ្ហាយតនំ – ឥទំ តំ រូបំ អជ្ឈត្តិកំ កាយវិញ្ញាណស្ស ន វត្ថុ។

794. Katamaṃ taṃ rūpaṃ ajjhattikaṃ kāyaviññāṇassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyaviññāṇassa na vatthu.

៧៩៥. កតមំ តំ រូបំ អជ្ឈត្តិកំ ចក្ខុសម្ផស្សស្ស ន អារម្មណំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ចក្ខុសម្ផស្សស្ស ន អារម្មណំ។

795. Katamaṃ taṃ rūpaṃ ajjhattikaṃ cakkhusamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na ārammaṇaṃ.

៧៩៦. កតមំ តំ រូបំ ពាហិរំ ចក្ខុសម្ផស្សស្ស អារម្មណំ? រូបាយតនំ – ឥទំ តំ រូបំ ពាហិរំ ចក្ខុសម្ផស្សស្ស អារម្មណំ។

796. Katamaṃ taṃ rūpaṃ bāhiraṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhusamphassassa ārammaṇaṃ.

៧៩៧. កតមំ តំ រូបំ ពាហិរំ ចក្ខុសម្ផស្សស្ស ន អារម្មណំ? សទ្ទាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ចក្ខុសម្ផស្សស្ស ន អារម្មណំ។

797. Katamaṃ taṃ rūpaṃ bāhiraṃ cakkhusamphassassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na ārammaṇaṃ.

៧៩៨. កតមំ តំ រូបំ អជ្ឈត្តិកំ ចក្ខុសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… ចក្ខុវិញ្ញាណស្ស ន អារម្មណំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ចក្ខុវិញ្ញាណស្ស ន អារម្មណំ។

798. Katamaṃ taṃ rūpaṃ ajjhattikaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na ārammaṇaṃ.

៧៩៩. កតមំ តំ រូបំ ពាហិរំ ចក្ខុវិញ្ញាណស្ស អារម្មណំ? រូបាយតនំ – ឥទំ តំ រូបំ ពាហិរំ ចក្ខុវិញ្ញាណស្ស អារម្មណំ។

799. Katamaṃ taṃ rūpaṃ bāhiraṃ cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhuviññāṇassa ārammaṇaṃ.

៨០០. កតមំ តំ រូបំ ពាហិរំ ចក្ខុវិញ្ញាណស្ស ន អារម្មណំ? សទ្ទាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ចក្ខុវិញ្ញាណស្ស ន អារម្មណំ។

800. Katamaṃ taṃ rūpaṃ bāhiraṃ cakkhuviññāṇassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na ārammaṇaṃ.

៨០១. កតមំ តំ រូបំ អជ្ឈត្តិកំ សោតសម្ផស្សស្ស…បេ.… ឃានសម្ផស្សស្ស…បេ.… ជិវ្ហាសម្ផស្សស្ស…បេ.… កាយសម្ផស្សស្ស ន អារម្មណំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ កាយសម្ផស្សស្ស ន អារម្មណំ។

801. Katamaṃ taṃ rūpaṃ ajjhattikaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyasamphassassa na ārammaṇaṃ.

៨០២. កតមំ តំ រូបំ ពាហិរំ កាយសម្ផស្សស្ស អារម្មណំ? ផោដ្ឋព្ពាយតនំ – ឥទំ តំ រូបំ ពាហិរំ កាយសម្ផស្សស្ស អារម្មណំ។

802. Katamaṃ taṃ rūpaṃ bāhiraṃ kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyasamphassassa ārammaṇaṃ.

៨០៣. កតមំ តំ រូបំ ពាហិរំ កាយសម្ផស្សស្ស ន អារម្មណំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ កាយសម្ផស្សស្ស ន អារម្មណំ។

803. Katamaṃ taṃ rūpaṃ bāhiraṃ kāyasamphassassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na ārammaṇaṃ.

៨០៤. កតមំ តំ រូបំ អជ្ឈត្តិកំ កាយសម្ផស្សជាយ វេទនាយ…បេ.… សញ្ញាយ…បេ.… ចេតនាយ…បេ.… កាយវិញ្ញាណស្ស ន អារម្មណំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ កាយវិញ្ញាណស្ស ន អារម្មណំ។

804. Katamaṃ taṃ rūpaṃ ajjhattikaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyaviññāṇassa na ārammaṇaṃ.

៨០៥. កតមំ តំ រូបំ ពាហិរំ កាយវិញ្ញាណស្ស អារម្មណំ? ផោដ្ឋព្ពាយតនំ – ឥទំ តំ រូបំ ពាហិរំ កាយវិញ្ញាណស្ស អារម្មណំ។

805. Katamaṃ taṃ rūpaṃ bāhiraṃ kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyaviññāṇassa ārammaṇaṃ.

៨០៦. កតមំ តំ រូបំ ពាហិរំ កាយវិញ្ញាណស្ស ន អារម្មណំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ កាយវិញ្ញាណស្ស ន អារម្មណំ។

806. Katamaṃ taṃ rūpaṃ bāhiraṃ kāyaviññāṇassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na ārammaṇaṃ.

៨០៧. កតមំ តំ រូបំ ពាហិរំ ន ចក្ខាយតនំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ចក្ខាយតនំ។

807. Katamaṃ taṃ rūpaṃ bāhiraṃ na cakkhāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhāyatanaṃ.

៨០៨. កតមំ តំ រូបំ អជ្ឈត្តិកំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ អជ្ឈត្តិកំ ចក្ខាយតនំ។

808. Katamaṃ taṃ rūpaṃ ajjhattikaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhāyatanaṃ.

៨០៩. កតមំ តំ រូបំ អជ្ឈត្តិកំ ន ចក្ខាយតនំ? សោតាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ចក្ខាយតនំ។

809. Katamaṃ taṃ rūpaṃ ajjhattikaṃ na cakkhāyatanaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhāyatanaṃ.

៨១០. កតមំ តំ រូបំ ពាហិរំ ន សោតាយតនំ…បេ.… ន ឃានាយតនំ…បេ.… ន ជិវ្ហាយតនំ…បេ.… ន កាយាយតនំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន កាយាយតនំ។

810. Katamaṃ taṃ rūpaṃ bāhiraṃ na sotāyatanaṃ…pe… na ghānāyatanaṃ…pe… na jivhāyatanaṃ…pe… na kāyāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyāyatanaṃ.

៨១១. កតមំ តំ រូបំ អជ្ឈត្តិកំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ អជ្ឈត្តិកំ កាយាយតនំ។

811. Katamaṃ taṃ rūpaṃ ajjhattikaṃ kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyāyatanaṃ.

៨១២. កតមំ តំ រូបំ អជ្ឈត្តិកំ ន កាយាយតនំ? ចក្ខាយតនំ…បេ.… ជិវ្ហាយតនំ – ឥទំ តំ រូបំ អជ្ឈត្តិកំ ន កាយាយតនំ។

812. Katamaṃ taṃ rūpaṃ ajjhattikaṃ na kāyāyatanaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyāyatanaṃ.

៨១៣. កតមំ តំ រូបំ អជ្ឈត្តិកំ ន រូបាយតនំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន រូបាយតនំ។

813. Katamaṃ taṃ rūpaṃ ajjhattikaṃ na rūpāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpāyatanaṃ.

៨១៤. កតមំ តំ រូបំ ពាហិរំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា…បេ.… រូបធាតុ បេសា – ឥទំ តំ រូបំ ពាហិរំ រូបាយតនំ។

814. Katamaṃ taṃ rūpaṃ bāhiraṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ bāhiraṃ rūpāyatanaṃ.

៨១៥. កតមំ តំ រូបំ ពាហិរំ ន រូបាយតនំ? សទ្ទាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន រូបាយតនំ។

815. Katamaṃ taṃ rūpaṃ bāhiraṃ na rūpāyatanaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpāyatanaṃ.

៨១៦. កតមំ តំ រូបំ អជ្ឈត្តិកំ ន សទ្ទាយតនំ…បេ.… ន គន្ធាយតនំ…បេ.… ន រសាយតនំ…បេ.… ន ផោដ្ឋព្ពាយតនំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ផោដ្ឋព្ពាយតនំ។

816. Katamaṃ taṃ rūpaṃ ajjhattikaṃ na saddāyatanaṃ…pe… na gandhāyatanaṃ…pe… na rasāyatanaṃ…pe… na phoṭṭhabbāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbāyatanaṃ.

៨១៧. កតមំ តំ រូបំ ពាហិរំ ផោដ្ឋព្ពាយតនំ? បថវីធាតុ…បេ.… ផោដ្ឋព្ពធាតុ បេសា – ឥទំ តំ រូបំ ពាហិរំ ផោដ្ឋព្ពាយតនំ។

817. Katamaṃ taṃ rūpaṃ bāhiraṃ phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ bāhiraṃ phoṭṭhabbāyatanaṃ.

៨១៨. កតមំ តំ រូបំ ពាហិរំ ន ផោដ្ឋព្ពាយតនំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ផោដ្ឋព្ពាយតនំ។

818. Katamaṃ taṃ rūpaṃ bāhiraṃ na phoṭṭhabbāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbāyatanaṃ.

៨១៩. កតមំ តំ រូបំ ពាហិរំ ន ចក្ខុធាតុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ចក្ខុធាតុ។

819. Katamaṃ taṃ rūpaṃ bāhiraṃ na cakkhudhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhudhātu.

៨២០. កតមំ តំ រូបំ អជ្ឈត្តិកំ ចក្ខុធាតុ? ចក្ខាយតនំ – ឥទំ តំ រូបំ អជ្ឈត្តិកំ ចក្ខុធាតុ។

820. Katamaṃ taṃ rūpaṃ ajjhattikaṃ cakkhudhātu? Cakkhāyatanaṃ – idaṃ taṃ rūpaṃ ajjhattikaṃ cakkhudhātu.

៨២១. កតមំ តំ រូបំ អជ្ឈត្តិកំ ន ចក្ខុធាតុ? សោតាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ចក្ខុធាតុ។

821. Katamaṃ taṃ rūpaṃ ajjhattikaṃ na cakkhudhātu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhudhātu.

៨២២. កតមំ តំ រូបំ ពាហិរំ ន សោតធាតុ…បេ.… ន ឃានធាតុ…បេ.… ន ជិវ្ហាធាតុ…បេ.… ន កាយធាតុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន កាយធាតុ។

822. Katamaṃ taṃ rūpaṃ bāhiraṃ na sotadhātu…pe… na ghānadhātu…pe… na jivhādhātu…pe… na kāyadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyadhātu.

៨២៣. កតមំ តំ រូបំ អជ្ឈត្តិកំ កាយធាតុ? កាយាយតនំ – ឥទំ តំ រូបំ អជ្ឈត្តិកំ កាយធាតុ។

823. Katamaṃ taṃ rūpaṃ ajjhattikaṃ kāyadhātu? Kāyāyatanaṃ – idaṃ taṃ rūpaṃ ajjhattikaṃ kāyadhātu.

៨២៤. កតមំ តំ រូបំ អជ្ឈត្តិកំ ន កាយធាតុ? ចក្ខាយតនំ…បេ.… ជិវ្ហាយតនំ – ឥទំ តំ រូបំ អជ្ឈត្តិកំ ន កាយធាតុ។

824. Katamaṃ taṃ rūpaṃ ajjhattikaṃ na kāyadhātu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyadhātu.

៨២៥. កតមំ តំ រូបំ អជ្ឈត្តិកំ ន រូបធាតុ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន រូបធាតុ។

825. Katamaṃ taṃ rūpaṃ ajjhattikaṃ na rūpadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpadhātu.

៨២៦. កតមំ តំ រូបំ ពាហិរំ រូបធាតុ? រូបាយតនំ – ឥទំ តំ រូបំ ពាហិរំ រូបធាតុ។

826. Katamaṃ taṃ rūpaṃ bāhiraṃ rūpadhātu? Rūpāyatanaṃ – idaṃ taṃ rūpaṃ bāhiraṃ rūpadhātu.

៨២៧. កតមំ តំ រូបំ ពាហិរំ ន រូបធាតុ? សទ្ទាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន រូបធាតុ។

827. Katamaṃ taṃ rūpaṃ bāhiraṃ na rūpadhātu? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpadhātu.

៨២៨. កតមំ តំ រូបំ អជ្ឈត្តិកំ ន សទ្ទធាតុ…បេ.… ន គន្ធធាតុ…បេ.… ន រសធាតុ …បេ.… ន ផោដ្ឋព្ពធាតុ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ផោដ្ឋព្ពធាតុ។

828. Katamaṃ taṃ rūpaṃ ajjhattikaṃ na saddadhātu…pe… na gandhadhātu…pe… na rasadhātu …pe… na phoṭṭhabbadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbadhātu.

៨២៩. កតមំ តំ រូបំ ពាហិរំ ផោដ្ឋព្ពធាតុ? ផោដ្ឋព្ពាយតនំ – ឥទំ តំ រូបំ ពាហិរំ ផោដ្ឋព្ពធាតុ។

829. Katamaṃ taṃ rūpaṃ bāhiraṃ phoṭṭhabbadhātu? Phoṭṭhabbāyatanaṃ – idaṃ taṃ rūpaṃ bāhiraṃ phoṭṭhabbadhātu.

៨៣០. កតមំ តំ រូបំ ពាហិរំ ន ផោដ្ឋព្ពធាតុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ផោដ្ឋព្ពធាតុ។

830. Katamaṃ taṃ rūpaṃ bāhiraṃ na phoṭṭhabbadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbadhātu.

៨៣១. កតមំ តំ រូបំ ពាហិរំ ន ចក្ខុន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ចក្ខុន្ទ្រិយំ។

831. Katamaṃ taṃ rūpaṃ bāhiraṃ na cakkhundriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhundriyaṃ.

៨៣២. កតមំ តំ រូបំ អជ្ឈត្តិកំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ អជ្ឈត្តិកំ ចក្ខុន្ទ្រិយំ។

832. Katamaṃ taṃ rūpaṃ ajjhattikaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhundriyaṃ.

៨៣៣. កតមំ តំ រូបំ អជ្ឈត្តិកំ ន ចក្ខុន្ទ្រិយំ? សោតាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ចក្ខុន្ទ្រិយំ។

833. Katamaṃ taṃ rūpaṃ ajjhattikaṃ na cakkhundriyaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhundriyaṃ.

៨៣៤. កតមំ តំ រូបំ ពាហិរំ ន សោតិន្ទ្រិយំ…បេ.… ន ឃានិន្ទ្រិយំ…បេ.… ន ជិវ្ហិន្ទ្រិយំ…បេ.… ន កាយិន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន កាយិន្ទ្រិយំ។

834. Katamaṃ taṃ rūpaṃ bāhiraṃ na sotindriyaṃ…pe… na ghānindriyaṃ…pe… na jivhindriyaṃ…pe… na kāyindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyindriyaṃ.

៨៣៥. កតមំ តំ រូបំ អជ្ឈត្តិកំ កាយិន្ទ្រិយំ? យោ កាយោ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ អជ្ឈត្តិកំ កាយិន្ទ្រិយំ។

835. Katamaṃ taṃ rūpaṃ ajjhattikaṃ kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyindriyaṃ.

៨៣៦. កតមំ តំ រូបំ អជ្ឈត្តិកំ ន កាយិន្ទ្រិយំ? ចក្ខាយតនំ…បេ.… ជិវ្ហាយតនំ – ឥទំ តំ រូបំ អជ្ឈត្តិកំ ន កាយិន្ទ្រិយំ។

836. Katamaṃ taṃ rūpaṃ ajjhattikaṃ na kāyindriyaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyindriyaṃ.

៨៣៧. កតមំ តំ រូបំ អជ្ឈត្តិកំ ន ឥត្ថិន្ទ្រិយំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ឥត្ថិន្ទ្រិយំ។

837. Katamaṃ taṃ rūpaṃ ajjhattikaṃ na itthindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na itthindriyaṃ.

៨៣៨. កតមំ តំ រូបំ ពាហិរំ ឥត្ថិន្ទ្រិយំ? យំ ឥត្ថិយា ឥត្ថិលិង្គំ ឥត្ថិនិមិត្តំ ឥត្ថិកុត្តំ ឥត្ថាកប្បោ ឥត្ថត្តំ ឥត្ថិភាវោ – ឥទំ តំ រូបំ ពាហិរំ ឥត្ថិន្ទ្រិយំ។

838. Katamaṃ taṃ rūpaṃ bāhiraṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ bāhiraṃ itthindriyaṃ.

៨៣៩. កតមំ តំ រូបំ ពាហិរំ ន ឥត្ថិន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ឥត្ថិន្ទ្រិយំ។

839. Katamaṃ taṃ rūpaṃ bāhiraṃ na itthindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na itthindriyaṃ.

៨៤០. កតមំ តំ រូបំ អជ្ឈត្តិកំ ន បុរិសិន្ទ្រិយំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន បុរិសិន្ទ្រិយំ។

840. Katamaṃ taṃ rūpaṃ ajjhattikaṃ na purisindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na purisindriyaṃ.

៨៤១. កតមំ តំ រូបំ ពាហិរំ បុរិសិន្ទ្រិយំ? យំ បុរិសស្ស បុរិសលិង្គំ បុរិសនិមិត្តំ បុរិសកុត្តំ បុរិសាកប្បោ បុរិសត្តំ បុរិសភាវោ – ឥទំ តំ រូបំ ពាហិរំ បុរិសិន្ទ្រិយំ។

841. Katamaṃ taṃ rūpaṃ bāhiraṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ bāhiraṃ purisindriyaṃ.

៨៤២. កតមំ តំ រូបំ ពាហិរំ ន បុរិសិន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន បុរិសិន្ទ្រិយំ។

842. Katamaṃ taṃ rūpaṃ bāhiraṃ na purisindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na purisindriyaṃ.

៨៤៣. កតមំ តំ រូបំ អជ្ឈត្តិកំ ន ជីវិតិន្ទ្រិយំ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន ជីវិតិន្ទ្រិយំ។

843. Katamaṃ taṃ rūpaṃ ajjhattikaṃ na jīvitindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na jīvitindriyaṃ.

៨៤៤. កតមំ តំ រូបំ ពាហិរំ ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ពាហិរំ ជីវិតិន្ទ្រិយំ។

844. Katamaṃ taṃ rūpaṃ bāhiraṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ bāhiraṃ jīvitindriyaṃ.

៨៤៥. កតមំ តំ រូបំ ពាហិរំ ន ជីវិតិន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន ជីវិតិន្ទ្រិយំ។

845. Katamaṃ taṃ rūpaṃ bāhiraṃ na jīvitindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na jīvitindriyaṃ.

៨៤៦. កតមំ តំ រូបំ អជ្ឈត្តិកំ ន កាយវិញ្ញត្តិ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន កាយវិញ្ញត្តិ។

846. Katamaṃ taṃ rūpaṃ ajjhattikaṃ na kāyaviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kāyaviññatti.

៨៤៧. កតមំ តំ រូបំ ពាហិរំ កាយវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា អភិក្កមន្តស្ស វា បដិក្កមន្តស្ស វា អាលោកេន្តស្ស វា វិលោកេន្តស្ស វា សមិញ្ជេន្តស្ស វា បសារេន្តស្ស វា កាយស្ស ថម្ភនា សន្ថម្ភនា សន្ថម្ភិតត្តំ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ ពាហិរំ កាយវិញ្ញត្តិ។

847. Katamaṃ taṃ rūpaṃ bāhiraṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ bāhiraṃ kāyaviññatti.

៨៤៨. កតមំ តំ រូបំ ពាហិរំ ន កាយវិញ្ញត្តិ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន កាយវិញ្ញត្តិ។

848. Katamaṃ taṃ rūpaṃ bāhiraṃ na kāyaviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyaviññatti.

៨៤៩. កតមំ តំ រូបំ អជ្ឈត្តិកំ ន វចីវិញ្ញត្តិ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន វចីវិញ្ញត្តិ។

849. Katamaṃ taṃ rūpaṃ ajjhattikaṃ na vacīviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na vacīviññatti.

៨៥០. កតមំ តំ រូបំ ពាហិរំ វចីវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា វាចា គិរា ព្យប្បថោ ឧទីរណំ ធោសោ ឃោសកម្មំ វាចា វចីភេទោ, អយំ វុច្ចតិ វាចា។ យា តាយ វាចាយ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ ពាហិរំ វចីវិញ្ញត្តិ ។

850. Katamaṃ taṃ rūpaṃ bāhiraṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ dhoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ bāhiraṃ vacīviññatti .

៨៥១. កតមំ តំ រូបំ ពាហិរំ ន វចីវិញ្ញត្តិ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន វចីវិញ្ញត្តិ។

851. Katamaṃ taṃ rūpaṃ bāhiraṃ na vacīviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na vacīviññatti.

៨៥២. កតមំ តំ រូបំ អជ្ឈត្តិកំ ន អាកាសធាតុ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន អាកាសធាតុ។

852. Katamaṃ taṃ rūpaṃ ajjhattikaṃ na ākāsadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na ākāsadhātu.

៨៥៣. កតមំ តំ រូបំ ពាហិរំ អាកាសធាតុ? យោ អាកាសោ អាកាសគតំ អឃំ អឃគតំ វិវរោ វិវរគតំ អសម្ផុដ្ឋំ ចតូហិ មហាភូតេហិ – ឥទំ តំ រូបំ ពាហិរំ អាកាសធាតុ។

853. Katamaṃ taṃ rūpaṃ bāhiraṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ bāhiraṃ ākāsadhātu.

៨៥៤. កតមំ តំ រូបំ ពាហិរំ ន អាកាសធាតុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន អាកាសធាតុ។

854. Katamaṃ taṃ rūpaṃ bāhiraṃ na ākāsadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na ākāsadhātu.

៨៥៥. កតមំ តំ រូបំ អជ្ឈត្តិកំ ន អាបោធាតុ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន អាបោធាតុ។

855. Katamaṃ taṃ rūpaṃ ajjhattikaṃ na āpodhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na āpodhātu.

៨៥៦. កតមំ តំ រូបំ ពាហិរំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស – ឥទំ តំ រូបំ ពាហិរំ អាបោធាតុ។

856. Katamaṃ taṃ rūpaṃ bāhiraṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ bāhiraṃ āpodhātu.

៨៥៧. កតមំ តំ រូបំ ពាហិរំ ន អាបោធាតុ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ ន អាបោធាតុ។

857. Katamaṃ taṃ rūpaṃ bāhiraṃ na āpodhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na āpodhātu.

៨៥៨. កតមំ តំ រូបំ អជ្ឈត្តិកំ រូបស្ស ន លហុតា? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន លហុតា។

858. Katamaṃ taṃ rūpaṃ ajjhattikaṃ rūpassa na lahutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na lahutā.

៨៥៩. កតមំ តំ រូបំ ពាហិរំ រូបស្ស លហុតា? យា រូបស្ស លហុតា លហុបរិណាមតា អទន្ធនតា អវិត្ថនតា – ឥទំ តំ រូបំ ពាហិរំ រូបស្ស លហុតា។

859. Katamaṃ taṃ rūpaṃ bāhiraṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ bāhiraṃ rūpassa lahutā.

៨៦០. កតមំ តំ រូបំ ពាហិរំ រូបស្ស ន លហុតា? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន លហុតា។

860. Katamaṃ taṃ rūpaṃ bāhiraṃ rūpassa na lahutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na lahutā.

៨៦១. កតមំ តំ រូបំ អជ្ឈត្តិកំ រូបស្ស ន មុទុតា? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន មុទុតា។

861. Katamaṃ taṃ rūpaṃ ajjhattikaṃ rūpassa na mudutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na mudutā.

៨៦២. កតមំ តំ រូបំ ពាហិរំ រូបស្ស មុទុតា? យា រូបស្ស មុទុតា មទ្ទវតា អកក្ខឡតា អកថិនតា – ឥទំ តំ រូបំ ពាហិរំ រូបស្ស មុទុតា។

862. Katamaṃ taṃ rūpaṃ bāhiraṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ bāhiraṃ rūpassa mudutā.

៨៦៣. កតមំ តំ រូបំ ពាហិរំ រូបស្ស ន មុទុតា? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន មុទុតា។

863. Katamaṃ taṃ rūpaṃ bāhiraṃ rūpassa na mudutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na mudutā.

៨៦៤. កតមំ តំ រូបំ អជ្ឈត្តិកំ រូបស្ស ន កម្មញ្ញតា? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន កម្មញ្ញតា។

864. Katamaṃ taṃ rūpaṃ ajjhattikaṃ rūpassa na kammaññatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na kammaññatā.

៨៦៥. កតមំ តំ រូបំ ពាហិរំ រូបស្ស កម្មញ្ញតា? យា រូបស្ស កម្មញ្ញតា កម្មញ្ញត្តំ កម្មញ្ញភាវោ – ឥទំ តំ រូបំ ពាហិរំ រូបស្ស កម្មញ្ញតា។

865. Katamaṃ taṃ rūpaṃ bāhiraṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ bāhiraṃ rūpassa kammaññatā.

៨៦៦. កតមំ តំ រូបំ ពាហិរំ រូបស្ស ន កម្មញ្ញតា? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន កម្មញ្ញតា។

866. Katamaṃ taṃ rūpaṃ bāhiraṃ rūpassa na kammaññatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na kammaññatā.

៨៦៧. កតមំ តំ រូបំ អជ្ឈត្តិកំ រូបស្ស ន ឧបចយោ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន ឧបចយោ។

867. Katamaṃ taṃ rūpaṃ ajjhattikaṃ rūpassa na upacayo? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na upacayo.

៨៦៨. កតមំ តំ រូបំ ពាហិរំ រូបស្ស ឧបចយោ? យោ អាយតនានំ អាចយោ, សោ រូបស្ស ឧបចយោ – ឥទំ តំ រូបំ ពាហិរំ រូបស្ស ឧបចយោ។

868. Katamaṃ taṃ rūpaṃ bāhiraṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ bāhiraṃ rūpassa upacayo.

៨៦៩. កតមំ តំ រូបំ ពាហិរំ រូបស្ស ន ឧបចយោ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន ឧបចយោ។

869. Katamaṃ taṃ rūpaṃ bāhiraṃ rūpassa na upacayo? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na upacayo.

៨៧០. កតមំ តំ រូបំ អជ្ឈត្តិកំ រូបស្ស ន សន្តតិ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន សន្តតិ។

870. Katamaṃ taṃ rūpaṃ ajjhattikaṃ rūpassa na santati? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na santati.

៨៧១. កតមំ តំ រូបំ ពាហិរំ រូបស្ស សន្តតិ? យោ រូបស្ស ឧបចយោ, សា រូបស្ស សន្តតិ – ឥទំ តំ រូបំ ពាហិរំ រូបស្ស សន្តតិ។

871. Katamaṃ taṃ rūpaṃ bāhiraṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ bāhiraṃ rūpassa santati.

៨៧២. កតមំ តំ រូបំ ពាហិរំ រូបស្ស ន សន្តតិ? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន សន្តតិ។

872. Katamaṃ taṃ rūpaṃ bāhiraṃ rūpassa na santati? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na santati.

៨៧៣. កតមំ តំ រូបំ អជ្ឈត្តិកំ រូបស្ស ន ជរតា? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន ជរតា។

873. Katamaṃ taṃ rūpaṃ ajjhattikaṃ rūpassa na jaratā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na jaratā.

៨៧៤. កតមំ តំ រូបំ ពាហិរំ រូបស្ស ជរតា? យា រូបស្ស ជរា ជីរណតា ខណ្ឌិច្ចំ បាលិច្ចំ វលិត្តចតា អាយុនោ សំហានិ ឥន្ទ្រិយានំ បរិបាកោ – ឥទំ តំ រូបំ ពាហិរំ រូបស្ស ជរតា។

874. Katamaṃ taṃ rūpaṃ bāhiraṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ bāhiraṃ rūpassa jaratā.

៨៧៥. កតមំ តំ រូបំ ពាហិរំ រូបស្ស ន ជរតា? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន ជរតា។

875. Katamaṃ taṃ rūpaṃ bāhiraṃ rūpassa na jaratā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na jaratā.

៨៧៦. កតមំ តំ រូបំ អជ្ឈត្តិកំ រូបស្ស ន អនិច្ចតា? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ រូបស្ស ន អនិច្ចតា។

876. Katamaṃ taṃ rūpaṃ ajjhattikaṃ rūpassa na aniccatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na aniccatā.

៨៧៧. កតមំ តំ រូបំ ពាហិរំ រូបស្ស អនិច្ចតា? យោ រូបស្ស ខយោ វយោ ភេទោ បរិភេទោ អនិច្ចតា អន្តរធានំ – ឥទំ តំ រូបំ ពាហិរំ រូបស្ស អនិច្ចតា។

877. Katamaṃ taṃ rūpaṃ bāhiraṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ bāhiraṃ rūpassa aniccatā.

៨៧៨. កតមំ តំ រូបំ ពាហិរំ រូបស្ស ន អនិច្ចតា? រូបាយតនំ…បេ.… កពឡីការោ អាហារោ – ឥទំ តំ រូបំ ពាហិរំ រូបស្ស ន អនិច្ចតា។

878. Katamaṃ taṃ rūpaṃ bāhiraṃ rūpassa na aniccatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na aniccatā.

៨៧៩. កតមំ តំ រូបំ អជ្ឈត្តិកំ ន កពឡីការោ អាហារោ? ចក្ខាយតនំ…បេ.… កាយាយតនំ – ឥទំ តំ រូបំ អជ្ឈត្តិកំ ន កពឡីការោ អាហារោ ។

879. Katamaṃ taṃ rūpaṃ ajjhattikaṃ na kabaḷīkāro āhāro? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kabaḷīkāro āhāro .

៨៨០. កតមំ តំ រូបំ ពាហិរំ កពឡីការោ អាហារោ? ឱទនោ កុម្មាសោ សត្តុ មច្ឆោ មំសំ ខីរំ ទធិ សប្បិ នវនីតំ តេលំ មធុ ផាណិតំ, យំ វា បនញ្ញម្បិ អត្ថិ រូបំ យម្ហិ យម្ហិ ជនបទេ តេសំ តេសំ សត្តានំ មុខាសិយំ ទន្តវិខាទនំ គលជ្ឈោហរណីយំ កុច្ឆិវិត្ថម្ភនំ យាយ ឱជាយ សត្តា យាបេន្តិ – ឥទំ តំ រូបំ ពាហិរំ កពឡីការោ អាហារោ។

880. Katamaṃ taṃ rūpaṃ bāhiraṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ yāya ojāya sattā yāpenti – idaṃ taṃ rūpaṃ bāhiraṃ kabaḷīkāro āhāro.

៨៨១. កតមំ តំ រូបំ ពាហិរំ ន កពឡីការោ អាហារោ? រូបាយតនំ…បេ.… រូបស្ស អនិច្ចតា – ឥទំ តំ រូបំ ពាហិរំ ន កពឡីការោ អាហារោ។

881. Katamaṃ taṃ rūpaṃ bāhiraṃ na kabaḷīkāro āhāro? Rūpāyatanaṃ…pe… rūpassa aniccatā – idaṃ taṃ rūpaṃ bāhiraṃ na kabaḷīkāro āhāro.

ឯវំ តិវិធេន រូបសង្គហោ។

Evaṃ tividhena rūpasaṅgaho.

តិកនិទ្ទេសោ។

Tikaniddeso.

ចតុក្កំ

Catukkaṃ

៨៨២. កតមំ តំ រូបំ ឧបាទា ឧបាទិណ្ណំ? ចក្ខាយតនំ…បេ.… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា ឧបាទិណ្ណំ។

882. Katamaṃ taṃ rūpaṃ upādā upādiṇṇaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇaṃ.

៨៨៣. កតមំ តំ រូបំ ឧបាទា អនុបាទិណ្ណំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា អនុបាទិណ្ណំ។

883. Katamaṃ taṃ rūpaṃ upādā anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇaṃ.

៨៨៤. កតមំ តំ រូបំ នោ ឧបាទា ឧបាទិណ្ណំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា ឧបាទិណ្ណំ។

884. Katamaṃ taṃ rūpaṃ no upādā upādiṇṇaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇaṃ.

៨៨៥. កតមំ តំ រូបំ នោ ឧបាទា អនុបាទិណ្ណំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា អនុបាទិណ្ណំ។

885. Katamaṃ taṃ rūpaṃ no upādā anupādiṇṇaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇaṃ.

៨៨៦. កតមំ តំ រូបំ ឧបាទា ឧបាទិណ្ណុបាទានិយំ? ចក្ខាយតនំ…បេ.… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា ឧបាទិណ្ណុបាទានិយំ។

886. Katamaṃ taṃ rūpaṃ upādā upādiṇṇupādāniyaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇupādāniyaṃ.

៨៨៧. កតមំ តំ រូបំ ឧបាទា អនុបាទិណ្ណុបាទានិយំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា អនុបាទិណ្ណុបាទានិយំ។

887. Katamaṃ taṃ rūpaṃ upādā anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇupādāniyaṃ.

៨៨៨. កតមំ តំ រូបំ នោ ឧបាទា ឧបាទិណ្ណុបាទានិយំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា ឧបាទិណ្ណុបាទានិយំ។

888. Katamaṃ taṃ rūpaṃ no upādā upādiṇṇupādāniyaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇupādāniyaṃ.

៨៨៩. កតមំ តំ រូបំ នោ ឧបាទា អនុបាទិណ្ណុបាទានិយំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា អនុបាទិណ្ណុបាទានិយំ។

889. Katamaṃ taṃ rūpaṃ no upādā anupādiṇṇupādāniyaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇupādāniyaṃ.

៨៩០. កតមំ តំ រូបំ ឧបាទា សប្បដិឃំ? ចក្ខាយតនំ…បេ.… រសាយតនំ – ឥទំ តំ រូបំ ឧបាទា សប្បដិឃំ។

890. Katamaṃ taṃ rūpaṃ upādā sappaṭighaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā sappaṭighaṃ.

៨៩១. កតមំ តំ រូបំ ឧបាទា អប្បដិឃំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ឧបាទា អប្បដិឃំ។

891. Katamaṃ taṃ rūpaṃ upādā appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ upādā appaṭighaṃ.

៨៩២. កតមំ តំ រូបំ នោ ឧបាទា សប្បដិឃំ? ផោដ្ឋព្ពាយតនំ – ឥទំ តំ រូបំ នោ ឧបាទា សប្បដិឃំ។

892. Katamaṃ taṃ rūpaṃ no upādā sappaṭighaṃ? Phoṭṭhabbāyatanaṃ – idaṃ taṃ rūpaṃ no upādā sappaṭighaṃ.

៨៩៣. កតមំ តំ រូបំ នោ ឧបាទា អប្បដិឃំ? អាបោធាតុ – ឥទំ តំ រូបំ នោ ឧបាទា អប្បដិឃំ។

893. Katamaṃ taṃ rūpaṃ no upādā appaṭighaṃ? Āpodhātu – idaṃ taṃ rūpaṃ no upādā appaṭighaṃ.

៨៩៤. កតមំ តំ រូបំ ឧបាទា ឱឡារិកំ? ចក្ខាយតនំ…បេ.… រសាយតនំ – ឥទំ តំ រូបំ ឧបាទា ឱឡារិកំ។

894. Katamaṃ taṃ rūpaṃ upādā oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā oḷārikaṃ.

៨៩៥. កតមំ តំ រូបំ ឧបាទា សុខុមំ ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ឧបាទា សុខុមំ។

895. Katamaṃ taṃ rūpaṃ upādā sukhumaṃ itthindriyaṃ…pe… kabaḷīkāro āhāro – idaṃ taṃ rūpaṃ upādā sukhumaṃ.

៨៩៦. កតមំ តំ រូបំ នោ ឧបាទា ឱឡារិកំ? ផោដ្ឋព្ពាយតនំ – ឥទំ តំ រូបំ នោ ឧបាទា ឱឡារិកំ។

896. Katamaṃ taṃ rūpaṃ no upādā oḷārikaṃ? Phoṭṭhabbāyatanaṃ – idaṃ taṃ rūpaṃ no upādā oḷārikaṃ.

៨៩៧. កតមំ តំ រូបំ នោ ឧបាទា សុខុមំ? អាបោធាតុ – ឥទំ តំ រូបំ នោ ឧបាទា សុខុមំ។

897. Katamaṃ taṃ rūpaṃ no upādā sukhumaṃ? Āpodhātu – idaṃ taṃ rūpaṃ no upādā sukhumaṃ.

៨៩៨. កតមំ តំ រូបំ ឧបាទា ទូរេ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ឧបាទា ទូរេ។

898. Katamaṃ taṃ rūpaṃ upādā dūre? Itthindriyaṃ…pe… kabaḷīkāro āhāro – idaṃ taṃ rūpaṃ upādā dūre.

៨៩៩. កតមំ តំ រូបំ ឧបាទា សន្តិកេ? ចក្ខាយតនំ…បេ.… រសាយតនំ – ឥទំ តំ រូបំ ឧបាទា សន្តិកេ។

899. Katamaṃ taṃ rūpaṃ upādā santike? Cakkhāyatanaṃ…pe… rasāyatanaṃ – idaṃ taṃ rūpaṃ upādā santike.

៩០០. កតមំ តំ រូបំ នោ ឧបាទា ទូរេ? អាបោធាតុ – ឥទំ តំ រូបំ នោ ឧបាទា ទូរេ។

900. Katamaṃ taṃ rūpaṃ no upādā dūre? Āpodhātu – idaṃ taṃ rūpaṃ no upādā dūre.

៩០១. កតមំ តំ រូបំ នោ ឧបាទា សន្តិកេ? ផោដ្ឋព្ពាយតនំ – ឥទំ តំ រូបំ នោ ឧបាទា សន្តិកេ។

901. Katamaṃ taṃ rūpaṃ no upādā santike? Phoṭṭhabbāyatanaṃ – idaṃ taṃ rūpaṃ no upādā santike.

៩០២. កតមំ តំ រូបំ ឧបាទិណ្ណំ សនិទស្សនំ? កម្មស្ស កតត្តា រូបាយតនំ – ឥទំ តំ រូបំ ឧបាទិណ្ណំ សនិទស្សនំ។

902. Katamaṃ taṃ rūpaṃ upādiṇṇaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇaṃ sanidassanaṃ.

៩០៣. កតមំ តំ រូបំ ឧបាទិណ្ណំ អនិទស្សនំ? ចក្ខាយតនំ…បេ.… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ អនិទស្សនំ។

903. Katamaṃ taṃ rūpaṃ upādiṇṇaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ anidassanaṃ.

៩០៤. កតមំ តំ រូបំ អនុបាទិណ្ណំ សនិទស្សនំ? ន កម្មស្ស កតត្តា រូបាយតនំ – ឥទំ តំ រូបំ អនុបាទិណ្ណំ សនិទស្សនំ។

904. Katamaṃ taṃ rūpaṃ anupādiṇṇaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇaṃ sanidassanaṃ.

៩០៥. កតមំ តំ រូបំ អនុបាទិណ្ណំ អនិទស្សនំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា , យំ វា បនញ្ញម្បិ អត្ថិ រូបំ ន កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ អនិទស្សនំ។

905. Katamaṃ taṃ rūpaṃ anupādiṇṇaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ anidassanaṃ.

៩០៦. កតមំ តំ រូបំ ឧបាទិណ្ណំ សប្បដិឃំ? ចក្ខាយតនំ…បេ.… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណំ សប្បដិឃំ។

906. Katamaṃ taṃ rūpaṃ upādiṇṇaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ sappaṭighaṃ.

៩០៧. កតមំ តំ រូបំ ឧបាទិណ្ណំ អប្បដិឃំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ អប្បដិឃំ។

907. Katamaṃ taṃ rūpaṃ upādiṇṇaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ appaṭighaṃ.

៩០៨. កតមំ តំ រូបំ អនុបាទិណ្ណំ សប្បដិឃំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណំ សប្បដិឃំ។

908. Katamaṃ taṃ rūpaṃ anupādiṇṇaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ sappaṭighaṃ.

៩០៩. កតមំ តំ រូបំ អនុបាទិណ្ណំ អប្បដិឃំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ អប្បដិឃំ។

909. Katamaṃ taṃ rūpaṃ anupādiṇṇaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ appaṭighaṃ.

៩១០. កតមំ តំ រូបំ ឧបាទិណ្ណំ មហាភូតំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ ឧបាទិណ្ណំ មហាភូតំ។

910. Katamaṃ taṃ rūpaṃ upādiṇṇaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇaṃ mahābhūtaṃ.

៩១១. កតមំ តំ រូបំ ឧបាទិណ្ណំ ន មហាភូតំ? ចក្ខាយតនំ…បេ.… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ ន មហាភូតំ។

911. Katamaṃ taṃ rūpaṃ upādiṇṇaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ na mahābhūtaṃ.

៩១២. កតមំ តំ រូបំ អនុបាទិណ្ណំ មហាភូតំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ អនុបាទិណ្ណំ មហាភូតំ។

912. Katamaṃ taṃ rūpaṃ anupādiṇṇaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇaṃ mahābhūtaṃ.

៩១៣. កតមំ តំ រូបំ អនុបាទិណ្ណំ ន មហាភូតំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ ន មហាភូតំ។

913. Katamaṃ taṃ rūpaṃ anupādiṇṇaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ na mahābhūtaṃ.

៩១៤. កតមំ តំ រូបំ ឧបាទិណ្ណំ ឱឡារិកំ? ចក្ខាយតនំ…បេ.… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណំ ឱឡារិកំ។

914. Katamaṃ taṃ rūpaṃ upādiṇṇaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ oḷārikaṃ.

៩១៥. កតមំ តំ រូបំ ឧបាទិណ្ណំ សុខុមំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ សុខុមំ។

915. Katamaṃ taṃ rūpaṃ upādiṇṇaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ sukhumaṃ.

៩១៦. កតមំ តំ រូបំ អនុបាទិណ្ណំ ឱឡារិកំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណំ ឱឡារិកំ។

916. Katamaṃ taṃ rūpaṃ anupādiṇṇaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ oḷārikaṃ.

៩១៧. កតមំ តំ រូបំ អនុបាទិណ្ណំ សុខុមំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ សុខុមំ។

917. Katamaṃ taṃ rūpaṃ anupādiṇṇaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ sukhumaṃ.

៩១៨. កតមំ តំ រូបំ ឧបាទិណ្ណំ ទូរេ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ ទូរេ។

918. Katamaṃ taṃ rūpaṃ upādiṇṇaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ dūre.

៩១៩. កតមំ តំ រូបំ ឧបាទិណ្ណំ សន្តិកេ? ចក្ខាយតនំ…បេ.… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណំ សន្តិកេ។

919. Katamaṃ taṃ rūpaṃ upādiṇṇaṃ santike? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ santike.

៩២០. កតមំ តំ រូបំ អនុបាទិណ្ណំ ទូរេ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ ទូរេ។

920. Katamaṃ taṃ rūpaṃ anupādiṇṇaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ dūre.

៩២១. កតមំ តំ រូបំ អនុបាទិណ្ណំ សន្តិកេ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណំ សន្តិកេ។

921. Katamaṃ taṃ rūpaṃ anupādiṇṇaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ santike.

៩២២. កតមំ តំ រូបំ ឧបាទិណ្ណុបាទានិយំ សនិទស្សនំ? កម្មស្ស កតត្តា រូបាយតនំ – ឥទំ តំ រូបំ ឧបាទិណ្ណុបាទានិយំ សនិទស្សនំ។

922. Katamaṃ taṃ rūpaṃ upādiṇṇupādāniyaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇupādāniyaṃ sanidassanaṃ.

៩២៣. កតមំ តំ រូបំ ឧបាទិណ្ណុបាទានិយំ អនិទស្សនំ? ចក្ខាយតនំ…បេ.… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ អនិទស្សនំ។

923. Katamaṃ taṃ rūpaṃ upādiṇṇupādāniyaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ anidassanaṃ.

៩២៤. កតមំ តំ រូបំ អនុបាទិណ្ណុបាទានិយំ សនិទស្សនំ? ន កម្មស្ស កតត្តា រូបាយតនំ – ឥទំ តំ រូបំ អនុបាទិណ្ណុបាទានិយំ សនិទស្សនំ។

924. Katamaṃ taṃ rūpaṃ anupādiṇṇupādāniyaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇupādāniyaṃ sanidassanaṃ.

៩២៥. កតមំ តំ រូបំ អនុបាទិណ្ណុបាទានិយំ អនិទស្សនំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ អនិទស្សនំ។

925. Katamaṃ taṃ rūpaṃ anupādiṇṇupādāniyaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ anidassanaṃ.

៩២៦. កតមំ តំ រូបំ ឧបាទិណ្ណុបាទានិយំ សប្បដិឃំ? ចក្ខាយតនំ…បេ.… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណុបាទានិយំ សប្បដិឃំ។

926. Katamaṃ taṃ rūpaṃ upādiṇṇupādāniyaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ sappaṭighaṃ.

៩២៧. កតមំ តំ រូបំ ឧបាទិណ្ណុបាទានិយំ អប្បដិឃំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ អប្បដិឃំ។

927. Katamaṃ taṃ rūpaṃ upādiṇṇupādāniyaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ appaṭighaṃ.

៩២៨. កតមំ តំ រូបំ អនុបាទិណ្ណុបាទានិយំ សប្បដិឃំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណុបាទានិយំ សប្បដិឃំ។

928. Katamaṃ taṃ rūpaṃ anupādiṇṇupādāniyaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ sappaṭighaṃ.

៩២៩. កតមំ តំ រូបំ អនុបាទិណ្ណុបាទានិយំ អប្បដិឃំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ អប្បដិឃំ។

929. Katamaṃ taṃ rūpaṃ anupādiṇṇupādāniyaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ appaṭighaṃ.

៩៣០. កតមំ តំ រូបំ ឧបាទិណ្ណុបាទានិយំ មហាភូតំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ ឧបាទិណ្ណុបាទានិយំ មហាភូតំ ។

930. Katamaṃ taṃ rūpaṃ upādiṇṇupādāniyaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇupādāniyaṃ mahābhūtaṃ .

៩៣១. កតមំ តំ រូបំ ឧបាទិណ្ណុបាទានិយំ ន មហាភូតំ? ចក្ខាយតនំ…បេ.… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ ន មហាភូតំ។

931. Katamaṃ taṃ rūpaṃ upādiṇṇupādāniyaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ na mahābhūtaṃ.

៩៣២. កតមំ តំ រូបំ អនុបាទិណ្ណុបាទានិយំ មហាភូតំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ អនុបាទិណ្ណុបាទានិយំ មហាភូតំ។

932. Katamaṃ taṃ rūpaṃ anupādiṇṇupādāniyaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇupādāniyaṃ mahābhūtaṃ.

៩៣៣. កតមំ តំ រូបំ អនុបាទិណ្ណុបាទានិយំ ន មហាភូតំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ ន មហាភូតំ។

933. Katamaṃ taṃ rūpaṃ anupādiṇṇupādāniyaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ na mahābhūtaṃ.

៩៣៤. កតមំ តំ រូបំ ឧបាទិណ្ណុបាទានិយំ ឱឡារិកំ? ចក្ខាយតនំ…បេ.… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណុបាទានិយំ ឱឡារិកំ។

934. Katamaṃ taṃ rūpaṃ upādiṇṇupādāniyaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ oḷārikaṃ.

៩៣៥. កតមំ តំ រូបំ ឧបាទិណ្ណុបាទានិយំ សុខុមំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ សុខុមំ។

935. Katamaṃ taṃ rūpaṃ upādiṇṇupādāniyaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ sukhumaṃ.

៩៣៦. កតមំ តំ រូបំ អនុបាទិណ្ណុបាទានិយំ ឱឡារិកំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណុបាទានិយំ ឱឡារិកំ។

936. Katamaṃ taṃ rūpaṃ anupādiṇṇupādāniyaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ oḷārikaṃ.

៩៣៧. កតមំ តំ រូបំ អនុបាទិណ្ណុបាទានិយំ សុខុមំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ សុខុមំ។

937. Katamaṃ taṃ rūpaṃ anupādiṇṇupādāniyaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ sukhumaṃ.

៩៣៨. កតមំ តំ រូបំ ឧបាទិណ្ណុបាទានិយំ ទូរេ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ ទូរេ។

938. Katamaṃ taṃ rūpaṃ upādiṇṇupādāniyaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ dūre.

៩៣៩. កតមំ តំ រូបំ ឧបាទិណ្ណុបាទានិយំ សន្តិកេ ចក្ខាយតនំ…បេ.… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណុបាទានិយំ សន្តិកេ។

939. Katamaṃ taṃ rūpaṃ upādiṇṇupādāniyaṃ santike cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ santike.

៩៤០. កតមំ តំ រូបំ អនុបាទិណ្ណុបាទានិយំ ទូរេ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ ទូរេ។

940. Katamaṃ taṃ rūpaṃ anupādiṇṇupādāniyaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ dūre.

៩៤១. កតមំ តំ រូបំ អនុបាទិណ្ណុបាទានិយំ សន្តិកេ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណុបាទានិយំ សន្តិកេ។

941. Katamaṃ taṃ rūpaṃ anupādiṇṇupādāniyaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ santike.

៩៤២. កតមំ តំ រូបំ សប្បដិឃំ ឥន្ទ្រិយំ? ចក្ខុន្ទ្រិយំ…បេ.… កាយិន្ទ្រិយំ – ឥទំ តំ រូបំ សប្បដិឃំ ឥន្ទ្រិយំ។

942. Katamaṃ taṃ rūpaṃ sappaṭighaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ sappaṭighaṃ indriyaṃ.

៩៤៣. កតមំ តំ រូបំ សប្បដិឃំ ន ឥន្ទ្រិយំ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ សប្បដិឃំ ន ឥន្ទ្រិយំ។

943. Katamaṃ taṃ rūpaṃ sappaṭighaṃ na indriyaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ sappaṭighaṃ na indriyaṃ.

៩៤៤. កតមំ តំ រូបំ អប្បដិឃំ ឥន្ទ្រិយំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ អប្បដិឃំ ឥន្ទ្រិយំ។

944. Katamaṃ taṃ rūpaṃ appaṭighaṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ appaṭighaṃ indriyaṃ.

៩៤៥. កតមំ តំ រូបំ អប្បដិឃំ ន ឥន្ទ្រិយំ? កាយវិញ្ញត្តិ វចីវិញ្ញត្តិ…បេ.… កពឡីការោ អាហារោ – ឥទំ តំ រូបំ អប្បដិឃំ ន ឥន្ទ្រិយំ។

945. Katamaṃ taṃ rūpaṃ appaṭighaṃ na indriyaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ appaṭighaṃ na indriyaṃ.

៩៤៦. កតមំ តំ រូបំ សប្បដិឃំ មហាភូតំ? ផោដ្ឋព្ពាយតនំ – ឥទំ តំ រូបំ សប្បដិឃំ មហាភូតំ។

946. Katamaṃ taṃ rūpaṃ sappaṭighaṃ mahābhūtaṃ? Phoṭṭhabbāyatanaṃ – idaṃ taṃ rūpaṃ sappaṭighaṃ mahābhūtaṃ.

៩៤៧. កតមំ តំ រូបំ សប្បដិឃំ ន មហាភូតំ? ចក្ខាយតនំ…បេ.… រសាយតនំ – ឥទំ តំ រូបំ សប្បដិឃំ ន មហាភូតំ។

947. Katamaṃ taṃ rūpaṃ sappaṭighaṃ na mahābhūtaṃ? Cakkhāyatanaṃ…pe… rasāyatanaṃ – idaṃ taṃ rūpaṃ sappaṭighaṃ na mahābhūtaṃ.

៩៤៨. កតមំ តំ រូបំ អប្បដិឃំ មហាភូតំ? អាបោធាតុ – ឥទំ តំ រូបំ អប្បដិឃំ មហាភូតំ។

948. Katamaṃ taṃ rūpaṃ appaṭighaṃ mahābhūtaṃ? Āpodhātu – idaṃ taṃ rūpaṃ appaṭighaṃ mahābhūtaṃ.

៩៤៩. កតមំ តំ រូបំ អប្បដិឃំ ន មហាភូតំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ អប្បដិឃំ ន មហាភូតំ។

949. Katamaṃ taṃ rūpaṃ appaṭighaṃ na mahābhūtaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ na mahābhūtaṃ.

៩៥០. កតមំ តំ រូបំ ឥន្ទ្រិយំ ឱឡារិកំ? ចក្ខុន្ទ្រិយំ…បេ.… កាយិន្ទ្រិយំ – ឥទំ តំ រូបំ ឥន្ទ្រិយំ ឱឡារិកំ។

950. Katamaṃ taṃ rūpaṃ indriyaṃ oḷārikaṃ? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ oḷārikaṃ.

៩៥១. កតមំ តំ រូបំ ឥន្ទ្រិយំ សុខុមំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ឥន្ទ្រិយំ សុខុមំ។

951. Katamaṃ taṃ rūpaṃ indriyaṃ sukhumaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ sukhumaṃ.

៩៥២. កតមំ តំ រូបំ ន ឥន្ទ្រិយំ ឱឡារិកំ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ ន ឥន្ទ្រិយំ ឱឡារិកំ។

952. Katamaṃ taṃ rūpaṃ na indriyaṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ oḷārikaṃ.

៩៥៣. កតមំ តំ រូបំ ន ឥន្ទ្រិយំ សុខុមំ? កាយវិញ្ញត្តិ វចីវិញ្ញត្តិ…បេ.… កពឡីការោ អាហារោ – ឥទំ តំ រូបំ ន ឥន្ទ្រិយំ សុខុមំ។

953. Katamaṃ taṃ rūpaṃ na indriyaṃ sukhumaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ sukhumaṃ.

៩៥៤. កតមំ តំ រូបំ ឥន្ទ្រិយំ ទូរេ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ឥន្ទ្រិយំ ទូរេ។

954. Katamaṃ taṃ rūpaṃ indriyaṃ dūre? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ dūre.

៩៥៥. កតមំ តំ រូបំ ឥន្ទ្រិយំ សន្តិកេ? ចក្ខុន្ទ្រិយំ…បេ.… កាយិន្ទ្រិយំ – ឥទំ តំ រូបំ ឥន្ទ្រិយំ សន្តិកេ។

955. Katamaṃ taṃ rūpaṃ indriyaṃ santike? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ santike.

៩៥៦. កតមំ តំ រូបំ ន ឥន្ទ្រិយំ ទូរេ? កាយវិញ្ញត្តិ វចីវិញ្ញត្តិ…បេ.… កពឡីការោ អាហារោ – ឥទំ តំ រូបំ ន ឥន្ទ្រិយំ ទូរេ។

956. Katamaṃ taṃ rūpaṃ na indriyaṃ dūre? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ dūre.

៩៥៧. កតមំ តំ រូបំ ន ឥន្ទ្រិយំ សន្តិកេ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ ន ឥន្ទ្រិយំ សន្តិកេ។

957. Katamaṃ taṃ rūpaṃ na indriyaṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ santike.

៩៥៨. កតមំ តំ រូបំ មហាភូតំ ឱឡារិកំ? ផោដ្ឋព្ពាយតនំ – ឥទំ តំ រូបំ មហាភូតំ ឱឡារិកំ។

958. Katamaṃ taṃ rūpaṃ mahābhūtaṃ oḷārikaṃ? Phoṭṭhabbāyatanaṃ – idaṃ taṃ rūpaṃ mahābhūtaṃ oḷārikaṃ.

៩៥៩. កតមំ តំ រូបំ មហាភូតំ សុខុមំ? អាបោធាតុ – ឥទំ តំ រូបំ មហាភូតំ សុខុមំ។

959. Katamaṃ taṃ rūpaṃ mahābhūtaṃ sukhumaṃ? Āpodhātu – idaṃ taṃ rūpaṃ mahābhūtaṃ sukhumaṃ.

៩៦០. កតមំ តំ រូបំ ន មហាភូតំ ឱឡារិកំ? ចក្ខាយតនំ…បេ.… រសាយតនំ – ឥទំ តំ រូបំ ន មហាភូតំ ឱឡារិកំ។

960. Katamaṃ taṃ rūpaṃ na mahābhūtaṃ oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ oḷārikaṃ.

៩៦១. កតមំ តំ រូបំ ន មហាភូតំ សុខុមំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ន មហាភូតំ សុខុមំ។

961. Katamaṃ taṃ rūpaṃ na mahābhūtaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ sukhumaṃ.

៩៦២. កតមំ តំ រូបំ មហាភូតំ ទូរេ? អាបោធាតុ – ឥទំ តំ រូបំ មហាភូតំ ទូរេ។

962. Katamaṃ taṃ rūpaṃ mahābhūtaṃ dūre? Āpodhātu – idaṃ taṃ rūpaṃ mahābhūtaṃ dūre.

៩៦៣. កតមំ តំ រូបំ មហាភូតំ សន្តិកេ? ផោដ្ឋព្ពាយតនំ – ឥទំ តំ រូបំ មហាភូតំ សន្តិកេ។

963. Katamaṃ taṃ rūpaṃ mahābhūtaṃ santike? Phoṭṭhabbāyatanaṃ – idaṃ taṃ rūpaṃ mahābhūtaṃ santike.

៩៦៤. កតមំ តំ រូបំ ន មហាភូតំ ទូរេ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ ន មហាភូតំ ទូរេ។

964. Katamaṃ taṃ rūpaṃ na mahābhūtaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ dūre.

៩៦៥. កតមំ តំ រូបំ ន មហាភូតំ សន្តិកេ? ចក្ខាយតនំ…បេ.… រសាយតនំ – ឥទំ តំ រូបំ ន មហាភូតំ សន្តិកេ។

965. Katamaṃ taṃ rūpaṃ na mahābhūtaṃ santike? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ santike.

៩៦៦. រូបាយតនំ ទិដ្ឋំ, សទ្ទាយតនំ សុតំ, គន្ធាយតនំ រសាយតនំ ផោដ្ឋព្ពាយតនំ មុតំ, សព្ពំ រូបំ មនសា វិញ្ញាតំ រូបំ។

966. Rūpāyatanaṃ diṭṭhaṃ, saddāyatanaṃ sutaṃ, gandhāyatanaṃ rasāyatanaṃ phoṭṭhabbāyatanaṃ mutaṃ, sabbaṃ rūpaṃ manasā viññātaṃ rūpaṃ.

ឯវំ ចតុព្ពិធេន រូបសង្គហោ។

Evaṃ catubbidhena rūpasaṅgaho.

ចតុក្កំ។

Catukkaṃ.

បញ្ចកំ

Pañcakaṃ

៩៦៧. កតមំ តំ រូបំ បថវីធាតុ? យំ កក្ខឡំ ខរគតំ ¹³ កក្ខឡត្តំ កក្ខឡភាវោ អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ បថវីធាតុ។

967. Katamaṃ taṃ rūpaṃ pathavīdhātu? Yaṃ kakkhaḷaṃ kharagataṃ ¹⁴ kakkhaḷattaṃ kakkhaḷabhāvo ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ pathavīdhātu.

៩៦៨. កតមំ តំ រូបំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ អាបោធាតុ។

968. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ āpodhātu.

៩៦៩. កតមំ តំ រូបំ តេជោធាតុ? យំ តេជោ តេជោគតំ ឧស្មា ឧស្មាគតំ ឧសុមំ ឧសុមគតំ អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ តេជោធាតុ។

969. Katamaṃ taṃ rūpaṃ tejodhātu? Yaṃ tejo tejogataṃ usmā usmāgataṃ usumaṃ usumagataṃ ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ tejodhātu.

៩៧០. កតមំ តំ រូបំ វាយោធាតុ? យំ វាយោ វាយោគតំ ថម្ភិតត្តំ រូបស្ស អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ វាយោធាតុ។

970. Katamaṃ taṃ rūpaṃ vāyodhātu? Yaṃ vāyo vāyogataṃ thambhitattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ vāyodhātu.

៩៧១. កតមំ តំ រូបំ ឧបាទា? ចក្ខាយតនំ…បេ.… កពឡីការោ អាហារោ – ឥទំ តំ រូបំ ឧបាទា។

971. Katamaṃ taṃ rūpaṃ upādā? Cakkhāyatanaṃ…pe… kabaḷīkāro āhāro – idaṃ taṃ rūpaṃ upādā.

ឯវំ បញ្ចវិធេន រូបសង្គហោ។

Evaṃ pañcavidhena rūpasaṅgaho.

បញ្ចកំ។

Pañcakaṃ.

ឆក្កំ

Chakkaṃ

៩៧២. រូបាយតនំ ចក្ខុវិញ្ញេយ្យំ រូបំ, សទ្ទាយតនំ សោតវិញ្ញេយ្យំ រូបំ, គន្ធាយតនំ ឃានវិញ្ញេយ្យំ រូបំ, រសាយតនំ ជិវ្ហាវិញ្ញេយ្យំ រូបំ, ផោដ្ឋព្ពាយតនំ កាយវិញ្ញេយ្យំ រូបំ, សព្ពំ រូបំ មនោវិញ្ញេយ្យំ រូបំ។

972. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, sabbaṃ rūpaṃ manoviññeyyaṃ rūpaṃ.

ឯវំ ឆព្ពិធេន រូបសង្គហោ។

Evaṃ chabbidhena rūpasaṅgaho.

ឆក្កំ។

Chakkaṃ.

សត្តកំ

Sattakaṃ

៩៧៣. រូបាយតនំ ចក្ខុវិញ្ញេយ្យំ រូបំ, សទ្ទាយតនំ សោតវិញ្ញេយ្យំ រូបំ, គន្ធាយតនំ ឃានវិញ្ញេយ្យំ រូបំ, រសាយតនំ ជិវ្ហាវិញ្ញេយ្យំ រូបំ, ផោដ្ឋព្ពាយតនំ កាយវិញ្ញេយ្យំ រូបំ, រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ មនោធាតុវិញ្ញេយ្យំ រូបំ, សព្ពំ រូបំ មនោវិញ្ញាណធាតុវិញ្ញេយ្យំ រូបំ។

973. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

ឯវំ សត្តវិធេន រូបសង្គហោ។

Evaṃ sattavidhena rūpasaṅgaho.

សត្តកំ។

Sattakaṃ.

អដ្ឋកំ

Aṭṭhakaṃ

៩៧៤. រូបាយតនំ ចក្ខុវិញ្ញេយ្យំ រូបំ, សទ្ទាយតនំ សោតវិញ្ញេយ្យំ រូបំ, គន្ធាយតនំ ឃានវិញ្ញេយ្យំ រូបំ, រសាយតនំ ជិវ្ហាវិញ្ញេយ្យំ រូបំ, មនាបិយោ ផោដ្ឋព្ពោ សុខសម្ផស្សោ កាយវិញ្ញេយ្យំ រូបំ, អមនាបិយោ ផោដ្ឋព្ពោ ទុក្ខសម្ផស្សោ កាយវិញ្ញេយ្យំ រូបំ, រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ មនោធាតុវិញ្ញេយ្យំ រូបំ, សព្ពំ រូបំ មនោវិញ្ញាណធាតុវិញ្ញេយ្យំ រូបំ។

974. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, manāpiyo phoṭṭhabbo sukhasamphasso kāyaviññeyyaṃ rūpaṃ, amanāpiyo phoṭṭhabbo dukkhasamphasso kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

ឯវំ អដ្ឋវិធេន រូបសង្គហោ។

Evaṃ aṭṭhavidhena rūpasaṅgaho.

អដ្ឋកំ។

Aṭṭhakaṃ.

នវកំ

Navakaṃ

៩៧៥. កតមំ តំ រូបំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ ចក្ខុន្ទ្រិយំ ។

975. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ .

៩៧៦. កតមំ តំ រូបំ សោតិន្ទ្រិយំ…បេ.… ឃានិន្ទ្រិយំ…បេ.… ជិវ្ហិន្ទ្រិយំ…បេ.… កាយិន្ទ្រិយំ …បេ.… ឥត្ថិន្ទ្រិយំ…បេ.… បុរិសិន្ទ្រិយំ…បេ.… ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ។

976. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ …pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

៩៧៧. កតមំ តំ រូបំ ន ឥន្ទ្រិយំ? រូបាយតនំ…បេ.… កពឡីការោ អាហារោ – ឥទំ តំ រូបំ ន ឥន្ទ្រិយំ។

977. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

ឯវំ នវវិធេន រូបសង្គហោ។

Evaṃ navavidhena rūpasaṅgaho.

នវកំ។

Navakaṃ.

ទសកំ

Dasakaṃ

៩៧៨. កតមំ តំ រូបំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ ចក្ខុន្ទ្រិយំ។

978. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

៩៧៩. កតមំ តំ រូបំ សោតិន្ទ្រិយំ…បេ.… ឃានិន្ទ្រិយំ…បេ.… ជិវ្ហិន្ទ្រិយំ…បេ.… កាយិន្ទ្រិយំ…បេ.… ឥត្ថិន្ទ្រិយំ…បេ.… បុរិសិន្ទ្រិយំ…បេ.… ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ។

979. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ…pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

៩៨០. កតមំ តំ រូបំ ន ឥន្ទ្រិយំ សប្បដិឃំ? រូបាយតនំ…បេ.… ផោដ្ឋព្ពាយតនំ – ឥទំ តំ រូបំ ន ឥន្ទ្រិយំ សប្បដិឃំ។

980. Katamaṃ taṃ rūpaṃ na indriyaṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ sappaṭighaṃ.

៩៨១. កតមំ តំ រូបំ ន ឥន្ទ្រិយំ អប្បដិឃំ? កាយវិញ្ញត្តិ…បេ.… កពឡីការោ អាហារោ – ឥទំ តំ រូបំ ន ឥន្ទ្រិយំ អប្បដិឃំ។

981. Katamaṃ taṃ rūpaṃ na indriyaṃ appaṭighaṃ? Kāyaviññatti…pe… kabaḷīkāro āhāro – idaṃ taṃ rūpaṃ na indriyaṃ appaṭighaṃ.

ឯវំ ទសវិធេន រូបសង្គហោ។

Evaṃ dasavidhena rūpasaṅgaho.

ទសកំ។

Dasakaṃ.

ឯកាទសកំ

Ekādasakaṃ

៩៨២. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ.… សុញ្ញោ គាមោ បេសោ – ឥទំ តំ រូបំ ចក្ខាយតនំ ។

982. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ .

៩៨៣. កតមំ តំ រូបំ សោតាយតនំ…បេ.… ឃានាយតនំ…បេ.… ជិវ្ហាយតនំ…បេ.… កាយាយតនំ…បេ.… រូបាយតនំ…បេ.… សទ្ទាយតនំ…បេ.… គន្ធាយតនំ…បេ.… រសាយតនំ…បេ.… ផោដ្ឋព្ពាយតនំ? បថវីធាតុ…បេ.… ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ។

983. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ…pe… rūpāyatanaṃ…pe… saddāyatanaṃ…pe… gandhāyatanaṃ…pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

៩៨៤. កតមំ តំ រូបំ អនិទស្សនំ អប្បដិឃំ ធម្មាយតនបរិយាបន្នំ? ឥត្ថិន្ទ្រិយំ…បេ.… កពឡីការោ អាហារោ – ឥទំ តំ រូបំ អនិទស្សនំ អប្បដិឃំ ធម្មាយតនបរិយាបន្នំ។

984. Katamaṃ taṃ rūpaṃ anidassanaṃ appaṭighaṃ dhammāyatanapariyāpannaṃ? Itthindriyaṃ…pe… kabaḷīkāro āhāro – idaṃ taṃ rūpaṃ anidassanaṃ appaṭighaṃ dhammāyatanapariyāpannaṃ.

ឯវំ ឯកាទសវិធេន រូបសង្គហោ។

Evaṃ ekādasavidhena rūpasaṅgaho.

ឯកាទសកំ។

Ekādasakaṃ.

អដ្ឋមភាណវារោ។

Aṭṭhamabhāṇavāro.

រូបវិភត្តិ។

Rūpavibhatti.

រូបកណ្ឌំ និដ្ឋិតំ។

Rūpakaṇḍaṃ niṭṭhitaṃ.

Next: ៣. និក្ខេបកណ្ឌំ • 3. Nikkhepakaṇḍaṃ

Footnotes: